Book List

<h2 style="text-align: center;">​အပိုင်း (၅၅၂)</h2> <h2 style="text-align: center;">စကိုင်လက်တီယမ်စခန်းကို တိုက်ခိုက်ခြင်းနှင့် ကာကွယ်ခြင်း (၃)</h2> <h2 style="text-align: center;">*</h2> <p> </p> <p> </p> <p>​သီအိုနီယာ အပေါ့စား ခြေလျင်တပ်တွေ မျှော်စင်ကို တိုက်ခိုက်ဖို့ အာရုံစိုက်နေချိန်မှာ၊ ဆီရာကျု  အပေါ့စား ခြေလျင်တပ်တွေက မျှော်စင်ပေါ်ကနေ လှံတိုတွေ ပစ်ကြတယ်။ ပြီးတော့ ဝိုင်းရံတိုက်ပွဲသုံး လှည်းတွေ အကာအကွယ်နဲ့ ကတုတ်မြောင်းနား ပြေးလာပြီး သစ်သား တံတိုင်းပေါ်က သီအိုနီယာ တွေကို လှမ်းပစ်ကြတယ်။ ဒါ့အပြင် မြို့ရိုးကို မီးမြှားတွေနဲ့လည်း ပစ်ကြသေးတယ်။</p> <p>​သီအိုနီယာ လီဂျင် တပ်သားတွေက မျှော်စင်ပေါ်က လှံတို၊ အောက်က လှံတိုတွေကို ကာကွယ်ရသလို၊ မြို့ရိုး မီးမလောင်အောင်၊ ရန်သူတွေ လှေကားနဲ့ တက်မလာအောင် တားဆီးရတာနဲ့ အလုပ်ရှုပ်ပြီး ဖိအား များနေတယ်။</p> <p>​"ဝိုင်းရံတိုက်ပွဲသုံး လှည်း! ရန်သူ့ ဝိုင်းရံတိုက်ပွဲသုံး လှည်း တံတိုင်းနား ရောက်လာပြီ!"</p> <p>​တပ်သား တစ်ယောက် အလန့်တကြား အော်လိုက်တယ်။</p> <p>​မာတိုနစ် (Matonis) တက်လာတဲ့ ရန်သူ တစ်ယောက်ကို ခုတ်ချပြီးနောက်၊ အောက်ကို အမြန် ငုံ့ကြည့်လိုက်တယ်။ မီးလောင်နေတဲ့ စက်ပစ္စည်း ပုံတွေကြားကနေ ဝိုင်းရံတိုက်ပွဲသုံး လှည်း တစ်စီး အကောင်းအတိုင်း ဖြတ်လာပြီး၊ မြေကြီးနဲ့ ဖို့ထားတဲ့ ကတုတ်မြောင်းကို ကျော်ကာ တံတိုင်းနား ကပ်လာတာ တွေ့လိုက်ရတယ်။</p> <p>​"ကတ္တရာစေး လောင်းချ!"</p> <p>​မာတိုနစ် အလောတကြီး အော်လိုက်တယ်။</p> <p>​"ဒေါင်!"</p> <p>​သူ့ဆီ လာတဲ့ လှံတို တစ်ချောင်းကို တပ်သား တစ်ယောက်က ဒိုင်းရှည်နဲ့ ကာပေးလိုက်တယ်။</p> <p>​"လီဂျင်တပ်မှူး... လောင်စာဆီ ကုန်နေပြီ!"</p> <p>​တပ်သား တစ်ယောက် စိတ်ပျက်လက်ပျက် အော်ပြောတယ်။</p> <p>​"စခန်းထဲ သွားရှာ! ကတ္တရာစေး ကျန်သေးလား သွားကြည့်!"