Book List

<h2 style="text-align: center;">အပိုင်း(၄၅၂)</h2> <h2 style="text-align: center;">သုတေသနနှင့် ဖွံ့ဖြိုးတိုးတက်ရေးဌာန၏ တိုးတက်မှုများ</h2> <h2 style="text-align: center;">*</h2> <p> </p> <p>ကျွမ်းရှုယွမ်ကို နောက်ဆုံးတွင် ပြန်လွှတ်လိုက်နိုင်သဖြင့် လင်းယွမ်က စိတ်အေးလက်အေး သက်ပြင်းချလိုက်သည်။</p> <p>ထိုမိန်းမက တကယ်ကို အရည်အချင်းရှိသော်လည်း ရည်မှန်းချက်လည်း မသေးလှပေ။</p> <p>သူမကို အလိုလိုက်ထား၍ မဖြစ်ဘဲ ပြတ်ပြတ်သားသား ဖိနှိပ်ထားရန် လိုအပ်သည်။</p> <p>သို့မဟုတ်ပါက တစ်နေ့နေ့တွင် သူမက အတင့်ရဲလာပေလိမ့်မည်။</p> <p>တစ်ဝက်သာ ကျန်တော့သည့် ထမင်းဟင်းများကို ကြည့်ကာ လင်းယွမ်က ခေါင်းခါယမ်းလိုက်ပြီး ဆက်မစားတော့ဘဲ သိမ်းဆည်းလိုက်ကာ ဟွမ်မင်ခိုင်၏ သင်္ကေတအရိုးကို ဆက်လက် လေ့လာရန် ပြင်ဆင်လိုက်သည်။</p> <p>ယခုအချိန်တွင် လင်းယွမ်က စနစ်ထဲမှ လဲလှယ်ရရှိထားသော သန္ဓေပြောင်းစွမ်းအင် စစ်ဆေးခြင်း အစွမ်း ဖြင့် ဤသင်္ကေတအရိုးသည် အကြောင်းအကျိုး သင်္ကေတအရိုး ဖြစ်ကြောင်း ခွဲခြားသိမြင်နိုင်ပြီ ဖြစ်သည်။</p> <p>သူကိုယ်တိုင်လည်း စနစ်မှတစ်ဆင့် အကြောင်းအကျိုး အစွမ်းများစွာကို ရှာဖွေဖတ်ရှုခဲ့ပြီးပြီ ဖြစ်သည်။</p> <p>သို့သော် ဝန်ခံရမည်ဆိုလျှင် အကြောင်းအကျိုး အစွမ်းများက အလွန်တရာ ဈေးကြီးလွန်းလှပြီး အရှင်းလင်းဆုံး အကြောင်းအကျိုး အစွမ်းတစ်ခုကပင် အမှတ် သိန်းနှင့်ချီ၍ ပေးရပေသည်။</p> <p>လက်ရှိ သူ၏ အနေအထားအရ ထိုမျှလောက် များပြားသော အမှတ်များကို အကုန်အကျ မခံနိုင်သေးပေ။</p> <p>ထို့ကြောင့် လင်းယွမ်က လောလောဆယ်တွင် ဟွမ်မင်ခိုင်၏ ဤသင်္ကေတအရိုးကိုသာ ဆက်လက် လေ့လာနေရသည်။</p> <p>အကယ်၍ ဤသင်္ကေတအရိုးပေါ်ရှိ အစွမ်းကိုသာ ကျွမ်းကျင်သွားပါက သူ၏ အမှတ်သိန်းပေါင်းများစွာ သက်သာသွားစေမည် ဖြစ်သည်။</p> <p>"အကြောင်းအကျိုး အစွမ်းတွေက နက်နဲဆန်းကြယ်လွန်းတယ်... သန္ဓေပြောင်းစွမ်းအင် စစ်ဆေးတဲ့ အစွမ်းကနေ ခွဲခြမ်းစိတ်ဖြာထားတဲ့ ရလဒ်တွေအရ ဒီအစွမ်းက စိတ်စွမ်းအင်နဲ့ ခန္ဓာကိုယ်ကြံ့ခိုင်မှု အရည်အသွေး နှစ်ခုနဲ့ အဓိက သက်ဆိုင်နေတယ်"</p> <p>ထိုအထဲတွင် စိတ်စွမ်းအင်က အဓိက အရည်အသွေး ဖြစ်နေသဖြင့် စိတ်စွမ်းအင်ဘက်မှ စတင်၍ ကြိုးစားရမည်ဟု ထင်ရသည်။</p> <p>လင်းယွမ်က မျက်လုံးများကို မှိတ်လိုက်ပြီး သင်္ကေတများကို သေချာစွာ စတင် တွက်ချက်ကာ စိတ်စွမ်းအင်ဖြင့် သင်္ကေတ လမ်းကြောင်းများကို အဆက်မပြတ် ပုံဖော်ကြည့်လိုက်သည်။</p> <p>အချိန်များ တရွေ့ရွေ့ ကုန်ဆုံးသွားပြီးနောက် ပြဿနာတစ်ခုကို သူ တဖြည်းဖြည်း ရှာဖွေတွေ့ရှိသွားသည်။</p> <p>အကြောင်းအကျိုး အစွမ်းများက ခန္ဓာကိုယ်ကြံ့ခိုင်မှုအပေါ် အတိုင်းအတာတစ်ခုအထိ လိုအပ်ချက် ရှိနေခြင်းမှာ စိတ်စွမ်းအင် သုံးစွဲမှု များပြားလွန်းသဖြင့် ခန္ဓာကိုယ်ကြံ့ခိုင်မှုအပေါ် ကြီးမားသော သက်ရောက်မှု ရှိနေသောကြောင့် ဖြစ်ပေမည်။</p> <p>အနည်းဆုံးတော့ လက်ရှိ သူ၏ ခန္ဓာကိုယ်ကြံ့ခိုင်မှုဖြင့် အချိန်ကြာမြင့်စွာ တွက်ချက်ပုံဖော်ပြီးနောက်တွင်ပင် ပင်ပန်းနွမ်းနယ်မှုကို ခံစားလာရသည်။</p> <p>ညဆယ်နာရီကျော် အချိန်အထိ ရောက်သောအခါ လင်းယွမ်က ဤလေ့လာမှုကို ရပ်တန့်လိုက်ပြီး အိမ်သို့ ပြန်လာခဲ့သည်။</p> <p>ရန်မေတို့ လူစုလည်း ပြန်ရောက်နေကြပြီ ဖြစ်သည်။</p> <p>နောက်ရက်များတွင် လင်းယွမ်က သုတေသနခန်းနှင့် ခေါင်းဆောင်အိမ်တော်တို့တွင်သာ အာရုံစိုက်၍ လေ့ကျင့်နေခဲ့သည်။</p> <p>နေ့စဉ် အချိန်လုကာ သားသတ်ရုံသို့ သွားရောက်၍ အမှတ်များကို ရယူခဲ့သည်။</p> <p>ရက်အနည်းငယ် အတွင်းမှာပင် သူ၏ အမှတ်များက နှစ်သိန်းကျော်အထိ ထပ်မံ မြင့်တက်လာခဲ့သည်။</p> <p>ထို့ကြောင့် လင်းယွမ်၏ စိတ်ထဲတွင် အတော်လေး ကျေနပ်သွားမိသည်။</p> <p>"လောစရာ မလိုပါဘူး... ငါ ဘာမှမလုပ်ဘဲ ထိုက်ယန်တောင်မှာ အေးအေးဆေးဆေး နေပြီး ဖြည်းဖြည်းချင်း တိုးတက်အောင် လုပ်မယ်... အမှတ်တွေ အများကြီး စုဆောင်းမယ်ဆိုရင်တောင် မျိုးရိုးဗီဇ အရည်အသွေးတွေကို အစောကြီး မဟုတ်ရင်တောင် တစ်နေ့နေ့မှာ အပြည့် ဖြည့်နိုင်မှာပါ"</p> <p>"အဲ့ဒီအချိန်ကျရင် ဘာသာရေးဂိုဏ်းကြီး သုံးခုဖြစ်ဖြစ် တပ်ဖွဲ့ဖြစ်ဖြစ် ဘယ်သူမှ ငါ့ပြိုင်ဘက် ဖြစ်လာမှာ မဟုတ်တော့ဘူး"</p> <p>လင်းယွမ်က လုံးဝ အလျင်စလို မဖြစ်ပေ။ အချိန်သည် အမြဲတမ်း သူ၏ မိတ်ဆွေ ဖြစ်နေခဲ့သည်။</p> <p>နေ့စဉ် အမှတ် တစ်သောင်းကျော် ရရှိနေသဖြင့် သူက တစ်လအတွင်း အမှတ် သုံးသိန်းကျော် စုဆောင်းနိုင်မည် ဖြစ်သည်။</p> <p>မဟုတ်သေး။ ယခု လင်းယွမ် ခေါ်ဆောင်လာသော လူအင်အား အမြောက်အမြားကြောင့် အမှတ်တက်လာသည့် နှုန်းက နှစ်ဆအထိ မြင့်တက်လာခဲ့ပြီ ဖြစ်သည်။</p> <p>ယခုဆိုလျှင် နေ့စဉ် အနည်းဆုံး အမှတ် နှစ်သောင်းခန့် ရရှိနေပြီ ဖြစ်ရာ တစ်လဆိုလျှင် အမှတ် ခြောက်သိန်းအထိ ရောက်ရှိသွားမည် ဖြစ်သည်။</p> <p>အခြေခံ ပစ္စည်းများနှင့် စက်ပစ္စည်း အမျိုးမျိုး လဲလှယ်သည့်စရိတ် ဖယ်လိုက်လျှင်ပင် လင်းယွမ်က တစ်လလျှင် အနည်းဆုံး အမှတ် ငါးသိန်းခန့် စုဆောင်းမိမည် ဖြစ်သည်။</p> <p>နှစ်လသာ အချိန်ယူလိုက်မည်ဆိုပါက