Book List

<h2 style="text-align: center;">​အပိုင်း (၅၅၅)</h2> <h2 style="text-align: center;">အနိုင်ရ တိုက်ပွဲများ ဆက်တိုက် ဖြစ်ပေါ်ခြင်း</h2> <h2 style="text-align: center;">*</h2> <p> </p> <p> </p> <p>​"ဝုန်း!" ဆိုတဲ့ အသံ အနည်းငယ် ကြားပြီးနောက်၊ အန်တိုနီးယော့စ် ခြေထောက်ကို အပျက်အစီး အစအနတွေ ထိမှန်သွားတယ်။ စိုးရိမ်တကြီး အော်မေးလိုက်တယ်။</p> <p>​"အားလုံး အဆင်ပြေကြလား"</p> <p>​ကိုယ်ရံတော်တွေ ဘေးကင်းကြောင်း ပြန်ဖြေတုန်း၊ ခေါင်မိုးပေါ်က အဝေးပစ် တိုက်ခိုက်နေတဲ့ အပေါ့စား ခြေလျင်တပ်တွေရဲ့ အော်သံ ကြားလိုက်ရတယ်။</p> <p>​"တပ်ရင်းမှူး! တပ်ရင်းမှူး! သတိထားပါဦး!..."</p> <p>​"တပ်ရင်းမှူး?!"</p> <p>​အန်တိုနီးယော့စ် လန့်သွားတယ်။</p> <p>​ကျောက်တုံး တစ်လုံးက အဆောက်အအုံကို ထိမှန်ပြီး၊ ကွဲထွက်လာတဲ့ ကျောက်တုံးကြီး တစ်ခုက အပေါ့စား ခြေလျင်တပ်ကို အမိန့်ပေးနေတဲ့ ဆစ်ဒ် (Cid) ခေါင်းကို ထိမှန်သွားတာ။ သူ ချက်ချင်း လဲကျသွားတယ်။</p> <p>​ပါရှား (Persian) စစ်ဆင်ရေးတုန်းက ရဲဘော်ရဲဘက်၊ အထက်လွှတ်တော် အမတ်တူချင်း ဖြစ်တဲ့ ဆစ်ဒ် နဲ့ အန်တိုနီးယော့စ် ဆက်ဆံရေး ကောင်းမွန်တယ်။ သူ သတိလစ်သွားတာ မြင်တော့ စိုးရိမ်စိတ်နဲ့ အတူ ဒေါသပါ ထွက်လာတယ်။ ဆေးတပ်ဖွဲ့ သွားခေါ်ဖို့ ကိုယ်ရံတော် လွှတ်လိုက်ပြီး၊ ပြတ်ပြတ်သားသား အမိန့်ပေးလိုက်တယ်။</p> <p>​"တိုက်ပွဲခရာ မှုတ်! ရန်သူကို ထွက်ပြေးခွင့် မပေးနဲ့!!!"</p> <p>​ဒါပေမဲ့ သီအိုနီယာ (Theonian) တိုက်ပွဲခရာ သံ ထွက်လာတာနဲ့ တစ်ပြိုင်နက်၊ ဆီရာကျု (Syracusan) ပူးပေါင်း တပ်မတော် ဘက်ကလည်း တပ်ဆုတ်ခရာ မှုတ်လိုက်တယ်။</p> <p>​မားစီးယပ်စ် (Macias) က တပ်တွေကို စနစ်တကျ ပြန်ဆုတ်စေချင်ပေမယ့်၊ အခြေအနေ မကောင်းတော့ဘူး မြင်တာနဲ့ မဟာမိတ် တပ်တွေက အရင် ထွက်ပြေးကုန်ကြတယ်။ စစ်ကြောင်း တစ်ခုလုံး ပြိုကွဲသွားပြီး၊ အမြန် မဆုံးဖြတ်ရင် ကျန်တဲ့ တပ်သားတွေ ဝိုင်းခံရတော့မယ်။ ဒါကြောင့် မားစီးယပ်စ် တပ်ဆုတ် အမိန့် ပေးလိုက်ရတယ်။ အစုလိုက် အပြုံလိုက် အဖမ်းခံရတာထက် သဲတွေလို