Book List

<h2 style="text-align: center;">အပိုင်း(၄၅၈)</h2> <h2 style="text-align: center;">အမှတ်တစ်သန်းနှင့် ရူးသွပ်ဖွယ်ရာ အမှတ်ပေါင်းထည့်ခြင်း</h2> <h2 style="text-align: center;">*</h2> <p> </p> <p> </p> <p>အသွင်တစ်ရာ မျောက်ဝံမိစ္ဆာ၏ မျိုးရိုးဗီဇမြေပုံက အဓိကအားဖြင့် အသွင်ပြောင်းလဲခြင်း လမ်းစဉ်ပေါ်တွင်သာ အခြေခံထားသည်။</p> <p>တကယ်တမ်း တိုက်ခိုက်ရမည်ဆိုလျှင် အခြားသော အစွမ်းများကိုသာ အားထားရမည် ဖြစ်သည်။</p> <p>အကယ်၍ သူသာ မည်သည့် မျိုးရိုးဗီဇမြေပုံ အသွင်ကိုမဆို ပြောင်းလဲနိုင်မည်ဆိုပါက သူ၏ စွမ်းအားများက အမှန်တကယ်ပင် ကောင်းကင်ဘုံကိုပင် အံတုနိုင်စွမ်း ရှိလာပေလိမ့်မည်။</p> <p>"ရှေ့ဆက်ရမယ့် အချိန်တွေမှာ ငါ ရေခဲဓာတ် အစွမ်းတွေကို ပိုပြီး စုဆောင်းရတော့မယ်နဲ့ တူတယ်"</p> <p>"စိတ်စွမ်းအင်က ငါ့ရဲ့ အားသာချက်ပဲ... ရေခဲဓာတ်ပါတဲ့ စိတ်စွမ်းအင် အမျိုးအစား အစွမ်းတွေကိုလည်း ပိုပြီး လေ့လာသင့်တယ်"</p> <p>လင်းယွမ်က သူ၏ နောက်တစ်ဆင့် စွမ်းအားမြှင့်တင်ရန်အတွက် အစီအစဉ်တစ်ခုကို ချမှတ်လိုက်သည်။</p> <p>"ရေခဲဓာတ် မျိုးရိုးဗီဇမျိုးစေ့နဲ့ ပတ်သက်ပြီး ပြဿနာမရှိဘူးဆိုတာ သေချာသွားပြီ... နောက်ထပ်ကတော့ ကျောက်ခိုင်ရဲ့ အရေအသွေးမှတ် ၅၀ ပြည့်သွားမယ့်အချိန်ကို စောင့်ရုံပဲ"</p> <p>"အမမေတို့ဘက်ကတော့... အချိန်နည်းနည်း ထပ်စောင့်ရဦးမယ် ထင်တယ်"</p> <p>လက်ရှိတွင် ရန်မေ၏ အဓိက အရေအသွေးမှတ်က ၄၀ မှတ်သာ ရှိသေးရာ ၎င်းကပင် သူမ အလွန် ကြိုးစားထားသော ရလဒ်ဖြစ်ပေသည်။</p> <p>တကယ်တမ်းတွင် သူမက ယခင်ကတည်းက အခြားသူများထက် အများကြီး နောက်ကျကျန်နေခဲ့ခြင်း ဖြစ်သည်။</p> <p>သို့သော် ကျောက်ခိုင်ကမူ မကြာသေးမီက လေ့ကျင့်ခြင်းတွင်သာ အာရုံစိုက်နေခဲ့ရာ ယခုအခါ အရေအသွေးမှတ် ၄၉ မှတ်အထိ ရောက်ရှိနေပြီ ဖြစ်သည်။</p> <p>နောက်ထပ် တစ်မှတ်သာ လိုအပ်တော့ပြီး ၎င်းဆိုလျှင် ၅၀ မှတ် ပြည့်သွားတော့မည် ဖြစ်သည်။</p> <p>ထိုအချိန်ကျလျှင် ရေခဲဓာတ် မျိုးရိုးဗီဇမျိုးစေ့ကို သုံးစွဲလိုက်သည်နှင့် ထိုက်ယန်တောင်တွင် ဒုတိယမြောက် မျိုးရိုးဗီဇမျိုးစေ့ အစွမ်းပိုင်ရှင် တစ်ယောက် ထွက်ပေါ်လာတော့မည် ဖြစ်သည်။</p> <p>သေချာသည်မှာ နောက်ပိုင်းတွင် အဆင့်တက်ရန် ပို၍ နှေးကွေးလာမည်ဖြစ်ရာ လင်းယွမ်က ကျောက်ခိုင်ကို သန္ဓေပြောင်း သတ္တဝါများ၏ သွေးသားများကို တတ်နိုင်သမျှ မစားသုံးရန်နှင့် စွမ်းအင် ကျင့်စဉ်ကိုသာ အားပြု၍ လေ့ကျင့်ရန် မှာကြားထားသည်။</p> <p>ဤလဝက်ခန့် အချိန်အတွင်း ကျောက်ခိုင် ၄၉ မှတ်အထိ ရောက်ရှိလာခြင်းက သူ၏ အလွန် ပြင်းပြင်းထန်ထန် ကြိုးစားအားထုတ်ခဲ့မှုကြောင့်သာ ဖြစ်ပေသည်။</p> <p>လင်းယွမ်က သူ၏ ရေခဲဓာတ် အခြေအနေကို ထပ်မံ၍ ခံစားကြည့်လိုက်ရာ ရေခဲဓာတ် အစွမ်းများမှလွဲ၍ အခြားသော အစွမ်းများကို အခြေခံအားဖြင့် အသုံးပြု၍ မရတော့ကြောင်း တွေ့လိုက်ရသည်။</p> <p>လင်းယွမ်က စိတ်ထဲမှ အနည်းငယ် တွေးတောလိုက်ရာ မျိုးရိုးဗီဇ ပြောင်းလဲသွားပြီး ရေခဲဓာတ် သွင်ပြင်လက္ခဏာများက လျင်မြန်စွာ ပျောက်ကွယ်သွားတော့သည်။</p> <p>အသွင်တစ်ရာ မျိုးရိုးဗီဇက မူလအခြေအနေသို့ ပြန်လည်ရောက်ရှိသွားပြီး အစွမ်းများကလည်း မည်သည့် ဓာတ်မှ မပါဝင်သော အခြေအနေသို့ ပြန်လည်ရောက်ရှိသွားသည်။</p> <p>သူ၏ ဆံပင်များက အနက်ရောင်အဖြစ် ပြန်လည်ပြောင်းလဲသွားပြီး မျက်ဝန်းများနှင့် အရေပြားကလည်း ပုံမှန်အတိုင်း ပြန်ဖြစ်သွားသည်။</p> <p>လင်းယွမ်က အနည်းငယ် ပြုံးလိုက်ပြီး မြေလျှိုးအစွမ်းကို ထပ်မံ အသုံးပြုကာ သူ၏ ကိုယ်ခန္ဓာကို လိုဏ်ဂူထဲမှ လျင်မြန်စွာ ထွက်ခွာသွားစေလိုက်သည်။</p> <p>သုတေသနနှင့် ဖွံ့ဖြိုးတိုးတက်ရေး ဌာနသို့ ပြန်လည်ရောက်ရှိလာပြီးနောက် လင်းယွမ်က တားမြစ်အခန်းထဲသို့ ဝင်ရောက်ကာ ရေခဲဓာတ် သင်္ကေတ အရိုးများကို အဓိကထား၍ ရှာဖွေလိုက်သည်။</p> <p>အဖြူရောင် အဆင့်ရှိ သင်္ကေတ အရိုးများကိုမူ သူ ဆက်လက် ကြည့်ရှုနေခြင်း မရှိတော့ပေ။</p> <p>အစိမ်းရောင် အဆင့်ရှိ သင်္ကေတ အရိုးများကိုသာ အဓိကထား၍ အာရုံစိုက်နေခဲ့သည်။</p> <p>မျိုးရိုးဗီဇမျိုးစေ့ အဆင့်သို့ ရောက်ရှိလာချိန်တွင် အဖြူရောင် အဆင့်ရှိ အစွမ်းများက အမှန်တကယ်ပင် နောက်ကျကျန်နေခဲ့ပြီ ဖြစ်သည်။</p> <p>အဓိကအားဖြင့် အဖြူရောင် အဆင့်ရှိ အစွမ်းများ၏ စွမ်းအားက အနည်းငယ် နိမ့်ကျနေပြီး မျိုးရိုးဗီဇမျိုးစေ့ အဆင့်ရှိ တိုက်ပွဲများတွင် ထိရောက်မှု ရှိရန် အလွန် ခက်ခဲသောကြောင့် ဖြစ်သည်။</p> <p>သေချာသည်မှာ စွမ်းအားမြှင့်တင်ပေးသော အစွမ်းများကတော့ ချွင်းချက် ဖြစ်ပေသည်။</p> <p>ဥပမာအားဖြင့် လင်းယွမ်၏ ကြွက်သားပေါက်ကွဲအစွမ်းက အဖြူရောင် အဆင့်သာ ဖြစ်သော်လည်း ပေါက်ကွဲအားကို မြှင့်တင်ပေးနိုင်ရာ မျိုးရိုးဗီဇမျိုးစေ့ အဆင့်တွင်ပင် အသုံးဝင်နေဆဲ ဖြစ်သည်။</p> <p>ထို့ပြင် သူ၏ အလင်းရောင် အစွမ်းက အစိမ်းရောင် အဆင့်ရှိ အစွမ်းဖြစ်သော်လည်း အစွမ်း အသုံးပြုမှု စွမ်းဆောင်ရည်ကို မြှင့်တင်ပေးနိုင်ရာ ၎င်းကလည်း စွမ်းအားမြှင့်တင်ပေးသော အစွမ်း အမျိုးအစားတွင် ပါဝင်ပြီး မိမိအနေဖြင့် မည်သည့် အဆင့်တွင်မဆို အသုံးပြုနိုင်ပေသည်။</p> <p>ယေဘုယျအားဖြင့် ဤအစွမ်း အမျိုးအစားများက မိမိ၏ စွမ်းအား နည်းပါးနေချိန်တွင် စွမ်းအားမြှင့်တင်မှု အာနိသင်က ပို၍ ကောင်းမွန်ပေသည်။</p> <p>နောက်ပိုင်းတွင် မိမိ၏ စွမ်းအားများ ပိုမို အားကောင်းလာသည်နှင့်အမျှ စွမ်းအားမြှင့်တင်မှု အာနိသင်က အားနည်းသွားမည် ဖြစ်သည်။</p> <p>နောက်ထပ် သုံးရက် ကုန်လွန်သွားပြီးနောက် ရေခဲဓာတ် မျိုးရိုးဗီဇမျိုးစေ့ တစ်စေ့ကို ထပ်မံ ဖော်စပ်နိုင်ခဲ့သည်။</p> <p>ဤသို့ လုပ်ဆောင်နိုင်မှု စွမ်းဆောင်ရည်က မြန်ဆန်သည်ဟု ဆိုနိုင်ပေသည်။</p> <p>သို့သော် လင်းယွမ်က အလွန် နှေးကွေးနေသေးသည်ဟု ခံစားနေရဆဲ ဖြစ်ပြီး သူ၏ လက်ထဲတွင် သွေးရေခဲများ အလွန် များပြားနေသောကြောင့် အရှိန်မြှင့်တင်ကာ အားလုံးကို မျိုးရိုးဗီဇမျိုးစေ့များအဖြစ် ပြောင်းလဲပစ်ရန် လိုအပ်နေသည်။</p> <p>ထို့ကြောင့် သူက သုတေသနနှင့် ဖွံ့ဖြိုးတိုးတက်ရေး ဌာနကို မျိုးရိုးဗီဇမီးဖိုများ ထပ်မံ တည်ဆောက်ရန် အမိန့်ပေးလိုက်သည်။</p> <p>မျိုးရိုးဗီဇမီးဖို အများအပြား တစ်ပြိုင်နက်တည်း အလုပ်လုပ်လာသောအခါ လင်းယွမ်က သုံးရက်လျှင် မျိုးရိုးဗီဇမျိုးစေ့ အများအပြားကို ရရှိနိုင်မည် ဖြစ်သည်။</p> <p>သေချာသည်မှာ ဤလုပ်ငန်းစဉ်အတွင်း ကျရှုံးမှုများလည်း ရှိခဲ့ပေသည်။</p> <p>ကျရှုံးရသည့် အဓိက အကြောင်းရင်းများမှာ သွေး၏ သန့်စင်နှုန်း မလုံလောက်ခြင်း၊ မျိုးရိုးဗီဇမီးဖို ပျက်စီးသွားခြင်း သို့မဟုတ် မျိုးရိုးဗီဇ ညစ်ညမ်းသွားခြင်းတို့ကြောင့် ဖြစ်နိုင်ပေသည်။</p> <p>မည်သို့ပင်ဖြစ်စေ ဤကျရှုံးမှု အတွေ့အကြုံများက အလွန် တန်မီးဖိုးရှိပြီး ဓာတ်ခွဲခန်းအတွက် စမ်းသပ်မှု ဒေတာ အများအပြားကို ပံ့ပိုးပေးနိုင်ခဲ့သည်။</p> <p>မျက်စိတစ်မှိတ်အတွင်းမှာပင် နောက်ထပ် လဝက်ခန့် ကုန်လွန်သွားခဲ့ပြန်သည်။</p> <p>ဤလ၏ ရေလှိုင်းဒီရေများအတွက် လင်းယွမ် ကိုယ်တိုင် ပါဝင်တိုက်ခိုက်ရန် မလိုအပ်တော့ဘဲ ကြီးကြပ်ရေးအဖွဲ့၊ မဟာဗျူဟာဌာနနှင့် ထိုက်ယန်တောင် အစောင့်တပ်ဖွဲ့ ကဲ့သို့သော တိုက်ခိုက်ရေး ဌာနများက အားလုံးကို တာဝန်ယူ ဖြေရှင်းပေးခဲ့ကြသည်။</p> <p>လင်းယွမ်ကလည်း သောင်တင်နေသော ငါးလေးများနှင့် ပုစွန်လေးများကို ထပ်မံ၍ သတ်ဖြတ်ရန် ပျင်းရိနေခဲ့ပြီ ဖြစ်သည်။</p> <p>မည်သို့ပင်ဖြစ်စေ နောက်ဆုံးတွင် ၎င်းတို့ အားလုံးက သားသတ်ရုံသို့ ရောက်ရှိသွားမည်ဖြစ်ပြီး အမှတ်များက သူ၏ ကိုယ်ပေါ်သို့ ရောက်ရှိလာမည်သာ ဖြစ်သည်။</p> <p>တစ်လတည်းသော အချိန်အတွင်းမှာပင် လင်းယွမ်၏ လက်ထဲရှိ အမှတ်များက အမှတ်တစ်သန်း အတိုင်းအတာကို ထပ်မံ ကျော်လွန်သွားခဲ့ပြီ ဖြစ်သည်။</p> <p>ထိုအထဲတွင် ရေလှိုင်းဒီရေများကြောင့် ရရှိခဲ့သော ကြီးမားသည့် အမှတ်များလည်း ပါဝင်ပေသည်။</p> <p>ထို့ပြင် နေ့စဉ် စုဆောင်းရရှိသော သောင်းဂဏန်းရှိ အမှတ်များလည်း ပါဝင်သည်။</p> <p>အချုပ်အားဖြင့်ဆိုရလျှင် လင်းယွမ်က နောက်တစ်ကြိမ် ချက်ချင်း သူဌေးကြီး ဖြစ်လာခဲ့ပြန်သည်။</p> <p>ဤတစ်ကြိမ်တွင်မူ သူက ယခင်အကြိမ်က သင်ခန်းစာကို ရယူထားပြီးဖြစ်ရာ အမှတ်များကို ထပ်မံ၍ ရမ်းသန်း သုံးစွဲတော့မည် မဟုတ်ပေ။</p> <p>သူက သူ၏ အရေအသွေးများ အားလုံးကို တစ်ဟုန်ထိုး