Book List

<h2 style="text-align: center;">အခန်း။ ၄၁၃</h2> <h2 style="text-align: center;">*</h2> <h2 style="text-align: center;"> </h2> <p> </p> <p>အနှစ်သာရ သွေးစက်သည် သွေးရောင်လွှမ်းသော ပုလဲလုံးလေးတစ်စက်အလား လေထုထဲတွင် လွင့်မျောနေပြီး ဖြည်းညှင်းစွာ လည်ပတ်လျက် စူးရှတောက်ပသော သွေးရောင်အလင်းတန်းများကို ထုတ်လွှတ်နေသည်။</p> <p>ကျိရုရွှယ်သည် စိတ်ထဲမှနေ၍ မန္တန်များကို တိုးတိုးလေးရွတ်ဆိုလိုက်ရာ သူမ၏ ခန္ဓာကိုယ်အတွင်းရှိ ဝိညာဉ်တိမ်တိုက်များမှာ ရူးသွပ်စွာ ပေါက်ကွဲထွက်ပေါ်လာပြီး အဆင့် ၅ ရှိသော အရှိန်အဝါများက အရပ်မျက်နှာအနှံ့သို့ ရိုက်ခတ်သွားတော့သည်။</p> <p>နောက်တစ်ခဏတွင် သူမ၏ရှေ့၌ လွင့်မျောနေသော အနှစ်သာရ သွေးစက်က ရုတ်တရက် တောက်ပသော အလင်းတန်းများနှင့်အတူ ပေါက်ကွဲထွက်သွားပြီး သွေးမျှင်တန်းများစွာဖြင့် ဖွဲ့စည်းထားသည့် ဆန်းကြယ်နက်ရှိုင်းသော သွေးရောင်သင်္ကေတတစ်ခုအဖြစ် လေထုထဲတွင် လျှင်မြန်စွာ ပြောင်းလဲသွားခဲ့သည်။ ထိုသင်္ကေတမှာ ဖြည်းညှင်းစွာ လည်ပတ်နေပြီး ထူးဆန်းအံ့သြဖွယ်ကောင်းသော သွေးရောင်အလင်းများကို ထုတ်လွှတ်နေသည်။</p> <p>အာဖန်း၏ ဖိနှိပ်ခြင်းကို ခံထားရသော  မိုးကြိုးဟိန်းသံသည် ၎င်း၏ ဝိညာဉ်အတွင်းပိုင်းမှနေ၍ သေရေးရှင်ရေး တမျှ အရေးကြီးသော ဘေးအန္တရာယ်တစ်ခုကို ရုတ်တရက် အာရုံခံမိသွားခဲ့ပြီး ၎င်း၏ ရုန်းကန်မှုမှာလည်း ချက်ချင်းပင် ပိုမိုပြင်းထန်လာခဲ့သည်။</p> <p>၎င်း၏ အသက်အန္တရာယ်မှာ ဆံခြည်မျှင်တစ်မျှင်အလိုသို့ ရောက်ရှိနေပြီဖြစ်ရာ မိုးကြိုးဟိန်းသံသည် ရှိသမျှ အားအင်အားလုံးကို စုစည်းကာ မြေပြင်မှ ပြန်လည်ထရပ်နိုင်ရန် ရူးသွပ်စွာ ကြိုးပမ်းတော့သည်။ ခေတ္တခဏအတွင်းမှာပင် ၎င်းနှင့် အရွယ်အစားတူညီလှသော အာဖန်းကိုပင် အပေါ်သို့ ကြွတက်သွားစေလောက်သည့် အရှိန်အဟုန်မျိုး ဖြစ်ပေါ်လာခဲ့သည်။</p> <p>ကျိရုရွှယ်သည် သူမ၏ မျက်လုံးများကို မှေးလိုက်ပြီး အချိန်ထိန်းချုပ်ခြင်းစွမ်းရည်ကို အသုံးပြု၍  မိုးကြိုးဟိန်းသံကို ခေတ္တခဏမျှ တောင့်တင်းသွားစေရန် ပြုလုပ်လိုက်သည်။ ထို့နောက် သူမ၏ စိတ်အာရုံအတွင်းမှ ပြင်းထန်လှသော စိတ်စွမ်းအားများမှာ တဟုန်ထိုး ထွက်ပေါ်လာခဲ့ပြီး ခိုင်မာလှသော ကြိုးမျှင်များအလား  မိုးကြိုးဟိန်းသံ၏ တစ်ကိုယ်လုံးကို အဆက်မပြတ် ရစ်ပတ်နှောင်ဖွဲ့လိုက်တော့သည်။</p> <p>စိတ်စွမ်းအားဖြင့် ရစ်ပတ်ခံလိုက်ရသောအခါ  မိုးကြိုးဟိန်းသံ၏ ခန္ဓာကိုယ်မှာ ချက်ချင်းပင် တောင့်တင်းသွားခဲ့သည်။ မျက်စိဖြင့် မမြင်နိုင်သော ထိုစိတ်စွမ်းအား ကြိုးမျှင်များက ၎င်းအား အားကောင်းစွာ ချုပ်နှောင်ထားသဖြင့် လှုပ်ရှားမှုများကို ဟန့်တားလိုက်ရာ ၎င်းမှာ ရူးသွပ်စွာ ပြန်လည်ရုန်းကန်တော့သည်။</p> <p>မကြာမီမှာပင်  မိုးကြိုးဟိန်းသံ၏ ခန္ဓာကိုယ်နှင့် ခြေလက်များကို ရစ်ပတ်ထားသော စိတ်စွမ်းအား ကြိုးမျှင်များသည် ၎င်း၏ ပြင်းထန်လှသော ရုန်းကန်မှုအောက်တွင် အစွန်းကုန် တင်းကျပ်လာပြီး တောင့်မခံနိုင်တော့ဘဲ တစ်ခုပြီးတစ်ခု ပြတ်တောက်လာခဲ့သည်။</p> <p>ဤအခြေအနေကို မြင်လိုက်ရသောအခါ လုချွမ်း၏ ထိန်းချုပ်မှုအောက်ရှိ အနီးအနားမှ ဧရာမဇွန်ဘီ ၁  အပါအဝင် အဆင့် ၄ ဇွန်ဘီရုပ်သေးများသည်  မိုးကြိုးဟိန်းသံ၏ ခြေလက်များကို ဝိုင်းဝန်းချုပ်နှောင်ရန်အတွက် ချက်ချင်းပင် ပြေးဝင်လာကြတော့သည်။</p> <p>ဧရာမဇွန်ဘီ ၁  အပါအဝင် ဇွန်ဘီရုပ်သေးများသည်  မိုးကြိုးဟိန်းသံ၏ သန်မာလှသော ခြေလက်များကို အမိအရ ဖမ်းဆုပ်လိုက်ကြသည်။ ဝက်ဝံနှင့်တူသော ၎င်း၏ ခြေထောက်တစ်ဖက်စီတွင် အဆင့် ၄ ဇွန်ဘီရုပ်သေး အများအပြားက တွယ်ကပ်၍ ချုပ်နှောင်ထားကြသည်။</p> <p> မိုးကြိုးဟိန်းသံသည် မည်မျှပင် ကြမ်းတမ်းစွာ ရုန်းကန်နေပါစေ ယခုကဲ့သို့ အပြင်းအထန် ဖိနှိပ်ချုပ်နှောင်ခံထားရမှုမှ လွတ်မြောက်ရန် ခက်ခဲလှသည်။ ၎င်း၏ တစ်ကိုယ်လုံးမှာ မြေပြင်နှင့် ကပ်နေအောင် ဖိထားခြင်း ခံရသဖြင့် လှုပ်ရှား၍မရတော့ဘဲ အာခံတွင်းမှသာ ဒေါသတကြီး ဟိန်းဟောက်နေတော့သည်။</p> <p> မိုးကြိုးဟိန်းသံကို လုံးဝနှိမ်နင်းနိုင်ပြီဖြစ်ကြောင်း မြင်လိုက်ရသောအခါ ကျိရုရွှယ်သည် အခွင့်ကောင်း ရောက်ပြီဖြစ်ကြောင်း