Book List

<h2 style="text-align: center;">အခန်း (၄၉၃)</h2> <h2 style="text-align: center;">အားလုံး... အတူတူ သတ်ကြစမ်း</h2> <h2 style="text-align: center;">*</h2> <p> </p> <p> </p> <p>၎င်းမှာ အလွန်တရာ အိုမင်းနေသောလက်တစ်ဖက်ဖြစ်လေသည်။</p> <p>အရိုးပေါ် အရေတင်နေသည်အထိ အိုမင်းနေခြင်းဖြစ်လေသည်။</p> <p>သို့သော် ဤအိုမင်းနေသောလက်တစ်ဖက်ကပင် ပန်းပေါင်းတစ်ရာဓားနတ်ဘုရားမ၏ အံ့ဩဖွယ်ကောင်းသော ဓားချီစွမ်းအင်ကိုတားဆီးလိုက်ခြင်း ဖြစ်လေသည်။</p> <p>နတ်ဘုရား မိုးကြိုးသံပေါင်းသောင်းနှင့်ချီသောစွမ်းအားများပါရှိနေသည့် ပန်းပေါင်းတစ်ရာ ဓားနတ်ဘုရားမ၏ဓားချီစွမ်းအင်မှာ ထိုရှေးဟောင်းလက်ပေါ်သို့ရိုက်မိသွားသော်လည်း လက်မှာ ဖောက်ထွက်ခံရခြင်းမရှိသည့်အပြင် အနက်ရောင်အလင်းများတုန်ခါသွားကာ ဓားချီစွမ်းအင်ကို တိုက်ရိုက်ပင် ချေမှုန်းပစ်လိုက်လေသည်။</p> <p>လူတိုင်းမှာ အလွန်တရာအံ့အားသင့်ပြီးထိတ်လန့်သွားကြကာ ရန်ရှောက်ထျန်း၏ဘေးရှိ အမှောင်နဂါးကို ကြည့်လိုက်ကြလေသည်။</p> <p>လှုပ်ရှားလိုက်သူမှာ အခြားသူမဟုတ်ဘဲ အမှောင်နဂါးဖြစ်လေသည်။</p> <p>ပန်းပေါင်းတစ်ရာဓားနတ်ဘုရားမမှာမူ သူမ၏နှလုံးသားထဲတွင်ပို၍ပင် အံ့အားသင့်သွား တော့သည်။</p> <p>ခုနက သူမ၏ဓားချက်မှာ မည်မျှအထိပြင်းထန်ကြောင်း သူမကောင်းကောင်းသိထားလေ သည်။</p> <p>သာမန် ဓားနတ်ဘုရားတစ်ဦးပင်လျှင် သူမ၏ခုနကဓားချက်ကို အလွယ်တကူ ခုခံနိုင်လိမ့်မည် မဟုတ်ပေ။</p> <p>သူမသည် အမှောင်နဂါးကို စိုက်ကြည့်လိုက်ကာ..</p> <p>“ဒီကမိတ်ဆွေကြီးက ဘယ်သူလဲ” ဟု မေးလိုက်သည်။</p> <p>အမှောင်နဂါးကရယ်မောလိုက်ပြီး သူ၏သွေးရောင်မျက်လုံးများဖြင့် ပန်းပေါင်းတစ်ရာ ဓားနတ်ဘုရားမကိုစိုက်ကြည့်လိုက်ရာ သူမ၏နှလုံးသားထဲတွင် အေးစိမ့်သွားသလိုခံစားလိုက်ရ သည်။</p> <p>“မင်းကို သတ်မယ့်သူပဲ”</p> <p>ပန်းပေါင်းတစ်ရာ ဓားနတ်ဘုရားမမှာ ဒေါသထွက်သွားသည်။</p> <p>“ဝါကြွားလိုက်တာ”</p> <p> သူမ၏ လက်ထဲတွင်ပန်းပေါင်းတစ်ရာ နတ်ဘုရားဓားပေါ်လာပြီးနောက် သူမသည်ဓားဖြင့် ရုတ်တရက်ထိုးနှက်လိုက်ရာ မရေမတွက်နိုင်သောဓားပန်းပွင့်များ ပွင့်လန်းလာတော့သည်။</p> <p>၎င်းမှာ ပန်းပေါင်းတစ်ရာ ဓားလမ်းစဉ်ဖြစ်လေသည်။</p> <p>သို့သော် သူမ၏ပန်းပေါင်းတစ်ရာဓားလမ်းစဉ်မှာ လွန်ခဲ့သောရက်များက သတ်ဖြတ်ခြင်း သားတော် မုန့်ပိုင်ပြသခဲ့သော ပန်းပေါင်းတစ်ရာဓားလမ်းစဉ်ထက် အဆပေါင်းသောင်းနှင့်ချီ၍ ပိုမို ပြင်းထန်လှပေသည်။</p> <p>ဓားပန်းပွင့်များမှာ ကောင်းကင်ယံတွင်ပြည့်နှက်သွားသဖြင့် လူများမှာဓားပန်းပွင့်ကမ္ဘာ တစ်ခုအတွင်းသို့ ရောက်ရှိသွားသလိုပင် ခံစားလိုက်ရလေသည်။</p> <p>ထို့အပြင် ဓားပန်းပွင့်များမှာအဆုံးမရှိပြောင်းလဲနေသဖြင့် လူတို့၏စိတ်ဝိညာဉ်ကိုဝေဝါး သွားစေနိုင်လေသည်။</p> <p>ဓားပန်းပွင့်များမှာလျှပ်စီးအလားမြန်ဆန်လှပြီးအမှောင်နဂါး၏တစ်ကိုယ်လုံးကို ဖောက် ထွက်တော့မည့်ပုံပင်။</p> <p>ရုတ်တရက် အမှောင်နဂါး၏တစ်ကိုယ်လုံးတွင် အမှောင်စွမ်းအားများပေါက်ကွဲထွက်လာပြီး ဓားပန်းပွင့်များအားလုံးမှာ သူ၏ပတ်ဝန်းကျင်ရှိအမှောင်ထုအတွင်းသို့ နစ်မြုပ်သွားကြကာ ပင်လယ် ထဲသို့ ကျောက်တုံးတစ်တုံးကျသွားသလိုပင် အတိုင်းအဆမဲ့သောအမှောင်ပင်လယ်ကြီး၏ ဝါးမြို ခြင်းကို လုံးဝခံလိုက်ရလေသည်။</p> <p>ပန်းပေါင်းတစ်ရာ ဓားနတ်ဘုရားမမှာ အကြီးအကျယ်ထိတ်လန့်သွားတော့သည်။</p> <p>ဒါ ဘယ်လိုကျင့်စဉ်မျိုးလဲ။</p> <p>သူမ၏ ပန်းပေါင်းတစ်ရာဓားချီစွမ်းအင်ကို အမှန်တကယ်ပင်တိုက်ရိုက်ဝါးမြိုပစ်လိုက် သည်တဲ့လား။</p> <p>တစ်ခဏအတွင်းမှာပင် အမှောင်နဂါးသည်တစ်ဖက်လူ၏ဓားချီစွမ်းအင်အားလုံးကို အပြည့် အဝဝါးမြိုပစ်လိုက်ပြီး လူတိုင်းကိုအံ့အားသင့်စေသည်မှာ အမှောင်နဂါး၏တစ်ကိုယ်လုံးမှ အနက် ရောင်အလင်းများ ရုတ်တရက်ပေါက်ကွဲထွက်လာခြင်းဖြစ်လေသည်။</p> <p>ယခုလေးတင် ဝါးမြိုခံလိုက်ရပါသော ဓားချီစွမ်းအင်သောင်းနှင့်ချီတို့သည် ပန်းပေါင်းတစ်ရာ ဓားနတ်ဘုရားမဆီသို့ ပိုမိုမြန်ဆန်သောအရှိန်ဖြင့် ပြန်လည်ပစ်လွှတ်လိုက်လေသည်။</p> <p>ပန်းပေါင်းတစ်ရာဓားနတ်ဘုရားမမှာ ထိတ်လန့်မှုကြောင့်မျက်နှာဖြူဖျော့သွားပြီး သူမ၏ လက်ထဲရှိပန်းပေါင်းတစ်ရာနတ်ဘုရားဓားကို