Book List

<h2 style="text-align: center;">အပိုင်း(၄၅၄)</h2> <h2 style="text-align: center;">ကံကောင်း ကျောက်ဆူးနှင့် ထိခိုက်မှု လွှဲပြောင်းခြင်း</h2> <h2 style="text-align: center;">*</h2> <p> </p> <p> </p> <p>လင်းယွမ်က သူ၏ လက်ထဲရှိ အရိုးမြှားပုံစံ သင်္ကေတအရိုးကို သေချာစွာ လေ့လာကြည့်လိုက်သည်။</p> <p>ထိုသင်္ကေတအရိုးက တစ်ဖက်တွင် ချွန်ထက်နေပြီး တစ်ခုလုံးက ပြားချပ်နေကာ သန္ဓေပြောင်း ငါးတစ်မျိုးမျိုး၏ ခေါင်းပေါ်မှ ထွက်လာသော ချွန်ထက်သည့် ဆူးတောင်တစ်ခုနှင့် တူနေ၏။</p> <p>ထို့ပြင် အန်းကုန်းငါး၏ ခေါင်းပေါ်ရှိ ဆူးချွန်နှင့်လည်း အနည်းငယ် ဆင်တူနေသည်။</p> <p>တစ်ခုလုံးက အဖြူရောင်ဖြစ်ပြီး ယင်းအပေါ်တွင် သေးငယ်သော သင်္ကေတများ ရစ်ပတ်နေကာ ဖျော့တော့သော အစိမ်းနုရောင် အလင်းတန်းများ လင်းလက်နေသည်။</p> <p>ဤကဲ့သို့သော သင်္ကေတများကို စိတ်စွမ်းအင်ဖြင့် အာရုံမခံနိုင်ပါက သာမန်မျက်စိဖြင့် သေချာစွာ မြင်တွေ့နိုင်ရန် အလွန် ခက်ခဲပေမည်။</p> <p>လင်းယွမ်က သန္ဓေပြောင်းစွမ်းအင် စစ်ဆေးခြင်း အစွမ်းကို ဖွင့်လိုက်ရာ သူ၏ စိတ်ထဲတွင် များပြားလှသော ခွဲခြမ်းစိတ်ဖြာမှု အချက်အလက်များ ထွက်ပေါ်လာတော့သည်။</p> <p>အမည် - ဓားရှည်ငါး အရိုးဆူး</p> <p>အဓိက အရည်အသွေး - စိတ်စွမ်းအင် အမျိုးအစား</p> <p>ဒုတိယ အရည်အသွေး - ခန္ဓာကိုယ်ကြံ့ခိုင်မှု</p> <p>အစွမ်း အမျိုးအစား - အကြောင်းအကျိုး</p> <p>လင်းယွမ်က ချက်ချင်း ပြုံးလိုက်ပြီး "အကြောင်းအကျိုး အမျိုးအစား အစွမ်း တကယ်ကြီး ရှိနေတာပဲ"</p> <p>ထို့နောက် သူက ဓားရှည်ငါး အရိုးဆူးကို ချက်ချင်း သိမ်းဆည်းလိုက်ပြီး ထိုနေရာမှာပင် စတင် နားလည်သဘောပေါက်ရန် ကြိုးစားလိုက်သည်။</p> <p>ခရမ်းရောင်အဆင့်ရှိ သင်္ကေတအရိုးများနှင့် နှိုင်းယှဉ်ပါက အစိမ်းရောင်အဆင့် သင်္ကေတအရိုးများပေါ်ရှိ အကြောင်းအကျိုး အမျိုးအစား အစွမ်းများက အလွန်အမင်း နည်းပါးသွားလေ့ရှိသည်။</p> <p>လင်းယွမ်က အကြိမ်အနည်းငယ်မျှ စမ်းသပ်ကြည့်ပြီးနောက် သူ၏ စိတ်စွမ်းအင်ကို အသုံးပြု၍ အရိုးမြှားပေါ်ရှိ သင်္ကေတများကို ပုံတူကူးယူ ဖန်တီးနိုင်သွားပြီ ဖြစ်သည်။</p> <p>ထိုသို့ အကြိမ်ပေါင်းများစွာ ပုံတူကူးယူပြီးနောက်တွင် လင်းယွမ်က ထူးဆန်းသော ခံစားချက် တစ်ခုကို ရုတ်တရက် သတိပြုမိသွားသည်။</p> <p>"သင်္ကေတ ပုံစံပေါ်လာတဲ့ အချိန်လေးမှာ ပတ်ဝန်းကျင်က ဟင်းလင်းပြင်မှာ ထူးဆန်းတဲ့ လှုပ်ခတ်မှုတွေ ရှိနေသလိုပဲ"</p> <p>လင်းယွမ်က ဤအချက်ကို ထက်မြက်စွာ အာရုံခံမိသွားပြီး ဤထူးဆန်းသော လှုပ်ခတ်မှု၏ အရင်းအမြစ်ကို ချက်ချင်း စတင် လေ့လာကြည့်လိုက်သည်။</p> <p>သူက စိတ်စွမ်းအင်ကို စုစည်းလိုက်ပြီး သင်္ကေတ လည်ပတ်မှု နည်းလမ်းကို စိတ်စွမ်းအင်ဖြင့် တစ်ကြိမ်ပြီးတစ်ကြိမ် တွက်ချက်ကာ ထိုလှုပ်ခတ်မှုကို အာရုံခံနိုင်ရန် ကြိုးစားအားထုတ်လိုက်သည်။</p> <p>မည်မျှလောက် တွက်ချက်ခဲ့မိမှန်း မသိတော့သော်လည်း ရုတ်တရက်ဆိုသလိုပင် လင်းယွမ်က ဤထူးဆန်းသော သင်္ကေတ နည်းလမ်းမှတစ်ဆင့် သူ၏ စိတ်စွမ်းအင်က ထူးခြားသော အတားအဆီး တစ်ခုခုကို အာရုံခံမိသွားသလို ခံစားလိုက်ရသည်။</p> <p>လင်းယွမ်၏ စိတ်ထဲတွင် ချက်ချင်း လှုပ်ရှားသွားပြီး ထိုအတားအဆီးကို ဝင်တိုက်ရန် ကြိုးစားလိုက်သည်။</p> <p>"ဒုန်း"</p> <p>ရုတ်တရက် စိတ်စွမ်းအင်၏ ရိုက်ခတ်မှုအောက်တွင် သီးခြား အရာတစ်ခုက ချက်ချင်း ဆုတ်ဖြဲခံလိုက်ရပြီး အမြှေးပါး တစ်လွှာကဲ့သို့ သို့မဟုတ် ဖန်သားပြင် တစ်လွှာကဲ့သို့ ဖြစ်သွားသည်။</p> <p>အတားအဆီးကြီး ကွဲကြေသွားသည်ကို လင်းယွမ်က ရှင်းလင်းစွာ ခံစားလိုက်ရ၏။</p> <p>တစ်ချိန်တည်းမှာပင် ကြည်လင်တောက်ပနေသော ကြိုးမျှင်တစ်ချောင်းက အတားအဆီးထဲမှ ဟင်းလင်းပြင်ဆီသို့ ဆန့်ထွက်လာခဲ့သည်။</p> <p>ထိုကြိုးမျှင်၏ အခြားတစ်ဖက်ကမူ သူ၏ ခန္ဓာကိုယ်ပေါ်တွင် ရစ်ပတ်နေလေသည်။</p> <p>"ဒါက..."</p> <p>လင်းယွမ်၏ စိတ်ထဲတွင် တုန်လှုပ်သွားပြီး ထိုကြိုးမျှင်ပေါ်မှ ထူးခြားဆန်းကြယ်သော စွမ်းအားတစ်ခုကို ခံစားလိုက်ရသည်။</p> <p>ဤစွမ်းအားက ခန့်မှန်းရ ခက်ခဲပြီး ထူးခြားဆန်းကြယ်ကာ နားလည်ရန် မဖြစ်နိုင်သလောက်ပင်။</p> <p>တစ်ချိန်တည်းမှာပင် လင်းယွမ်က ဤသင်္ကေတ၏ အဓိပ္ပာယ်ကို ရုတ်တရက် နားလည် သဘောပေါက်သွားတော့သည်။</p> <p>သူက မသိစိတ်အလျောက် ထိုကြိုးမျှင်ကို စိတ်စွမ်းအင်ဖြင့် လှုပ်ခတ်လိုက်ရာ ကြိုးမျှင်က ချက်ချင်း တုန်ခါသွားပြီး လင်းယွမ်က သူ၏ ခန္ဓာကိုယ်သည် ရုတ်တရက် ပေါ့ပါးသွားသကဲ့သို့ ခံစားလိုက်ရသည်။</p> <p>မျက်စိဖြင့် မမြင်နိုင်သော အချုပ်အနှောင် တစ်ချို့ကို သူက ဖြေလျှော့လိုက်သကဲ့သို့ပင်။</p> <p>သူက ဤကြိုးမျှင်ကို စိတ်စွမ်းအင်ဖြင့် ထိန်းချုပ်ကာ တားမြစ်ခန်းထဲရှိ စာအုပ်စင်တစ်ခုဆီသို့ ဆွဲယူသွားလိုက်သည်။</p> <p>ချက်ချင်းပင် သူက မျက်လုံးများကို မှိတ်လိုက်ပြီး မသိစိတ်အလျောက် လက်ကို ဝှေ့ယမ်းလိုက်သည်။</p> <p>"ဝှီး"</p> <p>မျက်စိတစ်မှိတ်အတွင်းမှာပင် သူ၏ လက်ထဲရှိ အရိုးမြှားက တိုက်ရိုက် ပေါက်ကွဲထွက်သွားပြီး "ဒုန်း" ခနဲ အသံနှင့်အတူ ထိုစာအုပ်စင်ပေါ်သို့ တည့်မတ်စွာ ကျရောက်သွားတော့သည်။</p> <p>အရိုးမြှား စိုက်ဝင်သွားသော နေရာမှာ ထိုကြိုးမျှင် ရစ်ပတ်ထားသော နေရာပင် ဖြစ်သည်။</p> <p>လင်းယွမ်က မျက်လုံးများကို ရုတ်တရက် ဖွင့်လိုက်ရာ ခဏအတွင်းမှာပင် သူ၏ စိတ်စွမ်းအင်က ထိုအခြေအနေမှ ထွက်ခွာသွားခဲ့သည်။</p> <p>ထိုကြိုးမျှင်ကလည်း