မြှင့်တင်ပစ်ချင်နေသည်။</p> <p>အမှတ်တစ်သန်းက သူ့အတွက် အရေအသွေးမှတ် ၁၀၀ အထိ ထောက်ပံ့ပေးနိုင်ပေသည်။</p> <p>လင်းယွမ်က အနည်းငယ်မျှ တွေဝေခြင်း မရှိဘဲ ကံစမ်းမဲများကို တိုက်ရိုက် ဆက်တိုက် နှိုက်ယူလိုက်တော့သည်။</p> <p>"စနစ်... သတ်မှတ် အရည်အသွေးမှတ် ကံစမ်းမဲနှိုက်မယ်"</p> <p>နောက်တစ်ခဏတွင် စနစ်၏ ကံစမ်းမဲဘီးက ချက်ချင်း လည်ပတ်သွားတော့သည်။</p> <p>[ဒင်... သင် ခန္ဓာကိုယ်ကြံ့ခိုင်မှု အရေအသွေးမှတ် ၁ မှတ် မဲပေါက်သွားပါသည်]</p> <p>[ဒင်... သင် အလျင် အရေအသွေးမှတ် ၁ မှတ် မဲပေါက်သွားပါသည်]</p> <p>……</p> <p>ရုတ်တရက် အသိပေးသံများ ပြည့်နှက်စွာ ထွက်ပေါ်လာပြီး မျက်စိတစ်မှိတ်အတွင်း အသိပေးချက် တစ်ရာခန့် ထွက်ပေါ်လာတော့သည်။</p> <p>အမျိုးမျိုးသော အရေအသွေးမှတ်များ ထွက်ပေါ်လာသည်ကို ကြည့်ရင်း လင်းယွမ်က ချက်ချင်း ရယ်မောလိုက်ပြီး</p> <p>ဤတစ်ကြိမ် နှိုက်ယူခဲ့သော အမှတ် ၁၀၀ ကံစမ်းမဲ ရလဒ်များကို အလျင်စလို စစ်ဆေးကြည့်လိုက်သည်။</p> <p>ကြည့်လိုက်သည့်အခါ သူ၏ မျက်နှာက ချက်ချင်း မည်းမှောင်သွားတော့သည်။</p> <p>ခန္ဓာကိုယ်ကြံ့ခိုင်မှု ၂၆ မှတ်၊ ခွန်အား ၃၁ မှတ်၊ အလျင် ၂၄ မှတ်၊ စိတ်စွမ်းအင် ၁၄ မှတ်၊ ဘုံအရည်အသွေးမှတ်များ ၅ မှတ်။</p> <p>"ဘယ်လိုဖြစ်ရတာလဲ... စိတ်စွမ်းအင်က ၁၄ မှတ်ထဲလား"</p> <p>လင်းယွမ်က ချက်ချင်း ဆွံ့အသွားရသည်။ အမှတ်တစ်ရာကို ပျမ်းမျှ ခွဲဝေကြည့်ပါက တစ်ခုလျှင် အမှတ် ၂၀ ခန့် ရရှိမှသာ မှန်ကန်ပေလိမ့်မည်။</p> <p>ယခုမူ စိတ်စွမ်းအင်နှင့် ဘုံအရည်အသွေးမှတ်များက ဤမျှအထိ ကျဆင်းနေခဲ့ပေသည်။</p> <p>တစ်ခါတစ်ရံတွင် ကံကောင်းခြင်းကလည်း စွမ်းအား တစ်မျိုးဖြစ်ကြောင်း ဝန်ခံရမည်သာ ဖြစ်သည်။</p> <p>အထူးသဖြင့် လင်းယွမ်၏ ကံစမ်းမဲနှိုက်သည့် စနစ်ရှေ့တွင် ကံကောင်းခြင်းက အလွန် အရေးကြီးပေသည်။</p> <p>အရေအသွေးမှတ်များ အားလုံး သူ၏ ခန္ဓာကိုယ် အစိတ်အပိုင်း အသီးသီးသို့ အလိုအလျောက် ခွဲဝေဝင်ရောက်သွားပြီးနောက်</p> <p>လင်းယွမ်၏ အခြေခံ အရည်အသွေးများက ပြောင်းလဲသွားခဲ့ပြီ ဖြစ်သည်။</p> <p>အမည် - လင်းယွမ်</p> <p>ခန္ဓာကိုယ်ကြံ့ခိုင်မှု - ၈၂</p> <p>ခွန်အား - ၉၂</p> <p>အလျင် - ၈၀</p> <p>စိတ်စွမ်းအင် - ၇၈.၅</p> <p>ဘုံအရည်အသွေးမှတ်များ - ၅</p> <p>မျိုးရိုးဗီဇမျိုးစေ့ - အသွင်တစ်ရာ မျောက်ဝံမိစ္ဆာ၊ ရေခဲမြေရိုင်းဝက်ဝံ</p> <p>မျိုးရိုးဗီဇမြေပုံ - အသွင်တစ်ရာ မျောက်ဝံမိစ္ဆာ (အခြေခံအဆင့်)၊ ရေခဲမြေရိုင်းဝက်ဝံ (အခြေခံအဆင့်)</p> <p>ပင်ကိုယ်အစွမ်း - မျိုးရိုးဗီဇ အသွင်တစ်ရာ</p> <p>အစွမ်းများ - ကြွက်သားပေါက်ကွဲအစွမ်း...