Book List

<h2 style="text-align: center;">အပိုင်း(၄၄၉)</h2> <h2 style="text-align: center;">သုတေသနနှင့် ဖွံ့ဖြိုးတိုးတက်ရေးဌာန၏ အခန်းကဏ္ဍ</h2> <h2 style="text-align: center;">*</h2> <p> </p> <p>နောက်ရက်အနည်းငယ်အတွင်း စစ်အခြေစိုက်စခန်းမှ ထိုလူလည်ကြီးများက ထိုက်ယန်တောင်ရှိ စိုက်ပျိုးရေးဌာနနှင့် ဆောက်လုပ်ရေးဌာနစသည့် ဌာနအသီးသီး၏ စွမ်းဆောင်ရည်များကို ဆက်တိုက်ဆိုသလို တွေ့မြင်ခဲ့ကြရသည်။</p> <p>အထူးသဖြင့် စိုက်ပျိုးရေးဌာနမှ မျိုးစုံလင်လှသော သန္ဓေပြောင်း သီးနှံများကို စိုက်ပျိုးနိုင်ခဲ့ပြီး ဟင်းသီးဟင်းရွက် အမျိုးအစားများကို များစွာ တိုးချဲ့ပေးနိုင်ခဲ့ရာ ထိုက်ယန်တောင် ခိုလှုံရေးစခန်းရှိ နေထိုင်သူများ၏ ဟင်းလျာများကို ပိုမို ကြွယ်ဝစုံလင်လာစေခဲ့သည်။</p> <p>"ထန်တယ်ချန်... ဘာလို့ မသွားသေးတာလဲ"</p> <p>အိပ်ဆောင်ထဲတွင် ကျိုးဝမ်ရှီးတို့အဖွဲ့က အောက်ထပ်ရှိ အိပ်ဆောင်တစ်ခုသို့ ရောက်ရှိလာစဉ် ထန်တယ်ချန်က အောက်ထပ် ကွင်းပြင်သို့ ဆင်းကာ လူစုခြင်းမရှိဘဲ စင်္ကြံလမ်းပေါ်တွင် ရပ်ကာ ရေဘူးတစ်ဘူးကို ကိုင်၍ ရေသောက်နေသည်ကို အံ့သြဖွယ် တွေ့လိုက်ရသည်။</p> <p>ဤမြင်ကွင်းက ကျိုးဝမ်ရှီးတို့အား များစွာ အံ့အားသင့်သွားစေသည်။</p> <p>ထန်တယ်ချန်က သူတို့၏ စကားကို ကြားသောအခါ ပြုံးစိစိဖြင့် ပြောလိုက်သည်။ "ဒီနေ့ကစပြီး အလုပ်ကြမ်းတွေ လုပ်စရာ မလိုတော့ဘူး"</p> <p>ကျိုးဝမ်ရှီးတို့အဖွဲ့အားလုံး ကြောင်အမ်းသွားကြပြီး မန်ချင်က မနေနိုင်ဘဲ မေးလိုက်သည်။ "ဘာလို့ အလုပ်ကြမ်း လုပ်စရာ မလိုတော့တာလဲ"</p> <p>ထန်တယ်ချန်က တဟဲဟဲ ရယ်မောလိုက်ပြီးနောက် ပြောလိုက်သည်။ "ကြီးကြပ်ရေးမှူးက တခြားအလုပ်တစ်ခု ပေးလိုက်လို့လေ"</p> <p>"ဘယ်လိုအလုပ်လဲ" ကျိုးဝမ်ရှီးက အလျင်စလို မေးလိုက်သည်။</p> <p>ထန်တယ်ချန်က တည်ငြိမ်အေးဆေးစွာဖြင့် ပြုံးနေရုံသာ ပြုံးနေပြီး ဘာမှ ဆက်မပြောပေ။</p> <p>ထိုအချိန်တွင် ကျန်းဟန်လျန်ကလည်း ထိုနေရာမှ ဖြတ်သွားရာ ဤမြင်ကွင်းကို တွေ့လိုက်ရသဖြင့် ချက်ချင်း နားလည်သဘောပေါက်စွာ ပြေးလာပြီး တိုးတိုးလေး ပြောလိုက်သည်။ "ကိုထန်... တစ်မှတ် ပေးမယ်... ညီအစ်ကိုတွေကို လမ်းညွှန်ပေးပါဦး"</p> <p>ထန်တယ်ချန်က မျက်ခုံးပင့်လိုက်ပြီး ရယ်မောကာ ပြောလိုက်သည်။ "ကတိနော်... တစ်မှတ်"</p> <p>"ကတိပဲ" ကျန်းဟန်လျန်က အံကြိတ်ကာ ပြောလိုက်သည်။</p> <p>ထိုအခါမှသာ ထန်တယ်ချန်က ပြုံးလျက် ပြောလိုက်သည်။ "မနေ့က စိုက်ခင်းထဲမှာ အလုပ်ကြမ်း လုပ်တုန်းက သစ်သားဓာတ် အစွမ်းကို သုံးလိုက်တာ စိုက်ပျိုးရေးဌာနက အထက်လူကြီးတွေရဲ့ သဘောကျတာကို