သိရှိလိုက်သည်။ သူမ၏ မျက်နှာမှာ တည်ကြည်လေးနက်သွားပြီး စိတ်အာရုံကို ညှို့ယူလိုက်သည်။</p> <p>ချက်ချင်းပင် သူမ၏ရှေ့၌ လွင့်မျောနေသော ဆန်းကြယ်သည့် သွေးရောင်အဆောင်မှာ တုန်ခါသွားပြီး မှိန်ဖျော့သော သွေးရောင်အလင်းတန်းများကို ထုတ်လွှတ်လိုက်သည်။ ထို့နောက် လေတိုက်ခတ်ရာသို့ ပါသွားသည့်အလား  မိုးကြိုးဟိန်းသံ၏ နဖူးပြင်ထံသို့ ဖြည်းညှင်းစွာ လွင့်ပါသွားတော့သည်။</p> <p>"ဝူးးးးဂီးးးးး"</p> <p>ဇွန်ဘီရုပ်သေးအုပ်စု၏ ဖိနှိပ်မှုကြောင့် ဦးခေါင်းကိုပင် မဖော်နိုင်ရှာသော  မိုးကြိုးဟိန်းသံသည် အနီးသို့ ချဉ်းကပ်လာနေသည့် သွေးရောင်အဆောင်ကို မြင်လိုက်ရသောအခါ ၎င်း၏မျက်လုံးများတွင် ကြောက်ရွံ့တုန်လှုပ်ရိပ်များ ပေါ်ထွက်လာပြီး ထိတ်လန့်တကြား အကြိမ်ကြိမ် ဟိန်းဟောက်လိုက်သည်။</p> <p>တစ်ချိန်တည်းမှာပင် အပြင်းအထန် ဒဏ်ရာရရှိထားသော  မိုးကြိုးဟိန်းသံသည် ထိုသွေးရောင်အဆောင် သူ့အနားသို့ မကပ်နိုင်စေရန် အသည်းအသန် ရုန်းကန်လျက် နောက်သို့ ဆုတ်ခွာရန် ကြိုးပမ်းတော့သည်။</p> <p>ဤမြင်ကွင်းကို ကြည့်ရင်း လုချွမ်းသည် မျက်လုံးများကို မှေးလိုက်မိသည်။ ဤသည်မှာ အဆုံးအဖြတ်ပေးမည့် အရေးကြီးသော အခိုက်အတန့်ဖြစ်ကြောင်း သူ ကောင်းစွာသိရှိထားသည်။ ထို့ကြောင့် အမှားအယွင်း တစ်စုံတစ်ရာ မရှိစေရန်အတွက် ဇွန်ဘီရုပ်သေးများအား  မိုးကြိုးဟိန်းသံကို အစွမ်းကုန် ဖိနှိပ်ထားရန် ချက်ချင်း အမိန့်ပေးလိုက်ရာ ကတိသစ္စာ ပြီးမြောက်သည်အထိ ၎င်းကို လုံးဝမလှုပ်ရှားနိုင်အောင် ပြုလုပ်ထားလိုက်သည်။</p> <p>ကံကောင်းထောက်မစွာဖြင့်  မိုးကြိုးဟိန်းသံသည် သန်မာလှသည်ဟု ဆိုသော်ငြားလည်း အဆင့် ၅ မျှသာ ရှိသေးပြီး လက်ရှိတွင် ဒဏ်ရာပြင်းထန်နေသဖြင့် အာဖန်းနှင့် အခြားဇွန်ဘီရုပ်သေးများ၏ ချုပ်နှောင်မှုမှ လွတ်မြောက်ရန်မှာ လုံးဝမဖြစ်နိုင်တော့ပေ။</p> <p>တစ်မိနစ်ခန့် အသည်းအသန် ရုန်းကန်ပြီးနောက်တွင်မူ  မိုးကြိုးဟိန်းသံမှာ အင်အားကုန်ခမ်းသွားပုံရပြီး ထပ်မံရုန်းကန်ခြင်း မပြုတော့ဘဲ ငြိမ်သက်သွားခဲ့သည်။</p> <p>ဖြည်းညှင်းစွာ လွင့်မျောနေသော နီရဲသည့် သင်္ကေတမှာလည်း  မိုးကြိုးဟိန်းသံ၏ နဖူးပြင်သို့ နီးကပ်လာပြီ ဖြစ်သည်။</p> <p>အဝေးရှိ ယာဉ်တန်းအတွင်းမှ ကျောက်လင်းနှင့် ဆင့်ကဲပြောင်းလဲသူများအားလုံးမှာ ဤမြင်ကွင်းကို ကြည့်ရင်း ဇဝေဇဝါဖြစ်နေသော အမူအရာများ ကိုယ်စီ ရှိနေကြတော့သည်။</p> <p>ဒီဇွန်ဘီဘုရင်က ကမ္ဘာပျက်ကပ်ကြီးမှာ ဘာတွေများ လုပ်ကြံဖန်တီးချင်နေတာလဲ။</p> <p>"အသင်းခေါင်းဆောင်... ဒီဇွန်ဘီဘုရင်က  မိုးကြိုးဟိန်းသံကို ဘာလို့ အမြန်အပြတ်မရှင်းတာလဲ။ ဘာတွေကို အချိန်ဆွဲနေတာလဲဗျ။</p> <p>ဒီသင်္ကေတက... ဇွန်ဘီဘုရင်ရဲ့ စွမ်းရည်လား။ ဘယ်လိုလုပ်ပြီး ရုတ်တရက်ကြီး သွေးရောင်</p> <p>သင်္ကေတတစ်ခု ပေါ်လာရတာလဲ။ မိုးကြိုးဟိန်းသံကို သူ ဘာတွေလုပ်ဖို့ ကြံစည်နေတာလဲ မသိဘူး"</p> <p>ထိုအခိုက်တွင် ကျန်းဟိုင်အဖွဲ့မှ ဆင့်ကဲပြောင်းလဲသူတစ်ဦးသည် ကျိရုရွှယ်၏ လုပ်ရပ်များကိုကြည့်ကာ အလွန်ဇဝေဇဝါဖြစ်နေပြီး သူ၏အသင်းခေါင်းဆောင်ထံသို့ အလောတကြီး မေးမြန်းလိုက်သည်။</p> <p>ဖြစ်ပျက်သမျှက အလွန်ထူးဆန်းလွန်းလှသည်။ လွန်ခဲ့သော မိနစ်ပိုင်းကပင်  မိုးကြိုးဟိန်းသံနှင့် ဇွန်ဘီဘုရင်တို့မှာ အသေအလဲ တိုက်ခိုက်နေကြသော်လည်း ယခုမူ ထူးဆန်းစွာပင် ရပ်တန့်သွားခဲ့ကြသည်။</p> <p>ထို့အပြင် ဇွန်ဘီဘုရင်သည် ဆင့်ကဲပြောင်းလဲထားသော ဇွန်ဘီအုပ်စုကို အသုံးချကာ  မိုးကြိုးဟိန်းသံကို ဖိနှိပ်ထားပြီး သွေးရောင်အဆောင်တစ်ခုကို ဖန်တီးခဲ့သည်။ ၎င်းသည်  မိုးကြိုးဟိန်းသံအပေါ် မကောင်းသော ရည်ရွယ်ချက်တစ်ခုခုဖြင့် တစ်စုံတစ်ရာ ပြုလုပ်ရန် ကြံစည်နေသည်မှာ သိသာထင်ရှားလှသည်။</p> <p>"ဒီဇွန်ဘီဘုရင် ဘာတွေ ကြံစည်နေသလဲဆိုတာကို ကျွန်တော်တို့ တိတိကျကျ မသိရသေးပေမဲ့ လက်ရှိ အရှိတရားကတော့  မိုးကြိုးဟိန်းသံက ရှုံးနိမ့်သွားပြီဆိုတာပါပဲ။ အခုဆိုရင် သူက စဉ်းတီတုံးပေါ်က ငါးတစ်ကောင်လို ဖြစ်နေပြီး သူ့အသက်က ဇွန်ဘီဘုရင်ရဲ့ လက်ထဲမှာ ရောက်နေပြီ။</p> <p>နောက်ထပ် ဇွန်ဘီဘုရင်က သတ်ဖို့ ဆုံးဖြတ်လိုက်တာနဲ့  မိုးကြိုးဟိန်းသံက မလွဲမသွေ သေဆုံးရတော့မယ်။ ကျွန်တော်တို့ရဲ့ တာဝန်ကတော့..."