အရိပ်အယောင်မကျန် ပျောက်ကွယ်သွားတော့သည်။</p> <p>သို့သော် လင်းယွမ်၏ မျက်နှာပေါ်တွင် အံ့အားသင့် ဝမ်းသာသွားသော အပြုံးတစ်ခု ထွက်ပေါ်လာ၏။</p> <p>"အောင်မြင်သွားပြီပဲ"</p> <p>သူက သူ၏ အရည်အသွေး ပြကွက်ဆီသို့ လျင်မြန်စွာ ကြည့်လိုက်သည်။</p> <p>တကယ်ပင် အစွမ်းများနေရာတွင် အစွမ်းအသစ် တစ်ခု ထွက်ပေါ်လာခဲ့ပြီ ဖြစ်သည်။</p> <p>ကံကောင်း ကျောက်ဆူး - အကြောင်းအကျိုး အမျိုးအစား အစွမ်း</p> <p>အရည်အသွေး - အစိမ်းရောင်</p> <p>လိုအပ်ချက် - စိတ်စွမ်းအင် ၁၂ မှတ်၊ ခန္ဓာကိုယ်ကြံ့ခိုင်မှု ၁၀ မှတ်</p> <p>အစွမ်းအာနိသင် - စိတ်စွမ်းအင်ဖြင့် အကြောင်းအကျိုး ကြိုးမျှင်ကို အာရုံခံ ဆွဲယူပြီး ရန်သူကို ပစ်မှတ်ထားပြီးနောက် သင်၏ တိုက်ခိုက်မှုက မလွဲမသွေ ထိမှန်စေမည့် အာနိသင်ကို ဖြစ်ပေါ်စေလိမ့်မည်။</p> <p>"ကံကောင်း ကျောက်ဆူး..."</p> <p>လင်းယွမ်က အစွမ်း၏ ဖော်ပြချက်ကို ကြည့်လိုက်ရာ သူ၏ မျက်လုံးများထဲတွင် စူးရှသော အလင်းရောင်များ ချက်ချင်း တောက်ပသွားသည်။</p> <p>"အကြောင်းအကျိုး ကြိုးမျှင်နဲ့ ပစ်မှတ်ထားလိုက်ရင် မလွဲမသွေ ထိမှန်စေတဲ့ အာနိသင်ကို ဖြစ်ပေါ်စေတာပဲ"</p> <p>"ဒါဆို အကြောင်းအကျိုး အမျိုးအစား အစွမ်းတွေရဲ့ အဓိက အချက်က... အဲဒီ အကြောင်းအကျိုး ကြိုးမျှင်ကို ထိန်းချုပ်နိုင်ဖို့ပေါ့"</p> <p>လင်းယွမ်၏ စိတ်ထဲတွင် ချက်ချင်း လှုပ်ရှားသွားပြီး အကြောင်းအကျိုး အမျိုးအစား အစွမ်းများ၏ အဓိပ္ပာယ်ကို နားလည်သွားခဲ့ပြီ ဖြစ်သည်။</p> <p>သူက စိတ်ထဲတွင် တိတ်ဆိတ်စွာ တွေးတောလိုက်ပြီး သူ မည်သည့် လမ်းကြောင်းသို့ ကြိုးစားသင့်သည်ကို အကြမ်းဖျင်း သိရှိသွားခဲ့သည်။</p> <p>ဟွမ်မင်ခိုင်၏ ဓားပုံစံ သင်္ကေတအရိုးကို ထပ်မံ ထုတ်ယူလိုက်ပြီးနောက် လင်းယွမ်က ၎င်းအပေါ်ရှိ သင်္ကေတများကို ခံစားကြည့်လိုက်သည်။</p> <p>စိတ်စွမ်းအင်က တစ်ကြိမ်ပြီးတစ်ကြိမ် ထပ်မံ၍ စတင် တွက်ချက်နေပြီး သင်္ကေတ တွက်ချက်မှု ပြီးဆုံးသွားတိုင်း လင်းယွမ်က တမင်တကာ ခဏတာမျှ စောင့်ဆိုင်းနေခဲ့သည်။</p> <p>သူက အမှောင်ထုထဲရှိ ထိုထူးခြားသော လှုပ်ခတ်မှုကို စောင့်ဆိုင်းနေခြင်း ဖြစ်သည်။</p> <p>သို့သော်လည်း သူ မည်မျှပင် အာရုံခံနေပါစေ ထိုလှုပ်ခတ်မှု၏ အရင်းအမြစ်ကိုမူ လုံးဝ အာရုံခံ၍ မရနိုင်ခဲ့ပေ။</p> <p>"ဘာဖြစ်လို့လဲ... အရိုးမြှားပေါ်က သင်္ကေတတွေကို တွက်ချက်တုန်းက ငါက အကြောင်းအကျိုး ကြိုးမျှင်ကို လွယ်လွယ်ကူကူ အာရုံခံနိုင်ခဲ့ပေမယ့် ဒီသင်္ကေတအရိုးပေါ်က သင်္ကေတတွေကို အာရုံခံရတာက ဘာလို့ ဒီလောက် ခက်ခဲနေရတာလဲ"</p> <p>လင်းယွမ်က မျက်မှောင်ကြုတ်ကာ စဉ်းစားလိုက်သည်။ သင်္ကေတအရိုး နှစ်ခုလုံးက အကြောင်းအကျိုး အမျိုးအစား အစွမ်းများ ဖြစ်ကြပြီး သူ ကိုယ်တိုင်လည်း လေ့ကျင့်သည့် နေရာကို ပြောင်းလဲခဲ့ခြင်း မရှိပေ။ ပြင်ပ အကြောင်းအရင်း အားလုံးကို ဖယ်ထုတ်လိုက်မည်ဆိုလျှင် တစ်ခုတည်းသော ပြဿနာမှာ ဤသင်္ကေတအရိုး နှစ်ခုအပေါ်တွင်သာ ရှိနေတော့သည်။</p> <p>"ဟွမ်မင်ခိုင်ရဲ့ သင်္ကေတအရိုးက ခရမ်းရောင် သင်္ကေတအရိုး ဖြစ်နေလို့များလား"</p> <p>"အစိမ်းရောင်အဆင့် သင်္ကေတအရိုးက ငါ့ရဲ့ စိတ်စွမ်းအင်နဲ့ ခွဲခြမ်းစိတ်ဖြာပြီး အာရုံခံဖို့ ပိုလွယ်ကူပြီး ခရမ်းရောင်အဆင့် သင်္ကေတအရိုးက အရမ်း နက်နဲပြီး ထူးခြားဆန်းကြယ်လွန်းနေလို့လား"</p> <p>လင်းယွမ်က လျင်မြန်စွာ ခန့်မှန်းမိသွားပြီး တစ်ချိန်တည်းမှာပင် သူ၏ စိတ်ထဲ၌ ရုတ်တရက် စိတ်လှုပ်ရှားလာခဲ့သည်။</p> <p>"နေဦး... ဒီလို ခွဲခြမ်းစိတ်ဖြာကြည့်မယ်ဆိုရင် ဟွမ်မင်ခိုင်ရဲ့ ဒီသင်္ကေတအရိုး အပေါ်က အစွမ်းက ခရမ်းရောင်အဆင့် ဖြစ်နေလို့များလား"</p> <p>လင်းယွမ်က သင်္ကေတအရိုး မြောက်မြားစွာနှင့် ကြုံတွေ့ခဲ့ဖူးသော်လည်း ခရမ်းရောင်အဆင့်ရှိ အစွမ်းကိုမူ တစ်ခါမှ မကြုံတွေ့ခဲ့ဖူးချေ။</p> <p>စနစ်ထဲရှိ ခရမ်းရောင် အစွမ်းများဆိုလျှင် အနည်းဆုံး အမှတ် သိန်းချီမှသာ ရရှိနိုင်မည် ဖြစ်ပြီး အမှတ် သန်းချီ၍ပင် လိုအပ်နိုင်ပေသည်။</p> <p>"ခရမ်းရောင်အဆင့် သင်္ကေတအရိုးကို နားလည်ဖို့ ခက်ခဲနေတာက ငါ့ရဲ့ စိတ်စွမ်းအင်က အရမ်း အားနည်းနေသေးလို့များလား"</p> <p>လင်းယွမ်က လိပ်ခွံစွမ်းအင်အကာအကွယ် သင်္ကေတအရိုးကို သူ ပထမဆုံးအကြိမ် နားလည်သဘောပေါက်ခဲ့စဉ်က အခြေအနေကို ပြန်လည် အမှတ်ရသွားသည်။</p> <p>ထိုအချိန်က သူ၏ စိတ်စွမ်းအင်က လုံလောက်စွာ မစွမ်းရည်သေးသောကြောင့် လိပ်ခွံစွမ်းအင်အကာအကွယ်ကို နားလည်နိုင်ရန် ကြန့်ကြာနေခဲ့ရသည်။</p> <p>သူ၏ စိတ်စွမ်းအင်က သတ်မှတ်ချက်သို့ ရောက်ရှိသွားပြီးနောက်တွင်မူ လိပ်ခွံစွမ်းအင်အကာအကွယ် သင်္ကေတအရိုးကို နားလည်ခြင်းက အလွန် ချောမွေ့သွားခဲ့သည်။</p> <p>လိပ်ခွံစွမ်းအင်အကာအကွယ် သင်္ကေတအရိုး သာမကဘဲ အခြားသော အဖြူရောင်အဆင့် သင်္ကေတအရိုးများကိုပါ ထိုအချိန်က သူ၏ စိတ်စွမ်းအင်ဖြင့် အလွယ်တကူ နားလည်နိုင်ခဲ့သည်။</p> <p>"လီယွဲ့ကျင်း၊ ဦးလေးရန်တို့ အားလုံးက စိတ်စွမ်းအင် အစွမ်းပိုင်ရှင်တွေပဲ... အစောပိုင်း ကာလတုန်းကလည်း သူတို့ပဲ သင်္ကေတတွေကို အဆင်ပြေပြေ နားလည်နိုင်ပြီး သင်္ကေတတွေကို ရေးဆွဲပြီး သင်္ကေတကျောက်တုံးတွေကို ဖန်တီးနိုင်ခဲ့ကြတာ"</p> <p>"ဒါကို သေချာ စဉ်းစားကြည့်ရင် အရာအားလုံးရဲ့ အခြေခံက စိတ်စွမ်းအင် လုံလောက်အောင် အားကောင်းဖို့ပဲ"</p> <p>"ကြည့်ရတာ ငါက ဟွမ်မင်ခိုင်ရဲ့ သင်္ကေတအရိုးကို နားမလည်နိုင်တာက စိတ်စွမ်းအင် မလုံလောက်လို့ ဖြစ်ဖို့ များတယ်"</p> <p>လင်းယွမ်က လေးနက်စွာ တွေးတောနေရင်း သူ၏ စိတ်စွမ်းအင်ကို တစ်ချက် ကြည့်လိုက်သည်။</p> <p>လက်ရှိ စိတ်စွမ်းအင် အရည်အသွေး အမှတ်က ၅၇.