Book List

<h2 style="text-align: center;">အခန်း (၁၃၁၂)</h2> <h2 style="text-align: center;">နက္ခတ်တာရာ ပင်လယ်ပြင် (၁၁၇)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>နက္ခတ်တာရာ ပင်လယ်ပြင်၏ အပိုင်းတစ်ပိုင်းဖြစ်သော တန်ပါစ်ဂြိုဟ်ပေါ်ဝယ် ‘နက်သာမျက်လုံး’ ဟု ကျော်ကြားလှသည့် နက်သာမျိုးနွယ်စု၏ ကွပ်ကဲရေးမှူးအဆင့်ရှိ သတ္တဝါသည်ကား အမည်နှင့်လိုက်အောင်ပင် ထူးခြားလှပေသည်။</p> <p>ဝမ်ချန်က ၎င်း၏ စိတ်အာရုံစွမ်းအားဖြင့် မုန်တိုင်းသဖွယ် အပြင်းအထန် တိုက်ခိုက်လိုက်သည့် ခဏ၌ပင် ယင်းက မိမိ၏ စိတ်ဓာတ်ပိုင်းဆိုင်ရာ ခံစစ်ကို ချက်ချင်း မြှင့်တင်ကာ ပထမလှိုင်း တိုက်ခိုက်မှုကို အံ့အားသင့်ဖွယ် ခုခံနိုင်ခဲ့ချေသည်။</p> <p>သို့သော်လည်း ထိုဂြိုဟ်သားသတ္တဝါသည် ဝမ်ချန်၏ အစွမ်းထက်လှသော စွမ်းအားကို ရိပ်စားမိသွားသည်ဖြစ်ရာ အလျှော့ပေး ဆုတ်ခွာရန်သာ ရွေးချယ်လိုက်တော့သည်။</p> <p> ယင်းက ရုပ်ဝတ္တုမဲ့ အသွင်ပြောင်းလဲ၍ ဟင်းလင်းပြင်ခွဲအတွင်းသို့ လျင်မြန်စွာ ပုန်းကွယ်သွားခဲ့၏။</p> <p>နက်သာမျက်လုံး၏ ထိုသို့သော ကိုယ်ပျောက်အတတ်မှာ သာမန်နက်သာမျိုးနွယ်စုဝင်များထက် များစွာ သာလွန်ပေရာ ဝမ်ချန်၏ စိတ်အာရုံစွမ်းအား မုန်တိုင်းအတွင်းမှ ကျွမ်းကျင်စွာပင် လွတ်မြောက်သွားခဲ့လေသည်။</p> <p>ထိုခဏ၌ ဝမ်ချန်၏ အာရုံခံနိုင်စွမ်းအတွင်းမှပင် ယင်းက လုံးဝ ပျောက်ကွယ်သွားသည်ဟု ဆိုရပေမည်။ သို့ရာတွင် စိတ်မနှမြောဖွယ်ရာမှာ ထိုသို့သော အခြေအနေကို နက်သာမျက်လုံးပင်လျှင် ခဏတာမျှသာ ထိန်းထားနိုင်ခြင်းပင် ဖြစ်သည်။</p> <p>ဈေးတစ်ခုလုံးကို လွှမ်းမိုးထားသည့် စိတ်အာရုံစွမ်းအားများ ငြိမ်သက်သွားသည်နှင့် တစ်ပြိုင်နက် ယင်းသည် ဟင်းလင်းပြင်ခွဲအတွင်းမှ ပြန်လည် ထွက်ပေါ်လာပြီး နောက်သို့ ဆုတ်ကာ ထွက်ပြေးရန် အားထုတ်လေတော့သည်။</p> <p>ထိုအခိုက်အတန့်၌ပင် ထက်မြက်လှသော ဓားအလင်းတစ်တန်းက