ပြန့်ကျဲပြီး ထွက်ပြေးတာ ပိုကောင်းတယ် လို့ တွက်လိုက်တာ။</p> <p>​တပ်ဆုတ်ခရာ သံက အန်တိုနီးယော့စ် ကို ဝမ်းနည်းမှုကနေ နိုးထစေတယ်။ အပေါ့စား ခြေလျင်တပ်တွေကို ဒေါသတကြီး အော်ပြောလိုက်တယ်။</p> <p>​"ညီအစ်ကိုတို့... ဝမ်းနည်းနေရမယ့် အချိန် မဟုတ်ဘူး! အရှင် ဆစ်ဒ် အတွက် လက်စားချေရမယ့် အချိန်ပဲ! ထွက်ပြေးနေတဲ့ ရန်သူတွေကို လိုက်ပြီး သတ်ပစ်ကြ!"</p> <p>​အပေါ့စား ခြေလျင်တပ်တွေ ဟိန်းဟောက်ပြီး အောက်ထပ် ပြေးဆင်းသွားကြတယ်။ ရန်သူနောက် လိုက်ဖို့ ရဲဘော်တွေနဲ့ ပူးပေါင်းကြတယ်။ အန်တိုနီးယော့စ် ယုံကြည်တာက... ပထမ လီဂျင်တပ်မ မှာ ကြံ့ခိုင်မှု အရှိဆုံး၊ သံချပ်ကာ အလေးကြီးတွေ မဝတ်ထားတဲ့ အပေါ့စား ခြေလျင်တပ်တွေရဲ့ လိုက်လံ တိုက်ခိုက်မှုက ထွက်ပြေးနေတဲ့ ရန်သူတွေ အတွက် အိပ်မက်ဆိုး ဖြစ်စေမှာပဲ။</p> <p>​ဆီရာကျု ပူးပေါင်း တပ်မတော်က ပထမ လီဂျင်တပ်မ ကို ဝိုင်းထားခဲ့တာ။ အခု အလယ်က ပထမ လီဂျင်တပ်မ က အရပ်ရပ်ကို ဖြန့်ပြီး ပြန်တိုက်တော့၊ ပူးပေါင်း တပ်မတော်က တစ်ဖက်တည်း ဆုတ်လို့ မရတော့ဘူး။</p> <p>​ဆီရာကျု တပ်သား အများစုက မီဂါလော့စ် (Megalos) ကနေ အမြန်ဆုံး လွတ်မြောက်ဖို့ တောင်ဘက်ကို ပြေးကြတယ်။ မြို့ထဲက ထောင်ချောက်တွေကို ရှောင်ချင်တာလည်း ပါတယ်။ မနေ့က တစ်နေ့လုံး ဗုံးမိုးရွာထားတဲ့ နေရာကို ဖြတ်၊ ပျက်စီးလုနီးပါး သစ်သား မြို့ရိုးကို ကျော်ပြီး မြစ်ထဲ ခုန်ဆင်းကြတယ်။ အဲဒီမှာ ဒုက္ခရောက်ကြတယ်။ ပထမ လီဂျင်တပ်မ က မြစ်အောက်ခြေ ရွှံ့ညွန်ထဲမှာ မြှုပ်ထားတဲ့ သစ်သားချွန်တွေ၊ သံချွန်တွေက သူတို့ ခြေထောက်တွေကို ဖောက်ဝင်သွားတယ်။ နာကျင်စွာ အော်ဟစ်ရင်း တစ်ယောက်ပြီး တစ်ယောက် ရေထဲ လဲကျပြီး ရေနစ်သေကုန်ကြတယ်။ ဒါကို မြင်တော့ နောက်က လူတွေ မဆင်းရဲတော့ဘူး။ နောက်ဆုံးတော့ လိုက်လာတဲ့ သီအိုနီယာ တပ်သားတွေရဲ့ လှံနဲ့ ဓားချက်အောက်မှာ သေဆုံး ဒါမှမဟုတ် လက်နက်ချ အရှုံးပေးလိုက်ရတယ်။</p> <p>​မြောက်ဘက်ကို ထွက်ပြေးတဲ့ တပ်သား အနည်းစု (အဓိကအားဖြင့် တော်ရိုမီနီယမ် (Tauromenium) ကြေးစားတွေ) ကတော့ သီအိုနီယာ တွေ လိုက်လာလို့ တောက်လျှောက် ပြေးကြတယ်။ တော်ရိုမီနီယမ် မြို့နဲ့ မဝေးတဲ့ တောင်တန်းတွေနား ရောက်ခါနီးမှာ၊ ရှေ့ကနေ ပိတ်ဆို့ထားတဲ့ ရေတပ်သား ၁,၀၀၀ နီးပါးကို တွေ့လိုက်ရတယ်။ သစ်သား လှော်တက်တွေ၊ လေးတွေ ကိုင်ထားကြတယ်။</p> <p>​သီအိုနီယာ ရေတပ်က ပြည်နှင်ဒဏ်သင့်သူ မိသားစုတွေကို တင်ပြီး ဆိပ်ကမ်းကနေ မထွက်ခွာသေးဘဲ တိုက်ပွဲကို စောင့်ကြည့်နေခဲ့တာ။ ရန်သူ စဆုတ်တာ မြင်တာနဲ့၊ စိတ်အားထက်သန်နေတဲ့ ရေတပ်သားတွေက နက်ဆော့စ် (Naxos) ပင်လယ်အော် သဲသောင်ပြင်ကို အခွင့်ကောင်း ယူပြီး၊ တောင်ပေါ် လမ်းကြောင်းနား လှော်ခတ်ကာ ရန်သူ့ ရှေ့ကနေ ပိတ်ဆို့လိုက်တာ။</p> <p>​ရှေ့မှာ ရန်သူ၊ နောက်မှာ လိုက်လာသူတွေနဲ့ မိနေပြီး ပင်ပန်းနွမ်းနယ်နေတဲ့ ကြေးစားတွေ လက်နက်ချလိုက်ကြတယ်။</p> <p>​မီဂါလော့စ် မြို့ အနောက်ဘက်ကနေ မဟာမိတ်တွေနဲ့ အတူ ထွက်ပြေးလာတဲ့ ဆီရာကျု တပ်သား အများစုကတော့ တောင်ဘက်ကို ကွေ့ပြီး မြစ်ကို ဖြတ်ကူးကြတယ်။</p> <p>​. . . . . . . . . . . . .</p> <p>​မားစီးယပ်စ် က တပ်ပျက်တွေကို စုစည်းပြီး အစီအစဉ်သစ် ဆွဲဖို့ အယ်လ်ကန်တာရာ (Alcantara) မြစ် တောင်ဘက်ကမ်းကို စောစောစီးစီး ကူးသွားတယ်။ ဒါပေမဲ့ သီအိုနီယာ တွေက အနိုင်ရပြီး ရပ်မနေဘဲ ဆက်လိုက်တိုက်လိမ့်မယ် လို့ သူ မထင်ထားဘူး။</p> <p>​ထွက်ပြေးလာတဲ့ တပ်သားတွေက မားစီးယပ်စ် အော်ခေါ်တာ နားမထောင်ဘဲ ဒီရေလှိုင်းကြီးလို အယ်လ်ကန်တာရာ မြစ်ကို ဖြတ်ပြီး တောင်ဘက်ကို ဆက်ပြေးကြတယ်။ ထွက်ပြေးတဲ့ လူအုပ်ကြီး တိုးဝှေ့မှုကြောင့် မားစီးယပ်စ် နဲ့ မြင်းတပ် ရာဂဏန်း လူစုကွဲပြီး တောင်ဘက်ကို မျောပါသွားကြတယ်။</p> <p>​သီအိုနီယာ တွေက တပ်ပျက် လိုက်တိုက်ရာမှာ ကျွမ်းကျင်သလို၊ လက်နက် အပြည့်အစုံနဲ့ ပြေးလွှား လေ့ကျင့်ထားသူတွေမို့၊ ဆီရာကျု တပ်သားတွေ အတော် ခံလိုက်ရတယ်။ တိုက်ပွဲကြောင့် ပင်ပန်းနေပေမယ့်၊ နောက်ကျကျန်ခဲ့ပြီး သီအိုနီယာ လက်ချက်နဲ့ သေဆုံးသွားသူတွေရဲ့ အော်ဟစ်သံတွေက ကြာပွတ်နဲ့ ရိုက်သလို ဆီရာကျု တပ်သားတွေကို ဆက်ပြေးစေခဲ့တယ်။</p> <p>​၃ ကီလိုမီတာလောက် ပြေးပြီးနောက်၊ အပေါ့စား ခြေလျင်တပ်တွေပဲ ဒေါသတကြီး