Book List

<h2 style="text-align: center;">အပိုင်း (၁၀၄၇)</h2> <h2 style="text-align: center;">မြင့်မြတ်နယ်မြေကို တည်ဆောက်ခြင်း၊ ကောင်းကင်ဘုံအသီးသီး ခိုလှုံရာရှာခြင်း (၄)</h2> <h2 style="text-align: center;">*</h2> <p> </p> <p>ပြောပြီးသည်နှင့် သူတို့ ချက်ချင်းလှုပ်ရှားကြတော့သည်။</p> <p>အရင်းအမြစ် ဘိုးဘေးသည် သူ၏တပည့် ရှောင်ထျန်းယုကို မြင့်မြတ်နယ်မြေ၏ အစီအရင်များကို ဆက်လက် အားဖြည့်ထားရန် ညွှန်ကြားခဲ့ပြီး သူကိုယ်တိုင်မှာမူ ရှေးဟောင်းနတ်ဆိုးကို သွားရောက်မျှားခေါ်ရန် ဦးဆောင်သွားလိုက်သည်။</p> <p>မျက်စိတစ်မှိတ်အတွင်းတွင် နာရီဝက်ခန့် ကုန်ဆုံးသွားခဲ့သည်။</p> <p>သူတို့သည် 'ချင်းဟော့ လောကငယ်' သို့ ရောက်ရှိလာကြသည်။ ဟင်းလင်းပြင်ပေါ်မှ ကြည့်လိုက်သောအခါ လောကငယ်တသ်လုံးမှာ အရင်ကကဲ့သို့ မီးရောင်စုံများဖြင့် လင်းထိန်မနေတော့ဘဲ မှောင်မိုက်နေသည်ကို တွေ့လိုက်ရသည်။</p> <p>ယခုအခါ နေရာတိုင်းတွင် မီးတောက်များ လောင်ကျွမ်းနေပြီး၊ လမ်းမပေါ်ရှိ မီးအိမ်များမှာ လဲကျပျက်စီးကာ အိမ်များကိုပါ ကူးစက်လောင်ကျွမ်းနေခြင်း ဖြစ်သည်။</p> <p>လောကငယ်အတွင်းသို့ ဝင်ရောက်လိုက်သောအခါ နေရာအနှံ့တွင် အသက်မဲ့နေသော အလောင်းများကို တွေ့လိုက်ရသည်။ ထိုအလောင်းများမှာ ဒဏ်ရာမရှိ၊ သွေးထွက်သံယို မရှိဘဲ မြေကြီးပေါ်တွင် လဲကျနေကြခြင်း ဖြစ်သည်။</p> <p>မြို့တိုင်းမြို့တိုင်းတွင် ဤကဲ့သို့ပင် ဖြစ်နေသည်။</p> <p>သူတို့၏ မျက်နှာအမူအရာများမှာ ခက်ထန်သွားကြသည်။ ရရှိထားသော သတင်းများအရ သူတို့သည် ရှေးဟောင်းနတ်ဆိုး ရှိနေသည့်နေရာကို လျင်မြန်စွာ ရှာတွေ့သွားခဲ့သည်။</p> <p>ထိုသတ္တဝါမှာ ဝဝလင်လင် စားသောက်ပြီးနောက် နတ်ဘုရားမင်းဆက်၏ နန်းတော်အမိုးပေါ်တွင် အိပ်မောကျနေသည်ကို မြင်လိုက်ရသည်။</p> <p>ပတ်ဝန်းကျင်ရှိ နန်းတော်အတွင်း၌လည်း အသက်ရှင်ကျန်ရစ်သူ တစ်ဦးတစ်ယောက်မျှ မရှိတော့ဘဲ အားလုံးမှာ မြေကြီးပေါ်တွင် ပျော့ခွေလဲကျနေကြပြီ ဖြစ်သည်။</p> <p>သူတော်စင်များမှာ ၎င်းကို ဆွဲဆောင်ရန်အတွက် အင်အားစုစည်းလိုက်ကြပြီး အရင်းအမြစ် ဘိုးဘေး၏ ကိုယ်ပွားက ထိန်းချုပ်ထားစဉ်အတွင်း သူတို့အားလုံး ဤလောကမှ အတူတူ ထွက်ပြေးခဲ့ကြသည်။</p> <p>ရှေးဟောင်းနတ်ဆိုးမှာ သူတို့ကြောင့် ဒေါသထွက်သွားပြီး မရပ်မနား လိုက်လံတိုက်ခိုက်ရင်း ‘ထျန်းယွမ် လောကငယ်’ သို့ ရောက်ရှိလာခဲ့သည်။</p> <p>“ရောက်လာပြီ”</p> <p>ထျန်းယွမ် လောကငယ်အတွင်းရှိ ထျန်းယွမ် မြင့်မြတ်နယ်မြေမှ တပည့်များစွာမှာ သတိအပြည့်ဖြင့် စောင့်ကြပ်နေကြသည်။</p> <p>သူတို့သည် ကောင်းကင်ဘုံအသီးသီးတွင် နံပါတ်တစ် မြင့်မြတ်နယ်မြေမှ တပည့်များဖြစ်သဖြင့် အလွန်ပင် ဂုဏ်ယူကြသည်။ ယခုအခါ သူတို့သည် အစီအရင်များကို ပြင်ဆင်ထားပြီး မည်သည့်အချိန်တွင်မဆို တိုက်ခိုက်ရန် အသင့်ဖြစ်နေကြသည်။</p> <p>သူတော်စင်များစွာမှာ ရှေးဟောင်းနတ်ဆိုးကို အာရုံလွှဲကာ မြင့်မြတ်နယ်မြေအတွင်းသို့ ပြန်ဝင်လာခဲ့ကြပြီးနောက် ရှေးဟောင်းနတ်ဆိုး၏ လှုပ်ရှားမှုများကို အနီးကပ် စောင့်ကြည့်နေကြသည်။</p> <p>ရှေးဟောင်းနတ်ဆိုးသည် မြင့်မြတ်နယ်မြေ၏ အပြင်ဘက်သို့ ရောက်လာပြီးနောက် တဖြည်းဖြည်း နှေးကွေးသွားသည်ကို မြင်လိုက်ရသည်။</p> <p>“သူ အနံ့ပျောက်သွားပုံရတယ်”</p> <p>“ကြည့်စပ်... သူ လမ်းကြောင်းပြောင်းသွားပြီ”</p> <p>“အစီအရင်က အလုပ်ဖြစ်ပုံရတယ်။ ဟောင်ထျန်းသူတော်စင်က အဓိပ္ပာယ်မရှိတာတွေ လျှောက်ပြောနေတာပဲ”</p> <p>“ဆေးသူတော်စင်ကတော့ သူ့ရဲ့ လှည့်စားတာကို ခံလိုက်တဲ့ပုံပဲ။ ဖြစ်နိုင်တာက သူတို့ နှစ်ယောက် ပူးပေါင်းပြီး ငါတို့ကို ရှေ့တန်းကနေ အသေခံခိုင်းပြီး သူတို့ကတော့ ထွက်ပြေးဖို့ အချိန်ဆွဲနေတာ ဖြစ်လိမ့်မယ်”</p> <p>“အရမ်း ကောက်ကျစ်တာပဲ”</p> <p>ရှေးဟောင်းနတ်ဆိုး လှည့်ထွက်သွားသည်ကို မြင်သောအခါ သူတော်စင်များနှင့် အရင်းအမြစ် ဘိုးဘေးတို့မှာ ပြုံးလိုက်ကြသည်။</p> <p>သို့သော် ရှေးဟောင်းနတ်ဆိုးမှာ ထျန်းယွမ် လောကငယ်မှ ထွက်ခွာမသွားဘဲ ထျန်းယွမ်လောကငယ်ရှိ နတ်ဘုရားမင်းဆက်များအတွင်းသို့ ဝင်ရောက်ကာ ဝိညာဉ်များကို စတင်ဝါးမြိုတော့သည်။</p> <p>မြို့တစ်မြို့ပြီးတစ်မြို့ ပျက်စီးသွားပြီး နတ်ဘုရားမင်းဆက် ကျဆုံးသွားခဲ့သည်။ ထိုနတ်ဘုရားမင်းဆက်များမှ မြင့်မြတ်နယ်မြေထံသို့ အကူအညီတောင်းခံစာများ အဆက်မပြတ် ပေးပို့လာကြသည်။</p> <p>“ဒါကို ခင်ဗျားတို့ မျှားခေါ်လာတာလား”</p> <p>ဥပဒေဂိုဏ်း