Book List

<h2 style="text-align: center;">အခန်း (၂၄၈)</h2> <h2 style="text-align: center;">ချီရွှယ်ဖေး၏ အကျပ်အတည်း</h2> <h2 style="text-align: center;">*</h2> <p> </p> <p> </p> <p>မာဟုန်ဝေ၏ သစ်ပင်အိမ်သို့ ချဉ်းကပ်ခဲ့စဉ်ကကဲ့သို့ပင်၊ ရွှီရှင်းသည် အသံမထွက်စေရန် သစ်ရွက်ခြောက်များ နည်းပါးသော နေရာများကိုသာ ရွေးချယ်နင်းရင်း မီတာ သုံးလေးရာခန့်သာ ဝေးတော့သည့် သစ်ပင်အိမ်ဆီသို့ ဖြည်းဖြည်းချင်း ချဉ်းကပ်လာခဲ့သည်။</p> <p>လီဝမ်ရှီးကလည်း ရွှီရှင်း၏ ခြေရာအတိုင်း ထပ်ချပ်မကွာ လိုက်ပါလာပြီး  သတိကြီးစွာ လှုပ်ရှားနေ၏။</p> <p>ရုတ်တရက် ရွှီရှင်း၏ ပုခုံးပေါ်တွင် ရှိနေသော ခဲခဲမှာ အနည်းငယ် လှုပ်ရှားသွားသည်။</p> <p>ရွှီရှင်း၏ သတိပေးချက်ကို မှတ်မိနေပုံရပြီး သူမသည် အောက်သို့ ခုန်မဆင်းဘဲ သူမ၏ လက်သည်းလေးများဖြင့် ရှေ့က လေထုကို အသာအယာ ကုပ်ခြစ်ပြကာ ရွှီရှင်း၏ နားနားတွင် တိုးတိုးလေး အသံပြုလိုက်၏။</p> <p>ရွှီရှင်းမှာ ပို၍ သတိထားကာ ခြေလှမ်းလိုက်ပြီး လီဝမ်ရှီးကို တိုးတိုးလေး သတိပေးလိုက်သည်။</p> <p>"ရှေ့မှာ လူတွေ ရှိနေတယ်၊ သတိထားနော်"</p> <p>မကြာမီမှာပင် သစ်ရွက်များကြားမှတစ်ဆင့် သစ်ပင်အိမ်အောက်ခြေက မြင်ကွင်းကို သူတို့ မြင်လိုက်ရတော့သည်။</p> <p>"အဲဒါ... မမရွှယ်ဖေးပဲ"</p> <p>လီဝမ်ရှီးက ရွှီရှင်း၏ နောက်ကနေ အံ့သြတကြီး တိုးတိုးလေး ရေရွတ်လိုက်၏။</p> <p>ရွှီရှင်း၏ မျက်ခုံးများ အနည်းငယ် လှုပ်သွားရသည်။</p> <p>ဤသစ်ပင်အိမ်၏ ပတ်ဝန်းကျင် မီတာ ၁၀၀ အတွင်းရှိ သစ်ပင်များမှာ အကုန်ခုတ်လှဲခံထားရပြီး ကွင်းပြင်ကြီး ဖြစ်နေသည်။</p> <p>၎င်းမှာ ရွှီရှင်းနှင့် လီဝမ်ရှီးတို့၏ ရွေးချယ်မှုနှင့် ဆင်တူလှ၏။</p> <p>သစ်ပင်အိမ်နှင့် မီတာ ၂၀ ခန့်အကွာတွင် အပြာရောင်အဆင့် သံမဏိချပ်ဝတ်ကို ဝတ်ဆင်ထားသော အမျိုးသမီးတစ်ဦးမှာ မြေပြင်ပေါ်တွင် ထိုင်လျက် အမောတကော အသက်ရှူနေရရှာသည်။</p> <p>သူမ၏ မျက်နှာမှာ အားစိုက်ထားရသဖြင့် နီရဲနေပြီး ရင်ဘတ်ကို နာကျင်စွာ ဆုပ်ကိုင်ထားရင်း တစ်ချက်တစ်ချက် ချောင်းဆိုးနေ၏။</p> <p>သူမ၏ ပတ်ဝန်းကျင်တွင် အနည်းဆုံး လေးမြား အစင်း ၂၀ ခန့် မြေပြင်၌ စိုက်နေပြီး အချို့မှာတော့ ဟိုတစ်စ ဒီတစ်စ လဲနေကြသည်။</p> <p>ထိုမြားများ၏ ထိပ်ဖျား သစ်သားပိုင်းများမှာ လုံးဝ ပုံပျက်ပန်းပျက် ဖြစ်နေချေပြီ။</p> <p>ရွှီရှင်းသည် ချီရွှယ်ဖေးကို တစ်ခါမှ မမြင်ဖူးသော်လည်း ထိုအပြာရောင်အဆင့် သံမဏိချပ်ဝတ်တန်ဆာမှာ ယနေ့ သူကိုယ်တိုင် ပြုလုပ်ပေးထားသည့် အစုံဖြစ်ကြောင်း သေချာပေါက် သိလိုက်၏။</p> <p>လီဝမ်ရှီးကတော့ ချီရွှယ်ဖေးကို ဗီဒီယိုကောမှတစ်ဆင့် မြင်ဖူးထားသဖြင့် သူမမှာ ချီရွှယ်ဖေးဖြစ်ကြောင်း အတည်ပြုပေးလိုက်ပြီ ဖြစ်သည်။</p> <p>သို့သော် ပူပူနွေးနွေး ပြုလုပ်ထားသော ဤသံမဏိချပ်ဝတ်မှာ ယခုအခါ ဖုန်တောထဲတွင် လူးလှိမ့်ထားသဖြင့် ညစ်ပတ်ပေရေနေပြီး ခြစ်ရာ၊ ရှရာများနှင့် ချိုင့်ခွက်အချို့ကိုပါ မြင်နေရသည်။</p> <p>ဤအမှတ်အသားများမှာ မြားစက်မှ ပစ်လိုက်သည့် လေးမြားများကြောင့် ဖြစ်ရမည်မှာ အသေအချာပင်။</p> <p>ရွှီရှင်း လက်သီးကို ကျစ်ကျစ်ပါအောင် ဆုပ်လိုက်မိသည်။</p> <p>အပြာရောင်အဆင့် သံမဏိချပ်ဝတ်ကို ဝတ်ထားလျှင်ပင် ဤကဲ့သို့သော မြှားများ၏ အရှိန်ပြင်းပြင်း ထိမှန်မှုကို ခံရပါက ဒဏ်ရာရရှိမည်မှာ မလွဲမသွေပေ။</p> <p>အပြာရောင်အဆင့် သံမဏိချပ်ဝတ်မှာ အပြာရောင်အဆင့် ပစ္စည်းများထဲတွင် အကောင်းဆုံး ခံစစ်ပစ္စည်း ဖြစ်သည်။</p> <p>ခံစစ် ရှုထောင့်မှကြည့်လျှင် ဤချပ်ဝတ်မှာ ခရမ်းရောင်အဆင့် အကြေးခွံချပ်ဝတ်တန်ဆာထက်ပင် နိမ့်ကျမည် မဟုတ်ပေ။</p> <p>ထို့ကြောင့် အစိမ်းရောင်အဆင့် မြားများမှာ သံမဏိချပ်ဝတ်တန်ဆာပေါ်တွင် ခြစ်ရာထင်ရုံနှင့် ချိုင့်သွားရုံသာ တတ်နိုင်ခြင်း ဖြစ်၏။</p> <p>သို့သော် ချပ်ဝတ်တန်ဆာ မပျက်စီးခြင်းက အထဲက လူမှာ မထိခိုက်ဘူးဟု မဆိုလိုပေ။</p> <p>အကြီးစား ချပ်ဝတ်တန်ဆာများမှာ မြားပစ်ခြင်း၊ မြွေကိုက်ခြင်း၊ ဝံပုလွေကိုက်ခြင်း၊ လှံနှင့် ဓားဖြင့် ထိုးနှက်ခြင်းများမှသာ အဓိက ကာကွယ်ပေးနိုင်ခြင်း ဖြစ်သည်။</p> <p>ချပ်ဝတ်တန်ဆာ မပျက်စီးသရွေ့ ဝတ်ဆင်သူမှာ ထိခိုက်မှု မရှိဘဲ နေနိုင်သည်။</p> <p>သို့သော်လည်း ပြင်းထန်သည့် တိုက်ခိုက်မှုများ နှင့် ကြုံရပါက ဤချပ်ဝတ်တန်ဆာကြီးများမှာ ကာကွယ်မှု သိပ်မပေးနိုင်တော့ပေ။</p> <p>အရင်က