Book List

<h2 style="text-align: center;">ကလေးထိန်းဇွန်ဘီဘုရင် (စာစဉ်-၄၂)</h2> <h2 style="text-align: center;">အခန်း။ ၄၁၁</h2> <h2 style="text-align: center;">*</h2> <p> </p> <p> </p> <p>ချီချီလေး ရုတ်တရက် ပေါ်ပေါက်လာခြင်းမှာ ကျောက်လင်းကို အံ့အားသင့်ကာ စိုးရိမ်စေရုံသာမက တိုက်ပွဲကို စောင့်ကြည့်နေကြသော အခြားသော ဆင့်ကဲပြောင်းလဲသူများအားလုံးကိုလည်း တုန်လှုပ်သွားစေခဲ့ပြီး လူတိုင်း၏ အကြည့်များမှာ သူမထံသို့သာ စုပြုံရောက်ရှိသွားတော့သည်။</p> <p>နောက်ဘက်တွင် ရပ်တန့်ထားသော ယာဉ်တန်းအတွင်း၌...</p> <p>"ဟို... ဟိုဟာ မိန်းကလေးငယ်လေးတစ်ယောက်လား။ သူမက ပျံသန်းနိုင်တဲ့ ဆင့်ကဲပြောင်းလဲထားတဲ့ ဇွန်ဘီပေါ်မှာ ထိုင်နေပြီး  မိုးကြိုးဟိန်းသံရဲ့ လှုပ်ရှားမှုတွေကို နှောင့်ယှက်နေတာပဲ"</p> <p>လူငယ် ဆင့်ကဲပြောင်းလဲသူတစ်ဦးက ပျံသန်းသူ ၁ ၏ ကျောပေါ်ရှိ သေးငယ်သော ပုံရိပ်လေးကို ကြည့်ရှုရင်း အံ့အားသင့်တုန်လှုပ်စွာ အော်ဟစ်လိုက်မိသည်။ သူသည် ဘေးဘီသို့ ဝေ့ကြည့်လိုက်ရာ လူတိုင်း၏ မျက်နှာတွင် အလားတူ အံ့ဩမှင်သက်နေသော အမူအရာများကိုသာ တွေ့ရှိလိုက်ရသည်။</p> <p>"ဒီမိန်းကလေးငယ်လေးက ဇွန်ဘီဘုရင်ဖြစ်ရမယ်... ဟုတ်တယ် အသေအချာပဲ။ အရင်က သက်ဆိုင်ရာ အချက်အလက်တွေထဲမှာ ဖတ်ဖူးပေမဲ့ အခုလို ဇွန်ဘီဘုရင်ကိုယ်တိုင် တိုက်ပွဲထဲမှာ ပါဝင်ဆင်နွှဲလိမ့်မယ်လို့တော့ မထင်ထားမိဘူး။ ဒါက တကယ်ကို ရှားပါးတဲ့ ဖြစ်ရပ်ပဲ"</p> <p>အခြားသော ဆင့်ကဲပြောင်းလဲသူတစ်ဦးက ခေတ္တမျှ ဝေခွဲမရဖြစ်နေပြီးမှ အံ့ဩတကြီး ပြောလိုက်သည်။</p> <p>ဘာပဲဖြစ်ဖြစ် သူတို့သည် ယခုတစ်ကြိမ်တွင် ဇွန်ဘီဘုရင်ကို နှိမ်နင်းရန် ရောက်ရှိလာကြခြင်းဖြစ်ပြီး အဖွဲ့တိုင်းကို ဇွန်ဘီဘုရင်နှင့် ပတ်သက်သည့် အချက်အလက်များ ကြိုတင်ပေးအပ်ထားပြီးသား ဖြစ်သည်။ ထိုအချက်အလက်များတွင် ဇွန်ဘီဘုရင်သည် မိန်းကလေးငယ်တစ်ဦးနှင့် ဆင်တူသည်ဟု သံသယရှိကြောင်း ဖော်ပြထားခဲ့သည်။</p> <p>"သံသယဖြစ်နေဖို့ မလိုတော့ဘူး။ ဒီတစ်ယောက်က ဇွန်ဘီဘုရင်ပဲ။ ဒါပေမဲ့ ဇွန်ဘီဘုရင်တွေဆိုတာ အရမ်းဉာဏ်များပြီး အသက်ကို နှမြောတွန့်တိုတတ်ကြတာ မဟုတ်ဘူးလား။ အခုတော့ ဒီဇွန်ဘီဘုရင်က ဘာလို့ ဒီလောက်တောင် ပေါ်တင်ကြီး ထွက်လာပြီး  မိုးကြိုးဟိန်းသံကို ကိုယ်တိုင်ကိုယ်ကျ ရင်ဆိုင်နေရတာလဲ။ တကယ်ကို ထူးဆန်းလွန်းတယ်"</p> <p>ပိုင်ချန်အဖွဲ့၏ အသင်းခေါင်းဆောင် ကျန်းဟုန်ကန်းက ဆင့်ကဲပြောင်းလဲသူများအဖွဲ့ကို ကြည့်ကာ ခေါင်းညိတ်၍ ထောက်ခံလိုက်သော်လည်း သူကိုယ်တိုင်မှာမူ မျက်မှောင်ကြုတ်လျက် ဇဝေဇဝါဖြစ်နေသော အမူအရာဖြင့် တိုးတိုးလေး ရေရွတ်နေမိတော့သည်။</p> <p>ယခင်က အင်ပါယာမြို့တော်မှ မျှဝေထားသော သတင်းအချက်အလက်များအရ အခြေစိုကစခန်းများ ရင်ဆိုင်နေရသည့် ဇွန်ဘီဘုရင်နှင့် ပတ်သက်၍ သူသည် အတော်အတန် နားလည်သဘောပေါက်ထားပြီး ဖြစ်သည်။</p> <p>ထိုဇွန်ဘီဘုရင်သည် အလွန်အမင်း သတိကြီးသူဖြစ်ပြီး အသက်ဘေးကို အလွန်ကြောက်ရွံ့ပုံရသည်။ ၎င်းသည် လူသားများ၏ ပစ်မှတ်ထားခြင်းကို မခံရစေရန် သူ့ကိုယ်သူ အမြဲတစေ လုံခြုံစွာ ဖုံးကွယ်ထားလေ့ရှိပြီး ရှာဖွေတွေ့ရှိရန် ခက်ခဲအောင် နေထိုင်တတ်သည်။</p> <p>ဤအချက်သည်ပင်လျှင် ဇွန်ဘီဘုရင်၏ ပြဿနာကို အောင်မြင်စွာ ဖြေရှင်းလိုသော လူသားအာဏာပိုင်များအတွက် အခက်ခဲဆုံး အတားအဆီး ဖြစ်ခဲ့ရသည်။ အကြောင်းမှာ ထိုဇွန်ဘီဘုရင်များသည် လူသားများနှင့် ထိပ်တိုက်ရင်ဆိုင်ခြင်း မပြုဘဲ သူတို့၏ လက်အောက်ခံ ဇွန်ဘီအုပ်စုကြီးများကိုသာ အသုံးချ၍ လူအင်အားဖြင့် ဖိနှိပ်တိုက်ခိုက်တတ်သောကြောင့် ဖြစ်သည်။ အကယ်၍ ဇွန်ဘီလှိုင်းလုံးကြီးမှာ လူသားများ၏ ချေမှုန်းခြင်းကို ခံရလျှင်ပင် သူတို့အတွက်မူ ထိခိုက်မှု တစ်စုံတစ်ရာ မရှိလှပေ။</p> <p>သို့ရာတွင် ယခု သူတို့ရင်ဆိုင်နေရသော ဇွန်ဘီဘုရင်မှာမူ အင်ပါယာမြို့တော်မှ သတင်းများထက် များစွာကွဲပြားခြားနားနေပြီး သူ့ကိုယ်သူ ပေါ်တင်ကြီး ထုတ်ဖော်ပြသနေခြင်းမှာ အလွန်</p> <p>ပင် ထူးဆန်းလှသည်။ ထိုဇွန်ဘီဘုရင်သည် လူသားများ၏ ခေါင်းဖြတ်သတ်ဖြတ်မည့် စစ်ဆင်ရေးကို မကြောက်ရွံ့တော့ပုံပင်။</p> <p>ဤသို့ တွေးတောမိသောအခါ ကျန်းဟုန်ကန်းသည် ပိုမို၍ မျက်မှောင်ကြုတ်မိကာ ဇဝေဇဝါ ဖြစ်လာရသည်။</p> <p>"ဖြစ်နိုင်တာကတော့ သူ့ရဲ့ လက်အောက်ခံ ဆင့်ကဲပြောင်းလဲထားတဲ့ ဇွန်ဘီတွေ ပြင်းပြင်းထန်ထန် ဒဏ်ရာရသွားတာကို မြင်လိုက်လို့ ဖြစ်မှာပါ။ ဘာပဲဖြစ်ဖြစ် အဆင့် ၅ ရှိတဲ့ ဇွန်ဘီတွေဆိုတာ အရမ်းရှားပါးတာမို့ ဇွန်ဘီဘုရင်ရဲ့ လက်အောက်မှာတောင် အများကြီး ရှိမှာမဟုတ်ဘူး။ ဒီဇွန်ဘီဘုရင်က ကျန်ရှိနေတဲ့ သူ့ရဲ့ အဆင့် ၅ ဇွန်ဘီတွေကို  မိုးကြိုးဟိန်းသံက ထပ်ပြီး အန္တရာယ်မပြုနိုင်အောင် ကိုယ်တိုင်ကိုယ်ကျ ထွက်ပြီး တားဆီးရတာ ဖြစနိုင်ပါတယ်"</p> <p>ယွမ်ရိက အနည်းငယ် မဝေခွဲနိုင်သော လေသံဖြင့် ပြောလိုက်သည်။</p> <p>ယခု ဇွန်ဘီဘုရင်၏ အပြုအမူမှာ အင်ပါယာမြို့တော်မှ ရရှိထားသော သတင်းအချက်အလက်များနှင့် များစွာ ကွဲလွဲနေသဖြင့် ယွမ်ရိအဖို့လည်း တိကျစွာ ဆုံးဖြတ်ရန် ခက်ခဲနေခြင်းပင်။</p> <p>ထိုစဉ်မှာပင် အနီးနားမှ အာမေဍိတ်သံတစ်ခု ထွက်ပေါ်လာသဖြင့် လူတိုင်း၏ အာရုံမှာ ထိုနေရာသို့ ရောက်ရှိသွားတော့သည်။</p> <p>"တပ်မှူးကျောက်"</p> <p>ကားတံခါးအနီးတွင် ထိုင်နေသော လင်းလီသည် စိတ်လှုပ်ရှားစွာဖြင့် ကားပေါ်မှ ခုန်ဆင်းသွားပြီး ကျောက်လင်းထံသို့ အပြေးအလွှား သွားရောက်ကာ မျက်နှာဖြူလျော့နေသော သူမအား ဖေးမကူညီပေးလိုက်သည်။</p> <p>"လင်းလေး... ငါ အဆင်ပြေပါတယ်။ မလိုပါဘူး"</p> <p>ကျောက်လင်းသည် သူမ၏ လက်ကို ဝေ့ယမ်းပြကာ ပြုံးရွှင်စွာဖြင့် လူအုပ်စုရှိရာသို့ လျှောက်လှမ်းလာခဲ့သည်။</p> <p>"တပ်မှူးကျောက်ပါလား ပြန်လာတာ ကြိုဆိုပါတယ်"</p> <p>"တပ်မှူးကျောက်ရယ် ဒီတစ်ကြိမ်မှာတော့ ကျွန်တော်တို့အားလုံး ခင်ဗျားကို ကျေးဇူးတင်ရမှာပါ"</p> <p>"ဟားဟား..."