လေထုကို ခွဲထွက်လာပြီး နက်သာမျက်လုံး၏ နောက်သို့ အတင်းအကျပ် လိုက်ပါလာခဲ့သည်။ ထို့နောက် ကြောက်မက်ဖွယ် ကောင်းလှသော မျက်လုံးကြီးကို အညှာအတာမဲ့စွာ ထိုးဖောက်လိုက်ချေပြီ။</p> <p>နက်သာမျက်လုံး၏ အစွမ်းမှာ ဆန်းကြယ်လှသော်လည်း ၎င်း၏ ခုခံကာကွယ်မှုမှာမူ အလွန်ပင် အားနည်းလှပေသည်။ ဝိညာဉ်စွမ်းအားများ ကိန်းဝပ်နေသည့် ဝမ်ချန်၏ ဓားရှည်ဒဏ်ကို မခံနိုင်ဘဲ အရည်များ ပန်းထွက်ကာ တစ်စစီ ဖြစ်သွားရတော့သည်။</p> <p>ယင်းက နားမခံသာသော အော်ဟစ်သံနှင့်အတူ ကောင်းကင်ယံမှ မြေပြင်သို့ ပြုတ်ကျသွားပြီး ခန္ဓာကိုယ်မှလည်း ပွင့်လင်းမြင်သာသော အာရုံခံမျှင်များစွာ ထွက်ပေါ်လာခဲ့၏။</p> <p>ယင်းတို့မှာ နက်သာမျက်လုံး၏ စိတ်အာရုံစွမ်းအားများ ထိန်းချုပ်မှု လွတ်ကင်းသွားခြင်းကြောင့် ဖြစ်ပေါ်လာသည့် ရုပ်ဝတ္တုများသာ ဖြစ်ပေသည်။</p> <p>မီတာအနည်းငယ် အကွာအဝေးမှနေ၍ ဝမ်ချန်သည် ဒဏ်ရာအပြင်းအထန် ရနေသော နက်သာမျက်လုံးကို ဖမ်းဆုပ်ရန် လက်ဟန်တစ်ခု ပြုလုပ်လိုက်သည်။</p> <p>ထိုအခါ ပတ်ဝန်းကျင်ရှိ ဝိညာဉ်စွမ်းအားများက ရုတ်ချည်း စုစည်းလာပြီး နက်သာမျက်လုံးကို အရပ်မျက်နှာ အနှံ့မှ ဖိနှိပ်လိုက်ရာ ၎င်း၏ နောက်ဆုံး ရုန်းကန်မှုကိုပင် ချုပ်တည်းလိုက်လေတော့သည်။</p> <p>နက်သာမျက်လုံး၏ အော်ဟစ်သံများမှာ ဆက်တိုက် ထွက်ပေါ်နေပြီး ၎င်း၏ မျက်လုံးကြီးမှာလည်း သွေးနီရောင်များ တောက်ပကာ ပုံပျက်ပန်းပျက် ဖြစ်သွားပြီးနောက် ‘ဘုန်း’ ကနဲ မြည်သံနှင့်အတူ ပေါက်ကွဲသွားခဲ့ချေသည်။</p> <p>နက်သာမျက်လုံး၏ နောက်ဆုံး မိမိကိုယ်ကိုယ် ဖောက်ခွဲဖျက်ဆီးမှုမှာ အလွန်ပင် ကြောက်မက်ဖွယ် ကောင်းလှပြီး အင်ပါယာ၏ အစောင့်အရှောက်သင်္ဘော တစ်စီးကိုပင် ဖျက်ဆီးနိုင်စွမ်း ရှိသည်ဟု ဆိုကြသည်။</p> <p> သို့သော် ဝမ်ချန်၏ ဝိညာဉ်စွမ်းအားဖြင့် ဖိနှိပ်ချုပ်တည်းထားမှုကြောင့် ထိုပေါက်ကွဲမှုမှာ တိုးညင်းသော အသံလေးမျှသာ ဖြစ်ခဲ့ပြီး