Book List

<h2 style="text-align: center;">အပိုင်း(၄၄၄)</h2> <h2 style="text-align: center;">ကျောက်ခိုင်နှင့် ဦးလေးမာတို့၏ ရလဒ်များ</h2> <h2 style="text-align: center;">*</h2> <p> </p> <p> </p> <p>လမ်းတစ်လျှောက် လျှောက်လာပြီးနောက် ခေါင်းဆောင်စံအိမ်သို့ ရောက်ရှိလာခဲ့သည်။</p> <p>ဤခေါင်းဆောင်စံအိမ်ဆိုသည်မှာ သုံးထပ်ရှိသော သစ်သားအိမ်ကြီး တစ်လုံး ဖြစ်သည်။</p> <p>ပထမထပ်က အလွန် ကျယ်ဝန်းပြီး အိမ်အပြင်အဆင်ကို ရိုးရှင်းမှုအပေါ် အဓိကထားကာ ပတ်ပတ်လည်နှင့် အဓိက လျှောက်လမ်းပေါ်တွင် သန္ဓေပြောင်း နေကြာပန်းများကို စိုက်ပျိုးထားသည်။</p> <p>ထိုသန္ဓေပြောင်း နေကြာပန်းများက အခန်းတစ်ခန်းလုံးကို နွေဦးရာသီကဲ့သို့ နွေးထွေးသွားစေပြီး နေရောင်ခြည်များကဲ့သို့ တောက်ပနေစေသည်။</p> <p>အပြင်ဘက်ရှိ သည်းထန်စွာ ရွာသွန်းနေသော မိုးနှင့် ယှဉ်လိုက်ပါက ဤနေရာက ကမ္ဘာနှစ်ခုလိုပင် ကွာခြားနေသည်။</p> <p>ယခုအချိန်တွင် ပထမထပ်ကို အစည်းအဝေးခန်းမအဖြစ် ပြင်ဆင်ထားပြီး ခုံတန်းများကို သေသပ်စွာ စီစဉ်ထားကာ လူအများအပြားက ကြိုတင် အကြောင်းကြားစာ ရရှိထားသဖြင့် ရောက်ရှိနေကြပြီ ဖြစ်သည်။</p> <p>လူတိုင်းက အချင်းချင်း နှုတ်ဆက်ကြပြီး လင်းယွမ်က ဤအစည်းအဝေးတွင် မည်သည့်အကြောင်းအရာများကို ဆွေးနွေးမည်ကို ခန့်မှန်းပြောဆိုနေကြသည်။</p> <p>ကျောက်ခိုင်၊ လျှိုဖိန်ဖိန်၊ ဦးလေးမာ၊ ချိုင်ကြည်တို့က တစ်စုတစ်ဝေးတည်း ရှိနေကြသည်။ အရင်က ချိုင်ကြည်က အဓိက အဖွဲ့ဝင် တစ်ဦးဟု ဆိုနိုင်သော်လည်း အချိန်တွေ ကုန်လွန်လာသည်နှင့်အမျှ ယခုအခါတွင် အဓိက အဖွဲ့ဝင်မှာ ကျောက်ခိုင် ဖြစ်လာခဲ့သည်။</p> <p>လီယွဲ့ကျင်းဘက်တွင်မူ ချန်ကျန့်ဖုန်း၊ ယွဲ့ယာဝေ အစရှိသော သိုင်းဘုရင်ဂေဟာမှ မိတ်ဆွေဟောင်းများ စုဝေးနေကြသည်။</p> <p>ထူလုံဘက်တွင်လည်း နောက်လိုက် အတော်များများ ရှိနေပြီး ကျိဖုန်း၊ ဝမ်ရှောင်၊ ဟန်ပန်းတို့ အပြင် အသစ်ရောက်လာသော ဝမ်ရှောင်ယာနှင့် လူငယ်အဖွဲ့မှ ကျုံးဆန်း၊ ချန်ယန်း၊ နိချီတို့ အားလုံးက သူ့ကို ဗဟိုပြုကာ စကားပြောနေကြသည်။</p> <p>မိန်တောင်ဘက်တွင်မူ လူအများအပြားက လီရှန်ယန်တို့နှင့် စုဝေးကာ တက်ကြွစွာ စကားပြောနေကြသည်။</p> <p>ဟန်ရှန်းမန်၏ ဘေးတွင်လည်း လော်ဟုန်မြန်၊ မုန့်ယိုယိုတို့က အတူရှိနေကြသည်။</p> <p>ထိုက်ယန်တောင်က အဆက်မပြတ် ဖွံ့ဖြိုးတိုးတက်လာသည်နှင့်အမျှ လူဦးရေကလည်း ပိုမို များပြားလာပြီး မူလက မိသားစုကြီး တစ်ခုအဖြစ် ပေါင်းစည်းထားသော လူများကလည်း သဘာဝကျစွာပင် မိမိတို့၏ ကိုယ်ပိုင်အုပ်စုများကို ပြန်လည် ရှာဖွေတွေ့ရှိသွားကြသည်။</p> <p>သေချာပေါက်ပင်... ဤသည်မှာ အုပ်စုဖွဲ့ရန် မဟုတ်ဘဲ လူသားတို့၏ ပင်ကိုယ်သဘာဝကြောင့်သာ ဖြစ်သည်။</p> <p>မည်သည့်နေရာတွင်မဆို အုပ်စုငယ်များက အမြဲတမ်း