လင်းယွမ်က အမှတ် တစ်သန်းအထိ ထပ်မံ စုဆောင်းနိုင်မည် ဖြစ်သည်။</p> <p>"အခုလောလောဆယ် အကြောင်းအကျိုး အစွမ်းကို သဘောမပေါက်သေးဘူးဆိုရင်တောင် အချိန်တန်ရင် အမှတ် ငါးသိန်း ပေးပြီး တိုက်ရိုက် လဲပစ်လိုက်မယ်... မရဘူးဆိုတာ ငါ မယုံဘူး"</p> <p>လင်းယွမ်က စိတ်ထဲတွင် ခိုင်မာစွာ ဆုံးဖြတ်လိုက်သည်။ ထို့ကြောင့် နောက်ရက်များတွင် သူက ထိုက်ယန်တောင်ကို အုပ်ချုပ်ရင်း တစ်ဖက်မှလည်း သွေးရေခဲထဲရှိ ရေခဲဓာတ် မျိုးရိုးဗီဇကို သူကိုယ်တိုင် ထုတ်ယူနိုင်မည့် လုပ်ငန်းစဉ်ကို စတင် လေ့လာနေခဲ့သည်။</p> <p>ထိုအချိန်အတောအတွင်း သူက ကျောက်ခိုင်ကို သွားရှာခဲ့သည်။</p> <p>"အစ်ကိုလင်း... ကျွန်တော့်ကို ရှာနေတာလား"</p> <p>"အင်း... ခုတလော အစွမ်းလေ့ကျင့်တဲ့ဘက်မှာ ဘယ်လိုနေလဲ" လင်းယွမ်က ပြုံးရင်း မေးလိုက်သည်။</p> <p>ကျောက်ခိုင်က ခေါင်းကုတ်လိုက်သည်။ သူက အပြင်ဘက်တွင် အေးစက်စက် နေတတ်သော်လည်း လင်းယွမ်၏ အရှေ့တွင်မူ လင်းယွမ်နှင့် ပထမဆုံးအကြိမ် တွေ့ဆုံခဲ့ရသကဲ့သို့ အမြဲတမ်း လူငယ်လေး တစ်ယောက်လို ဖြစ်နေတတ်သည်။</p> <p>"ဒီအတောအတွင်း စစ်စခန်းက ကိစ္စတွေ နည်းနည်းများနေလို့ တကယ်ကို မအားလပ်တာနဲ့ လေ့ကျင့်တဲ့နေရာမှာ နည်းနည်း ပေါ့လျော့သွားတယ်"</p> <p>ထိုစကားကို ကြားလိုက်ရချိန်တွင် လင်းယွမ်၏ မျက်နှာက ချက်ချင်း တည်ကြက်သွားပြီး ပြောလိုက်သည်။ "အဲ့ဒီကိစ္စတွေကို လက်အောက်ငယ်သားတွေဆီ လွှဲပေးထားလိုက်ရင် ရပြီလေ... မင်းရဲ့ အစွမ်း တိုးတက်နှုန်းကို ကျဆင်းမသွားအောင် သေချာပေါက် ဂရုစိုက်ရမယ်"</p> <p>ကျောက်ခိုင်က ချက်ချင်း ခေါင်းညိတ်ကာ ပြောလိုက်သည်။ "ကျွန်တော် နည်းပြအဖွဲ့တစ်ဖွဲ့ ဖွဲ့စည်းထားပါတယ်... သူတို့က လူသစ်တွေကို ခွဲပြီး စီမံခန့်ခွဲပေးနေတော့ ကျွန်တော့်အတွက် အချိန်တော်တော် သက်သာသွားပါတယ်"</p> <p>လင်းယွမ်က ခေါင်းညိတ်ကာ ပြောလိုက်သည်။ "ခေါင်းဆောင် တစ်ယောက်အနေနဲ့ ကိစ္စတိုင်းကို ကိုယ့်လက်ထဲမှာချည်းပဲ ဆုပ်ကိုင်မထားသင့်ဘူး... အဓိကနဲ့ သာမည... အရေးကြီးတာနဲ့ အရေးမကြီးတာကို ခွဲခြားတတ်အောင် သင်ယူရမယ်... ပြီးတော့ လူကို သုံးတတ်အောင်လည်း သင်ယူရမယ်"</p> <p>"မင်းက ငါ့နောက်ကို အစောဆုံး လိုက်ခဲ့တဲ့ လူတွေထဲက တစ်ယောက်ပဲ... ငါကလည်း မင်းကို အဓိကထားပြီး ပျိုးထောင်ပေးဖို့ အမြဲတမ်း စဉ်းစားထားတာ"</p> <p>"ဒါကြောင့် မင်းရဲ့ စွမ်းရည်တွေ လုံးဝ ကျဆင်းသွားလို့ မဖြစ်ဘူး... အထူးသဖြင့် အခုဆို ထိုက်ယန်တောင် တစ်တောင်လုံးမှာ ရေခဲဓာတ် အစွမ်းပိုင်ရှင်တွေ သိပ်မရှိဘူး... မင်းက