Book List

<h2 style="text-align:center">အခန်း (၇)</h2> <h2 style="text-align:center">နတ်ဆိုးဝိညာဉ်ခန္ဓာအား လဲလှယ်ရယူခြင်း</h2> <h2 style="text-align:center">*</h2> <p> </p> <p> </p> <p>ယခုအချိန်တွင် ထျန်ဖုန်းသည် ဟုန်အိမ်တော်ထဲသို့ တိတ်တဆိတ် ပြန်လည်ဝင်ရောက်နေခဲ့ပြီဖြစ်သည်။ ဟုန်အိမ်တော်တစ်ခုလုံး ရှုပ်ယှက်ခတ်နေပြီး လူအများစုမှာ သူ့ကို အပြင်ထွက်ရှာနေကြသောကြောင့် သူဒီကို ပြန်ရောက်လာလိမ့်မည်ဟု မည်သူမှ မျှော်လင့်ထားမည်မဟုတ်ပေ။</p> <p>ကိုယ်ဖျောက်နည်းစနစ်ကို အားကိုးလျက် သူ့အားမည်သူမျှ သတိထားမိခြင်းမရှိအောင် လှုပ်ရှားနိုင်ခဲ့ ပေသည်။ သူသည် လူသူကင်းမဲ့ပြီး တိတ်ဆိတ်သည့် အခန်းတစ်ခုကို ရှာဖွေကာ ဝင်ရောက်အနားယူ နေလိုက်သည်။</p> <p>"စနစ်... ငါ့ရဲ့ ဆုလာဘ်တွေ ဘယ်မှာလဲ…။"</p> <p>[ဂုဏ်ယူပါသည် ပိုင်ရှင်၊ ပိုင်ရှင်သည် အပြေးဒင်္ဂါး (၅၀၀) ကို လက်ခံရရှိပါသည်]</p> <p>[ဂုဏ်ယူပါသည် ပိုင်ရှင်၊ လောကီအာရုံများကို စွန့်လွှတ်နိုင်သော မဟာဆရာသခင်တစ်ဦးဖြစ်လာပြီး ဟုန်ထို့အား လောကီအာရုံကိလေသာများ ကင်းစင်သွားအောင် ကူညီပေးနိုင်ခဲ့သည့်အပြင်၊ မစင်ပစ် ပေါက်သည့် ဆရာသခင်အဖြစ် ပြောင်းလဲသွားသည့်အတွက်ပါ ဂုဏ်ယူပါတယ်။ ]</p> <p>[ပိုင်ရှင်၏ ကုသိုလ်ကံ မှာ အတိုင်းအဆမသိနိုင်လောက်အောင် ကြီးမားလှပြီး သတ္တဝါအပေါင်းကို ကယ်တင်နိုင်ခဲ့ပါပြီ။ ပိုင်ရှင်သည် တိုက်ပွဲဝင်အမှတ် (၂၀၀) ကို ရရှိပါသည်။]</p> <p>ထျန်ဖုန်း၏ မျက်နှာမှာ မည်းမှောင်သွားသည်။</p> <p>*ဒါတွေက ဘယ်လို အဓိပ္ပာယ်မရှိတဲ့ ဂုဏ်ပုဒ်တွေလဲ…။*</p> <p>ထုတ်ပြောဖို့တောင် ရှက်စရာကောင်းလှသည် မဟုတ်ပါလား။</p> <p>"ဘာလို့ အပြေးဒင်္ဂါး (၅၀၀)  တည်းရရတာလဲ။ မင်း အလွဲသုံးစားလုပ်လိုက်တာလား။ ငါ အပြင်မှာ သေမတတ် အလုပ်လုပ်နေရတာ လွယ်တယ်များ ထင်နေလား…။"</p> <p>"ပြီးခဲ့တဲ့ အကြိမ်က