ရှိနေတတ်စမြဲပင်။</p> <p>လင်းယွမ်က ဤအချက်ကို နားလည်ထားသဖြင့် တားဆီးရန် မကြိုးစားခဲ့ပေ။</p> <p>အဘယ်ကြောင့်ဆိုသော် ဤသည်ကို တားဆီး၍ မရနိုင်သောကြောင့် ဖြစ်သည်။ လက်အောက်ငယ်သားများကို မိတ်ဆွေ ဖွဲ့ခွင့်ပင် မပေးဘဲ နေ၍ မရနိုင်ပေ။</p> <p>ထိုက်ယန်တောင်ရှိ လူဦးရေက ပိုမို များပြားလာပြီး လူတစ်ဦးချင်းစီ၏ ဆက်ဆံရေး ကွန်ရက်များကလည်း ပိုမို ရှုပ်ထွေးလာသည်။</p> <p>လင်းယွမ် လုပ်ဆောင်ရမည့် အရာမှာ အဓိက လမ်းကြောင်းကြီးကို ထိန်းချုပ်ရန်သာ ဖြစ်ပြီး အောက်ခြေရှိ ကိစ္စရပ်များအတွက် အသေးစိတ် လိုက်လံ မေးမြန်းနေရန် မဖြစ်နိုင်ပေ။</p> <p>သူက ဤအုပ်စုငယ်လေးများ၏ ခေါင်းဆောင်များက သူ၏အပေါ် သစ္စာရှိစေရန် သေချာစေရန်သာ လိုအပ်သည်။</p> <p>လင်းယွမ် ရောက်လာသည်နှင့် တစ်ပြိုင်နက် ထိုင်နေသူများက အလျင်အမြန် မတ်တတ်ရပ်ကာ ကိုယ်တိုင်ကိုယ်ကျ နှုတ်ဆက်ကြသည်။</p> <p>"ဆရာလင်းယွမ် ရောက်လာပြီပဲ"</p> <p>"မင်္ဂလာပါ ဆရာလင်းယွမ်"</p> <p>"ဆရာလင်းယွမ်... ထမင်းစားပြီးပြီလား"</p> <p>......</p> <p>လင်းယွမ်က ပြုံးပြရင်း တစ်ယောက်ချင်းစီကို ခေါင်းညိတ်ပြလိုက်ပြီး တစ်ခါတစ်ရံ စကားအနည်းငယ် ပြန်လည် ပြောဆိုလိုက်သဖြင့် တစ်ခန်းလုံး၏ လေထုက အလွန် သဟဇာတ ဖြစ်နေသည်။</p> <p>အဓိက ထိုင်ခုံနေရာသို့ ရောက်သောအခါ လင်းယွမ်က အောက်ဘက်ရှိ လူအုပ်ကြီးကို တစ်ချက် ကြည့်လိုက်ပြီး သက်ပြင်းချလိုက်မိသည်။</p> <p>တစ်ချိန်က သူက တင်းယန်၊ ကျောက်ခိုင်၊ ဦးလေးမာ အစရှိသော လူအနည်းငယ်ကိုသာ ဦးဆောင်ခဲ့သော်လည်း ယခုအခါ သူ၏ အဖွဲ့က ဤအခန်းထဲတွင် အပြည့်အလျှံ ထိုင်နိုင်သည်အထိ ကြီးထွားလာခဲ့ပြီ ဖြစ်သည်။</p> <p>ထို့အပြင် ဤအစည်းအဝေးသို့ ဌာနအသီးသီးမှ ကြီးကြပ်သူ အဆင့်အတန်းရှိသူများသာ လာရောက်ကြခြင်း ဖြစ်ပြီး သာမန် ကင်းလှည့်အဖွဲ့ ခေါင်းဆောင်များမှာမူ အစည်းအဝေးသို့ တက်ရောက်ခွင့် မရှိပေ။</p> <p>လူပေါင်း ဆယ်ဂဏန်းကျော် ရှိနေသော အစည်းအဝေးခန်းမက အနည်းငယ် ကျပ်ညပ်နေသယောင် ရှိသည်။</p> <p>လင်းယွမ်က ပြုံးကာ ပြောလိုက်သည် "ပြီးခဲ့တဲ့ အခေါက် အစည်းအဝေး ခေါ်တုန်းက ဖီးနစ်သင်္ဘော တရားဝင် ခရီးထွက်တဲ့ အချိန်ကပဲ... မျက်စိတစ်မှိတ်အတွင်း ဘယ်လောက်မှ မကြာသေးဘူး... ကျွန်တော်တို့ ထပ်ပြီး အစည်းအဝေး ခေါ်ရပြန်ပြီ"</p> <p>လူတိုင်းကလည်း ရယ်မောလိုက်ကြသည်။</p> <p>လင်းယွမ်က ပြုံးရင်း ဆက်ပြောလိုက်သည် "တကယ်တော့ ကျွန်တော်က အစည်းအဝေး လုပ်ရတာကို သိပ်မကြိုက်ဘူး... ရေကြီးမှုကြီး မဖြစ်ခင်က ကျွန်တော်လည်း ကုမ္ပဏီဝန်ထမ်းလေး တစ်ယောက်ပဲ... အထက်လူကြီးတွေ အပေါ်ကနေ ထိုင်ပြီး အဓိပ္ပာယ်မရှိတာတွေ အရှည်ကြီး ပြောနေတာကို အမုန်းဆုံးပဲ... အနှစ်သာရရှိတဲ့ စကား တစ်ခွန်းမှ မပါဘဲ အစအဆုံး အလကား စကားတွေချည်းပဲ"</p> <p>"ဒါကြောင့် နောက်ပိုင်း ကျွန်တော်တို့ အစည်းအဝေး လုပ်တဲ့အခါ စည်းမျဉ်းတစ်ခုပဲ ထားမယ်... ပြောစရာရှိတာကို တည့်ပြောမယ်... အားလုံးရဲ့ အချိန်ကို အလဟဿ မဖြုန်းတီးကြနဲ့"</p> <p>"ဟားဟားဟား"</p> <p>လူတိုင်းက ချက်ချင်းပင် ထပ်မံ ရယ်မောလိုက်ကြပြီး အချို့က လက်ခုပ်တီးကာ အားပေးကြသည်။</p> <p>လင်းယွမ်က လက်ကို မြှောက်ကာ အခြေအနေကို အနည်းငယ် ထိန်းချုပ်လိုက်ပြီး ပြုံးရင်း ပြောလိုက်သည်။ "အဲဒီတော့ စကားကို တိုတိုပဲ ပြောကြရအောင်... ထုံးစံအတိုင်းပဲ... ဈေးဝယ်စင်တာဘက်က အရင်ဆုံး လတ်တလော အခြေအနေတွေကို ပြောပြပါ"</p> <p>ရန်မေက ပြုံးရင်း ပြောလိုက်သည်။ "ဈေးဝယ်စင်တာဘက်မှာတော့ ကြီးကြီးမားမား အပြောင်းအလဲ မရှိပါဘူး... အဓိကကတော့ လတ်တလော ပစ္စည်း သုံးစွဲမှု အခြေအနေတွေနဲ့ တစ်ကိုယ်ရေ စက်ရုံတွေကနေ ထုတ်လုပ်တဲ့ ကုန်ချောတွေရဲ့ ကိုယ်စားလှယ် ရောင်းချမှု ဝင်ငွေ စာရင်းတွေပါပဲ"</p> <p>သူမက မကြာသေးမီ ရက်များအတွင်း မည်သည့်စက်ရုံများကို ဖွင့်လှစ်ခဲ့ကြောင်း ရှင်းပြခဲ့ပြီး လီချင်းဟွာ၏ စက္ကူစက်ရုံက အလားအလာ ကောင်းမွန်ကြောင်း အထူးပြု ပြောကြားခဲ့ကာ လူတိုင်းကို စက်ရုံများ တည်ထောင်ရန်နှင့် ထိုက်ယန်တောင်၏ စီးပွားရေးကို မြှင့်တင်ရန် တိုက်တွန်းသည့် မူဝါဒများကိုလည်း ပြောကြားခဲ့သည်။</p> <p>ယခုအခါ စက်ရုံများမှ ထုတ်လုပ်သော ကုန်ပစ္စည်းများ အားလုံးသည် ဈေးဝယ်စင်တာဘက်ရှိ စက်မှုနှင့် ကူးသန်းရောင်းဝယ်ရေး ဌာနသို့ သွားရောက်ကာ ခွင့်ပြုချက် ရယူရမည် ဖြစ်ပြီး ထုတ်လုပ်လိုက်သော ကုန်ပစ္စည်းများကို သတ်မှတ်ထားသော ကိုယ်စားလှယ် ရောင်းချသည့် နေရာများသို့ စုစည်း၍ ရောင်းချရမည် ဖြစ်သည်။</p> <p>ထိုက်ယန်တောင်ဘက်ရှိ ကိုယ်စားလှယ် ရောင်းချသည့် နေရာမှာ ဈေးဝယ်စင်တာ၏ ဈေးဝယ်စင်တာပင် ဖြစ်သည်။</p> <p>အခြားသော နေရာ အနည်းငယ်တွင်လည်း ဘဏ်ခွဲများကို ဖွင့်လှစ်ထားပြီး သီးသန့် တစ်ကိုယ်ရေ ကိုယ်စားလှယ် ရောင်းချသူများလည်း ရှိသည်။</p> <p>သေချာပေါက်ပင်... ဤကိုယ်စားလှယ် ရောင်းချသူများအနေဖြင့် အာမခံကြေးနှင့် အခြားသော အရာများကို ပေးဆောင်ရမည် ဖြစ်သည်။</p> <p>ဥပမာအားဖြင့် ကျွမ်းရှုယွမ်၏ အဖွဲ့ငယ်လေးတွင် ပိုင်ကျစ်လဲ့က သတ္တုတွင်းနယ်မြေနှင့် ဆိပ်ကမ်းတို့၌ ကိုယ်စားလှယ် ရောင်းချခွင့်ကို လျှောက်ထားခဲ့ပြီး ယခုအခါ ကောပိုင်ကျွမ်းက အာဟာရဖြည့်ရည်များကို သီးသန့် ရောင်းချခြင်း မဟုတ်တော့ဘဲ စူပါမားကတ်ငယ်လေး တစ်ခုကိုပင် ဖွင့်လှစ်ထားပြီ ဖြစ်သည်။</p> <p>သေချာပေါက်ပင်... ဤစူပါမားကတ်ငယ်လေးက ဈေးဝယ်စင်တာ၏ အခွန်အခ ဌာနသို့ အခွန်ပေးဆောင်ရမည် ဖြစ်သည်။</p> <p>ယခုအခါ ထိုက်ယန်တောင်၏ ကူးသန်းရောင်းဝယ်ရေး ဈေးဝယ်စင်တာ တစ်ခုလုံးက အုပ်ချုပ်ရေးယန္တရားများကိုပါ ပေါင်းစပ်ထားသော ကြီးမားသည့် အဖွဲ့အစည်း တစ်ခုအဖြစ် တိတ်တဆိတ် ပြောင်းလဲလာခဲ့ပြီ ဖြစ်သည်။</p> <p>ကံကောင်းထောက်မစွာဖြင့် ဤအဖွဲ့အစည်းများကို နေရောင်ခြည်ခန်းဘက်တွင် သီးခြား တည်ဆောက်ထားပြီး ဌာနတစ်ခုစီတွင် ကိုယ်ပိုင် ကြီးကြပ်သူများ ရှိကြသည်။</p> <p>ရန်မေက အတွင်းရေးမှူးချုပ်နှင့် ခပ်ဆင်ဆင် တူပြီး လင်းယွမ်ကို ဤအသေးအဖွဲ ကိစ္စရပ်များ ဖြေရှင်းရာတွင် ကူညီပေးနေသည်။</p> <p>လင်းယွမ်က ထိုက်ယန်တောင်၏ ယခု အပြောင်းအလဲများကို နားထောင်ရင်း ခေါင်းကို အသာအယာ ညိတ်လိုက်မိသည်။</p> <p>တစ်ချိန်တည်းမှာပင် ရန်မေ၏ ဖိအားကိုလည်း သူ ခံစားလိုက်ရသည်။</p> <p>ဤမျှများပြားလှသော ကိစ္စရပ်များကို သာမန်လူ တစ်ယောက်အနေဖြင့် လုပ်ဆောင်နိုင်မည် မဟုတ်ပေ။</p> <p>ရေကြီးမှုကြီး မဖြစ်ပွားမီက ရန်မေက သာမန် အိမ်ရှင်မ တစ်ဦးသာ ဖြစ်ပြီး စာရင်းကိုင် အလုပ်ကို အနည်းငယ် တတ်ကျွမ်းသူသာ ဖြစ်သည်။</p> <p>ယခု သူမကို ဤမျှ ကြီးမားလှသော ကိစ္စရပ်များကို တာဝန်ယူခိုင်းထားခြင်းက တကယ်ကို ခက်ခဲလှသည်။</p> <p>ကံကောင်းထောက်မစွာဖြင့် ရန်မေက သူမ၏ စွမ်းအင်များကို အစွမ်းများ လေ့ကျင့်ရာတွင် အသုံးမပြုခဲ့သော်လည်း စီမံခန့်ခွဲမှုပိုင်းတွင်မူ ပါရမီ အနည်းငယ် ရှိနေပေသည်။</p> <p>အနည်းဆုံးတော့ ယခုအချိန်အထိ ထိုက်ယန်တောင်ဘက်ရှိ အရာအားလုံးကို သူမက စနစ်တကျ စီမံခန့်ခွဲထားနိုင်ခဲ့သည်။</p> <p>ရန်မေက နာရီဝက်နီးပါးခန့် ပြောဆိုပြီးမှသာ လတ်တလော ထိုက်ယန်တောင်၏ အရေးကြီး ကိစ္စရပ်များကို အလုံးစုံ ပြောပြနိုင်ခဲ့သည်။</p> <p>ထို့နောက်တွင် အခြားသူများက ဆက်တိုက်ဆိုသလို အစီရင်ခံစာများ တင်ပြကြသည်။</p> <p>"မိန်တောင်ဘက်က စစ်စခန်းကို တည်ဆောက်လို့ ပြီးသွားပါပြီ... ယွင်ချွမ်ဘုရားကျောင်းကို ဗဟိုပြုပြီး တပ်ဖွဲ့ပုံစံ စီမံခန့်ခွဲရေး စခန်းတစ်ခုကို တည်ဆောက်ထားပါတယ်... အခုဆိုရင် လူဦးရေ တစ်ထောင်ကျော်သွားပါပြီ"</p> <p>"ပြီးတော့ ကျွန်တော်တို့က နောက်လမှာ လူပျိုလူလွတ်တွေအတွက် တွေ့ဆုံပွဲ တစ်ခုကို ကျင်းပပြီး သူတို့ရဲ့ အိမ်ထောင်ရေး ပြဿနာတွေကို ဖြေရှင်းပေးဖို့ စီစဉ်ထားပါတယ်"</p> <p>"သူတို့ကို ထိုက်ယန်တောင်မှာ မြန်မြန် အခြေချ နေထိုင်ခွင့်ပေးပြီး ထိုက်ယန်တောင်အပေါ်မှာ အိမ် ဆိုတဲ့ စိတ်ခံစားချက် သံယောဇဉ်တွေ ဖြစ်ပေါ်လာအောင် လုပ်ပေးချင်လို့ပါ"</p> <p>"ဒီလိုလုပ်လိုက်ရင် သူတို့ကို ထိုက်ယန်တောင်နဲ့ အပြည့်အဝ ပေါင်းစည်းသွားစေပြီး ကျွန်တော်တို့ ထိုက်ယန်တောင်ရဲ့ အစိတ်အပိုင်း တစ်ခု ဖြစ်လာစေနိုင်ပါတယ်"</p> <p>......