ဆက်လိုက်ကြတော့တယ်။ သီအိုနီယာ တပ်သား အများစုကတော့ ရပ်လိုက်ပြီး လမ်းဘေးမှာ လက်မြှောက် အရှုံးပေးနေသူတွေကို ဖမ်းဆီးကြတယ်။</p> <p>​ဟီဘာဂရစ် (Hibagris) လက်အောက်က တပ်သား အများစု ထွက်ပြေးကုန်ပေမယ့်၊ သူက ကျန်တဲ့ တပ်တွေကို စီကူရီ (Sikuri) ဆီ ပြန်ခေါ်သွားဖို့ ကြိုးစားတယ်။ ဒါပေမဲ့ မြို့နား ရောက်တော့ တံခါး ၄ ပေါက်လုံး ပိတ်ထားပြီး ပုန်ကန်သူတွေ မြို့ရိုးပေါ်ကနေ မြှားနဲ့ ပစ်တာ တွေ့လိုက်ရတယ်။ မနေရဲတော့ဘဲ ဆီရာကျု တပ်သားတွေ နောက်လိုက်ပြီး စီကူရီ ကို ကွေ့ပတ်ကာ တောင်ဘက်ကို ဆက်ပြေးရတယ်။</p> <p>​သီအိုနီယာ အပေါ့စား ခြေလျင်တပ်တွေကတော့ စီကူရီ မြို့နား ရောက်မှ ရပ်လိုက်ကြတယ်။ ဘယ်သူဘယ်ဝါ ဖြစ်ကြောင်း ပြောပြီးနောက်၊ စီကူရီ ပုန်ကန်သူတွေက သူတို့ကို မြို့ထဲ ဝမ်းသာအားရ ကြိုဆိုကြတယ်။</p> <p>​ကာတာနီးယား (Catania) ဘက် ထွက်ပြေးရင်း မားစီးယပ်စ် တပ်ပျက်တွေကို လမ်းမှာ စုစည်းတယ်။ ဒါပေမဲ့ ဘာဆက်လုပ်ရမလဲ စဉ်းစားရခက်နေတုန်း၊ ကာတာနီးယား နဲ့ စီကူရီ အာဏာရှင်တွေ ရောက်လာပြီး မြို့ပြန်သိမ်းဖို့ ကူညီပါ လို့ တောင်းဆိုကြတယ်။</p> <p>​ဒါပေမဲ့ ဆီရာကျု က သံတမန် တစ်ယောက် ရောက်လာပြီး ပြောတယ်။ ပုန်ကန်မှု ဖြစ်နေလို့ မားစီးယပ်စ် တပ်ဦးဆောင်ပြီး ဆီရာကျု ကို လာကယ်ပါ တဲ့။</p> <p>​လန့်ဖျပ်သွားတဲ့ မားစီးယပ်စ် ဘာမှ ဂရုမစိုက်နိုင်တော့ဘူး။ တပ်ပျက်တွေကို စုစည်းပြီး ဆီရာကျု ကို ကယ်ဖို့ ချက်ချင်း ပြန်လှည့်လိုက်တယ်။</p> <p>​. . . . . . . . . . . . .</p> <p>​ဒိုင်ယွန်နီးစီးယပ်စ် (Dionysius) သီအိုနီယာ စခန်းကို တိုက်နေတုန်း၊ သင်္ဘောငယ်လေး တစ်စီး စကိုင်လက်တီယမ် (Scylletium) ဆိပ်ကမ်းထဲ ဝင်လာတယ်။ သီအိုနီယာ ရေတပ် ပိတ်ဆို့ထားတာကို မမှုဘဲ၊ သီအိုနီယာ စစ်သင်္ဘောတွေ ကြားကနေ လျင်မြန်စွာ ရှောင်တိမ်းပြီး ဆိပ်ကမ်းထဲ အလွယ်တကူ ဝင်ရောက်သွားတယ်။</p> <p>​ဒီအချိန်မှာ လူမရှိတဲ့ ဘယ်ဘက် စခန်းကို သိမ်းပိုက်ပြီး၊ အလယ်စခန်း အပြင်ဘက်က သစ်သား တံတိုင်း၊ ကတုတ်မြောင်းတွေနဲ့ ပိတ်မိနေတဲ့ ဒိုင်ယွန်နီးစီးယပ်စ် က နောက်ဆုံးတော့ တပ်ဆုတ်ဖို့ ဆုံးဖြတ်လိုက်တယ်။</p> <p>​ကံဆိုးတာက သူ့အမိန့် နောက်ကျသွားတယ်။</p> <p>​အလယ်စခန်းထဲမှာ ဒါးဗို့စ် (Davos) က ပထမ၊ ပဉ္စမ နဲ့ ဆဋ္ဌမ လီဂျင် တပ်သားတွေကို သစ်သား တံတိုင်း နောက်မှာ စက်ဝိုင်းပုံစံ တပ်စီခိုင်းထားတယ်။ ပြီးတော့ ဆီရာကျု တပ်သားတွေကို တံတိုင်း ဖျက်ဆီးပြီး အလယ်စခန်းထဲ ဝင်လာခွင့် တမင် ပေးလိုက်တယ်။ ထိပ်တိုက် တွေ့ဆုံ တိုက်ပွဲ ဖြစ်လာတယ်။</p> <p>​အချိန်အကြာကြီး တိုက်ခိုက်ထားလို့ ပင်ပန်းနွမ်းနယ်နေပြီး သံချပ်ကာ မပါတဲ့ ဆီရာကျု တပ်သားတွေ၊ လွတ်လပ်သူတွေက အသင့်စောင့်နေတဲ့ လက်နက်အပြည့်အစုံ တပ်ဆင်ထားတဲ့ သီအိုနီယာ လီဂျင် တပ်သားတွေကို ဘယ်ယှဉ်နိုင်မလဲ။ ဒါပေမဲ့ ဘေးကင်းရေး အတွက်၊ ဒိုင်ယွန်နီးစီးယပ်စ် ဦးဆောင်တဲ့ တပ်တွေရဲ့ ခြိမ်းခြောက်မှု ရှိနေလို့ ဒါးဗို့စ် က သူ့လူတွေကို စကိုင်လက်တီယမ် မြို့အထိ လိုက်မတိုက်ခိုင်းဘူး။</p> <p>​အလယ်စခန်း တိုက်တဲ့ တပ်တွေ ရှုံးနိမ့်သွားပြီ ဆိုတာ သိလိုက်ရတော့၊ ဒိုင်ယွန်နီးစီးယပ်စ် မနေရဲတော့ဘဲ တပ်တွေကို အမြန် ပြန်ဆုတ်ခိုင်းတယ်။ ဒေါသ ဖြေတဲ့ အနေနဲ့ အပြန်လမ်းမှာ သီအိုနီယာ ဘယ်ဘက် စခန်းကို မီးရှို့ပစ်ခဲ့တယ်။</p> <p>​စကိုင်လက်တီယမ် ပြန်ရောက်ပြီး အမောမဖြေရသေးခင်မှာ၊ လက်ပ်တီးနီးစ် (Leptines) က ပြာပြာသလဲလဲ ရောက်လာတယ်။</p> <p>​အစ်ကိုဖြစ်သူရဲ့ သတင်းပို့ချက် ကြားတော့ ဒိုင်ယွန်နီးစီးယပ်စ် လန့်ဖျပ်သွားတယ်။ ဒါးဗို့စ် က စကိုင်လက်တီယမ် ကို ဝိုင်းထား၊ လိုခရီ (Locrian) မဟာမိတ် အဖွဲ့ကို တိုက်နေရင်းနဲ့ စစ္စလီ ကို တပ်လွှတ်ရဲလိမ့်မယ် လို့ ဘယ်တုန်းကမှ မထင်ထားခဲ့ဘူး!</p> <p>​လက်ပ်တီးနီးစ် က တပ်သား ထောင်ဂဏန်းလောက်ပဲ ကမ်းတက်တယ် ပြောပေမယ့်၊ ဒိုင်ယွန်နီးစီးယပ်စ် ဖီလစ်တပ်စ် (Philistus) လောက် မတည်ငြိမ်နိုင်တော့ဘူး။ နောက်ထပ် ရှုံးနိမ့်မှု တစ်ခု ကြုံရပြီးနောက်၊ သီအိုနီယာ ဘုရင်ပေါက်စလေးကို အပြည့်အဝ သတိထားမိသွားပြီ။ ဒါးဗို့စ် ငြိမ်းချမ်းရေး ဆွေးနွေးချင်တယ် ဆိုတာ ဟစ်ပိုနီယံ (Hipponion) နဲ့ မက်ဒမာ (Medma) ကို တိုက်ဖို့ ဖုံးကွယ်ရုံ သက်သက် မဟုတ်ဘဲ၊ သူ့ကို ဒီမှာ ချုပ်ထားပြီး စစ္စလီ ကို တပ်လွှတ်ဖို့ ဆိုတာ အကြီးအကျယ် သံသယ ဝင်လာတယ်။ ဒါ ဒါးဗို့စ် ရဲ့ တကယ့် အဆုံးသတ် ကွက်ကွက်ပဲ ဖြစ်လောက်တယ်!