အပြင်းအထန်လည်ပတ်လိုက်ကာ ပန်းပေါင်းတစ်ရာ ဓားကာကွယ်မှုကို ဖြစ်ပေါ်စေလိုက်လေသည်။</p> <p>သို့သော် ပန်းပေါင်းတစ်ရာဓားကာကွယ်မှုမှာ ချက်ချင်းဆိုသလိုပင်အစိတ်စိတ်အမြွှာမြွှာ ကြေမွသွားခဲ့လေပြီ။</p> <p>ပန်းပေါင်းတစ်ရာဓားနတ်ဘုရားမမှာ အံ့အားသင့်စွာဖြင့် နောက်သို့ ဆုတ်ခွာခဲ့ရပြီး တစ်ချိန်တည်းမှာပင် သူမ၏ပန်းပေါင်းတစ်ရာနတ်ဘုရားဓားမှအံ့ဩဖွယ်ကောင်းသောဓားဆန္ဒများ ပေါက်ကွဲထွက်လာကာ ဓားတစ်ချက်ထိုးနှက်လိုက်မှသာဓားချီစွမ်းအင်များမှာ ဒေါသတကြီး မိုးကြိုး သံအလား ပေါက်ကွဲသွားတော့သည်။</p> <p>ထိုအခါမှသာ သူမသည်အမှောင်နဂါး၏တိုက်ခိုက်မှုကို မနည်းခုခံနိုင်လိုက်လေသည်။</p> <p>သို့သော်လည်း ပန်းပေါင်းတစ်ရာဓားနတ်ဘုရားမမှာ တုန်လှုပ်နေဆဲဖြစ်လေသည်၊ သူမ၏ ချီနှင့် သွေးများမှာဆူပွက်နေပြီး သူမ၏လက်မောင်းမှာလည်းပြင်းထန်စွာနာကျင်နေကာ သူမသည် အတော်လေး အခြေအနေမကောင်းလှပေ။</p> <p>သူမသည် အမှောင်နဂါးကို ထိတ်လန့်မှု၊ ဒေါသထွက်မှုများဖြင့် စိုက်ကြည့်လိုက်လေသည်။</p> <p>ဤအဖိုးကြီး၏ အစွမ်းမှာ သူမထင်ထားသည်ထက် များစွာ ကျော်လွန်နေခြင်း ဖြစ်လေသည်။</p> <p>ချန်ဆန်းတိုက်ကြီး၏ အမျိုးသမီးဓားနတ်ဘုရားမနှစ်ဦးထဲမှတစ်ဦးအနေဖြင့် သူမ၏ အစွမ်းမှာ မိစ္ဆာကောင်းကင် ဓားနတ်ဘုရားထက် မနိမ့်ကျလှပေ။</p> <p>သို့သော်လည်း တစ်ချက်တည်းရင်ဆိုင်ပြီးနောက်မှာပင် သူမသည်အရေးနိမ့်သွားခဲ့လေပြီ။</p> <p>“ဓားဆန္ဒတစ်ဆယ့်တစ်မျိုးလား၊ မဆိုးပါဘူး၊ ငါ့ရဲ့တိုက်ကွက်တစ်ကွက်ကိုတော့ မင်း ခုခံနိုင် သားပဲ” ဟု အမှောင်နဂါးက အေးစက်စွာ ပြောလိုက်သည်။</p> <p>ပန်းပေါင်းတစ်ရာဓားနတ်ဘုရားမ၏ ခုနက နောက်ဆုံးဓားချက်တွင် အံ့ဩဖွယ်ကောင်းသော ဓားဆန္ဒများပါရှိနေပြီး ဓားဆန္ဒတစ်ဆယ့်တစ်မျိုး ပါဝင်နေလေသည်၊ ထိုအခါမှသာ အမှောင်နဂါး၏ တိုက်ခိုက်မှုကို မနည်းခုခံနိုင်ခဲ့ခြင်း ဖြစ်လေသည်။</p> <p>ယေဘုယျအားဖြင့်ပြောရလျှင် ဓားနှလုံးသားကိုးခုနှင့်အထက် ကျင့်ကြံနိုင်ခြင်းမှာ ဓားနတ် ဘုရားတစ်ဦးဖြစ်လာနိုင်မည့် ပါရမီရှိနေခြင်း