</p> <p>ယွမ်ရိက လေးနက်သောလေသံဖြင့် ပြောကြားလိုက်သည်။</p> <p>ယွမ်ရိက စကားကို အဆုံးမသတ်သော်လည်း အနားရှိသူအားလုံး၏ မျက်နှာများမှာ မှိုင်းညှို့သွားကြသည်။</p> <p>လက်ရှိအခြေအနေကို ကြည့်ခြင်းအားဖြင့် အသိတရားရှိသူတိုင်း သူတို့၏တာဝန်မှာ ကျရှုံးတော့မည်ကို ခန့်မှန်းမိကြသည်။ သူတို့သည် မူလက  မိုးကြိုးဟိန်းသံနှင့် ဇွန်ဘီဘုရင်တို့ အပြန်အလှန် အင်အားချည့်နဲ့သွားကြလိမ့်မည်ဟု မျှော်လင့်ခဲ့ကြသော်လည်း လက်တွေ့မြေပြင်ကမူ သူတို့အား အကြီးအကျယ် တုန်လှုပ်သွားစေခဲ့သည်။</p> <p> မိုးကြိုးဟိန်းသံမှာ ဇွန်ဘီဘုရင်၏ လက်ချက်ဖြင့် အလွယ်တကူပင် အရေးနိမ့်ခဲ့ရပြီး ၎င်း၏အသက်မှာလည်း ဆံခြည်မျှင်တစ်မျှင်အလိုတွင် ရှိနေပေတော့သည်။</p> <p>"ကျွန်တော်တို့ရဲ့ တာဝန်က ကျရှုံးသွားပြီလို့ ဆိုနိုင်ပေမဲ့ ဖြေရှင်းရမယ့် ပြဿနာကိုတော့ တစ်နည်းတစ်ဖုံနဲ့ ဖြေရှင်းပြီးသား ဖြစ်သွားပါပြီ။ ဒီရက်စက်ကြမ်းကြုတ်တဲ့  မိုးကြိုးဟိန်းသံသေဆုံးဖို့ကတော့ အသေအချာနီးပါးပါပဲ"</p> <p>ကျန်းဟုန်ကန်းသည် ဖန်သားပြင်ပေါ်တွင် အနှိမ်နင်းခံထားရသော  မိုးကြိုးဟိန်းသံကို ကြည့်</p> <p>ရင်း ရုတ်တရက် စကားပြောလိုက်သည်။ ထို့နောက် သူက ဘေးဘီသို့ ဝေ့ကြည့်ကာ သတိပေးစကား ဆက်ပြောသည်။</p> <p>"ဒါပေမဲ့ ဇွန်ဘီဘုရင်က  မိုးကြိုးဟိန်းသံကို ချက်ချင်း အပြတ်မရှင်းသေးတာက အကြံအစည်တစ်ခုခု ရှိနေတာ ဖြစ်ဖို့ များတယ်။</p> <p>ဇွန်ဘီဘုရင်ဆိုတာ ကျွန်တော်တို့ လူသားတွေနဲ့ ရန်ဘက်ဖြစ်ပြီး နက်ရှိုင်းတဲ့ အမုန်းတရားတွေ ရှိကြတာပါ။ သူ ဘာပဲကြံစည်နေပါစေ ကျွန်တော်တို့ဘက်က ဇွန်ဘီဘုရင်ရဲ့ လုပ်ရပ်တွေကို ကြားဖြတ်နှောင့်ယှက်ပြီး တားဆီးရမှာပဲ"</p> <p>"မဖြစ်နိုင်တာ  မိုးကြိုးဟိန်းသံတောင် သူ့ကို မယှဉ်နိုင်တာ။ ကျွန်တော်တို့က ဘယ်လိုလုပ်ပြီး ရင်ဆိုင်နိုင်မှာလဲ။ အခုအချိန်မှာ ကျွန်တော်တို့နဲ့ ဇွန်ဘီဘုရင်ကြားက ကွာဟချက်က အရမ်းကြီးလွန်းနေပြီ။ ဟိုကိုသွားတာဟာ အလဟဿ အသက်ပေးတာနဲ့ တူတူပဲ"</p> <p>ထိုစကားကို