</p> <p>​အစောင့်တွေကို မှာကြားပြီးနောက်၊ တပ်သားတွေကို အမိန့်ပေးလိုက်တယ်။</p> <p>​"အဲဒါကို ဖျက်ဆီး!"</p> <p>​သစ်တုံးတွေ၊ ကျောက်တုံးတွေနဲ့ ပစ်ပေမယ့် ဝိုင်းရံတိုက်ပွဲသုံး လှည်းကို သိပ်မထိခိုက်ဘူး။ အဲဒီအစား လှည်း အကာအကွယ်အောက်မှာ ဆီရာကျုတွေက သစ်သား တံတိုင်းကို သစ်တုံးကြီး (Battering ram) နဲ့ ဆောင့်တိုက်ကြတယ်။ တံတိုင်းကြီး တုန်ခါသွားပြီး "ကျွီ... ကျွီ" အသံတွေ ထွက်ပေါ်လာတယ်။ တံတိုင်းပေါ် တက်နေတဲ့ ဆီရာကျု တပ်သားတချို့တောင် ကတုတ်မြောင်းထဲ ပြုတ်ကျကုန်တယ်။</p> <p>​မာတိုနစ် တံတိုင်း ဘောင်ကို လက်နှစ်ဖက်နဲ့ ကိုင်ပြီး ဒီအခြေအနေကို ဘယ်လို ဖြေရှင်းရမလဲ စိုးရိမ်တကြီး စဉ်းစားနေတုန်း... နောက်က တစ်ယောက် အော်လိုက်တယ်။</p> <p>​"မီးလောင်ပြီ! သစ်သား တံတိုင်း မီးလောင်နေပြီ!"</p> <p>​. . . . . . . . . . . . .</p> <p>​"ဘုရင်မင်းမြတ်... စတုတ္ထ လီဂျင်တပ်မ တာဝန်ယူထားတဲ့ အပိုင်းမှာ ဆီရာကျုတွေ ဆီအိုးတွေ၊ မီးမြှားတွေနဲ့ ပစ်လို့ မီးလောင်ပါတယ်။ မီးငြှိမ်းလိုက်နိုင်ပေမယ့် ၁၀ မီတာလောက် မီးလောင်သွားပါတယ်။ ကံကောင်းလို့ အဲဒီ နေရာမှာ ကတုတ်မြောင်းကို မဖို့ရသေးလို့ ရန်သူ ချက်ချင်း ဝင်မလာနိုင်ပါဘူး။ ပြီးတော့ အက်ပီဖန်းနီးစ် (Epiphanes) က စတုတ္ထ လီဂျင် က သံချပ်ကာ ပါးပါးပဲ ဝတ်ထားတဲ့ တပ်မဟာ တစ်ခု (Light-armoured brigade) ကို တံတိုင်း နောက်မှာ ခံစစ်ပြင်ခိုင်းထားပါတယ်..."</p> <p>​တော်လ်မီးဒီးစ် (Tolmides) က အရေးကြီးတဲ့ အခြေအနေကို ဒါးဗို့စ် (Davos) ဆီ သတင်းပို့တယ်။ ဒါးဗို့စ် က တဲအပြင် ထွက်ပြီး စတုတ္ထ နဲ့ သတ္တမ လီဂျင် တွေကို စောင့်ကြည့်နေတယ်။</p> <p>​ဒါးဗို့စ် မျက်မှောင်ကြုတ်ပြီး ရှေ့က သံချပ်ကာ ပါးပါး ဝတ်ထားတဲ့ တပ်မဟာကို ကြည့်လိုက်တယ်။ ခဏ စဉ်းစားပြီးမှ ပြောလိုက်တယ်။</p> <p>​"ဒိုင်ယွန်နီးစီးယပ်စ် (Dionysius) က ငါ့အလယ်စခန်းကို တိုက်ဖို့ ဆုံးဖြတ်ထားပုံပဲ။ ဆီရာကျုတွေ စခန်းကို ဖောက်ဝင်ဖို့ အချိန် လိုသေးပေမယ့်၊ ဒီလောက် လူအများကြီးရဲ့ တိုက်စစ်ကို စတုတ္ထ နဲ့ သတ္တမ လီဂျင် နှစ်ခုတည်းနဲ့ တားဖို့ ခက်လိမ့်မယ်... တော်လ်မီးဒီးစ်!"