ခံလိုက်ရတယ်လေ... ဒါကြောင့် စိုက်ပျိုးရေးဌာနကို အထူး တာဝန်ချထားခံလိုက်ရပြီ"</p> <p>တကယ်တော့ မနေ့က အလုပ်ကြမ်းလုပ်နေစဉ် ထန်တယ်ချန်၏ သစ်သားဓာတ် အစွမ်းကို အဒေါ်ကြီးလီက တွေ့သွားခဲ့ပြီး ချက်ချင်းပင် အဒေါ်ကြီးလီ၏ အာရုံစိုက်မှုကို ရရှိသွားခဲ့ခြင်း ဖြစ်သည်။</p> <p>စိုက်ပျိုးရေးဌာနအတွက်မူ သစ်သားဓာတ် အစွမ်းပိုင်ရှင်များက အလွန် ကြီးမားသော တန်ဖိုးရှိပေသည်။</p> <p>ထို့ကြောင့် အဒေါ်ကြီးလီက ကျောက်ခိုင်နှင့် ချက်ချင်း တိုင်ပင်ဆွေးနွေးပြီးနောက် ထန်တယ်ချန်ကို ခေါ်ယူသွားခဲ့ခြင်း ဖြစ်သည်။</p> <p>ထန်တယ်ချန်က ယနေ့တွင် စိုက်ပျိုးရေးဌာနသို့ သွားရောက် အလုပ်လုပ်ရတော့မည် ဖြစ်သည်။</p> <p>ထိုစကားကို ကြားလိုက်ရသည်နှင့် ကျိုးဝမ်ရှီးတို့အဖွဲ့မှာ ချက်ချင်းပင် ပွက်လောညံသွားတော့သည်။</p> <p>"ဟာ... ဒါမျိုးလည်း ရတာပဲလား"</p> <p>"နေပါဦး ကိုထန်... ခင်ဗျားရဲ့ သစ်သားဓာတ် အစွမ်းက ဘာများ ထူးခြားနေလို့လဲ... ငါ့ရဲ့ ရေဓာတ် အစွမ်းကတောင် ဟင်းသီးဟင်းရွက်တွေကို ရေလောင်းပေးလို့ ရသေးတယ်... မဖြစ်ဘူး... ငါလည်း စိုက်ပျိုးရေးဌာနကို သွားဖို့ လျှောက်လွှာတင်ရမယ်" ကျန်းဟန်လျန်က ချက်ချင်းပင် အော်ဟစ်လိုက်သည်။</p> <p>လီချုံမင်မှာလည်း အနည်းငယ် မနာလို ဖြစ်သွားသော်လည်း သူက အေးအေးဆေးဆေးပင် ရှိနေပြီး မကြာမီမှာပင် သဘောပေါက်သွားတော့သည်။</p> <p>"တော်ပါတော့ အားလျန်ရာ... ကိုထန်ရဲ့ သစ်သားဓာတ် အစွမ်းက သန္ဓေပြောင်း အပင်တွေကို ကြီးထွားမြန်စေနိုင်တယ်လေ... မင်းရဲ့ ရေဓာတ် အစွမ်းက ဘာလုပ်လို့ရမှာလဲ"</p> <p>"ရေလောင်းမယ် ဟုတ်လား... အခု ရာသီဥတုက ဘယ်လိုဖြစ်နေလဲဆိုတာ မင်း မမြင်ဘူးလား... မင်း ရေလောင်းပေးဖို့ လိုသေးလို့လား"</p> <p>လူအုပ်ကြီးက အပြင်ဘက်ရှိ သည်းထန်စွာ ရွာသွန်းနေသော မိုးပေါက်ကြီးများကို လှည့်ကြည့်လိုက်ပြီး ချက်ချင်းပင် တစ်ယောက်ပြီးတစ်ယောက် အသံထွက်ကာ ရယ်မောလိုက်ကြသည်။</p> <p>ကျန်းဟန်လျန်မှာ သွေးအန်မတတ် စိတ်ပျက်သွားပြီး အော်ဟစ်လိုက်သည်။ "တောက်... ငါက အနည်းဆုံးတော့ ဒြပ်စင်ပြောင်းလဲနိုင်တဲ့ ထိပ်တန်း အစွမ်းပိုင်ရှင် တစ်ယောက်ပါကွာ... တည်ဆောက်ရေးပိုင်းမှာ အသုံးမဝင်ဘူးတဲ့လား"</p> <p>ထန်တယ်ချန်က တဟဲဟဲ ရယ်မောလိုက်ပြီး ပြောလိုက်သည်။ "ဟေ့... အားလျန်... ကိုကျိုး... ချုံမင်... မင်းတို့က လူလည်ကြီး တွေးခေါ်ပုံမျိုး တွေးနေတုန်းပဲကိုး"</p> <p>"ဆရာလင်း အရင်က ဘာပြောခဲ့လဲ... အသုံးမဝင်တဲ့ အစွမ်းဆိုတာ မရှိဘူး... အစွမ်းကို အသုံးမချတတ်တဲ့ လူပဲ ရှိတယ်တဲ့"</p> <p>"မင်းတို့ကောင်တွေက