</p> <p>ကျောက်ခိုင်က မိန်တောင်တွင် အဓိက လုပ်ဆောင်ရသော အရာမှာ မျက်နှာသစ်များကို စစ်ရေးလေ့ကျင့်မှုများ ပြုလုပ်ပေးရန် ဖြစ်သည်။</p> <p>လီချင်းဟွာတို့ အဖွဲ့ ထွက်လာပြီးနောက်တွင် ထိုက်ယန်တောင်ဟူသော အုပ်စုကြီးထဲသို့ တရားဝင် ပေါင်းစည်းသွားခဲ့ပြီ ဖြစ်သည်။</p> <p>လီချင်းဟွာဆိုလျှင် စက်ရုံတစ်ရုံကိုပင် စတင် ဖွင့်လှစ်နေပြီ ဖြစ်သည်။</p> <p>ထို့နောက် လင်းယွမ်က ယန်ကွမ်းမြို့သစ်နှင့် ခန်ကျားဥယျာဉ် အစရှိသော နေရာများမှ ပြန်လည် ခေါ်ဆောင်လာသည့် လူအုပ်ကြီးထဲတွင် အမျိုးသမီးများနှင့် ကလေးငယ်များ အများအပြား ပါဝင်သည်။</p> <p>ထိုလူများကိုလည်း စစ်စခန်းသို့ ပို့ဆောင်ကာ ကာလတို ပညာပေး သင်တန်းများ ပေးခဲ့သည်။</p> <p>ဤလုပ်ငန်းစဉ်အတွင်း ကျောက်ခိုင်က တစ်ချိန်က ရပ်ကွက်ရုံးမှ ဝါရင့်ဝန်ထမ်းဖြစ်သူ အဒေါ်ကြီးလီကို ဖိတ်ခေါ်ကာ ထိုအမျိုးသမီးများကို စိတ်ပိုင်းဆိုင်ရာ အကြံဉာဏ်များ ပေးရန် အကူအညီ တောင်းခဲ့ပြီး ထိုက်ယန်တောင်တွင် အိမ်ထောင်ဖက်ကို စောစီးစွာ ရွေးချယ်နိုင်ရန်နှင့် တည်ငြိမ်စွာ နေထိုင်နိုင်ရန် အကောင်းဆုံး လုပ်ဆောင်ပေးခဲ့သည်။</p> <p>အဒေါ်ကြီးလီက ရပ်ကွက်ရုံး၏ ဝါရင့်ဝန်ထမ်း တစ်ဦး ဖြစ်သဖြင့် ဤကဲ့သို့သော အလုပ်မျိုးကို လုပ်ဆောင်ရာတွင် အလွန် ကျွမ်းကျင်လှသည်။</p> <p>မကြာမီမှာပင် ဌာနအသီးသီးသို့ ဆက်သွယ်ကာ ဤကိစ္စကို အောင်မြင်အောင် ဆောင်ရွက်နိုင်ခဲ့သည်။</p> <p>လက်ရှိတွင် ဤကိစ္စကို နောက်လအစတွင် ပြုလုပ်ရန် သတ်မှတ်ထားသည်။</p> <p>လင်းယွမ်က နားထောင်ပြီးနောက် ရယ်မောလိုက်မိသည်။</p> <p>"ဒီအကြံအစည်က တော်တော်လေး ကောင်းတာပဲ... လူတွေရဲ့ စိတ်ဓာတ် တည်ငြိမ်မှ ထိုက်ယန်တောင်က လျင်လျင်မြန်မြန် ဖွံ့ဖြိုးတိုးတက်လာနိုင်မှာ"</p> <p>"ဒီတွေ့ဆုံပွဲကို ကျင်းပရင် နေရောင်ခြည်ဇုန်ဘက်မှာပဲ လုပ်လိုက်ကြ... အမမေ... အချိန်ကျရင် အမက ဌာနအသီးသီးနဲ့ တိုင်ပင်ပြီး နေရောင်ခြည်ဇုန်ကို နေရာ ဖယ်ထားပေးလိုက်"</p> <p>"ဒါပေမဲ့ စည်းမျဉ်းတစ်ခုတော့ ရှိတယ်... ကျောက်ခိုင်... အရာအားလုံးက ကိုယ်ပိုင် ဆန္ဒအပေါ်မှာပဲ အခြေခံရမယ်... ဘယ်သူ့ကိုမှ အတင်းအကျပ် ပါဝင်ခိုင်းလို့ မရဘူး... နားလည်လား"</p> <p>ကျောက်ခိုင်၏ မျက်နှာအမူအရာက လေးနက်သွားပြီးနောက် ပြန်ဖြေလိုက်သည် "ကျွန်တော် နားလည်ပါပြီ"</p> <p>လင်းယွမ် ဘာကို စိုးရိမ်နေသလဲ ဆိုသည်ကို သူ ကောင်းကောင်း နားလည်သည်။ ထိုအမျိုးသမီး အများစုမှာ သာမန်လူများသာ ဖြစ်ပြီး ခုခံနိုင်စွမ်း သိပ်မရှိကြပေ။</p> <p>လင်းယွမ်က ထိုအမျိုးသမီးများကို အတင်းအကျပ် ဖိအားပေးခံရသဖြင့် ဤတွေ့ဆုံပွဲသို့ လာရောက်ရမည်ကို စိုးရိမ်နေခြင်း ဖြစ်သည်။</p> <p>သို့သော် လက်တွေ့တွင်မူ ကျောက်ခိုင်က ဤအမျိုးသမီးများ၏ အခြေအနေကို ကောင်းကောင်း သိထားသည်။</p> <p>ယခုအခါ ဤအမျိုးသမီးများက သာမန်လူများသာ ဖြစ်ပြီး အမှတ်များ ရှာဖွေနိုင်စွမ်း သိပ်မရှိကြပေ။</p> <p>ဤသည်က ကမ္ဘာပျက်ကပ် မတိုင်မီ အချိန် မဟုတ်တော့ပေ။ အမျိုးသမီးများက ကောင်းကင်တစ်ဝက်ကို ထမ်းထားနိုင်သည့် ခေတ်က ကုန်ဆုံးသွားခဲ့ပြီ ဖြစ်သည်။</p> <p>ရေကြီးမှုခေတ်တွင် တစ်ကိုယ်ရေ စွမ်းအားများက အကန့်အသတ်မရှိ ကြီးမားလာခဲ့သည်။</p> <p>အမျိုးသမီးများက ဤဘက်တွင် မွေးရာပါ အားနည်းချက်များ ရှိနေပြီး ဤသည်မှာ တတ်နိုင်သည့် ကိစ္စ မဟုတ်ပေ။</p> <p>အထူးသဖြင့် ဤအမျိုးသမီးများက အခြေခံအားဖြင့် ကမ္ဘာပျက်ကပ် ဘေးအန္တရာယ်၏ ဖျက်ဆီးမှုကို အလူးအလဲ ခံစားခဲ့ရသူများ ဖြစ်သည်။</p> <p>ယခုအချိန်တွင် ယုံကြည်ရသော အမျိုးသား တစ်ဦး၏ ကာကွယ်စောင့်ရှောက်မှုကို ရှာဖွေတွေ့ရှိနိုင်ခြင်းက သူတို့အတွက် တကယ်ကို ဆန္ဒရှိလှသည်။</p> <p>အနည်းဆုံးတော့ ကျောက်ခိုင်က အဒေါ်ကြီးလီထံမှ ရရှိထားသော သတင်းအရ အမျိုးသမီး အများစုက ဤတွေ့ဆုံပွဲကို ပါဝင်ချင်နေကြသည်။</p> <p>ဤသည်ကပင် သူတို့၏ စိတ်ထဲရှိ အတွေးများကို ဖော်ပြရန် လုံလောက်နေပြီ ဖြစ်သည်။</p> <p>ယခုခေတ်တွင် အမျိုးသမီးများက အမျိုးသားများ၏ ကာကွယ်စောင့်ရှောက်မှု မရှိပါက ရှင်သန်ရန် တကယ်ကို ခက်ခဲလှသည်။</p> <p>သူတို့ကိုယ်တိုင်က စွမ်းအားကြီးမားသော အစွမ်းပိုင်ရှင်များ ဖြစ်နေမှသာလျှင် ချွင်းချက် ဖြစ်သည်။</p> <p>ထိုသို့ဆိုလျှင်တော့ သဘာဝကျကျပင် ဂရုစိုက်စရာ မလိုပေ။</p> <p>ထိုအချိန်တွင် အဒေါ်ကြီးလီက ရုတ်တရက် စကားစလိုက်သည် "ပြဿနာ တစ်ခုတော့ ရှိတယ်... အခု အဒေါ်တို့ ထိုက်ယန်တောင်ဘက်မှာ ယောကျ်ားနဲ့ မိန်းမ လူဦးရေ အချိုးအစားက သိပ်မညီမျှဘူး... ယောကျ်ားက များပြီး မိန်းမက နည်းနေတယ်"</p> <p>ကျောက်ခိုင်က ခဏတာ စဉ်းစားလိုက်ပြီးနောက် မေးလိုက်သည် "ဒါဆိုရင် ယောကျ်ားလေးတွေ ပါဝင်နိုင်မယ့် အချက်တွေကို ကန့်သတ်လိုက်ရင်ရော"</p> <p>အဒေါ်ကြီးလီက ပြောလိုက်သည် "ကောင်းမယ် ထင်တယ်... ဘာပဲဖြစ်ဖြစ် ပိုင်ဆိုင်မှု အနည်းအကျဉ်း ဒါမှမဟုတ် အမှတ်ရှာနိုင်စွမ်းလေးတော့ ရှိရမယ် မဟုတ်လား"</p> <p>"မဟုတ်ရင် ဒီသနားစရာ ကလေးမလေးတွေကို အဒေါ်က ဘယ်လိုလုပ်ပြီး ရှင်းပြရမလဲ"</p> <p>ကျောက်ခိုင်ကလည်း လင်းယွမ်ကို မေးခွန်းထုတ်လိုသော အကြည့်ဖြင့် ကြည့်လိုက်သည်။</p> <p>လင်းယွမ်က ခဏတာ စဉ်းစားလိုက်ပြီးနောက် ခေါင်းညိတ်ကာ ပြောလိုက်သည် "အဒေါ်ကြီးလီ စဉ်းစားတာကလည်း ယုတ္တိရှိပါတယ်... အမှတ်ရှာနိုင်စွမ်း မရှိတဲ့သူတွေက တွေ့ဆုံပွဲမှာ အောင်မြင်သွားရင်တောင် တစ်ဖက်လူကို ကျွေးမွေးဖို့ ခက်ခဲလိမ့်မယ်"</p> <p>"ဒီလိုလုပ်ကြရအောင်... အချိန်ကျရင် ယောကျ်ားလေးတွေရဲ့ တစ်ကိုယ်ရေ ပိုင်ဆိုင်မှုတွေနဲ့ ကန့်သတ်လိုက်... ဒါမှမဟုတ် အမှတ်ရှာနိုင်စွမ်း အတိုင်းအတာ တစ်ခု ရှိရမယ်လို့ သတ်မှတ်လိုက်"</p> <p>"နားလည်ပါပြီ အစ်ကိုလင်း"</p> <p>ကမ္ဘာပျက်ကပ်သို့ ရောက်နေသည့်တိုင်အောင် အရည်အချင်းမရှိသော အမျိုးသားများက မိန်းမ ရနိုင်ဦးမည် မဟုတ်ပေ။</p> <p>လင်းယွမ်က အရည်အချင်း မရှိသော အမျိုးသားများကို အထင်သေးနေခြင်း မဟုတ်ဘဲ ကမ္ဘာကြီးက ဤသို့ပင် လည်ပတ်နေခြင်း ဖြစ်သည်။</p> <p>ခွန်အားကြီးသူများက