Book List

<h2 style="text-align: center;">အခန်း (၁၃၇၉)</h2> <h2 style="text-align: center;">တည်ရှိနေနိုင်သော ရန်သူ</h2> <h2 style="text-align: center;">*</h2> <p> </p> <p> </p> <p>​လင်းတုန်း စီးနင်းလိုက်ပါလာသော မသေမျိုးလှေသည် နဂါးနက်လှေ မဟုတ်သော်လည်း အပြင်စည်းကျင့်ကြံသူများအတွက် သီးသန့်ထုတ်လုပ်ထားသော မသေမျိုးလှေစီးရီးများထဲတွင် အဆင့်မြင့်အမျိုးအစား ဖြစ်ဟန်တူသည်။</p> <p>ထိုအတောအတွင်း ဖန့်ချန်သည် ယွီထျန်းကော်တို့နှင့်လည်း အဆက်အသွယ်ရှိခဲ့ရာ သူတို့ထံမှ အသုံးဝင်သော သတင်းအချက်အလက် အတော်များများကို သိရှိခဲ့ရသည်။</p> <p>​ဥပမာအားဖြင့် ကျွယ်မင်နန်းတော်၏ မသေမျိုးလှေများကို စီးရီးနှစ်ခု ခွဲခြားထားသည်။</p> <p>​ပထမတစ်ခုမှာ ယွမ်လုံလှေ ကို အခြေခံအဆင့်အဖြစ် သတ်မှတ်ထားသော မြေနဂါး စီးရီး ဖြစ်သည်။</p> <p>ဒုတိယတစ်ခုမှာ နဂါးနက်လှေ ကို အခြေခံအဆင့်အဖြစ် သတ်မှတ်ထားသော မိုးနဂါး စီးရီး ဖြစ်သည်။</p> <p>​ရိုးရှင်းသော ခွဲခြားမှုမှာ ရှေ့တစ်ခုသည် အပြင်စည်းပုဂ္ဂိုလ်များ အသုံးပြုရန်ဖြစ်ပြီး နောက်တစ်ခုမှာမူ အမာခံတပည့်များသာ အသုံးပြုခွင့်ရှိသည်။</p> <p>မြေနဂါးစီးရီး တည်ရှိရခြင်း၏ ကိုးဆယ့်ကိုးရာခိုင်နှုန်းသော အကြောင်းရင်းမှာ မိုးနဂါးစီးရီးကို အထောက်အပံ့ပေးရန်အတွက်သာ ဖြစ်သည်။</p> <p>​ဥပမာအားဖြင့် ဖန့်ချန် ပိုင်ဆိုင်သော ယွမ်လုံလှေသည် မူလက ကောင်းကင်အဆင့်အနိမ့် မှော်လက်နက်ဖြစ်ပြီး တာအိုပေါင်းစပ်ခြင်းအဆင့်နှင့် ဘေးဒုက္ခဖြတ်ကျော်ခြင်းအဆင့် ကျင့်ကြံသူများပင် ပေါင်းစပ်နားလည်ရန် ခဲယဉ်းသော အရာဖြစ်သည်။</p> <p>သို့သော် အချို့သော အထူးအကြောင်းရင်းများကြောင့် သူသည် အလွန်လွယ်ကူစွာ ပေါင်းစပ်နိုင်ခဲ့ပြီး ယွမ်လုံလှေ၏ တစ်စိတ်တစ်ပိုင်း ထိန်းချုပ်ခွင့်ကို ရရှိခဲ့သည်။</p> <p>​မှန်ပါသည်၊ တစ်စိတ်တစ်ပိုင်းသာ ဖြစ်သည်။</p> <p>သူသည် ယွမ်လုံလှေကို စစ်မှန်စွာ ပေါင်းစပ်နိုင်ခဲ့ခြင်း မရှိချေ။</p> <p>အဓိကအချက်မှာ ယွမ်လုံလှေ၏ နက်ရှိုင်းသောနေရာတွင် မြှုပ်နှံထားသည့် ဗဟိုချက် ပင် ဖြစ်သည်။</p> <p> ၎င်းသည် ဖန့်ချန်နှင့် မသက်ဆိုင်သေးပေ။</p> <p>ပေါင်းစပ်နားလည်ရန် ကြိုးစားစဉ်ကပင် ဝိညာဉ်စွမ်းအားများသည် ထိုဗဟိုချက်အပေါ် မည်သည့်သက်ရောက်မှုမျှ မရှိသည်ကို ဖန့်ချန် သတိပြုမိခဲ့သည်။</p> <p>​၎င်း၏ တည်ရှိမှုမှာ အလွန်ပင် ထူးခြားလှသည်။</p> <p>​ယခုအခါ ဖန့်ချန်သည် ထိုအရာက အဘယ်ကြောင့် ထူးခြားနေရသနည်းဆိုသည်ကို နားလည်သွားပြီဖြစ်သည်။</p> <p> သူ၏ ယွမ်လုံလှေ ဖြစ်စေ၊ ရွှင်ဝမ်နယ်မြေချဲ့ထွင်ရေးအဖွဲ့၏ တိုက်ပွဲနဂါးလှေ ဖြစ်စေ၊ ဤအရာအားလုံးမှာ နဂါးနက်လှေကို အလုပ်အကျွေးပြုရန်သာ ဖြစ်သည်။</p> <p>၎င်းတို့သည် နဂါးနက်လှေ၏ အစိတ်အပိုင်းများသာ ဖြစ်ကြပြီး နဂါးနက်လှေ ပေါ်ထွက်မလာသေးသည့် အချိန်တွင်မှသာ ဖန့်ချန်တို့က အသုံးပြုခွင့်ရကြခြင်း ဖြစ်သည်။</p> <p>​“ဆရာ... ဆရာ့ရဲ့ ဒီမသေမျိုးလှေက ဘယ်အဆင့်လဲဟင် ”</p> <p>ဖန့်ချန်သည် လင်းတုန်း၏ ရှေ့တွင် ရပ်နေရင်း အနည်းငယ် အံ့ဩနေမိသည်။</p> <p>လင်းတုန်း၏ မသေမျိုးလှေမှာ ယွမ်လုံလှေထက် များစွာ သာလွန်လှပြီး သူ၏ အဖွဲ့ဝင်များမှာလည်း အနည်းဆုံး အဆင့် ၁ မသေမျိုးများချည်း ဖြစ်ကြသည်။</p> <p>​“မင်း ငါ့ဆီကို ပြေးလာတာ ဒီမေးခွန်း မေးဖို့ပဲလား”</p> <p>လင်းတုန်းက ပြုံးလိုက်ပြီး</p> <p> “ငါ့လှေနာမည်က ပျံသန်းနဂါးလှေ လို့ ခေါ်တယ်၊ တိုက်ပွဲနဂါးလှေထက် တစ်ဆင့် ပိုမြင့်တယ်။ မြေနဂါးစီးရီးထဲမှာ တတိယအဆင့်ရှိတဲ့ လှေပေါ့၊ သူ့အပေါ်မှာ နောက်ထပ် နှစ်ဆင့် ကျန်သေးတယ်လေ ”</p> <p>​ဖန့်ချန်က နားလည်သလိုလိုဖြင့် ခေါင်းညိတ်ပြလိုက်ပြီး အနီးနားရှိ အတူတူ ချီတက်နေသော မသေမျိုးလှေ အစီရင်များဆီသို့ အကြည့်ပို့ကာ</p> <p>“တပည့် ခုနက သတိထားမိတာက... ဒီဟင်းလင်းပြင်ကြီးထဲမှာ တစ်ဦးချင်းစီရဲ့ ကျင့်ကြံမှုအဆင့်က သိပ်ပြီး အရေးမပါတော့သလိုပဲနော်...”