ဖြစ်လေသည်။</p> <p>သို့သော် ဓားနတ်ဘုရားတစ်ဦးဖြစ်လာရန်အတွက် ဓားနှလုံးသားကိုးခုနှင့်အထက် ကျင့်ကြံရုံ သာမကဘဲ နတ်ဝိညာဉ်အဆင့်သို့လည်းတက်လှမ်းရမည်ဖြစ်ပြီး ဓားဆန္ဒကိုးမျိုးနှင့်အထက် ကိုလည်း နားလည်သဘောပေါက်ထားရမည်ဖြစ်လေသည်။</p> <p>သာမန် ဓားနတ်ဘုရားတစ်ဦးမှာ ဓားဆန္ဒကိုးမျိုးကိုသာနားလည်သဘောပေါက်ထားကြ လေသည်။</p> <p>သို့သော် ပန်းပေါင်းတစ်ရာဓားနတ်ဘုရားမမှာ ဆယ့်တစ်မျိုးအထိနားလည်ထားခြင်း ဖြစ်လေ သည်၊ ၎င်းမှာ သာမန်ဓားနတ်ဘုရားတစ်ဦးထက် နှစ်မျိုးပိုများနေခြင်းဖြစ်လေသည်။</p> <p>ဓားဆန္ဒတစ်ဆယ့်တစ်မျိုးအထိနားလည်နိုင်သော ဓားနတ်ဘုရားများမှာအလွန်တရာ ရှားပါး လှပေသည်။</p> <p>ချန်ဆန်းတိုက်ကြီး တစ်ခုလုံးမှာပင် လက်ချိုးရေတွက်နိုင်လေသည်။</p> <p>သို့သော်လည်း ပန်းပေါင်းတစ်ရာဓားနတ်ဘုရားမမှာ အမှောင်နဂါး၏ရှေ့တွင် အရေးနိမ့်နေ ဆဲဖြစ်လေသည်။</p> <p>အမှောင်နဂါးစကားပြောပြီးသည်နှင့် သူ၏ပုံရိပ်မှာဝေဝါးသွားပြီး ပန်းပေါင်းတစ်ရာဓားနတ် ဘုရားမ၏ရှေ့တွင် ချက်ချင်းပေါ်လာခဲ့လေပြီ၊ သူ၏ခြောက်သွေ့နေသောလက်များကို ဆန့်ထုတ် လိုက်ကာ အင်အားအများကြီးပင်မစိုက်ထုတ်ဘဲ အသာအယာသာ တွန်းထုတ်လိုက်လေသည်။</p> <p>ဟင်းလင်းပြင်မှာ အမှန်တကယ်ပင် အတွင်းဘက်သို့ ပြိုလဲသွားတော့သည်။</p> <p>အတိုင်းအဆမရှိသော စွမ်းအားတစ်ခုမှာ ဟင်းလင်းပြင်အလွှာများကို ဖောက်ထွက်ပြီး တစ်ဖက်လူဆီသို့ ဟိန်းဟောက်တိုးဝင်သွားတော့သည်။</p> <p>ပန်းပေါင်းတစ်ရာ ဓားနတ်ဘုရားမ၏မျက်နှာမှာဖြူဖျော့သွားပြီး သူမ၏တစ်ကိုယ်လုံးမှ ဓားချီစွမ်းအင်များပေါက်ကွဲထွက်လာကာ သူမ၏နောက်ကျောတွင်ဓားနတ်ဘုရားပုံရိပ် ကိုးခု ပေါ်ထွက်လာလေသည်။</p> <p>သူမသည် ဓားကိုရုတ်တရက် ဝှေ့ယမ်းလိုက်လေသည်။</p> <p>ဓားနတ်ဘုရား ပုံရိပ်ကိုးခုမှာလည်း တစ်ပြိုင်နက်တည်း ဓားကိုဝှေ့ယမ်းလိုက်ကြလေသည်။</p> <p>ဓားတစ်ချက်တည်းနှင့်ပင်။</p> <p>သူမ၏ ရှေ့ရှိ ဟင်းလင်းပြင်မှာ နှစ်ပိုင်းကွဲထွက်သွားတော့သည်။</p> <p>သို့သော် ၎င်းမှာ အသုံးမဝင်ခဲ့ပေ။</p> <p>အတိုင်းအဆမဲ့သော စွမ်းအားမှာဟင်းလင်းပြင်အလွှာများကိုဖောက်ထွက်ပြီး သူမဆီသို့ တိုးဝင်လာဆဲ ဖြစ်လေသည်။</p> <p>“ဘုန်း...”