ချီစွမ်းအင်သန့်စင်ခြင်းအဆင့် (၂) ရှိသည့် ဝမ်အားကော် ကို ရင်ဆိုင်ရတုန်းက အပြေးဒင်္ဂါး (၁၅၀) ရခဲ့တယ်။ ဒီတစ်ကြိမ်မှာ ဒီလောက် အန္တရာယ်များပြီး လူတွေလည်း အများကြီးရှိ တာတောင် ဒီလောက်ပဲ ရတယ်ပေါ့လေ။"</p> <p>[အရင်တစ်ကြိမ်က ပိုင်ရှင်သည် ပစ်မှတ်နှင့် အလွန်နီးကပ်ခဲ့ပြီး အရေးအကြီးဆုံးက သူ့ကို သွေးအန် အောင် လုပ်နိုင်ခဲ့သည့်အတွက် အပြေးဒင်္ဂါး (၁၅၀) ရရှိခဲ့ခြင်းဖြစ်ပါတယ်။ ]</p> <p>[ယခုတစ်ကြိမ်မှာက လူအများအပြား ရှိနေပေမဲ့လဲ အများစုက အဝေးတွင်ရှိနေကြပြီးတော့ သူတို့ရဲ့ စွမ်းအားကလည်း အရမ်းမမြင့်မားပါဘူး။ ချီစွမ်းအင်သန့်စင်ခြင်းအဆင့် (၅) ရှိတဲ့ သူတစ်ဦးတည်းသာ ပိုင်ရှင်ထက် အဆင့်နှစ်ဆင့်ပိုမြင့်ပြီး အနီးကပ်ရှိနေခဲ့ပါတယ်။]</p> <p>[ပိုင်ရှင်က သူ့ကို အသည်းနာလောက်အောင် ဒေါသထွက်စေခဲ့တဲ့အတွက် သူတစ်ယောက်တည်းကပင် အပြေးဒင်္ဂါး လေးရာကျော်ကို ပံ့ပိုးပေးခဲ့ခြင်းဖြစ်ပါတယ်။]</p> <p>[ဒါ့ပြင် ပိုင်ရှင် ရရှိခဲ့တဲ့ တိုက်ပွဲဝင်အမှတ်များက ပစ်မှတ်၏ မျိုးဆက်ပွားအင်္ဂါကို ချေမွပစ်နိုင်ခဲ့ခြင်း ကြောင့် အဓိကရရှိခဲ့ခြင်းဖြစ်ပါတယ်။ ဒီအချက်တစ်ခုတည်းကပဲ တိုက်ပွဲဝင်အမှတ်အများစုကို ရရှိစေ ခဲ့ခြင်းဖြစ်တာမို့လို့ ပိုင်ရှင်အနေနဲ့ တိုက်ပွဲဝင်အမှတ်များနှင့် ပတ်သက်ပြီးတော့ နားလည် သဘောပေါက် ထားသင့်ပါတယ်…။]</p> <p>"ကောင်းပြီလေ... ငါ့မှာ တိုက်ပွဲဝင်အမှတ်တွေ မရှိဘူးဆိုတာ မှန်ပါတယ်…။"</p> <p>ထိုသို့ပြောပြီးနောက် သူသည် သေလမ်းရှာစနစ်၏ စျေးဆိုင်ကို ဖွင့်ကြည့်လိုက်သည်။</p> <p>သေလမ်းရှာစနစ်သည် အဓိကအားဖြင့် မျိုးစုံသော ခန္ဓာကိုယ်ဖွဲ့စည်းပုံများ နှင့် ကောင်းကင်နှင့် မြေကမ္ဘာ ရတနာများကို ရောင်းချပြီး အချို့သော နည်းစနစ်များနှင့် ဆေးလုံးများကိုလည်း ရောင်းချပေးသည်။</p> <p>သို့သော်လည်း ထျန်ဖုန်းသည် သေလမ်းရှာစနစ်မှ နည်းစနစ်များနှင့် ဆေးလုံးများကို ဝယ်ယူရန် တိုက်ပွဲ  