</p> <p>အမှတ် - ၂၂၈၉</p> <p>……</p> <p>"အရေအသွေးမှတ် လေးခုထဲမှာ... အခု စိတ်စွမ်းအင်က အောက်ဆုံး ရောက်သွားပြီပဲ"</p> <p>လင်းယွမ်က အနည်းငယ် ဆွံ့အသွားရသည်။</p> <p>စိတ်စွမ်းအင်က အမြဲတမ်း သူ၏ အားသာချက် ဖြစ်ခဲ့သော်လည်း ယခုအခါ အောက်ဆုံးသို့ ရောက်ရှိသွားသောကြောင့် သူ့ကို အမှန်တကယ်ပင် ဆွံ့အသွားစေခဲ့သည်။</p> <p>အခြားသော အရေအသွေးမှတ်များကို ကြည့်လိုက်သည့်အခါ ခွန်အားက ၉၂ မှတ်အထိ ကျော်လွန်ရောက်ရှိနေပြီ ဖြစ်သည်။</p> <p>"အရေအသွေးမှတ်တွေရဲ့ နောက်တစ်ဆင့် ကန့်သတ်ချက်က ဘယ်နေရာမှာလဲ မသိဘူး... အမှတ်တစ်ရာများ ဖြစ်နေမလား"</p> <p>လင်းယွမ်က စိတ်ထဲမှ တိတ်တဆိတ် ခန့်မှန်းလိုက်သည်။</p> <p>မျိုးရိုးဗီဇမြေပုံကို ကြည့်လိုက်သည့်အခါ လက်ရှိတွင် အသွင်တစ်ရာ မျောက်ဝံမိစ္ဆာနှင့် ရေခဲဝက်ဝံ မျိုးရိုးဗီဇမြေပုံတို့က အခြေခံအဆင့်တွင်သာ ရှိနေသေးပြီး များစွာ တိုးတက်လာခြင်း မရှိသေးပေ။</p> <p>လင်းယွမ်က အနည်းငယ် အံ့အားသင့်သွားမိသည်။ တကယ်ပဲ အရေအသွေး တစ်ခုခုက အမှတ် ၁၀၀ ကျော်လွန်သွားမှ မျိုးရိုးဗီဇမြေပုံက အဆင့်တက်သွားမှာလား။</p> <p>ထိုအကြောင်းကို တွေးမိသောအခါ လင်းယွမ်က သူ၏ ဘုံအရည်အသွေးမှတ်များကို ထပ်မံ ကြည့်ရှုလိုက်သည်။</p> <p>ဤ ၅ မှတ်ကို စိတ်စွမ်းအင်တွင် ပေါင်းထည့်လိုက်ပါက စိတ်စွမ်းအင်ကို အမှတ် ၈၀ အထိ ကျော်လွန်သွားစေနိုင်သည်။</p> <p>သို့သော် လင်းယွမ်က အရေအသွေးတစ်ခုခု အမှတ် ၁၀၀ ကျော်လွန်သွားပါက မည်သို့ ပြောင်းလဲသွားမည်ကို သိချင်နေခဲ့သည်။</p> <p>ထို့ကြောင့် သူက ဤဘုံအရည်အသွေးမှတ်များကို ခွန်အားတွင် ပေါင်းထည့်ချင်နေမိသည်။</p> <p>ထိုသို့လုပ်လိုက်ပါက ခွန်အားက ၉၇ မှတ်အထိ ကျော်လွန်သွားမည်ဖြစ်ပြီး နောက်ထပ် ၃ မှတ်သာ လိုအပ်ပါက အမှတ် ၁၀၀ အထိ ရောက်ရှိသွားမည် ဖြစ်သည်။</p> <p>"လောစရာမလိုဘူး... ငါ့မှာ အချိန်တွေ အများကြီး ရှိသေးတယ်... ထိုက်ယန်တောင်ရဲ့ လက်ရှိ တိုးတက်မှု အခြေအနေအရဆိုရင် ငါ လတိုင်း အမှတ်တစ်သန်း ရနိုင်တယ်လေ"</p> <p>"အရေအသွေးမှတ် အားလုံး အမှတ် ၁၀၀ ကျော်ဖို့ဆိုတာ အနှေးနဲ့အမြန်ပဲ"</p> <p>"အရင်ဆုံး စိတ်စွမ်းအင်ကို အရင် မြှင့်တင်ရမယ်"</p> <p>လင်းယွမ်၏ အစွမ်းများစွာက စိတ်စွမ်းအင်နှင့် တိုက်ရိုက် သက်ဆိုင်နေပေသည်။</p> <p>ကပ်ပါးမျိုးစေ့ဖြစ်စေ၊ အကြောင်းအကျိုး သက်ရောက်သော အစွမ်းများဖြစ်စေ၊ သို့မဟုတ် အခြားသော ဓာတ်ကြီးလေးပါး အစွမ်းများဖြစ်စေ အခြေခံအားဖြင့် စိတ်စွမ်းအင်နှင့် ခန္ဓာကိုယ်ကြံ့ခိုင်မှုအပေါ်တွင်သာ မှီခိုနေရပေသည်။</p> <p>ထို့ကြောင့် စိတ်စွမ်းအင်ကို လုံးဝ လျစ်လျူရှုထား၍ မရပေ။</p> <p>လင်းယွမ်က ချက်ချင်းဆိုသလို မည်သို့မျှ တွေဝေခြင်း မရှိဘဲ ဘုံအရည်အသွေးမှတ်များ အားလုံးကို စိတ်စွမ်းအင်ထဲသို့ တိုက်ရိုက် ပေါင်းထည့်လိုက်တော့သည်။</p> <p>နောက်တစ်ခဏတွင် စိတ်စွမ်းအင်က ၈၃.