Book List

<h2 style="text-align: center;">လောကကိုးပါးမသေမျိုး (စာစဉ်-၁၃၈)</h2> <h2 style="text-align: center;"> </h2> <h2 style="text-align: center;">အခန်း (၁၃၇၁)</h2> <h2 style="text-align: center;">ဝူရှန့်ငရဲဘုံ</h2> <h2 style="text-align: center;">*</h2> <p> </p> <p> </p> <p>​ငွေဖြူရောင်... စစ်ဆေးပွဲမှာ ငွေဖြူရောင် ကျောက်စိမ်းပြား ရဖို့ဆိုတာ ဘယ်လောက်ခက်ခဲလဲဆိုတာ ဖန့်ချန် ကောင်းကောင်းသိသည်။</p> <p>​အကယ်၍ သူ့မှာ ဝှက်ဖဲတွေသာ မရှိဘဲ သာမန် တာအိုပေါင်းစည်းခြင်းအဆင့် မဟာပြီးပြည့်စုံခြင်း တစ်ဦးသာဆိုလျှင် ကြာနီနတ်မိမယ်ငယ်ရဲ့ ရှေ့မှာတောင် သုံးချက် ငါးချက်ထက် ပိုခံနိုင်မှာ မဟုတ်ဘူး။</p> <p> အကယ်၍ တာအိုပေါင်းစည်းခြင်းအဆင့် မဟာပြီးပြည့်စုံခြင်းကို အဆင့် ၁၀ ဆင့် ခွဲခြားလိုက်မယ်ဆိုရင်</p> <p>​ကြာနီနတ်မိမယ်ငယ်က အဆင့် ၇ မှာ ရှိနေလိမ့်မယ်။</p> <p>ကြေးနီရောင် ကျောက်စိမ်းပြား ရတဲ့သူတွေက အဆင့် ၈။</p> <p>ငွေဖြူရောင် ကျောက်စိမ်းပြားကတော့ အဆင့် ၉။</p> <p>ရွှေရောင် ကျောက်စိမ်းပြားဆိုရင် အဆင့် ၁၀။</p> <p>​ခရမ်းရောင် ကျောက်စိမ်းပြား အဆင့်ကို ရောက်တဲ့ တာအိုပေါင်းစည်းခြင်းအဆင့် ကျင့်ကြံသူကတော့ ဘေးဒုက္ခဖြတ်ကျော်ခြင်းအဆင့်ကို တစ်ယောက်ချင်း ယှဉ်တိုက်ဖို့တောင် မခဲယဉ်းတော့တာမို့ ဒီအဆင့်သတ်မှတ်ချက်ထဲမှာ မပါဝင်တော့ဘူး။</p> <p>​ဖန့်ချန်ရဲ့ ကိုယ်ပိုင်အစွမ်းကတော့ အဆင့် ၁၀ ရဲ့ အပြင်ဘက်ကို ကျော်လွန်နေပြီ ဖြစ်သည်။</p> <p>ကျွယ်မင်နန်းတော်ဟာ အထက်နယ်မြေသုံးခုရဲ့ ထိပ်တန်းအင်အားစု ဖြစ်ပေမဲ့ နှစ်ပေါင်းများစွာအတွင်းမှာ ခရမ်းရောင် ကျောက်စိမ်းပြား ရရှိသူ အလွန်နည်းပါးခဲ့သည်။</p> <p>ဤသည်မှာ ထိုအဆင့်သည် လူသားဘုံကိုးခုလုံးတွင် ထိပ်တန်းအဆင့်ဖြစ်ကြောင်းနှင့် ကျွယ်မင်နန်းတော် အမာခံတပည့် ၉၉ ရာခိုင်နှုန်းထက် သာလွန်ကြောင်း သက်သေပြနေခြင်းပင်။</p> <p>​တကယ်လို့ ဖန့်ချန်သာ စစ်ဆေးပွဲမှာ သူ့အစွမ်းကုန်ထုတ်သုံးပြီး ခရမ်းရောင်ကျောက်စိမ်းပြားကို ယူခဲ့မယ်ဆိုရင် ချက်ချင်း အမာခံတပည့် ဖြစ်သွားနိုင်ပေမဲ့... အဲဒီလိုဆိုရင်တော့ သူဟာ မီးမောင်းထိုးခံထားရသလို ဖြစ်သွားပြီး ဝမ်ချုံစန်းလို လူတွေအပါအဝင် မရေမတွက်နိုင်တဲ့ မျက်လုံးတွေက သူ့ဆီ ကျရောက်လာမှာ ဖြစ်သည်။</p> <p>​ဒီ ယွီထျန်းကော်က ငွေဖြူရောင် ကျောက်စိမ်းပြား ရထားတာဆိုတော့ ကျွယ်မင်နန်းတော်ရဲ့ အမာခံတပည့် (ရွှေရောင်ကျောက်စိမ်းပြား) ဖြစ်ဖို့ တစ်လှမ်းပဲ လိုတော့တာ ဖြစ်သည်။</p> <p>သူ့ရဲ့ ပါရမီနဲ့ နောက်ခံကတော့ သေးမှာမဟုတ်တာ သေချာသည်။</p> <p>​"ကျုပ် ခင်ဗျားအကြောင်း ကြားဖူးပါတယ် ဖန့်မိတ်ဆွေ။ ကျုပ်တို့ အသုတ်မှာ ကြေးနီရောင် ကျောက်စိမ်းပြား ရခဲ့တဲ့ ပါရမီရှင် ၂၃ ယောက်ပဲ ရှိတာ၊ ခင်ဗျားက အဲဒီထဲက တစ်ယောက်ပဲ"</p> <p>​ယွီထျန်းကော်က ပြုံးရွှင်စွာ ပြောလိုက်ပြီးနောက် သူ့နောက်က မသေမျိုးလှေတွေကို လက်ညှိုးထိုးပြလိုက်သည်။</p> <p>ထိုအခါမှ လူတိုင်း သတိထားမိကြသည်မှာ ထိုလှေများပေါ်တွင် ဘေးဒုက္ခဖြတ်ကျော်ခြင်းအဆင့် ကျင့်ကြံသူ အများအပြား ရှိနေပြီး လူတိုင်းရဲ့ ကျောက်စိမ်းပြားမှာ ကြေးနီရောင် အလင်းတန်းတွေ ထွက်နေခြင်းပင်။</p> <p>ရှစ်ဦး၊ ကိုးဦးခန့်အထိ ရှိနေသည်။</p> <p>​"အဖွဲ့ခေါင်းဆောင်... သူတို့ ကျုပ်တို့ကို သိမ်းသွင်းချင်နေတာ ထင်တယ်"</p> <p>လင်းယွမ်က တိုးတိုးလေး သတိပေးသည်။</p> <p>​ဖန့်ချန်က အရေးမလုပ်ဟန်ဖြင့် ယွီထျန်းကော်ကို  နှုတ်ဆက်လိုက်ပြီး</p> <p>"ယွီမိတ်ဆွေ... ဒီကို ဘာကိစ္စနဲ့ လာခဲ့တာလဲ "</p> <p>​"ကျုပ်ကို ဗဟိုပြုတဲ့ ယာယီအဖွဲ့ငယ်တစ်ခု ဖွဲ့ချင်လို့ပါ"</p> <p>​ယွီထျန်းကော်က ပွင့်ပွင့်လင်းလင်းပင် ပြောလိုက်သည်</p> <p>"ဒီတစ်ခေါက် ရှေးဟောင်းတားမြစ်နယ်မြေမှာ ကိစ္စကြီးတစ်ခု ဖြစ်နေတယ်။ ကျုပ်တို့အတွက်တော့ အဓိက ကိစ္စရပ်တွေကို လက်လှမ်းမမီနိုင်ပေမဲ့ အပြင်စည်းကနေ အကြွင်းအကျန်လေးတွေ ရရင်တောင် ပုံမှန် စူးစမ်းရှာဖွေမှု ဆယ်ကြိမ်ထက်မက အကျိုးအမြတ် ရနိုင်တယ်"</p> <p>" ခုနက ခင်ဗျား အဆင့် ၄ နတ်ဆေးပင် တစ်ပင် ရထားတာ ကျုပ် မြင်လိုက်တယ်။ ခင်ဗျားမှာ ကံတရား  ရှိတာပဲ။ အစွမ်းလည်းရှိ၊ ကံတရားလည်း ပါတဲ့သူက ကျုပ်အဖွဲ့ထဲ ဝင်လိုက်ရင် အကာအကွယ် တစ်ခု ပိုရသွားပြီး ဒီလို အရုန်းအယင်းတိုက်ပွဲကြားမှာ ပိုပြီး ဘေးကင်းနိုင်တာပေါ့။ ဒါက မကောင်းဘူးလား "</p> <p>​"ကောင်းပြီလေ... ကျုပ် ဝင်မယ်"</p> <p>​ဖန့်ချန်က ခေါင်းညိတ်ပြီး ပြတ်ပြတ်သားသားပင် သဘောတူလိုက်သည်။</p> <p>​ယွီထျန်းကော်မှာ ခေတ္တမျှ ကြောင်အသွားသည်။</p> <p> ဖန့်ချန်က ဤမျှ ပြတ်သားလိမ့်မည်ဟု သူ မထင်ထားမိချေ။</p> <p>အရင်က သူ အခြားသူတွေကို စည်းရုံးစဉ်က ကြေးနီရောင်ကျောက်စိမ်းပြား ရထားတဲ့ ပါရမီရှင်တွေမို့ မာနလေးတွေရှိကြပြီး အနည်းငယ် မူနေတတ်ကြသည် မဟုတ်ပါလား။</p> <p>​ယွီထျန်းကော်က ဖန့်ချန်ကို ကြည့်တဲ့ အကြည့်မှာ ပိုပြီး နွေးထွေးသွားသည်။</p> <p> ဤကဲ့သို့ အခြေအနေကို သုံးသပ်ပြီး ပြတ်သားတဲ့ မိတ်ဆွေမျိုးကို သူ အလွန်ခင်မင်လိုသည်။</p> <p>​ထို့နောက်တွင် သူသည် ဖန့်ချန်ကို သူ၏မသေမျိုးလှေပေါ်သို့ ဖိတ်ခေါ်လိုက်ပြီး အခြားသူများကိုပါ ခေါ်ယူလိုက်သည်။</p> <p> အားလုံးက ယွီထျန်းကော်ကိုတော့ အောက်ကျို့ကြသော်လည်း အချင်းချင်းမှာတော့ ကြေးနီရောင်ရသူချင်းမို့ အနည်းငယ် အားပြိုင်ချင်စိတ်ရှိနေကြကာ အကြည့်ချင်းမှာ စိန်ခေါ်မှုများ ပါဝင်နေကြသည်။</p> <p>​ယွီထျန်းကော်က အစည်းအဝေးတိုလေးတစ်ခု လုပ်ကာ အားလုံးရဲ့ မသေမျိုးလှေတွေကို နယ်မြေတစ်ခုတည်းမှာ စုပေါင်းမောင်းနှင်ခိုင်းသည်။</p> <p> တကယ်လို့ သူတို့ပါ တိုက်ပွဲဝင်ရမယ့် အခြေအနေ ရောက်လာရင် ယွီထျန်းကော်ကို ဗဟိုပြုပြီး အစီရင်ခင်းကျင်း တုံ့ပြန်ကြဖို့ ဖြစ်သည်။</p> <p>သူတို့တွေဟာ လမ်းခရီးမှာတင် ဘေးဒုက္ခဖြတ်ကျော်ခြင်းအဆင့်ကို တက်လှမ်းထားသူတွေမို့ ဘေးဒုက္ခဖြတ်ကျော်ခြင်းအဆင့် အုပ်စုတစ်စုက တာအိုပေါင်းစည်းခြင်းအဆင့် အုပ်စုတစ်စုကို ဦးဆောင်ထားခြင်းသည် အဖွဲ့ကြီးထဲမှာ အထင်ကရ မဟုတ်ပေမဲ့ အသေးစား တိုက်ပွဲငယ်လေးတွေမှာတော့ မိမိကိုယ်ကို ကာကွယ်နိုင်စွမ်း ရှိပေလိမ့်မည်။</p> <p>​ဖန့်ချန်သည် မသေမျိုးလှေပေါ် ပြန်ရောက်သောအခါ အစည်းအဝေးအချက်အလက်များကို ပြောပြရာ အားလုံးက ကန့်ကွက်ခြင်း မရှိကြချေ။</p> <p>​"ဒီ ယွီမိတ်ဆွေမှာ ငွေဖြူရောင် ကျောက်စိမ်းပြား ရှိနေတာဆိုတော့ သူက မကြာခင်မှာ အင်အားကြီးတဲ့ အဖွဲ့တစ်ခုကို တည်ဆောက်နိုင်တော့မှာ။ ဒါက ကျုပ်တို့အတွက်တော့ အကျိုးရှိရင်ရှိမယ်၊ အန္တရာယ်တော့ မရှိနိုင်ဘူး"</p> <p>​မုံချင့်လင်သည် ယွီထျန်းကော်က အခြားသူတွေကို ထပ်မံစည်းရုံးနေတာကို ကြည့်ရင်း သူ့ခါးက ကျောက်စိမ်းပြားကို မကြာခဏ လှမ်းကြည့်နေမိသည်။</p> <p>​"ကဲ... အခု ကျုပ်တို့ အရှိန်အပြည့်နဲ့ ရှေ့ဆက်မယ်။ နံပါတ် (၁၅၇) တားမြစ်နယ်မြေရဲ့ ဗဟိုချက်ဖြစ်တဲ့ ဝူရှန့်ငရဲဘုံ ကို သွားကြမယ်"</p> <p>​နဂါးနက်လှေပေါ်မှ လီရှမ်းဇီ၏ အသံ ထွက်ပေါ်လာသည်။</p> <p>​အားလုံး တုံ့ပြန်ရန် အချိန်မရခင်မှာပင် နဂါးနက်လှေမှ ကြီးမားလှသော အလင်းအကာအကွယ်တစ်ခု တက်လာပြီး ထိုနေရာရှိ မသေမျိုးလှေ ထောင်ပေါင်းများစွာကို တစ်ခဏချင်းအတွင်း လွှမ်းခြုံလိုက်တော့သည်။</p> <p>​"ကျမတို့ မသေမျိုးလှေကို ထိန်းချုပ်လို့ မရတော့ဘူး "</p> <p>ကြာနီနတ်မိမယ်ငယ်က တိုးတိုးလေး အော်လိုက်သည်။</p> <p>​လူတိုင်း၏ မျက်နှာပျက်သွားကြသည်။</p> <p>ဖန့်ချန်သည် ယွမ်လုံနံပါတ်လှေ၏ အစီရင်ဗဟိုချက်ကို ကြည့်လိုက်သောအခါ ၎င်း၏ စွမ်းအင်များသည် နဂါးနက်လှေနှင့် ချိတ်ဆက်သွားသည်ကို တွေ့လိုက်ရသည်။</p> <p>​ကြည့်ရတာ အပြင်စည်းက လူတွေရဲ့ မသေမျိုးလှေတွေဟာ အမာခံတပည့်တွေ အချိန်မရွေး သိမ်းသွင်းအသုံးပြုနိုင်အောင် လုပ်ထားတာပဲ။ ဒါတွေ မထုတ်လုပ်ခင်ကတည်းက အမာခံတပည့်တွေ ပိုင်ဆိုင်တဲ့ မသေမျိုးလှေရဲ့ အစိတ်အပိုင်းတစ်ခုအနေနဲ့ ဖန်တီးထားတာကိုး...