</p> <p>​“မင်း ဘာကြောင့် ရောက်လာသလဲဆိုတာ ငါသိပြီ။ ဒီလို သံသယရှိတာကလည်း သဘာဝကျပါတယ်၊ ငါလည်း အစောပိုင်းက မသေမျိုးလှေ အစီရင်ရဲ့ စွမ်းပကားကို ပထမဆုံး မြင်လိုက်ရတုန်းက မင်းလိုပဲ ခံစားခဲ့ရတာ။ အခု လမ်းခရီးမှာ အချိန်ရတုန်းဆိုတော့ ငါ မင်းကို ဒီအကြောင်းတွေ ပြောပြပါ့မယ်။ ဒါပေမဲ့ မင်းအတွက်ကတော့ လောလောဆယ်မှာ ဒါတွေကို သုံးဖို့ အခွင့်အရေး မရှိသေးဘူးပေါ့ ”</p> <p>​လင်းတုန်းက ထို နဂါးနက်လှေ များကို ညွှန်ပြရင်း</p> <p> “တွေ့လား... ငါတို့လို မြေနဂါးစီးရီး မသေမျိုးလှေတွေဟာ မိုးနဂါးစီးရီး မသေမျိုးလှေတွေကို ဗဟိုချက်အဖြစ် ထားပြီး မသေမျိုးလှေ အစီရင်ကို ဖွဲ့စည်းကြရတာ။ ဒီဟင်းလင်းပြင်ထဲမှာ မသေမျိုးလှေ အစီရင်ရဲ့ စွမ်းပကားဟာ တစ်ဦးချင်းစီရဲ့ အင်အားထက် အများကြီး ပိုပြီး သာလွန်တယ်။ ဥပမာအားဖြင့် လီအမာခံတပည့်ကို ကြည့်၊ ငါတို့လို မြေနဂါးစီးရီး အဖွဲ့တွေကို စုစည်းလိုက်ပြီးတဲ့နောက် သူ တည်ဆောက်လိုက်တဲ့ အစီရင်ရဲ့ စွမ်းအားဟာ ရှေးဟောင်းမသေမျိုးတစ်ပိုင်း တစ်ယောက်ရဲ့ အင်အားထက် မလျော့တော့ဘူး ”</p> <p>​“ရှေးဟောင်းမသေမျိုးတစ်ပိုင်းထက် မလျော့ဘူးလား ဒီအဖွဲ့ထဲမှာ အဆင့် ၅ မသေမျိုးတောင် အများကြီး မရှိဘူး မဟုတ်လား ”</p> <p> ဖန့်ချန်က သင့်တော်သလို အံ့ဩဟန် ပြလိုက်သည်။</p> <p>​“မှန်တယ်၊ ပုံမှန်ဆိုရင် အဆင့် ၆ မသေမျိုး ငါးယောက်၊ ခြောက်ယောက်လောက် ပူးပေါင်းရင်တောင် ရှေးဟောင်းမသေမျိုးတစ်ပိုင်းရဲ့ ရှေ့မှာ အကျိုးအမြတ် ရဖို့ မသေချာဘူး။ ဒါပေမဲ့ မသေမျိုးလှေ အစီရင်သာ ရှိရင် ငါတို့လို အပြင်စည်း ကျင့်ကြံသူတွေ၊ ငါ့လို အဆင့် ၃ မသေမျိုးတွေနဲ့ မင်းလို ဘေးဒုက္ခဖြတ်ကျော်ခြင်းအဆင့်တွေ အားလုံးကို စုစည်းလိုက်ရင် ရှေးဟောင်းမသေမျိုးတစ်ပိုင်းထက် မနိမ့်တဲ့ အင်အားမျိုးကို ဖန်တီးနိုင်တယ်"</p> <p>"ဒါဟာ မသေမျိုးလှေ အစီရင်ရဲ့ အခြေခံအကျဆုံး စွမ်းအားပဲ ရှိသေးတာ။ အခု ငါတို့အဖွဲ့ထဲမှာ အမာခံတပည့်တွေ အများကြီး ထပ်တိုးလာပြီဆိုတော့ သူတို့သာ ပူးပေါင်းလိုက်ရင် အစီရင်ရဲ့ စွမ်းအားက ပိုပြီး ကြောက်စရာကောင်းလာလိမ့်မယ် ”</p> <p>​လင်းတုန်းက မာန်ပါပါဖြင့် ပြုံးကာ</p> <p> “အခုအချိန်မှာ ငါတို့အဖွဲ့ဟာ ရှေးဟောင်းမသေမျိုး တစ်ယောက်နဲ့ ထိပ်တိုက်ရင်ဆိုင်ရင်တောင် အရှုံးပေးစရာ မလိုတော့ဘူး ”</p> <p>​“ဒါဆို... အမာခံတပည့် ရာနဲ့ချီပြီး ပူးပေါင်းလိုက်ရင် နဝမအဆင့် မသေမျိုးကိုတောင်...”</p> <p>​“မင်း အရမ်းတွေးလွန်းသွားပြီ၊ မသေမျိုးလှေ အစီရင်တွေက အဲဒီလောက် လွယ်လွယ်ကူကူ ပူးပေါင်းလို့ ရတာ မဟုတ်ဘူး။ အဲဒီထဲမှာ ပိုပြီး နက်နဲတဲ့ အခြေခံသဘောတရားတွေ ရှိသေးတယ်၊ ငါလည်း ထိတွေ့ခွင့် မရဖူးသေးဘူး။ ဒါပေမဲ့ ငါ အရင်က အမာခံတပည့် လေးယောက် ပူးပေါင်းတာကိုတော့ ကြုံဖူးတယ်။ အဲဒီ လေးယောက်က ညီအစ်ကိုအရင်းတွေဖြစ်လို့ ငယ်ကတည်းက စိတ်ချင်း ဆက်သွယ်နေကြတာ"</p> <p>"သူတို့ရဲ့ မသေမျိုးလှေ အစီရင်ဟာ အဆင့် ၇ ရှေးဟောင်းမသေမျိုး တစ်ယောက်ကို အေးအေးဆေးဆေး သတ်ဖြတ်နိုင်ခဲ့ရုံတင်မကဘဲ အင်အားတွေတောင် ပိုနေသေးတယ်။ အဲဒီ အမာခံတပည့် လေးယောက်ရဲ့ ကျင့်ကြံမှုအဆင့်က ဘယ်လောက်လဲ သိလား မင်းဆရာ ငါ့လိုပဲ အဆင့် ၃ မသေမျိုးတွေပဲ ရှိသေးတာ ”</p> <p>​လင်းတုန်းက အေးဆေးစွာ ပြုံးလျက်</p> <p>“ဒါဟာ ငါတို့ ကျွယ်မင်နန်းတော်ရဲ့ အခြေခံအင်အားပဲ၊ ဒါကြောင့်လည်း လူတွေအများကြီးက ကျွယ်မင်နန်းတော်ကို ဝင်ချင်ကြပြီး အမာခံတပည့် ဖြစ်ချင်ကြတာပေါ့။ အမာခံတပည့်တွေပဲ မသေမျိုးလှေ အစီရင်အတတ် ကို တတ်မြောက်နိုင်တာ ”</p> <p>​“လှေတွေပေါ်က အစီရင်တွေ ပေါင်းစည်းလိုက်ရုံနဲ့ ဒီလောက် ကြောက်စရာကောင်းတဲ့ စွမ်းအားတွေ ထွက်လာနိုင်တာလား တကယ်ကို စိတ်ကူးကြည့်ဖို့ ခက်တယ်နော် ”</p> <p>ဖန့်ချန်က တိုးတိုးလေး ရေရွတ်လိုက်သည်။</p> <p>​“အစီရင်တွေ ပေါင်းစည်းရုံတင် မကဘူး။ မင်း ခုနက သူတို့ အစီရင်မသေမျိုးအတတ် သုံးတာကို