Book List

<h2 style="text-align: center;">မရှုံးနိမ့်သောနတ်ဘုရားဓား (စာစဉ်-၄၂)</h2> <h2 style="text-align: center;"> </h2> <h2 style="text-align: center;">အခန်း (၄၉၂)</h2> <h2 style="text-align: center;">အဘွားကြီး</h2> <h2 style="text-align: center;">*</h2> <p> </p> <p>ဤအချိန်တွင် ပန်းပေါင်းတစ်ရာနတ်ဘုရားဂိုဏ်း၏ကွင်းပြင်၌ ယှဉ်ပြိုင်နေကြသော တပည့် နှစ်ဦးမှာ ပန်းပေါင်းတစ်ရာနတ်ဘုရားဂိုဏ်းတွင်ပါရမီအရှိဆုံးဖြစ်သော အမာခံတပည့်နှစ်ဦးဖြစ်လေ သည်။</p> <p>တစ်ဦးမှာ ယောင်လေဟုအမည်ရပြီးအခြားတစ်ဦးမှာ ဝမ်ကျိယန်ဟု အမည်ရလေသည်။</p> <p>ယောင်လေမှာ ပန်းပေါင်းတစ်ရာနတ်ဘုရားဂိုဏ်း ရှေးဟောင်းဘိုးဘေးကြီး၏ တိုက်ရိုက်မျိုး ဆက်တစ်ဦးလည်း ဖြစ်လေသည်။</p> <p>ယောင်လေနှင့် ဝမ်ကျိယန်တို့နှစ်ဦးစလုံးမှာ နတ်ဘုရားအလင်းများထွက်ပေါ်နေပြီး နှစ်ဦးစ လုံးမှာ ထိပ်တန်းအဆင့်နတ်ဘုရားခန္ဓာကိုယ်များကို ပိုင်ဆိုင်ထားကြလေသည်။</p> <p>တစ်ဦးမှာ လျှပ်စီးဘုရင်နတ်ဘုရားခန္ဓာကိုယ်ဖြစ်ပြီး အခြားတစ်ဦးမှာရန်ကန်းနတ်ဘုရား ခန္ဓာကိုယ်ဖြစ်လေသည်။</p> <p>ယောင်လေမှာ သူ၏ရင်ဘတ်အတွင်းမှဓားချီစွမ်းအင်များနှင့် ဓားနှလုံးသားစွမ်းအားများ ပေါက်ကွဲထွက်ပေါ်နေပြီး ကြီးမြတ်သောဓားနှလုံးသားကိုးခုအထိ ကျင့်ကြံထားနိုင်ခဲ့လေပြီ။</p> <p>ဝမ်ကျိယန်မှာမူ သူကိုင်ဆောင်ထားသောဓားဖြင့်ဓားလှိုင်းများကို အလွှာလိုက်ဖြစ်ပေါ်စေ ကာတိုက်ခိုက်နေလေသည်။ သူ၏ဓားချီစွမ်းအားနှင့်အပူလှိုင်းများမှာ အလွန်တရာအံ့ဩဖွယ် ကောင်းလှသည်၊ အဘယ်ကြောင့်ဆိုသော် သူသည်ရှေးဟောင်းရန်နတ်ဘုရားဓားသိုင်းကိုကျင့်ကြံ နေသောကြောင့်ဖြစ်လေသည်။</p> <p>ရှေးဟောင်း ရန်နတ်ဘုရားမှာ ရှေးဟောင်းသတ်ဖြတ်ခြင်းနတ်ဘုရားကဲ့သို့ပင် အတိတ်နှင့် ပစ္စုပ္ပန်ကို တုန်လှုပ်စေခဲ့သောပြိုင်ဘက်ကင်းပညာရှင်ကြီးတစ်ဦးဖြစ်လေသည်။ ဒဏ္ဍာရီများအရ ရှေးဟောင်းရန်နတ်ဘုရားမှာ လူသားမျိုးနွယ်မဟုတ်ဘဲ မီးဝိညာဉ်မျိုးနွယ်ဖြစ်ကာ တောက်လောင် နေသောမီးလျှံနတ်ဘုရားခန္ဓာကိုယ်ကိုပိုင်ဆိုင်ထားပြီး ၎င်းကိုအစွမ်းထက်ဆုံးမီးဓာတ်နတ်ဘုရား ခန္ဓာကိုယ်အဖြစ် လူသိများလေသည်။</p> <p>ပန်းပေါင်းတစ်ရာဓားနတ်ဘုရားမသည် ပင်မစင်မြင့်ထက်တွင်ထိုင်ကာ ယောင်လေနှင့် ဝမ်ကျိယန်တို့၏တိုက်ခိုက်မှုများကိုကြည့်ပြီး ကျေနပ်စွာပြုံးလိုက်ကာ ပြောလိုက်သည်။</p> <p>“ယောင်လေနဲ့ ဝမ်ကျိယန်တို့နှစ်ယောက်စလုံးကတကယ်ကိုထူးချွန်ကြတယ်။ သူတို့ရဲ့ လက်ရှိအစွမ်းနဲ့တိုက်ခိုက်ရေးစွမ်းရည်အရဆိုရင် ချန်ဆန်းစံအိမ်တော်ရဲ့စစ်ဆေးမှုကို ဝင်ရောက် ယှဉ်ပြိုင်တဲ့အခါ သေချာပေါက်အောင်မြင်ကြလိမ့်မယ်”</p> <p>ချန်ဆန်းစံအိမ်တော်သို့ ဝင်ရောက်နိုင်မည့် နည်းလမ်းနှစ်မျိုးရှိလေသည်။ ပထမတစ်နည်းမှာ ချန်ဆန်းကျောင်းတော်သို့ အရင်ဝင်ရောက်ရန်ဖြစ်ပြီး ဧကရာဇ်အဆင့်သို့တက်လှမ်းပြီးနောက် ချန်ဆန်းကျောင်းတော်၏ထောက်ခံမှုဖြင့် ချန်ဆန်းစံအိမ်တော်စစ်ဆေးမှုတွင် ပါဝင်ယှဉ်ပြိုင်ရခြင်း ဖြစ်လေသည်။</p> <p>အခြားတစ်နည်းမှာမူ ချန်ဆန်းကျောင်းတော်သို့ဝင်ရန်မလိုဘဲ ချန်ဆန်းတိုက်ကြီးပေါ်ရှိ ထိပ်တန်းဂိုဏ်းကြီးများ၏ထောက်ခံမှုဖြင့် ချန်ဆန်းစံအိမ်တော်စစ်ဆေးမှုတွင် တိုက်ရိုက်ပါဝင်ယှဉ် ပြိုင်ရခြင်းဖြစ်လေသည်။</p> <p>အခြားသော ရှေးဟောင်းဘိုးဘေးတစ်ဦးကပြုံးလိုက်ပြီး ပြောလိုက်သည်။</p> <p>“နောက်လကျရင် ယောင်လေနဲ့ဝမ်ကျိယန်တို့ကိုချန်ဆန်းစံအိမ်တော် စစ်ဆေးမှုမှာ ဝင်ရောက်ယှဉ်ပြိုင်ခိုင်းမယ်။ အကယ်၍သူတို့အောင်မြင်သွားမယ်ဆိုရင် ငါတို့ပန်းပေါင်းတစ်ရာ နတ်ဘုရားဂိုဏ်းက ချန်ဆန်းတိုက်ကြီးတစ်ခုလုံးမှာ နောက်တစ်ကြိမ်နာမည်ကြီးလာဦးမှာပဲ”</p> <p>ဂိုဏ်းတစ်ခုတည်းမှ တပည့်နှစ်ဦးတစ်ချိန်တည်းမှာပင် ချန်ဆန်းစံအိမ်တော်သို့ အောင်မြင်စွာ ဝင်ရောက်နိုင်ခြင်းမှာ အမှန်တကယ်ပင်ရှားပါးလှသောကိစ္စဖြစ်လေသည်။</p> <p>ထိုစဉ်မှာပင် ရန်ရှောက်ထျန်းနှင့်အမှောင်နဂါးတို့သည်နောက်ဆုံး၌ ပန်းပေါင်းတစ်ရာ နတ်ဘုရားဂိုဏ်း၏ တောင်ဘက်မုဒ်တံခါးဝသို့ရောက်ရှိလာခဲ့ကြလေပြီ။</p> <p>ကင်းလှည့်နေသော ပန်းပေါင်းတစ်ရာနတ်ဘုရားဂိုဏ်းမှတပည့်များမှာ ရန်ရှောက်ထျန်းနှင့် အမှောင်နဂါးတို့ကို တားဆီးလိုက်ကြပြီး မည်သည့်ကိစ္စရှိသလဲဟု မေးမြန်းလိုက်ကြလေသည်။</p> <p>“မင်းတို့ ဂိုဏ်းချုပ်ကို တွေ့ချင်လို့” ဟု ရန်ရှောက်ထျန်းကအေးစက်သောမျက်နှာအမူ အရာဖြင့်ပြောလိုက်သည်။</p> <p>“ငါတို့ ဂိုဏ်းချုပ်ကိုတွေ့ချင်တယ် ဟုတ်လား”</p> <p>ကင်းလှည့်တပည့်က ရန်ရှောက်ထျန်းကို အထက်အောက်ကြည့်လိုက်ပြီး ရယ်မောလိုက် သည်။</p> <p>“ကောင်လေး... မင်းရဲ့ အမွေးတွေတောင်စုံပြီလား။ ငါတို့ဂိုဏ်းချုပ်ကိုတောင် မင်းကတွေ့ချင် နေသေးတယ်ပေါ့လေ”</p> <p>အခြားသော ကင်းလှည့်တပည့်များကလည်း ရယ်မောလိုက်ကြလေသည်။</p> <p>ရန်ရှောက်ထျန်းက ဘာမှထပ်မပြောတော့ပေ။ သူ၏စိတ်စွမ်းအင်းတစ်ထောင့်နှစ်ရာ ကိုးဆယ့်ခြောက်ခုစလုံးမှစွမ်းအားများကို တစ်ပြိုင်နက်တည်းအသက်သွင်းလိုက်လေသည်။</p> <p>ချက်ချင်းဆိုသလိုပင် သူ၏တစ်ကိုယ်လုံးမှ ရွှေရောင်အလင်းများပေါက်ကွဲထွက်လာပြီး လက်သီးတစ်ချက်ကို အပြင်းအထန်ထိုးနှက်လိုက်လေသည်။</p> <p>“ဘုန်း...”</p> <p>ကင်းလှည့်တပည့်များအားလုံးမှာ အလွန်တရာပြင်းထန်သောဟာရီကိန်းမုန်တိုင်းကြီး တစ်ခု နှင့် တိုက်မိသွားသလိုပင် လွင့်ထွက်သွားကြတော့သည်။</p> <p>ရန်ရှောက်ထျန်း၏ လက်သီးချက်မှာရပ်တန့်မသွားဘဲ ပန်းပေါင်းတစ်ရာနတ်ဘုရားဂိုဏ်း၏ တောင်ဘက်တံခါးကို ရိုက်မိသွားလေသည်။</p> <p>မီတာဆယ်ဂဏန်းအထိမြင့်မားသော ပန်းပေါင်းတစ်ရာနတ်ဘုရားဂိုဏ်း၏ တောင်ဘက် တံခါးမှာလွင့်ထွက်သွားတော့သည်။</p> <p>ချက်ချင်းဆိုသလိုပင် သူ၏လက်သီးချက်မှာ အဝေးမှတောင်ထိပ်ဆီသို့ပင် ဦးတည်သွားပြန် လေသည်။</p> <p>မိုးခြိမ်းသံကဲ့သို့သောပေါက်ကွဲသံနှင့်အတူ ထိုတောင်ထိပ်ကြီးမှာ တိုက်ရိုက်ဖောက်ထွက်ခံ လိုက်ရလေသည်။</p> <p>တောင်ထိပ်ပေါင်း ဆယ်ဂဏန်းကိုဆက်တိုက်ဖောက်ထွက်သွားပြီးနောက်မှသာ ရန်ရှောက် ထျန်း၏လက်သီးချက်မှာ ရပ်တန့်သွားတော့သည်။</p> <p>လွင့်ထွက်သွားခဲ့ကြသော ပန်းပေါင်းတစ်ရာနတ်ဘုရားဂိုဏ်းမှ ကင်းလှည့်တပည့်ရာပေါင်း များစွာမှာ မြေပြင်ပေါ်သို့ပြုတ်ကျကုန်ကြပြီး သူတို့၏မျက်နှာများမှာ ထိတ်လန့်မှုကြောင့်ဖြူဖျော့ နေတော့သည်။</p> <p>လက်သီးတစ်ချက်တည်းဖြင့် တောင်ထိပ်ပေါင်းဆယ်ဂဏန်းကို ဖောက်ထွက်သွားနိုင်သည် အထိ ဤလူငယ်မှာဘယ်လိုမိစ္ဆာမျိုးလဲ။</p> <p>သူတို့ ပန်းပေါင်းတစ်ရာနတ်ဘုရားဂိုဏ်း၏ တောင်ထိပ်များမှာစိန့်အဆင့်ပညာရှင်များ၏ စွမ်းအားဖြင့် ခိုင်မာအောင်လုပ်ထားခြင်းဖြစ်လေသည်။ သူတို့ဂိုဏ်း၏အစွမ်းထက်ဆုံး အမာခံ တပည့်များပင်လျှင် တောင်ထိပ်တစ်ခုကိုပင်ဖောက်ထွက်နိုင်ရန်မဖြစ်နိုင်ပေ။</p> <p>ရန်ရှောက်ထျန်းသည် ကင်းလှည့်တပည့်များကိုလျစ်လျူရှုလိုက်ပြီး အမှောင်နဂါးနှင့်အတူ ပန်းပေါင်းတစ်ရာ နတ်ဘုရားဂိုဏ်းအတွင်းသို့ ပျံသန်းဝင်ရောက်သွားလေသည်။</p> <p>ဤအချိန်တွင် ပန်းပေါင်းတစ်ရာဓားနတ်ဘုရားမနှင့် ပန်းပေါင်းတစ်ရာနတ်ဘုရားဂိုဏ်းမှ ပညာရှင်များအားလုံးမှာ နားကွဲမတတ်ပြင်းထန်သောပေါက်ကွဲသံကိုကြားလိုက်ကြရပြီး မြေပြင်မှာ အဆက်မပြတ်တုန်ခါနေသဖြင့် အကုန်လုံးအံ့အားသင့်သွားကြလေသည်။</p> <p>“ဘာဖြစ်တာလဲ”</p> <p> ပန်းပေါင်းတစ်ရာ ဓားနတ်ဘုရားမ၏ လှပသောမျက်နှာမှာ မှောင်မိုက်သွားတော့သည်။</p> <p>“ဂိုဏ်းချုပ်... အဖိုးကြီးတစ်ယောက်နဲ့လူငယ်တစ်ယောက်က ကျွန်တော်တို့ ပန်းပေါင်း တစ်ရာနတ်ဘုရားဂိုဏ်းထဲကိုအတင်းဝင်လာနေပါတယ်” ဟု ခဏအကြာတွင် ထိတ်လန့်နေသော ပန်းပေါင်းတစ်ရာနတ်ဘုရားဂိုဏ်းမှ အကြီးအကဲတစ်ဦးကလာရောက်သတင်းပို့လေသည်။</p> <p>အဖိုးကြီးတစ်ယောက်နဲ့ လူငယ်တစ်ယောက်ဟုတ်လား။</p> <p>ဒူမေ၏ စိတ်ထဲတွင်တစ်စုံတစ်ခု လက်သွားပြီး သူမကအော်ဟစ်လိုက်သည် -</p> <p>“ဟိုလူငယ်လေး ရောက်လာတာ ဖြစ်နိုင်မလား”</p> <p>ပန်းပေါင်းတစ်ရာ ဓားနတ်ဘုရားမလည်း သဘောပေါက်သွားပြီးလှောင်ပြောင်လိုက်သည်။</p> <p>“သူက အမှန်တကယ်ပဲငါ့ရဲ့ပန်းပေါင်းတစ်ရာနတ်ဘုရားဂိုဏ်းကိုလာပြီး ရှင်းပြချက် တောင်းရဲလိမ့်မယ်လို့ငါမထင်ထားခဲ့ဘူး” ဟုပြောရင်း သူမကရုတ်တရက်မတ်တပ်ရပ်လိုက်သည်။</p> <p> “သူက ငါ့ရဲ့ ပန်းပေါင်းတစ်ရာ နတ်ဘုရားဂိုဏ်းဆီကနေဘယ်လိုရှင်းပြချက်တောင်းမလဲဆို တာ ငါ သိချင်သေးတယ်”</p> <p>ထို့နောက်တွင် သူမသည်လေထဲသို့ပျံတက်လိုက်ပြီး တောင်ဘက်မုဒ်တံခါးဆီသို့ ပျံသန်းသွား လေတော့သည်။</p> <p>၎င်းကို မြင်သောအခါ ပန်းပေါင်းတစ်ရာနတ်ဘုရားဂိုဏ်းမှ အဆင့်မြင့်အရာရှိများနှင့် တပည့် အမြောက်အမြားမှာလည်း ပန်းပေါင်းတစ်ရာဓားနတ်ဘုရားမ၏နောက်မှလိုက်ပါသွားကြလေသည်။</p> <p>ဒူမေသည် ပန်းပေါင်းတစ်ရာဓားနတ်ဘုရားမ၏နောက်မှ လိုက်ပါသွားသော်လည်း သူမ၏ နှလုံးသားထဲတွင်မူ စိုးရိမ်မှုများရှိနေလေသည်။ တစ်စုံတစ်ခုသောအကြောင်းရင်းကြောင့် သူမသည် မသက်မသာ ဖြစ်နေမိခြင်းဖြစ်လေသည်။</p> <p>ရန်ရှောက်ထျန်းနှင့် အမှောင်နဂါးတို့သည် ပန်းပေါင်းတစ်ရာနတ်ဘုရားဂိုဏ်းအတွင်းသို့ ဝင်ရောက်လာပြီးနောက် လမ်းတောက်လျှောက်တွင်သူတို့၏လမ်းကိုပိတ်ဆို့ထားသော ပန်းပေါင်း တစ်ရာနတ်ဘုရားဂိုဏ်းမှ ပညာရှင်များနှင့်တပည့်အမြောက်အမြားနှင့်ကြုံတွေ့ခဲ့ရလေသည်။</p> <p>သို့သော် သူတို့အားလုံးမှာ အမှောင်နဂါး၏လက်ညှိုးတစ်ချက်ခတ်လိုက်ရုံဖြင့် လွင့်ထွက် သွားခဲ့ကြလေသည်။</p> <p>ခဏအကြာတွင် ရန်ရှောက်ထျန်းသည်ဂိုဏ်းအတွင်းမှပျံထွက်လာသော ပန်းပေါင်းတစ်ရာ နတ်ဘုရားဂိုဏ်းမှ ပညာရှင်များကိုမြင်တွေ့လိုက်ရလေသည်။</p> <p>လူအမြောက်အမြားရှိနေပြီး သောင်းနှင့်ချီ ရှိပေလိမ့်မည်။</p> <p>သူတို့သည် အားကောင်းမောင်းသန်ဖြင့် သူနှင့်အမှောင်နဂါးဆီသို့ ပျံသန်းလာကြလေသည်။</p> <p>၎င်းကို မြင်သောအခါ ရန်ရှောက်ထျန်း ရပ်တန့်လိုက်လေသည်။</p> <p>ပန်းပေါင်းတစ်ရာ ဓားနတ်ဘုရားမသည် ရန်ရှောက်ထျန်း၏ ရှေ့သို့ ရောက်လာပြီး အဝေးတွင် အမှောင်နဂါး၏လက်ညှိုးချက်ကြောင့် လွင့်ထွက်သွားခဲ့ကြသောပညာရှင်များကိုကြည့်ကာ သူမ၏ လှပသောမျက်နှာမှာတင်းမာနေတော့သည်။</p> <p> သူမသည်အမှောင်နဂါးကိုတစ်ချက်ကြည့်လိုက်ပြီးနောက် သူမ၏အကြည့်မှာရန်ရှောက် ထျန်းဆီသို့ ရောက်ရှိသွားတော့သည်။</p> <p>“မင်းက အတော်လေးသတ္တိရှိတာပဲ၊ ငါ့ရဲ့ပန်းပေါင်းတစ်ရာနတ်ဘုရားဂိုဏ်းကို အမှန်တ ကယ်လာရဲတယ်ပေါ့”</p> <p>“ဒါပေမဲ့ မင်းကလူတစ်ယောက်တည်းကိုပဲခေါ်ပြီး ငါ့ရဲ့ ပန်းပေါင်းတစ်ရာ နတ်ဘုရားဂိုဏ်း ဆီကနေ ရှင်းပြချက်တောင်းဖို့လာတာလား”</p> <p>ရန်ရှောက်ထျန်း၏ မျက်နှာအမူအရာမှာတည်ငြိမ်နေဆဲ ဖြစ်လေသည်။</p> <p>“ခင်ဗျားတို့ ပန်းပေါင်းတစ်ရာနတ်ဘုရားဂိုဏ်းကိုဖျက်ဆီးဖို့ဆိုရင် လူတစ်ယောက်ခေါ်လာ တာနဲ့တင်လုံလောက်ပါတယ်”</p> <p>“ဘာ...”</p> <p>“သေတွင်းတူးနေတာပဲ”</p> <p>“သေချင်နေတာလား”</p> <p>ရန်ရှောက်ထျန်း၏ စကားထွက်လာသည်နှင့်တစ်ပြိုင်နက် ပန်းပေါင်းတစ်ရာနတ်ဘုရားဂိုဏ်း မှ ပညာရှင်များနှင့် တပည့်များအားလုံးမှာ ချက်ချင်းဆိုသလိုပင်ဒေါသထွက်သွားကြတော့သည်။</p> <p>ယောင်လေနှင့် ဝမ်ကျိယန်တို့မှာမူရန်ရှောက်ထျန်းဆီသို့ဒေါသတကြီးဖြင့် လက်သီးများ ကိုပင်တစ်ပြိုင်နက်တည်းထိုးနှက်လိုက်ကြလေသည်။</p> <p>သူတို့၏ နတ်ဘုရားခန္ဓာကိုယ်များမှနတ်ဘုရားအလင်းများတောက်ပလာပြီး သူတို့၏ လက်သီးချက်များမှာ ဟာရီကိန်းနတ်သားရဲကြီးများရှေ့သို့ တိုးဝင်လာသကဲ့သို့ပင်မြည်ဟည်းနေ တော့သည်။</p> <p>သူတို့နှစ်ဦးမှာ ရန်ရှောက်ထျန်း၏ ရှေ့သို့ ချက်ချင်းရောက်ရှိလာခဲ့ကြလေပြီ။</p> <p>သူတို့နှစ်ဦး၏ လက်သီးချက်များက ရန်ရှောက်ထျန်းကိုထိမှန်တော့မည့်ဆဲဆဲတွင် ရန်ရှောက် ထျန်းက