Book List

<h2 style="text-align: center;">အခန်း (၁၃၀၀)</h2> <h2 style="text-align: center;"> နက္ခတ်တာရာ ပင်လယ်ပြင် (၁၀၅)</h2> <h2 style="text-align: center;">*</h2> <p> </p> <p> </p> <p>ဤသည်ကား ‘တန်ပါစ်’  ကြယ်စုတန်း၏ ‘တန်ပါစ်’ ဂြိုဟ်ပေါ်ရှိ D01359) အခြေစိုက်စခန်းအတွင်းရှိ အရက်ဆိုင်ငယ်တစ်ခု၏ မြင်ကွင်းပေတည်း။ ယင်းအရက်ဆိုင်အတွင်း၌ လူပေါင်းသုံးရာကျော်မျှ ပြည့်နှက်ကာ တိုးဝှေ့နေကြလေသည်။</p> <p>စစ်ရှုံးဒုက္ခသည်များ ဖြစ်ကြကုန်သော ‘D01359’ အခြေစိုက်စခန်းရှိ လူအများသည် သတင်းစကားကြားရသည်နှင့်တစ်ပြိုင်နက် အပြေးအလွှား ရောက်ရှိလာကြခြင်းပင်။</p> <p>လွန်ခဲ့သော သုံးနှစ်ခန့်က ‘တန်ပါစ်’ ဂြိုဟ်ကြီး ရန်သူ့လက်သို့ ကျဆုံးခဲ့ရသည်မှစ၍ ထိုသူတို့မှာ ဤအခြေစိုက်စခန်းငယ်လေးအတွင်း၌ ခိုအောင်းနေခဲ့ကြရရှာသည်။</p> <p>အင်ပါယာအစိုးရမှ ဤဂြိုဟ်အား ပြန်လည်သိမ်းပိုက်မည့်ရက်ကိုသာ နေ့ညမပြတ် မျှော်လင့်တောင့်တနေခဲ့ကြရ၏။</p> <p> သို့သော်လည်း ရက်စွဲများ တရွေ့ရွေ့ ကုန်ဆုံးလာသည်နှင့်အမျှ လူတိုင်း၏ မျှော်လင့်ချက်မီးစမှာ တဖြည်းဖြည်း မှေးမှိန်လာခဲ့ပြီး နောက်ဆုံး၌ အဆုံးစွန်သော စိတ်ပျက်အားငယ်မှုအတွင်းသို့ ကျရောက်လုနီးနီး ဖြစ်ခဲ့ရလေပြီ။</p> <p>ထိုသို့သော အခြေအနေတွင် ဝေဟင်ယံမှ ‘ဝမ်ချန်’ ဆင်းသက်ရောက်ရှိလာခြင်းမှာ ဒုက္ခသည်များ၏ ရင်တွင်း၌ မျှော်လင့်ချက်မီးတောက်ကို တဖန်ပြန်လည် တောက်လောင်စေခဲ့သည်မှာ မြေကြီးလက်ခတ်မလွဲပေ။</p> <p>အင်ပါယာတပ်မတော်မှ ‘တန်ပါစ်’ ကြယ်စုတန်းကို ပြန်လည်သိမ်းပိုက်နိုင်ခဲ့ပြီဟူသော သတင်းနှင့် ‘တန်ပါစ်’ ဂြိုဟ်ပေါ်ရှိ စွမ်းအင်ရောင်ခြည်သင့်မှု ပြဿနာများကို ဖြေရှင်းရန် ကြိုးပမ်းနေပြီဟူသော သတင်းကောင်းများကြောင့် လူတိုင်းပင် ဝမ်းသာမျက်ရည် ကျခဲ့ကြရလေသည်။</p> <p> အချို့မှာမူ တစ်ဦးကိုတစ်ဦး ဖက်လဲတကင်း နှုတ်ဆက်ကြရင်း “အင်ပါယာ တည်တံ့ခိုင်မြဲပါစေ” ဟုပင် အားရပါးရ ကြွေးကြော်နေကြတော့သည်။</p> <p>ဤသို့သော ပျော်ရွှင်စရာ အခိုက်အတန့်တွင် အရက်ဆိုင်ပိုင်ရှင်ဖြစ်သူသည်လည်း သူသိုလှောင်ထားသမျှသော အရက်အဖျော်ယမကာအားလုံးကို ထုတ်ယူကာ အခမဲ့ တိုက်ကျွေးလေသည်။</p> <p>သို့သော်လည်း ကျေးဇူးတင်သူဟူ၍ မရှိသလောက်ပင် ရှားလှ၏။ လူအများစုမှာ သူ့အား ဒေါသတကြီး စိုက်ကြည့်နေကြပြီး အချို့မှာမူ ဆဲဆိုကြိမ်းမောင်းခြင်းပင် ပြုကြကုန်သည်။</p> <p> အရက်ဆိုင်ပိုင်ရှင်မှာမူ အတုံ့အပြန် မပြောဝံ့ဘဲ အားနာဟန် အပြုံးတုလေးကိုသာ ဖန်တီးကာ သနားစဖွယ် အနေအထားဖြင့် ငြိမ်သက်နေရရှာသည်။</p> <p>သို့သော်လည်း ‘ဝမ်ချန်’ ကမူ ထိုသူ့အပေါ်၌ အနည်းငယ်မျှပင် သနားစိတ် မရှိခဲ့ချေ။ အင်ဂျင်နီယာ ‘လူကွီ’  နှင့် စကားပြောကြည့်ရာမှ လွန်ခဲ့သော တစ်နှစ်ကျော်ခန့်ကပင် ဤအခြေစိုက်စခန်း၌ ပြဿနာများ စတင်နေခဲ့ကြောင်း သူ သိရှိခဲ့ရသည်။</p> <p> အမည်မသိ စွမ်းအင်များ၏ သက်ရောက်မှုကြောင့် စက်ပစ္စည်းကိရိယာများမှာ တဖြည်းဖြည်း ပျက်စီးလာခဲ့ရ၏။ ‘လူကွီ’ နှင့် သူ၏အဖွဲ့မှာ တတ်နိုင်သမျှသော နည်းလမ်းများ၊ ပစ္စည်းကိရိယာများကို အသုံးပြုကာ မြေအောက်စခန်းအတွင်း အခြေခံလေဝင်လေထွက်နှင့် အလင်းရောင် ရရှိစေရန် ခက်ခဲစွာ ဖန်တီးခဲ့ကြရရှာသည်။</p> <p>ယင်းကို အခွင့်ကောင်းယူကာ အရက်ဆိုင်ပိုင်ရှင်နှင့် ‘အိုင်းရွန်းတိုက်ဂါး’ ဦးဆောင်သော အုပ်စုသည် စစ်သည်တော်အချို့၏ အကူအညီဖြင့် အခြေစိုက်စခန်းကို အဓမ္မ သိမ်းပိုက်ခဲ့ကြလေသည်။</p> <p>၎င်းတို့သည် သိုလှောင်ထားသော ရိက္ခာများကို သိမ်းကျုံးယူငင်ကာ ကိုယ်ပိုင်စည်းမျဉ်းစည်းကမ်းများ သတ်မှတ်ခဲ့ကြ၏။</p> <p>ထိုသူတို့၏ ဖိနှိပ်မှုအောက်တွင် လူအများမှာ ငတ်မွတ်ခေါင်းပါးကာ အစားအစာနှင့် ရေ ရရှိရန်အတွက် အသက်အန္တရာယ်ရှိသော ဂြိုဟ်မျက်နှာပြင်သို့ပင် တက်ရောက်ကာ ပစ္စည်းများ ရှာဖွေပေးခဲ့ကြရသည်။</p> <p>အပြင်သို့ ထွက်သွားသူအများစုမှာလည်း မည်သည့်အခါမျှ ပြန်မလာနိုင်ခဲ့ကြတော့ချေ။</p> <p>အရက်ဆိုင်ပိုင်ရှင်မှာမူ မျက်နှာငယ်လေးဖြင့် “ကျွန်တော်လည်း အားလုံးကို မကျွေးချင်လို့ မဟုတ်ပါဘူး၊ ဒီစခန်းက ရိက္ခာက