ရွှီရှင်းကိုယ်တိုင် အပြာရောင် သံမဏိချပ်ဝတ်တန်ဆာကို ဝတ်ထားသော်လည်း တောဝက်ကြီး၏ အရှိန်ပြင်းပြင်း တိုက်ခိုက်မှုကို တိုက်ရိုက် မရင်ဆိုင်ရဲခဲ့ပေ။</p> <p>အတိုက်ခံရပြီး သစ်ပင်နှင့် ဆောင့်မိပါက ချပ်ဝတ်တန်ဆာမှာ မပျက်စီးနိုင်သော်လည်း အထဲက လူမှာတော့ အတွင်းကြေဒဏ်ရာ ရရှိမည်မှာ သေချာပေါက်ပင်။</p> <p>ဥပမာတစ်ခု ပြောရလျှင်၊ အမာဆုံး ချပ်ဝတ်တန်ဆာကို ဝတ်ထားသည့် လူတစ်ယောက်ကို ကုန်တင်ကားကြီး တစ်စီးနှင့် တိုက်လိုက်ပြီး မီတာပေါင်းများစွာ လွင့်ထွက်သွားစေမည် ဆိုပါက ချပ်ဝတ်တန်ဆာမှာ နဂိုအတိုင်း ရှိနေနိုင်သော်လည်း အထဲက လူကတော့ အသက်ရှင်နိုင်မည် မဟုတ်ပေ။</p> <p>၎င်းမှာ ချပ်ဝတ်တန်ဆာက မာလွန်းသဖြင့် ရိုက်ခတ်မှု စွမ်းအင်များကို မစုပ်ယူနိုင်ဘဲ ထိုစွမ်းအင်အားလုံးကို လူ့ခန္ဓာကိုယ်ဆီသို့ တိုက်ရိုက် သက်ရောက်စေသောကြောင့် ဖြစ်သည်။</p> <p>၎င်းကြောင့် အတွင်းဒဏ်ရာရခြင်း၊ ကိုယ်တွင်းအင်္ဂါများ ပျက်စီးခြင်း သို့မဟုတ် အရိုးကျိုးခြင်းများ အလွယ်တကူ ဖြစ်ပေါ်စေနိုင်သည်။</p> <p>ဤလေးမြှားများ၏ ထူးခြားချက်မှာ အလေးချိန် ပင် ဖြစ်သည်။</p> <p>ဖောက်ထွက်နိုင်စွမ်းအပြင် မြှားကိုယ်တိုင်က အလွန်အမင်း လေးလံလှသဖြင့် ထိုမြှားနှင့် အမှန်တကယ် ထိမှန်ပါက မာကြောလှသော အပြာရောင် သံမဏိချပ်ဝတ်တန်ဆာကို မဖောက်နိုင်လျှင်တောင် ဝတ်ဆင်ထားသူကို မြေပြင်ပေါ်သို့ ပြင်းထန်စွာ လဲကျသွားစေနိုင်၏။</p> <p>ကြည့်ရသည်မှာ ချီရွှယ်ဖေးသည် ဤလေးမြှားများ၏ ပစ်ခတ်မှုကြောင့် မြေပြင်ပေါ်သို့ အကြိမ်ကြိမ် လဲကျခဲ့ပုံရပြီး၊ ထို့ကြောင့်ပင် သူမ၏ ကိုယ်ပေါ်တွင် ဖုန်များ ပေကျံနေကာ ရင်ဘတ်ကို ဆုပ်ကိုင်လျက် ချောင်းတဟွတ်ဟွတ် ဆိုးနေခြင်း ဖြစ်သည်။</p> <p>"... ဒီလိုလုပ်နေတာ ဘာထူးမှာလဲ။ ကျွန်မကို ကစားနေတာလား။"</p> <p>ချီရွှယ်ဖေးသည် မြေပြင်မှ အနိုင်နိုင် ထရပ်လိုက်ရင်း သစ်ပင်အိမ်ရှိရာဘက်သို့ အားနည်းသော လေသံဖြင့် လှမ်းပြောလိုက်၏။</p> <p>ရွှီရှင်းတို့ ရောက်နေသော နေရာမှနေ၍ သစ်ပင်အိမ်ထဲက လူကို မမြင်ရပေ။</p> <p>သူတို့ မြင်နေရသည့် ပြတင်းပေါက်မှာ အခြားတစ်ဖက်သို့ မျက်နှာမူထားခြင်း ဖြစ်သည်။</p> <p>"ဂျောက်"</p> <p>စက်ယန္တရား