သိပ်တုံးတာပဲ"</p> <p>"ဘာကိုပြောတာလဲ" ကျန်းဟန်လျန်က အလျင်စလို မေးလိုက်သည်။</p> <p>လီချုံမင်ကလည်း ထန်တယ်ချန်ကို ကြည့်ကာ မေးလိုက်သည်။ "ကိုထန်... ခင်ဗျားဆီမှာ ဘာအကြံကောင်းတွေ ရှိလို့လဲ"</p> <p>ကျိုးဝမ်ရှီးက ဘာမှ ဝင်မပြောသော်လည်း ရှောင်မင်ထင်းနှင့် မန်ချင်တို့ နှစ်ယောက်လုံးက သူ့ကို ကြည့်လိုက်ကြသည်။</p> <p>ထန်တယ်ချန်က ဟားဟားဟီးဟီး ရယ်မောလိုက်ပြီး ပြောလိုက်သည်။ "ရွှယ်ကောဟွာ... ထောင်ဝေနဲ့ ကျိုက်ကော်ဖုန်းတို့ ဘယ်ရောက်သွားလဲဆိုတာ မင်းတို့ သိကြလား"</p> <p>ကျန်းဟန်လျန်က ကြောင်အမ်းသွားပြီး ချက်ချင်းပင် မေးလိုက်သည်။ "အေး ဟုတ်သားပဲ... မနေ့က သူတို့ကို မတွေ့ပါလား... သူတို့ ဘယ်ရောက်သွားကြတာလဲ"</p> <p>ထန်တယ်ချန်က ပြုံးလျက် ပြောလိုက်သည်။ "ဆောက်လုပ်ရေးဌာနကိုလေ"</p> <p>"ဘာ"</p> <p>"သူတို့က ဆောက်လုပ်ရေးဌာနကို သွားတယ်ဟုတ်လား... ဘာဖြစ်လို့လဲ"</p> <p>"ဘယ်လိုဖြစ်ရတာလဲ"</p> <p>လူအုပ်ကြီးက အလျင်စလို မေးမြန်းလိုက်ကြသည်။</p> <p>ထန်တယ်ချန်က ခွက်ထဲရှိ လက်ဖက်ရည်ကို မှုတ်လိုက်ပြီး အရသာရှိစွာ တစ်ငုံသောက်လိုက်ကာ ပြောလိုက်သည်။ "ထောင်ဝေ... ရွှယ်ကောဟွာ... ကျိုက်ကော်ဖုန်းတို့ရဲ့ အစွမ်းက ဘာလဲ"</p> <p>ကျိုးဝမ်ရှီးက ချက်ချင်း သဘောပေါက်သွားပြီး အံ့သြတကြီး အော်ဟစ်လိုက်သည်။ "မြေဓာတ် အစွမ်း"</p> <p>လီချုံမင်ကလည်း ချက်ချင်းပင် အံ့သြတကြီး ပြောလိုက်သည်။ "ငါ သဘောပေါက်ပြီ... ဆောက်လုပ်ရေးဌာနက အိမ်တွေ ဆောက်ရမယ်... အုတ်ဖုတ်ရမယ်... သူတို့ရဲ့ အစွမ်းတွေက ကွက်တိ အသုံးတည့်တာပဲ"</p> <p>ထန်တယ်ချန်က ပြုံးလျက် ပြောလိုက်သည်။ "မှန်တာပေါ့... အခု မင်းတို့ ဘယ်ဘက်ကို ဦးတည်ပြီး ကြိုးစားရမလဲဆိုတာ သိပြီမလား"</p> <p>"မင်းတို့ ဘာတတ်လဲဆိုတာကို သေချာ ကြည့်ရမယ်... ဒီမှာ နေ့တိုင်း ဟင်းသီးဟင်းရွက်တွေ ရိတ်သိမ်းပြီး တုံးအအနဲ့ ခွန်အားစိုက်ရတဲ့ အလုပ်တွေ လုပ်နေဖို့ မဟုတ်ဘူး"</p> <p>"မင်းတို့ ဘယ်လောက်ပဲ ကြိုးစားကြိုးစား... ခွန်အား အမျိုးအစား အစွမ်းပိုင်ရှင်တွေကို ယှဉ်နိုင်ပါ့မလား"</p> <p>"ထပ်ခါတလဲလဲ လုပ်ရတဲ့ စက်ဆန်ဆန် အလုပ်တွေဆိုရင်လည်း မင်းတို့က အလျင် အမျိုးအစား အစွမ်းပိုင်ရှင်တွေကို ယှဉ်နိုင်ပါ့မလား"</p> <p>"မင်းတို့ရဲ့ အစွမ်းတွေက ဘာလုပ်ဖို့ သင့်တော်လဲဆိုတာ သေချာ စဉ်းစားကြည့်ကြ"</p> <p>ထန်တယ်ချန်၏ စကားများက လူအုပ်ကြီးအား ချက်ချင်းပင် အလင်းပွင့်သွားစေသည်။</p> <p>ရှောင်မင်ထင်း၏ မျက်လုံးများက အရောင်လက်သွားပြီး ချက်ချင်း ပြောလိုက်သည်။ "ငါက လက်နက်စက်ရုံကို သွားသင့်တာပဲ"</p> <p>သူက သတ္တုဓာတ် အစွမ်းပိုင်ရှင်ဖြစ်ရာ လက်နက်စက်ရုံသို့ သွားခြင်းက လုံးဝ အံဝင်ခွင်ကျ ဖြစ်ပေသည်။</p> <p>ကျိုးဝမ်ရှီးက မနေနိုင်ဘဲ မျက်မှောင်ကြုတ်ကာ ပြောလိုက်သည်။ "ငါ့ရဲ့ စိတ်စွမ်းအင်က လုံလုံလောက်လောက် အားကောင်းတယ်... ငါက စိတ်စွမ်းအားနဲ့ စိတ်ပိုင်းဆိုင်ရာ နှောင့်ယှက်မှုတွေကို ကျွမ်းကျင်တယ်... ငါက ဘယ်သွားသင့်တာလဲ"</p> <p>လီချုံမင်မှာလည်း မျက်မှောင်ကြီး ကြုတ်သွားသည်။ သူကလည်း သတ္တုဓာတ် အစွမ်းပိုင်ရှင် ဖြစ်သော်လည်း သူ၏ သတ္တုဓာတ် အစွမ်းက အလွန် ထူးခြားလှသည်။ သူ ထိန်းချုပ်နိုင်သော ဒြပ်စင်မှာ ပြဒါး ဖြစ်သည်။</p> <p>ထိုအရာက လက်နက်စက်ရုံသို့ သွားလျှင်ပင် ဘာလုပ်ရမည်ကို မသိနိုင်ပေ။</p> <p>သူ၏ အကန့်အသတ်ရှိသော ဗဟုသုတများအရ ပြဒါးကို အပူချိန်တိုင်း ကိရိယာ ပြုလုပ်ရန်လောက်သာ အသုံးပြုနိုင်သည်ဟု ထင်ရသည်။</p> <p>ထို့ကြောင့် လီချုံမင်မှာ သူ၏ အစွမ်းကို မည်သည့်နေရာတွင် အသုံးချရမည်ကို အမှန်တကယ်ပင် မသိတော့ပေ။</p> <p>မန်ချင်နှင့် ကျန်းဟန်လျန်တို့မှာမူ ပို၍ပင် ခေါင်းကိုက်နေရသည်။</p> <p>သူတို့နှစ်ယောက်က ရေဓာတ် အစွမ်းပိုင်ရှင်များ ဖြစ်ကြပြီး မဟာရေလွှမ်းမိုးမှု ခေတ်ကြီးတွင် အပေါများဆုံးမှာ ရေပင် ဖြစ်ပေသည်။</p> <p>သူတို့နှစ်ယောက်ကလည်း မိမိတို့၏ အစွမ်းကို မည်သည့်နေရာတွင် အသုံးချနိုင်မည်ကို တစ်ခဏမျှ စဉ်းစား၍ မရနိုင်တော့ပေ။</p> <p>သူတို့ စဉ်းစားမရဖြစ်နေသည်ကို မြင်သောအခါ ထန်တယ်ချန်က သတိပေးလိုက်သည်။ "တကယ်လို့ စဉ်းစားလို့ မရဘူးဆိုရင်လည်း မင်းတို့ရဲ့ အရင် အလုပ်ဟောင်းကိုပဲ ဆက်လုပ်ကြတာ ပိုကောင်းမယ်"</p> <p>"ဟင်... အလုပ်ဟောင်း"</p> <p>"သင်္ဘောမောင်းတာလား"</p> <p>ထိုစကားကို ကြားသောအခါ လူအုပ်ကြီးမှာ ကြောင်အမ်းသွားကြသည်။</p> <p>ထန်တယ်ချန်က ပြုံးလျက် ပြောလိုက်သည်။ "ငါ စုံစမ်းကြည့်ပြီးပြီ... ဆရာလင်းက သင်္ဘောအုပ်စုတစ်စု ဖွဲ့စည်းဖို့ အစီအစဉ်ရှိတယ်... သင်္ဘောကပ္ပတိန်တွေ အများကြီး လိုအပ်တယ်တဲ့"</p> <p>"မင်းတို့ အကုန်လုံးက သင်္ဘောကပ္ပတိန်ဟောင်းတွေပဲ... သင်္ဘောပေါ်က စက်ပစ္စည်းတွေကိုလည်း ရင်းနှီးကျွမ်းဝင်ပြီးသား... ရေပေါ်က ဘဝကိုလည်း အရင်တည်းက အကျွမ်းတဝင် ရှိပြီးသားလေ"</p> <p>"ပြီးတော့ မင်းတို့ရဲ့ အစွမ်းတွေကလည်း ရေပေါ်တိုက်ပွဲတွေနဲ့ သင့်တော်တယ်... ငါပြောရရင် မင်းတို့တွေ ရိုးရိုးသားသားနဲ့ အလုပ်အကျွေးပြုပြီး နောက်ပိုင်း ထိုက်ယန်တောင်ရဲ့ သင်္ဘောအုပ်စုထဲ ဝင်လို့ရမလားဆိုတာ စောင့်ကြည့်တာ အကောင်းဆုံးပဲ... ကပ္ပတိန်တစ်ယောက် ဖြစ်လာရင်တောင် မဆိုးဘူးလေ"</p> <p>"ပြီးတော့ ငါမပြောဘူးလို့ မင်းတို့ မထင်နဲ့ဦးနော်... အခု ထိုက်ယန်တောင်မှာ ရေအောက် ရတနာရှာဖွေရေးက ခေတ်စားနေတာ... သင်္ဘောမောင်းတတ်ပြီး ရေဓာတ် အစွမ်းရှိတဲ့ အစွမ်းပိုင်ရှင်တွေဆိုရင် အလုအယက် ခေါ်နေကြတာ"</p> <p>ထိုစကားကို ကြားလိုက်ရသည်နှင့် လူအုပ်ကြီးမှာ ချက်ချင်းပင် ဉာဏ်အလင်း ပွင့်သွားတော့သည်။</p> <p>ကျန်းဟန်လျန်က သူ၏ ပေါင်ကို ရိုက်ချလိုက်ပြီး မနေနိုင်ဘဲ ပြောလိုက်သည်။ "တကယ် အလကားနေရင်း ခေါင်းရှုပ်ခံနေမိတာပဲ... ငါတို့ရဲ့ မူလအလုပ်က သင်္ဘောမောင်းတာပဲကို... ဒီအရည်အချင်းကိုတောင် မေ့လုနီးပါး ဖြစ်သွားတယ်"</p> <p>"ဟေး ကိုထန်... ခင်ဗျားကတော့ တကယ့်ကို အမြော်အမြင် ရှိတာပဲဗျာ"</p> <p>လူအုပ်ကြီးက ရယ်မောလိုက်ကြပြီးနောက် အောက်ထပ်မှ ဝမ်ရှောင်၏ အော်ခေါ်သံကို ကြားလိုက်ရသည်။</p> <p>လူအုပ်ကြီးက သတိပြန်ဝင်လာပြီး အောက်ထပ်သို့ အလျင်စလို ပြေးဆင်းကာ လူစုလိုက်ကြသည်။</p> <p>……</p> <p>မိန်တောင် စစ်အခြေစိုက်စခန်းဘက်မှ ကိစ္စများနှင့် ပတ်သက်၍ လင်းယွမ်က များများစားစား မမေးမြန်းခဲ့ပေ။</p> <p>ထိုလူများကို ကျောက်ခိုင်ထံ စီမံခန့်ခွဲရန် လွှဲပြောင်းပေးအပ်ခဲ့ပြီးဖြစ်ရာ ကျောက်ခိုင်က ကောင်းစွာ စီမံခန့်ခွဲနိုင်မည်ကို သဘာဝကျစွာ ယုံကြည်ထားသောကြောင့် ဖြစ်သည်။</p> <p>ကျောက်ခိုင်က သုံ့ပန်းများကို တစ်ဖွဲ့မက စီမံခန့်ခွဲကာ လေ့ကျင့်ပေးခဲ့ပြီးဖြစ်သဖြင့် အရင်ကလို စိတ်လိုက်မာန်ပါ လုပ်တတ်သော လူငယ်လေးတစ်ယောက် မဟုတ်တော့ပေ။</p> <p>ယခုအခါတွင် သူက တစ်ဖက်တစ်လမ်းမှ ကိုယ်တိုင် ဦးဆောင်နိုင်စွမ်း ရှိနေပြီ ဖြစ်သည်။</p> <p>လင်းယွမ်ကလည်း ပထမရက်အနည်းငယ်တွင် အမျိုးသမီးများနှင့်အတူ ဘဝကို အေးအေးဆေးဆေး ဖြတ်သန်းပြီးနောက် ယခုအခါတွင် စိတ်ကို တည်ငြိမ်စေကာ ဤတစ်ကြိမ် ရေပေါ်ကျွန်းမှ သူ ယူဆောင်လာခဲ့သော ပစ္စည်းများကို စတင် လေ့လာစူးစမ်းနေပြီ ဖြစ်သည်။</p> <p>နေရောင်ခြည်ဇုန်၊ သုတေသနနှင့် ဖွံ့ဖြိုးတိုးတက်ရေးဌာန။</p> <p>လီဟန်ကျုံး၊ ရမ်ကျဲ၊ ဖုချီပေါ်နှင့် အခြားသူများက ဤအချိန်တွင် ထိုနေရာ၌ စုဝေးနေကြသည်။</p> <p>လူတိုင်းက စမ်းသပ်ခုံပေါ်ရှိ ဖန်ခွက် တစ်ခွက်ကို လေးနက်သော အမူအရာများဖြင့် ကြည့်ရှုနေကြသည်။</p> <p>ယခုအချိန်တွင် ဖန်ခွက်ပေါ်၌ ရေခဲမှုန်များ အပြည့်အဝ ဖုံးလွှမ်းနေသည်။</p> <p>ထိုဖန်ခွက်ထဲတွင်မူ အေးစက်သော အငွေ့အသက်များ ထွက်ပေါ်နေသည့် သွေးများ ရှိနေသည်။</p> <p>လင်းယွမ်က ဖန်ခွက်ထဲရှိ သွေးများကို ကြည့်ကာ မေးလိုက်သည်။ "အစည်းအဝေးလုပ်တုန်းက ဒီသွေးရေခဲအကြောင်းကို သီးသန့် မပြောခဲ့တာက... ဒီသွေးရေခဲထဲက ကျွန်တော် လိုချင်တဲ့ မျိုးရိုးဗီဇမျိုးစေ့ကို ထုတ်ယူဖို့ ကောင်းမွန်တဲ့ နည်းလမ်းကို... လောလောဆယ် စဉ်းစားလို့ မရသေးလို့ပဲ"</p> <p>"ဒီနေ့ ခင်ဗျားတို့ အားလုံးကို ခေါ်လိုက်ရတဲ့ အကြောင်းရင်းကတော့... ဒီသွေးရေခဲထဲက ရေခဲဓာတ် မျိုးရိုးဗီဇကို သန့်စင်ထုတ်ယူဖို့ နည်းလမ်းများ ရှိမလားဆိုပြီး အားလုံး ဝိုင်းစဉ်းစားပေးဖို့ပဲ"</p> <p>"ဆရာလင်း... မျိုးရိုးဗီဇကို သန့်စင်ထုတ်ယူတယ်ဆိုတဲ့ အလွန်ခက်ခဲတဲ့ စမ်းသပ်မှုမျိုးက ကျွန်တော်တို့ လက်ရှိ စက်ပစ္စည်းတွေနဲ့ဆိုရင် လုပ်နိုင်ဖို့ အတော်လေး ခက်ခဲလိမ့်မယ်" လီဟန်ကျုံးက မနေနိုင်ဘဲ ပြောလိုက်သည်။</p> <p>ပုံမှန် အသိဉာဏ်ရှိသူတိုင်းက မျိုးရိုးဗီဇကို သန့်စင်ထုတ်ယူရန်အတွက် တိကျမှုမြင့်မားသော သိပ္ပံနည်းကျ စက်ကိရိယာများ လိုအပ်မည်ဆိုသည်ကို ရှင်းရှင်းလင်းလင်း သိထားကြပေသည်။</p> <p>အခြားသူများ၏ မျက်နှာပေါ်တွင်လည်း အခက်တွေ့နေသည့် အရိပ်အယောင်များ ထွက်ပေါ်နေသည်။</p> <p>သူတို့ကို လက်နက်များ တီထွင်ရန်၊ သင်္ဘောများ တည်ဆောက်ရန်၊ စွမ်းအင်ကျောက်တုံးများအကြောင်း လေ့လာရန်နှင့် ကျွမ်းကျင်မှု သင်္ကေတများ ပုံတူကူးရန် ခိုင်းစေမည်ဆိုလျှင် အဆင်ပြေသေးသည်။</p> <p>သို့သော် သူတို့ကို မျိုးရိုးဗီဇကို သန့်စင်ထုတ်ယူရန် ခိုင်းစေမည်ဆိုလျှင် မည်သူကများ လုပ်နိုင်မည်နည်း။</p> <p>လင်းယွမ်က စကားစလိုက်သည်။ "ခင်ဗျားတို့ ထင်ထားသလောက် မရှုပ်ထွေးပါဘူး"</p> <p>"မျိုးရိုးဗီဇကို သန့်စင်ထုတ်ယူတာက တိကျတဲ့ စက်ကိရိယာတွေအပေါ် မှီခိုနေတာ မဟုတ်ဘဲ မျိုးရိုးဗီဇ တစ်ခုနဲ့ တစ်ခုကြားက တွန်းကန်မှု တုံ့ပြန်ချက်တွေအပေါ် မှီခိုနေတာ"</p> <p>"ကျွန်တော် ရလာတဲ့ နည်းလမ်းအရဆိုရင်... မျိုးရိုးဗီဇ မီးဖိုတစ်ခုကို သေချာ ပြင်ဆင်ပြီး ဒီလို သိပ်သည်းဆမြင့်တဲ့ သွေးတွေကို အဲဒီထဲ ထည့်ရမယ်... ပြီးရင် အဲဒီထဲက အညစ်အကြေး မျိုးရိုးဗီဇတွေကို လောင်ကျွမ်းသွားအောင် လုပ်နိုင်မယ့် နည်းလမ်းတစ်ခုကို စဉ်းစားရမယ်... အဲ့ဒီအခါ ကျန်နေတဲ့ သန့်စင်မှုမြင့်မားတဲ့ ရေခဲဓာတ် မျိုးရိုးဗီဇက တဖြည်းဖြည်းနဲ့ မျိုးရိုးဗီဇမျိုးစေ့ ဖြစ်လာလိမ့်မယ်"</p> <p>လင်းယွမ်က ချိုးကုံရုံ သူ့အား ပြောပြခဲ့ဖူးသည့် မျိုးရိုးဗီဇမျိုးစေ့ သန့်စင်ထုတ်ယူခြင်း နည်းလမ်း၏ အခြေခံ သဘောတရားကို အကြမ်းဖျင်း ရှင်းပြလိုက်သည်။</p> <p>သူ၏ အရှေ့ရှိ လူများအားလုံးက ဉာဏ်ကောင်းသူများ ဖြစ်ကြရာ ထိုစကားကို ကြားပြီးသည်နှင့် တစ်ပြိုင်နက် ဆိုလိုရင်းကို ချက်ချင်းပင် နားလည်သွားကြသည်။</p> <p>ဖုချီပေါ်က ချက်ချင်း ပြောလိုက်သည်။ "ဒါက ဆားချက်တဲ့ နည်းလမ်းလိုမျိုးလား... မတူညီတဲ့ အရာဝတ္ထုတွေရဲ့ ရေဆူမှတ် မတူညီတာကို အသုံးချပြီး ပင်လယ်ရေထဲက ရေတွေကို အငွေ့ပျံသွားအောင် လုပ်ပြီး ဆားဓာတ်ကို ချန်ရစ်ခဲ့တာမျိုးနဲ့ ဆင်တူတာလား"</p> <p>သူ၏ နှိုင်းယှဉ်ချက်က အတော်လေး ပုံပေါ်လွင်လှသဖြင့် လင်းယွမ်က ခေါင်းအနည်းငယ် ညိတ်ကာ ပြောလိုက်သည်။ "ခပ်ဆင်ဆင်ပါပဲ"</p> <p>"ဒါပေမဲ့ ဒီသွေးတွေက ရေဆူမှတ် နည်းလမ်းကို သုံးလို့မရတာ သေချာတယ်... အပူချိန် မြင့်မားပြီး အငွေ့ပျံသွားတာနဲ့ အဲဒီထဲက မျိုးရိုးဗီဇတွေ ပျက်စီးသွားမှာ အသေအချာပဲ"</p> <p>ဖုချီပေါ်က ခေါင်းညိတ်လိုက်သည်။ "ကျွန်တော်က ဥပမာ ပေးရုံပါ... ဒီလိုနည်းလမ်းကိုတော့ ဘယ်သုံးမှာလဲ... အစွမ်းတွေ ရှိတဲ့ ခေတ်မှာတော့ အစွမ်းတွေနဲ့ ဆိုင်တဲ့ ခေတ်ကာလရဲ့ နည်းလမ်းတွေ ရှိသင့်တာပေါ့"</p> <p>လင်းယွမ်က စိတ်ဝင်စားသွားပြီး မေးလိုက်သည်။ "ခင်ဗျားမှာ နည်းလမ်း ရှိလို့လား"</p> <p>ဖုချီပေါ်က ခေါင်းခါလိုက်သည်။ "လောလောဆယ်တော့ မရှိသေးဘူး... ကျွန်တော့်ကို စဉ်းစားဖို့ အချိန်နည်းနည်း ပေးဦး"</p> <p>ဘေးဘက်ရှိ လီဟန်ကျုံးက ခဏမျှ စဉ်းစားပြီးနောက် ပြောလိုက်သည်။ "ဒါက တကယ့်ကို ကောင်းမွန်တဲ့ သုတေသန ခေါင်းစဉ်တစ်ခုပဲ... ကျွန်တော့်မှာ အကြံဉာဏ် တစ်ခုရှိတယ်... အားလုံး စဉ်းစားကြည့်လို့ ရအောင်"</p> <p>အခြားသူများကလည်း လီဟန်ကျုံးကို အလျင်စလို ကြည့်လိုက်ကြသည်။</p> <p>လီဟန်ကျုံးက ပြောလိုက်သည်။ "ဆားထုတ်ယူတဲ့ နည်းလမ်းက အရာဝတ္ထုတွေရဲ့ ရေဆူမှတ် မတူညီတာကို အသုံးချပြီး ဆားရည်ကို ခွဲထုတ်ပြီး ကျွန်တော်တို့ လိုချင်တဲ့ ဟာကို ရယူတာ"</p> <p>"အခု ဒီသွေးရေခဲထဲမှာ ကျွန်တော်တို့ လိုချင်တာက အတွင်းပိုင်းက ရေခဲဓာတ် မျိုးရိုးဗီဇပဲ... ဒါကြောင့် ကျွန်တော်တို့ ဖြေရှင်းရမယ့် အဓိက သော့ချက်က ရေခဲဓာတ် မျိုးရိုးဗီဇအပေါ်မှာပဲ မူတည်နေတယ်"</p> <p>ဘေးဘက်ရှိ ဖုချီပေါ်က ချက်ချင်း ပြောလိုက်သည်။ "ဆရာ့အဓိပ္ပာယ်က ကျွန်တော်တို့တွေ ရေခဲဓာတ်ရဲ့ ထူးခြားချက်ကို ရှာဖွေပြီး အဲဒီ ထူးခြားချက်ကို အသုံးချပြီး တခြား မျိုးရိုးဗီဇတွေနဲ့ ခွဲထုတ်ပစ်သင့်တယ်လို့ ပြောတာလား"</p> <p>"မှန်တယ်"</p> <p>ဖုချီပေါ်က စဉ်းစားလိုက်သည်။ "ရေခဲဓာတ် မျိုးရိုးဗီဇရဲ့ ထူးခြားချက်က အပူချိန် နိမ့်ကျနေတာဆိုတာ အရမ်းကို ထင်ရှားနေတာပဲလေ"</p> <p>"ဒီသွေးတွေကို အပူချိန် နိမ့်တဲ့ အခြေအနေမှာထားပြီး အပူချိန် နိမ့်တာကို ခံနိုင်ရည်မရှိတဲ့ တခြား မျိုးရိုးဗီဇတွေကို သေဆုံးသွားအောင် လုပ်နိုင်မယ့် နည်းလမ်းများ ရှိမလား... အဲဒီလိုလုပ်ရင် ရေခဲဓာတ် မျိုးရိုးဗီဇကိုပဲ ချန်ထားနိုင်မှာလေ" ဖုချီပေါ်က တီးတိုး