အမြဲတမ်း အိမ်ထောင်ဖက် ရွေးချယ်ခွင့် အခွင့်အရေးကို ဦးစားပေး ရရှိကြစမြဲပင်။</p> <p>ကမ္ဘာပျက်ကပ် မတိုင်မီကနှင့် ယှဉ်လိုက်ပါက အနည်းဆုံးတော့ ယခုအချိန်တွင် လူတိုင်းက တူညီသော စတင်ရာမျဉ်းပေါ်တွင် ရှိနေကြသည်။</p> <p>ကြိုးစားချင်စိတ် ရှိပြီး အသက်စွန့်ရဲပါက အခွင့်အရေး ရရှိနိုင်သေးသည်။</p> <p>လင်းယွမ်က အစွမ်းပိုင်ရှင်များကိုသာ တွေ့ဆုံပွဲသို့ တက်ရောက်ခွင့်ပြုရန် ကန့်သတ်မထားပေ။</p> <p>သာမန်လူများထဲတွင်လည်း အသက်စွန့်ကာ ကြိုးစားနေသူများ ရှိကြသည်။ ဥပမာအားဖြင့် ဟူဝေမင်တို့လိုလူမျိုး ဖြစ်သည်။ သူတို့ မိသားစုထဲတွင် မည်သူမှ အစွမ်းများ နိုးထလာခြင်း မရှိသော်လည်း အမှတ်များကို ရှာဖွေနိုင်ပြီး မိသားစု တစ်စုလုံးကို ကျွေးမွေးနိုင်ကြသည်။</p> <p>ဤသည်က လင်းယွမ်က အဘယ်ကြောင့် အစွမ်းများကို မကန့်သတ်ဘဲ ပိုင်ဆိုင်မှုများကို ကန့်သတ်ရသည့် အကြောင်းရင်းပင် ဖြစ်သည်။</p> <p>အရည်အချင်းရှိသော အမျိုးသား တစ်ဦးက အစွမ်းမရှိသည့်တိုင်အောင် ထိုက်ယန်တောင်ကဲ့သို့ လုံခြုံသော ပတ်ဝန်းကျင်တွင် ကြိုးစားအားထုတ်မှု ရှိပါက အမှတ်များ မရှာနိုင်စရာ အကြောင်း လုံးဝ မရှိပေ။</p> <p>အခွင့်အရေးက လူတိုင်းမှာ ရှိသော်လည်း မိမိကိုယ်တိုင်က မကြိုးစားပါက မည်သို့မျှ တတ်နိုင်မည် မဟုတ်ပေ။</p> <p>ကျောက်ခိုင်၏ အစီရင်ခံစာ အပြီးတွင် အခင်းဖြစ်ပွားရာ နေရာရှိ လူပျိုလူလွတ် အမျိုးသားများ၏ မျက်လုံးများက ချက်ချင်းပင် တောက်ပသွားကြသည်။</p> <p>သူတို့ထဲမှ အများစုက ရေကြီးမှုကြီးအတွင်း ဆွေမျိုးများကို ဆုံးရှုံးခဲ့ရပြီး အချိန်ကြာမြင့်စွာ တစ်ကိုယ်တည်း နေထိုင်လာခဲ့ရသဖြင့် သာမန်လူ တစ်ယောက်အနေဖြင့် သည်းခံနိုင်စွမ်း မရှိကြပေ။</p> <p>သို့သော် ထိုက်ယန်တောင်တွင် စည်းကမ်းများ ရှိပြီး အကြောင်းမဲ့ သောင်းကျန်းရန် မဖြစ်နိုင်ပေ။</p> <p>ယခုကဲ့သို့ အခွင့်အရေးမျိုး ရှိလာသောအခါ လူအတော်များများက ချက်ချင်းပင် စိတ်လှုပ်ရှားသွားကြသည်။</p> <p>လင်းယွမ် ပြီးခဲ့သည့်အကြိမ်က ခေါ်ဆောင်လာခဲ့သော အမျိုးသမီးများမှာ လိုင်ကျစ်ရုံတို့အဖွဲ့၏ အကျဉ်းချထားခြင်းကို ခံရနိုင်သည်အထိ အနည်းငယ်တော့ ရုပ်ရည်သွင်ပြင် ရှိကြမည်မှာ သေချာသည်။</p> <p>ထို့ကြောင့် လူတိုင်းက လှုပ်လှုပ်ရွရွ ဖြစ်နေကြသည်ကိုလည်း နားလည်ပေးနိုင်ပါသည်။</p> <p>ကျောက်ခိုင်၏ အစီရင်ခံစာ တင်ပြမှု ပြီးစီးလုနီးပါး ဖြစ်သွားပြီးနောက် ဦးလေးမာက သူ၏ လက်ရှိ အလုပ်ရလဒ်များကို အစီရင်ခံစာ တင်ပြလိုက်သည်။</p> <p>လင်းယွမ် ထွက်ခွာသွားသော ဤရက်များအတွင်း ဦးလေးမာက နေရောင်ခြည်ဇုန်၊ လင်းယွင်တောင်စောင်း၏ ခံတပ်နှင့် လီချင်းဟွာ၏ စက္ကူစက်ရုံတို့ကို အသီးသီး ပြုပြင်မွမ်းမံခဲ့သည်။ မိန်တောင်ရှိ ယွင်ချွမ်ဘုရားကျောင်း၏ စစ်စခန်းကိုလည်း သူက လူများကို ဦးဆောင်ကာ တည်ဆောက်ခဲ့ခြင်း