</p> <p>​"ဗျာ!"</p> <p>​"ဘယ်၊ ညာ စခန်းတွေက ဒုတိယ၊ ပဉ္စမ၊ ဆဋ္ဌမ လီဂျင် တွေကို အလယ်စခန်းဆီ ချက်ချင်း လာဖို့ သွားပြော!"</p> <p>​ဒါးဗို့စ် ပြတ်ပြတ်သားသား အမိန့်ပေးလိုက်တော့ တော်လ်မီးဒီးစ် လန့်သွားတယ်။</p> <p>​"ဘုရင်မင်းမြတ်... တပ်တွေ အကုန် ဆုတ်လိုက်ရင်... ဟိုစခန်း ၂ ခု ဘယ်လို လုပ်မလဲ?!"</p> <p>​"ဒိုင်ယွန်နီးစီးယပ်စ် လိုချင်ရင် ပေးလိုက်ပေါ့"</p> <p>​ဒါးဗို့စ် ပေါ့ပေါ့ပါးပါး ပြောလိုက်တယ်။ တပ်သားတွေ ရက်ပေါင်းများစွာ ကြိုးစား ဆောက်လုပ်ထားတာတွေ အလကား ဖြစ်သွားပြီပေါ့။</p> <p>​"နေဦး... အကုန် မဆုတ်ခိုင်းနဲ့။ အပေါ့စား ခြေလျင်တပ်တွေကို ခဏ ချန်ထားခဲ့။ ရန်သူ တိုက်လာရင် နည်းနည်းပါးပါး သတ်လို့ ရသေးတာပေါ့"</p> <p>​ဒါးဗို့စ် အလေးအနက် မှာလိုက်တယ်။</p> <p>​"ဟုတ်ကဲ့ ဘုရင်မင်းမြတ်!"</p> <p>​တော်လ်မီးဒီးစ် ထွက်သွားမလို့ လုပ်တုန်း၊ ရှေ့က အာမေဋိတ်သံ ကြားလိုက်ရတယ်။ ပြီးတော့ "ဂြွမ်း" ဆိုတဲ့ အသံကျယ်ကြီးနဲ့ အတူ သစ်သား တံတိုင်းမှာ အပေါက်ကြီး ဖြစ်သွားတယ်။</p> <p>​"ဘုရင်မင်းမြတ်... ရန်သူတွေ ဝိုင်းရံတိုက်ပွဲသုံး ပစ္စည်းနဲ့ တံတိုင်း တစ်နေရာကို ဖျက်ဆီးလိုက်ပါပြီ!"</p> <p>​ပြန်ရောက်လာတဲ့ အမိန့်ပြန်တမ်း တပ်သား အော်ပြောလိုက်တယ်။</p> <p>​ဒါးဗို့စ် တည်ငြိမ်စွာနဲ့ နောက်လှည့်ပြီး အော်လိုက်တယ်။</p> <p>​"အစ်ဇမ် (Izam)!"</p> <p>​"ညီအစ်ကိုတို့! ငါ့နောက်လိုက်ခဲ့!!"</p> <p>​အကြာကြီး စောင့်နေရတဲ့ အစ်ဇမ် က တောင်ပေါ် ကင်းထောက် တပ်မဟာ ကို ဦးဆောင်ပြီး အပေါက်ဆီ ပြေးသွားတယ်။</p> <p>​ဒါမြင်တော့ တော်လ်မီးဒီးစ် ခြေလှမ်း သွက်လိုက်တယ်။</p> <p>​. . . . . . . . . . . . .