အရည်အသွေး အမှတ် ၅၀ အထိ ရောက်အောင် အစွမ်းကုန် ကြိုးစားသင့်တယ်... နားလည်လား"</p> <p>ကျောက်ခိုင်က ခေါင်းညိတ်ကာ လေးနက်စွာ ပြောလိုက်သည်။ "ကျွန်တော် နားလည်ပါပြီ အစ်ကိုလင်း"</p> <p>ပြီးခဲ့သည့် အစည်းအဝေး ပြီးကတည်းက လင်းယွမ်က ကျောက်ခိုင်၏ အဓိက အရည်အသွေး အမှတ်ကို ပထမဆုံးအကြိမ် စစ်ဆေးကြည့်ခဲ့ပြီး ဖြစ်သည်။</p> <p>ကျောက်ခိုင်၏ အဓိက အရည်အသွေးက သဘာဝအရ စိတ်စွမ်းအင် ဖြစ်ပြီး လက်ရှိတွင် ၄၅ မှတ် ရှိနေပြီ ဖြစ်သည်။</p> <p>အလွန်အမင်း မြင့်မားသည်ဟု မဆိုနိုင်သော်လည်း သူက မိန်တောင် တည်ဆောက်ရေးတွင် အလုပ်များနေသဖြင့် စွမ်းရည်များကို လျင်မြန်စွာ မမြှင့်တင်နိုင်ခဲ့ခြင်း ဖြစ်ကြောင်း လင်းယွမ် နားလည်ပေးနိုင်သည်။</p> <p>နောက်ပိုင်းတွင် လူချင်းတွေ့ဆုံ ဆွေးနွေးပြီးနောက် သူ၏ လက်ထဲရှိ အလုပ်များကို ခဏချထားကာ အစွမ်းများကို အာရုံစိုက် မြှင့်တင်ရန် ပြောခဲ့ပြီးနောက် ဤရက်အနည်းငယ်အတွင်း မည်သို့ ဖြစ်နေပြီလဲဟု သူ မသိခဲ့ပေ။</p> <p>ထိုအကြောင်းကို တွေးမိသောအခါ လင်းယွမ်က စွမ်းအင်တိုင်းမျက်မှန်ကို ထုတ်ယူကာ စစ်ဆေးကြည့်လိုက်သည်။</p> <p>"မဆိုးပါဘူး... ၄၆ မှတ်တောင် ရောက်နေပြီပဲ... မင်း မြန်မြန် လေ့ကျင့်လိုက်... အမှတ် ၅၀ ပြည့်သွားတဲ့အချိန်ကျရင် မျိုးရိုးဗီဇ အမွေအနှစ် နိုးထလာပြီး မျိုးရိုးဗီဇမျိုးစေ့ကို ထုတ်ယူနိုင်တဲ့ အမွေအနှစ် မှတ်ဉာဏ်တွေ ရလာလိမ့်မယ်"</p> <p>"အခု ငါ့လက်ထဲမှာ ရေခဲဓာတ် သွေးတွေ အလုံအလောက် ရှိတယ်... မင်းအတွက် ရေခဲဓာတ် မျိုးရိုးဗီဇ အမြောက်အမြား ထောက်ပံ့ပေးဖို့ လုံလောက်တယ်... မင်း မျိုးရိုးဗီဇမျိုးစေ့ကို မြန်မြန် စုစည်းနိုင်လေလေ ငါတို့ ထိုက်ယန်တောင်မှာ ဒုတိယမြောက် မျိုးရိုးဗီဇမျိုးစေ့ အစွမ်းရှင် တစ်ယောက် ထပ်ရလာလေလေပဲ"</p> <p>ကျောက်ခိုင်က လင်းယွမ်၏ စေတနာကို နားလည်သဖြင့် ချက်ချင်း ခေါင်းညိတ်ကာ ပြောလိုက်သည်။ "စိတ်ချပါ အစ်ကိုလင်း... ကျွန်တော် အမြန်ဆုံး အဓိက အရည်အသွေးကို မြှင့်တင်လိုက်ပါ့မယ်"</p> <p>လင်းယွမ်က ပြုံးရယ်လိုက်ပြီး သူနှင့် အတန်ကြာ စကားပြောဆိုပြီးနောက် မိန်တောင်မှ ထွက်ခွာလာခဲ့သည်။</p> <p>သုတေသနနှင့် ဖွံ့ဖြိုးတိုးတက်ရေးဌာနသို့ တစ်ဖန် ပြန်လည် ရောက်ရှိလာသောအခါ ဤနေရာရှိ လေထုက အတော်လေး အသက်ဝင်နေသည်။</p> <p>ပါမောက္ခ လီဟန်ကျုံး မရှိသည်မှအပ ဖုချီပေါ်အပါအဝင် အခြားသူများအားလုံး ဤနေရာတွင် ရှိနေကြသည်။</p> <p>လီယွဲ့ကျင်းနှင့် ဦးလေးရန်တို့က ထောက်လှမ်းရေး သင်္ကေတများကို အတူတကွ လေ့လာနေကြပြီး ထောက်လှမ်းရေး