Book List

<h2 style="text-align: center;">အပိုင်း(၄၅၅)</h2> <h2 style="text-align: center;">အကြောင်းအကျိုး လွှဲပြောင်းမှု အောင်မြင်ခြင်း</h2> <h2 style="text-align: center;">*</h2> <p> </p> <p>ဓာတ်ခွဲခန်းသို့ ရောက်ရှိလာချိန်တွင် လီဟန်ကျုံးက သူ၌ အစီအစဉ် နှစ်ခုရှိကြောင်း ချက်ချင်း စတင် ပြောဆိုလာသည်။</p> <p>သို့သော်လည်း သူက ဓာတ်ခွဲခန်းရှိ စက်ပစ္စည်းများကို အကဲဖြတ်ကြည့်ပြီးနောက် အစီအစဉ် တစ်ခုတည်းသာ အကောင်အထည် ဖော်နိုင်လိမ့်မည်ဟု ခန့်မှန်းရသည်။</p> <p>လင်းယွမ်က ရေတစ်ခွက် ငှဲ့ကာ လီဟန်ကျုံးအား ကမ်းပေးရင်း ပြောလိုက်သည်။ "အဲ့ဒီ အစီအစဉ် နှစ်ခုအကြောင်း အရင် ပြောပြပါဦး... စက်ပစ္စည်း အပိုင်းကိုတော့ ကျွန်တော် နည်းလမ်း ရှာကြည့်ပါ့မယ်"</p> <p>"ကျေးဇူးပါ... ကျွန်တော် ဘာသာပဲ ယူပါ့မယ်"</p> <p>ရေခွက်ကို လှမ်းယူလိုက်ပြီးနောက် လီဟန်ကျုံးက အလျင်စလို ပြောလိုက်သည်။ "မျိုးရိုးဗီဇမီးဖိုရဲ့ အဓိက လုပ်ဆောင်ချက်က မျိုးရိုးဗီဇတွေကို စစ်ထုတ်ရွေးချယ်ဖို့ပဲ"</p> <p>"ဒီအချက်ကနေ စကြည့်ရရင် ကျွန်တော်တို့က အသုံးဝင်တဲ့ မျိုးရိုးဗီဇတွေကို စစ်ထုတ်ရွေးချယ်ပြီး အသုံးမဝင်တဲ့ မျိုးရိုးဗီဇတွေကို ဖယ်ရှားပစ်ဖို့ပါပဲ"</p> <p>"ဒီထဲမှာ အခက်ခဲဆုံးက ဘယ်လို စစ်ထုတ်မလဲဆိုတာနဲ့... အသုံးမဝင်တဲ့ မျိုးရိုးဗီဇတွေကို ဘယ်လို ဖယ်ရှားမလဲ ဆိုတာပါပဲ"</p> <p>"အရင်က ပြောခဲ့ဖူးတဲ့... ဆားရည်စိမ်ပြီး ခွဲထုတ်တဲ့ နည်းလမ်းကနေ ကျွန်တော် အကြံဉာဏ် အချို့ ရခဲ့တယ်"</p> <p>"ကျွန်တော်တို့အနေနဲ့ သန္ဓေပြောင်းစွမ်းအင်ကို အသုံးပြုပြီး သွေးတွေကို ကြိမ်နှုန်းမြင့် တုန်ခါအောင် လုပ်နိုင်တယ်... အဲဒီကနေတစ်ဆင့် မတူညီတဲ့ လုပ်ဆောင်ချက်တွေရှိတဲ့ မျိုးရိုးဗီဇတွေကို အလွှာခွဲခြားစေပြီး ပုံဆောင်ခဲတွေ ဖြစ်ပေါ်လာအောင် လုပ်ဆောင်နိုင်ပါတယ်"</p> <p>ထိုစကားကို ကြားလိုက်ရချိန်တွင် လင်းယွမ်က အံ့အားသင့်သွားပြီး သံသယဖြင့် မေးလိုက်သည်။ "မျိုးရိုးဗီဇတွေက သူတို့ရဲ့ မတူညီတဲ့ လုပ်ဆောင်ချက်တွေအပေါ် မူတည်ပြီး အလွှာခွဲခြားသွားတတ်လို့လား"</p> <p>လီဟန်ကျုံးက ပြုံးလိုက်ပြီး ခေါင်းညိတ်ကာ ပြောသည်။ "ခွဲခြားသွားမှာပါ... အစွမ်းပိုင်ရှင်တွေရဲ့ သွေးက သာမန်လူတွေရဲ့ သွေးနဲ့ ယှဉ်ရင် အများကြီး ကွာခြားသွားပြီလေ"</p> <p>"အစွမ်းပိုင်ရှင်တွေရဲ့ မျိုးရိုးဗီဇက အလွန့်အလွန် အစွမ်းထက်တယ်... မတူညီတဲ့ လုပ်ဆောင်ချက်တွေရှိတဲ့ မျိုးရိုးဗီဇတွေက အချင်းချင်း ပေါင်းစပ်ဖို့ အလွန် ခက်ခဲပါတယ်"</p> <p>"အစွမ်းပိုင်ရှင်တွေ စဉ်ဆက်မပြတ် ဆင့်ကဲပြောင်းလဲနေတဲ့ ဖြစ်စဉ်က... ကိုယ်တိုင်ကိုက အသုံးမဝင်တဲ့ မျိုးရိုးဗီဇတွေကို တစ်ကြိမ်ပြီးတစ်ကြိမ် ဖယ်ရှားပစ်နေတဲ့ ဖြစ်စဉ်တစ်ခုပါပဲ"</p> <p>လင်းယွမ်က အတော်လေး စိတ်ဝင်စားသွားပြီး မနေနိုင်ဘဲ မေးလိုက်သည်။ "ဒါဆို ဒီလိုမျိုး တုန်ခါမှုနဲ့ အလွှာခွဲခြားနိုင်ဖို့အတွက် ဘယ်လို နည်းလမ်းမျိုး ရှိနိုင်မလဲ"</p> <p>လီဟန်ကျုံးက ပြန်ဖြေသည်။ "အပြင်ဘက်က အားကို အသုံးပြုပြီး မျိုးရိုးဗီဇတွေကို အလွှာခွဲခြားချင်တယ်ဆိုရင် အဲဒီ ပြင်ပအားက အလွန် အစွမ်းထက်တဲ့ ကြိမ်နှုန်းမြင့် တုန်ခါမှု ဖြစ်ဖို့ လိုအပ်တယ်... သာမန် စက်ပစ္စည်းတွေနဲ့တော့ လုံးဝ မဖြစ်နိုင်ဘူး"</p> <p>"ကျွန်တော်တို့က သန္ဓေပြောင်းစွမ်းအင် သုံးရမယ့် စက်ပစ္စည်းတွေ လိုအပ်တယ်... ပြီးတော့ သန္ဓေပြောင်းစွမ်းအင်နဲ့ မောင်းနှင်ဖို့ လိုအပ်တယ်... ဒီအပိုင်းအတွက်ကိုတော့ ရမ်ကျဲက စပြီး ဒီဇိုင်းဆွဲနေပြီ"</p> <p>"ဒီဇိုင်းပုံကြမ်း ထွက်ပြီလား"</p> <p>"ထွက်ပြီ... တားမြစ်ခန်းထဲမှာ သင်္ကေတ အရိုးတွေ အများကြီး ရှိတယ်လေ... အဲဒီအထဲမှာ ကြိမ်နှုန်းမြင့် တုန်ခါမှု အမျိုးအစား သင်္ကေတတွေ ပါတယ်"</p> <p>"ဆရာလင်း ယူလာခဲ့တဲ့ သင်္ကေတ အစီအရင်တွေအရဆိုရင်... ကျွန်တော်တို့က တိုင်ရိုက်စက်နဲ့ ဆင်တူတဲ့ ကြိမ်နှုန်းမြင့် တုန်ခါမှု စက်တစ်လုံးကို ဖန်တီးနိုင်ကောင်း ဖန်တီးနိုင်ပါလိမ့်မယ်"</p> <p>(တိုင်ရိုက်စက်ဆိုတာ ဓာတ်တိုင်စိုက်တဲ့နေရာမှာသုံးတာထင်တယ်။ တုန်ခါမှုနဲ့မြေကြီးကိုအပေါက်ဖောက်ပြီးတိုင်စိုက်တာမျိုးပဲ)</p> <p>"အဓိကကတော့ သင့်တော်တဲ့ ကွန်တိန်နာ တစ်ခုကို ရှာပြီး အဲဒီအပေါ်မှာ ကြိမ်နှုန်းမြင့် တုန်ခါမှု သင်္ကေတ အစီအရင်တွေကို ထွင်းထုဖို့ လိုအပ်တာပါ"</p> <p>"ဒီကွန်တိန်နာက ကြိမ်နှုန်းမြင့် တုန်ခါမှုကို ခံနိုင်ရည် ရှိရမယ်... ဒါကြောင့် အရမ်း မာကျောတဲ့ ပစ္စည်းမျိုး ဖြစ်လို့ မရဘူး... အထိုက်အလျောက် ဆွဲဆန့်နိုင်စွမ်းရှိတဲ့ ပစ္စည်းမျိုး ဖြစ်ဖို့ လိုအပ်တယ်"</p> <p>လင်းယွမ်က ထိုစကားကို ကြားလိုက်ရချိန်တွင် အခြေခံ သဘောတရားကို ချက်ချင်း နားလည်သွားသည်။</p> <p>ထိုအရာက ချိုးကုံရုံ၏ ကြိမ်နှုန်းမြင့်တူ ကဲ့သို့ပင် ဖြစ်သည်။ ကြိမ်နှုန်းမြင့် တုန်ခါမှုက မာကျောသော အရာဝတ္ထုများကို လွယ်ကူစွာ အမှုန့်ကြိတ်ပစ်နိုင်စွမ်း ရှိသည်။</p> <p>သို့သော်လည်း ဆွဲဆန့်နိုင်စွမ်းရှိသော အရာဝတ္ထုများကမူ အလွယ်တကူ တုန်ခါကွဲအက်သွားခြင်း မရှိနိုင်ပေ။</p> <p>လင်းယွမ်က ခေါင်းညိတ်ကာ ပြောလိုက်သည်။ "သန္ဓေပြောင်း သားရဲတွေရဲ့ သားရေ ဒါမှမဟုတ် ရော်ဘာ ပစ္စည်းမျိုးတွေကို ထည့်သွင်းစဉ်းစားလို့ ရတာပေါ့"</p> <p>လီဟန်ကျုံးက ခေါင်းညိတ်လျက် ပြောသည်။ "ဒီအချက်အတွက်ကတော့ ဆရာလင်း ပေးထားတဲ့ သွေးရေခဲတွေကို