ပုံမှန်ရဲ့ ဆယ်ပုံတစ်ပုံပဲ ရှိတာလေ။ ချွေတာမသုံးရင် ဘယ်နှစ်တွေအထိ ခံမှာလဲ” ဟု ဆင်ခြေပေးလေသည်။</p> <p>ထိုအခါ ‘လူကွီ’ က “တောက်” ဟု အသံမြည်အောင် တောက်ခေါက်ကာ “မင်းတို့ကျတော့ နေ့တိုင်း ကောင်းကောင်းစား၊ ကောင်းကောင်းသောက်ပြီး ငါတို့ကျတော့ ငတ်တလှည့် ပြတ်တလှည့်နဲ့ အပြင်ထွက်ပြီး အသက်စွန့်ခိုင်းရတာ မရှက်ဘူးလား” ဟု ပြန်လည် တုံ့ပြန်လိုက်ရာ အရက်ဆိုင်ပိုင်ရှင်မှာ ဘာမျှပင် ပြန်မပြောဝံ့တော့ချေ။</p> <p>‘ဝမ်ချန်’ သည် မျက်မှောင်ကြုတ်လျက် “ရိက္ခာက တကယ်ပဲ ဆယ်ပုံတစ်ပုံပဲ ရှိတာလား” ဟု မေးမြန်းလိုက်ရာ ‘လူကွီ’ မှာ သက်ပြင်းချရင်း “ဟုတ်ပါတယ်၊ တခြားစခန်းတွေမှာဆို ဒီထက်တောင် ဆိုးပါသေးတယ်” ဟု ဖြေကြားလေသည်။</p> <p>အင်ပါယာ၏ နည်းပညာနှင့် အင်အားအရ ဤမျှလောက်သော အခြေစိုက်စခန်းများ တည်ဆောက်ခဲ့ပါက ရိက္ခာမလောက်ငခြင်းမှာ ဖြစ်နိုင်ခြေ အလွန်နည်းလှပေသည်။ ‘ဝမ်ချန်’ မှာ ယင်းကိစ္စတွင် တစ်စုံတစ်ခု လွဲချော်နေကြောင်း ချက်ချင်းပင် ရိပ်စားမိလိုက်၏။</p> <p>ထိုစဉ် အနီးရှိ လူတစ်ဦးက “ဘာဆန်းလို့လဲဗျာ၊ ဒီ ‘တန်ပါစ်’ ဂြိုဟ်ရဲ့ ရိက္ခာထောက်ပံ့မှုကို ‘ဝမ်ဟိုင်’ အုပ်စုက တာဝန်ယူထားတာလေ၊ သူတို့တွေပဲ ခိုးဝှက်ထားကြတာပေါ့” ဟု လှောင်ပြောင်သလို ပြောဆိုလိုက်သည်။</p> <p>ယင်းစကားကြောင့် ‘လူကွီ’ မှာ မျက်နှာပျက်သွားကာ “ပါးစပ်ပိတ်ထားစမ်း” ဟု ဟန့်တားလိုက်ရ၏။ ‘ဝမ်ဟိုင်’ အုပ်စုကဲ့သို့သော ထရီလီယံနှင့်ချီ၍ ချမ်းသာသည့် ကုမ္ပဏီကြီးများအကြောင်းကို ထုတ်ဖော်ပြောဆိုခြင်းမှာ သေမင်းအား ဖိတ်ခေါ်နေခြင်းနှင့် မခြားပေ။</p> <p>‘ဝမ်ချန်’ ကမူ ထိုအကြောင်းကို ခေတ္တဘေးဖယ်ထားကာ “အင်ဂျင်နီယာ ‘လူကွီ’၊ ဒီကနေ အနီးဆုံး အခြေစိုက်စခန်းကို သွားတဲ့လမ်းကို သိလား” ဟု မေးမြန်းလေသည်။</p> <p> ‘လူကွီ’ မှာ အနီးဆုံးရှိ (B00785) အခြေစိုက်စခန်းမှာ မိုင်တစ်ရာခန့် ဝေးကွာကြောင်းနှင့် ယခင်က မြေအောက်လမ်းရှိခဲ့သော်လည်း ပျက်စီးသွားခဲ့ကြောင်း ရှင်းပြရှာသည်။</p> <p>ယင်းစခန်းမှာ လူပေါင်း သောင်းချီ ခိုလှုံနိုင်သော စခန်းကြီးဖြစ်သော်လည်း မြေပြင်ပေါ်မှ ဖြတ်သန်းသွားလာရန်မှာ ‘နက်သာ’မျိုးနွယ်စုနှင့် သန္ဓေပြောင်း သတ္တဝါများကြောင့် အလွန်အန္တရာယ်များလှပေသည်။</p> <p>ထိုသို့ စကားလက်ဆုံ ကျနေစဉ်အတွင်း လူတစ်ဦးမှာ အရက်ဆိုင်အတွင်းသို့ အလန့်တကြား ပြေးဝင်လာကာ “ဒုက္ခပါပဲ၊ ငါတို့တံခါးကို ‘နက်သာ’ မျိုးနွယ်စုရဲ့ လူသတ်သမားတွေ တိုက်ခိုက်နေပြီ” ဟု အော်ဟစ်လိုက်လေတော့သည်။</p> <p>‘နက်သာ’ မျိုးနွယ်စု၏ လူသတ်သမား ဟူသော အမည်ကို ကြားသည်နှင့် အရက်ဆိုင်အတွင်းရှိ လူအများသည် ကြောက်လန့်တကြား တိုးဝှေ့ထွက်ပြေးကြကုန်သည်။</p> <p>အချို့မှာမူ ဤအန္တရာယ်မှာ သူစိမ်းဖြစ်သူ ‘ဝမ်ချန်’ ကြောင့် ရောက်လာခြင်းဖြစ်သည်ဟု ယူဆကာ မကျေမနပ် ကြည့်နေကြလေသည်။</p> <p>‘ဝမ်ချန်’ မှာမူ မည်သို့မျှ တုံ့ပြန်ခြင်းမပြုဘဲ သူ၏ သေနတ်ကို ‘လူကွီ’ ထံသို့ ကမ်းပေးရင်း “ဒီကောင်တွေကို စောင့်ကြည့်ထားပါ၊ ဘယ်သူပဲဖြစ်ဖြစ် ပြဿနာရှာရင် မညှာနဲ့ ပစ်သတ်လိုက်၊ အပြင်က ကောင်တွေကို ငါ သွားရှင်းလိုက်မယ်” ဟု ပြောကာ အပြင်သို့ ထွက်ခွာခဲ့လေပြီ။</p> <p>အခြေစိုက်စခန်း၏ သံမဏိတံခါးကြီးဆီသို့ သူ ရောက်ရှိသွားချိန်တွင် တံခါးကြီးမှာ အပြင်ဘက်မှ အပြင်းအထန် တိုက်ခိုက်ခံနေရသည်ကို တွေ့လိုက်ရ၏။ တံခါး၏ မျက်နှာပြင်မှာ ဖောင်းကြွကာ ပျက်စီးလုနီးနီး ဖြစ်နေလေပြီ။</p> <p>ခေတ္တမျှ ငြိမ်သက်သွားသော်လည်း နောက်တစ်ကြိမ်တွင်မူ ပြင်းထန်သော အရှိန်ဖြင့် တံခါးကြီးကို ချိုးဖျက်ကာ ကြောက်မက်ဖွယ်ကောင်းသော သတ္တဝါကြီးတစ်ကောင် ပြေးဝင်လာလေတော့သည်။</p> <p>ယင်းကား လူသားတို့၏ ရန်သူတော်ကြီးဖြစ်သော ‘နက်သာ’ မျိုးနွယ်စုပင် ဖြစ်ချေသည်။ ယုတ်မာညစ်ထေးသော အရှိန်အဝါများမှာ ‘ဝမ်ချန်’ ထံသို့ လှိုင်းတံပိုးကဲ့သို့ တိုးဝင်လာသော်လည်း သူ၏ မျက်ဝန်းများမှာမူ ပိုမိုစူးရှလာခဲ့၏။</p> <p>သူသည် လက်ထဲရှိ ပြောင်းဝကျယ် သေနတ်ကြီးကို မြှောက်ကာ တရစပ် ပစ်ခတ်လိုက်လေတော့သတည်း။</p> <p> </p> <p> </p> <p style="text-align: center;">***</p>


Save