ဝင် အမှတ်ကို အသုံးပြုရန် အစီအစဉ်မရှိပေ။ ယင်းအစား ခန္ဓာကိုယ်ဖွဲ့စည်းပုံ သို့မဟုတ် ကောင်းကင်နှင့် မြေကမ္ဘာရတနာများ ဝယ်ယူရန်အတွက်သာ စုဆောင်းထားရန် ရည်ရွယ်ထားသည်။</p> <p>ထွက်ပြေးခြင်းစနစ်သည်လည်း ဆေးလုံးများနှင့် နည်းစနစ်များကို ရောင်းချသော်လည်း ၎င်းတွင် ခန္ဓာကိုယ်ဖွဲ့စည်းပုံများနှင့် ကောင်းကင်နှင့် မြေကမ္ဘာရတနာများ မရှိပေ။</p> <p>ထို့ကြောင့် သူ၏ အစီအစဉ်မှာ အပြေးဒင်္ဂါးများကို အသုံးပြု၍ နည်းစနစ်များ၊ ဆေးလုံးများနှင့် လက်နက် ကိရိယာများကို ဝယ်ယူရန်ဖြစ်သည်။</p> <p>သေလမ်းရှာစနစ်မှ တိုက်ပွဲဝင်အမှတ်များကိုမူ ခန္ဓာကိုယ်ဖွဲ့စည်းပုံများနှင့် ကောင်းကင်နှင့် မြေကမ္ဘာ အဆင့်ရတနာများအတွက် အသုံးပြုမည်ဖြစ်သည်။</p> <p>"စနစ်... အခု ငါ့မှာ ဘယ်လို ခန္ဓာကိုယ်ဖွဲ့စည်းပုံ ရှိနေလဲ…။"</p> <p>[သာမန်လူတစ်ယောက်နီးပါးလောက်ပဲရှိတဲ့ အမှိုက်ခန္ဓာကိုယ်မျိုးပါ ပိုင်ရှင်။ မြေကမ္ဘာအဆင့် နည်းစနစ် တစ်ခုရှိနေရင်တောင် ဒီဘဝမှာ ထူးခြားတဲ့ ကံကြမ္မာအထောက်အပံ့ မရှိဘူးဆိုရင် အခြေခံအုတ်မြစ် တည်ဆောက်ခြင်းအဆင့်ကို ထိုးဖောက်ကျော်လွန်ဖို့ ခက်ခဲပါလိမ့်မယ်။]</p> <p>"ဒါ မဖြစ်နိုင်ဘူးမလား။ ဒါပေမဲ့ မနေ့က ငါ တစ်ညတည်း ကျင့်ကြံလိုက်တာနဲ့တင် ချီစွမ်းအင်သန့်စင် ခြင်းအဆင့် (၂) ကနေ (၃) ကို ရောက်သွားတယ်လေ…။"</p> <p>ထျန်ဖုန်းက အနည်းငယ် မယုံကြည်နိုင်စွာဖြင့် မေးလိုက်သည်။</p> <p>[ ဒါက ပိုင်ရှင်ရဲ့ နည်းစနစ်က ကောင်းမွန်နေလို့ပါ။ ပြီးတော့ စနစ်က မရီဒါန်ကြော အများအပြားကို ရှင်းလင်းပေးပြီး ပိုင်ရှင်ရဲ့ နည်းစနစ်ကို စတင်ဖို့ ကူညီပေးခဲ့လို့ပါ။ အခုကစပြီး မရီဒါန်တွေကို ပိုင်ရှင် ကိုယ်တိုင် ရှင်းလင်းရတော့မှာပါ။]</p> <p>ထျန်ဖုန်းသည် ထိုအမှန်တရားကို မချိတင်ကဲ လက်ခံလိုက်ရပြီးနောက် တာဝန်ရှောင်ကာ ပြောလိုက် သည်။</p> <p>"ဒါက ခန္ဓာကိုယ်ပိုင်ရှင်ဟောင်းရဲ့ ခန္ဓာကိုယ်က