မမြင်ခဲ့ရတာက ကျွယ်မင်နန်းတော်ထဲမှာ မသေမျိုးလှေ အစီရင်ကိုလည်း ကွပ်ကဲနိုင်၊ အစီရင်မသေမျိုးအတတ်ကိုလည်း သုံးနိုင်တဲ့သူက လက်ချိုးရေလို့ ရတယ်။ အားလုံးပေါင်း ၁၀ ယောက်ကျော်လောက်ပဲ ရှိတာ။ အစီရင်တွေအပေါ်မှာပဲ မှီခိုရင် စွမ်းအားက ကြီးမားတယ်ဆိုပေမဲ့ အစီရင်မသေမျိုးအတတ်လောက်တော့ အဝေးကြီး လိုသေးတယ် ”</p> <p>​လင်းတုန်းက ဆက်ပြောပြသည်</p> <p> “တကယ်လို့ အစီရင်ဗဟိုချက် နဲ့ လူနှင့်အစီရင် တစ်သားတည်း ဖြစ်သွားတဲ့ အခြေအနေကို ရောက်မှသာ မင်းဟာ အစီရင် ဖြစ်သွားမယ်၊ အစီရင်ကလည်း မင်း ဖြစ်သွားမယ်။ အဲဒီအချိန်ကျရင် မင်းဟာ ဖော်ပြလို့မရတဲ့ တည်ရှိမှုတစ်ခု ဖြစ်သွားပြီး မင်း တစ်သက်လုံး သင်ယူခဲ့သမျှ အတတ်ပညာတွေကို အစီရင်ကတစ်ဆင့် အစွမ်းကုန် ထုတ်သုံးနိုင်လိမ့်မယ်။ အဲဒီ အရှိန်အဝါနဲ့ စွမ်းအားကတော့ မင်း ထင်ထားတာထက် အများကြီး ပိုလိမ့်မယ် ”</p> <p>​ဖန့်ချန်သည် လင်းတုန်း ပြောလိုသည့် အဓိပ္ပာယ်ကို နားလည်သွားသကဲ့သို့ ခံစားလိုက်ရပြီး စိတ်ထဲမှ အခြားသော သံသယတစ်ခုလည်း ပြေပျောက်သွားသည်။</p> <p>​“ဆရာ... ဒါကြောင့်ပဲ မသေမျိုးလှေ အစီရင်ရဲ့ စွမ်းအားက အရမ်းကြောက်စရာကောင်းလွန်းလို့ အခုလို အမာခံတပည့်တွေက ကျနော်တို့ကို စစ်မှုထမ်းဖို့ လိုအပ်တဲ့ အချိန်မျိုးမှာမှ အစီရင်ကို ဖွဲ့စည်းခွင့် ရှိတာလားဟင် ”</p> <p>​“မှန်တယ်၊ ဒါဟာ အင်အားကို ထိန်းညှိတဲ့ စနစ်တစ်ခုပဲ။ တချို့ အမာခံတပည့်တွေက အဆင့် ၁ မသေမျိုးတွေပဲ ရှိသေးတာဆိုတော့ သူတို့ရဲ့ စိတ်ဓာတ်က လွှမ်းမိုးခံရလွယ်တယ်။ တကယ်လို့ သူတို့က ဒီလို ကြောက်စရာကောင်းတဲ့ စွမ်းအားမျိုးကို အမြဲတမ်း ပိုင်ဆိုင်ထားမယ်ဆိုရင် အထက်နယ်မြေသုံးခုအတွက် ဘေးအန္တရာယ် ဖြစ်နိုင်တယ်"</p> <p>"ဒါကြောင့် တားမြစ်နယ်မြေ လုပွဲလိုမျိုး အထူးအခြေအနေတွေမှာမှ ကျွယ်မင်နန်းတော်က သူတို့ကို ငါတို့ကို စုစည်းခွင့် ပြုတာ။ ပုံမှန်အချိန်မှာတော့ သူတို့က ငါတို့ကို