၅ ဖြစ်ပြီး အမှတ်များက တစ်သိန်းခြောက်သောင်းကျော် ကျန်ရှိနေသေးသည်။</p> <p>"စနစ်... အမှတ် တစ်သိန်းခြောက်သောင်းနဲ့ သတ်မှတ် မျိုးရိုးဗီဇ အရည်အသွေးမှတ်ကို ကံစမ်းမဲနှိုက်မယ်"</p> <p>လင်းယွမ်က ဘာမှ ထပ်မပြောတော့ဘဲ အရည်အသွေးမှတ်များကို တိုက်ရိုက် စတင် ကံစမ်းလိုက်တော့သည်။</p> <p>"ဝှစ်"</p> <p>စနစ်က လည်ပတ်နေသော ကံစမ်းမဲဘီးကို ချက်ချင်း ပြသလာသည်။</p> <p>ကံစမ်းမဲဘီးက ချက်ချင်းဆိုသလို လျင်မြန်စွာ လည်ပတ်လာ၏။</p> <p>ထို့နောက်တွင်တော့ ဒင်... ဒင်... ဒင်... ဟူသော အသိပေးသံများ အဆက်မပြတ် ထွက်ပေါ်လာတော့သည်။</p> <p>[ဒင်... သင် ခန္ဓာကိုယ်ကြံ့ခိုင်မှု မျိုးရိုးဗီဇ အရည်အသွေး ၁ မှတ် မဲပေါက်သွားပါသည်]</p> <p>...</p> <p>အမှတ် တစ်သိန်းခြောက်သောင်းလုံးကို ကံစမ်းမဲနှိုက်ရန် အသုံးပြုလိုက်သဖြင့် မျိုးရိုးဗီဇ အရည်အသွေး ၁၆ မှတ် ရရှိနိုင်မည် ဖြစ်သည်။</p> <p>မျိုးရိုးဗီဇ အရည်အသွေးမှတ်များတွင် ပါဝင်သော အာနိသင်က သာမန် အရည်အသွေးမှတ်များထက် ဆယ်ဆမျှ ပိုမို မြင့်မားလေသည်။</p> <p>ထို့ကြောင့် ကုန်ကျသော အမှတ်များကလည်း ဆယ်ဆမျှ ပိုများပြီး အမှတ်တစ်မှတ် ကံစမ်းရန်အတွက် အမှတ် တစ်သောင်း လိုအပ်ပေသည်။</p> <p>လင်းယွမ်က ဤအရာများကို ဂရုမစိုက်နေပေ။</p> <p>ဤအမှတ်များက မူလကတည်းက စွမ်းရည်ကို မြှင့်တင်ရန်အတွက် အသုံးပြုရန် ဖြစ်သဖြင့် အရည်အသွေးမှတ်များ ကံစမ်းရာတွင် သုံးစွဲလိုက်ရခြင်းအတွက် သူ လုံးဝ နှမြောမနေခဲ့ချေ။</p> <p>မကြာမီမှာပင် မျိုးရိုးဗီဇ အရည်အသွေး ၁၆ မှတ် ရောက်ရှိလာခဲ့သည်။</p> <p>လင်းယွမ်က တစ်ချက် ကြည့်လိုက်ရာ ခန္ဓာကိုယ်ကြံ့ခိုင်မှု ၂ မှတ်၊ ခွန်အား မျိုးရိုးဗီဇမှတ် ၄ မှတ်၊ အလျင် မျိုးရိုးဗီဇမှတ် ၃ မှတ်၊ စိတ်စွမ်းအင် မျိုးရိုးဗီဇမှတ် ၃ မှတ်နှင့် ဘုံမျိုးရိုးဗီဇမှတ် ၄ မှတ် တို့ ဖြစ်ကြသည်။</p> <p>ဤရလဒ်ကြောင့် လင်းယွမ်က သက်ပြင်းတစ်ချက်ကို အသာအယာ ချလိုက်မိသည်။</p> <p>စိတ်စွမ်းအင် မျိုးရိုးဗီဇမှတ်က ၃ မှတ် ရှိပြီး ဘုံမျိုးရိုးဗီဇမှတ် ၄ မှတ်နှင့် ပေါင်းကာ စိတ်စွမ်းအင် အရည်အသွေးအပေါ်တွင် အားလုံး ထည့်ပေါင်းလိုက်ပါက ၇ မှတ် ရရှိသွားမည် ဖြစ်သည်။</p> <p>"ဒီလောက်ဆိုရင် ခရမ်းရောင်အဆင့် သင်္ကေတအရိုးကို နားလည်ဖို့ လုံလောက်မလား မသိဘူး"</p> <p>လင်းယွမ်က စိတ်ထဲတွင် ရေရွတ်လိုက်ပြီး မျိုးရိုးဗီဇမှတ်များ အားလုံး သူ၏ ခန္ဓာကိုယ်ထဲသို့ ပေါင်းစပ်ဝင်ရောက်သွားမည့် အချိန်ကို တိတ်ဆိတ်စွာ စောင့်ဆိုင်းနေလိုက်သည်။</p> <p>ခဏအကြာတွင် လင်းယွမ်က အသစ် တိုးလာသော အရည်အသွေး စွမ်းအားများနှင့် အသားကျသွားခဲ့ပြီ ဖြစ်သည်။</p> <p>သူက သူ၏ အရည်အသွေး ဇယားကွက်ဆီသို့ ထပ်မံ ကြည့်လိုက်သည်။</p> <p>အမည် - လင်းယွမ်</p> <p>ခန္ဓာကိုယ်ကြံ့ခိုင်မှု - ၅၆</p> <p>ခွန်အား - ၆၁</p> <p>အလျင် - ၅၆</p> <p>စိတ်စွမ်းအင် - ၆၄.