အရမ်းအားနည်းလွန်းနေလို့ ငါ့ရဲ့ ကောင်းကင်ဘုံကို တောင် အာခံနိုင်တဲ့ နားလည်သဘောပေါက်နိုင်စွမ်းကို အဟန့်အတား ဖြစ်စေခဲ့တာပဲ ဖြစ်ရမယ်…။"</p> <p>"ဒါနဲ့... အရင်တုန်းက ကျင့်ကြံခြင်းကို တိုးတက်စေနိုင်တဲ့ ဆုလာဘ်တစ်ခု မရှိခဲ့ဘူးလား။ နောက်တစ်ခါ ကျရင် ငါ့ကို ကျင့်ကြံခြင်းကို တိုးတက်စေမယ့် ဆုလာဘ်တစ်ခု ပေးပါလား…။"</p> <p>[အဲဒါက အစပြုသူလက်ဆောင် သက်သက်ပါပဲ ပိုင်ရှင်။ ပိုင်ရှင်ရဲ့ စွမ်းအားတွေ အရမ်းနိမ့်ကျနေပြီး ကြွားလုံးထုတ်လို့မရမှာ စိုးလို့ပေးခဲ့တာပါ။]</p> <p>"အခုလည်း ငါ့စွမ်းအားက နိမ့်ကျနေတုန်းပဲလေ…။"</p> <p>[ဒီလောက်ဆို လုံလောက်နေပါပြီ။ ချီစွမ်းအင်သန့်စင်ခြင်းအဆင့် (၃) နဲ့တင် ပိုင်ရှင်က နည်းနည်းပါးပါး  တော့ ကြွားလုံးထုတ်လို့ ရနေပါပြီ။ ဒါ့အပြင် ပိုင်ရှင်က သေရမှာမှ မကြောက်တာ... ဘာကို ကြောက်နေ ရဦးမှာလဲ။]</p> <p>ထျန်ဖုန်းသည် စနစ်ကပြောသည်ကို လျစ်လျူရှုလိုက်ပြီး မည်သည့် ခန္ဓာကိုယ်ဖွဲ့စည်းပုံကို ဝယ်ယူရမည် ကို စတင်စဉ်းစားလိုက်သည်။</p> <p>စနစ်စျေးဆိုင်ရှိ သောင်းဂဏန်း သို့မဟုတ် ထို့ထက်ပို၍ တန်ကြေးရှိသော ခန္ဓာကိုယ်ဖွဲ့စည်းပုံများနှင့် အခြားသော မျက်လုံးများ၊ အရိုးမျိုးစုံတို့ကို သူ ကြည့်လိုက်သည်။</p> <p>နောက်ဆုံးတွင် သူသည် တိုက်ပွဲဝင်အမှတ် ( ၂၀၀) တိတိဖြင့် ရောင်းချနေသော "နတ်ဆိုးဝိညာဉ်ခန္ဓာ" ကို မျက်စိကျသွားခဲ့သည်။</p> <p>၎င်းသည် မှော်မန္တန်အမျိုးမျိုးကို ကျင့်ကြံရန်အတွက် သင့်လျော်ပြီး ခန္ဓာကိုယ်အတွင်းရှိ မရီဒါန်များမှာ ထူထဲပြီး ခိုင်မာတောင့်တင်းသောကြောင့် တိုက်ခိုက်ခြင်းနှင့် ကျင့်ကြံခြင်း နှစ်မျိုးလုံးအတွက် အလွန် ကောင်းမွန်လှသည်။</p> <p>ဤခန္ဓာကိုယ်ဖွဲ့စည်းပုံမျိုးဖြင့်သာ မြစိမ်းတောင်ဂိုဏ်းသို့ သွားမည်ဆိုပါက ဂိုဏ်းချုပ်ကိုယ်တိုင် သူ့ကို တပည့်အဖြစ် တန်းရွေးချယ်သွားလောက်သည်။</p> <p>သေချာပေါက်ပင် သူက