စမ်းသပ်စစ်ဆေးဖို့ လိုသေးတယ်... အဲဒီအထဲမှာ တိုက်စားတတ်တဲ့ အာနိသင်မျိုး ပါဝင်နေသလား ဆိုတာကိုပေါ့"</p> <p>"မျိုးရိုးဗီဇတွေ အလွှာကွဲသွားတာနဲ့ တစ်ပြိုင်နက် အဲဒီထဲက တချို့သော မျိုးရိုးဗီဇတွေရဲ့ အစွမ်းအာနိသင်တွေက ထွက်ပေါ်လာလိမ့်မယ်"</p> <p>"တကယ်လို့များ တိုက်စားတတ်တဲ့ မျိုးရိုးဗီဇ အမျိုးအစားသာ ပါဝင်နေခဲ့ရင် သာမန် ရော်ဘာပစ္စည်းတွေက ပြဿနာ ရှိလာနိုင်တယ်"</p> <p>လင်းယွမ်က ခေါင်းညိတ်ကာ ပြောလိုက်သည်။ "ဒီအချက်ကိုတော့ ထည့်သွင်းစဉ်းစားဖို့ လိုအပ်တာပေါ့... ဒီလိုလုပ်... ခဏနေ ကျွန်တော် ပြန်သွားရင် ဓာတ်ခွဲခန်းမှာ စမ်းသပ်ဖို့ သွေးရေခဲ အချို့ကို ချန်ထားခဲ့ပေးမယ်... သင့်တော်တဲ့ မီးဖို ကိုယ်ထည်ကို အမြန်ဆုံး ရှာဖွေရွေးချယ်လိုက်ပါ"</p> <p>လီဟန်ကျုံးက ခေါင်းညိတ်ကာ သဘောတူလိုက်သည်။</p> <p>"ဒုတိယ နည်းလမ်းကရော ဘယ်လိုမျိုးလဲ"</p> <p>လီဟန်ကျုံးက ပြန်ဖြေသည်။ "ဒုတိယ နည်းလမ်းကတော့ ကျွန်တော့်ရဲ့ ကိုယ်ပိုင် အကြံဉာဏ်ပါ... တခြားသူတွေနဲ့တော့ မဆွေးနွေးရသေးဘူး"</p> <p>"ကျွန်တော် စဉ်းစားကြည့်တာကတော့ မျိုးရိုးဗီဇမျိုးစေ့အဆင့် သန္ဓေပြောင်း သတ္တဝါတွေ ဖြစ်နေမှတော့ သူတို့ရဲ့ သွေးထဲမှာ အင်အားအကြီးဆုံး ဖြစ်မယ့်အရာက သူတို့ရဲ့ အဓိက သဘာဝစွမ်းအင်ကို ကိုယ်စားပြုတဲ့ မျိုးရိုးဗီဇပဲ ဖြစ်ရမယ်"</p> <p>"ဆရာလင်း ဒီတစ်ကြိမ် ယူလာခဲ့တဲ့ ရေခဲဓာတ် မျိုးရိုးဗီဇထဲမှာ... ရေခဲဓာတ် မျိုးရိုးဗီဇက အပြည့်စုံဆုံးနဲ့ အစွမ်းအထက်ဆုံး ဖြစ်ဖို့ ရာခိုင်နှုန်း များတယ်"</p> <p>"တကယ်လို့ ကျွန်တော်တို့က ရေဒီယိုသတ္တိကြွ ဓာတ်ရောင်ခြည်ထုတ်လွှင့်တဲ့ နည်းလမ်းမျိုးကို အသုံးပြုပြီး... ဓာတ်ရောင်ခြည် ပြင်းအားကို သတ်မှတ်ထားတဲ့ အတိုင်းအတာ တစ်ခုအတွင်းမှာ ထိန်းချုပ်ထားနိုင်မယ်ဆိုရင်... သွေးထဲမှာရှိတဲ့ အားနည်းပြီး ကျဲပါးနေတဲ့ မျိုးရိုးဗီဇ အုပ်စုတွေကို အတင်းအဓမ္မ ဖျက်ဆီးပစ်နိုင်မှာပဲ... အစွမ်းထက်တဲ့ မျိုးရိုးဗီဇတွေကတော့ ဓာတ်ရောင်ခြည်ရဲ့ ဖျက်ဆီးမှုကို ခံနိုင်ရည် ရှိပါလိမ့်မယ်"</p> <p>"ဒီလိုသာ လုပ်နိုင်မယ်ဆိုရင် အစွမ်းထက်တဲ့ ရေခဲဓာတ် မျိုးရိုးဗီဇကို ချန်ထားနိုင်ပြီး တခြား ရောနှောနေတဲ့ မျိုးရိုးဗီဇတွေကို ဖယ်ရှားပစ်နိုင်ပြီပေါ့"</p> <p>လင်းယွမ်က ထိုစကားကို ကြားလိုက်ရချိန်တွင် သူ၏ ရင်ထဲ၌ လှုပ်ရှားသွားရသည်။ "ဒီနည်းလမ်းက နည်းနည်းတော့ စိတ်ဝင်စားစရာ ကောင်းသားပဲ"</p> <p>သူက ချိုးကုံရုံ ပြောပြခဲ့ဖူးသည့် စကားများကို ပြန်လည် တွေးတောမိသွားသည်။ အစွမ်းပိုင်ရှင်များသည် မိမိကိုယ်ကို မီးဖိုအဖြစ် သတ်မှတ်ကာ လိုအပ်သော မျိုးရိုးဗီဇများကို စုပ်ယူပြီး ရောနှောနေသော