သင်္ကေတများ ထပ်မံ ပွားယူကာ စွမ်းအင်တိုင်းမျက်မှန်နှင့် ဝိညာဉ်စွမ်းအင် ထောက်လှမ်းရေးအိမ်မြှောင် စသည့် စက်ပစ္စည်းများကို ပိုမို ထုတ်လုပ်ရန် ရည်ရွယ်ထားကြသည်။</p> <p>ရမ်ကျဲနှင့် ဖုချီပေါ်တို့ကမူ စွမ်းအင်ချိတ်ပိတ် သင်္ကေတများကို လက်နက်များနှင့် ပေါင်းစပ်ရန် ကြိုးစားနေကြပြီး ပိုမို အစွမ်းထက်သော လက်နက်ကိရိယာများကို ဖန်တီးရန် ရည်ရွယ်ထားကြသည်။</p> <p>ပါမောက္ခ လီဟန်ကျုံးအတွက်မူ သူက မျိုးရိုးဗီဇ မီးဖို ကိစ္စနှင့် ပတ်သက်၍ အမြဲတမ်း စဉ်းစားနေခဲ့သည်။</p> <p>သို့သော် လင်းယွမ်က အနည်းငယ် အံ့သြသွားသည်။ ယနေ့တွင် သူက ရှိမနေခဲ့ပေ။</p> <p>လင်းယွမ်က ဖုချီပေါ်ကို ရှာတွေ့သွားပြီး မေးလိုက်သည်။ "ပါမောက္ခလီရော"</p> <p>ဖုချီပေါ်က ပြန်ဖြေလိုက်သည်။ "ရှန်ယွင်ရှီး ဆိုတဲ့ မိန်းမတစ်ယောက်က ပါမောက္ခလီရဲ့ သူငယ်ချင်းဆိုပြီး လာရှာသွားတယ်... သူက အဲ့ဒီနာမည်ကို ကြားတာနဲ့ ချက်ချင်း ထွက်သွားတာ အခုထိ ပြန်မလာသေးဘူး"</p> <p>ထိုစကားကို ကြားလိုက်ရချိန်တွင် ဘာဖြစ်သွားသည်ကို လင်းယွမ်က ချက်ချင်း နားလည်သွားသည်။</p> <p>ရှန်ယွင်ရှီးနှင့် လင်းယာတို့က စစ်မှုထမ်းရန် စီစဉ်ပေးခံရပြီးနောက် ရှန်ယွင်ရှီးက သိပ်မနေနိုင်တော့ဘဲ သူငယ်ချင်းဟောင်းများနှင့် တွေ့ဆုံရန် မစောင့်နိုင်တော့ခြင်း ဖြစ်ပေလိမ့်မည်။</p> <p>ထိုအကြောင်းကို တွေးမိသောအခါ လင်းယွမ်က ဒေါသမထွက်မိပေ။ ကမ္ဘာ့ရေလွှမ်းမိုးမှုကြီး ဖြစ်ပွားချိန်မှ စတင်ကာ ယခုအချိန်အထိ အိမ်ရာမဲ့ဖြစ်သွားသူ မည်မျှပင် ရှိနေပြီနည်း။</p> <p>ရင်းနှီးသော သူငယ်ချင်းတစ်ယောက်ကို ရှာတွေ့ခြင်းက သဘာဝအရ မည်သည့်အရာထက်မဆို ပို၍ စိတ်လှုပ်ရှား ဝမ်းသာစရာ ကောင်းလှသည်။</p> <p>လင်းယွမ်က ဤသို့သော ခံစားချက်မျိုးကို သဘာဝကျကျ နားလည်ပေးနိုင်သဖြင့် ပြုံးရုံသာ ပြုံးလိုက်ပြီး ပြောလိုက်သည်။ "စွမ်းအင်ချိတ်ပိတ် သင်္ကေတ လေ့လာတာကရော ဘယ်လိုနေပြီလဲ"</p> <p>ဖုချီပေါ်က ချက်ချင်း စိတ်လှုပ်ရှားစွာဖြင့် ပြောလိုက်သည်။ "ကျွန်တော်တို့ စွမ်းအင်ချိတ်ပိတ် သင်္ကေတတွေကို ပွားယူနိုင်နေပါပြီ... ဒီစွမ်းအင်ချိတ်ပိတ် သင်္ကေတက တကယ်ကို ထူးခြားဆန်းကြယ်ပြီး သန္ဓေပြောင်းစွမ်းအင်တွေရဲ့ စီးဆင်းမှုကို ပိတ်လှောင်ထားနိုင်တယ်"</p> <p>"ဒီနည်းလမ်းကတစ်ဆင့် အစွမ်းတွေကို ချိတ်ပိတ်ထားနိုင်တဲ့ အာနိသင်ကို ဖြစ်ပေါ်စေတယ်"</p> <p>"ဒါက တစ်ယောက်ယောက်ရဲ့ အစွမ်းကို တိုက်ရိုက် ဖယ်ရှားပစ်တာ မဟုတ်ဘဲ ချိတ်ပိတ်လိုက်တာ... စွမ်းအင်ချိတ်ပိတ် သင်္ကေတဆိုတဲ့ နာမည်က တကယ်ကို မှန်ကန်လွန်းတယ်"</p> <p>လင်းယွမ်က ပြုံးရင်း မေးလိုက်သည်။ "ခင်ဗျားတို့က ဒီသင်္ကေတကို သုံးပြီး ဘယ်လို စက်ပစ္စည်းတွေ လုပ်ဖို့ ရည်ရွယ်ထားတာလဲ"</p> <p>ဖုချီပေါ်က ချက်ချင်း ပြောလိုက်သည်။ "ဒီသင်္ကေတက အစွမ်းပိုင်ရှင်တွေကို ဖမ်းဆီးချုပ်နှောင်ဖို့ အသင့်တော်ဆုံးပါပဲ"</p> <p>"လက်ထိတ်တွေ... လှောင်ချိုင့်တွေ... ထောင်ချောက်တွေ စတာတွေ အားလုံးမှာ ဒီသင်္ကေတကို အသုံးပြုလို့ ရတယ်"</p> <p>"ပြီးတော့ ခေါင်းဆောင် ယူလာတဲ့ အစီအရင် သဘောတရားကိုလည်း စွမ်းအင်ချိတ်ပိတ် သင်္ကေတနဲ့ ပေါင်းစပ်ပြီး ခေါင်းဆောင် ပြောခဲ့တဲ့ စွမ်းအင်ချိတ်ပိတ် အစီအရင်ကြီးကို ဖန်တီးလို့ ရတယ်"</p> <p>"ဒီအစီအရင်ကြီးရဲ့ နည်းလမ်းက အစွမ်းပိုင်ရှင်တွေအတွက် တားမြစ်နယ်မြေကို လူလုပ် ဖန်တီးနိုင်ပြီး... တစ်ဖက်လူရဲ့ အစွမ်းတွေကို ချိတ်ပိတ်ထားနိုင်တဲ့ ရည်ရွယ်ချက်ကို ရောက်ရှိစေနိုင်တယ်"</p> <p>"နောက်တစ်ချက်က လက်နက်အနေနဲ့ သုံးမယ်ဆိုရင် သူ့ရဲ့ အကြီးမားဆုံး အသုံးဝင်မှုက အကာအကွယ်ဖျက်ဆီးတဲ့ နေရာမှာ အသုံးပြုသင့်တယ်လို့ ကျွန်တော် ထင်တယ်"</p> <p>လင်းယွမ်က ချက်ချင်း စိတ်ဝင်စားသွားသည်။ "အကာအကွယ် ဖျက်ဆီးတာလား"</p> <p>"ဟုတ်ပါတယ်... အစွမ်းပိုင်ရှင်တော်တော်များများမှာ အကာအကွယ် နည်းလမ်းတွေ ရှိကြတယ်... ဒါပေမဲ့ ဒီအကာအကွယ် နည်းလမ်းတွေက အခြေခံအားဖြင့် အစွမ်းကို အခြေခံပြီး အသုံးပြုထားကြတာ... တစ်ဖက်လူရဲ့ အစွမ်းကိုသာ ချိတ်ပိတ်နိုင်ခဲ့ရင် ဒီအကာအကွယ် နည်းလမ်းတွေက ချက်ချင်း အသုံးမဝင်တော့ဘူး"</p> <p>"အဲ့ဒီအချိန်မှာ စွမ်းအင်ချိတ်ပိတ် သင်္ကေတ ပါရှိတဲ့ လက်နက်တွေက တစ်ဖက်လူကို သာမန်လူ အခြေအနေအထိ အတင်းအဓမ္မ ဆွဲချပြီး တိုက်ခိုက်လို့ ရနိုင်တယ်"</p> <p>လင်းယွမ်က ခေါင်းအနည်းငယ် ညိတ်ကာ ပြုံးလိုက်သည်။</p> <p>ဖုချီပေါ်က တကယ်ကို လက်နက်ဒီဇိုင်းပိုင်းတွင် ပါရမီရှင် တစ်ယောက် ဖြစ်ပြီး ဤအတွေးအခေါ်က အလွန် မှန်ကန်လှသည်။</p> <p>ဝိညာဉ်စွမ်းအင်ဂိုဏ်း၏ ချိတ်ပိတ်မြှားများတွင်လည်း ဤကဲ့သို့သော အကာအကွယ် ဖျက်ဆီးသည့် လုပ်ဆောင်ချက်များ ပါဝင်နေသည်။</p> <p>ထိုအချိန်တွင် ရမ်ကျဲက စကားစပြောလိုက်သည်။ "ဆရာလင်း... ကျွန်တော်တို့ဘက်မှာလည်း စွမ်းအင်သုံး သေနတ်တွေကို ထုတ်လုပ်နိုင်ခဲ့ပါပြီ... ဒါပေမဲ့ ရလဒ်က သိပ်ပြီး အားရစရာ မကောင်းသေးဘူး... စွမ်းအင် ပေါက်ကွဲအားက မဆိုးပေမဲ့ ဒါက အရင်က သာမန်လူတွေအတွက် နှိုင်းယှဉ်ရင်ပဲ အဆင်ပြေတယ်"</p> <p>"အခုခေတ်က အစွမ်းပိုင်ရှင်တွေအတွက်ဆိုရင် သေနတ်တွေက