မြစိမ်းတောင်ဂိုဏ်းသို့ ဝင်ရောက်မည်မဟုတ်ပေ။</p> <p>"စနစ်... အကယ်လို့ အခု ငါ ခန္ဓာကိုယ်ဖွဲ့စည်းပုံတစ်ခု ဝယ်လိုက်တယ်ထား၊ နောက်ကျမှ ပိုကောင်းတဲ့ ခန္ဓာကိုယ်ဖွဲ့စည်းပုံကို ထပ်ဝယ်မယ်ဆိုရင် မူလခန္ဓာကိုယ်က အသုံးမဝင်ဖြစ်သွားမှာ မဟုတ်ဘူးလား။"</p> <p>[မှန်ပါတယ် ပိုင်ရှင်... ပြဿနာတစ်ခုခု ရှိလို့လား။]</p> <p>"ဒါဆို မူလခန္ဓာကိုယ်ဖွဲ့စည်းပုံက ဘယ်ရောက်သွားမလဲ…။"</p> <p>[အသုံးမဝင်တော့ဘဲ ပျောက်ကွယ်သွားမှာပေါ့ ပိုင်ရှင်..]</p> <p>"ဒါပေမဲ့ ငါက ပိုက်ဆံပေးပြီး ဝယ်ထားရတာလေ။ အဲဒါကို ဘယ်လို စီမံရမလဲဆိုတာ ငါ့သဘောပဲ ဖြစ်သင့်တာပေါ့…။"</p> <p>[ဒါဆို ပိုင်ရှင်က ဘာကို လိုချင်လို့လဲ။]</p> <p>"မင်းကို မူလဈေးအတိုင်း ပြန်ဝယ်ခိုင်းချင်တာ…။"</p> <p>[မဖြစ်နိုင်ပါဘူး... အဲဒီအကြောင်းကို တွေးတောင် မတွေးပါနဲ့…]</p> <p>စနစ်က အသံစူးစူးဖြင့် အော်ဟစ်လိုက်သည်။</p> <p>"ဒါဆို ငါ မဝယ်တော့ဘူး…။"</p> <p>"ကောင်းပါပြီ၊ ပိုင်ရှင် ခန္ဓာကိုယ်ဖွဲ့စည်းပုံအသစ်ကို ဝယ်ယူတဲ့အခါ မူလဈေးနှုန်းရဲ့ အများဆုံး (၅၀) ရာခိုင်နှုန်းနဲ့ ကျွန်တော် ပြန်ဝယ်ပေးပါ့မယ်။ ကုန်ကျစရိတ်ကို တိုက်ရိုက် ခုနှိမ်ပေးပါ့မယ်။]</p> <p>စနစ်၏ အသံမှာ နာကျင်မှုများ ပြည့်နှက်နေလေသည်။</p> <p>"မရဘူး... (၈၀) ရာခိုင်နှုန်းပေး….။"</p> <p>"၈၀ ရာခိုင်နှုန်း ဟုတ်လား။ ပိုင်ရှင်သာ ကိုယ့်ဘာသာ လုပ်လိုက်တော့... ကျွန်တော် မလုပ်ပေးနိုင်ဘူး။ ဝယ်ချင်ဝယ်၊ မဝယ်ချင်နေ... ဂရုမစိုက်ဘူး…။"</p> <p>စနစ်က စိတ်တိုတိုဖြင့် ပြောလိုက်လေသည်။</p> <p>"ကောင်းပြီလေ… (၅၀) ရာခိုင်နှုန်းပဲ ထားလိုက်တော့။ ငါက မင်းကို ညီအစ်ကိုတစ်ယောက်လို သဘော ထားလို့ပဲ မှတ်လိုက်တော့…။"</p> <p>ထျန်ဖုန်းသည် ဘယ်အချိန်တွင် ရပ်တန့်ရမည်ကို သိသည်။ ရိုးရိုးသားသားဝန်ခံရပါမည်ဆိုလျှင် သူသည် သေလမ်းရှာစနစ်အပေါ် အလွန်ကျေးဇူးတင်မိသည်။ ၎င်းသာမရှိခဲ့ပါက သူသည် ယခုအချိန်လောက်ဆို သေနေ လောက်ပြီ သို့မဟုတ် ထွက်ပြေးခြင်းစနစ်၏ ကျေးကျွန် ဖြစ်နေလောက်ပြီဖြစ်သည်။</p> <p>[ဟွန့်... ဒါမျိုးမှပေါ့..]</p> <p>ထျန်ဖုန်းသည် တိုက်ပွဲဝင်အမှတ် (၂၀၀) ကို ချက်ချင်းအသုံးပြု၍ နတ်ဆိုးဝိညာဉ်ခန္ဓာကို ဝယ်ယူလိုက် သည်။</p> <p>တစ်ခဏချင်းမှာပင် သူသည် အခြားခန္ဓာကိုယ်တစ်ခုအဖြစ် ပြောင်းလဲသွားသကဲ့သို့ ခံစားလိုက်ရသည်။ ယခင်က လေးလံထိုင်းမှိုင်းနေသော သူ၏ခန္ဓာကိုယ်မှာ သွက်လက်ပေါ့ပါးသွားပြီး အစစ်အမှန်ချီစွမ်းအင် များသည် သူ၏ မရီဒါန်များအတွင်း ယခင်ကထက် ပိုမိုချောမွေ့စွာ စီးဆင်းသွားသည်။</p> <p>လေထုထဲတွင် လွင့်မျောနေသော ဝိညာဉ်ချီစွမ်းအင်များကိုလည်း သူက ပိုမိုထိရောက်စွာ ခံစားသိရှိလာ နိုင်ခဲ့လေသည်။</p> <p>အချိန်ဆွဲမနေတော့ဘဲ သူသည် ထွက်ပြေးခြင်းစနစ်၏ စနစ်စျေးဆိုင်သို့ ပြောင်းလဲဖွင့်လိုက်သည်။</p> <p>နည်းစနစ်များနှင့် လှုပ်ရှားမှုနည်းစနစ်များမှာ လောလောဆယ် မလိုအပ်သေးပေ။ အဓိက အာရုံစိုက်ရ မည်မှာ ဆေးလုံးများနှင့် လက်နက်ကိရိယာများဖြစ်သည်။</p> <p>လက်နက်ကိရိယာများကို နောက်မှဝယ်လည်း ရသည်မို့ ကျင့်ကြံရန်အတွက် ဆေးလုံးများကို ဦးစွာ ဝယ်ယူလိုက်မည်ဖြစ်သည်။</p> <p>သူသည် အပြေးဒင်္ဂါး (၁၀၀) ကို အသုံးပြု၍ ချီစုဆောင်းခြင်းဆေးလုံး တစ်ပုလင်းကို ဝယ်ယူလိုက် လေသည်။ ၎င်းတို့မှာ ချီစွမ်းအင်သန့်စင်ခြင်းအဆင့်ရှိ ကျင့်ကြံသူများ အသုံးပြုသော ဆေးလုံးများ ဖြစ်သည်။</p> <p>စနစ်မှ ထုတ်လုပ်ပေးသော ပစ္စည်းများမှာ အမြဲတမ်း အရည်အသွေး ကောင်းမွန်လှသည်။ ၎င်းတို့ အားလုံးမှာ ထိပ်တန်းအဆင့် ချီစုဆောင်းခြင်းဆေးလုံးများ ဖြစ်သည်။ ပုလင်းထဲတွင် ဆေးလုံး ဆယ်လုံး ပါဝင်လေသည်။</p> <p>ထျန်ဖုန်းသည် ကြည်လင်တောက်ပနေသော ဆေးတစ်လုံးကို ထုတ်ယူလိုက်သည်။ ထို့နောက် ဆေးလုံး ​ကို တစ်ချက်ကြည့်လိုက်ပြီး ချက်ချင်း