</p> <p>​"အရှင်မင်းကြီး... သီအိုနီယာ ဘယ်၊ ညာ စခန်းတွေက တပ်သားတွေ အလယ်စခန်းဆီ စပြေးနေပါပြီ!"</p> <p>​မြင်းစီး ကင်းထောက် သတင်းပို့တာ ကြားတော့ ဒိုင်ယွန်နီးစီးယပ်စ် စိတ်လှုပ်ရှားစွာ မတ်တပ်ရပ်လိုက်တယ်။</p> <p>​"ဒါးဗို့စ် နောက်ဆုံးတော့ အလိမ်ခံလိုက်ရပြီ! သီအိုနီယာ ဘယ်ဘက် စခန်းကို တိုက်ဖို့ တပ်တွေ ချက်ချင်း စုစည်း!"</p> <p>​"ဟုတ်ကဲ့!"</p> <p>​သီအိုနီယာ အလယ်စခန်းက စကိုင်လက်တီယမ် (Scylletium) အနောက်ဘက် မြို့ရိုးနဲ့ မျက်နှာချင်းဆိုင် ဖြစ်ပြီး၊ ဘယ်၊ ညာ စခန်းတွေက လက်နှစ်ဖက် ဆန့်ပြီး မြို့မြောက်ဘက်နဲ့ တောင်ဘက်ကို ဝိုင်းထားသလို ဖြစ်နေတယ်။ သီအိုနီယာ ဘယ်ဘက် စခန်းမှာ ပဉ္စမ လီဂျင် နဲ့ ဆဋ္ဌမ လီဂျင် အများစု ရှိတယ်။ ပဉ္စမ လီဂျင် က စစ်ပွဲမှာ အထိနာဆုံး ဖြစ်ခဲ့လို့ လူသစ် ဖြည့်ထားပေမယ့် အရင်လို အင်အား မရှိတော့ဘူး။ ဆဋ္ဌမ လီဂျင် ကတော့ စစ်ပြီးမှ ဖွဲ့စည်းထားတာ၊ ကရိုတွန် (Crotone) တိုက်ပွဲ တစ်ပွဲပဲ ပါဖူးသေးတယ်။ ဒါကြောင့် တပ်သား အရည်အသွေး ဖြစ်ဖြစ်၊ အဖွဲ့လိုက် လုပ်ဆောင်မှု ဖြစ်ဖြစ်... ညာဘက် စခန်းမှာ ရှိတဲ့ ဒုတိယ လီဂျင် နဲ့ ဆဋ္ဌမ လီဂျင် အနည်းငယ်ရဲ့ ပူးပေါင်းမှုကို မယှဉ်နိုင်ဘူး။ စခန်း ၂ ခု ရှေ့က ထောင်ချောက်တွေကို ကြည့်ရင်တောင် အင်အား ကွာခြားမှု သိသာတယ်။</p> <p>​ရက်အနည်းငယ် အခြေအနေ စောင့်ကြည့်ပြီးနောက်၊ ဒိုင်ယွန်နီးစီးယပ်စ် က သီအိုနီယာ တပ်မတော်ရဲ့ အားအနည်းဆုံး နေရာကနေ စတိုက်ဖို့ သဘာဝကျကျ ရွေးချယ်လိုက်တယ်။</p> <p>​စကိုင်လက်တီယမ် မြောက်ဘက် တံခါး ပွင့်သွားပြီး ဒိုင်ယွန်နီးစီးယပ်စ် ကိုယ်တိုင် ဦးဆောင်တဲ့ လူ ၂၀,၀၀၀ နီးပါး ထွက်လာကြတယ်။ ပြန်လည် ဖွဲ့စည်းထားပြီး သံချပ်ကာ အတော်အသင့် ပြည့်စုံတဲ့ ဆီရာကျု အထက်တန်းလွှာ တပ်သား ၁၀,၀၀၀ ကျော် နဲ့ သစ်သား ဒိုင်း၊ လှံ ကိုင်ထားတဲ့ လွတ်လပ်သူ (Freemen) ထောင်ပေါင်းများစွာ ပါဝင်တယ်။</p> <p>​. . . . . . . . . . . . .