</p> <p>​ယွမ်လုံနံပါတ်လှေသည် ထိန်းချုပ်မှုမရှိတော့ဘဲ အနီးနားရှိ မသေမျိုးလှေများနှင့် တင်းကြပ်စွာ ကပ်သွားပြီး နောက်ဆုံးတွင် နဂါးနက်လှေကို ဗဟိုပြု၍ အရုပ်ဆက် များကဲ့သို့ ဧရာမ မသေမျိုးလှေကြီးတစ်ခုအဖြစ် ပေါင်းစည်းသွားတော့သည်။</p> <p>​နောက်တစ်ခဏတွင်တော့ မရေမတွက်နိုင်သော  မသေမျိုး  များသည် သူတို့၏ ကိုယ်တွင်းရှိ မသေမျိုးစွမ်းအား များကို စတင်ထုတ်လွှတ်လိုက်ကြပြီး ထိုစွမ်းအားများသည် နဂါးနက်လှေထဲသို့ တရဟော စီးဝင်သွားသည်။</p> <p>​မသေမျိုးအဆင့်အောက်ရှိ ကျင့်ကြံသူများသည် မျက်စိများ ဝေဝါးသွားပြီး နားထဲတွင် အူသွားကာ ခေတ္တမျှ မိန်းမောသွားကြသည်။</p> <p> ပြန်လည် သတိဝင်လာချိန်တွင်တော့ ပတ်ဝန်းကျင်ရှိ ကြယ်တာရာများမှာ သိသိသာသာ ပြောင်းလဲသွားပြီ ဖြစ်သည်။</p> <p>​"ကျုပ်... ကျုပ်တို့ ခုနက နေရာမှာ မဟုတ်တော့ဘူး..."</p> <p> လင်းယွမ်က ထစ်ထစ်ငေါ့ငေါ့ ပြောရှာသည်။</p> <p>​"ဒါက ကျွယ်မင်နန်းတော် အမာခံတပည့်တွေရဲ့ မသေမျိုးလှေမှာ ပါတဲ့ ထူးခြားတဲ့ စွမ်းရည်ပဲ တွန်းအားအလင်း  လို့ ခေါ်တယ်"</p> <p>ယွီထျန်းကော်၏ အသံ ထွက်ပေါ်လာသည်။</p> <p>​သူသည် နဂါးနက်လှေကို မျှော်လင့်ချက်အပြည့်ဖြင့် လှမ်းကြည့်ရင်း</p> <p>"တွန်းအားအလင်းလို့ ခေါ်ရတာက သူ့ရဲ့အရှိန်က အလင်းထက်တောင် မြန်လို့ပဲ။ တကယ်လို့ နေရာနှစ်ခုက သိပ်မဝေးဘူးဆိုရင် ဒါဟာ တည်နေရာရွှေ့ပြောင်းခြင်း အစီရင် နဲ့တောင် ယှဉ်နိုင်တယ်"</p> <p>​"ဟား..."</p> <p>လူတိုင်း အသက်ရှူမှားသွားကြသည်။</p> <p>​တည်နေရာ ရွှေ့ပြောင်းခြင်းအစီရင်က အချက်အချာ နှစ်ခု ချိတ်ဆက်ထားဖို့ လိုအပ်ပေမဲ့ အာကာသဟင်းလင်းပြင်ထဲမှာ အဲဒီလို အခြေခံ အဆောက်အအုံ မရှိတော့ ရွှေ့ပြောင်းခြင်းအစီရင် တည်ဆောက်လို့ မရဘူး။</p> <p> မသေမျိုးလှေရဲ့ အရှိန်က အစီရင်နဲ့ ယှဉ်နိုင်တယ်ဆိုတာ ဘယ်လောက်တောင် ကြောက်ဖို့ကောင်းတဲ့ အဓိပ္ပာယ်လဲ  မိမိသွားချင်တဲ့ အရပ်မျက်နှာတိုင်းကို စိတ်ကြိုက်သွားနိုင်တဲ့ ရွှေ့ပြောင်းခြင်းအစီရင်တစ်ခုလိုပဲ မဟုတ်ပါလား</p> <p>​မြန်တော့ မြန်သားပဲ... ဒါပေမဲ့ အထက်နယ်မြေသုံးခုသာ အပိတ်မခံထားရဘူး၊ ပြီးတော့ ဖူထူလောက နဲ့ ယင်လောကငယ်  သာ တစ်သားတည်း ဖြစ်သွားမယ်ဆိုရင် ငါ့ရဲ့အရှိန်က တွန်းအားအလင်း ထက်တောင် ပိုမြန်ဦးမှာ ဖန့်ချန်က စိတ်ထဲမှ တိတ်တဆိတ် တွေးတောလိုက်သည်။</p> <p>​"ယွီမိတ်ဆွေ... ဝူရှန့်ငရဲဘုံအကြောင်း ခင်ဗျား ဘယ်လောက် သိထားလဲ "</p> <p>​ယွီထျန်းကော်က အကြောင်းအရာတွေကို ပိုသိပုံရသဖြင့် တစ်စုံတစ်ယောက်က လှမ်းမေးလိုက်သည်။</p> <p>ထိုသူသည် ငွေဖြူရောင် ကျောက်စိမ်းပြားကြောင့် အခွင့်ထူးများစွာ ရရှိထားပြီး အချက်အလက်အချို့ကို ကြိုတင်သိထားဟန်ရှိသည်။</p> <p>ဤသည်မှာ ယွီထျန်းကော်ရှိရာ နယ်မြေကြယ်စုကို စောင့်ကြပ်နေသည့် အဆင့် ၅ မသေမျိုးနှင့်လည်း သက်ဆိုင်ပေလိမ့်မည်။</p> <p>ထိုသူသည် လင်းတုန်းထက် များစွာ ပိုမို အစွမ်းထက်သူ ဖြစ်သည်။</p> <p>​"အများကြီးတော့ မသိဘူး။ ဒီနေရာက နံပါတ် (၁၅၇) တားမြစ်နယ်မြေရဲ့ ဗဟိုချက်ဖြစ်ပြီး၊ ဒီနေရာကို အပိုင်သိမ်းနိုင်မှသာ တစ်ခုလုံးကို အပိုင်ရမယ်ဆိုတာပဲ သိတယ်"</p> <p>​ယွီထျန်းကော်က အေးအေးဆေးဆေး ပြောလိုက်ပြီးနောက် ခဏရပ်၍</p> <p> "ပစ္စည်းတစ်ခုကိုတော့ သတိထားရမယ်၊ အဲဒါက    ဝူရှန့်ဟင်းလင်းပြင်သားရဲ ပဲ။ သူတို့တွေက ဝူရှန့်ငရဲဘုံထဲမှာ အန္တရာယ်အရှိဆုံး အရာတွေပဲ"</p> <p>​"ဒါဆို... ကျုပ်တို့တွေ တားမြစ်နယ်မြေ လုပွဲကြီး နဲ့ တိုးနေတာလား ဒီနေရာက ဖော်ထုတ်ပြီးသလောက် ဖြစ်နေပြီဆိုတော့ အခုက ပိုင်ဆိုင်ခွင့်အတွက် ဆုံးဖြတ်တော့မှာလား "</p> <p>တစ်စုံတစ်ယောက်က ထိတ်လန့်တကြား ရေရွတ်လိုက်လေတော့သည်။</p> <p> </p> <p> </p> <p> </p> <p style="text-align: center;">***</p>


Save