Book List

<h2 style="text-align: center;">အခန်း (၅၀၀)</h2> <h2 style="text-align: center;">ယွန်းထျန်း ၏ သား</h2> <h2 style="text-align: center;">*</h2> <p> </p> <p> </p> <p>ဤအချိန်တွင် လွင့်ထွက်သွားခဲ့သောယွန်းထျန်းမှာကမ္ဘာ့အစွန်းမှနေ၍ ပြန်လည် ပျံတက် လာခဲ့ပြန်သည်၊ ယခုအခါ သူ၏လက်ထဲတွင်နတ်ဘုရားခက်ရင်းတစ်ခု ရှိနေလေသည်။</p> <p>ထိုနတ်ဘုရား ခက်ရင်းပေါ်တွင်သက်ဝင်လှုပ်ရှားနေသော ငွေနဂါးတစ်ကောင်ရစ်ပတ်နေ လေသည်။</p> <p>“ငွေနဂါး နတ်ဘုရားခက်ရင်းလား” ဟု အမှောင်နဂါးက အံ့အားသင့်စွာ အော်ဟစ်လိုက် လေသည်။</p> <p>ငွေနဂါး နတ်ဘုရားခက်ရင်းမှာ ရှေးဟောင်းငွေနဂါးမျိုးနွယ်၏ အဖိုးတန်ရတနာဖြစ်လေ သည်။</p> <p>၎င်းမှာ အမှန်တကယ်ပင် ယွန်းထျန်း ၏ လက်ထဲသို့ ရောက်ရှိနေသည်တဲ့လား။</p> <p>ယွန်းထျန်း သည် သူ၏နတ်ဘုရားစွမ်းအားများကို ထိုရတနာအတွင်းသို့ ထည့်သွင်းလိုက်ရာ ငွေနဂါးနတ်ဘုရားခက်ရင်းမှာ တောက်ပလှသောငွေရောင်အလင်းများကို ထုတ်လွှတ်လိုက်လေ သည်။ သူ၏တစ်ကိုယ်လုံးတွင် သွေးများဖုံးလွှမ်းနေသော်လည်း သူသည်လေထဲသို့ ပျံတက်လိုက်ကာ ဟိန်းဟောက်ရင်း ဆေးနံ့သာအိုးဆီသို့ ထိုခက်ရင်းဖြင့် ရိုက်ချလိုက်လေသည်။</p> <p>ဆေးနံ့သာအိုးက အေးစက်စွာနှာခေါင်းရှုံ့လိုက်ပြီး သူ၏အရွယ်အစားကို နောက်ထပ် တစ်ဆခန့် ထပ်မံချဲ့ထွင်လိုက်ပြန်လေသည်။ ရွှေရောင်မီးလျှံများတောက်လောင်နေသဖြင့် ပင်လယ် ပြင်တစ်ခုလုံးမှာနီမြန်းသွားခဲ့ပြီး မရေမတွက်နိုင်သောကျွန်းများမှာ မီးလောင်နေသလိုပင် ဖြစ်နေ တော့သည်။</p> <p>“ဘုန်း...”</p> <p>ဆေးနံ့သာအိုး၏အရှိန်အဟုန်မှာ အဆမတန်မြင့်တက်လာခဲ့ပြီး မရပ်မနားနိုင်သော အရှိန် အဟုန်ဖြင့် ယွန်းထျန်းကို နောက်တစ်ကြိမ်ထပ်မံ ရိုက်ခွဲပစ်လိုက်ပြန်လေသည်။</p> <p>ယခုတစ်ကြိမ်တွင်မူ ယွန်းထျန်းမှာပင်လယ်အောက်ခြေအထိဖောက်ထွက်သွားအောင် ရိုက် သွင်းခံလိုက်ရလေသည်။</p> <p>အတိုင်းအဆမဲ့သော ပင်လယ်ပြင်ကြီးမှာ တုန်ခါသွားတော့သည်။</p> <p>ပင်လယ်ရပ်ခြား နိုင်ငံအသီးသီးမှ ပညာရှင်များမှာ ထိတ်လန့်သွားကြလေသည်။</p> <p>ရောက်ရှိလာကြသောကြယ်စုတန်း နတ်ဘုရားနိုင်ငံတော်မှပညာရှင်များပင်လျှင် အကြီး အကျယ်ထိတ်လန့်သွားကြတော့သည်။</p> <p>ငွေနဂါး နတ်ဘုရားခက်ရင်းမှာလည်း မည်သည့်နေရာသို့ရောက်သွားမှန်းမသိ လောက် အောင် အဝေးသို့လွင့်စင်သွားခဲ့ပြီး ဧရာမကျွန်းကြီးတစ်ကျွန်းကိုပင် ဖောက်ထွက်သွားခဲ့လေသည်။</p> <p>ဆေးနံ့သာအိုးမှာ ကောင်းကင်ယံသို့ နောက်တစ်ကြိမ်ပျံတက်လိုက်ပြန်ပြီး ပင်လယ်အောက် ခြေရှိ ယွန်းထျန်းဆီသို့ ထပ်မံရိုက်ချလိုက်ပြန်လေသည်။</p> <p>အတိုင်းအဆမဲ့သော ပင်လယ်ပြင်ကြီးမှာ ပြင်းထန်စွာ တုန်ခါနေတော့သည်။</p> <p>ကြောက်မက်ဖွယ်ကောင်းသော