လှည့်သံတစ်ခု ထွက်ပေါ်လာပြီးနောက် သစ်ပင်အိမ်ပေါ်မှ နောက်ထပ် မြားတစ်စင်း ပစ်ထွက်လာပြန်သည်။</p> <p>ချီရွှယ်ဖေးက ကိုယ်ကို လှည့်၍ ရှောင်တိမ်းလိုက်သော်လည်း မြားမှာ သူမ၏ ပုခုံးကို ပွတ်တိုက်သွားခဲ့၏။</p> <p>မြှား၏ ကြီးမားလှသော အရှိန်နှင့် အလေးချိန်ကြောင့် သူမမှာ မြေပြင်ပေါ်သို့ တစ်ပတ်လှည့်ကာ လဲကျသွားရပြန်သည်။</p> <p>လီဝမ်ရှီး၏ မျက်နှာတွင် ဒေါသရိပ်များ ဖုံးလွှမ်းသွားပြီး သူမ၏ မြှားသေနတ် ကို ချက်ချင်း ဆွဲထုတ်လိုက်သော်လည်း၊ သူမ ရှေ့သို့ မပြေးခင်မှာပင် ရွှီရှင်းက လက်မြှောက်၍ တားဆီးလိုက်၏။</p> <p>"နေဦး... အခြေအနေကို အရင်ကြည့်ရအောင်။ ဇွတ်အတင်း လုပ်လိုက်ရင် ချီရွှယ်ဖေးကို အန္တရာယ်ဖြစ်စေနိုင်တဲ့အပြင် ငါတို့ကိုပါ ထောင်ချောက်ထဲ ရောက်သွားစေလိမ့်မယ်" ဟု ရွှီရှင်းက တိုးတိုးလေး အမိန့်ပေးလိုက်သည်။</p> <p>"ဒါပေမဲ့..."</p> <p>ချီရွှယ်ဖေး မြေပြင်ပေါ်မှာ နှစ်ပတ်လောက် လူးလှိမ့်သွားပြီး အမြန်ပြန်ထနေရတာကို ကြည့်ရင်း လီဝမ်ရှီးမှာ သူမ၏ နှုတ်ခမ်းကို တင်းတင်းကျပ်ကျပ် ကိုက်ထားမိ၏။</p> <p>"ဒီလူက သူမကို အခုချက်ချင်း သတ်ချင်တဲ့ပုံ မပေါ်ဘူး။ ဒါပေမဲ့ မင်းသာ ထွက်သွားလို့ လူအများကြီးကို မြင်လိုက်ရင် သူ ဒေါသထွက်ပြီး သတ်ပစ်လိုက်နိုင်တယ်"</p> <p>ရွှီရှင်းက မြှားစက်ကြီး တွေ အပြည့်တပ်ထားတဲ့ သစ်ပင်အိမ်ကို တစ်ချက်ကြည့်ရင်း တိုးတိုးလေး ပြောလိုက်၏။</p> <p>တကယ်လို့ ဒီလူက ချီရွှယ်ဖေးကို တကယ် သတ်ချင်တယ်ဆိုရင် မြားတွေ အများကြီးနဲ့ တပြိုင်ထဲ ပစ်လိုက်ရုံပဲလေ။</p> <p>ဘာလို့ ဒီလို ကစားနေမှာလဲ။</p> <p>ကံကောင်းထောက်မစွာဖြင့် ချီရွှယ်ဖေးမှာ ပါးနပ်လှ၏။</p> <p>သူမ မြေပြင်ပေါ်တွင် လူးလှိမ့်နေစဉ် ဆေးလုံးတစ်လုံးကို ခိုး၍ သောက်လိုက်သည်ကို ရွှီရှင်း သတိပြုမိလိုက်ပြီး၊ ထို့နောက်တွင်တော့ သူမ၏ လှုပ်ရှားမှုများမှာ ပိုမို သွက်လက်လာခဲ့သည်။</p> <p>ရွှီရှင်းကတော့ ဘေးကနေကြည့်နေသဖြင့် သူမ၏ လှုပ်ရှားမှုလေးတွေကို မြင်နိုင်သော်လည်း သစ်ပင်အိမ်ပေါ်က လူကတော့ မြင်နိုင်ခြေ မရှိပေ။</p> <p>---</p> <p>အခန်း ၂၄၈ ပြီး</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save