Book List

<h2 style="text-align: center;">အခန်း (၄၉၅)</h2> <h2 style="text-align: center;">ချန်ဆန်း၏ အရှင်သခင်အသစ်</h2> <h2 style="text-align: center;">*</h2> <p> </p> <p> </p> <p>ချန်ဆန်းဓားဆိုသည်မှာ ချန်ဆန်းအရှင်သခင်၏ဓားဖြစ်လေသည်။</p> <p>ရန်ရှောက်ထျန်းက ချန်ဆန်းဓားကိုရရှိထားခြင်းမှာ သူသည်ယခုအခါ ချန်ဆန်းတိုက်ကြီး၏ ချန်ဆန်းအရှင်သခင်အသစ်ဖြစ်လာပြီဟု ဆိုလိုခြင်းဖြစ်လေသည်။</p> <p>ယောင်ဖုန်းဟွေးကို သတ်ရန်မဆိုထားနှင့်၊ သူသည် ချန်ဆန်းစံအိမ်တော်၏ နတ်ဘုရားလေး ပါးနှင့် ချန်ဆန်းစံအိမ်တော်အရှင်သခင်ကိုပင်သတ်ပိုင်ခွင့် ရှိလေသည်။</p> <p>ထို့ကြောင့်လည်း ယောင်ဖုန်းဟွေး၊ ပန်းပေါင်းတစ်ရာဓားနတ်ဘုရားမ၊ တိန်းဖုန်းနှင့် တခြားသူများမှာ ချန်ဆန်းဓားကိုမြင်လိုက်ရသောအခါမျက်နှာအမူအရာများ သိသိသာသာပြောင်း လဲသွားကြခြင်းဖြစ်လေသည်။</p> <p>“ဒါ အမှန်တကယ်ပဲချန်ဆန်းဓားပါလား”</p> <p>ယင်လေဂိုဏ်းမှ ရှေးဟောင်းဘိုးဘေးများမှာ အလွန်တရာစိတ်လှုပ်ရှားနေကြတော့သည်။</p> <p>“ချန်ဆန်းဓားပေါ်လာပြီ”</p> <p>“ကျွန်တော်တို့ ချန်ဆန်းအရှင်သခင်အသစ်ကို ဂါရဝပြုပါတယ်”</p> <p>ချက်ချင်းဆိုသလိုပင် ယင်လေဂိုဏ်းမှရှေးဟောင်းဘိုးဘေးများနှင့် အကြီးအကဲများအားလုံး မှာ ဒူးထောက်လိုက်ကြပြီး စိတ်လှုပ်ရှားစွာအော်ဟစ်လိုက်ကြလေသည်။</p> <p>ပန်းပေါင်းတစ်ရာနတ်ဘုရားဂိုဏ်းမှ ရှေးဟောင်းဘိုးဘေးများနှင့် အကြီးအကဲများမှာလည်း စိတ်လှုပ်ရှားစွာ ဒူးထောက်လိုက်ကြသည်။</p> <p>“ကျွန်တော်တို့ ချန်ဆန်းအရှင်သခင်အသစ်ကို ဂါရဝပြုပါတယ်”</p> <p>ပန်းပေါင်းတစ်ရာ ဓားနတ်ဘုရားမ၏မျက်နှာအမူအရာမှာသိသိသာသာ ပြောင်းလဲသွား တော့သည်။</p> <p>ရန်ရှောက်ထျန်းက ချန်ဆန်းဓားကိုရရှိလိမ့်မည်ဟု သူမပင်လျှင်မထင်ထားခဲ့ပေ။</p> <p>ရန်ရှောက်ထျန်းသည် ချန်ဆန်းဓားကိုကိုင်ဆောင်ကာယောင်ဖုန်းဟွေးဆီသို့ ဆက်လက် လမ်းလျှောက်သွားလေသည်။</p> <p>ယောင်ဖုန်းဟွေး၏ အသံမှာတုန်ယင်နေပြီး မောက်မာမှုများ မရှိတော့ပေ။</p> <p>“နတ်ဘုရားရန်... မဟုတ်ပါဘူး၊ ချန်ဆန်းအရှင်သခင်အသစ်... အရှင်မင်းကြီး၊ ကျွန်တော့်ကို ချမ်းသာပေးပါ၊ ကျွန်တော့်အသက်ကိုချမ်းသာပေးပါ၊ ကျွန်တော်မှားခဲ့ပါတယ်၊ ကျွန်တော်ဝေဝါးသွား ခဲ့တာပါ၊ ကျွန်တော် မသေနိုင်သောသေမင်းနတ်ဘုရားဆီမှာ မခိုလှုံခဲ့သင့်ပါဘူး”</p> <p>ယောင်ဖုန်းဟွေး၏ ဝန်ခံချက်ကိုကြားလိုက်ရသောအခါ ပန်းပေါင်းတစ်ရာဓားနတ်ဘုရားမ နှင့် ယောင်ဖုန်းဟွေး၏တပည့်များမှာ မျက်နှာဖြူဖျော့သွားကြတော့သည်။</p> <p>ယောင်ဖုန်းဟွေး ဘာမှထပ်မပြောနိုင်ခင်မှာပင် ရန်ရှောက်ထျန်းက သူ၏လက်ထဲရှိ ချန်ဆန်း ဓားဖြင့် တစ်ဖက်လူ၏လည်ပင်းတည့်တည့်သို့ ထိုးစိုက်လိုက်လေသည်။</p> <p>သွေးများ ပန်းထွက်လာခဲ့လေပြီ။</p> <p>ယောင်ဖုန်းဟွေး၏ လည်ပင်းမှအက်ရှရှ အသံတစ်ခုထွက်ပေါ်လာလေသည်။</p> <p>ရန်ရှောက်ထျန်း၏ မျက်နှာအမူအရာမှာအေးစက်နေပြီး သူသည်ချန်ဆန်းဓားကိုတစ်ဖက် လူ၏ လည်ဂုတ်အထိဖောက်ထွက်သွားအောင် ဆက်လက်ထိုးစိုက်လိုက်လေသည်။</p> <p>သို့သော်လည်း ယောင်ဖုန်းဟွေးမှာမသေသေးဘဲပါးစပ်ကိုဟကာ တစ်စုံတစ်ခုပြောရန် ကြိုးစားနေဆဲဖြစ်သဖြင့် ရန်ရှောက်ထျန်းကသူ၏လက်ကိုဝှေ့ယမ်းလိုက်ပြီး တစ်ဖက်လူ၏ဦးခေါင်း ကို ဖြတ်ချလိုက်လေသည်။</p> <p>ယောင်ဖုန်းဟွေး၏ ဦးခေါင်းမှာ မြေပြင်ပေါ်သို့ လိမ့်ကျသွားတော့သည်။</p> <p>သူ၏ အလောင်းမှာ ပန်းပေါင်းတစ်ရာဓားနတ်ဘုရားမ၏ရှေ့တွင် ပြုတ်ကျသွားခဲ့လေသည်။</p> <p>ရန်ရှောက်ထျန်းသည် ယောင်ဖုန်းဟွေးနှင့်ပတ်သက်သောတပည့်များကို ကြည့်လိုက်လေ သည်။</p> <p>“အရှင်မင်းကြီး... ကျွန်တော်တို့ကို ချမ်းသာပေးပါ”</p> <p>“ကျွန်တော်တို့ မသေနိုင်သောသေမင်းနတ်ဘုရားဆီမှာ မခိုလှုံခဲ့ပါဘူး”</p> <p>ယောင်ဖုန်းဟွေး၏ လက်အောက်ရှိတပည့်ရာပေါင်းများစွာမှာ ထိတ်လန့်နေကြပြီး အသနား ခံကာ အပြင်းအထန်ဦးတိုက်နေကြတော့သည်။</p> <p>“သူတို့ကို အရင်ဆုံးဖမ်းဆီးထားလိုက်၊ ပြီးမှစစ်ဆေးမယ်” ဟု ရန်ရှောက်ထျန်းက တိန်း ဖုန်းနှင့် တခြားသူများကိုပြောလိုက်သည်။</p> <p>တိန်းဖုန်းနှင့် တခြားသူများက လေးစားစွာနာခံလိုက်ကြလေသည်။</p> <p>ဤအချိန်တွင် ပန်းပေါင်းတစ်ရာနတ်ဘုရားဂိုဏ်း၏အပြင်စည်းတပည့်များ ဝင်းအတွင်း၌ နဂါးချင်းရွှမ်လေးမှာ စိုးရိမ်တကြီးဖြင့် ဟိုမှသည်လမ်းလျှောက်နေလေသည်။</p> <p>ပန်းပေါင်းတစ်ရာ နတ်ဘုရားဂိုဏ်းတစ်ခုလုံးမှာ အဆက်မပြတ်တုန်ခါနေသဖြင့် ထိုမျှ လောက်ကြီးမားသော တုန်ခါမှုနှင့်ဖျက်ဆီးခြင်းစွမ်းအားကို သူမသေချာပေါက်ခံစားမိနေခြင်း ဖြစ် လေသည်။</p> <p>အပြာရောင်ဝတ်စုံ ဝတ်ဆင်ထားသောလူငယ်လေးတစ်ဦးမှာ ပန်းပေါင်းတစ်ရာနတ်ဘုရား ဂိုဏ်းသို့ ရှင်းပြချက်တောင်းရန် ရောက်ရှိလာကြောင်းသိရှိသွားသောအခါ သူမသည်ဝမ်းသာသလို စိုးရိမ်စိတ်လည်းဖြစ်မိလေသည်၊ သို့သော်အပြင်ဘက်တွင်တပည့်များက စောင့်ကြပ်နေသဖြင့် သူမသည် ထိုဝင်းအတွင်းမှ လုံးဝထွက်ခွာ၍ မရပေ။</p> <p>နဂါးချင်းရွှမ်လေး အလွန်တရာစိုးရိမ်နေစဉ်မှာပင် အဝေးမှကောင်းကင်ယံတွင် အပြာနု ရောင်ပုံရိပ်တစ်ခု ပေါ်လာသည်ကို မြင်တွေ့လိုက်ရလေသည်။</p> <p>ထိုအပြာနုရောင် ပုံရိပ်မှာ လေထဲမှတစ်ဆင့် သူမဆီသို့ လမ်းလျှောက်လာသည်ကို ကြည့်ကာ နဂါးချင်းရွှမ်လေး၏ လှပသောမျက်လုံးလေးများတွင် မျက်ရည်များပင် ရစ်ဝဲလို့လာလေတော့သည်။</p> <p>မျက်ရည်များကြားမှပင် ရန်ရှောက်ထျန်းမှာ နဂါးချင်းရွှမ်လေး၏ခြံဝင်းရှေ့သို့ နောက်ဆုံး၌ ရောက်ရှိလာခဲ့ပြီဖြစ်သည်။</p> <p>“ရပ်လိုက်စမ်း”</p> <p>ပန်းပေါင်းတစ်ရာ ဓားနတ်ဘုရားမ၏အမိန့်ဖြင့် အပြင်ဘက်တွင်စောင့်ကြပ်နေသော တပည့် မှာ ရန်ရှောက်ထျန်းကို အော်ဟစ်တော့မည့်ဆဲဆဲမှာပင် ရန်ရှောက်ထျန်း၏လက်သီးတစ်ချက်ဖြင့် လွင့်ထွက်သွားခဲ့လေပြီ။</p> <p>ထိုအခိုက်ရန်ရှောက်ထျန်းက တံခါးကိုတွန်းဖွင့်ဝင်လာပြီး နဂါးချင်းရွှမ်လေး၏ရှေ့သို့ ရောက် ရှိလာခဲ့လေသည်။</p> <p>“အစ်ကို ရှောက်ထျန်း... ဒါ အစ်ကိုပဲမလားဟင်” ဟူသောအကြည့်လေးများဖြင့် နဂါးချင်း ရွှမ်လေးသည် သူမ၏ရှေ့မှပြိုင်ဘက်ကင်းလူငယ်လေးကိုကြည့်ကာ ဝမ်းနည်းလွန်းသောဟန် အမူရာလေးဖြင့် သူမ၏လှပသောမျက်နက်ဝန်းမျက်လုံးအိမ်လေးတို့မှ မျက်ရည်စလေးများတို့က တသွင်သွင်းစီးဆင်းလျက်ပြည့်လျှံကာနေရင်းမေးလိုက်လေတော့သည်။</p> <p>“ဟုတ်ပါတယ် အစ်ကိုပါ ဘာမှပူမနေပါနဲ့တော့နော်”</p> <p> ရန်ရှောက်ထျန်းက ရှေ့သို့လှမ်းတက်လိုက်ပြီး ဟိုတုန်းကတည်းကဖြူစင်စွာနဲ့ချစ်စရာ ကောင်းသော မိန်းကလေးငယ်လေးကိုသတိရရင်း ကြည့်နေမိလိုက်လေသည်။</p> <p>“အစ်ကို ရှောက်ထျန်း... ကျေးဇူးတင်ပါတယ်”</p> <p>အားငယ်စိတ်များဖြင့် ပြည့်လျှံနေခဲ့သောချစ်စရာမိန်းမပျိုနဂါးချင်းရွှမ်လေးမှာ အားကိုးရာ အစ်ကိုတစ်ယောက်လုံး သူ၏အရှေ့သို့ရောက်ရှိလာခဲ့လေပြီဟူသောခံစားချက်များတို့ဖြင့် သူ၏ရင် ထဲမှာ ပေါက်ဖွားလျက်ရှိပါသော ရင်ခုန်သံတို့ကိုထိန်းချုပ်မထားနိုင်လေသည်လည်းဖြစ်ရာ အရှေသို့ တက်လှမ်းတိုးလိုက်ပြီး ရန်ရှောက်ထျန်း၏ရင်ခွင်ထဲသို့မနေနိုင်စွာပြေး၍ဖက်ထားလိုက်မိလေတော့ သည်၊ သူမသည်ဟိုတုန်းကအတိုင်းပင် ရန်ရှောက်ထျန်း၏နွေးထွေးမှုကိုခံစားလိုက်ရလေတော့ သည်။</p> <p>“အစ်ကိုနောက်ကျသွားခဲ့ပါတယ်”</p> <p>“ဟင့်အင်း... မနောက်ကျပါဘူးအစ်ကို”</p> <p>***</p> <p>                                              </p> <p> </p> <p>ချန်ဆန်းစံအိမ်တော်။</p> <p>ကျန်းယုံကျန်းသည် သူ၏လက်ထဲရှိရှေးဟောင်းစာအုပ်တစ်အုပ်ကို လေ့လာနေစဉ်မှာပင် ရုတ်တရက်ဓားနတ်ဘုရားရှီးလုံမှာ အလွန်တရာစိတ်လှုပ်ရှားနေသောပုံစံဖြင့်ပြေးဝင်လာခဲ့ လေ သည်။</p> <p>“မင်းကတော့... အသက်ကြီးလှပြီ၊ စိတ်ကတော့ အခုထိ မြန်တုန်းပဲ” ဟု ကျန်းယုံကျန်းက ရှီးလုံ၏ စိတ်လှုပ်ရှားနေမှုကို မြင်သောအခါ ပြုံးလျက် ပြောလိုက်သည်။</p> <p>ထို့နောက်တွင် သူသည်ရှီးလုံ၏စိတ်လှုပ်ရှားစွာ ပြောလိုက်သောစကားကိုကြားလိုက်ရ သည်။</p> <p>“စံအိမ်တော်အရှင်သခင်... ချန်ဆန်းဓား ပေါ်လာပါပြီ”</p> <p>“ဘာ... ချန်ဆန်းဓားဟုတ်လား”</p> <p> ကျန်းယုံကျန်းမှာ ရုတ်တရက်မတ်တပ်ရပ်လိုက်ပြီး အလွန်တရာစိတ်လှုပ်ရှားသွားတော့ သည်။</p> <p>“ချန်ဆန်းဓား ပေါ်လာပြီ ဟုတ်လား”</p> <p>“ဟုတ်ပါတယ်၊ ရှောက်ထျန်းကချန်ဆန်းဓားကိုဆင့်ခေါ်ခဲ့တယ်လို့ ပန်းပေါင်းတစ်ရာ နတ်ဘုရားဂိုဏ်းဆီကနေ သတင်းခုလေးတင်ရောက်လာတာပါ” ဟု ရှီးလုံက စိတ်လှုပ်ရှားစွာ ပြောလိုက်သည်။</p> <p>“ရှောက်ထျန်းက ချန်ဆန်းဓားကို ရသွားတာလား”</p> <p> ကျန်းယုံကျန်းမှာ အလွန်တရာတက်ကြွသွားပြီးနောက် စိတ်လှုပ်ရှားစွာပြောလိုက်သည်။</p> <p>“ကောင်းတယ်... အရမ်းကောင်းတယ်၊ ရှောက်ထျန်းက ချန်ဆန်းဓားကို ရသွားပြီ”</p> <p>ထို့နောက် သူက ဆက်ပြောလိုက်သည်။</p> <p>“မြန်မြန်... နတ်ဘုရားတွေအားလုံးကိုခေါ်လိုက်စမ်း၊ ငါနဲ့အတူ ပန်းပေါင်းတစ်ရာ နတ်ဘုရား ဂိုဏ်းကိုသွားပြီး ငါတို့ရဲ့ ချန်ဆန်းအရှင်သခင်အသစ်ကို ဂါရဝပြုကြရအောင်”</p> <p>ရှီးလုံသည် ကျန်းယုံကျန်း၏စိတ်လှုပ်ရှားနေမှုကိုမြင်သောအခါ အနည်းငယ်ဆွံ့အသွား တော့သည်။ ခုနက သူက ငါ့ကို စိတ်မြန်တယ်လို့ ပြောခဲ့ပြီးတော့ အခုကျတော့ သူက ငါ့ထက်တောင် စိတ်မြန်နေသေးတယ်လေ။ ဖူထုအင်ပါယာကဒီနားမှာမဟုတ်ဘူး။ အကယ်၍ နတ်ဘုရားတွေ အားလုံး ချန်ဆန်းစံအိမ်တော်ကနေထွက်သွားကြရင် မသေနိုင်သောသေမင်းနတ်ဘုရားနဲ့ ဟွန်ချွမ် ဂိတ်က လူတွေလာတိုက်ရင် ဘယ်လိုလုပ်မလဲ။</p> <p>“စံအိမ်တော်အရှင်သခင်... ဖူထုအင်ပါယာက ဒီနားမှာ မဟုတ်ဘူးလေ” ဟု ရှီးလုံက အမြန် ပြောလိုက်သည်။</p> <p> “ဒါ့အပြင် ရှောက်ထျန်းနဲ့ ယင်လေဂိုဏ်းကတိန်းဖုန်းတို့က ပန်းပေါင်းတစ်ရာ နတ်ဘုရား ဂိုဏ်းကနေ ထွက်သွားကြပြီလို့လည်း ကျွန်တော်သတင်းရထားပါတယ်”</p> <p>“ပန်းပေါင်းတစ်ရာ နတ်ဘုရားဂိုဏ်းကနေထွက်သွားကြပြီ ဟုတ်လား”</p> <p> ကျန်းယုံကျန်း အံ့အားသင့်သွားတော့သည်။</p> <p>“ဟုတ်ပါတယ်”</p> <p>ရှီးလုံက ရန်ရှောက်ထျန်းပန်းပေါင်းတစ်ရာနတ်ဘုရားဂိုဏ်းသို့ သွားရောက်စဉ်က ဖြစ်ပျက် ခဲ့သမျှအားလုံးကို အမြန်ပြန်လည် ပြောပြလိုက်လေသည်။</p> <p>ယောင်ဖုန်းဟွေးက မသေနိုင်သောသေမင်းနတ်ဘုရားဆီမှာခိုလှုံခဲ့သည်ကို ကြားလိုက်ရ သောအခါ ကျန်းယုံကျန်း၏ မျက်လုံးများမှာ အေးစက်သွားတော့သည်။</p> <p> “သတ်တာ ကောင်းတယ်”</p> <p>သူသည် မသေနိုင်သော သေမင်းနတ်ဘုရားကို လုံးဝ ရွံရှာသူ ဖြစ်လေသည်။</p> <p>“အရှင်မင်းကြီး အခု ဘယ်ကိုသွားတယ်ဆိုတာမင်းသိလား” ဟု ကျန်းယုံကျန်းက ရန်ရှောက်ထျန်းကို ရည်ညွှန်းပြီး မေးလိုက်သည်။</p> <p>ရှီးလုံက