မြင့်မြတ်နယ်မြေသည်လည်း ထျန်းယွမ် လောကငယ်အတွင်းမှာပင် ရှိနေခြင်း ဖြစ်သည်။ ရှေးဟောင်းနတ်ဆိုး၏ သောင်းကျန်းမှုကို မြင်သောအခါ ဥပဒေ မဟာသူတော်စင်သည် မျက်နှာပျက်သွားပြီး အရင်းအမြစ် ဘိုးဘေးကို တိုက်ရိုက်မေးလိုက်သည်။</p> <p>အရင်းအမြစ် ဘိုးဘေးက ပြောလိုက်သည်။ “မင်းလည်း ဆေးသူတော်စင်ဆီက သတင်းရတာပဲ၊ ငါတို့ဒါကို အတည်ပြုရမယ်လေ”</p> <p>“ဟုတ်တယ်” ဟု အခြား သူတော်စင်များကလည်း ချက်ချင်း ထောက်ခံလိုက်ကြသည်။</p> <p>ဥပဒေ မဟာသူတော်စင်မှာ ဒေါသထွက်သွားသည်။ “ဒါပေမဲ့ အခု သူက လူတွေကို သတ်ဖြတ်နေပြီလေ၊ ခင်ဗျားတို့ပဲ သူ့ကို မျှားခေါ်လာတာ မဟုတ်ဘူးလား”</p> <p>“မြင့်မြတ်နယ်မြေက ပိတ်ထားတယ်၊ ရှေးဟောင်းနတ်ဆိုး သောင်းကျန်းနေတာကတော့ သူတို့ ကံကြမ္မာပဲပေါ့။ ဘယ်လိုပဲဖြစ်ဖြစ် သူတို့က သေရမှာပဲလေ” ဟု သူတော်စင်တစ်ပါးက ပြောလိုက်သည်။</p> <p>အရင်းအမြစ် ဘိုးဘေး၏ မျက်လုံးထဲတွင် နောင်တအရိပ်အယောာင် အနည်းငယ် ပေါ်လာပြီး “ငါတို့ ဘာမှ မတတ်နိုင်ဘူး။ အမှားက ဖြစ်သွားပြီ၊ ဒါက ငါတို့ရဲ့ အပြစ်ပဲပေါ့” ဟု ပြောလိုက်သည်။</p> <p>ဥပဒေ မဟာသူတော်စင်မှာ သူ၏ လက်သီးကို တင်းတင်းဆုပ်ကာ သူ့ကို ဒေါသတကြီး ကြည့်လိုက်ပြီးနောက် နောက်ဆုံးတွင် ဝတ်ရုံလက်ကို ခါကာ ထွက်ခွာသွားလိုက်သည်။</p> <p>ရှေးဟောင်းနတ်ဆိုး သောင်းကျန်းနေစဉ်အတွင်း နတ်ဘုရားမင်းဆက် သုံးခုကို သတ်ဖြတ်ပြီးနောက် ကျန်ရှိနေသော နတ်ဘုရားမင်းဆက်များမှာ သတင်းရရှိသွားပြီး ထျန်းယွမ် မြင့်မြတ်နယ်မြေရှိရာသို့ ဦးတည် ထွက်ပြေးလာကြသည်။</p> <p>သို့သော် ထျန်းယွမ် မြင့်မြတ်နယ်မြေ အပြင်ဘက်တွင် အစီအရင်တစ်ခုက လွှမ်းခြုံကာ သီးခြားခွဲထုတ်ထားသဖြင့် ဟင်းလင်းပြင်ထဲတွင် ပျောက်ကွယ်နေသကဲ့သို့ ဖြစ်နေသည်။ ၎င်းအပြင် အစီအရင်အတွင်း၌ မြူခိုးဝင်္ကပါများလည်း ပါဝင်သဖြင့် နတ်ဘုရားမင်းဆက်မှ တော်ဝင်မျိုးနွယ်များနှင့် လူစုကြီးမှာ ဤနေရာသို့ ရောက်လာသော်လည်း လမ်းလျှောက်နေရင်းနှင့် မြင့်မြတ်နယ်မြေ၏ အရိပ်အယောင်ကိုပင် မတွေ့ကြရပေ။</p> <p>သူတို့မှာ မြင့်မြတ်နယ်မြေက စွန့်ခွာသွားပြီဟု ထင်မှတ်ကာ မျှော်လင့်ချက် ကင်းမဲ့သွားကြသည်။</p> <p>“တော်သေးတာပေါ့... ငါတို့မှာ ‘ကြေးမုံမြူခိုး အစီအရင်’ရှိနေလို့၊ မဟုတ်ရင် ဒီလူမိုက်တွေ အနားရောက်လာရင် ငါတို့နေရာ ပေါက်ကြားသွားလိမ့်မယ်” ဟု သူတော်စင်တစ်ပိုင်းတစ်ဦးက အစီအရင်အပြင်ဘက်ရှိ အခြေအနေကို ကြည့်ကာ စိတ်သက်သာရာရစွာ ပြောလိုက်သည်။</p> <p>“ဟမ်၊ ရှေးဟောင်းနတ်ဆိုးက ဘာလို့ ဒီဘက်ကို ရောက်လာတာလဲ”</p> <p>ထိုအချိန်တွင် တစ်စုံတစ်ယောက်က သတိထားမိလိုက်သည်။ အစောပိုင်းက နတ်ဘုရားမင်းဆက်များအတွင်း သောင်းကျန်းနေသော ရှေးဟောင်းနတ်ဆိုးမှာ ယခုအခါ မြင့်မြတ်နယ်မြေဘက်သို့ လှည့်ကာ ပျံသန်းလာခြင်း ဖြစ်သည်။</p> <p>အစီအရင်အတွင်း ပိတ်မိနေသော လူအုပ်ကြီးကို ပစ်မှတ်ထားသည်ဟု သူတို့ ထင်ခဲ့သော်လည်း၊ ၎င်းမှာ မြင့်မြတ်နယ်မြေဆီသို့ တည့်တည့်မတ်မတ် ဦးတည်လာနေခြင်း ဖြစ်သည်။</p> <p>ဘုန်း</p> <p>ရှေးဟောင်းနတ်ဆိုးမှာ ဟိန်းဟောက်လိုက်ပြီး အစီအရင်ကို တိုက်ရိုက် ဝင်တိုက်လိုက်ရာ၊ အစီအရင်မှာ တုန်ခါသွားပြီး အလင်းတန်းများ ထွက်ပေါ်လာခဲ့သည်။</p> <p>သူတော်စင်များမှာ ထိတ်လန့်သွားကြသည်။ ‘ရှေးဟောင်းနတ်ဆိုးက တကယ်ပဲ မြင့်မြတ်နယ်မြေကို မြင်နိုင်နေတာလား’</p> <p>“ဖြစ်နိုင်တာက... သူ အစောပိုင်းက လှည့်ထွက်သွားတာက ဗိုက်အရင်ဖြည့်ဖို့များလား” ဟု သူတော်စင်တစ်ပါးက တုန်ရီနေသော အသံဖြင့် ရေရွတ်လိုက်သည်။</p> <p>အရင်းအမြစ် ဘိုးဘေး၏ မျက်နှာမှာ ပျက်သွားခဲ့သည်။ အကယ်၍ ထိုသို့သာဆိုလျှင် နတ်ဘုရားမင်းဆက် သုံးခုမှ လူများမှာ အလကား အသေခံလိုက်ရခြင်း ဖြစ်ပြီး သူတို့၏ မျက်စိရှေ့တွင်တင် ရက်ရက်စက်စက် အသတ်ခံလိုက်ရခြင်း ဖြစ်သည်။</p> <p>“သတ်ကြ”</p> <p>အရင်းအမြစ် ဘိုးဘေး ကိုယ်တိုင် တိုက်ခိုက်မှုကို ဦးဆောင်လိုက်ပြီး အခြားသူတော်စင်များကိုလည်း စုပေါင်းတိုက်ခိုက်ရန် ခေါ်လိုက်သည်။</p> <p>ပြင်းထန်သော တိုက်ပွဲအပြီးတွင် ရှေးဟောင်းနတ်ဆိုးမှာ အရင်းအမြစ် ဘိုးဘေး၏ ‘ကောင်းကင်နှိမ်နင်းရေး နှင်တံ’ အောက်တွင် သတ်ဖြတ်ခြင်းခံခဲ့ရသည်။</p> <p>သို့သော် အရင်းအမြစ် ဘိုးဘေး၏ လောကဦးနတ်ဝိညာဉ်မှာလည်း ဒဏ်ရာရသွားခဲ့သည်။ ၎င်းမှာ အချိန်တိုအတွင်း ပြန်မကောင်းနိုင်သော ဒဏ်ရာမျိုး ဖြစ်သည်။ သူ၏ လက်ထဲတွင် သတ္တမကပ်ဘေး ဧကရာဇ်လက်နက်ရှိနေသော်လည်း