Book List

<h2 style="text-align: center;">အပိုင်း ( ၁၉၉ )</h2> <h2 style="text-align: center;">*</h2> <p> </p> <p> </p> <p>​ပယ်လယ်ဒီယာ အင်ပါယာ တွင် တည်ရှိသော တောင်ပေါ်ရှိ ရှင်းလင်းသည့် နေရာတစ်ခု။ လူသူကင်းမဲ့နေပြီဖြစ်သော ဤနေရာတွင် လူများမဝင်ရောက်နိုင်စေရန် အကာအကွယ်တစ်ခု တည်ဆောက်ထားပြီး လျှို့ဝှက်စမ်းသပ်မှုတစ်ခုကို ပြုလုပ်နေသည်။</p> <p>​ဘုန်းးးးးးးး</p> <p>​ထို့နောက် စမ်းသပ်မှု၏ ပထမအဆင့်သည် ကျရှုံးမှုဖြင့် အဆုံးသတ်သွားလေသည်။</p> <p>​"ကျားးး"</p> <p>​"လျှပ်စစ် ဒိုင်းလွှား"</p> <p>​အခြားအရာတစ်ခုခု ဖြစ်ပေါ်လာမည့်အစား ဧရာမ ပေါက်ကွဲမှုကြီးတစ်ခု ဖြစ်ပေါ်လာပြီး လူနှစ်ဦးကို ရိုက်ခတ်သွားသော်လည်း၊ ဘေးကင်းလုံခြုံရေး မှော်ပညာက ချက်ချင်း အသက်ဝင်လာပြီး သူတို့နှစ်ဦးကို ကာကွယ်ပေးလိုက်သည်။</p> <p>​"ဒီတစ်ခါလည်း ကျရှုံးပြန်ပြီလား"</p> <p>​"... အဲဒီလို ထင်ရတာပဲ"</p> <p>​ပထမ အင်ပါယာ မင်းသမီးလေး အာမာ အန်း အီလ်တာ... မဟုတ်ဘူး၊ လွန်ခဲ့တဲ့ ၃ လကတည်းက ဧကရာဇ်မင်းသမီး ဖြစ်လာခဲ့တဲ့ သူက ပေါ့ပေါ့ပါးပါး လေသံဖြင့် မေးလိုက်စဉ်၊ ဧကရာဇ်မင်းသမီး၏ ယုံကြည်ရဆုံး အတိုင်ပင်ခံဖြစ်ပြီး တစ်ချိန်တည်းမှာပင် ကမ္ဘာမြေသားများအကြား အမြင့်ဆုံးရာထူးသို့ ရောက်ရှိနေသူ ကန်မီရယ် က သူမ၏ နှုတ်ခမ်းကို ကိုက်ရင်း ပြန်ဖြေလိုက်သည်။</p> <p>​"ဆက်သွယ်မှုက လုံးဝ ပြတ်တောက်သွားပြီလို့ နင် မထင်ဘူးလား"</p> <p>​"အဲဒါ ကျွန်မ မွေးဖွားလာတဲ့ ကမ္ဘာလေ၊ ဒီလောက် လွယ်လွယ်နဲ့ ပြတ်တောက်သွားစရာ အကြောင်းမရှိဘူး၊ ဆက်သွယ်မှုက သေချာပေါက် ရှိနေသေးတယ်"</p> <p>​"ဒါပေမဲ့ အနည်းဆုံးတော့ ငါတို့ရဲ့ စွမ်းရည်တွေနဲ့ အဲဒါကို ပြန်ဆက်သွယ်ဖို့ မဖြစ်နိုင်ဘူးလေ"</p> <p>​"..."</p> <p>​သူတို့ ပြုလုပ်နေသော စမ်းသပ်မှုမှာ အခြားမဟုတ်ဘဲ ကမ္ဘာနှစ်ခုကို ဆက်သွယ်ရန် ကြိုးစားနေခြင်းပင်ဖြစ်သည်။ အတိတ်ကဆိုလျှင် မည်သူမဆို ထိုကဲ့သို့သော အတွေးမျိုးကို နှာခေါင်းရှုံ့ကြမည်ဖြစ်သော်လည်း ၎င်းမှာ မကြာသေးမီကအထိ ကမ္ဘာမြေပေါ်တွင် သဘာဝကျကျ ဖြစ်ပေါ်နေခဲ့သောအရာ ဖြစ်သည်။</p> <p>​"... အဲဒီလိုဆိုရင်တောင်"</p> <p>​အာမာ ၏ စကားကို ကြားပြီးနောက် ကန်မီရယ် အနည်းငယ် စိတ်ဓာတ်ကျသွားသော်လည်း၊ သတိပြန်ဝင်လာပြီး ပြန်ဖြေလိုက်သည်။</p> <p>​"အဲဒါ မအောင်မြင်မချင်း ကျွန်မ ကြိုးစားလုပ်ဆောင်နေရုံပဲ ရှိတာပေါ့၊ ကမ္ဘာမြေကို ပြန်သွားချင်နေတဲ့ လန်ပတ်စ် က လူတွေအတွက်ပဲဖြစ်ဖြစ်၊ တခြားကမ္ဘာတွေမှာ ပိတ်မိနေတဲ့ လူတွေအတွက်ပဲဖြစ်ဖြစ်"</p> <p>​"ကိုယူးအီဟန်ကို တွေ့ချင်တယ်လို့ ရိုးရိုးသားသား မပြောလိုက်ပါလား"</p> <p>​"ဟုတ်တယ်၊ ကျွန်မ သူ့ကို တွေ့ချင်တယ်"</p> <p>​ကန်မီရယ် ၏ ရိုးသားမှုကြောင့် အာမာ စကားမပြောနိုင်ဖြစ်သွားသည်။ သို့သော် ကန်မီရယ် က အနည်းငယ်သာ မျက်နှာနီမြန်းသွားပြီး သူမ၏ မျက်နှာထား သိပ်မပြောင်းလဲဘဲ ဆက်ပြောသည်။</p> <p>​"ကျွန်မ သူ့ကို တစ်နှစ် ၃၆၅ ရက်လုံး တွေ့ချင်နေတာဆိုတော့ သူ့ကို မတွေ့ချင်ဘူးလို့တော့ မပြောနိုင်ဘူးလေ၊ ယူနာလေး နဲ့ ၁၀ နှစ်လောက် ကွဲကွာနေခဲ့တုန်းကတောင် ဒီလောက် မဆိုးခဲ့ဘူး"</p> <p>​"အာ... ဟေ့... ဆောရီးပါ၊ နင်က အဲဒါကို ဝန်ခံမယ့်ပုံ မပေါ်လို့ ငါက ပြောလိုက်တာပါ... ဟူး... အချိန်တွေ ပြောင်းလဲတာ မြန်လိုက်တာ"</p> <p>​"ရပါတယ်"</p> <p>​အာမာ အန်း အီလ်တာ ၏ နီမြန်းနေသော မျက်နှာကို ကြည့်ပြီး ကန်မီရယ် တခစ်ခစ် ရယ်မောလိုက်သည်။ သူမ တစ်ယောက်တည်းသာ အင်ပါယာတစ်ခု၏ ဧကရာဇ်မင်းသမီးကို ဤမျှ ထိတ်လန့်သွားအောင် လုပ်နိုင်စွမ်း ရှိသည်။</p> <p>​"သက်ဆိုင်တဲ့ စွမ်းရည်တွေကလည်း လျင်မြန်စွာ တိုးတက်နေတာဆိုတော့ မကြာခင်မှာ ရလဒ်တွေ ရလာလိမ့်မယ်လို့ ကျွန်မ ယုံကြည်တယ်"</p> <p>​"... အင်း၊ ကမ္ဘာမြေက လန်ပတ်စ် ရော တခြားကမ္ဘာတွေနဲ့ပါ ပြန်လည်ဆက်သွယ်နိုင်ပါစေလို့ ငါလည်း ဆုတောင်းပါတယ်၊ ဘာလို့လဲဆိုတော့ နင့်ရဲ့ မင်္ဂလာပွဲကို ငါ တက်ချင်သေးလို့လေ"</p> <p>​"မင်္ဂလာပွဲ... ဟုတ်လား"</p> <p>​ထိုစကားလုံးကို အသံထွက်ပြောလိုက်ပြီးနောက် ကန်မီရယ် အနည်းငယ် ရှက်သွားပုံရသော်လည်း၊ ပုံမှန်အတိုင်း ပြန်ဖြစ်လာရန် ပါးနှစ်ဖက်ကို ပုတ်လိုက်သည်။</p> <p>​"အဲဒီလူရဲ့ ပတ်ဝန်းကျင်မှာ အရည်အချင်းရှိတဲ့သူတွေ အများကြီး ရှိတယ်လေ၊ အရာအားလုံး အဆင်ပြေသွားရင်တောင် ကျွန်မ သေချာပေါက် မပြောနိုင်သေးဘူး"</p> <p>​"နင်က အရာအားလုံးနဲ့ ပတ်သက်ပြီး အရမ်းကို တိုက်ခိုက်လိုစိတ် ပြင်းထန်တာပဲ မီရယ်"</p> <p>​"ဒါဆို ကျွန်မ အရင် သွားခွင့်ပြုပါဦး၊ တခြားကိစ္စတွေမှာ ရလဒ်တချို့ တွေ့ပြီးမှပဲ နောက်စမ်းသပ်မှုကို လုပ်သင့်တယ်"</p> <p>​ကန်မီရယ် သည် ဧရိယာတဝိုက်ရှိ အကာအကွယ် မှော်ပညာကို စစ်ဆေးပြီးနောက် သူမ၏ ခရီးဆောင်အိတ်ကို