</p> <p>အခြားသူများသည်လည်း ဝမ်းသာအားရ တုံ့ပြန်ကြပြီး ဗီဒီယိုကြည့်ရှုနေသော ဖန်သားပြင်အနားမှ ခွာလျက် ကျောက်လင်း၏ အနီးသို့ စိတ်လှုပ်ရှားစွာ စုရုံးရောက်ရှိလာကြသည်။</p> <p>"တပ်မှူးကျောက် တကယ်ကို ပင်ပန်းသွားပါပြီ ကျေးဇူးအထူးတင်ရှိပါတယ်..."</p> <p>ယွမ်ရိသည် ကျောက်လင်းအား ဦးညွှတ်၍ စိတ်ရင်းမှန်ဖြင့် ကျေးဇူးတင်စကား ပြောလိုက်သည်။ ထိုအချိန်တွင် ကျန်ရှိနေသောသူများမှာလည်း ယွမ်ရိနည်းတူ ကျောက်လင်းအပေါ် သူတို့၏ ရိုသေလေးစားမှုကို ဖော်ပြကြသည်။</p> <p>"အသင်းခေါင်းဆောင်ယွမ်နဲ့ အားလုံးပဲ... ဒီလိုတွေ လုပ်နေဖို့ မလိုပါဘူး။ ဘာပဲဖြစ်ဖြစ် ဒါက ကျွန်မရဲ့ တာဝန်ပဲလေ။ ကျွန်မ လုပ်ဆောင်ရမယ့် ကိစ္စတစ်ခုပါပဲ"</p> <p>ထိုသို့ပြောကာ ကျောက်လင်းသည် ရှေ့သို့ အမြန်တိုး၍ သူတို့အား လက်ကာပြလျက် တားဆီးလိုက်သည်။</p> <p>ထို့နောက် လူတိုင်းသည် ခေတ္တမျှ စကားစမြည် ပြောဆိုကြပြီးနောက် မိုးကြိုးဟိန်းသံနှင့် ဇွန်ဘီဘုရင်တို့၏ တိုက်ပွဲကို ဆက်လက်ကြည့်ရှုရန် ဗီဒီယိုဖန်သားပြင်ဆီသို့ ပြန်လည်ရောက်ရှိသွားကြသည်။</p> <p>တိုက်ပွဲမြေပြင်တွင်မူ မသေမျိုး ၁ ကို အပိုင်းပိုင်းဆုတ်ဖြဲရန် ရှေ့သို့ တဟုန်ထိုး ပြေးဝင်ရန် ပြင်ဆင်နေသော  မိုးကြိုးဟိန်းသံသည် ကျိရုရွှယ်၏ စိတ်စွမ်းအားဖြင့် ထိန်းချုပ်မှုကြောင့် ဟန့်တားခြင်း ခံလိုက်ရသည်။ ၎င်း၏ ပြေးလွှားနှုန်းမှာ ချက်ချင်းပင် လျော့ကျသွားခဲ့ရသည်။</p> <p>သို့ရာတွင်  မိုးကြိုးဟိန်းသံသည် အရှုံးမပေးဘဲ အကြိမ်ကြိမ် ထပ်မံကြိုးစားခဲ့သော်လည်း အရှိန်မြှင့်ရန် ပြင်လိုက်တိုင်း ကျိရုရွှယ်၏ စွမ်းရည်ဖြင့် အတားအဆီး ပြုလုပ်ခြင်း ခံရသဖြင့် ရပ်တန့်သွားရပြန်သည်။ ထို့ကြောင့်  မိုးကြိုးဟိန်းသံအဖို့ မသေမျိုး ၁ ထံသို့ ချဉ်းကပ်ရန် အလွန်ခက်ခဲနေတော့သည်။</p> <p>ဤအခြေအနေကြောင့်  မိုးကြိုးဟိန်းသံမှာ အလွန်အမင်း စိတ်ပျက်ဒေါသထွက်လာပြီး ကောင်းကင်ယံရှိ ကျိရုရွှယ်ထံသို့ မိုးကြိုးတိုက်ကွက်များကို တစ်ခုပြီးတစ်ခု ပစ်လွှတ်လိုက်</p> <p>သည်။ သို့သော်လည်း ပျံသန်းသူ ၁ ၏ အရှိန်မှာ အလွန်ပင် လျင်မြန်လှသဖြင့်  