Book List

<h2 style="text-align: center;">အခန်း (၄၉၇)</h2> <h2 style="text-align: center;">ဖုန်းဟွမ်ကုန်သည်အဖွဲ့နှင့် တွေ့ဆုံခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p>“ဘုန်း...”</p> <p>မြေပြင်မှာ တုန်ခါသွားတော့သည်။</p> <p>ဖုန်မှုန့်များမှာ ဟိုမှသည် ပျံဝဲနေပြီး ဖျက်ဆီးခြင်းစွမ်းအားများမှာ ပျံ့နှံ့သွားခဲ့လေပြီ။</p> <p>ဆေးနံ့သာအိုး၏ ရိုက်နှက်မှုအောက်တွင် ရှေးဟောင်းစိတ်ဝိညာဉ်မိစ္ဆာအဖိုးကြီးမှာ လိမ့်တက် နေသောမိစ္ဆာချီစွမ်းအင်များအဖြစ်သို့ ပေါက်ကွဲသွားခဲ့လေသည်။</p> <p>အမှောင်နဂါး၊ မိစ္ဆာမျောက်ဝံကြီးနှင့် တိန်းဖုန်းတို့မှာလည်း နိုးထလာကြလေပြီဖြစ်သည်။</p> <p>လူတိုင်းမှာ ရှေးဟောင်းစိတ်ဝိညာဉ်မိစ္ဆာပြောင်းလဲသွားသော မိစ္ဆာချီစွမ်းအင်များမှာ ကောင်း ကင်ယံတွင်ပြည့်နှက်သွားပြီးနောက် ကောင်းကင်နှင့်မြေကြီးကြားတွင် ပျောက်ကွယ်သွားသည်ကို မြင်တွေ့လိုက်ကြရလေသည်။</p> <p>ရန်ရှောက်ထျန်းမှာ ဆွံ့အသွားတော့သည်။</p> <p>ရှေးဟောင်း စိတ်ဝိညာဉ်မိစ္ဆာ၏အစွမ်းမှာ မသေနိုင်သောသေမင်းနတ်ဘုရားထက်ပင် သာလွန်နေခြင်းဖြစ်ရာ ဤမျှလောက်အလွယ်တကူဖြင့် ရိုက်ခွဲပစ်ခံရလိမ့်မည်မဟုတ်ပေ။</p> <p>ဤအချိန်တွင် ဆေးနံ့သာအိုး၏အသံမှာ ထွက်ပေါ်လာတော့သည်။</p> <p> “ဒါဟာ တာအိုနှလုံးသား မိစ္ဆာခန္ဓာတစ်ခုပဲ လာခဲ့တာ”</p> <p>ရန်ရှောက်ထျန်းမှာ အံ့အားသင့်သွားသည်။</p> <p> “ဆေးနံ့သာအိုး... အဲဒါကရှေးဟောင်းစိတ်ဝိညာဉ်မိစ္ဆာရဲ့ကိုယ်ပွားတစ်ခုပဲလို့ ကျုပ်ကို ပြောချင်တာလား”</p> <p>“ဟုတ်တယ်” ဟု ဆေးနံ့သာအိုးက ပြောလိုက်သည်။</p> <p> “တာအိုနှလုံးသားမိစ္ဆာကျမ်းစာဆိုတာ အလွန်တရာအစွမ်းထက်တဲ့ မိစ္ဆာကျမ်းစာတစ်အုပ် ပဲ။ အဲဒါကိုအပြည့်အဝကျင့်ကြံနိုင်ရင် မိစ္ဆာခန္ဓာအမြောက်အမြားကိုစုစည်းနိုင်လိမ့်မယ်။ ခုနက လာတာက ရှေးဟောင်း စိတ်ဝိညာဉ်မိစ္ဆာရဲ့ ကိုယ်ပွားတွေထဲကတစ်ခုပဲ”</p> <p>ရန်ရှောက်ထျန်းမှာ ထိတ်လန့်သွားတော့သည်။</p> <p>ကိုယ်ပွားတစ်ခုတည်းတင် အမှန်တကယ်ပင် ဤမျှအထိ အစွမ်းထက်နေသည်တဲ့လား။</p> <p>ကိုယ်ပွားတစ်ခု၏ စကားတစ်ခွန်းတည်းကပင် အမှောင်နဂါးကဲ့သို့သော ပညာရှင်များကို စိတ်ကူးယဉ် အာရုံချောက်ခြားမှုကမ္ဘာအတွင်းသို့ ကျရောက်သွားစေနိုင်သည်တဲ့လား။ ဒါဆိုရင် ရှေးဟောင်း စိတ်ဝိညာဉ်မိစ္ဆာ၏အစစ်အမှန်ခန္ဓာကိုယ်က ဘယ်လောက်တောင် အစွမ်းထက်နေမလဲ။</p> <p>“သူ့ရဲ့ အစစ်အမှန်ခန္ဓာကိုယ်က ဒဏ်ရာတွေမသက်သာသေးလို့ဖြစ်ရမယ်၊ အဲဒါကြောင့် သူ့ရဲ့ အစစ်အမှန် ခန္ဓာကိုယ်ကလာမတိုက်တာပါ” ဟု ဆေးနံ့သာအိုးက ပြောလိုက်သည်။</p> <p>ရန်ရှောက်ထျန်း၏ မျက်နှာအမူအရာမှာ လေးနက်နေတော့သည်။</p> <p>ရှေးဟောင်း စိတ်ဝိညာဉ်မိစ္ဆာ၏အစစ်အမှန်ခန္ဓာကိုယ်မှ ဒဏ်ရာများမသက်သာသေးဘဲ စုစည်းထားသော ကိုယ်ပွားတစ်ခုတည်းတင် ဤမျှအထိအစွမ်းထက်နေခြင်းဖြစ်လေသည်။ အကယ် ၍ သူ၏အစစ်အမှန်ခန္ဓာကိုယ်မှဒဏ်ရာများပြန်လည်သက်သာသွားမည်ဆိုပါက သူသည် မည်မျှအ ထိ အစွမ်းထက်နေမည်နည်း။</p> <p>အမှောင်နဂါး၊ မိစ္ဆာမျောက်ဝံကြီးနှင့်တိန်းဖုန်းတို့မှာလည်း ခုနက စိတ်ကူးယဉ်အာရုံချောက် ခြားမှုကမ္ဘာအတွင်းသို့ ကျရောက်သွားခဲ့ရသည်ကိုပြန်လည်သတိရမိကြပြီး ချွေးစေးများထွက်လာ ကြတော့သည်။</p> <p>သူတို့သည် ရှေးဟောင်းစိတ်ဝိညာဉ်မိစ္ဆာမှာ ကြောက်စရာကောင်းကြောင်းသာ သိထားကြ သော်လည်း ယခုအခါတွင်မူအမှန်တကယ်ကိုယ်တိုင် ခံစားခဲ့ရခြင်းဖြစ်လေသည်။</p> <p>အမှောင်နဂါးမှာ လွန်ခဲ့သောနှစ်ပေါင်းသောင်းနှင့်ချီက ဖူထုအင်ပါယာ၏နံပါတ်တစ် ပညာ ရှင်ကြီးဖြစ်လေသည်။ အမှောင်နဂါး၏အစွမ်းမှာ ချန်ဆန်းစံအိမ်တော်၏နတ်ဘုရားလေးပါးထက် မနိမ့်ကျလှသော်လည်း ယခုလေးတင်ရှေးဟောင်းစိတ်ဝိညာဉ်မိစ္ဆာနှင့်ရင်ဆိုင်ရချိန်တွင် သူသည် ပြန်လည် ခုခံနိုင်စွမ်းလုံးဝမရှိခဲ့ပေ။</p> <p>အဘယ်ကြောင့်ဆိုသော် အမှောင်နဂါးမှာတစ်ဖက်လူ၏ မိစ္ဆာအသံကြောင့် မထိန်းချုပ်ခံရမီ မှာပင် လှုပ်ရှားခြင်းပင် မပြုနိုင်ခဲ့သောကြောင့်ဖြစ်လေသည်။</p> <p>“တာအိုနှလုံးသားမိစ္ဆာကျမ်းစာ..