မြိုချလိုက်လေတော့သည်။</p> <p>ထို့နောက် ထာဝရစိမ်းလန်းခြင်းနည်းစနစ် ကို ချက်ချင်း စတင်ကျင့်ကြံလိုက်တော့၏။ တစ်ခဏအတွင်း မှာပင် ဆေးလုံးသည် သန့်စင်ရန်ပင် သိပ်မလိုအပ်သော သန့်စင်သည့် စိတ်ဝိညာဉ် စွမ်းအင်​များအဖြစ် ပြောင်းလဲသွားပြီး သူ၏ မရီဒါန်များထဲသို့ စီးဆင်းသွားလေတော့သည်။</p> <p>နတ်ဆိုးဝိညာဉ်ခန္ဓာ ဖွဲ့စည်းပုံကြောင့် ထျန်ဖုန်း၏ မရီဒါန်များမှာ လုံးဝ ပျက်စီးမည်ကို ကြောက်ရွံ့စရာ မလိုတော့ဘဲ စိတ်ဝိညာဉ်စွမ်းအင်စီးဆင်းမှုကို လျင်မြန်စွာ ထိန်းချုပ်နိုင်ခဲ့သည်။</p> <p>နောက်တစ်နေ့ မိုးလင်းချိန်တွင် ထျန်ဖုန်းသည် ချီစွမ်းအင်သန့်စင်ခြင်းအဆင့် (၄) သို့ ရောက်ရှိနေခဲ့ပြီ ဖြစ်သည်။</p> <p>ဆေးလုံး၏ စွမ်းအင် အနည်းငယ်မှာ သူ၏ခန္ဓာကိုယ်အတွင်း မသန့်စင်ရသေးဘဲ ကျန်ရစ်နေသော်လည်း ဤဆေးစွမ်းအင်မှာ နူးညံ့သိမ်မွေ့သောကြောင့် သူ၏လှုပ်ရှားမှုများကို အဟန့်အတား မဖြစ်စေပေ။</p> <p>.........</p> <p>"အခုထိ သူ့ကို ရှာမတွေ့သေးဘူးလား…။"</p> <p>ပင်မခန်းမဆောင်အတွင်း ဟုန်ကျန့်လင်၏ မာန်မဲသံမှာ တောင်ပေါ်မှ ကျားတစ်ကောင် ဟိန်းဟောက် လိုက်သည့်အလား ခန်းမအတွင်းရှိ လူအားလုံးကို ကြောက်ရွံ့တုန်လှုပ်သွားစေသည်။</p> <p>တစ်ညလုံး အချည်းနှီး ရှာဖွေပြီးနောက် ဟုန်ကျန့်ချင်းသည်လည်း ဟုန်အိမ်တော်သို့ ပြန်ရောက်လာ ခဲ့သည်။ ပြီးခဲ့သည့်ညက သူသည် မုအိမ်တော်အတွင်းရှိ မုအိမ်တော် အစေခံအချို့ကို ဒဏ်ရာရစေ ခဲ့ပြီးနောက် အိမ်တော်ထိန်းတစ်ဦး ထွက်လာခဲ့သည်။ ဟုန်မိသားစု၏ ဒုတိယသခင်ဖြစ်နေသည်ကို မြင်လိုက်ရသောအခါ ကိုင်တွယ်ဖြေရှင်းရန် ခက်ခဲလိမ့်မည်ဖြစ်ကြောင်း သူ ချက်ချင်း သဘောပေါက် သွားခဲ့သည်။</p> <p>နောက်ဆုံးတွင် မုမိသားစု၏ အိမ်တော်သခင် ကိုယ်တိုင် ထွက်ပေါ်လာခဲ့သည်။ ဟုန်ကျန့်ချင်းက သူ၏ ရည်ရွယ်ချက်ကို ပြောပြပြီးနောက် မုမိသားစုသည် ဟုန်မိသားစု၏ အင်အားဖိအားကြောင့် ဟုန်မိသားစု ၏ ရှာဖွေမှုကို မချိတင်ကဲ သဘောတူခွင့်ပြုခဲ့ရလေသည်။</p> <p>ဟုန်ကျန့်ချင်းသည် အချိန်ကြာကြာ ရှာဖွေရခြင်းမရှိခင်မှာပင် တရားခံကို ရှာတွေ့မည်မဟုတ်ကြောင်း ကြိုတင်ခံစားလိုက်ရသည်။ မည်သို့ပင်ဆိုစေ ထိုအချိန်လောက်ဆိုလျှင် တရားခံသည် မုအိမ်တော်မှ ထွက်ပြေးလွတ်မြောက်သွားလောက်ပြီ ဖြစ်၏။</p> <p>တရားခံမှာ မုအိမ်တော်မှ လူတစ်ယောက်ဖြစ်နေနိုင်မလားဟု သူ သံသယဝင်ခဲ့သေးသော်လည်း ယင်းမှာ အဓိပ္ပာယ်မရှိပေ။ သူ၏ မျက်စိရှေ့မှောက်မှာတင် တရားခံက မုအိမ်တော်ထဲသို့ မည်ကဲ့သို့ ပြေးဝင်သွား နိုင်မည်နည်း။</p> <p>သိုင်းလောကတွင် နှစ်ပေါင်းများစွာ ကျင်လည်ခဲ့သူပီပီ မုအိမ်တော်ကို ရှာဖွေခြင်းက အဓိပ္ပာယ်သိပ်မရှိ ကြောင်းကိုလည်း ဟုန်ကျန့်ချင်း နားလည်ထားသည်။</p> <p>ထို့အပြင် ဒုက္ခိတဖြစ်သွားသူမှာ သူ၏သားအရင်းမှ မဟုတ်ဘဲ သူ၏ အစ်ကိုဖြစ်သူ၏ သားဖြစ်သည် မဟုတ်ပါလား။</p> <p>သူ့အတွက် ဘာနစ်နာမှုမှ မရှိသော်လည်း ဆက်လက်ရှာဖွေနေမည်ဆိုပါက မုမိသားစုကို စော်ကားမိ သလို ဖြစ်သွားမည့်သူမှာ သူသာလျှင် ဖြစ်ပေလိမ့်မည်။ ထို့ကြောင့် သူသည် မုအိမ်တော်မှ အလျင်အမြန် ထွက်ခွာလာခဲ့လိုက်လေသည်။</p> <p>"အစ်ကိုကြီး... မနေ့ညက အဲဒီကောင်လေး လွတ်သွားတယ်…။"</p> <p>ဟုန်ကျန့်ချင်းက သတိထား၍ ပြောလိုက်သည်။ ဟုန်ကျန့်လင်၏ စကားပြောသံကို ကြားရသောအခါ သူ အနည်းငယ် ထိတ်လန့်သွားသည်။</p> <p>ပထမအချက်မှာ သူ၏အစ်ကိုဖြစ်သူသည် ချီစွမ်းအင်သန့်စင်ခြင်းအဆင့် (၆) တွင်ရှိပြီး သူ့ထက် တစ်ဆင့် ပိုမြင့်နေသည်။ ဒုတိယအချက်မှာ ဖခင်ဖြစ်သူသည် သူ၏ သမီးကြောင့် ဩဇာအာဏာ ပိုရှိနေ ခြင်းပင်ဖြစ်သည်။</p> <p>အရေးအကြီးဆုံးမှာ သူ့သားက ဒုက္ခိတဖြစ်သွားခြင်းဖြစ်သည်။ သူ ဒေါသထွက်ပြီး ဘာတွေလုပ်လာမလဲ ဆိုတာ ဘယ်သူက သိနိုင်ပါမည်တဲ့လဲ။</p> <p style="text-align:center"> </p> <p style="text-align:center"> </p> <p style="text-align:center">***</p>


Save