အကြောင်းမဲ့ စုစည်းဖို့ မလုပ်ရဲကြဘူး၊ အဲဒါဆိုရင် အကြီးအကဲတွေရဲ့ အပြစ်ပေးမှုကို ခံရမှာပဲ ”</p> <p>​လင်းတုန်းက ခေါင်းကို အသာအယာ ညိတ်ရင်း</p> <p>“တခြား အင်အားစုတွေလည်း ငါတို့နဲ့ အတူတူပါပဲ။ မသေမျိုးလှေ အစီရင်တွေ ရှိနေရတာက အချင်းချင်း တိုက်ခိုက်ဖို့တင် မကဘူး၊ တကယ်တမ်းကတော့ တည်ရှိနေနိုင်တဲ့ အချို့သော ရန်သူတွေ အတွက် ပြင်ဆင်ထားတာ ”</p> <p>​ဖန့်ချန်၏ မျက်လုံးများက လှုပ်ရှားသွားပြီး သံသယ ဖြစ်ဟန်ဖြင့် မေးလိုက်သည်</p> <p>“တည်ရှိနေနိုင်တဲ့ ရန်သူ ထိုက်ယီမသေမျိုးဂိုဏ်းတို့၊ ကြယ်တစ်သောင်းနန်းတော်တို့လို အဖွဲ့တွေကို ပြောတာလား ”</p> <p>​“မဟုတ်ဘူး။ မင်းလည်း မြင်တဲ့အတိုင်းပဲ၊ ဟင်းလင်းပြင်ကြီးက ဘယ်လောက် ကျယ်သလဲ။ လူ့လောကကိုးခုပဲ ရှိတယ်လို့ မင်း အာမခံနိုင်မလား ဖြစ်နိုင်တာကတော့ ဒီအဆုံးမဲ့တဲ့ ဟင်းလင်းပြင်ကြီးထဲမှာ ငါတို့ လူ့လောကကိုးခုကို ဝါးမြိုဖို့ ချောင်းမြောင်းနေတဲ့ အမည်မသိ ရန်သူတွေ ရှိနေနိုင်တယ်။ မသေမျိုးလှေ အစီရင်ဆိုတာ သူတို့အတွက် ပြင်ဆင်ထားတာပဲ ”</p> <p>​လင်းတုန်း၏ မျက်ဝန်းများက နက်ရှိုင်းသွားပြီး ဟင်းလင်းပြင်ကြီးဆီသို့ ငေးကြည့်နေမိသည်။</p> <p>ခဏအကြာတွင် သူက အကြည့်ကို ပြန်ရုပ်သိမ်းလိုက်ပြီး ရယ်မောကာ</p> <p>“ဒါတွေက ခန့်မှန်းချက်တွေပါပဲ၊ ငါတို့ စိုးရိမ်နေရမယ့် အရာတွေ မဟုတ်ပါဘူး။ မင်း လုပ်စရာ ရှိတာကိုပဲ အာရုံစိုက်လုပ်စမ်းပါ၊ အရင်ဆုံး လွတ်လပ်သောမသေမျိုး ဖြစ်အောင် ကြိုးစားဦး ”</p> <p>​ဖန့်ချန်က ခေါင်းညိတ်ပြလိုက်သည်။</p> <p>​သူသည် အစီရင်ဗဟိုချက် ကို ရရှိအောင် ကြိုးစားပြီး မသေမျိုးလှေ အစီရင်၏ စွမ်းအားကို ပိုင်ဆိုင်ရမည်။</p> <p>ဖြစ်နိုင်လျှင် သူကိုယ်တိုင် စိတ်ကြိုက် ကွပ်ကဲနိုင်မည့် ကိုယ်ပိုင် အဖွဲ့အစည်းကြီးတစ်ခုကို တည်ထောင်ရမည်ဟု သူ စိတ်ပိုင်းဖြတ်လိုက်တော့သည်။</p> <p> </p> <p> </p> <p style="text-align: center;">***</p>


Save