</p> <p>ပန်းပေါင်းတစ်ရာ အမျိုးသမီးဓားနတ်ဘုရားမမှာ ဥက္ကာခဲတစ်ခုအလားလွင့်ထွက်သွားပြီး အဝေးရှိ တောင်တန်းကြီးအတွင်းသို့ တိုက်မိသွားတော့သည်။</p> <p>ဓားဆန္ဒတစ်ဆယ့်တစ်မျိုးအထိနားလည်ထားသော ပန်းပေါင်းတစ်ရာဓားနတ်ဘုရားမမှာ တိုက်ကွက်နှစ်ကွက်တည်းနှင့် အရေးနိမ့်သွားခဲ့လေပြီ။</p> <p>အမှောင်နဂါးက တစ်ဖက်လူကိုအေးစက်စွာ ကြည့်လိုက်သည်။</p> <p>“မင်းရဲ့ ဓားနတ်ဘုရားလမ်းစဉ်က ကျင့်ကြံမှုကောင်းပါတယ်၊ ဒါပေမဲ့ ကံမကောင်းစွာနဲ့ မင်းက ကိုးဆင့်မြောက်အထိပဲ ကျင့်ကြံထားနိုင်သေးတာပဲ”</p> <p>ဓားနတ်ဘုရားလမ်းစဉ်မှာ ရှေးဟောင်းပါရမီပေါင်းစုံဓားနတ်ဘုရားဖန်တီးခဲ့သော အမြင့် မြတ်ဆုံး ဓားလမ်းစဉ်ဖြစ်လေသည်။</p> <p>ပါရမီပေါင်းစုံဓားနတ်ဘုရားမှာ အမှောင်နဂါးနှင့်ခေတ်ပြိုင်ဖြစ်သော အမြင့်မြတ်ဆုံးပညာ ရှင်ကြီးတစ်ဦးဖြစ်လေသည်။</p> <p>ဟိုတုန်းက ပါရမီပေါင်းစုံဓားနတ်ဘုရားမှာ ဓားနတ်ဘုရားလမ်းစဉ်ကိုတစ်ဆယ့်လေးဆင့် မြောက်အထိကျင့်ကြံနိုင်ခဲ့မှသာ အမှောင်နဂါးနှင့်သရေဖြစ်အောင် မနည်းတိုက်ခိုက်နိုင်ခဲ့ခြင်း ဖြစ် လေသည်။</p> <p>ပန်းပေါင်းတစ်ရာဓားနတ်ဘုရားမမှာ သွေးများအန်ထုတ်လိုက်သဖြင့် သူမ၏အဝတ်အစား များတွင် သွေးများစွန်းထင်သွားတော့သည်။</p> <p>“ဂိုဏ်းချုပ်ကို ကာကွယ်ကြစမ်း”</p> <p>ပန်းပေါင်းတစ်ရာနတ်ဘုရားဂိုဏ်းမှ ရှေးဟောင်းဘိုးဘေးများမှာ ထိတ်လန့်တကြား နိုးထလာ ကြပြီး ဟိန်းဟောက်လိုက်ကြလေသည်။</p> <p>“ပန်းပေါင်းတစ်ရာ နတ်ဘုရား မဟာအစီရင်ကို အသက်သွင်းကြစမ်း”</p> <p>ချက်ချင်းဆိုသလိုပင် ပန်းပေါင်းတစ်ရာနတ်ဘုရားဂိုဏ်းအတွင်းမှ ဓားချီစွမ်းအင်များမှာ ကောင်းကင်ယံသို့ပျံတက်သွားကြသည်၊ ဓားချီစွမ်းအင်များမှာပင်လယ်ကြီးအလား ပန်းပေါင်း တစ်ရာနတ်ဘုရားဂိုဏ်း၏ အထက်ရှိကောင်းကင်ယံကိုဖုံးလွှမ်းသွားခဲ့ပြီး တစ်ချိန်တည်းမှာပင် အတိုင်းအဆမရှိသောဓားချီစွမ်းအင်များမှာ ရန်ရှောက်ထျန်းနှင့် အမှောင်နဂါးဆီသို့ ရိုက်ချလိုက်လေ သည်။</p> <p>သူ့ဆီသို့ တိုးဝင်လာသော ပန်းပေါင်းတစ်ရာဓားချီစွမ်းအင်များကို ကြည့်ကာ အမှောင်နဂါးက အေးစက်စွာနှာခေါင်းရှုံ့လိုက်လေသည်၊ သူ၏တစ်ကိုယ်လုံးမှ အနက်ရောင်အလင်းများတုန်ခါသွား ပြီး ဓားချီစွမ်းအင်အားလုံးကိုချေမှုန်းပစ်လိုက်ကာ ရုတ်တရက်လက်သီးတစ်ချက်ကို ထိုးနှက်လိုက် လေသည်။</p> <p>မရေမတွက်နိုင်သော အမှောင်စွမ်းအားများမှာဟိန်းဟောက်ထွက်ပေါ်လာသဖြင့် ပန်းပေါင်း တစ်ရာနတ်ဘုရားဂိုဏ်းမှ ရှေးဟောင်းဘိုးဘေးများမှာ ဆက်တိုက်နောက်သို့ဆုတ်ခွာခဲ့ကြရလေ သည်။</p> <p>အခင်းဖြစ်ပွားရာနေရာရှိ ပန်းပေါင်းတစ်ရာနတ်ဘုရားဂိုဏ်းမှတပည့်များမှာ သူတို့၏ နတ်ဘုရားအဆင့် ရှေးဟောင်းဘိုးဘေးဆယ်ဂဏန်းနှင့် စိန့်အဆင့်ရှေးဟောင်းဘိုးဘေး ထောင်ပေါင်း များစွာတို့ပူးပေါင်းတိုက်ခိုက်လျှင်ပင် သူတို့ရှေ့ရှိအဖိုးကြီး၏ နောက်သို့ဆုတ်ခွာစေမှုကို ခံလိုက်ရ သည်ကို မြင်သောအခါ အလွန်တရာတုန်လှုပ်သွားကြတော့သည်။</p> <p>အမှောင်နဂါးက ထပ်မံ၍တိုက်ခိုက်တော့မည့်ဆဲဆဲတွင် ရုတ်တရက်ပန်းပေါင်းတစ်ရာ နတ်ဘုရားဂိုဏ်း၏ တားမြစ်နယ်မြေအတွင်းမှဟိန်းဟောက်သံတစ်ခု ထွက်ပေါ်၍လာသည်။</p> <p>“ရပ်လိုက်စမ်း”</p> <p>ဟင်းလင်းပြင်အတွင်းမှ ပုံရိပ်တစ်ခုပျံထွက်လာခဲ့သည်၊ သူ၏ခန္ဓာကိုယ်မှာ မောက်မာသော နဂါးတစ်ကောင်အလားဖြစ်နေပြီး လက်သီးနှစ်ဖက်ကိုထိုးနှက်လိုက်ရာ အတိုင်းအဆမဲ့သော နတ်ဘုရားစွမ်းအားများမှာ ဧရာမနတ်နဂါးကြီးနှစ်ကောင်အဖြစ်ပြောင်းလဲသွားပြီး အမှောင်နဂါး ဆီသို့ တိုးဝင်လာတော့သည်။</p> <p>အမှောင်နဂါးက ပြန်လည်ထိုးနှက်လိုက်ရာ တစ်ဖက်လူ၏နတ်ဘုရားစွမ်းအား နတ်နဂါးများ ကို ချေမှုန်းပစ်လိုက်လေသည်။</p> <p>ရောက်ရှိလာသူမှာ အခြားသူမဟုတ်ဘဲ ပန်းပေါင်းတစ်ရာနတ်ဘုရားဂိုဏ်း၏ ရှေးဟောင်း ဘိုးဘေးကြီး ယောင်ဖုန်းဟွေးဖြစ်လေသည်။</p> <p>သူသည် နဂါးချင်းရွှမ်လေးကို အတင်းအကျပ်ခိုင်းစေခဲ့သူလည်း ဖြစ်လေသည်။</p> <p>ရန်ရှောက်ထျန်းက တစ်ဖက်လူကိုစိုက်ကြည့်လိုက်ပြီး အေးစက်စွာ ပြောလိုက်သည်။</p> <p>“ရှေးဟောင်း နတ်နဂါးကျင့်စဉ်တဲ့လား။ ခင်ဗျားကအမှန်တကယ်ပဲမသေနိုင်သော သေမင်း နတ်ဘုရားဆီမှာ ခိုလှုံခဲ့တာပဲ”</p> <p>“ဘာ... မသေနိုင်သောသေမင်းနတ်ဘုရားဟုတ်လား”</p> <p> ပန်းပေါင်းတစ်ရာ နတ်ဘုရားဂိုဏ်းမှလူတိုင်းမှာယောင်ဖုန်းဟွေးကို ထိတ်လန့်တကြား ကြည့် လိုက်ကြပြီး ပန်းပေါင်းတစ်ရာဓားနတ်ဘုရားမပင်လျှင် ဆွံ့အသွားတော့သည်။</p> <p>“ကောင်လေး... မင်း ငါ့ကို မဟုတ်မတရား စွပ်စွဲနေတာပဲ”</p> <p> ယောင်ဖုန်းဟွေးသည် ရန်ရှောက်ထျန်းကို စိုက်ကြည့်လိုက်ကာ သူ၏သတ်ဖြတ်လိုစိတ်များ ပေါက်ကွဲလာတော့သည်။</p> <p> “အားလုံး... ဒီမှာ သူ သွေးခွဲနေတာကို နားမယောင်ကြနဲ့” ဟု ပြောရင်း သူကရန်ရှောက် ထျန်းဆီသို့ လက်သီးတစ်ချက်ကို ရုတ်တရက်ထိုးနှက်လိုက်လေသည်။</p> <p>နတ်ဘုရားစွမ်းအား နတ်နဂါးများမှာနောက်တစ်ကြိမ် ပျံထွက်လာပြန်လေသည်။</p> <p>သို့သော် အနားတွင်ရှိနေသည့်အမှောင်နဂါးကလက်သီးတစ်ချက် ပြန်လည်ထိုးနှက်လိုက်ရာ အနက်ရောင်နဂါးနက်ကြီးတစ်ကောင်မှာ ဟိန်းဟောက်ထွက်ပေါ်လာပြီး တစ်ဖက်လူ၏နတ်နဂါးကို ချက်ချင်းဖျက်ဆီးပစ်လိုက်ကာ အမှောင်နဂါး၏လက်သီးစွမ်းအားတို့မှာ လျော့နည်းမသွားပါဘဲ ယောင်ဖုန်းဟွေးဆီသို့ တိုက်ရိုက်တိုးဝင်သွားသဖြင့် ယောင်ဖုန်းဟွေးမှာအလွန်တရာ အခြေအနေ မကောင်းလှဘဲ နောက်သို့ ဆုတ်ခွာခဲ့ရလေသည်။</p> <p>“အမှောင် နဂါးအစစ်အမှန်လား။ ခင်ဗျား... ခင်ဗျားက အရှင်..အရှင်အမှောင်နဂါးပဲ</p> <p>ယောင်ဖုန်းဟွေးမှာ အမှောင်နဂါးကိုစိုက်ကြည့်လိုက်ရင်း သူ၏မျက်နှာမှာ သိသိသာသာ ပြောင်းလဲသွားတော့သည်။</p> <p>“အရှင် အမှောင်နဂါး ဟုတ်လား”</p> <p> ပန်းပေါင်းတစ်ရာ နတ်ဘုရားဂိုဏ်းမှလူတိုင်း အကြီးအကျယ်ထိတ်လန့်သွားကြလေသည်။</p> <p>ပန်းပေါင်းတစ်ရာ ဓားနတ်ဘုရားမလည်းအံ့အားသင့်သွားတော့သည်၊ ဤအဖိုးကြီးမှာ အမှန်တကယ်ပင် လွန်ခဲ့သောနှစ်ပေါင်းတစ်သိန်းကျော်က သူတို့ဖူထုအင်ပါယာ၏ နံပါတ်တစ် ပညာရှင်ကြီး အရှင်အမှောင်နဂါး ဖြစ်နေသည်တဲ့လား။</p> <p>သို့သော်လည်း လွန်ခဲ့သောရက်များက အရှင်အမှောင်နဂါးနှင့် အဆိပ်နဂါးနန်းတော် ဂိုဏ်းချုပ်တို့မှာ လွန်ခဲ့သောရက်အနည်းငယ်က လျှို့ဝှက်ဆန်းကြယ်သူတစ်ဦး၏သတ်ဖြတ်ခြင်းကို