မျိုးရိုးဗီဇများကို တွန်းလှန်ဖယ်ရှားပစ်ကြသည်။</p> <p>အစွမ်းပိုင်ရှင်များ၏ ကိုယ်ပိုင် စိတ်စွမ်းအင်နှင့် ခန္ဓာကိုယ်တွင်းရှိ သန္ဓေပြောင်းစွမ်းအင်တို့က ဓာတ်ရောင်ခြည်ပင် ဖြစ်သည်။ အသုံးဝင်သော မျိုးရိုးဗီဇများကို စုပ်ယူကာ ရောနှောနေသော မျိုးရိုးဗီဇများကို ဖယ်ရှားပစ်ခြင်းဖြင့် ဆင့်ကဲပြောင်းလဲမှု ဖြစ်စဉ်ကို ပြီးမြောက်စေသည်။</p> <p>ထိုအရာ နှစ်ခုကြားရှိ အခြေခံ သဘောတရားများက အနည်းငယ် ဆင်တူနေပေသည်။</p> <p>ထိုစဉ် လီဟန်ကျုံးက သက်ပြင်းချကာ ပြောလာသည်။ "ဒါပေမဲ့ ပြဿနာရဲ့ အခက်ခဲဆုံး အပိုင်းက ဒီလို ဓာတ်ရောင်ခြည် အရင်းအမြစ်မျိုးကို ဘယ်ကနေ သွားရှာရမလဲ... ပြီးတော့ ဓာတ်ရောင်ခြည် ပြင်းအားကို ဘယ်လို ထိန်းချုပ်ရမလဲ ဆိုတာပါပဲ"</p> <p>"နောက်တစ်ချက်က ဓာတ်ရောင်ခြည်က မျိုးရိုးဗီဇမျိုးစေ့အဆင့် သွေးမျိုးရိုးဗီဇတွေကို ဖျက်ဆီးပစ်နိုင်စွမ်း ရှိနေမယ်ဆိုရင် မျိုးရိုးဗီဇမျိုးစေ့အဆင့်ကို မရောက်သေးတဲ့ ကျွန်တော်တို့လို လူတွေက ဓာတ်ရောင်ခြည် အရင်းအမြစ်နားကို ကပ်သွားရင် အင်မတန် အန္တရာယ် ကြီးမားနိုင်တယ်"</p> <p>"ဒါကြောင့် ကျွန်တော် ပြောတာ... ဒီအစီအစဉ်ကို အကောင်အထည်ဖော်ဖို့ဆိုတာ သိပ်ပြီး လက်တွေ့မကျလှပါဘူး"</p> <p>လင်းယွမ်က ခေါင်းညိတ်လိုက်သည်။ ၎င်းက အမှန်တကယ်ပင် ပြဿနာ တစ်ခု ဖြစ်ပေသည်။</p> <p>"ဒီတော့ ပထမ အစီအစဉ်အတိုင်းပဲ အရင် ရှေ့ဆက် လုပ်ဆောင်ကြတာပေါ့"</p> <p>"ဒုတိယ အစီအစဉ်ကိုတော့ လောလောဆယ် ခဏ ဘေးဖယ်ထားလိုက်မယ်... တကယ်လို့ ပထမ အစီအစဉ်က အဆင်မပြေဘူး ဆိုရင်တော့ ကျွန်တော်တို့ တခြားနည်းလမ်းကို ပြန်စဉ်းစားကြတာပေါ့"</p> <p>"ဟုတ်ကဲ့ပါ... ဆရာလင်း"</p> <p>လင်းယွမ်က လီဟန်ကျုံးနှင့် အတန်ကြာ စကားစမြည် ဆက်ပြောနေပြီးနောက် သားသတ်ရုံသို့ သွားကာ ထိခိုက်မှု လွှဲပြောင်းခြင်း အစွမ်းကို စမ်းသပ်ကြည့်ရန် မစောင့်ဆိုင်းနိုင်အောင် ဖြစ်နေတော့သည်။</p> <p>သို့သော်လည်း လီဟန်ကျုံးက လင်းယွမ်ကို ဆွဲထားလိုက်ပြီး သူ၏ မျက်နှာအမူအရာက အနည်းငယ် တွေဝေ တုံ့ဆိုင်းနေကာ အတော်လေး အားနာနေသည့်ပုံ ပေါက်နေသည်။</p> <p>လင်းယွမ်က သံသယဖြင့် မေးလိုက်သည်။ "ပါမောက္ခလီ... ဘာကိစ္စ ရှိသေးလို့လဲ"</p> <p>လီဟန်ကျုံးက နောက်ဆုံးတွင် သွားကြိတ်ကာ ပြောလိုက်သည်။ "ဆရာလင်း... ကျွန်တော့်မှာ အကူအညီ တောင်းစရာလေး တစ်ခု ရှိနေလို့ပါ"</p> <p>လင်းယွမ်က ချက်ချင်း စိတ်ဝင်စားသွားသည်။ လီဟန်ကျုံးက ထိုက်ယန်တောင်သို့ ဝင်ရောက်လာပြီးကတည်းက စည်းကမ်းတကျ နေထိုင်တတ်ပြီး လွန်ကျူးသော တောင်းဆိုမှုမျိုးကို တစ်ခါမျှ မပြုလုပ်ခဲ့ဖူးပေ။</p> <p>မည်သည့်ကိစ္စကများ သူ့အား မျက်နှာပူပူဖြင့် အကူအညီ တောင်းခံလာစေရသနည်း။</p> <p>သူက ရယ်မောကာ ပြောလိုက်သည်။ "ပါမောက္ခလီ... ခင်ဗျားမှာ ဘာအခက်အခဲ ရှိနေလို့လဲ... ကျွန်တော့်ကိုပြောပါ အားမနာပါနဲ့"</p> <p>လီဟန်ကျုံးက လက်ကာပြကာ ပြောသည်။ "မဟုတ်ပါဘူး... ကျွန်တော် မဟုတ်ဘူး... ကျွန်တော့်ရဲ့ မျိုးဆက်သစ် ကလေးတစ်ယောက်အတွက်ပါ"</p> <p>လင်းယွမ်က ချက်ချင်း အံ့ဩသွားသည်။ "မျိုးဆက်သစ် ဟုတ်လား"</p> <p>"ဟုတ်ပါတယ်... သူက ဆရာလင်း ဖမ်းဆီးခေါ်ဆောင်လာတဲ့ သုံ့ပန်းတွေထဲက တစ်ယောက်ပါ... အခု မိန်တောင် စစ်အခြေစိုက်စခန်းမှာ အလုပ်အကျွေး ပြုနေရပါတယ်... အော်... ကျွန်တော်က သူ့ရဲ့ အလုပ်အကျွေးပြုရမယ့် ကာလကို ကင်းလွတ်ခွင့်ပေးဖို့ တောင်းဆိုတာ မဟုတ်ပါဘူး... သူ အလုပ်အကျွေးပြုတဲ့ ကာလ ပြီးဆုံးသွားရင် ကျွန်တော့်ဆီ လာပြီး လက်ထောက် အဖြစ် အလုပ်လုပ်ပေးခွင့် ပြုနိုင်မလားလို့ မေးချင်တာပါ"</p> <p>လင်းယွမ်က အံ့ဩသွားရသည်။ လီဟန်ကျုံးက ဤကိစ္စကို တောင်းဆိုလာမည်ဟု သူ မထင်မှတ်ထားခဲ့ပေ။ သူ၏ အတွေးများက လျင်မြန်စွာ လည်ပတ်သွားပြီး လူတစ်ယောက်ကို ချက်ချင်း သတိရသွားသည်။</p> <p>"ခင်ဗျား မေးနေတာက ရှန်ယွင်ရှီးကိုလား"</p> <p>လီဟန်ကျုံးက ချက်ချင်း အံ့ဩဝမ်းသာစွာဖြင့် ခေါင်းမော့လာသည်။ "ဆရာလင်းက ဘယ်လိုလုပ် သိနေတာလဲ"</p> <p>"တကယ်ကြီး သူပဲလား... ဟားဟား... သူက ခင်ဗျားကို သိတယ်လို့ ကျွန်တော့်ကို ပြောဖူးပါတယ်... ဒါပေမဲ့ ခင်ဗျားတို့ရဲ့ ဆက်ဆံရေးက ဒီလောက်အထိ ရင်းနီးနေမယ်လို့တော့ မပြောခဲ့ဘူးလေ"</p> <p>"သူမက ကျွန်တော့် ဇနီးဘက်က အမျိုး တစ်ယောက်ပါ... ကျွန်တော့်ရဲ့ မျိုးဆက်သစ်လို့ ပြောလို့ ရတယ်... အရင်တုန်းက သင်္ဘောတည်ဆောက်ရေး တက္ကသိုလ်မှာလည်း သူမက ကျွန်တော့်ဘေးမှာ အမြဲတမ်း ပရောဂျက်တွေ ကူလုပ်ပေးခဲ့တာ"</p> <p>"အရည်အချင်း အပိုင်းမှာတော့ သူက ဘာပြဿနာမှ မရှိဘူး... ဒီအချက်ကိုတော့ ကျွန်တော် အာမခံရဲတယ်"</p> <p>လင်းယွမ်က ပြုံးလိုက်သည်။ ရှန်ယွင်ရှီးက ဤမျှ ရင်းနှီးသော ဆက်ဆံရေးမျိုးကို ဖုံးကွယ်ထားခဲ့မည်ဟု သူ မထင်မှတ်ထားခဲ့ပေ။</p> <p>သူက မနေနိုင်ဘဲ ပြောလိုက်သည်။ "ပါမောက္ခလီ ကိုယ်တိုင် ပြောနေမှတော့ ကျွန်တော်ကလည်း မျက်နှာသာ ပေးရမှာပေါ့... သူ အလုပ်အကျွေးပြုတဲ့ ကာလ ပြီးဆုံးသွားရင် သုတေသနနဲ့ ဖွံ့ဖြိုးတိုးတက်ရေး ဌာနကို လာခဲ့ခိုင်းလိုက်ပါ"</p> <p>လီဟန်ကျုံးက အလွန်တရာ ဝမ်းသာအားရ ဖြစ်သွားပြီး အကြိမ်ကြိမ် ဦးညွှတ်ကာ ကျေးဇူးတင်စကား ဆိုလိုက်သည်။ "ကျေးဇူးတင်ပါတယ်... ကျေးဇူးတင်ပါတယ်ဗျာ"</p> <p>လင်းယွမ်က သူ့အား တွဲထူလိုက်ပြီး ရယ်မောကာ ပြောသည်။ "ဒါက ခင်ဗျားမို့လို့ပါ... တခြားလူသာဆိုရင် ဘယ်လိုပဲဖြစ်ဖြစ် သုတေသနနဲ့ ဖွံ့ဖြိုးတက်ရေး