</p> <p>​သတင်းက သီအိုနီယာ အလယ်စခန်းဆီ အမြန် ရောက်လာတယ်။ ဟန်နီပိုလစ် (Henipolis) အော်ပြောလိုက်တယ်။</p> <p>​"ဘုရင်မင်းမြတ်... ကျွန်တော်တို့ ဘယ်ဘက် စခန်း ခံနိုင်တော့မယ် မထင်ဘူး!"</p> <p>​"ငါ ပြောပြီးပြီလေ... ဒိုင်ယွန်နီးစီးယပ်စ် လိုချင်ရင် ပေးလိုက်ပါစေ လို့"</p> <p>​ဒါးဗို့စ် တည်ငြိမ်စွာ ပြောတယ်။</p> <p>​"စခန်းကို ဖောက်ဝင်နိုင်ရင် ငါတို့ကို ချေမှုန်းနိုင်ပြီ လို့ သူ ထင်နေတာ။ တကယ်တော့ ငါတို့ ထောင်ချောက်ထဲ တည့်တည့် ဝင်လာမှန်း သူ မသိရှာဘူး။ အခု ဒိုင်ယွန်နီးစီးယပ်စ် က တိုက်ပွဲ ရလဒ်ကိုပဲ အာရုံစိုက်နေတော့ စစ်ပွဲ အခြေအနေ တစ်ခုလုံးကို ထည့်မစဉ်းစားနိုင်တော့ဘူး..."</p> <p>​ဟန်နီပိုလစ် စိတ်နဲ့ကိုယ် မကပ်ဘဲ ခေါင်းညိတ်ရင်း ဒါးဗို့စ် ပြောတာတွေကို ပါပီရပ်စ် (Papyrus) ပေါ် ရေးမှတ်လိုက်တယ်။</p> <p>​"တော်လ်မီးဒီးစ်!"</p> <p>​"ဗျာ!"</p> <p>​"ဖီးလီးစီးယပ်စ် (Philesius) နဲ့ အိုလီဗို့စ် (Olivos) ကို သတင်းပို့။ အရှေ့ဘက် သစ်သား တံတိုင်းနဲ့ မီတာ ၂၀ အကွာမှာ ဖာလင့် (Phalanx) ပုံစံ နဲ့ တပ်စီခိုင်းထား။ ပြီးတော့ အမင်တပ်စ် (Amintas) ဦးဆောင်တဲ့ ဒုတိယ လီဂျင် ကို အလယ်စခန်း မြောက်ဘက် တံတိုင်းမှာ အသင့်စောင့်ခိုင်းထား။ ဘယ်ဘက် စခန်းကို သိမ်းပြီး ဒီဘက် ဆက်လာမယ့် ရန်သူကို ကာကွယ်ဖို့။</p> <p>​ပြီးတော့... အားလုံး အဆင်သင့် ဖြစ်တာနဲ့၊ မာတိုနစ် နဲ့ အက်ပီဖန်းနီးစ် ကို အပေါက်တွေ ပိတ်ဖို့ လူထပ်မလွှတ်ခိုင်းနဲ့တော့။ ရန်သူ ဝင်လာပါစေ"</p> <p>​"နားလည်ပါပြီ!"</p> <p>​အမိန့်တွေ တစ်ဆက်တည်း ပေးပြီးနောက် ဒါးဗို့စ် သက်ပြင်းချလိုက်တယ်။ ကြောင်တောင်တောင် ဖြစ်နေတဲ့ ဟန်နီပိုလစ် ကို လှည့်ကြည့်ပြီး ရှင်းပြလိုက်တယ်။</p> <p>​"ဘယ်၊ ညာ စခန်းတွေ ဆုံးရှုံးတာ ငါတို့ အတွက် အရေးမကြီးဘူး။ မူလ ရည်ရွယ်ချက်က ဆီရာကျု အသေအပျောက် များစေဖို့၊ ဒိုင်ယွန်နီးစီးယပ်စ် ရဲ့ အထက်တန်းလွှာ တပ်သားတွေ ဆုံးရှုံးပြီး အသာစီး မရတော့အောင် လုပ်ဖို့။ ဒါပေမဲ့ အခု ဒိုင်ယွန်နီးစီးယပ်စ် က မြို့အကာအကွယ်ကနေ ထွက်ပြီး ငါတို့ကို လာတိုက်ပြီ ဆိုတော့... သူ ရှုံးဖို့ သေချာသလောက် ဖြစ်သွားပြီ..."