၅</p> <p>ဘုံမျိုးရိုးဗီဇမှတ်များ - ဝ</p> <p>မျိုးရိုးဗီဇမျိုးစေ့ - အသွင်တစ်ရာ မျောက်ဝံမိစ္ဆာ</p> <p>မျိုးရိုးဗီဇမြေပုံ - အသွင်တစ်ရာ မျောက်ဝံမိစ္ဆာ (အခြေခံအဆင့်)</p> <p>ပင်ကိုယ်အစွမ်း - မျိုးရိုးဗီဇ အသွင်တစ်ရာ</p> <p>အစွမ်းများ - [...] (အသေးစိတ်ကို ကြည့်ရှုရန် နှိပ်ပါ)</p> <p>အမှတ် - ၄၈၈၉ မှတ်</p> <p>...</p> <p>လင်းယွမ်၏ မျက်လုံးများက တောက်ပသွားပြီး စိတ်စွမ်းအင် ၆၄.၅ မှတ်ဖြင့် ခရမ်းရောင်အဆင့် အစွမ်းကို နားလည်နိုင်လောက်ပြီ ဖြစ်သည်။</p> <p>သူက မျက်လုံးများကို မှိတ်လိုက်ရာ အားကောင်းသော စိတ်စွမ်းအင်များက ချက်ချင်း စီးဆင်းထွက်ပေါ်လာပြီး ဟွမ်မင်ခိုင်၏ သင်္ကေတအရိုးကို လျင်မြန်စွာ စတင် တွက်ချက်လိုက်တော့သည်။</p> <p>ငါးမိနစ်အကြာတွင် သင်္ကေတအရိုးပေါ်ရှိ သင်္ကေတများကို တွက်ချက်၍ ပြီးဆုံးသွားခဲ့သည်။</p> <p>နောက်တစ်စက္ကန့်တွင် လင်းယွမ်က ဟင်းလင်းပြင်ထဲမှ ရင်းနှီးနေသော ထိုအတားအဆီး ခံစားချက် ထပ်မံ၍ ထွက်ပေါ်လာသည်ကို ခံစားလိုက်ရ၏။</p> <p>"ဒီမှာပဲ"</p> <p>ဤလှုပ်ခတ်မှုက အလွန်တရာ အားနည်းလှပြီး သူ၏ စိတ်စွမ်းအင်သာ အကြီးအကျယ် တိုးတက်လာကာ အမှတ် ၆၀ အထက်သို့ ကျော်လွန်မသွားခဲ့ပါက လင်းယွမ်အနေဖြင့် ဤကဲ့သို့သော လှုပ်ခတ်မှုကို လုံးဝ သတိပြုမိနိုင်မည် မဟုတ်ချေ။</p> <p>သူက များပြားလှသော စိတ်စွမ်းအင်များကို လျင်မြန်စွာ အသုံးပြုလိုက်ပြီး ဤသဏ္ဍန်မဲ့ အတားအဆီးကို စတင် ဆုတ်ဖြဲကာ အတားအဆီးများ၏ အဟန့်အတားကို ဖယ်ရှားပစ်လိုက်သည်။</p> <p>ဤလုပ်ငန်းစဉ်အတွင်း စိတ်စွမ်းအင် ကုန်ဆုံးနေရုံသာမကဘဲ သူ၏ ခန္ဓာကိုယ်ကြံ့ခိုင်မှုကလည်း လျင်မြန်စွာ ကုန်ဆုံးနေလေသည်။</p> <p>လင်းယွမ်၏ စိတ်ထဲတွင် သဘောပေါက် နားလည်သွားသည်။ အကြောင်းအကျိုး အမျိုးအစား အစွမ်းများက ခန္ဓာကိုယ်ကြံ့ခိုင်မှု အရည်အသွေး အထောက်အပံ့ကို လိုအပ်နေခြင်းမှာ မဆန်းတော့ပေ။</p> <p>ဒါက တကယ်ကို ခွန်အားစိုက်ထုတ်ရတဲ့ အလုပ်ပဲ။</p> <p>"ဒုန်း"</p> <p>ရုတ်တရက် ပါးလွှာသော ထိုအတားအဆီးလွှာက လင်းယွမ်၏ စိတ်စွမ်းအင်ဖြင့် ဖောက်ခွဲ ဖျက်ဆီးခံလိုက်ရသည်။</p> <p>ထို့နောက် အထဲမှ အကြည်ရောင် ကြိုးမျှင်တစ်ချောင်း ထွက်ပေါ်လာခဲ့သည်။</p> <p>သို့သော်လည်း ဤကြိုးမျှင်က အစိမ်းရောင်အဆင့် "ကံကောင်း ကျောက်ဆူး" ထက် နှစ်ဆခန့် ပိုမို ကြီးမားနေလေသည်။</p> <p>လင်းယွမ်၏ စိတ်ထဲတွင် ချက်ချင်း ဝမ်းသာသွားပြီး