ဌာနက လူတွေရဲ့ စစ်ဆေးမှုကို ခံယူပြီးမှ ဝင်ခွင့်ပြုလို့ ရမှာ"</p> <p>"ကျွန်တော် နားလည်ပါတယ်... ယွင်ရှီးဆိုတဲ့ ကလေးက တော်တော်လေး အရည်အချင်းရှိတဲ့ ကလေးပါ... အထူးသဖြင့် သင်္ဘောတည်ဆောက်ရေး အပိုင်းမှာတော့ အခြေခံ ကောင်းကောင်း ရှိပါတယ်" လီဟန်ကျုံးက အလျင်စလို အာမခံလိုက်သည်။</p> <p>လင်းယွမ်က ပြုံးလိုက်ပြီး ပြောသည်။ "ကဲပါ... ဒါဆိုလည်း ဒီလိုပဲ လုပ်ကြတာပေါ့... ကျွန်တော် တခြား အလုပ်လေးတွေ လုပ်စရာ ရှိသေးလို့ အရင် သွားနှင့်ဦးမယ်"</p> <p>"အာ... ဟုတ်ကဲ့... ကျွန်တော် လိုက်ပို့ပေးမယ်"</p> <p>လီဟန်ကျုံးက လင်းယွမ်အား တံခါးဝအထိ အလျင်စလို လိုက်ပို့ပေးလိုက်ပြီး သူ၏ မျက်နှာပေါ်တွင် ဝမ်းသာပျော်ရွှင်နေသော အရိပ်အယောင်များ အပြည့်အနှက် ဖြစ်ပေါ်နေသည်။</p> <p>သုတေသနနှင့် ဖွံ့ဖြိုးတိုးတက်ရေး ဌာနမှ ထွက်လာပြီးနောက် လင်းယွမ်က ပြုံးလိုက်ပြီး ဤကိစ္စကို သိပ်ပြီး ဂရုမစိုက်နေတော့ပေ။</p> <p>အမှန်တကယ်တွင် လီဟန်ကျုံးက ဖွင့်မပြောလာလျှင်တောင်မှ သူက ရှန်ယွင်ရှီးကို သုတေသနနှင့် ဖွံ့ဖြိုးတိုးတက်ရေး ဌာနသို့ ပြောင်းရွှေ့ပေးရန် စဉ်းစားထားပြီးသား ဖြစ်သည်။</p> <p>သင်္ဘောတည်ဆောက်ရေး တက္ကသိုလ်၏ ပါမောက္ခ တစ်ဦး ဖြစ်သည့် ရှန်ယွင်ရှီး၏ ကျွမ်းကျင်မှု အရည်အသွေးက သံသယ ဝင်စရာ မလိုလောက်အောင်ပင် ကောင်းမွန်ပေသည်။</p> <p>ယခုအချိန်တွင် လင်းယွမ်၏ လက်အောက်၌ သင်္ဘောတည်ဆောက်ရေး ကျွမ်းကျင်ပညာရှင်များ ရှားပါးနေသည်ကို မပြောနှင့်ဦး၊ ထိုကဲ့သို့သော အရည်အချင်းရှိသူများ မရှားပါးလျှင်တောင်မှ ရှန်ယွင်ရှီးကို မဖြစ်မနေ အသုံးပြုရမည်သာ ဖြစ်သည်။</p> <p>အဘယ်ကြောင့်ဆိုသော် သင်္ဘောတည်ဆောက်ရေး ဘာသာရပ်တွင် ပါမောက္ခ တစ်ဦး ဖြစ်သည့် ရှန်ယွင်ရှီး၌ ခိုင်မာသော အခြေခံအုတ်မြစ် ရှိနေမည်မှာ သေချာသောကြောင့်ပင်။</p> <p>သို့သော်လည်း စကားအရသာ ထိုသို့ ပြောနေသော်လည်း လီဟန်ကျုံးက သူ့အား အကူအညီ တောင်းခံလာခြင်း ဖြစ်ပေသည်။</p> <p>ထို့ကြောင့် သူက တိုက်ရိုက်ကြီး ချက်ချင်း သဘောတူပေးလိုက်မည် မဟုတ်ပေ။ လူတစ်ယောက်ကို မိမိ၏ ကျေးဇူးတရားကို မှတ်မိနေစေချင်လျှင် ဤကိစ္စက လုပ်ဆောင်ရ မလွယ်ကူကြောင်းကို အရင်ဆုံး ပြောပြထားရမည် ဖြစ်သည်။</p> <p>ထိုသို့ ပြုလုပ်မှသာလျှင် တစ်ဖက်လူက မိမိသည် ဤကိစ္စအတွက် မည်မျှ ပေးဆပ်ရသည်ကို သိရှိနားလည်နိုင်မည် ဖြစ်သည်။</p> <p>သေချာသည်မှာ ဤအရာက အခြေခံ လူမှုဆက်ဆံရေး နည်းလမ်းများသာ ဖြစ်ပြီး လင်းယွမ်ကလည်း ထိုကဲ့သို့သော အသေးအဖွဲ ကျေးဇူးတရားများဖြင့် လူများ၏ စိတ်နှလုံးကို သိမ်းသွင်းလိုခြင်း မဟုတ်ပေ။</p> <p>အဆင်သင့် ဖြစ်နေ၍ အလိုက်သင့်လေး လုပ်ဆောင်လိုက်ခြင်းသာ ဖြစ်သည်။</p> <p>ကောင်းမွန်သော ဆက်ဆံရေး တစ်ခုဆိုသည်မှာ ဖန်တီးယူရခြင်းသာ ဖြစ်သည်။</p> <p>သားသတ်ရုံသို့ ရောက်ရှိလာချိန်တွင် လင်းယွမ်က အတွင်းဘက်သို့ ဝင်သွားလိုက်ရာ သန္ဓေပြောင်းငါးများ၏ ညှီနံ့များကို ရရှိနေရသည်။</p> <p>ဤနေရာ၏ အခြေအနေက အတော်လေး ခက်ခဲကြမ်းတမ်းလှပြီး အဓိကအားဖြင့် အနံ့အသက်က လူများကို နေရခက်စေသည်။</p> <p>သို့သော်လည်း သားသတ်ရုံတွင် အလုပ်လာလုပ်လိုသူများက အများအပြား ရှိနေဆဲပင်။</p> <p>အဘယ်ကြောင့်ဆိုသော် လင်းယွမ်က သားသတ်ရုံ၏ လစာကို အတော်လေး မြင့်မားစွာ သတ်မှတ်ပေးထားသောကြောင့် ဖြစ်သည်။ ၎င်းက ဤနေရာတွင် အလုပ်လုပ်ကိုင်သူများအတွက် အပို ထောက်ပံ့ကြေး တစ်ခု ပေးထားခြင်းဟု ဆို၍ ရပေသည်။</p> <p>ထို့အပြင် နောက်ထပ် အချက်တစ်ချက် ရှိသေးသည်။ သားသတ်ရုံတွင် အလုပ်လုပ်ကိုင်သူများသည် အလုပ်ဆင်းချိန်တွင် ထိုနေ့က ကိုင်တွယ်ဖြေရှင်းထားသည့် အကြွင်းအကျန် ငါးခေါင်းများ၊ ငါးအရိုးများနှင့် သားရဲအရိုးများ ကဲ့သို့သော အရာများကို အိမ်သို့ ပြန်ယူသွားကာ ဟင်းချို ချက်သောက်ခြင်းမျိုး ပြုလုပ်နိုင်ပေသည်။</p> <p>တစ်ခါတစ်ရံတွင် အလုပ်သမားများသည် အသားများ ပြောင်စင်အောင် မခွာရသေးသော အရိုးအချို့ကို ခိုးယူသွားတတ်ကြသည်။</p> <p>စီမံခန့်ခွဲသူများကလည်း မသိချင်ယောင် ဆောင်ပေးထားတတ်ကြသည်။ ၎င်းက အလုပ်သမားများအတွက် ပုံသေ သတ်မှတ်ထားသော အကျိုးခံစားခွင့် တစ်ခုဟု ဆို၍ ရပေသည်။</p> <p>သေချာသည်မှာ ထိုအရိုးများပေါ်တွင် ကပ်နေသော အသားများက အရမ်း မများလွန်းရပေ။ ထိုသို့မဟုတ်ဘဲ အရမ်းလွန်ကျူးသွားပြီး စစ်ဆေးရေးဌာနမှ လူများနှင့် မိသွားပါက ပြောစရာ ပြဿနာများ ရှိလာနိုင်ပေသည်။</p> <p>လင်းယွမ် ရောက်ရှိလာချိန်တွင် အလုပ်သမားများ အားလုံးက အလျင်စလို မတ်တတ်ရပ်ကာ နှုတ်ဆက်ကြသည်။</p> <p>လင်းယွမ်က ပြုံးရွှင်စွာဖြင့် ခေါင်းညိတ်ပြလိုက်ပြီး လူအုပ်ကြီးအား နှုတ်ဆက်ကာ အလုပ်ခန်းထဲသို့ ဝင်သွားလိုက်သည်။</p> <p>ပုံမှန်အတိုင်းပင် ယနေ့အတွက် ရရှိသော ငါးများကို စုဆောင်းသိမ်းဆည်းလိုက်ရာ အမှတ် တစ်သောင်းကျော် ဝင်လာခဲ့သည်။</p> <p>ထို့နောက် လင်းယွမ်က ကြီးမားလှသော ငါးကန်ကြီးကို အကဲခတ် ကြည့်ရှုလိုက်ပြီး မေးစေ့ကို ပွတ်သပ်ကာ အရိုးခွာဓား တစ်လက်ကို ရွေးချယ်လိုက်သည်။</p> <p>ထို့နောက် သူ၏ စိတ်စွမ်းအင်များကို လည်ပတ်စေကာ ထိခိုက်မှု လွှဲပြောင်းခြင်း အစွမ်းကို အသက်သွင်းလိုက်ပြီး အကြောင်းအကျိုး ကြိုးမျှင် တစ်ချောင်းကို အလျင်အမြန် ချိတ်ဆက်ကာ ဤဓားပေါ်တွင် ရစ်ပတ်လိုက်သည်။</p> <p>အကြောင်းအကျိုး ကြိုးမျှင်၏ အခြားတစ်ဖက် အစွန်းကမူ သူ၏ ကိုယ်ပေါ်တွင် ရစ်ပတ်နေဆဲပင်။</p> <p>ထိုအရာများကို