ကောက်ကိုင်လိုက်သည်။ အရာအားလုံးသည် တစ်နည်းမဟုတ်တစ်နည်း တိုက်ပွဲနှင့် သက်ဆိုင်နေသည်။</p> <p>​သူမ လန်ပတ်စ် တွင် 'ပိတ်မိ' နေကတည်းက၊ ကမ္ဘာမြေသို့ ပြန်သွားမည့် နည်းလမ်းကို ရှာဖွေရန်နှင့် သူမ၏ ကိုယ်ပိုင်စွမ်းရည်များကို မြှင့်တင်ရန်အတွက် ဤကမ္ဘာ၏ လျှို့ဝှက်ချက်များဟု သတ်မှတ်ခံထားရဆဲဖြစ်သော ဝင်္ကပါများနှင့် မှော်အပျက်အစီးများဆီသို့ လှည့်လည်သွားလာနေခဲ့သည်။</p> <p>​ဤဝင်္ကပါများသည် မရေမတွက်နိုင်သော နှစ်ပေါင်းများစွာကြာအောင် ရှင်းလင်းခြင်းမရှိဘဲ ကျန်ရစ်နေခဲ့သဖြင့် ၎င်းတို့၏ အခက်အခဲမှာ စိတ်ကူး၍ပင် မရနိုင်ပေ။ သို့သော် ကန်မီရယ် သည် ကမ္ဘာမြေ၏ အကြီးမြတ်ဆုံး ပါရမီရှင်ဖြစ်သည်။ (ဘာသာပြန်သူ၏ မှတ်စု - အီဟန် ရော။) သူမ၏ ကြမ်းတမ်းသော စိတ်ဓာတ်နှင့် အင်ပါယာ မိသားစု၏ အထောက်အပံ့များ ပေါင်းစပ်လိုက်သောအခါ တစ်နှစ်အတွင်း အပျက်အစီး သုံးခုကို အသစ်တူးဖော်နိုင်ခဲ့ပြီး သိမ်းပိုက်နိုင်ခဲ့သည်။</p> <p>​"နင် ချက်ချင်း သွားတော့မလို့လား၊ အပျက်အစီးတွေကို အခုလေးတင် တူးဖော်ပြီးတာတောင်မှလေ"</p> <p>​ဧကရာဇ်မင်းသမီးက သူမကို စိုးရိမ်တကြီး ကြည့်ရင်း ပြောလိုက်သည်။</p> <p>​"တစ်ရက်လောက် မနားဘူးလား၊ မှော်အပျက်အစီးတွေဆိုတာ ရိုးရှင်းတဲ့ အရာတွေ မဟုတ်ဘူးလေ၊ တစ်ခဏလေး ပေါ့ဆလိုက်တာနဲ့ အသက်ဆုံးရှုံးသွားနိုင်တယ်"</p> <p>​"အပျက်အစီး တစ်ခုလေးအတွက်နဲ့ အင်ပါယာ တစ်ခုလုံးကို ဖောက်ခွဲပစ်လုနီးပါး ဖြစ်ခဲ့တဲ့သူဆီက လာတဲ့ စကားဆိုတော့ တော်တော်လေး ခြိမ်းခြောက်ခံနေရသလို ခံစားရတယ်"</p> <p>​"အဲဒါကလည်း... ရှီး"</p> <p>​မှော်အင်ဂျင်နီယာပညာရပ်၏ အဆီအနှစ်များ တည်ရှိရာ အပျက်အစီးများတွင် ဖြစ်ပွားခဲ့သော ဖြစ်ရပ်ကို ပြန်တွေးမိပြီး သူတို့နှစ်ဦး ခပ်ဖွဖွ ပြုံးလိုက်ကြသည်။ ထိုအချိန်က ၎င်းသည် ကပ်ဘေးတစ်ခုနှင့် မခြားသော်လည်း ယခုအခါတွင်မူ ကောင်းမွန်သော အမှတ်တရများသာ ဖြစ်နေလေပြီ။ အချိန်၏ စွမ်းအားမှာ ကြောက်မခန်းလိလိပင်။</p> <p>​"ဒါနဲ့ တစ်နှစ်တောင် ရှိသွားပြီပဲနော်..."