သေချာပေါက်အမြင့်မြတ်ဆုံးမိစ္ဆာကျမ်းစာပဲ”ဟု အမှောင်နဂါးက ပါးစပ်ခြောက်ကပ်စွာဖြင့် ပြောလိုက်သည်။</p> <p>“အရှင် ချန်ရှုံးက ရှေးဟောင်းစိတ်ဝိညာဉ်မိစ္ဆာကိုတားနိုင်ပါ့မလားလို့ ကျုပ် သိချင်မိတယ်” ဟု တိန်းဖုန်းက ရုတ်တရက်ပြောလိုက်သည်။</p> <p>လူတိုင်း တိတ်ဆိတ်သွားကြလေသည်။</p> <p>ချန်ရှုံး၏ အစွမ်းမှာ လူတိုင်းသိရှိကြပြီးသား ဖြစ်လေသည်။</p> <p>သို့သော် ရှေးဟောင်း စိတ်ဝိညာဉ်မိစ္ဆာမှာလည်း အလားတူပင်ခန့်မှန်းရ ခက်ခဲလှပေသည်။</p> <p>ရှေးဟောင်း စိတ်ဝိညာဉ်မိစ္ဆာ၏ပေါ်ထွက်လာမှုကြောင့် လူတိုင်းမှာပိုမို၍သတိရှိလာကြပြီး အနည်းငယ်မျှပင် ပေါ့ဆခြင်းမပြုရဲကြတော့ပေ။</p> <p>ရန်ရှောက်ထျန်းနှင့်တခြားသူများမှာ ရှေးဟောင်းစိတ်ဝိညာဉ်မိစ္ဆာ၏ နောက်ထပ်တိုက်ခိုက် မှုများကိုသတိထားပြီးစောင့်ကြပ်နေကြစဉ်တွင် အဝေးမှလူသူကင်းမဲ့သော တောင်တန်းကြီးတစ်ခု အတွင်း၌ ရှေးဟောင်းစိတ်ဝိညာဉ်မိစ္ဆာ၏အစစ်အမှန်ခန္ဓာကိုယ်မှာ သူ၏မျက်လုံးများကို ဖွင့်လိုက် လေသည်၊ သူ၏မျက်လုံးများအတွင်းမှမိစ္ဆာချီစွမ်းအင်များမှာ ဒေါသတကြီးဟိန်းဟောက်နေတော့ သည်။</p> <p>“အစ်ကို စိတ်ဝိညာဉ်မိစ္ဆာ... ဘယ်လိုလဲ” ဟု သူ၏ဘေးရှိမသေနိုင်သောသေမင်းနတ် ဘုရားကမေးလိုက်သည်။</p> <p>ရှေးဟောင်း စိတ်ဝိညာဉ်မိစ္ဆာကခေါင်းခါပြလိုက်သည်။</p> <p> “ငါ သူ့ကို မသတ်နိုင်ခဲ့ဘူး။ မင်း ပြောတာ မှန်တယ်၊ ရန်ဆိုတဲ့ကောင်လေးရဲ့ အနားမှာ ရှိနေတဲ့ ဧရာမအိုးကြီးက တကယ်ကိုကြောက်စရာကောင်းလောက်အောင် အစွမ်းထက်တာပဲ”</p> <p>မသေနိုင်သောသေမင်းနတ်ဘုရားမှာ ၎င်းကိုကြားလိုက်ရသဖြင့် စိတ်ပျက်သွားသလို ခံစား လိုက်ရလေသည်။</p> <p>“ငါ့ရဲ့ အစစ်အမှန်ခန္ဓာကိုယ်က အစွမ်းတွေမသက်သာသေးလို့ပါ။ ငါ့ရဲ့ဒဏ်ရာတွေ သက် သာပြီးအစွမ်းတွေပြန်ရတာနဲ့ ငါ့ရဲ့အစစ်အမှန်ခန္ဓာကိုယ်နဲ့ အဲဒီဧရာမအိုးကြီးကို ကိုယ်တိုင်ရင်ဆိုင် ကြည့်မယ်”</p> <p> ရှေးဟောင်းစိတ်ဝိညာဉ်မိစ္ဆာ၏မျက်လုံးများမှာ အေးစက်နေတော့သည်။</p> <p>“စိတ်မပူပါနဲ့၊ ရန်ဆိုတဲ့ကောင်လေးက အကြာကြီးအသက်မရှည်နိုင်တော့ပါဘူး”</p> <p>ထို့နောက် သူကမသေနိုင်သောသေမင်းနတ်ဘုရားကိုကြည့်လိုက်သည်။</p> <p> “မင်း ချန်ဆန်းမှတ်စုကို သေချာပေါက် ရအောင်ယူရမယ်”</p> <p>အဘယ်ကြောင့်ဆိုသော် ချန်ဆန်းမှတ်စုထဲတွင် ကြယ်စင်နတ်ဘုရားသစ်ပင်အကြောင်းတင် မကဘဲ အခြားသောဘဏ္ဍာများအကြောင်းကိုလည်း မှတ်တမ်းတင်ထားသောကြောင့်ဖြစ်လေသည်။</p> <p>ထိုဘဏ္ဍာများထဲမှတစ်ခုမှာ ရှေးဟောင်းစိတ်ဝိညာဉ်မိစ္ဆာအတွက် အလွန်တရာအရေးပါလှ ပေသည်။</p> <p>မသေနိုင်သောသေမင်းနတ်ဘုရားကခေါင်းညိတ်ပြလိုက်သည်။</p> <p> “စိတ်မပူပါနဲ့၊ ငါ ပြင်ဆင်နေပါပြီ။ ဒီတစ်ကြိမ်တော့ ငါ ချန်ဆန်းမှတ်စုကို သေချာပေါက် ရအောင်ယူပါ့မယ်”</p> <p> ထို့နောက် သူကလှောင်ပြောင်လိုက်သည်။</p> <p> “ဒါပေမဲ့ ရန်ဆိုတဲ့ကောင်လေးက အခုပင်လယ်ထဲကိုသွားနေတာဆိုတော့ ငါတို့ လှုပ်ရှားဖို့ တောင်မလိုတော့ဘူးထင်တယ်”</p> <p>ပင်လယ်ရပ်ခြား နိုင်ငံပေါင်းသောင်းနှင့်ချီတို့မှာ ချန်ဆန်းတိုက်ကြီးကို တပ်မက်နေကြခြင်း ဖြစ်လေသည်။ အကယ်၍ရန်ရှောက်ထျန်းပင်လယ်ရပ်ခြားသို့ရောက်ရှိလာသည်ကို သူတို့သိရှိသွား ကြမည်ဆိုပါက သူတို့သည် သူ့ကိုသေချာပေါက် အစိတ်စိတ်အမြွှာမြွှာ ဆွဲဖြဲပစ်ချင်ကြပေလိမ့်မည်။</p> <p>နောက်တစ်နေ့ အရုဏ်တက်ချိန်။</p> <p>ရန်ရှောက်ထျန်းနှင့် တခြားသူများ ခရီးကို ဆက်လက်ထွက်ခွာခဲ့ကြလေသည်။</p> <p>မကြာမီမှာပင် သူတို့သည်အတိုင်းအဆမဲ့သောပင်လယ်ပြင်ကြီးကို မြင်တွေ့လိုက်ကြရ လေသည်။</p> <p>လှိုင်းလုံးကြီးများမှာဟိန်းဟောက်တက်လာလိုက်၊ ပြန်ကျသွားလိုက်နှင့် ဒေါသတကြီးဖြစ်နေ တော့သည်။</p> <p>နေရောင်ခြည်အောက်တွင် အတိုင်းအဆမရှိသောအန္တရာယ်များမှာ ဖုံးကွယ်နေကြလေ သည်။</p> <p>အတိုင်းအဆမဲ့သောပင်လယ်ပြင်ကြီးမှာ ပင်လယ်ရပ်ခြားနိုင်ငံပေါင်း သောင်းနှင့်ချီနေထိုင် ရာနေရာဖြစ်ရုံသာမကဘဲ အစွမ်းထက်လှသောပင်လယ်သားရဲများစွာလည်း နေထိုင်ကြလေသည်။ ထိုပင်လယ်သားရဲအချို့မှာ မိစ္ဆာမျောက်ဝံ၊ တိန်းဖုန်းသို့မဟုတ်အမှောင်နဂါးတို့ကဲ့သို့ပင် အစွမ်းထက် လှပေသည်။</p> <p>သေချာပေါက်ပင် အမှောင်နဂါးကဲ့သို့သော တည်ရှိမှုမျိုးမှာအတိုင်းအဆမဲ့သော ပင်လယ် ပြင်ကြီးအတွင်းမှာပင် ဖီးနစ်ငှက်အမွေးနှင့် နဂါးအကြေးခွံကဲ့သို့ အလွန်တရာရှားပါးလှပေသည်။</p> <p>ရန်ရှောက်ထျန်းသည် တွင်းနက်ကြီးပျံသန်းရေးယာဉ်ကိုမောင်းနှင်လိုက်ပြီး ပင်လယ်လေကို ဖောက်ထွက်ကာ အတိုင်းအဆမဲ့သော ပင်လယ်ပြင်ကြီးအတွင်းသို့ ဝင်ရောက်ခဲ့လေသည်။</p> <p>နောက်ရက်အနည်းငယ်မှာ...။</p> <p>အလွန်တရာ အေးချမ်းလှပေသည်။</p> <p>ပင်လယ်ထဲတွင် သူတို့သည် ရံဖန်ရံခါတွင် ပင်လယ်ရပ်ခြား နိုင်ငံအသီးသီးမှ ပညာရှင်များနှင့် ပင်လယ်ဓားပြအချို့နှင့် ကြုံတွေ့ခဲ့ရသော်လည်း ပိတ်ဆို့မှုများနှင့်ကြုံတွေ့ရတိုင်း ရန်ရှောက်ထျန်း သည် ပျံသန်းရေးယာဉ်ကိုမောင်းနှင်ပြီး တိုက်ရိုက်တိုးဝင်ဖောက်ထွက်ခဲ့လေသည်။</p> <p>ပြဿနာများကို လျှော့ချရန်အတွက် သူတို့သည်လူသူမရှိသော ကျွန်းပျက်များကိုသာ ညစဉ် နားခိုရန်အတွက် ရွေးချယ်ခဲ့ကြလေသည်။</p> <p>ရံဖန်ရံခါတွင် သူတို့သည် ညဘက်တွင်လည်း ခရီးဆက်လေ့ ရှိကြလေသည်။</p> <p>သို့သော် ညဘက်တွင်ပင်လယ်မှာပို၍အန္တရာယ်များလှပြီး ပျံသန်းရေးယာဉ်မှာ ပင်လယ်သား ရဲများ၏တိုက်ခိုက်မှုကို ခဏခဏခံရလေ့ရှိလေသည်။</p> <p>ဆက်တိုက် တိုက်ခိုက်ခံနေရသည်ကို စိတ်ကုန်လာသဖြင့် ရန်ရှောက်ထျန်းသည် ပျံသန်းရေး ယာဉ်မှ အနက်ရှိုင်းဆုံး ပင်လယ်အရှင်သခင်၏ အရှိန်အဝါကို တိုက်ရိုက်ထုတ်လွှတ်လိုက်လေသည်။</p> <p>သေချာပေါက်ပင် ထိုပင်လယ်သားရဲများမှာ ထပ်မံ၍ မတိုက်ခိုက်ရဲကြတော့ပေ။</p> <p>ချန်ဆန်းတိုက်ကြီး၏ တစ်ဖက်ကမ်းတွင် ဓားပေါင်းတစ်သောင်းတိုက်ကြီးရှိလေသည်။</p> <p>တိုက်ကြီး နှစ်ခုကို အတိုင်းအဆမဲ့သောပင်လယ်ပြင်ကြီးကခြားထားခြင်း ဖြစ်လေသည်။</p> <p>အတိုင်းအဆမဲ့သော ပင်လယ်ပြင်ကြီးမှာ မည်မျှအထိကျယ်ဝန်းသလဲဆိုတာကို မည်သူမျှ မသိနိုင်ကြပေ။</p> <p>တစ်ခါက နတ်ဘုရားအဆင့်ပညာရှင်တစ်ဦးသည် မရပ်မနားဘဲမျဉ်းဖြောင့်အတိုင်း နှစ်အနည်းငယ်ကြာအောင်ပျံသန်းခဲ့မှသာအတိုင်းအဆမဲ့သော ပင်လယ်ပြင်ကြီးကို ဖြတ်ကျော်ပြီး ဓားပေါင်းတစ်သောင်းတိုက်ကြီးသို့ ရောက်ရှိခဲ့ခြင်း ဖြစ်လေသည်။</p> <p>၎င်းမှာ မျဉ်းဖြောင့်အတိုင်း ပျံသန်းခဲ့ခြင်း ဖြစ်လေသည်။</p> <p>ထို့ကြောင့် နတ်ဘုရားအဆင့်ပျံသန်းရေးယာဉ်မရှိဘဲနှင့် ချန်ဆန်းတိုက်ကြီးမှ ဓားပေါင်း တစ်သောင်းတိုက်ကြီးသို့ သွားရောက်ရန်မှာ အလွန်တရာခက်ခဲလှပေလိမ့်မည်။</p> <p>တစ်နေ့တွင် ရန်ရှောက်ထျန်း သူ၏ပျံသန်းရေးယာဉ်ကိုမောင်းနှင်နေစဉ်တွင် ရုတ်တရက် သူ၏ ရှေ့၌ ဧရာမပျံသန်းရေးယာဉ်ကြီးတစ်စင်းကို မြင်တွေ့လိုက်ရလေသည်။</p> <p>သင်္ဘောကိုယ်ထည်ပေါ်ရှိ တံဆိပ်ကိုမြင်လိုက်ရသောအခါ ရန်ရှောက်ထျန်းမှာအံ့အားသင့် သွားတော့သည်။ ဒါဟာနတ်ဘုရားပေါင်းတစ်သောင်းအင်ပါယာမှ ဖုန်းဟွမ်ကုန်သည်အသင်း၏ ပျံသန်းရေးယာဉ်မဟုတ်ပါလား။</p> <p>ဤနေရာတွင် ဖုန်းဟွမ်ကုန်သည်အသင်း၏ပျံသန်းရေးယာဉ်နှင့် တွေ့ဆုံရလိမ့်မည်ဟု သူ မထင်ထားခဲ့ပေ။</p> <p>ရန်ရှောက်ထျန်းသည် သတိထားရန်မရည်ရွယ်သော်လည်း သူ၏ပျံသန်းရေးယာဉ်က ဖုန်းဟွမ်ကုန်သည်အသင်း၏ပျံသန်းရေးယာဉ်ကိုဖြတ်ကျော်စဉ်တွင် တစ်ဖက်သင်္ဘောမှ အံ့ဩသံ တစ်ခု ထွက်ပေါ်၍လာသည်။</p> <p> “သခင်လေး နတ်ဘုရားရန်”</p> <p>ရန်ရှောက်ထျန်း လှည့်ကြည့်လိုက်ရာ တစ်ဖက်ပျံသန်းရေးယာဉ်ပေါ်တွင်ရပ်နေသော လူတစ် ယောက်ကိုမြင်လိုက်ရသည်၊ သူသည်အခြားသူမဟုတ်ဘဲ ဖုန်းဟွမ်ကုန်သည်အသင်း၏ ဥက္ကဋ္ဌ ဖုန်းဟွမ်ရှန့်ဆိုသောမိန်းကလေးပင်ဖြစ်လေသည်။</p> <p>၎င်းကိုမြင်သောအခါ ရန်ရှောက်ထျန်းမှာမနေနိုင်ဘဲရပ်တန့်လိုက်ကာလက်အုပ်ချီပြီး ပြုံး လိုက်သည်။</p> <p> “ဒါက ဥက္ကဋ္ဌ ဖုန်းဟွမ်ပါလားခင်ဗျာ”</p> <p>သူ၏ နတ်ဘုရားအိမ်တော်မှာ ဖုန်းဟွမ်ရှန့်ထံမှဝယ်ယူခဲ့ခြင်းဖြစ်သလို၊ သူသည် ဖုန်းဟွမ်ရှု နှင့်လည်းရင်းနှီးပြီး သူ့ကိုအဆောက်အအုံပစ္စည်းများဝယ်ယူရန်အတွက်ပင် အကူအညီ တောင်းခဲ့ ဖူးလေသည်။ ထို့ကြောင့် ရန်ရှောက်ထျန်းမှာ ဖုန်းဟွမ်ရှန့် အပေါ် အလွန်တရာ ယဉ်ကျေးလှပေသည်။</p> <p>“ဒီနေရာမှာ သခင်လေးနတ်ဘုရားရန်နဲ့တွေ့ရလိမ့်မယ်လို့ ကျွန်မမထင်ထားခဲ့ဘူး” ဟု ဖုန်းဟွမ်ရှန့် က အလွန်တရာစိတ်အားထက်သန်စွာဖြင့်ပြုံးလျက်ပြောလိုက်သည်။</p> <p> “သခင်လေး နတ်ဘုရားရန်... စိတ်မရှိရင်ခဏလောက်သင်္ဘောပေါ် တက်ပြီးထိုင်ပါဦးလား”</p> <p>၎င်းကို ကြားလိုက်ရသဖြင့် ရန်ရှောက်ထျန်းသည် သူ၏ပျံသန်းရေးယာဉ်ကို သိမ်းဆည်း လိုက်ပြီး အမှောင်နဂါး၊ တခြားသူများနှင့်အတူ ဖုန်းဟွမ်ကုန်သည်အသင်း၏ ပျံသန်းရေးယာဉ်ပေါ်သို့ ပျံတက်လိုက်လေသည်။</p> <p>မိန်းကလေးဖုန်းဟွမ်ရှန့်က ဖုန်းဟွမ်ကုန်သည်အသင်းမှပညာရှင်များကိုဦးဆောင်ပြီး သူတို့ကို ကြိုဆိုခဲ့လေသည်။ သူသည်ရန်ရှောက်ထျန်း၏ရှေ့သို့လာကာ လက်အုပ်ချီပြီးပြုံးလိုက်သည်။</p> <p>“ပညာရှိတစ်ယောက်ကို သုံးရက်ကြာရင် အသစ်တစ်ဖန် ပြန်ကြည့်ရမယ်ဆိုတာ ဒါမျိုးပဲပေါ့။ အခုဆိုရင် ကျွန်မကသခင်လေးနတ်ဘုရားရန်ကို အရှင်မင်းကြီးလို့ပဲ ခေါ်ရတော့မှာပါ”</p> <p>ရန်ရှောက်ထျန်းက ချန်ဆန်းဓားကိုရရှိထားသဖြင့် သူသည်ချန်ဆန်းတိုက်ကြီး၏ အရှင်သခင် အသစ်ဖြစ်လေသည်။</p> <p>ဖုန်းဟွမ်ရှန့် ဆိုသောမိန်းကလေးမှာ ချန်ဆန်းတိုက်ကြီး၏နံပါတ်တစ်ကုန်သည်အသင်း၏ ဥက္ကဋ္ဌဖြစ်နေလျှင်ပင် သူသည်ရန်ရှောက်ထျန်းကိုအရှင်မင်းကြီးဟု လေးစားစွာခေါ်ဆိုရမည် ဖြစ်လေ သည်။</p> <p>ရန်ရှောက်ထျန်းက လက်ကိုဝှေ့ယမ်းလိုက်ပြီးပြုံးကာ ပြောလိုက်သည်။</p> <p> “ဥက္ကဋ္ဌ ဖုန်းဟွမ်... ခင်ဗျားကအရမ်းယဉ်ကျေးနေပါပြီ။ ကျုပ်ကို ရှောက်ထျန်း သို့မဟုတ် သခင်လေး နတ်ဘုရားရန်လို့ပဲ ခေါ်လို့ ရပါတယ်”</p> <p>ဤအချိန်တွင် ဖုန်းဟွမ်ကုန်သည်အသင်းမှပညာရှင်များအားလုံးမှာ ရန်ရှောက်ထျန်းကို လေးစားသောအမူအရာများဖြင့် အပြင်းအထန်ဦးညွှတ်လိုက်ကြသည်။</p> <p> “အရှင်မင်းကြီးကို ဂါရဝပြုပါတယ်”</p> <p>ဤဖုန်းဟွမ် ကုန်သည်အသင်းပညာရှင်များကြားတွင် နတ်ဘုရားအဆင့်ပညာရှင် အမြောက် အမြားပါဝင်သော်လည်း ယခုအခါရန်ရှောက်ထျန်းနှင့်ရင်ဆိုင်ရချိန်တွင် သူတို့သည် အနည်းငယ်မျှပင် မလေးမစားမပြုရဲကြပေ။</p> <p>ရန်ရှောက်ထျန်းမှာ ဧကရာဇ်တစ်ဦးမျှသာဖြစ်သော်လည်း သူသည်ထာဝရနတ်ဘုရား ခန္ဓာကိုယ်၊ နှစ်သန်းတန်ဝိညာဉ်ကွင်းဆက်နှင့် ဟွန်ယွမ်ကောင်းကင်ကံကြမ္မာတို့ကိုပိုင်ဆိုင်ထားပြီး ဒဏ္ဍာရီများစွာကိုဖန်တီးခဲ့သူဖြစ်လေသည်။</p> <p> ရန်ရှောက်ထျန်းက ချန်ဆန်းဓားကိုရရှိထားသည်ဟူသောသတင်း ပျံ့နှံ့သွားသောအခါ လူတိုင်းမှာစိတ်လှုပ်ရှားမှုနှင့်ပြင်းပြသောကိုးကွယ်မှုများကိုသာခံစားခဲ့ကြရပြီး မည်သည့် မကျေနပ်မှု သို့မဟုတ် မလေးစားမှုမျှမရှိခဲ့ကြပေ။</p> <p>ချန်ဆန်းတိုက်ကြီးပေါ်ရှိလူတိုင်းနီးပါးမှာ ရန်ရှောက်ထျန်းကို ချန်ဆန်းတိုက်ကြီး၏ အရှင် သခင်အသစ်အဖြစ် အသိအမှတ်ပြုထားကြပြီး ဖြစ်လေသည်။</p> <p>“စီနီယာတို့... ဒီလောက်အထိယဉ်ကျေးနေဖို့မလိုပါဘူး”</p> <p> ရန်ရှောက်ထျန်းက ခေါင်းညိတ်ပြလိုက်လေသည်။</p> <p>ထို့နောက်တွင် ဖုန်းဟွမ်ရှန့်က ရန်ရှောက်ထျန်းနှင့်တခြားသူများကို ကုန်သည်သင်္ဘော၏ ပင်မခန်းမဆောင်အတွင်းသို့ လှိုက်လှိုက်လှဲလှဲ ဖိတ်ခေါ်ခဲ့လေသည်။</p> <p> </p> <p> </p> <p style="text-align: center;">***</p>


Save