မိုးကြိုးဟိန်းသံအနေဖြင့် ကျိရုရွှယ်ကို ထိမှန်အောင် တိုက်ခိုက်ရန်မှာ မဖြစ်နိုင်သလောက်ပင် ရှိနေတော့သည်။</p> <p>ကျိရုရွှယ်က  မိုးကြိုးဟိန်းသံကို ထိန်းချုပ်ထားစဉ်အတွင်း လုချွမ်းအနေဖြင့်လည်း အသာတကြည် ကြည့်နေမည်မဟုတ်သည်မှာ အသေအချာပင်။ အပြင်းအထန် ဒဏ်ရာရရှိနေသော အာဖန်းမှလွဲ၍ ကျန်ရှိသော အဆင့် ၅ ဇွန်ဘီရုပ်သေး သုံးရုပ်စလုံးသည်  မိုးကြိုးဟိန်းသံထံသို့ တိုက်စစ်များကို အဆက်မပြတ် ဆင်နွှဲကြတော့သည်။</p> <p>တောက်လောင်နေသော မီးလုံးကြီးများမှာ ကောင်းကင်ယံမှ ကျဆင်းလာခဲ့သည်။ ကျိရုရွှယ်၏ စိတ်စွမ်းအားဖြင့် နှောင်ဖွဲ့ခြင်း ခံထားရသော  မိုးကြိုးဟိန်းသံမှာမူ အကာအကွယ်ယူရန် မတတ်နိုင်တော့ဘဲ ခေတ္တခဏအတွင်းမှာပင် မီးလုံး သုံးလေးလုံး၏ တိုက်ရိုက်ထိမှန်ခြင်းကို ခံလိုက်ရသဖြင့် ဒဏ်ရာများ ပိုမိုပြင်းထန်လာခဲ့သည်။</p> <p>"ဂီးးးးး"</p> <p>ခန္ဓာကိုယ်ပေါ်ရှိ နာကျင်မှုဝေဒနာများကြောင့်  မိုးကြိုးဟိန်းသံသည် ရူးသွပ်သော အခြေအနေသို့ ရောက်ရှိသွားပြီး ဒေါသတကြီး ဟိန်းဟောက်လျက် အနက်ရောင် မိုးကြိုးလျှပ်စီးများကို ၎င်း၏ အာခံတွင်း၌ စုစည်းကာ ကောင်းကင်ယံရှိ မီးလျှံ ၁ နှင့် မီးလျှံ ၂ တို့ကို တိုက်ခိုက်ရန် ပြင်ဆင်တော့သည်။</p> <p>မမျှော်လင့်ဘဲ အနက်ရောင် မိုးကြိုးတိုင်ကြီး ထွက်ပေါ်လာတော့မည့် အချိန်၌ပင် ကျိရုရွှယ်၏ အချိန်ထိန်းချုပ်ခြင်း စွမ်းရည်မှာ သက်ရောက်လာခဲ့သည်။ အချိန်၏ စွမ်းအင်များ ရုန်းကြွလာမှုကြောင့်  မိုးကြိုးဟိန်းသံ၏ အနက်ရောင် မိုးကြိုးတိုင်ကြီးမှာ ချက်ချင်းပင် ငြိမ်းသတ်ခြင်း ခံလိုက်ရသည်။</p> <p>ထိုအခွင့်အရေးကို အရယူလျက် ကောင်းကင်ယံရှိ မီးလျှံ ၁ နှင့် မီးလျှံ ၂ တို့သည် မီးလုံးများကို အဆက်မပြတ် ပစ်လွှတ်လိုက်ကြသည်။ တစ်ချိန်တည်းမှာပင် ဘေးဘက်မှ တိတ်တဆိတ် ချဉ်းကပ်လာသော မသေမျိုး ၁ သည်လည်း ရွှေနှင့် ကျောက်တုံးများကိုပင် ဖောက်ထွင်းနိုင်စွမ်းရှိသည့် ၎င်း၏ သွေးရောင် အကြေးခွံလျှာဖြင့် တိုက်ခိုက်လိုက်သည်။</p> <p>ရှဲ... ဝုန်း...