၅ အထိ ချက်ချင်း မြင့်တက်သွားတော့သည်။</p> <p>ထိုသို့ဖြင့် လင်းယွမ်၏ အမှတ်များ အားလုံး ကုန်ခမ်းသွားခဲ့ပြီး ၂၂၈၉ မှတ်သာ ကျန်ရှိတော့သည်။</p> <p>လင်းယွမ်က ချက်ချင်းပင် ဟာလာဟင်းလင်း ဖြစ်သွားသကဲ့သို့ ခံစားလိုက်ရပြီး သူ၏ တစ်ကိုယ်လုံးရှိ အရာအားလုံး ထုတ်ယူခံလိုက်ရသကဲ့သို့ ခံစားလိုက်ရသည်။</p> <p>သို့သော် သူ၏ ကိုယ်ခန္ဓာတွင်မူ အရေအသွေးများ အားလုံး ရုတ်တရက် မြင့်တက်သွားသောကြောင့် ယခင်က မကြုံဖူးသော စွမ်းအားများ ပြည့်နှက်နေပေသည်။</p> <p>စိတ်ထဲမှ ဟာလာဟင်းလင်း ဖြစ်နေမှုနှင့် ကိုယ်ခန္ဓာထဲမှ ပြည့်နှက်နေမှုတို့က ထူးဆန်းသော ခံစားချက် တစ်ခုကို ဖြစ်ပေါ်စေခဲ့သည်။</p> <p>သူ၏ မျက်လုံးများက အနည်းငယ် တောက်ပသွားသည်။ "ငါ့ရဲ့ လက်ရှိ စွမ်းအားတွေနဲ့ အသားကျသွားအောင် နေရာတစ်နေရာ ရှာမှဖြစ်မယ်"</p> <p>……</p> <p>ထိုက်ယန်တောင်၏ နက်ရှိုင်းသော သစ်တောအုပ်ထဲတွင်။</p> <p>"ဝုန်း"</p> <p>အလွန် ကျယ်လောင်သော ပေါက်ကွဲသံကြီး တစ်ခု ထွက်ပေါ်လာသည်။</p> <p>မြေကြီးက တုန်ခါသွားပြီးနောက် သစ်ပင်ကြီးများစွာက ဖိနှိပ်ခံရကာ ဝုန်းခနဲ ပြိုကျသွားတော့သည်။</p> <p>"ဝုန်း... ဝုန်း"</p> <p>သစ်တောအုပ်ထဲတွင် ကြီးမားလှသော သတ္တဝါကြီး တစ်ကောင်က မြေပြင်ပေါ်၌ ပြင်းထန်စွာ လူးလှိမ့်နေသကဲ့သို့ ဖြစ်နေသည်။</p> <p>ထို့နောက် ကြောက်မက်ဖွယ်ကောင်းသော ဟိန်းဟောက်သံကြီးများ ထွက်ပေါ်လာသည်။</p> <p>သို့သော် နောက်တစ်ခဏတွင် ဟိန်းဟောက်သံကြီးများက အနည်းငယ် ထိတ်လန့်နေသော အူသံများအဖြစ်သို့ ပြောင်းလဲသွားတော့သည်။</p> <p>ပေလေးဆယ်ကျော်ခန့် မြင့်မားသော မျောက်ဝံကြီး တစ်ကောင်ကို လူတစ်ယောက်က လက်တစ်ဖက်တည်းဖြင့် မ,တင်ထားပြီး ကောင်းကင်ယံသို့ ဆက်တိုက် ပျံတက်သွားသည်ကို မြင်လိုက်ရသည်။</p> <p>ထိုလူက အခြားသူမဟုတ်ဘဲ လင်းယွမ်ပင် ဖြစ်သည်။</p> <p>လင်းယွမ်၏ အရပ်က ခြောက်ပေကျော်ခန့်သာ ရှိသော်လည်း ယခုအခါ ပေလေးဆယ်ခန့် မြင့်မားသော ရွှေနက်မျောက်ဝံကြီးကို မ,တင်ထားပေသည်။</p> <p>သူက ကောင်းကင်ယံသို့ ဆက်တိုက် ပျံတက်သွားပြီး အထက်သို့ ထိုးတက်သွားသည်။</p> <p>အဝေးမှ ကြည့်လိုက်လျှင် လူတစ်ယောက်က အဆောက်အအုံ မြင့်ကြီး တစ်ခုကို ထမ်းထားသကဲ့သို့ ဖြစ်နေပေသည်။</p> <p>ထိုက်ယန်တောင်၏ တောင်ထိပ်သို့ ရောက်ရှိသွားချိန်တွင် လင်းယွမ်က လက်ထဲမှ မျောက်ဝံကြီးကို ပစ်ချလိုက်သည်။</p> <p>ဘုန်းခနဲ မြည်သံနှင့်အတူ ရွှေနက်မျောက်ဝံကြီး၏ ကြီးမားလှသော ကိုယ်ခန္ဓာကြီးက မြေပြင်ပေါ်သို့ ချက်ချင်း ကျရောက်သွားတော့သည်။</p> <p>တောင်ပေါ်ရှိ သစ်တောများ တုန်ခါသွားပြီး သစ်ပင် မည်မျှ ပြိုကျသွားမှန်းပင် မသိနိုင်တော့ပေ။</p> <p>"ဝူး... ဝူး... ဝူး"</p> <p>ရွှေနက်မျောက်ဝံကြီး၏ မျက်နှာပေါ်တွင် နာကြည်းနေသော အရိပ်အယောင်များ ပေါ်ထွက်လာပြီး