ပြောလိုက်သည်။</p> <p>“ပန်းပေါင်းတစ်ရာ နတ်ဘုရားဂိုဏ်းကနေထွက်သွားပြီးနောက် သူ၊ အမှောင်နဂါး၊ မိစ္ဆာမျောက်ဝံနဲ့ တိန်းဖုန်းတို့က ပင်လယ်ရပ်ခြားအရပ်မျက်နှာဆီကို ဦးတည်သွားကြတယ်လို့ သိရပါ တယ်”</p> <p>“ပင်လယ်ရပ်ခြား အရပ်မျက်နှာ ဟုတ်လား”</p> <p> ကျန်းယုံကျန်း အံ့အားသင့်သွားသည်။</p> <p> “အရှင်မင်းကြီးက ပင်လယ်ရပ်ခြား နိုင်ငံတွေဆီကို သွားနေတာလား”</p> <p>“ဖြစ်နိုင်ပါတယ်” ဟု ရှီးလုံက ပြောလိုက်သည်။</p> <p> “ဒါပေမဲ့ အမှောင်နဂါးတို့ ရှိနေတာဆိုတော့ ဘာအန္တရာယ်မှ ရှိမှာ မဟုတ်ပါဘူး”</p> <p> ထို့နောက် သူက သက်ပြင်းချလိုက်မိသည်။</p> <p> “အရှင်မင်းကြီးက နတ်ဘုရားအရိပ်ဓားတင်မကဘဲ ချန်ဆန်းဓားကိုပါရလိမ့်မယ်လို့ ကျွန်တော် မထင်ထားခဲ့ဘူး”</p> <p>“ဒီကောင်လေးက ချန်ဆန်းဓားကို ဘယ်တုန်းကရခဲ့တာလဲမသိဘူး၊ သူ ချန်ဆန်းစံအိမ် တော်ကို မဝင်ခင်ကတည်းက ဖြစ်ရမယ်”</p> <p>“ထာဝရနတ်ဘုရားခန္ဓာကိုယ်၊ ဟွန်ယွမ်ကောင်းကင်ကံကြမ္မာ၊ အမြင့်မြတ်ဆုံး ဘုရင် သိုင်းဝိညာဉ်၊ နှစ်သန်းတန်ဝိညာဉ်ကွင်းဆက်၊ နတ်ဘုရားအဆင့်ရွှေအမြုတေဆေးလုံးနှစ်လုံး၊ ပြီးတော့ သူကနတ်ဘုရားအရိပ်ဓားနဲ့ ချန်ဆန်းဓားကိုပါရထားသေးတာပဲ။ သူကိုယ်တိုင်လည်း ဓားနှလုံးသားတစ်ဆယ့်နှစ်ခုထက်ပိုရှိတယ်လို့ဝန်ခံထားတယ် မဟုတ်လား၊ ဒါဆိုရင်တစ်ဆယ့်သုံးခု လောက် ရှိနေတာလား မသိဘူး”</p> <p>ကျန်းယုံကျန်းနှင့် ရှီးလုံတို့ခံစားချက်များပြည့်နှက်နေစဉ်မှာပင် ရန်ရှောက်ထျန်းက ချန်ဆန်းဓားကိုရရှိထားသည်ဟူသောသတင်းမှာ ချန်ဆန်းတိုက်ကြီးတစ်ခုလုံးသို့ လျင်မြန်စွာ ပျံ့နှံ့ သွားခဲ့လေပြီ။</p> <p>ကျန်းချန်ချန်နှင့် မင်းသမီးဝမ်နင်းတို့လည်း ထိုသတင်းကို ရရှိခဲ့ကြလေသည်။</p> <p>“ဒီလူကတော့ အလှလေးတစ်ယောက်အတွက်နဲ့ ဒေါသထွက်ခဲ့တာပဲ။ သူက ပန်းပေါင်းတစ်ရာ နတ်ဘုရားဂိုဏ်းကို ကိုယ်တိုင်သွားခဲ့ပြီး နဂါးချင်းရွှမ်အတွက် ပန်းပေါင်းတစ်ရာ နတ်ဘုရားဂိုဏ်းရဲ့ ရှေးဟောင်းဘိုးဘေးကြီးယောင်ဖုန်းဟွေးကိုသတ်ပစ်ခဲ့တာလေ။ အခုဆိုရင် ချန်ဆန်းတိုက်ကြီးပေါ်မှာ သူ့ကိုအိပ်မက်ထဲကချစ်သူအဖြစ်သတ်မှတ်နေကြတဲ့ မိန်းကလေးတွေ ဘယ်လောက်တောင် များနေပြီလဲ မသိဘူး” ဟု ဝမ်နင်းက ပြောလိုက်သည်။</p> <p>ကျန်းချန်ချန်က ပြုံးလိုက်ပြီး။</p> <p>“ဘာဖြစ်လို့ ငါ့နားထဲမှာ မနာလိုဖြစ်နေတဲ့ လေသံမျိုး ကြားနေရတာလဲ”</p> <p>ဝမ်နင်း၏ လှပသော မျက်နှာမှာ နီမြန်းသွားပြီး ပြုံးလျက် ပြောလိုက်သည်။</p> <p>“ငါ မနာလို မဖြစ်ပါဘူး”</p> <p>“ဟုတ်ပါတယ်... ဟုတ်ပါတယ်၊ နင်မနာလိုမဖြစ်ပါဘူး၊ နင်ကရှာလကာရည်အိုးကိုပဲ တိုက်မိသွားတာပါ”</p> <p>ထိုအမျိုးသမီးငယ် နှစ်ဦးမှာရယ်မောရင်း တစ်ဦးကိုတစ်ဦး စနောက်နေကြလေသည်။</p> <p>ဤအချိန်တွင် ရန်ရှောက်ထျန်း၊ မိစ္ဆာမျောက်ဝံနှင့်အမှောင်နဂါးတို့မှာ တွင်းနက်ကြီး ပျံသန်း ရေးယာဉ်ဖြင့် ပင်လယ်ရပ်ခြားသို့ သွားနေကြလေသည်။</p> <p>ရန်ရှောက်ထျန်းနှင့်အတူ တိန်းဖုန်းနှင့် ယင်လေဂိုဏ်းမှ အစွမ်းထက်ဆုံးရှေးဟောင်းဘိုးဘေး ကြီး ငါးဦးတို့လည်း လိုက်ပါလာကြလေသည်။</p> <p>ယခုတစ်ခေါက် သူတို့၏ရည်ရွယ်ချက်မှာ ဟွန်ချွမ်မိစ္ဆာဂိုဏ်း၏ဘဏ္ဍာတိုက်ကို ရှာဖွေရန် ဖြစ်လေသည်။</p> <p>ယင်လေဂိုဏ်းသည် ဟွန်ချွမ်မိစ္ဆာဂိုဏ်းဘဏ္ဍာတိုက်၏မြေပုံကို အမှန်တကယ် ရရှိထားခြင်း ဖြစ်ပြီး ထိုမြေပုံအရ ဘဏ္ဍာတိုက်မှာပင်လယ်ရပ်ခြားတွင် ဖုံးကွယ်ထားခြင်းဖြစ်လေသည်။</p> <p>ဟိုတုန်းက လူအမြောက်အမြား ဟွန်ချွမ်မိစ္ဆာဂိုဏ်းအပျက်အစီးများထဲတွင် ဘဏ္ဍာတိုက်ကို ရှာဖွေသော်လည်း ရှာမတွေ့ခဲ့ကြသည်မှာ မဆန်းတော့ပေ။</p> <p>သို့သော် ဤခရီးစဉ်တွင် ပင်လယ်ရပ်ခြားနိုင်ငံများမှ ပညာရှင်များနှင့်တွေ့ဆုံရမည်ဆိုပါက အနည်းငယ် စိတ်အနှောင့်အယှက်ဖြစ်စရာရှိနိုင်လေသည်၊ သေချာပေါက်ပင် ၎င်းမှာစိတ်အနှောင့် အယှက် ဖြစ်စရာမျှသာဖြစ်ပေလိမ့်မည်။</p> <p>ရန်ရှောက်ထျန်း ပင်လယ်ရပ်ခြားသို့ ဦးတည်နေစဉ်မှာပင် မသေနိုင်သောသေမင်းနတ်ဘုရား၊ ငရဲနတ်ဘုရား၏သားတော်ယန်ဖျင်နှင့် တခြားသူများမှာလည်း ချန်ဆန်းဓားပေါ်ထွက်လာသည်ဟူ သော သတင်းကို ရရှိခဲ့ကြလေပြီ။</p> <p> </p> <p> </p> <p style="text-align: center;">***</p>


Save