လုပ်ဆောင်ပြီးစီးသွားပြီးနောက် လင်းယွမ်က အနီးအနားရှိ အလုပ်သမား တစ်ဦးကို လက်ယပ်ခေါ်လိုက်သည်။</p> <p>ထိုလူက အလျင်စလို ပြေးလာခဲ့ပြီး စိတ်လှုပ်ရှားစွာဖြင့် ပြောလိုက်သည်။ "မင်္ဂလာပါ... ဆရာလင်း"</p> <p>လင်းယွမ်က နူးညံ့စွာ ပြုံးကာ မေးလိုက်သည်။ "နာမည် ဘယ်လို ခေါ်လဲ"</p> <p>"ကျွန်တော့် နာမည် ချန်ဟောင်ပါ"</p> <p>"ချန်ဟောင်... မင်း ငါးသတ်တတ်လား"</p> <p>ချန်ဟောင်က အလျင်စလို ပြန်ဖြေသည်။ "သတ်တတ်တာပေါ့ဗျ... ကျွန်တော်တို့က နေ့တိုင်း ငါးသတ်နေရတာပဲကို"</p> <p>"သွား... ဒီဓားကို သုံးပြီး ငါးတစ်ကောင် သတ်ပြစမ်း" လင်းယွမ်က ရယ်မောကာ ပြောလိုက်သည်။</p> <p>ချန်ဟောင်က ချက်ချင်း စိတ်လှုပ်ရှားသွားသည်။ "ဟုတ်ကဲ့ပါ... ဆရာလင်း"</p> <p>ချန်ဟောင်က အရိုးခွာဓားကို ကောက်ကိုင်လိုက်ပြီး ရေကန်ထဲမှ နှစ်ပေခန့် ရှည်လျားသော သန္ဓေပြောင်းငါး တစ်ကောင်ကို တိုက်ရိုက် ဆယ်ယူလိုက်သည်ကို မြင်လိုက်ရသည်။</p> <p>သူ၏ လက်ထဲမှ ဓားက လေထဲတွင် ဝေ့ယမ်းသွားပြီး "ဒုန်း... ဒုန်း" ဟူသော အသံ နှစ်ချက်နှင့်အတူ ထိုသန္ဓေပြောင်းငါးကို တိုက်ရိုက် ရိုက်မေ့ပစ်လိုက်သည်။</p> <p>ထို့နောက် ဓားဖြင့် တစ်ချက်တည်း ခုတ်ချလိုက်ရာ ငါး၏ ခေါင်းပေါ်သို့ တိုက်ရိုက် ကျရောက်သွားသည်။</p> <p>သန္ဓေပြောင်းငါးများ၏ အကြေးခွံများက ယေဘုယျအားဖြင့် အတော်လေး မာကျောကြသည်။ ထိုကဲ့သို့သော သာမန် လက်နက်မျိုးက ၎င်းတို့၏ အကြေးခွံများကို ခွဲဖြာပစ်ရန် အလွန် ခက်ခဲပေသည်။</p> <p>ထို့အပြင် သန္ဓေပြောင်းငါးများ၏ သက်စောင့်အင်အားက ခိုင်မာပြီး သူတို့၏ စိတ်နေသဘောထားကလည်း ရက်စက်ကြမ်းကြုတ်လှသည်။</p> <p>အမှန်တကယ် သတ်ဖြတ်ခြင်း မပြုလုပ်မီ ၎င်းတို့ကို အရင်ဆုံး ရိုက်မေ့ထားမှသာလျှင် ပိုပြီး စိတ်ချရမည် ဖြစ်သည်။</p> <p>ထိုဓားချက် ကျရောက်သွားချိန်တွင် အရိုးခွာဓားက ငါးအရိုးခေါင်းပေါ်တွင် တစ်ဆို့သွားခဲ့သည်။</p> <p>သူက ငါး၏ ကိုယ်လုံးကို အလျင်အမြန် ဖိထားလိုက်ပြီး အရိုးခွာဓားကို အားကုန်သုံး၍ ပြန်ဆွဲထုတ်လိုက်ကာ ထပ်မံ၍ ခွန်အားသုံးကာ ခုတ်ချလိုက်ပြန်သည်။</p> <p>ဆက်တိုက် သုံးကြိမ်တိုင်တိုင် ခုတ်ချလိုက်ပြီးနောက် နောက်ဆုံးတွင် ငါးခေါင်းကို ခွဲဖြာပစ်လိုက်နိုင်တော့သည်။</p> <p>တစ်ချိန်တည်းမှာပင် လင်းယွမ်၏ နားထဲတွင် စနစ်၏ အသိပေးသံ တစ်ခုက ချက်ချင်း ထွက်ပေါ်လာခဲ့သည်။</p> <p>[ဒင်... သင် သန္ဓေပြောင်း သတ္တဝါတစ်ကောင်ကို သတ်ဖြတ်လိုက်ပါသဖြင့် အမှတ် ၈ မှတ် ရရှိပါသည်]</p> <p>ထိုအခိုက်အတန့်တွင် လင်းယွမ်က ချက်ချင်း ပြုံးရွှင်သွားတော့သည်။</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save