သူ၏လက်ကိုမြှောက်လိုက်ရုံမျှဖြင့် သူတို့၏လက်သီးများကိုဖမ်းဆွဲလိုက်ပြီး သဲအိတ်များ ကဲ့သို့ပင် တိုက်ရိုက်ဝှေ့ယမ်း ပစ်ပေါက်လိုက်လေသည်။</p> <p>ထိုနှစ်ဦးမှာ ဥက္ကာခဲဗုံးများအလား အဝေးရှိရေကန်ကြီးအတွင်းသို့ ပျံဝင်သွားကြသည်ကို တွေ့လိုက်ရလေသည်။</p> <p>ပြင်းထန်သော ပေါက်ကွဲသံနှင့်အတူအဝေးရှိရေကန်မှရေများမှာလွင့်စင်သွားပြီး ရေကန်ကြီး တစ်ခုလုံး ပျောက်ကွယ်သွားခဲ့ကာ ထိုနှစ်ဦးမှာရေကန်အောက်ခြေတွင် နစ်မြုပ်သွားကြတော့သည်။</p> <p>ပန်းပေါင်းတစ်ရာ နတ်ဘုရားဂိုဏ်းမှ တပည့်များမှာ ဆွံ့အသွားကြတော့သည်။</p> <p>“မင်းက ဧကရာဇ်အဆင့်မဟုတ်ဘူးလား”</p> <p>အထူးသဖြင့် ဒူမေနှင့်တိန်းချွမ်းတို့မှာ အကြီးအကျယ်တုန်လှုပ်သွားကြလေသည်။</p> <p>ဝိညာဉ်သားရဲတောအုပ်မှ ပြန်လာပြီးကတည်းက သူတို့နှစ်ဦးစလုံးမှာ ရန်ရှောက်ထျန်းသည် နဂါးချင်းရွှမ်ကဲ့သို့ပင် သိုင်းဧကရာဇ်တစ်ဦးသာဖြစ်လိမ့်မည်ဟု ထင်ထားခဲ့ခြင်းဖြစ်လေသည်။</p> <p>သို့သော် ယခုလေးတင် ရန်ရှောက်ထျန်းက နတ်ဘုရားအဆင့်ပထမအလွှာတွင် ရှိနေသော ယောင်လေနှင့် ဝမ်ကျိယန်တို့ကို တိုက်ရိုက်ကိုင်ပေါက်ပစ်လိုက်ခြင်း ဖြစ်လေသည်။</p> <p>သဲအိတ်များကဲ့သို့ ပစ်ပေါက်လိုက်ခြင်း ဖြစ်လေသည်။</p> <p>ယောင်လေနှင့် ဝမ်ကျိယန်တို့မှာ ပြန်လည် ခုခံနိုင်စွမ်းလုံးဝ မရှိခဲ့ကြပေ။</p> <p>ထိုနှစ်ဦးမှာ စိန့်အဆင့်ပညာရှင်တစ်ဦးနှင့် ရင်ဆိုင်နေရသကဲ့သို့ ဖြစ်နေခဲ့ခြင်း ဖြစ်လေသည်။</p> <p>သို့သော် ၎င်းမှာဘယ်လိုလုပ်ဖြစ်နိုင်မည်နည်း။ သူတို့ရှေ့ရှိလူငယ်လေးမှာ အသက်ဆယ့်ငါး၊ ဆယ့်ခြောက်နှစ်သာ ရှိသေးသည်၊ သူကဘယ်လိုလုပ်ပြီး စိန့်အဆင့်သို့ရောက်ရှိနေနိုင်မည်နည်း။</p> <p>ပန်းပေါင်းတစ်ရာဓားနတ်ဘုရားမပင်လျှင် အလွန်တရာအံ့အားသင့်သွားပြီး သူမမြင်တွေ့နေ ရသည်ကို မယုံကြည်နိုင်အောင်ဖြစ်နေလေသည်။</p> <p>“မင်းကဘယ်သူလဲ” ဟု