</p> <p>​. . . . . . . . . . . . .</p> <p>​ဒိုင်ယွန်နီးစီးယပ်စ် က လူမရှိတဲ့ ဘယ်ဘက် စခန်းကို တိုက်တာ အသေအပျောက် နည်းနည်း ရှိပေမယ့်၊ လွယ်လွယ်ကူကူပဲ သိမ်းနိုင်ခဲ့တယ်။ သူ ထင်တာက... အလယ်စခန်းကို ပြင်းပြင်းထန်ထန် တိုက်ခိုက်လို့ ဒါးဗို့စ် ဇဝေဇဝါ ဖြစ်ပြီး ဘယ်ဘက် စခန်းက အင်အားကြီး တပ်တွေကို ရွှေ့လိုက်တာ နေမှာပေါ့။ ကံဆိုးတာက အောင်ပွဲကို ခံစားဖို့ အချိန်မရှိဘူး။ တပ်မတော်ကြီးကို ဦးဆောင်ပြီး သီအိုနီယာ အလယ်စခန်းကို ဆက်တိုက်ရဦးမယ်။ ဒီတစ်ခါ ပေးဆပ်ရမယ့် တန်ဖိုး ပိုကြီးလိမ့်မယ်။ အချိန် မဆွဲဘဲ ဘေးကနေ ဝင်တိုက်ပြီး သီအိုနီယာ တွေကို အမြန် ချေမှုန်းရမယ်!</p> <p>​တဲတွေ ကြားက တောင်ဘက် လမ်းကြောင်း အတိုင်း အမြန် ပြေးလာရင်း၊ တိုက်ခိုက်သံတွေ၊ အော်ဟစ်သံတွေ ပိုကျယ်လောင် ပိုရှင်းလင်းလာတာ ကြားရတယ်။</p> <p>​'ရောက်တော့မယ်!'</p> <p>​ဒိုင်ယွန်နီးစီးယပ်စ် ပိုစိတ်လှုပ်ရှားလာတယ်။</p> <p>​ဒါပေမဲ့ တဲတွေကို ကျော်လိုက်တာနဲ့... အံ့သြပြီး ရပ်တန့်သွားတယ်။ မီတာ ၂၀ အကွာလောက်မှာ မြင့်မား ရှည်လျားတဲ့ သစ်သား တံတိုင်းကြီး တစ်ခုက လမ်းကို ပိတ်ဆို့ထားတယ်။ တံတိုင်း ရှေ့မှာ ကတုတ်မြောင်းပါ ရှိသေးတယ်!</p> <p>​"ဘယ်လို ဖြစ်တာလဲ?! သီအိုနီယာ တွေက ခြံစည်းရိုး ခတ်ရုံ မဟုတ်ဘဲ၊ စခန်း တစ်ခုလုံး အတွင်းပိုင်းမှာ သစ်သား တံတိုင်း ထူထူကြီး ဆောက်၊ ကတုတ်မြောင်း ကျယ်ကျယ်ကြီး တူးထားတာလား?!!"</p> <p>​ဒိုင်ယွန်နီးစီးယပ်စ် ရဲ့ နိုင်မယ် ဆိုတဲ့ မျှော်လင့်ချက် ရိုက်ချိုးခံလိုက်ရပြီ။ ရှုံးနိမ့်ခြင်း ကြောက်ရွံ့မှုနဲ့ ဆုံးရှုံးမှု ခံစားချက်ကြီးက ပြတ်သားတဲ့ သူကိုတောင် နာကြည်း ဒေါသထွက်စွာ အော်ဟစ်စေတယ်။</p> <p>​"သခင်ကြီး... သတိထား!"</p> <p>​သစ်သား တံတိုင်းပေါ်က ဒုတိယ လီဂျင် အပေါ့စား ခြေလျင်တပ်တွေက မြှားမိုး၊ လှံမိုး ရွာချလိုက်တော့၊ ဆီရာကျု တပ်သားတွေ ဒိုင်းဝိုင်းတွေ မြှောက်ပြီး ကာကွယ်ကြတယ်။ အစောင့်တွေက ဒိုင်ယွန်နီးစီးယပ်စ် ကို အမြန် ဝိုင်းပြီး ကာကွယ်ပေးကြတယ်။</p> <p>​မြှားတွေနဲ့ ဒိုင်းတွေ ထိခတ်သံတွေက ဒိုင်ယွန်နီးစီးယပ်စ် ကို ပိုစိုးရိမ်စေတယ်။ သီအိုနီယာ တွေက အလယ်စခန်းကို သစ်သား တံတိုင်း၊ ကတုတ်မြောင်းတွေနဲ့ ကာကွယ်ထားတာ ကြည့်ရင်၊ ဘယ်၊ ညာ စခန်းတွေကို စွန့်လွှတ်ဖို့ ရည်ရွယ်ထားပုံပဲ။ ကံဆိုးတာက အပြင်ဘက်က သစ်သား တံတိုင်းနဲ့ ထောင်ချောက်တွေက စခန်း တစ်ခုလုံးကို ကွယ်ထားတော့၊ အတွင်းပိုင်း အခြေအနေကို ဆီရာကျုတွေ မသိခဲ့ကြဘူး။ ပြီးတော့ ဆွေးနွေးပွဲ လာတိုင်း သီအိုနီယာ တွေက သံတမန် မျက်လုံးကို စည်းထားတော့ စခန်း အကြောင်း ဘာမှ မသိခဲ့ရဘူး...</p> <p>​'ဒါးဗို့စ် ငါ့ကို ထပ်လှည့်စားလိုက်ပြန်ပြီလား?!'</p> <p>​ဘယ်ဘက် စခန်းကို ဖောက်ဝင်ပြီး တောင်ဘက် ဆက်ဆင်းရင် သီအိုနီယာ အလယ်စခန်းထဲ ဝင်ဖို့ လွယ်မယ် လို့ ဒိုင်ယွန်နီးစီးယပ်စ် ထင်ခဲ့တာ။ ဒါကြောင့် တပ်သားတွေက လှေကားလောက်ပဲ သယ်လာပြီး ဝိုင်းရံတိုက်ပွဲသုံး ပစ္စည်းတွေ မပါလာဘူး။ မျှော်စင်ကြီးတွေ၊ လှည်းကြီးတွေကို စခန်းထဲ တွန်းသွင်းဖို့လည်း မဖြစ်နိုင်ဘူး။ ဒါကြောင့် အလယ်စခန်း ခံစစ်ကို ရင်ဆိုင်ရတော့ ဆီရာကျုတွေ ဘာလုပ်ရမှန်း မသိ ဖြစ်ကုန်ကြတယ်။</p> <p>​အချိန်တွေ၊ လူအင်အားတွေ အများကြီး သုံးပြီး စီစဉ်ခဲ့တဲ့ တိုက်ခိုက်မှု ကျရှုံးသွားတော့ ဒိုင်ယွန်နီးစီးယပ်စ် အကြီးအကျယ် စိတ်ပျက်သွားတယ်။ ခေါင်းရှုပ်ထွေးသွားပြီး ဒါးဗို့စ် နာမည်ကို တီးတိုး ရေရွတ်နေမိတယ်။ လက်ရှိ အခက်အခဲကို ဖြေရှင်းမယ့် နည်းလမ်းကောင်း ရှာမတွေ့နိုင်ဘူး ဖြစ်နေတယ်။</p> <p>​</p> <p> </p> <p style="text-align: center;">အပိုင်း (၅၅၂) ပြီးဆုံး</p> <p style="text-align: center;">***</p>


Save