စိတ်စွမ်းအင်ဖြင့် ထိုကြိုးမျှင်ကို ချက်ချင်း ထိတွေ့လိုက်သည်။</p> <p>ကြိုးမျှင်၏ တစ်ဖက်က သူ့ထံသို့ ချိတ်ဆက်ထားဆဲ ဖြစ်ပြီး အခြားတစ်ဖက်ကမူ အစအနပင် ရှာမရနိုင်လောက်အောင် ပျောက်ကွယ်နေ၏။</p> <p>လင်းယွမ်က ကြိုးမျှင်ကို သူ၏ ခန္ဓာကိုယ်ပေါ်သို့ ဆွဲယူရန် အကြိမ်ကြိမ် ကြိုးစားကြည့်လိုက်ပြီး ထိုကြိုးမျှင်ကို ဆွဲငင်ကာ အတားအဆီး အပြင်ဘက်သို့ ဆွဲထုတ်လိုက်သည်။</p> <p>တစ်ချိန်တည်းမှာပင် သူ၏ စိတ်ထဲ၌ ဤကြိုးမျှင်၏ လုပ်ဆောင်ချက်ကို ဝေဝါးဝါး နားလည်သဘောပေါက်သွားခဲ့သည်။</p> <p>"ထိခိုက်မှု လွှဲပြောင်းခြင်း..."</p> <p>ဤကဲ့သို့ နားလည် သဘောပေါက်လာမှုက အလွန် ထူးခြားဆန်းကြယ်လှပြီး တစ်စုံတစ်ယောက်က သင့်ကို အကြောင်းပြချက်ကြီးများ ပြောပြနေသည့် နည်းလမ်းမျိုး မဟုတ်ပေ။</p> <p>ယင်းအစား သင့်လက်ကို မီးတောက်ပေါ်တွင် တင်၍ ကင်လိုက်သောအခါ ပူလောင်သည်ဆိုသော အသိတရားကို သင် သိရှိသွားသကဲ့သို့ပင် ဖြစ်သည်။</p> <p>ဤသည်မှာ စကားဖြင့် ဖော်ပြ၍ မရနိုင်သော ခံစားချက်မျိုး ဖြစ်သည်။</p> <p>ခံစားသိရှိနိုင်ရုံသာ ရှိပြီး နှုတ်ဖြင့် ဖော်ပြ၍ မရနိုင်ချေ။</p> <p>လင်းယွမ်က ဖြည်းညင်းစွာ အာရုံခံလိုက်ပြီး တဖြည်းဖြည်း သဘောပေါက် နားလည်လာခဲ့သည်။</p> <p>ခဏအကြာတွင် သူက မျက်လုံးများကို ထပ်မံ ဖွင့်လိုက်ပြီး လေးနက်စွာ စဉ်းစားခန်း ဝင်နေတော့သည်။</p> <p>"ထိခိုက်မှု လွှဲပြောင်းခြင်းက အကြောင်းအကျိုး ရွှေ့ပြောင်းခြင်းကြောင့် ဖြစ်ပေါ်လာတာပဲ"</p> <p>လင်းယွမ်က အရိုးဓားတစ်လက်ကို ထုတ်ယူလိုက်ပြီး သူ၏ လက်ဝါးကို လှီးဖြတ်လိုက်သည်။</p> <p>"ရွှစ်"</p> <p>ဤဓားဖြင့် လှီးဖြတ်လိုက်သော်လည်း လင်းယွမ်၏ လက်ဝါးပြင်တွင် အနည်းငယ်မျှပင် ထိခိုက်သွားခြင်း မရှိချေ။</p> <p>သူက ခေါင်းမော့ကာ သူ၏ အရှေ့ မလှမ်းမကမ်းရှိ ကြမ်းပြင်ဆီသို့ ကြည့်လိုက်သည်။</p> <p>ထိုနေရာတွင် နက်ရှိုင်းသော ဓားရာတစ်ခု ထွက်ပေါ်နေသည်ကို မြင်လိုက်ရ၏။</p> <p>လင်းယွမ်၏ စိတ်စွမ်းအင်ဖြင့် အကြောင်းအကျိုးကို ဆွဲငင်မှုအောက်တွင် ဤဓား၏ ထိခိုက်မှုကို ကြမ်းပြင်ပေါ်သို့ တိုက်ရိုက် လွှဲပြောင်းပေးလိုက်ခြင်း ဖြစ်သည်။</p> <p>"တကယ်ပဲ အကြောင်းအကျိုး ကြိုးမျှင်ရဲ့ အခြားတစ်ဖက်ကို လွှဲပြောင်းပေးလိုက်တာပဲ"</p> <p>လင်းယွမ်က ပြုံးလိုက်ပြီးနောက် ချက်ချင်း စတင် စဉ်းစားလိုက်သည်။</p> <p>"ဒီနည်းလမ်းက သန္ဓေပြောင်း သတ္တဝါတွေကို ကိုယ်တိုင်ကိုယ်ကျ သတ်မှ အမှတ်တွေ ရနိုင်တယ် ဆိုတဲ့ ပြဿနာကို ဖြေရှင်းပေးနိုင်မလား"</p> <p>ဤအကြောင်းကို တွေးမိလိုက်သောအခါ လင်းယွမ်၏ မျက်လုံးများက အနည်းငယ် တောက်ပသွားသည်။</p> <p>"သန္ဓေပြောင်း သတ္တဝါတွေကို သတ်ဖို့ သုံးရတဲ့ လက်နက်တွေ... အဲဒီ လက်နက်တွေပေါ်မှာ ပါလာတဲ့ အကြောင်းအကျိုး ကြိုးမျှင် အားလုံးကို ငါ့ကိုယ်ပေါ်ကို ဆွဲယူထားလိုက်မယ်ဆိုရင် ဒီဓားပေါ်က တိုက်ခိုက်မှု အားလုံးက ငါ့ဆီက ထွက်လာတယ်လို့ ယူဆလို့ ရသွားနိုင်မလား"</p> <p>"ဒါမှမဟုတ် နောက်ပိုင်း ငါ ထုတ်ဖော်လိုက်တဲ့ တိုက်ခိုက်မှုတွေရဲ့ တစ်စိတ်တစ်ပိုင်းကို ဒီဓားပေါ်ကို လွှဲပြောင်းပေးလို့ ရမလား"</p> <p>"နောက်ပိုင်း သားသတ်ရုံက လူတွေက သန္ဓေပြောင်း သတ္တဝါတွေကို သတ်ဖို့ ဒီဓားကို သုံးလိုက်တာနဲ့ ငါ့ရဲ့ တိုက်ခိုက်မှုက အာနိသင် ပြနေတယ်လို့ အလိုအလျောက် သတ်မှတ်လိုက်မှာလား"</p> <p>ဤအကြောင်းကို တွေးမိသောအခါ လင်းယွမ်မှာ ချက်ချင်းပင် အနည်းငယ် စိတ်အားထက်သန်လာခဲ့သည်။</p> <p>ထို့ကြောင့် သူက ချက်ချင်း မတ်တတ်ရပ်ကာ သားသတ်ရုံသို့ သွား၍ စမ်းသပ်ကြည့်ရန် ပြင်ဆင်လိုက်သည်။</p> <p>သို့သော် တံခါးအပြင်သို့ ထွက်လိုက်သည်နှင့် လီဟန်ကျုံးက တားမြစ်ခန်း တံခါးဝတွင် ခေါက်တုံ့ခေါက်ပြန် လမ်းလျှောက်ကာ သူ့ကို စောင့်ဆိုင်းနေပုံရသည်ကို မြင်လိုက်ရ၏။</p> <p>လင်းယွမ်က ပြုံးကာ မေးလိုက်သည်။ "ပါမောက္ခလီ... ဘယ်လိုလုပ်ဒီကိုရောက်နေတာလဲ"</p> <p>လီဟန်ကျုံးက လျင်မြန်စွာ ပြုံးရင်း ပြောလိုက်သည်။ "ဆရာလင်း... ရန်ကျဲက ဆရာလင်း ကျွန်တော့်ကို ရှာနေတယ်လို့ ပြောလို့လေ... ဒါပေမဲ့ တားမြစ်ခန်း တံခါးက အတွင်းကနေ သော့ခတ်ထားတာ တွေ့တော့ ဆရာလင်းကို အနှောင့်အယှက် ဖြစ်မှာ စိုးလို့ ဒီမှာ ခဏ စောင့်နေတာပါ"</p> <p>လင်းယွမ်က ပြုံးကာ ပြောလိုက်သည်။ "နောက်တစ်ခါဆိုရင် တံခါးခေါက်လိုက်လို့ ရပါတယ်... အကြာကြီး စောင့်လိုက်ရလား"</p> <p>"မစောင့်ရပါဘူး... မစောင့်ရပါဘူး... ကျွန်တော်လည်း ရောက်တာ သိပ်မကြာသေးပါဘူး"</p> <p>"အင်း... လာ သွားကြရအောင်... မျိုးရိုးဗီဇ မီးဖို ကိစ္စနဲ့ ပတ်သက်ပြီး ဘာတွေ တိုးတက်မှု ရှိလာလဲလို့ ကျွန်တော် ခင်ဗျားကို မေးချင်လို့"</p> <p>"ကျွန်တော်လည်း အဲဒါ ဆရာလင်းဆီ သတင်းပို့မလို့ပါပဲ" လီဟန်ကျုံးက လျင်မြန်စွာ ပြောလိုက်သည်။</p> <p>လင်းယွမ်က ရယ်မောလိုက်ပြီး သူ့ကို ဆွဲခေါ်ကာ ပြောလိုက်သည်။ "လာ... စမ်းသပ်ခန်းကို သွားပြီးမှ ပြောကြတာပေါ့"</p> <p>သူတို့နှစ်ယောက်က အတူတကွ တွဲ၍ စမ်းသပ်ခန်း ရှိရာဘက်သို့ ထွက်ခွာသွားကြသည်။</p> <p>လီဟန်ကျုံးက ပြောလာသည်။ "မျိုးရိုးဗီဇ မီးဖိုနဲ့ ပတ်သက်ပြီး ကျွန်တော်ရယ်... ရန်ကျဲရယ် အားလုံး တိုင်ပင်ဆွေးနွေးထားပါတယ်... လောလောဆယ်တော့ လမ်းကြောင်း နှစ်ခု ရှိတယ်... ဒါပေမဲ့ ကျွန်တော်တို့ရဲ့ လက်ရှိ အခြေအနေအရဆိုရင် အဲဒီထဲက အစီအစဉ် တစ်ခုကိုပဲ လုပ်နိုင်လိမ့်မယ်လို့ ထင်တယ်"</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save