ကြားသောအခါ ကျောက်လင်းသည် ထိတ်လန့်သွားပြီး သူတို့အား တားဆီးရန် ချက်ချင်းပင် ခေါင်းယမ်းလိုက်သည်။ သူမသည် ကျိရုရွှယ်၏ ရည်ရွယ်ချက်ကို ရိပ်မိနေသဖြင့် ဤလူများကို ချီချီလေးအား နှောင့်ယှက်ခွင့် ပြုမည်မဟုတ်ပေ။</p> <p>ကျောက်လင်း၏ စကားကို ကြားလိုက်ရသောအခါ စိတ်အားထက်သန်နေကြသော စစ်သည်တော် အများအပြားမှာ ရေအေးဖြင့် အလောင်းခံလိုက်ရသလို ဖြစ်သွားပြီး ချက်ချင်းပင် ငြိမ်သက်သွားကြသည်။</p> <p>မိုးကြိုးဟိန်းသံကိုတောင် အနိုင်ယူနိုင်ခဲ့တဲ့ ဇွန်ဘီကို ငါတို့က ဘယ်လိုလုပ်နိုင်မှာလဲ။</p> <p>အခြားတစ်ဖက်ရှိ အနီးနားမှ တောင်ကုန်းမြင့်တစ်ခုပေါ်တွင် အခြေအနေကို အသေးစိတ် စောင့်ကြည့်နေသော ဟွမ်ရွှမ်းမှာမူ ကျိရုရွှယ်၏ လှုပ်ရှားမှုများမှာ  မိုးကြိုးဟိန်းသံကို ယဉ်ပါးအောင် ပြုလုပ်နေခြင်းဖြစ်ကြောင်း နားလည်သွားပြီး ဆက်လက်၍ သည်းမခံနိုင်တော့ပေ။ မကြာမီမှာပင် ဟွမ်ရွှမ်းသည် ယာဉ်တန်းရှိရာသို့ အပြေးအလွှား ရောက်ရှိလာခဲ့သည်။</p> <p>"ဟိုမှာ ဘယ်သူလဲ"</p> <p>အနက်ရောင် ဝတ်ရုံကို ဆင်မြန်းကာ မျက်နှာဖုံး စွပ်ထားသော ဟွမ်ရွှမ်းကို မြင်လိုက်ရသောအခါ ယာဉ်တန်း၏ အစွန်အဖျားတွင် ရှိနေသော ဆင့်ကဲပြောင်းလဲသူတစ်ဦးက ထိတ်လန့်တကြား အော်ဟစ်လိုက်သည်။ အခြားသူများလည်း ချက်ချင်းပင် တုံ့ပြန်ကြပြီး ကားပေါ်မှ ဆင်းကာ သူ့ထံသို့ အပြေးအလွှား သွားရောက်ကြသည်။</p> <p>"မင်းက ဘယ်သူလဲ"</p> <p>ယွမ်ရိက မျက်မှောင်ကြုတ်လျက် မေးလိုက်သည်။</p> <p>"ငါ ဘယ်သူလဲဆိုတာ အရေးမကြီးပါဘူး။ အခု ဇွန်ဘီဘုရင်က  မိုးကြိုးဟိန်းသံကို သူ့လက်အောက်ခံဖြစ်အောင် လုပ်နေတာ မင်းတို့ မမြင်ဘူးလား။ အကယ်၍ သူသာ  မိုးကြိုးဟိန်းသံကို ထိန်းချုပ်နိုင်သွားမယ်ဆိုရင် ကျင်းပြည်နယ်က လူသားတွေ ရင်ဆိုင်ရမယ့် အန္တရာယ်က အဆမတန် မြင့်တက်လာလိမ့်မယ်"</p> <p>ဟွမ်ရွှမ်းသည် သူ၏အသံကို အက်ရှရှဖြစ်အောင် ပြောင်းလဲကာ ကျောက်လင်းနှင့် အခြားသူများကို အေးစက်စွာ ပြောကြားလိုက်လေတော့သည်။</p> <p> </p> <p> </p> <p style="text-align: center;">***</p>


Save