ဖြစ်သည်။</p> <p>ထို့အပြင် ဈေးဝယ်စင်တာရှိ ဤတောင်ကြားထဲတွင် အထပ်မြင့် အဆောက်အအုံသစ် အများအပြားကို တောင်စောင်းကို အမှီပြု၍ တည်ဆောက်ထားပြီး အိမ်များလည်း အများအပြား ရှိကာ ဧရိယာအားဖြင့် ယေဘုယျအားဖြင့် စတုရန်းပေ ၆၄၀ ခန့် ရှိသည်။</p> <p>ထိုက်ယန်တောင်၏ လူဦးရေက အဆက်မပြတ် တိုးပွားလာသည်နှင့်အမျှ မြေယာအရင်းအမြစ်များက ပိုမို ကြပ်တည်းလာခဲ့သည်။</p> <p>လက်ရှိတွင် ထိုက်ယန်တောင်၌ တစ်ကိုယ်ရေ အိမ်ရာများကို ကိုယ်ပိုင် တည်ဆောက်ခွင့် မပြုတော့ဘဲ ဆောက်လုပ်ရေး ဌာနသို့ လာရောက်ကာ အိမ်ဝယ်ယူရန် လျှောက်ထားရမည် ဖြစ်သည်။ ထို့နောက် အိမ်ဝယ်ယူရန် အမှတ်များ ပေးဆောင်ရမည် ဖြစ်ပြီး မိသားစုဝင် လူဦးရေအလိုက် အိမ်များကို ခွဲဝေချထားပေးမည် ဖြစ်သည်။</p> <p>ဤသို့ဆိုလျှင် မြေယာအရင်းအမြစ်များကို အလွန် ထိရောက်စွာ အသုံးချရာ ရောက်ပေသည်။</p> <p>ယခင်က နေရာယူကာ တည်ဆောက်ထားသော တစ်ကိုယ်ရေ အိမ်ရာများမှာမူ အခွင့်အရေးကြီး တစ်ခုကို ရရှိသွားခြင်း ဖြစ်ပြီး နောက်ပိုင်းတွင် ဆောက်လုပ်ရေး ဌာနသို့ ကိုယ်တိုင် သွားရောက်၍ အထပ်မြင့် အဆောက်အအုံများအဖြစ် ပြုပြင်မွမ်းမံရန် လျှောက်ထားနိုင်ကာ ငှားရမ်းခြင်းများကိုပါ ပြုလုပ်နိုင်ပေသည်။</p> <p>ဤသည်ကလည်း လင်းယွမ်တို့က အစောပိုင်း ကာလများတွင် သူတို့ထံသို့ လာရောက် ပူးပေါင်းခဲ့သော လူအုပ်စုကို ပေးအပ်သည့် အထူး ခံစားခွင့်များပင် ဖြစ်သည်။</p> <p>တောင်ဂူထဲတွင် တူးဖော်ထားသော အိမ်များမှာမူ ဖွဲ့စည်းပုံကို ပြောင်းလဲရန် နည်းလမ်း မရှိပေ။</p> <p>သို့သော် ဤကဲ့သို့သော အိမ်မျိုးများကိုလည်း အတွင်းပိုင်း နေရာများကို ဆက်လက် တိုးချဲ့ခွင့် မပြုတော့ကြောင်း ရှင်းလင်းစွာ တားမြစ်ထားသည်။</p> <p>လက်ရှိတွင် ဦးလေးမာက မြေဓာတ်အစွမ်းကို နိုးထလာခဲ့သဖြင့် ဆောက်လုပ်ရေး အင်ဂျင်နီယာ ဌာနဘက်တွင် ထိပ်ဆုံးနေရာ၌ အခိုင်အမာ ရပ်တည်နေပြီ ဖြစ်သည်။</p> <p>ယခုအခါ လက်အောက်တွင် ခွန်အား အမျိုးအစား အစွမ်းပိုင်ရှင် အများအပြားကို သူနှင့် အတူ အလုပ်လုပ်ရန် ခေါ်ယူထားသဖြင့် အာဏာကလည်း မသေးလှပေ။</p> <p>ထို့ကြောင့် ဤဆောက်လုပ်ရေး ပြုပြင်ပြောင်းလဲမှုတွင် ရန်မေ၊ တင်းယန်၊ ကျောက်ခိုင် အစရှိသော အထက်လူကြီးများ၏ ထောက်ခံမှု ရှိနေပြီး ခိုလှုံရေးစခန်းရှိ လူဟောင်းများအပေါ် အထူး ခံစားခွင့် မူဝါဒများလည်း ရှိနေသည်။</p> <p>ထို့ကြောင့် ဤပြုပြင်ပြောင်းလဲမှု အကောင်အထည်ဖော်ရာတွင် ကြီးမားသော အတားအဆီးများကို မကြုံတွေ့ရသလောက်ပင် ဖြစ်ပြီး အဆင်ပြေချောမွေ့စွာ ဆောင်ရွက်နိုင်ခဲ့သည်။</p> <p>လင်းယွမ် ထွက်သွားသော ဤရက်များအတွင်း ထိုက်ယန်တောင်၏ အကြီးမားဆုံး အပြောင်းအလဲမှာ ဤအဆောက်အအုံများပင် ဖြစ်သည်ဟု ဆိုနိုင်ပေသည်။</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save