</p> <p>​"တစ်နှစ် 'ပဲ' ရှိသေးတာပါ... အဲဒါကို အမှတ်တရတစ်ခုအဖြစ် ထားရစ်ခဲ့ဖို့ ကျွန်မ မရည်ရွယ်သလို၊ လက်လျှော့ဖို့လည်း မရည်ရွယ်ပါဘူး"</p> <p>​"နင် အနားရသွားပြီလို့ ငါထင်ခဲ့တာ... ကိုယ့်ကိုယ်ကိုယ် ပြန်ပြီး ဒဏ်ခတ်နေပြန်ပြီလား"</p> <p>​"ဒါဆို ကျွန်မ သွားခွင့်ပြုပါဦး"</p> <p>​ထိုစကားများနှင့်အတူ ကန်မီရယ် လှည့်ထွက်သွားသည်။ သူမ၏ တက်ကြွသော အသံနှင့်မတူဘဲ၊ သူမ၏ အားနည်းသော ပခုံးများမှာ အလွန်တုန်ယင်နေပုံရသဖြင့် ဧကရာဇ်မင်းသမီးသည် သူမ၏ ကျောပြင်ကို ကြည့်ရင်း သက်ပြင်းချလိုက်သည်။</p> <p>​"ကျေးဇူးပြုပြီး မသေပါနဲ့"</p> <p>​"ကျွန်မ သေဖို့ မရည်ရွယ်ပါဘူး၊ တွေ့ရမယ့်သူတွေ ရှိသေးတယ်"</p> <p>​အထက်တန်းလွှာများ၏ မွန်းကြပ်သော ကမ္ဘာနှင့် တင်းကျပ်သော ပညာရေးစနစ်များအကြားတွင် သူမကို အသက်ရှူနိုင်အောင် လုပ်ပေးခဲ့သော သူမ၏ ကိုယ်ပိုင်အစ်ကို ကန်ဟာဂျင်။ ကောင်းသည်ဖြစ်စေ၊ ဆိုးသည်ဖြစ်စေ သူမ၏ ဘဝတစ်လျှောက်လုံး သူမနှင့်အတူ ရှိနေပေးခဲ့သော သူမ၏ သူငယ်ချင်း နာယူနာ။ ပြီးတော့...</p> <p>​'အဲဒီလူသာဆိုရင် စတုတ္ထအဆင့်တောင် ရောက်နေလောက်ပြီ မဟုတ်လား၊ တစ်နေရာရာမှာ ဒဏ်ရာတွေများ ရနေမလား... နောက်ထပ် မိန်းမတစ်ယောက်များ ရသွားပြီလား'</p> <p>​ယူးအီဟန်အကြောင်း သူမ တွေးမိသည်နှင့် အဆုံးမရှိတော့ပေ။ သူမ ဘာမှမလုပ်နိုင်မှန်း သိနေလျှင်တောင်မှ။ သူမ သိခဲ့လျှင်ပင် မတားဆီးနိုင်မှန်း သိနေသဖြင့် ကိုယ့်ကိုယ်ကိုယ် အရူးတစ်ယောက်လိုသာ သတ်မှတ်မိသည်။</p> <p>​ကန်မီရယ် သည် သူမ၏ ခေါင်းကို ခါယမ်းကာ အသေးအမွှား အတွေးများကို ဖယ်ရှားပစ်လိုက်ပြီး ဧကရာဇ်မင်းသမီးကို ထားရစ်ကာ ရှေ့သို့ လျှောက်သွားလေသည်။ အာမာ အန်း အီလ်တာ က ခါးသက်သက် ပြုံးလိုက်ပြီး ကျရှုံးသွားသော စမ်းသပ်မှု နေရာမှ ထွက်ခွာသွားသည်။</p> <p>​ထိုအချိန်တွင် ကန်မီရယ် တွေးတောနေသော လူနှစ်ဦးမှာ လောလောဆယ်တွင်...</p> <p>​"မိန်းမပျိုလေးကို လက်ထပ်ခွင့် တောင်းတယ် ဟုတ်လား"</p> <p>​"မိန်းမပျိုလေးကလည်း ကျွန်တော်တို့ ကမ္ဘာရဲ့ နိုင်ငံသားတစ်ယောက် လုံးဝ ဖြစ်သွားပြီလေ၊ အရှင်မင်းကြီး ဧကရာဇ်က ဒါကို ထပ်ပြီး နှောင့်နှေးမနေချင်တော့ပါဘူး၊ အင်ပါယာ နှစ်ခုရဲ့ အနာဂတ်အတွက်..."</p> <p>​"အဲဒီ ဝဝတုတ်တုတ် အဘိုးကြီးကို ကျွန်မ မုန်းတယ်"</p> <p>​"ဝ... ဝဝတုတ်တုတ် အဘိုးကြီး ဟုတ်လား"</p> <p>​... အလွန်ခက်ခဲသော အခြေအနေတစ်ခုတွင် ရောက်ရှိနေသည်။</p> <p>​"ကြီးမြတ်တဲ့ အင်ပါယာရဲ့ ဧကရာဇ် လီ ကတ်ထရီယာနာ အရှင်မင်းကြီးကို မင်းကများ စော်ကားဝံ့တယ်ပေါ့"</p> <p>​"ဘွတ်"</p> <p>​"မိန်းမပျိုလေး"</p> <p>​"အဲဒီ ဝဝတုတ်တုတ်ကိုလည်း မောင်းထုတ်လိုက်၊ ရှင်တို့ မလုပ်ရင် ကျွန်မလုပ်မယ်... လိုင်တနာ နတ်ဘုရားမရဲ့ သန့်စင်တဲ့စွမ်းအားနဲ့လေ"</p> <p>​"ဝါးးးးးးး"</p> <p>​နာယူနာ သည် အယ်လ်ဖို့စ် သန့်စင်သော အင်ပါယာနှင့် ယှဉ်နိုင်သော စွမ်းအားရှိသည့် ကိုယ်တိုင်ကြေညာထားသော လီ ကတ်ထရီယာနာ အင်ပါယာမှ သံတမန်ကို ချက်ချင်း ငြင်းပယ်လိုက်သည်။ ပြီးတော့ ဒါက သေးငယ်တဲ့ ကိစ္စလေး မဟုတ်ပါဘူး၊ ဒီလူက တိုက်ကြီးရဲ့ ထက်ဝက်ကို အုပ်စိုးနေတဲ့ ဧကရာဇ်ရဲ့ မင်္ဂလာကိစ္စ သတင်းကို ယူဆောင်လာတာလေ။</p> <p>​သူတို့က လောလောဆယ် သံတမန်ကို ခေတ္တ နောက်ဆုတ်သွားအောင် လုပ်နိုင်ခဲ့ပေမဲ့၊ သူမကို ထောက်ခံတဲ့ ဘုန်းတော်ကြီးတွေ အားလုံးက သူမရဲ့ စကတ်ကို ဖမ်းဆွဲပြီး ဖြူဖျော့နေတဲ့ မျက်နှာတွေနဲ့ ဒူးထောက်ကျသွားကြတယ်။</p> <p>​"မိန်းမပျိုလေး... ပြိုင်ဘက်က ဧကရာဇ်တစ်ပါးနော်"</p> <p>​"သူတို့က လိုင်တနာ နတ်ဘုရားမရဲ့ စွမ်းအားကို မကြောက်ဘူးလေ၊ မိန်းမပျိုလေးက ဘာလုပ်ဖို့ စီစဉ်နေတာလဲ"</p> <p>​"အဲဒီလို ဝဝတုတ်တုတ်ကြီးကို ကျွန်မလည်း မကြောက်ပါဘူး"</p> <p>​သူမ၏ ပုံမှန် အေးဆေးတည်ငြိမ်သော ပုံစံနှင့်မတူဘဲ သူမ တကယ် ဒေါသထွက်နေပြီး၊ သူမ၏ အတင်းအကျပ် ဆန်သော အပြုအမူကြောင့် ဘုန်းတော်ကြီးများ နောက်ဆုတ်သွားကြစဉ် သူမက ပြတ်သားစွာ ပြောလိုက်သည်။</p> <p>​"သူတို့ မကြာခင် ငါတို့ကို စစ်ကြေညာတော့မှာမို့လို့ ပြင်ဆင်ထားကြပါ"</p> <p>​"စစ်ကြေညာမယ် ဟုတ်လား"</p> <p>​လူများက ထိတ်လန့်တကြား အော်ဟစ်လိုက်သော်လည်း နာယူနာက တည်ငြိမ်စွာ ခေါင်းညိတ်ပြလိုက်သည်။</p> <p>​"သူတို့က အယ်လ်ဖို့စ် ကို မျိုချဖို့ နည်းလမ်းတွေ ရှာနေတာ ကြာပြီလေ၊ အဲဒီလူသာ ကျွန်မကို လက်ထပ်လိုက်ရင် အရာအားလုံးက ပိုလွယ်သွားမှာပဲ၊ ကျွန်မက ငြင်းလိုက်ရင်လည်း အဲဒီလူက အဲဒါကို အကြောင်းပြချက် လုပ်ပြီး ကျူးကျော်လာမှာပဲ"</p> <p>​"သူက မိန်းမပျိုလေးကို သဘောကျသွားတာများ မဖြစ်နိုင်ဘူးလား..."</p> <p>​"အဲဒါကို ထည့်စဉ်းစားစရာတောင် မလိုဘူး၊ အယ်လ်ဖို့စ် ပြီးမှ ကျွန်မကိုပဲဖြစ်ဖြစ်၊ ကျွန်မ ပြီးမှ အယ်လ်ဖို့စ် ကိုပဲဖြစ်ဖြစ် သူ ဂရုစိုက်မှာ မဟုတ်ဘူး"</p> <p>​နာယူနာ၏ ယုံကြည်မှုမှာ ယနေ့လည်း အမြဲတမ်းလိုလို ကောင်းကင်ကို ထိုးဖောက်နေသည်။</p> <p>​"ဘယ်လိုပဲဖြစ်ဖြစ် ငါတို့ သူတို့ကို တိုက်ရမှာပဲဆိုတော့ ပြင်ဆင်ထားကြပါ၊ ဖြစ်နိုင်ရင် သူတို့ဆီမှာ တပ်မတော် တစ်ခု အဆင်သင့် ရှိနေလောက်ပြီဆိုတော့ အရပ်သားတွေကို