ဖုန်မှုန့်တစ်စကိုပင် လွင့်စင်အောင် မစွမ်းဆောင်နိုင်ခဲ့ပေ။</p> <p>ဝေဟင်၌ ရပ်တန့်နေသော ဝမ်ချန်သည် နက်သာမျက်လုံး ပေါက်ကွဲပြီးနောက် ကျန်ရစ်သော လက်သီးဆုပ်ခန့်ရှိ သွေးနီရောင် အမြူတေကျောက်တုံးကို ဖမ်းယူလိုက်သည်။</p> <p> ယင်းမှာ နက်သာမျိုးနွယ်စုတို့၏ နက်သာအမြူတေနှင့် ဆင်တူသော်လည်း အရောင်နှင့် စွမ်းအား ပမာဏမှာမူ လုံးဝ ခြားနားလှပေသည်။</p> <p>ထိုသွေးအမြူတေကို ကိုင်ထားစဉ်အတွင်း ဝမ်ချန်သည် ယင်းအတွင်း၌ ကိန်းဝပ်နေသော ယုတ်ညံ့သည့် အငွေ့အသက်များကို ပြတ်ပြတ်ထင်ထင် ခံစားနေရသည်။</p> <p>ဘေးကင်းစွာ အသုံးပြုနိုင်သည့် နက်သာအမြူတေနှင့် မတူဘဲ ဤသွေးအမြူတေမှာ အချိန်မရွေး ပေါက်ကွဲနိုင်သော ဗုံးတစ်လုံးနှင့် တူလှပေရာ ပျက်စီးသွားပါက ဆိုးကျိုးများစွာ ဖြစ်ပေါ်စေနိုင်သည်။</p> <p>သာမန်အားဖြင့် ဆိုလျှင် ဤအရာမှာ တန်ဖိုးမရှိသည့်အပြင် အန္တရာယ်ပင် ကြီးလှပေသည်။ သို့ရာတွင် ဝမ်ချန်၏ စိတ်ထဲ၌မူ အတွေးသစ်တစ်ခု ပေါ်ပေါက်လာခဲ့၏။</p> <p>သူသည် မိမိ၏ လက်မောင်းတွင် တပ်ဆင်ထားသော ‘နတ်ဆိုးသတ်ကွန်ရက်’ ကို စတင် အသက်သွင်းလိုက်သည်။ ကမ္ဘာနှစ်ခု၏ နိယာမများ ခြားနားနေမှုကြောင့် ဤရတနာကို သူ၏ အနားသို့ ခေါ်ယူနိုင်ခဲ့သည့် အချိန်မှစ၍ ဝမ်ချန်သည် ယင်းကို တစ်ခါမျှ အသုံးမပြုခဲ့ဖူးဘဲ ဝိညာဉ်စွမ်းအား အနည်းငယ်ကိုသာ ထုတ်ယူခဲ့ဖူးသည်။</p> <p>ဤစကြဝဠာထဲ၌ ဝိညာဉ်စွမ်းအား ပြောင်းလဲရန် ‘နတ်ဆိုး’ များ မရှိသဖြင့် ကွန်ရက်အတွင်းရှိ စွမ်းအားမှာ ကုန်ခမ်းလုနီးပါး ဖြစ်နေချေပြီ။ သို့သော် ထိုရှိရင်းစွဲ စွမ်းအားမှာ နတ်ဆိုးသတ်ကွန်ရက်ကို ထိန်းချုပ်ရန်အတွက်မူ လုံလောက်ပေသည်။</p> <p>ဝမ်ချန်သည် နတ်ဆိုးသတ်ကွန်ရက်ကို ဖြန့်လိုက်ပြီးနောက် ရရှိထားသော သွေးအမြူတေကို ယင်းအတွင်းသို့ ပစ်ထည့်လိုက်သည်။</p> <p>သူ၏ ထိန်းချုပ်မှုအောက်တွင် နတ်ဆိုးသတ်ကွန်ရက်သည် သွေးအမြူတေကို တင်းကျပ်စွာ ပတ်လိုက်ပြီးနောက် ယင်းအတွင်းရှိ ယုတ်ညံ့သော စွမ်းအားများကို အငမ်းမရ စုပ်ယူလေတော့သည်။</p> <p>“ငါ ထင်တဲ့အတိုင်းပဲလား…” ဟု ဝမ်ချန်က ကျေနပ်စွာ ပြုံးလိုက်သည်။ သွေးအမြူတေကို ရကတည်းက ယင်း၌ နတ်ဆိုးစွမ်းအားများ ကိန်းဝပ်နေသည်ကို သူ သတိပြုမိခဲ့ခြင်း ဖြစ်သည်။</p> <p> နတ်ဆိုးသတ်ကွန်ရက်သည် ထိုသို့သော ယုတ်ညံ့သည့် စွမ်းအားများကို သန့်စင်သော ဝိညာဉ်စွမ်းအားအဖြစ် ပြောင်းလဲပေးနိုင်စွမ်း ရှိပေသည်။</p> <p>စမ်းသပ်ကြည့်သည့် ရလဒ်မှာလည်း ဝမ်ချန်ကို စိတ်မပျက်စေခဲ့ပေ။</p> <p>သွေးအမြူတေမှာ နတ်ဆိုးသတ်ကွန်ရက်၏ ဝါးမြိုမှုအောက်တွင် သွေးနီရောင် အလင်းများ တောက်ပလာပြီး ပြင်းထန်စွာ တုန်ခါလာခဲ့သည်။ ထိုအခိုက်၌ ရုပ်ဝတ္တုမဲ့သော မျက်လုံးကြီးတစ်ခု ပြန်လည် ထွက်ပေါ်လာပြီး ဝမ်ချန်ကို အငြိုးအတေးကြီးစွာဖြင့် စိုက်ကြည့်ကာ “ငါ မင်းကို ကျိန်စာတိုက်တယ်၊ တာဂျီလန် နတ်ဘုရားက မင်းရဲ့ စိတ်ဝိညာဉ်ကို ဝါးမြိုလိမ့်မယ်” ဟု ကြုံးဝါးလိုက်လေသည်။</p> <p>သို့သော် ထိုမျက်လုံးကြီးမှာ ခဏချင်းပင် ပြိုကွဲပျောက်ကွယ်သွားရတော့သည်။ နတ်ဆိုးသတ်ကွန်ရက်အတွင်းရှိ သွေးအမြူတေမှာလည်း သေးငယ်သွားပြီး မျက်နှာပြင်တွင် အက်ကြောင်းများစွာ ပေါ်ပေါက်လာကာ ယုတ်ညံ့သော စွမ်းအားများမှာ ပိုမို လျင်မြန်စွာ ကုန်ခမ်းသွားခဲ့ချေသည်။</p> <p>ဝမ်ချန်ကမူ ထိုကျိန်စာများကို ဂရုမစိုက်ဘဲ နှာခေါင်းရှုံ့လိုက်မိသည်။ နက်သာမျက်လုံး မဆိုထားနှင့်၊ ၎င်းတို့ ကိုးကွယ်သည့် တာဂျီလန် နတ်ဘုရား ကိုယ်တိုင် ဆင်းသက်လာလျှင်ပင် သူက ရင်ဆိုင်ရန် ဝန်လေးမည်မဟုတ်ပေ။</p> <p> ယင်းမှာ ဝမ်ချန်၏ အောက်ခြေလွတ်သော စကားမဟုတ်ဘဲ ကမ္ဘာဦး နိယာမများ၏ ကန့်သတ်ချက်ကြောင့် ဖြစ်သည်။ ဟောက်ထျန်းနယ်မြေမှ မည်မျှပင် စွမ်းအားကြီးသော ပေါင်းစည်းခြင်းအဆင့် သို့မဟုတ် မဟာယာနအဆင့်ရှိ သူတော်စင်များပင် ဖြစ်ပါစေ၊ ဤနက္ခတ်တာရာ ပင်လယ်ပြင်သို့ ရောက်ရှိလာပါက ဤကမ္ဘာ၏ နိယာမများကို လိုက်နာကြရမည်သာ ဖြစ်သည်။</p> <p>အမှန်စင်စစ် အဆင့်မြင့် ကျင့်ကြံသူများသည် လုံလောက်သော ပြင်ဆင်မှု မရှိဘဲ အခြားသော ကမ္ဘာတစ်ခုသို့ ပေါ့ပေါ့တန်တန် ဆင်းသက်လေ့မရှိကြပေ။ အကြောင်းမူကား အဆင့်မြင့်လေလေ၊ ကမ္ဘာ၏ ဖိနှိပ်မှုကို ပိုမို ခံရလေလေ ဖြစ်ပြီး အမှားအယွင်း တစ်ခုကြောင့်ပင်လျှင် ဝိညာဉ်ချုပ်ငြိမ်းကာ သေဆုံးသွားနိုင်သောကြောင့် ဖြစ်သည်။</p> <p>တာဂျီလန် နတ်ဘုရားမှာလည်း ထိုနိယာမများကို ကျော်လွန်နိုင်လိမ့်မည်ဟု ဝမ်ချန် မယုံကြည်ပေ။</p> <p>နတ်ဆိုးသတ်ကွန်ရက်၏ စုပ်ယူမှုအပြီးတွင် သွေးအမြူတေမှာ အမှုန့်ဘဝသို့ ပြောင်းလဲကာ လွင့်စင် ပျောက်ကွယ်သွားခဲ့သည်။</p> <p>ဝမ်ချန်က နတ်ဆိုးသတ်ကွန်ရက်ကို စစ်ဆေးကြည့်လိုက်သောအခါ ၎င်း၏ စွမ်းအားမှာ ငါးရာခိုင်နှုန်းခန့် ပြည့်သွားသည်ကို တွေ့ရသဖြင့် အံ့အားသင့်သွားရသည်။</p> <p> ဤသို့သော သွေးအမြူတေ ဆယ်ခုခန့်သာ ထပ်ရလျှင် သူ၏ အစီအစဉ်ကို အကောင်အထည်ဖော်ရန် လုံလောက်သော စွမ်းအားကို ရရှိတော့မည် ဖြစ်သည်။</p> <p>ယခင်က ဝမ်ချန်သည် နတ်ဆိုးသတ်ကွန်ရက်အတွင်းရှိ စွမ်းအားကို လွယ်လွယ်နှင့် မသုံးရဲခဲ့ပေ။ သို့သော် ယခုအခါ စွမ်းအားများ လုံလောက်စွာ ရရှိနိုင်ပြီဖြစ်ရာ သူ၏ တန်ပါစ်ဂြိုဟ်အတွင်းပိုင်းသို့ စူးစမ်းလိုစိတ်မှာ ပိုမို ပြင်းပြလာခဲ့ချေပြီ။</p> <p>သူသည် ထိုသို့သော နက်သာမျက်လုံးများစွာ ရှိနေပါစေဟုပင် ဆုတောင်းနေမိတော့သည်။</p> <p>ဝမ်ချန်က နတ်ဆိုးသတ်ကွန်ရက်ကို ပြန်လည် သိမ်းဆည်းလိုက်စဉ်မှာပင် မြေပြင်သည် ရုတ်ချည်း ပြင်းထန်စွာ တုန်ခါလာခဲ့သည်။</p> <p>ငလျင်ကြီး တစ်ခု လှုပ်ခတ်လိုက်သကဲ့သို့ ဈေးအတွင်းရှိ ကျောက်တုံးများမှာလည်း ပြိုကျလာပြီး သူ၏ ရှေ့ရှိ မြေပြင်မှာမူ သိသိသာသာပင် ဖောင်းကြွလာလေတော့သတည်း။</p> <p> </p> <p> </p> <p style="text-align: center;">***</p>


Save