အခြားသူတော်စင်များနှင့် ပူးပေါင်းမှသာ ရှေးဟောင်းနတ်ဆိုး တစ်ကောင်ကို သတ်နိုင်ခြင်း ဖြစ်သည်။ အကယ်၍ ဤလက်နက်သာ မရှိလျှင် သူ ပို၍ ကြီးမားသော ပေးဆပ်မှုများ လုပ်ရလိမ့်မည်ကို သူ စိုးရိမ်မိသွားခဲ့သည်။</p> <p>“အစီအရင်ကို တကယ်ကို ဖျက်ဆီးနိုင်ခဲ့တာပဲ၊ သူ ဘာနည်းလမ်း သုံးတာလဲ”</p> <p>“ဒီနတ်ဆိုးရဲ့ နတ်ဝိညာဉ်က အတော်လေး အားကောင်းတာပဲ၊ ပြီးတော့ ဝိညာဉ်တွေကိုလည်း ဝါးမြိုနိုင်သေးတယ်။ အခု အထဲကို ဘယ်နှစ်ကောင်တောင် ရောက်နေပြီလဲ မသိဘူး”</p> <p>သူတော်စင် အချို့မှာ ရှေးဟောင်းနတ်ဆိုး၏ အလောင်းကို ကြည့်ကာ စိတ်ပျက်လက်ပျက် ဖြစ်နေကြသည်။</p> <p>အစောပိုင်းက သူတို့သည် လီဟောင်ကို ကြောက်လန့်အောင် ခြောက်လှန့်နေသည်ဟု ကဲ့ရဲ့ခဲ့ကြသော်လည်း ယခုမူ သူတို့၏ မျက်နှာကို သူတို့ကိုယ်တိုင် ပြန်ရိုက်လိုက်သကဲ့သို့ ဖြစ်သွားခဲ့သည်။</p> <p>သူတော်စင်များအားလုံး တိတ်ဆိတ်သွားခဲ့သည်။</p> <p>အစီအရင်များမှာ အသုံးမဝင်တော့ခြင်းမှာ ခိုလှုံရန်နေရာမှာ အိပ်မက်တစ်ခု ဖြစ်သွားပြီဟု ဆိုလိုခြင်း ဖြစ်သည်။</p> <p>အချိန်အတော်ကြာသည်အထိ တိတ်ဆိတ်နေပြီးနောက် သူတော်စင်တစ်ပါးက ရုတ်တရက် ပြောလိုက်သည်။ “ဟောင်ထျန်းသူတော်စင်မှာ ခိုလှုံနိုင်မယ့် နည်းလမ်းရှိတယ်၊ ငါတို့ သွားပြီး သူ့ကို အသနားခံကြရအောင်။ ဘာပဲဖြစ်ဖြစ် ဒါက နောက်ဆုံးနည်းလမ်းပဲ”</p> <p>အရင်းအမြစ် ဘိုးဘေးမှာ သတိပြန်ဝင်လာပြီး ခဏမျှ စဉ်းစားကာ ခေါင်းညိမ့်လိုက်သည်။ သူသည် ဘေးရှိ သူတော်စင်များကို ကြည့်လိုက်ပြီးနောက် ဆေးသူတော်စင်ထံသို့ သတင်းပို့လိုက်သည်။</p> <p>ဆေးသူတော်စင်သည် အရင်းအမြစ် ဘိုးဘေးက လီဟောင်ထံတွင် ခိုလှုံချင်နေကြောင်းနှင့် လီဟောင်၏ တည်နေရာကို သိချင်နေကြောင်း သတင်းရရှိလိုက်သည်။</p> <p>သူ(မ)သည် တိုက်ရိုက် ကတိမပေးဘဲ လီဟောင်ထံသို့ သတင်းပို့လိုက်သည်။</p> <p>လီဟောင်သည် ထိုကိစ္စကို သိလိုက်ရသောအခါ သူတို့ကို တွေ့ဆုံရန် စိတ်မဝင်စားပေ။ သို့သော် သူ မတုံ့ပြန်လျှင် ထိုလူများမှာ မျှော်လင့်ချက် ကင်းမဲ့နေသဖြင့် သူ့အား အမြဲ လိုက်နှောင့်ယှက်နေမည်ကို သူ သိသည်။ ထို့ကြောင့် ဆေးသူတော်စင်ကို သူ ပြောလိုက်သည်။</p> <p>***</p> <p> </p>


Save