ရေရွတ်လိုက်သည်။</p> <p>လီဟန်ကျုံးက ဆက်ပြောလိုက်သည်။ "အပူချိန် နိမ့်တာမှ မဟုတ်ဘူး... ကျွန်တော်တို့တွေ ပြောင်းပြန် စဉ်းစားကြည့်ရင်လည်း တစ်နည်းမဟုတ် တစ်နည်း အကျိုးသက်ရောက်မှု ရှိနိုင်တာပဲလေ"</p> <p>ဖုချီပေါ်မှာ နားမလည်နိုင်သဖြင့် သံသယ ဝင်သွားသည်။</p> <p>လီဟန်ကျုံးက ပြောလိုက်သည်။ "ကျွန်တော် ဆိုလိုတာက အပူချိန် မြင့်တာကို ပြောတာ... ရေခဲဓာတ်က အပူချိန် နိမ့်တဲ့ စွမ်းအင်တွေကို ထုတ်လွှတ်နိုင်စွမ်း ရှိတယ်ဆိုတော့ အပူချိန် မြင့်မားတာကိုလည်း အတိုင်းအတာ တစ်ခုအထိ ခံနိုင်ရည် ရှိမှာ သေချာတယ်"</p> <p>"အပူချိန် မြင့်မားတာက အပူချိန် မြင့်တာကို ခံနိုင်ရည်မရှိတဲ့ မျိုးရိုးဗီဇတွေကို အလျင်အမြန် သေဆုံးသွားစေနိုင်တယ်... ဒါပေမဲ့ ရေခဲဓာတ်မှာက အပူချိန် နိမ့်တဲ့ ထူးခြားချက် ရှိနေတော့ အပူချိန် မြင့်တာကို အတိုင်းအတာ တစ်ခုအထိ ခုခံနိုင်စွမ်း ရှိချင် ရှိနေမှာ"</p> <p>"ဒီနည်းလမ်းကို အသုံးချမယ်ဆိုရင် ရေခဲဓာတ် မျိုးရိုးဗီဇကို ထိန်းသိမ်းထားနိုင်လောက်တယ်"</p> <p>"ဒါပေမဲ့ ဒီနည်းလမ်းက ရေခဲဓာတ် မျိုးရိုးဗီဇကို ပျက်စီးသွားစေနိုင်လို့ အပူချိန်ကို သေချာ ထိန်းချုပ်နိုင်ဖို့ လိုအပ်တယ်"</p> <p>"နည်းနည်းလေး သတိလွတ်သွားတာနဲ့ ရေခဲဓာတ် မျိုးရိုးဗီဇပါ ပျက်စီးသွားနိုင်ပြီး ဆုံးရှုံးမှုက မသေးဘူးလေ"</p> <p>အခန်းထဲရှိ လူများက ထိုအချက် နှစ်ချက်နှင့် ပတ်သက်၍ ချက်ချင်းပင် ပြင်းပြင်းထန်ထန် ဆွေးနွေးလိုက်ကြပြီး ရမ်ကျဲက သူ၏ အပူချိန် မြင့်မားသည့် အစွမ်းကို အသုံးပြုကာ မီးဖို ကိရိယာကိုပင် စတင် ဖန်တီးနေပြီ ဖြစ်သည်။</p> <p>လင်းယွမ်က ထိုမြင်ကွင်းကို ကြည့်ကာ မနေနိုင်ဘဲ ရယ်မောလိုက်သည်။</p> <p>လူတစ်ယောက်၏ တွေးခေါ်နိုင်စွမ်းက အကန့်အသတ် ရှိပြီး အဘက်ဘက်မှ ပြည့်စုံနေရန် မဖြစ်နိုင်ပေ။</p> <p>သို့သော် သာမန်လူ သုံးယောက်၏ ဉာဏ်ကို ပေါင်းစပ်လိုက်လျှင် ပညာရှိ တစ်ယောက်ကိုပင် ယှဉ်နိုင်စွမ်း ရှိသည် မဟုတ်ပါလား။</p> <p>သူက သုတေသနနှင့် ဖွံ့ဖြိုးတိုးတက်ရေးဌာနကို တည်ထောင်ခဲ့ခြင်းကလည်း အမျိုးမျိုးသော အခက်အခဲ ပြဿနာများကို ဖြေရှင်းရန်အတွက် မဟုတ်ပါလား။</p> <p>ယခုအချိန်တွင် သူတို့၏ လုပ်ဆောင်ချက်များက သူ့ကို အမှန်တကယ်ပင် စိတ်ပျက်မသွားစေခဲ့ပေ။</p> <p>မိနစ်အနည်းငယ်အတွင်းမှာပင် ပါမောက္ခလီနှင့် ဖုချီပေါ်တို့က နည်းလမ်း နှစ်ခုကို ပေးစွမ်းနိုင်ခဲ့သည်။</p> <p>အကယ်၍ လင်းယွမ် ကိုယ်တိုင်သာ စဉ်းစားရမည်ဆိုလျှင် အချိန်တိုအတွင်း စဉ်းစားမိမည် မဟုတ်သည်မှာ သေချာလှပေသည်။</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save