သူမသည်ရန်ရှောက်ထျန်းကို သံသယဖြင့်စိုက်ကြည့်လိုက် လေသည်။</p> <p>ရန်ရှောက်ထျန်းက ပြန်မဖြေဘဲ ဒူမေကို စိုက်ကြည့်လိုက်ကာ…</p> <p>“မင်း ကျုပ်မှာကြားလိုက်တဲ့စကားတွေကို ဒီအဘွားကြီးကိုပြောပြခဲ့ရဲ့လား” ဟု မေးလိုက် သည်။</p> <p>ဒူမေမှာ ဆွံ့အသွားတော့သည်။</p> <p>“အဘွားကြီး ဟုတ်လား။”</p> <p>ပန်းပေါင်းတစ်ရာဓားနတ်ဘုရားမ၏မျက်နှာမှာ ဒေါသကြောင့်ပို၍ပင်ဖြူဖျော့သွားတော့ သည်။ ဤလူငယ်လေးသည် ယခုလေးတင် သူမကိုအဘွားကြီးဟုခေါ်လိုက်သည်တဲ့လား။ သူက သူမကို အဘွားကြီးဟု အမှန်တကယ်ခေါ်လိုက်သည်တဲ့လား။</p> <p>“ကောင်လေး... မင်းသေချင်နေတာပဲ”</p> <p> ပန်းပေါင်းတစ်ရာ ဓားနတ်ဘုရားမ၏မျက်လုံးများတွင်သတ်ဖြတ်လိုစိတ်များ ပြည့်နှက်သွား တော့သည်။</p> <p>“မင်း ဘယ်သူပဲဖြစ်ဖြစ်ဂရုမစိုက်ဘူး၊ ဒီနေ့တော့ငါ့ရဲ့ဓားနဲ့မင်းကိုသေချာပေါက် ခုတ်သတ် ပစ်မယ်”</p> <p>ထိုသို့ပြောပြီးနောက် သူမသည်သူမ၏ပန်းပေါင်းတစ်ရာနတ်ဘုရားဓားကိုပင် အသုံးမပြု သေးဘဲ သူမ၏ညာလက်ကိုဝှေ့ယမ်းလိုက်ရာ အံ့ဩဖွယ်ကောင်းသောဓားချီစွမ်းအင်တစ်ခုသည် ရန်ရှောက်ထျန်းဆီသို့ ချက်ချင်းပစ်လွှတ်လိုက်လေသည်။</p> <p>ဓားချီစွမ်းအင်မှာ နတ်ဘုရားမိုးကြိုးသံပေါင်းသောင်းနှင့်ချီ ဟိန်းဟောက်နေသကဲ့သို့ပင် တိုးဝင်လာတော့သည်။</p> <p>အမျိုးသမီးဓားနတ်ဘုရားမ၏ အရှိန်အဝါကိုအပြည့်အဝထုတ်ဖော်ပြသလိုက်ခြင်း ဖြစ်လေ သည်။</p> <p>ပန်းပေါင်းတစ်ရာဓားနတ်ဘုရားမမှာ အမှန်တကယ်ပင်ချန်ဆန်းတိုက်ကြီး၏ ကြီးကျယ် သော အမျိုးသမီးဓားနတ်ဘုရားမနှစ်ဦးထဲမှတစ်ဦးဖြစ်လေသည်၊ သူမ၏အစွမ်းမှာသာမန် ဓားနတ် ဘုရားများထက်များစွာသာလွန်လေသည်။</p> <p>သူမ၏ ဓားချီစွမ်းအင်က ရန်ရှောက်ထျန်း၏လည်ပင်းကိုဖောက်ထွက်တော့မည့်ဆဲဆဲတွင် ရုတ်တရက်လက်တစ်ဖက်မှာ မည်သည့်နေရာကမှန်းမသိပေါ်ထွက်လာခဲ့လေသည်။</p> <p> </p> <p> </p> <p style="text-align: center;">***</p>


Save