</p> <p>အချိန်စွမ်းအင်များ ကင်းစင်သွားချိန်တွင် နှောင်ဖွဲ့ခံထားရသော  မိုးကြိုးဟိန်းသံမှာ တုံ့ပြန်ရန် အချိန်မရမီမှာပင် ရှေ့ဆင့်နောက်ဆင့် ကျရောက်လာသော မီးလုံးများ၏ ထိမှန်မှုကို ခံလိုက်ရပြီး မီးတောက်များအတွင်း နစ်မြုပ်လျက် နာကျင်စွာ အော်ဟစ်နေတော့သည်။</p> <p>မီးလျှံများ ကွယ်ပျောက်သွားချိန်၌ သွေးရောင်အကြေးခွံလျှာမှာ ရောက်ရှိလာပြီး  မိုးကြိုးဟိန်းသံ၏ ညာဘက်ပခုံးကို တည့်တည့်မတ်မတ် ထိုးဖောက်သွားခဲ့သည်။ ပေါင်လုံးခန့် အရွယ်အစားရှိသော နက်ရှိုင်းလှသည့် ဒဏ်ရာပေါက်ကြီးမှ သွေးများမှာ ပန်းထွက်လာခဲ့ပြီး အရိုးစအဖြူအချို့မှာလည်း သွေးများနှင့်အတူ လွင့်စင်ထွက်လာခဲ့သည်။</p> <p>"ဂီးးးးး"</p> <p>ချက်ချင်းပင် သွေးသံရဲရဲဖြစ်နေသော  မိုးကြိုးဟိန်းသံမှာ နာကျင်မှုကြောင့် တုန်ရင်သွားခဲ့ပြီး အလွန်စူးရှသော အော်ဟစ်သံကြီးကို ထုတ်လွှတ်လိုက်သည်။ ပြင်းထန်လှသော ဝေဒနာကြောင့် ၎င်း၏ ခြေလက်များမှာ အားအင်ကုန်ခမ်းကာ မြေပြင်ပေါ်သို့ ပြိုလဲကျလုနီးပါး ဖြစ်သွားခဲ့ရသည်။</p> <p>ဤမြင်ကွင်းကို ဗီဒီယိုဖန်သားပြင်မှ ကြည့်ရှုနေကြသော ကျောက်လင်း အပါအဝင် လူတိုင်းမှာ ရင်တထိတ်ထိတ် ဖြစ်သွားကြရသည်။</p> <p>"ဟွန့် ငါ့နောက်ကို ရက်ပေါင်းများစွာ လိုက်နေတာ... ခံရတာ တန်တာပေါ့။ လုချွမ်းနဲ့ ချီချီလေးတို့ ဒီသားရဲကြီးကို ကောင်းကောင်း သင်ခန်းစာ ပေးစမ်းပါ"</p> <p>ကျောက်လင်းက စိတ်ထဲမှ ကြိတ်၍ ဝမ်းသာအားရ ရေရွတ်လိုက်မိသည်။</p> <p>သို့ရာတွင် ယွမ်ရိနှင့် အခြားသူများမှာမူ တစ်ဦးပြီးတစ်ဦး မျက်မှောင်ကြုတ်နေကြတော့သည်။ ဇွန်ဘီဘုရင်၏ စွမ်းဆောင်ရည်မှာ အခြေစိုက်စခန်းများ ခန့်မှန်းထားသည်ထက် များစွာ သာလွန်နေသည်မှာ ထင်ရှားလှသည်။ ဤနှုန်းအတိုင်းဆိုလျှင်  မိုးကြိုးဟိန်းသံမှာ မကြာမီမှာပင် ကျဆုံးသွားပေတော့မည်။</p> <p> </p> <p> </p> <p style="text-align: center;">***</p>


Save