အသက်အန္တရာယ် ပေးနိုင်တဲ့ ခြိမ်းခြောက်မှု မဟုတ်တော့ဘူး"</p> <p>"အလျင်အစွမ်းပိုင်ရှင်တွေဆိုရင် သေနတ်တွေနဲ့ ကျည်ဆန်တွေကို အလွယ်တကူ ရှောင်တိမ်းနိုင်ကြတယ်... သူတို့ ခုတ်ပိုင်းလိုက်တဲ့ ဓားချက်တွေက ကျည်ဆန်ထက်တောင် ပိုမြန်နေသေးတယ်"</p> <p>"တခြား အစွမ်းပိုင်ရှင်တွေကလည်း သေနတ်တွေနဲ့ ရင်ဆိုင်ရတဲ့အခါ ကာကွယ်ဖို့ နည်းလမ်းတွေ အများကြီး ရှိနေကြတယ်"</p> <p>"သေနတ်တွေက တကယ်ပဲ ခေတ်နောက်ကျသွားတော့မယ် ထင်တယ်... အနည်းဆုံးတော့ အစွမ်းပိုင်ရှင်တွေ ကြားထဲမှာ ခေတ်စားလာဖို့ ခက်ခဲလိမ့်မယ်"</p> <p>ထိုစကားကို ကြားသောအခါ လင်းယွမ်က သိပ်ပြီး စိတ်ပျက်မသွားဘဲ သက်ပြင်းချကာ ပြောလိုက်သည်။ "ဒီလို အခြေအနေမျိုး ဖြစ်လာမယ်ဆိုတာ ကျွန်တော် အစောကြီးကတည်းက သိတယ်"</p> <p>ကမ္ဘာ့ရေလွှမ်းမိုးမှုကြီး ဖြစ်ပွားပြီးနောက် သေနတ်များအတွက် ကျည်ဆန်နှင့် ယမ်းမှုန့်များ လိုအပ်လာသည်။ ဤသို့သော အခြေအနေမျိုးတွင် ယမ်းမှုန့်များကို ရှာဖွေရန် နေရာပင် မရှိတော့ဘဲ ရှာတွေ့ခဲ့လျှင်ပင် အစိုပြန်ရန် လွယ်ကူလှသည်။</p> <p>ထို့ကြောင့် ယမ်းမှုန့် လက်နက်များက လုံးဝ ခေတ်နောက်ကျ သွားခဲ့ပြီ ဖြစ်သည်။</p> <p>အစွမ်းများနှင့် ပေါင်းစပ်ထားသော လက်နက်သစ်များသာလျှင် တကယ်တမ်း ခေတ်စားလာနိုင်ပေလိမ့်မည်။</p> <p>ရမ်ကျဲက ဆက်ပြောလိုက်သည်။ "ကျွန်တော် စဉ်းစားပုံကို ပြောင်းလဲပြီး သန္ဓေပြောင်းစွမ်းအင်သုံး သေနတ်တွေကို လေ့လာဖို့ ရည်ရွယ်ထားတယ်... အခု စွမ်းအင်ချိတ်ပိတ် သင်္ကေတက အရမ်းကောင်းတဲ့ သင်္ကေတတစ်ခုပဲ... သေနတ်တွေမှာ သုံးလိုက်ရင် အကာအကွယ် ဖျက်ဆီးတဲ့ အာနိသင်ကို ဖြစ်ပေါ်စေနိုင်တယ်"</p> <p>"ဒါဆိုရင် သာမန်လူတွေတောင် အစွမ်းပိုင်ရှင်တွေကို ခြိမ်းခြောက်နိုင်စွမ်း ရှိလာလိမ့်မယ်"</p> <p>လင်းယွမ်က ခေါင်းညိတ်ကာ ပြုံးရင်း ပြောလိုက်သည်။ "ခင်ဗျားမှာ အကြံဉာဏ် ရှိရင်လည်း သေချာ လေ့လာကြည့်လိုက်ပါ"</p> <p>လင်းယွမ် အလွန် ရှင်းလင်းစွာ သိထားသည်။ သူတို့၏ ထိုက်ယန်တောင်က မလေ့လာလျှင်ပင် ဘာသာရေးဂိုဏ်းကြီး သုံးခုနှင့် တပ်ဖွဲ့တို့က သေချာပေါက် လေ့လာနေကြပေလိမ့်မည်။</p> <p>သန္ဓေပြောင်းစွမ်းအင်သုံး သေနတ်များက အစောကြီးမဟုတ်လျှင်တောင် တစ်နေ့နေ့တွင် ပေါ်ထွက်လာပေလိမ့်မည်။ အကယ်၍ သူသာ နောက်ကောက်ကျန်ခဲ့ပါက အစောကြီးမဟုတ်လျှင်တောင် တစ်နေ့နေ့တွင် အထိနာရပေလိမ့်မည်။</p> <p>ယခင်က သူ အားနည်းနေသေးချိန်တွင် စနစ်ထဲမှ မဲဖောက်ရရှိသော သေနတ်များ ပြန့်နှံ့သွားပါက အခြားသူများ၏ ချုံခိုတိုက်ခိုက်ခြင်းကို ခံရမည်ကို စိုးရိမ်ခဲ့ရသည်။</p> <p>ယခုအခါ သူက တစ်နေ့တခြား ပိုမို အစွမ်းထက်လာသည်နှင့်အမျှ သေနတ်များက သူ၏ အသက်အန္တရာယ်ကို ခြိမ်းခြောက်နိုင်ရန် ခက်ခဲသွားပြီ ဖြစ်သည်။</p> <p>သန္ဓေပြောင်းစွမ်းအင်သုံး လက်နက်များ ဖြစ်လျှင်ပင် လင်းယွမ်က ယခုအချိန်တွင် ကာကွယ်နိုင်ရန် ကိုယ့်ကိုယ်ကိုယ် ယုံကြည်မှု ရှိနေသည်။</p> <p>ထို့ကြောင့် သေနတ်လက်နက်များ ဖွံ့ဖြိုးတိုးတက်လာခြင်းကို သူက ပစ်ပယ်ထားခြင်း မရှိပေ။</p> <p>"သေနတ်ကိစ္စတွေကို ကျွန်တော် နားမလည်ပါဘူး... ခင်ဗျား အေးအေးဆေးဆေးသာ လေ့လာပါ... ဘာလိုလဲဆိုတာကို ကျွန်တော့်ကို ပြောပြ... ကျွန်တော် နည်းလမ်း ရှာပေးမယ်"</p> <p>ရမ်ကျဲက ချက်ချင်း ခေါင်းညိတ်ကာ ဝမ်းသာအားရဖြင့် ပြောလိုက်သည်။ "ဆရာလင်းရဲ့ အထောက်အပံ့အတွက် ကျေးဇူးတင်ပါတယ်"</p> <p>လင်းယွမ်က ပြုံးရယ်ကာ ပြောလိုက်သည်။ "လောလောဆယ် အရေးအကြီးဆုံးက မျိုးရိုးဗီဇ မီးဖိုပဲ... ပါမောက္ခလီ ပြန်လာရင် ကျွန်တော့်ကို အကြောင်းကြားပါ... သူ့ဆီမှာ ဘယ်လို အကြံဉာဏ်ကောင်းတွေ ရှိလဲဆိုတာ ကျွန်တော် နားထောင်ချင်သေးတယ်"</p> <p>ဖုချီပေါ်က ပြောလိုက်သည်။ "ဒီရက်ပိုင်းအတွင်း ပါမောက္ခလီက ဒီအကြောင်းအရာကိုပဲ အမြဲတမ်း လေ့လာနေခဲ့တာပါ... သူ မူကြမ်းတွေ အများကြီး ရေးထားတာကို ကျွန်တော် တွေ့လိုက်ရတယ်... သူ့မှာ အကြံဉာဏ်တွေ ရှိနေလောက်ပြီလို့ ထင်တယ်"</p> <p>ရမ်ကျဲကလည်း ပြောလိုက်သည်။ "ဆရာလင်း... အထဲက ရုံးခန်းထဲမှာ အရင် သွားထိုင်နေပါလား... ခဏနေ ပါမောက္ခလီ ပြန်ရောက်လာရင် ကျွန်တော် လူလွှတ်ပြီး ခေါ်ခိုင်းလိုက်ပါ့မယ်"</p> <p>လင်းယွမ်က ခေါင်းညိတ်လိုက်ပြီး သုတေသနနှင့် ဖွံ့ဖြိုးတိုးတက်ရေးဌာန၏ တားမြစ်ခန်းထဲသို့ ဝင်သွားခဲ့သည်။</p> <p>ဤနေရာတွင် သုတေသနနှင့် ဖွံ့ဖြိုးတိုးတက်ရေးဌာနမှ သုတေသနပြုလုပ်၍ ထုတ်လုပ်ထားသော အဆင့်အမြင့်ဆုံး လက်နက်ကိရိယာ အမျိုးမျိုး ရှိနေသည်။</p> <p>ထို့အပြင် သင်္ကေတအရိုး အမျိုးမျိုးကိုလည်း သိမ်းဆည်းထားပြီး သုတေသနနှင့် ဖွံ့ဖြိုးတိုးတက်ရေးဌာနမှ ဝန်ထမ်းများအနေဖြင့် ဤသင်္ကေတများကို မည်သည့်နေရာတွင် အသုံးပြုနိုင်မည်ဆိုသည်ကို ရည်ညွှန်းကိုးကားရန်နှင့် စိတ်ကူးပုံဖော်ရန်အတွက် အဆင်ပြေစေသည်။</p> <p>လင်းယွမ် ယခုတစ်ကြိမ် လာရောက်ခြင်းမှာလည်း ဤနေရာရှိ သင်္ကေတအရိုးများထဲတွင် သူ့အတွက် စိတ်ကူးဉာဏ် ကွန့်မြူးစေမည့်အရာများ ရှိမရှိ ကြည့်ရှုချင်သောကြောင့် ဖြစ်သည်။</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save