ကြောက်လန့်တကြားဖြင့် မြေပြင်ပေါ်တွင် မှောက်လျက်သား ဖြစ်နေကာ မလှုပ်ရှားရဲတော့ပေ။</p> <p>လင်းယွမ်က ခေါင်းယမ်းလိုက်မိသည်။ "အရမ်း ပျော့ညံ့လွန်းတယ်"</p> <p>ရွှေနက်မျောက်ဝံကြီး၏ ခွန်အားက ၅၀ မှတ်ဝန်းကျင်သာ ရှိလောက်ပြီး မျိုးရိုးဗီဇမျိုးစေ့ကိုပင် ဖန်တီးနိုင်ခြင်း မရှိသေးပေ။</p> <p>ဤသို့သော အဆင့်ရှိသည့် ခွန်အားက ယခုလက်ရှိ လင်းယွမ်၏ အရှေ့တွင် မည်သို့မျှ ခုခံနိုင်စွမ်း မရှိပေ။</p> <p>"ငါ့ရဲ့ လက်ရှိ စွမ်းအားတွေနဲ့ဆိုရင်... ကွမ်ဖူဘက်မှာ ဘယ်အဆင့်လောက် ရောက်မလဲ မသိဘူး"</p> <p>လင်းယွမ်က တောင်ထိပ်တွင် ရပ်ကာ ကျယ်ပြောလှသော ရေပြင်ကြီးကို ကြည့်ရင်း အနည်းငယ် တွေးတောနေမိသည်။</p> <p>သူက ကွမ်ဖူသို့ မရောက်ဖူးသော်လည်း ကွမ်ဖူဘက်မှ သတင်းများက နည်းလမ်း အမျိုးမျိုးဖြင့် ရောက်ရှိလာခဲ့ရာ ထိုဘက်ရှိ တိုးတက်မှု အတိုင်းအတာက ထိုက်ယန်တောင်ထက် များစွာ ကျော်လွန်နေပြီဖြစ်ကြောင်း သူ နားလည်ထားသည်။</p> <p>ကွမ်ဖူတွင် လူဦးရေ အလွန် များပြားပြီး ရေကြီးရေလျှံမှုများ မဖြစ်ပွားမီက ထိုနေရာတွင် စက်ရုံများနှင့် စီးပွားရေး လုပ်ငန်းများစွာ ရှိခဲ့ပေသည်။</p> <p>၎င်းတို့က ရေကြီးရေလျှံမှု ဒဏ်ကို နောက်ကျမှ ခံစားခဲ့ရခြင်းဖြစ်ရာ အချိန်မီ တုံ့ပြန်နိုင်ခဲ့မည်ဆိုပါက လူအများအပြား အသက်ရှင် ကျန်ရစ်နိုင်ပေသည်။</p> <p>ထို့ကြောင့် လူဦးရေအရဖြစ်စေ၊ နည်းပညာ အဆင့်အတန်းအရဖြစ်စေ၊ သို့မဟုတ် အခြားသော ကဏ္ဍစုံမှဖြစ်စေ ထိုဘက်က ထိုက်ယန်တောင်ထက် ပိုမို တိုးတက်မြန်ဆန်နေမည်မှာ ကြိုတင် ခန့်မှန်းထားနိုင်သော ကိစ္စပင် ဖြစ်သည်။</p> <p>မြူခိုးမြို့တော် ခရီးစဉ်မှ ကြည့်မည်ဆိုပါက ထိုဘက်တွင် သိုင်းပညာရှင်များ အလွန် များပြားပြီး မျိုးရိုးဗီဇမျိုးစေ့ အစွမ်းပိုင်ရှင်များပင် နည်းပါးမည် မဟုတ်ပေ။</p> <p>ဂိုဏ်းကြီးသုံးဂိုဏ်း၏ ရူးသွပ်ဖွယ်ရာ လုပ်ရပ်များကြောင့် မျိုးရိုးဗီဇမျိုးစေ့ အစွမ်းပိုင်ရှင် အမြောက်အမြားကို မွေးထုတ်ပေးနိုင်ခဲ့ပြီ ဖြစ်သည်။</p> <p>ဤသို့သော အခြေအနေမျိုးတွင် ကွမ်ဖူ၏ သိုင်းပညာရှင် အရေအတွက်က ထိုက်ယန်တောင်ထက် များစွာ သာလွန်နေမည်မှာ သေချာပေသည်။</p> <p>"နည်းနည်း ထပ်စောင့်ကြည့်ရအောင်... ကျောက်ခိုင်က ဒီနှစ်ရက်အတွင်း ၅၀ မှတ် ပြည့်သွားလောက်တယ်... အဲဒီအချိန်ကျရင် မျိုးရိုးဗီဇမျိုးစေ့ ဖန်တီးပြီး မျိုးရိုးဗီဇမျိုးစေ့ အစွမ်းပိုင်ရှင် ဖြစ်လာလိမ့်မယ်... အဲဒီအခါကျရင် ငါ ကွမ်ဖူကို တစ်ခေါက်လောက် သွားကြည့်ရမယ်"</p> <p>လင်းယွမ်က စိတ်ထဲမှ ဆုံးဖြတ်ချက်ချလိုက်ပြီး သူ၏ ကိုယ်ခန္ဓာက လှုပ်ရှားသွားကာ ရွှေနက်မျောက်ဝံကြီး၏ အနီးသို့ ရောက်ရှိသွားသည်။</p> <p>ငါးနှင့် ပုစွန် အမြောက်အမြားကို ကျွေးမွေးလိုက်ပြီးနောက်မှသာ ၎င်း၏ နာကြည်းနေသော စိတ်ခံစားချက်များကို နှစ်သိမ့်ပေးနိုင်ခဲ့သည်။</p> <p>ခိုလှုံရေးစခန်းသို့ ပြန်ရောက်လာသောအခါ တင်းယန်က လင်းယွမ်ထံသို့ ကိုယ်တိုင် ရောက်ရှိလာခဲ့သည်။</p> <p>"လင်းယွမ်... ကျွန်မ ခုတလော ဘယ်လောက်ပဲ စွမ်းအင် ကျင့်စဉ်ကို လေ့ကျင့်လေ့ကျင့် အစွမ်းတွေ ထပ်မတိုးလာတော့ဘူးလို့ ခံစားနေရတယ်"</p> <p>"ပြီးတော့ ကျွန်မ ခေါင်းထဲမှာ တစ်ခုခု ပိုလာသလိုပဲ... ရှင် ပြောခဲ့တဲ့ မျိုးရိုးဗီဇ အမွေအနှစ် အချက်အလက်တွေလားတော့ မသိဘူး"</p> <p>"ကျွန်မရဲ့ အခု အဓိက အရေအသွေး အခြေအနေကို နည်းနည်းလောက် ကြည့်ပေးပါဦး"</p> <p>လင်းယွမ်က ကြားလိုက်ရသောအခါ ချက်ချင်း ပြောလိုက်သည်။ "ငါ ကြည့်ပေးမယ်"</p> <p>သူက စွမ်းအင်တိုင်းမျက်မှန်ကို ထုတ်ယူကာ တင်းယန်ကို ကြည့်လိုက်သည်။</p> <p>မကြာမီမှာပင် စွမ်းအင်တိုင်းမျက်မှန်မှ ကိန်းဂဏန်းများ ထွက်ပေါ်လာရာ လင်းယွမ်က ပြုံးလိုက်သည်။</p> <p>တင်းယန်က ချက်ချင်း စိုးရိမ်တကြီးဖြင့် မေးလိုက်သည်။ "ဘယ်လိုနေလဲ"</p> <p>"ဂုဏ်ယူပါတယ်... နင် အမှတ် ၅၀ ပြည့်သွားပြီ"</p> <p>တင်းယန်က ချက်ချင်း ဝမ်းသာသွားပြီး သူမ၏ တစ်ကိုယ်လုံး သက်ပြင်းချလိုက်နိုင်ကာ မနေနိုင်ဘဲ ဆက်မေးလိုက်သည်။ "ကျွန်မရဲ့ အဓိက အရေအသွေးက ခန္ဓာကိုယ်ကြံ့ခိုင်မှုနဲ့ ဒုတိယ အရေအသွေးက စိတ်စွမ်းအင်ဆိုတော့... ရှင် ပြောသလိုဆိုရင် မျိုးရိုးဗီဇမျိုးစေ့ကို ဖန်တီးမီးဖို့အတွက် ခန္ဓာကိုယ်ကြံ့ခိုင်မှု အမျိုးအစား သန္ဓေပြောင်း သတ္တဝါတွေကို သွားသတ်ရမှာလား"</p> <p>လင်းယွမ်က ခေါင်းဆတ်လိုက်သည်။ "ဟုတ်တယ်... ဒီလိုလုပ်... နောက်ရက် သုံးလေးရက်နေရင် ငါ အပြင်သွားစရာ ရှိတယ်... အဲဒီအချိန်ကျရင် နင် ငါနဲ့ အတူတူ လိုက်ခဲ့... ငါတို့ ဒီလိုမျိုး သန္ဓေပြောင်း သတ္တဝါတွေ ရှိမရှိ သွားရှာကြတာပေါ့"</p> <p>တင်းယန်က ချက်ချင်း ပြုံးလိုက်သည်။ "ကောင်းပြီလေ"</p> <p>လင်းယွမ်က တင်းယန် ရရှိခဲ့သော မှတ်ဉာဏ် အမွေအနှစ် အကြောင်းအရာများကို ထပ်မံ မေးမြန်းလိုက်သည်။</p> <p>တင်းယန်ကလည်း အမှန်အတိုင်း ပြောပြလိုက်သည်။</p> <p>၎င်းက မျိုးရိုးဗီဇမျိုးစေ့ ဖော်စပ်သည့် အမွေအနှစ် တစ်မျိုးဖြစ်ပြီး မျိုးရိုးဗီဇအတွင်း၌ မည်သည့် မျိုးရိုးဗီဇမျိုးစေ့ အမျိုးအစား လိုအပ်ကြောင်း အချက်အလက်များ ပါဝင်နေပေသည်။</p> <p>၎င်းက တင်းယန်အတွက် အနာဂတ် စူးစမ်းရှာဖွေရေး ခရီးစဉ်များတွင် သန္ဓေပြောင်း သတ္တဝါများကို သူမ လိုအပ်သော အမျိုးအစား ဟုတ်မဟုတ် ပထမဆုံး အချိန်မှာပင် ခွဲခြားသိမြင်နိုင်စေမည် ဖြစ်သည်။</p> <p>သူတို့နှစ်ယောက် စကားပြောနေစဉ်မှာပင် ကျိဖုန်းက အလျင်စလို ရောက်ရှိလာခဲ့သည်။</p> <p>"ဆရာလင်း... ဒုက္ခပါပဲ... ပြဿနာ တက်ပြီ"</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save