ခံခဲ့ရကြောင်းကောလာဟလများရှိခဲ့သည်မဟုတ်ပါလော။ သူက ဘာဖြစ်လို့အသက်ရှင်နေသေး တာလဲ။ ပြီးတော့ ဒီလူငယ်လေးရဲ့ နောက်မှာ ဘာလို့လိုက်နေရတာလဲ။</p> <p>ဒီလူငယ်လေးကကော အမှန်တကယ် ဘယ်သူလဲ။</p> <p>“သတ်ပစ်လိုက်” ဟု ရန်ရှောက်ထျန်းက အေးစက်စွာ ပြောလိုက်သည်။</p> <p>ယခင်က ကောင်းကင်ဖျက်ဆီးမိစ္ဆာဘိုးဘေးက ယောင်ဖုန်းဟွေးသည် ရှေးဟောင်းနဂါးမျိုး နွယ်ကျင့်စဉ်ကိုရရှိခဲ့ကြောင်းပြောစဉ်ကတည်းက သူ တစ်စုံတစ်ခုကို သံသယရှိခဲ့ခြင်း ဖြစ်လေသည်၊ ယခုအခါတွင်မူ အတည်ပြုလိုက်နိုင်ပြီ ဖြစ်သည်၊ တစ်ဖက်လူသည် အမှန်တကယ်ပင် မသေနိုင်သော သေမင်းနတ်ဘုရားဆီတွင် ခိုလှုံခဲ့ခြင်းဖြစ်လေသည်။</p> <p>ထိုသို့ဆိုလျှင် ဤယောင်ဖုန်းဟွေးမှာ သေကိုသေရမည်ဖြစ်လေသည်။</p> <p>အမှောင်နဂါးသည် ယောင်ဖုန်းဟွေးဆီသို့နောက်ထပ်စွမ်းအားပျင်းလှသော လက်သီးတစ် ချက်ကို ရုတ်တရက်ထိုးနှက်လိုက်ပြန်လေသည်။</p> <p>ယောင်ဖုန်းဟွေးက ဒေါသတကြီးဟိန်းဟောက်အမိန့်ပေးလိုက်သည်။</p> <p>“အဲဒီ ကောင်လေးကိုငါ့အတွက်သတ်ပေးကြစမ်း။ အမှောင်နဂါးကမသေနိုင်သောသေမင်း နတ်ဘုရားဆီမှာခိုလှုံနေတာကြာလှပြီ၊ အဲဒီကောင်လေးကလည်း မသေနိုင်သောသေမင်းနတ်ဘုရား ရဲ့ လူပဲ။ သူ့တို့ကို မြန်မြန်သတ်ကြစမ်း”</p> <p>ယောင်ဖုန်းဟွေး၏ လက်အောက်ရှိစိန့်အဆင့်အကြီးအကဲတစ်ဦးမှာ ဓားဖြင့်ရန်ရှောက် ထျန်း၏ လည်ပင်းကိုထိုးနှက်လိုက်ကာ ကျယ်လောင်စွာ အော်ဟစ်လိုက်သည်။</p> <p>“မသေနိုင်သော သေမင်းနတ်ဘုရားက ချန်ဆန်းတိုက်ကြီးကိုသတ်ဖြတ်နေတာ၊ မသေနိုင် သော သေမင်းနတ်ဘုရားနဲ့ပတ်သက်တဲ့သူ မှန်သမျှသေသင့်တယ်”</p> <p>“အားလုံး... သူ့ကို အတူတူ သတ်ကြစမ်း”</p> <p>ထိုစိန့်အဆင့် အကြီးအကဲ၏ဓားက ရန်ရှောက်ထျန်း၏ လည်ပင်းဆီသို့ရောက်ရှိတော့မည့် ဆဲဆဲတွင် ရုတ်တရက်ရန်ရှောက်ထျန်း၏တစ်ကိုယ်လုံးမှ အလင်းတန်းများပေါက်ကွဲထွက်လာပြီး အချိန်စွမ်းအားများက ဟိန်းဟောက်လို့လာကာ ဧရာမရွှေရောင်ဟွန်ယွမ်ကောင်းကင်ကံကြမ္မာတစ်ခု ပျံထွက်လာခဲ့လေသည်။</p> <p> </p> <p> </p> <p style="text-align: center;">***</p>


Save