</p> <p>​ဆီရာကျု အာဏာရှင်၊ စစ္စလီ ဂရိ မြို့ပြနိုင်ငံတွေရဲ့ အရှင်သခင် အနေနဲ့၊ မြို့ပြနိုင်ငံ အသီးသီးက ပြည်သူတွေ သူ့အပေါ် ဘယ်လို သဘောထားလဲ သူ ကောင်းကောင်း သိတယ်။ ဒါကို တွေးမိရုံနဲ့ စိုးရိမ်ပူပန်ပြီး ဂနာမငြိမ် ဖြစ်လာတယ်။ ဒါပေမဲ့ တည်ငြိမ်ချင်ယောင်ဆောင်ပြီး အားလုံးကို နှုတ်ဆက်ကာ ယာယီ နန်းတော်ဆီ ပြန်လာခဲ့တယ်။</p> <p>​ဖာစီပက်ဆပ်စ် (Phacipessas) က တပ်ပျက်တွေကို ပြန်စုစည်းပြီး ဆုံးရှုံးမှု စာရင်း လာပို့တော့၊ တွေ့လိုက်ရတာက ပင်ပန်းနွမ်းနယ်နေတဲ့ အကြီးအကဲကြီးကိုပဲ။</p> <p>​ဒိုင်ယွန်နီးစီးယပ်စ် က ဖာစီပက်ဆပ်စ် ရဲ့ သေဆုံးသူ ၂,၀၀၀ ကျော်၊ ဒဏ်ရာရသူ ၆,၀၀၀ နီးပါး ရှိတယ် ဆိုတဲ့ သတင်းပို့ချက်ကို စိတ်မပါတပါ နားထောင်ပြီး ဘာမှ မတုံ့ပြန်ဘူး။ အဲဒီအစား ပြောလိုက်တယ်။</p> <p>​"ဆီရာကျု က သတင်းပို့လိုက်တယ်။ သီအိုနီယာ တပ်သား ၃,၀၀၀ ကျော် နက်ဆော့စ် မှာ ကမ်းတက်တယ် တဲ့..."</p> <p>​သက်ရောက်မှု လျော့နည်းအောင်၊ ထိတ်လန့်မှု မဖြစ်အောင် ဒိုင်ယွန်နီးစီးယပ်စ် က အရေအတွက် လျှော့ပြောလိုက်တာ။ ဒါတောင် ဖာစီပက်ဆပ်စ် အံ့သြလွန်းလို့ ရိုသေမှုတောင် မေ့သွားတယ်။</p> <p>​"ဘာ?! သီအိုနီယာ တွေ စစ္စလီ ကို တိုက်ရဲတယ် ဟုတ်လား?! ဘယ်တုန်းက ဖြစ်တာလဲ?!!"</p> <p>​ဒိုင်ယွန်နီးစီးယပ်စ် ဟန်ဆောင်ပြုံးပြီး ကြည့်လိုက်တယ်။</p> <p>​"လွန်ခဲ့တဲ့ ၂ ရက်ကပါ။ သီအိုနီယာ တွေ ပြဿနာ ရှာချင်ပေမယ့်၊ လူနည်းလွန်းပါတယ်။ စိတ်မပူပါနဲ့။ မားစီးယပ်စ် က လူ ၁၀,၀၀၀ ဦးဆောင်ပြီး မြောက်ဘက် တက်သွားပါပြီ။ ပြီးတော့ တောနစ် (Taunis)၊ လီယွန်တီနွိုင်း (Leontinoi)၊ ကာတာနီးယား (Catania) မြို့တွေကလည်း ကူညီနေကြတော့... အခုလောက် ဆိုရင် သီအိုနီယာ တွေကို ချေမှုန်းပြီးလောက်ပါပြီ!"</p> <p>​</p> <p> </p> <p style="text-align: center;">အပိုင်း (၅၅၅) ပြီးဆုံး</p> <p style="text-align: center;">***</p>


Save