အရင် ကယ်ထုတ်ထားပါ၊ ပြီးရင် ဒီကိစ္စကို သန့်ရှင်းသော မိခင်ကြီး ကို ပြောပြပြီးမှ ကျန်တာ ဆက်ပြောကြတာပေါ့"</p> <p>​နာယူနာ ထိုင်ခုံမှ ထရပ်လိုက်သောအခါ သူမ၏ အစောင့်အရှောက် သူရဲကောင်းဖြစ်သော ကန်ဟာဂျင် လည်း သူမနောက်မှ လိုက်ပါသွားသည်။ ဘုန်းတော်ကြီးများသည် သူတို့ထွက်ခွာသွားသည်ကို တွေဝေစွာ ငေးကြည့်နေရုံသာ တတ်နိုင်တော့သည်။ သို့သော် ၎င်းမှာ တစ်ခဏသာဖြစ်ပြီး သူတို့သည် သက်ပြင်းချကာ အချင်းချင်း စကားပြောဆိုလာကြသည်။</p> <p>​"တတ်နိုင်ဘူးလေ"</p> <p>​"ငါတို့ မိန်းမပျိုလေးရဲ့ အမိန့်ကို နာခံရမယ်၊ ပြီးတော့ အဲဒီ ဧကရာဇ်ကို ငါလည်း သိပ်မကြည်ဘူး"</p> <p>​"မိန်းမပျိုလေးက အဲဒီဝက်ကြီးကို ကန်ထုတ်မယ့် မြင်ကွင်းကို ငါလည်း ကြည့်ချင်တယ်၊ လိုင်တနာ နတ်ဘုရားမရဲ့ နာမည်နဲ့ အလှပဆုံး စစ်ပွဲတစ်ခုကို ငါတို့ ဆင်နွှဲကြတာပေါ့"</p> <p>​"ကောင်းပြီလေ... စစ်ပွဲ စကြစို့"</p> <p>​မိန်းမပျိုလေးက ဆုံးဖြတ်ပြီးပြီဖြစ်သဖြင့် သူတို့၏ ဆန္ဒများမှာ အရေးမကြီးတော့ဘဲ ဤစစ်ပွဲမှာ မလွှဲမရှောင်သာ ဖြစ်လာသည်။ သို့ဆိုလျှင် သူတို့သည် သူတို့၏ ကံကြမ္မာကို လက်ခံပြီး စစ်ပွဲစတင်ရန်သာ ရှိတော့သည်။ အယ်လ်ဖို့စ် အပေါ် နာယူနာ၏ လက်ရှိ အာဏာမှာ ထိုမျှလောက်ပင် ကြီးမားလေသည်။</p> <p>​ထိုသို့ဖြင့် ဘရီယာ ၏ အင်အားအကြီးဆုံး နိုင်ငံနှစ်ခုကြားရှိ စစ်ပွဲမှာ သေချာသွားလေသည်။</p> <p>​"ယူနာ... အဆင်ပြေပါ့မလား"</p> <p>​ထိုအချိန်တွင် ကန်ဟာဂျင်သည် စင်္ကြံလမ်းပေါ်တွင် ဒေါက်ဖိနပ်သံများ ထွက်ပေါ်အောင် လျှောက်လှမ်းနေသော နာယူနာကို စိုးရိမ်တကြီးဖြင့် မေးလိုက်သည်။</p> <p>​"ငါ အဆင်မပြေဘူး"</p> <p>​"..."</p> <p>​သို့သော် သူမထံမှ ထိုကဲ့သို့သော အဖြေမျိုး ရလိမ့်မည်ဟု ကန်ဟာဂျင် မထင်ထားသဖြင့် ထိတ်လန့်သွားစဉ်၊ နာယူနာက မြေကြီးပေါ်သို့ ကြမ်းတမ်းစွာ ခြေဆောင့်ရင်း သူမ၏ ဒေါသများကို ပေါက်ကွဲထုတ်လိုက်သည်။</p> <p>​"အဲဒီ မျက်နှာပြောင်တိုက်တဲ့ ဝဝတုတ်တုတ်ကြီး... အဲဒီအကြောင်း တွေးမိတာနဲ့တင် ဒေါသထွက်တယ်"</p> <p>​"အရင်တုန်းကလည်း နင့်ကို အဲဒီလိုမျိုး ချဉ်းကပ်ဖို့ ကြိုးစားတဲ့ ယောက်ျားတွေ အများကြီး ရှိခဲ့တာပဲလေ၊ ပြီးတော့ ဒါက တခြားနိုင်ငံက ဧကရာဇ်တစ်ပါးအကြောင်း ပြောနေတာနော်... နင် ဒီထက် ပိုယဉ်ယဉ်ကျေးကျေး ငြင်းလို့မရဘူးလား"</p> <p>​"ဒါပေမဲ့ သူတို့က ဘယ်လိုပဲဖြစ်ဖြစ် စစ်ပွဲအတွက် ပြင်ဆင်နေတာလေ၊ ငါက မင်္ဂလာကိစ္စကို လက်မခံသရွေ့ ငါတို့ ဘယ်လိုပဲဖြစ်ဖြစ် တိုက်ရမှာပဲဆိုတော့ 'ယဉ်ယဉ်ကျေးကျေး ငြင်းဖို့' မလိုအပ်ဘူး"</p> <p>​မှန်ပါသည်။ ထိုသို့လုပ်ရန် မလိုအပ်ပေ။ သို့သော် ထိုသို့လုပ်ရန် မလိုအပ်သော အခြေအနေမျိုးတွင်ပင် နာယူနာက မျက်နှာဖုံးတစ်ခုကို တပ်ဆင်ထားခဲ့သည်။ ဖြစ်နိုင်သည်မှာ ၎င်းသည် သူမ၏ အတွင်းစိတ်ကို မပြသရန် ကိုယ်ပိုင် ကာကွယ်ရေး ယန္တရားတစ်ခု ဖြစ်ကောင်းဖြစ်နိုင်သော်လည်း၊ ၎င်းက အခြားလူများစွာကို အထင်လွဲသွားစေခဲ့သည်။</p> <p>​"အင်း... နင်ပြောသလိုသာ လုပ်ခဲ့ရင် ငါတို့ စစ်ပွဲကို နောက်ဆုတ်နိုင်ခဲ့မယ်ထင်တယ်"</p> <p>​"နင်လည်း သိသားပဲ"</p> <p>​ထို့ကြောင့် သူမ ထိုသို့မလုပ်ခဲ့ပေ။</p> <p>​"ဒါပေမဲ့ အဲဒီလိုလုပ်ဖို့ ငါ အဲဒီဝဝတုတ်တုတ်ကြီးနဲ့ အနည်းဆုံး တစ်ကြိမ်တော့ တွေ့ရမှာပေါ့၊ ပြီးတော့ အဲဒီလူက တစ်ခုခု အကြံအစည်ရှိနေနိုင်တယ်လေ၊ အစကတည်းက ငါက ပိုင်ရှင်ရှိပြီးသား မိန်းမတစ်ယောက်ပဲ၊ တခြားဘယ်ယောက်ျားကိုမှ ငါ အခွင့်အရေး ပေးစရာ အကြောင်းမရှိဘူး"</p> <p>​"... ကိုအီဟန်ကြောင့် နင်လည်း တော်တော်လေး ပြောင်းလဲသွားတာပဲ"</p> <p>​"ဒါပေမဲ့ ကိုအီဟန်က အလိမ်အညာတွေကို မကြိုက်ဘူးလေ"</p> <p>​"တကယ်ကို အပြစ်ကြီးတဲ့လူပဲ"</p> <p>​"နင် ပြောလိုက်တာနော်၊ သူ ငါ့ကို ဒီမှာ အချိန်အကြာကြီး ပစ်ထားခဲ့တာ"</p> <p>​ကန်ဟာဂျင်၏ စကားကို နာယူနာက ခေါင်းညိတ် ထောက်ခံလိုက်သည်။ ထို့နောက် ကန်ဟာဂျင်ကို ကြည့်ကာ တခစ်ခစ် ရယ်မောလိုက်သည်။</p> <p>​"နင် သဝန်တိုနေတာလား"</p> <p>​"မဟုတ်ပါဘူး၊ နင် နောက်ဆုံးတော့ သင့်တော်တဲ့ အဖော်တစ်ယောက် တွေ့သွားလို့ ငါ ဝမ်းသာပါတယ်... ဒါပေမဲ့ နင်က လူတွေအများကြီးထဲကမှ ကိုအီဟန်ကို ရွေးလိုက်တာကတော့ ငါ့ကို နာကျင်စေတယ်"</p> <p>​အင်းလေ... ယူးအီဟန်က စွမ်းဆောင်ရည်ရှိတဲ့ လူတစ်ယောက်ဆိုတာ သေချာပါတယ်။ သို့သော် တစ်သက်လုံး အချစ်နှင့် ပတ်သက်၍ ဘာမှမရှိတော့မည့်ပုံပေါ်သော သူ၏ ညီမနှင့် သူမ၏ သူငယ်ချင်းတို့သည် သူ့အပေါ် သဘောကျနေကြသည်။ ယခုအချိန်အထိ သူ ကံကြမ္မာကို မယုံကြည်ခဲ့သော်လည်း ယခုအခါတွင်မူ မယုံကြည်၍ မရတော့ပေ။</p> <p>​သို့သော် သူမ ဘာတွေးနေသည်ကို သိနေသကဲ့သို့ နာယူနာက သူ့ကို ရယ်မောလိုက်သည်။</p> <p>​"မီရယ်က သူ့ကို ဘယ်လိုမှ ဆွဲဆောင်နိုင်မှာ မဟုတ်ပါဘူး၊ ဒါပေမဲ့ အဲဒီမတိုင်ခင် ငါတို့ မိသားစုနှစ်ခုလုံး လေထဲမှာ တန်းလန်းဖြစ်နေတဲ့ပုံပေါ်နေတာကို နင်က ဘာစိုးရိမ်နေတာလဲ"</p> <p>​"ငါ့မိသားစုရဲ့ အဖွဲ့ဝင်တစ်ယောက် မဖြစ်ခင်၊ အစ်ကိုတစ်ယောက်အနေနဲ့ ငါ့ညီမလေး သူသဘောကျတဲ့သူနဲ့ အဆင်ပြေပါစေလို့ပဲ ဆုတောင်းပါတယ်"</p> <p>​"နင် အဲဒီလိုပြောရင်တောင် ငါ သူ့ကို မီရယ် ဆီ ပေးမှာမဟုတ်ဘူး"</p> <p>​နာယူနာ ထိုနေရာတွင် ရပ်လိုက်ပြီး သက်ပြင်းချလိုက်သည်။</p> <p>​"သူ့ကို ပေးတာဖြစ်ဖြစ်၊ ဘာဖြစ်ဖြစ်၊ သူ ဒီမှာရှိမှပဲ ငါတို့ အဲဒီအကြောင်း ပြောလို့ရမှာပါ"</p> <p>​"သူ နင်နဲ့အတူရှိနေတုန်းက နင် တစ်ခုခု လုပ်လိုက်တယ် မဟုတ်လား၊ တတိယအကြိမ်မြောက် ကပ်ဘေးကြီး မတိုင်ခင်အထိ နင်တို့ အတူတူရှိနေခဲ့တယ်လို့ ငါ ကြားတယ်..."</p> <p>​"ဖူး"</p> <p>​သက်ပြင်းတိုလေး ချပြီးနောက် သူမ၏ ဒေါက်ဖိနပ်ဖြင့် ကန်ဟာဂျင်၏ ခြေသလုံးကို ကန်လိုက်သည်။ တစ်နေ့ထက်တစ်နေ့ ပိုမိုအားကောင်းလာသော သန့်စင်သောစွမ်းအားများ ပါဝင်နေသည့် သူမ၏ ကန်ချက်သည် သူရဲကောင်းတစ်ဦးကိုပင် ဒူးထောက်သွားစေနိုင်လောက်အောင် အားကောင်းလှသည်။</p> <p>​"ခတ်"</p> <p>​"ငါ သန့်ရှင်းသော မိခင်ကြီး ကို သွားတွေ့လိုက်ဦးမယ်၊ ဒီမှာ စောင့်နေ၊ နင် ဘာအမှားလုပ်ခဲ့လဲဆိုတာ စဉ်းစားထား"</p> <p>​"သူ... တစ်ခုခုတော့ တကယ်လုပ်ခဲ့တာပဲ... ခတ်"</p> <p>​ထိုအချိန်တွင် မရေမတွက်နိုင်သော လူများစွာသည် မရေမတွက်နိုင်သော ကမ္ဘာအသီးသီးတွင် တိုက်ပွဲဝင်နေကြစဉ်၊ ကမ္ဘာမြေပေါ်၌ တစ်ယောက်တည်း ကျန်ရစ်ခဲ့သော ထိုအမျိုးသားမှာမူ...</p> <p>​[ကူးဝါးးးးးးးး]</p> <p>[ကီးဟီးးးးးးး]</p> <p>[ကူးဟို... လူသားးးးးးး]</p> <p>[ဝင်္ကပါတွေကို အဲဒီလို ဆက်တိုက် ပေါက်ကွဲအောင် လုပ်နေတာ ဘာလုပ်နေတာလဲ... ကျားးး... အတိုင်းအဆမရှိ ပေါက်ကွဲထွက်လာမှု... အတိုင်းအဆမရှိ ပေါက်ကွဲထွက်လာမှု ကြီးပဲ]</p> <p>​"အတိုင်းအဆမရှိ ပေါက်ကွဲထွက်လာမှု... ကောင်းတယ်၊ ပစ်ဖို့ ပြင်ထား"</p> <p>​[ကျားးးးးး]</p> <p>​... တစ်နှစ်ကြာသည်အထိ ကမ္ဘာမြေပေါ်ရှိ သတ္တဝါဆိုးများကို အမြစ်ပြတ် ရှင်းလင်းရန် ကြိုးပမ်းနေမှုကို မရပ်တန့်ခဲ့ဘဲ၊ လောလောဆယ်တွင် ဝင်္ကပါများကို ပေါက်ကွဲစေရန် အလုပ်ရှုပ်နေလေသည်။</p> <p><strong>​​</strong></p> <p> </p> <p style="text-align: center;">အပိုင်း ( ၁၉၉ ) ပြီးဆုံး။</p> <p style="text-align: center;">***</p>


Save