စွမ်းအားများမှာလှိုင်းတစ်ခုပြီးတစ်ခု ပေါက်ကွဲထွက်နေ လေသည်။</p> <p>မရေမတွက်နိုင်သော ကျွန်းများပြိုကွဲပျက်စီးသွားခဲ့ပြီး ကျွန်းပေါ်ရှိမြို့များမှာလည်း ပေါက် ကွဲသွားခဲ့သဖြင့် မရေမတွက်နိုင်သောပင်လယ်ရပ်ခြားပညာရှင်များမှာ ထိတ်လန့်တကြား ထွက်ပြေး နေကြရလေသည်။</p> <p>ပင်လယ်ရပ်ခြား ဒေသတစ်ခုလုံးမှာ ကမ္ဘာပျက်တော့မည့်အလား ဖြစ်နေတော့သည်။</p> <p>သို့သော်လည်း မပြီးသေးပေ၊ ဆေးနံ့သာအိုးမှာလေထဲသို့ နောက်တစ်ကြိမ် ပျံတက်လိုက်ပြီး နောက်တစ်ကြိမ်သူ၏စွမ်းအားများကို ထပ်မံ ရိုက်ချလိုက်ပြန်လေသည်။</p> <p>ပင်လယ်ရေပြင်မှာ ယိမ်းယိုင်သွားခဲ့ပြီးရောက်ရှိလာကြသော ကြယ်စုတန်းနတ်ဘုရား နိုင်ငံတော်ပညာရှင်များမှာလည်း ဟိန်းဟောက်နေသောစွမ်းအားများကြောင့် လွင့်ထွက်သွားခဲ့ကြပြီး သွေးများ အဆက်မပြတ် အန်ထုတ်နေကြရလေသည်။</p> <p>ဆေးနံ့သာအိုးမှာ တစ်ကြိမ်ပြီးတစ်ကြိမ် လေထဲသို့ ပျံတက်လိုက်၊ ပြန်လည် ရိုက်ချလိုက်နှင့် ပြုလုပ်နေခဲ့လေသည်။</p> <p>ဆယ်ကြိမ်ထက်မက ပြုလုပ်ပြီးနောက်မှသာ သူသည် လုံးဝ ရပ်တန့်သွားတော့သည်။</p> <p>အမှောင်နဂါးနှင့် တခြားသူများမှာနှလုံးသားများတုန်ယင်လျက် ကြည့်နေကြရသည်၊ အကယ် ၍ဤသို့သာဆက်လုပ်နေမည်ဆိုပါက ပင်လယ်အောက်ခြေ ငရဲတွင်းကြီးမှာပင် ဖောက်ထွက်ခံလိုက် ရမလားဟု တွေးမိနေကြလေသည်။</p> <p>ယွန်းထျန်း ၏ခန္ဓာကိုယ်မှာမူပျောက်ကွယ်သွားခဲ့ပြီဖြစ်လေသည်၊ သူသည် ပင်လယ်အောက် ခြေ၏ ပိုမိုနက်ရှိုင်းသောနေရာသို့ ရောက်သွားခဲ့သည် (သို့မဟုတ်) ပေါက်ကွဲသွားခဲ့ပြီ ဖြစ်လေသည်။</p> <p>ဆေးနံ့သာအိုးမှာ ရန်ရှောက်ထျန်း၏ လက်ထဲသို့ ပြန်လည် ရောက်ရှိလာခဲ့လေသည်။</p> <p>“ဆေးနံ့သာအိုး... သူ ဘယ်လိုနေလဲ” ဟု ရန်ရှောက်ထျန်းက မေးလိုက်သည်။</p> <p>“မသေသေးဘူး” ဟု ဆေးနံ့သာအိုးက ခေါင်းခါလျက် ပြန်ဖြေလိုက်သည်။</p> <p>ရန်ရှောက်ထျန်း၏ နှလုံးသားမှာ ချက်ချင်းဆိုသလိုပင် လေးလံသွားခဲ့လေသည်။</p> <p>ယွန်းထျန်း မှာ မိုးပြာရောင် ဝက်ဝံနှင့် နှိုင်းယှဉ်နိုင်သော တည်ရှိမှုမျိုးဖြစ်သဖြင့် ဤမျှလောက် အလွယ်တကူဖြင့်သေဆုံးလိမ့်မည်မဟုတ်ပေ။ ထို့အပြင် သူသည်ပင်လယ်ပြင် နတ်ဘုရားခန္ဓာကိုယ် ကို ပိုင်ဆိုင်ထားသူဖြစ်ရာအံ့ဩဖွယ်ကောင်းသောပြန်လည်သက်သာမှုကိုရရှိထားခြင်း ဖြစ်လေ သည်။</p> <p>“မိုးကောင်းကင်ကိုးလွှာ ဘေးဒုက္ခမိုးကြိုးရေအငုံ ရှစ်ဆယ်လောက်မရှိရင်တော့ သူ့ကို လုံးဝ ရိုက်ခွဲပစ်ဖို့ မလွယ်ဘူး” ဟု ဆေးနံ့သာအိုးက ပြောလိုက်သည်။</p> <p>ရန်ရှောက်ထျန်းမှာ ဆွံ့အသွားတော့သည်။</p> <p>ခုနက ဆေးနံ့သာအိုး၏ဒေါသတကြီးတိုက်ခိုက်မှုအပြီးတွင် သူ၏လက်ထဲ၌မိုးကောင်းကင် ကိုးလွှာဘေးဒုက္ခ မိုးကြိုးရေမှာ နှစ်ငုံသာ ကျန်ရှိတော့ခြင်း ဖြစ်လေသည်။</p> <p>“ဒါပေမဲ့ သူ အနည်းဆုံး တစ်လလောက်တော့ပြန်ပြီးမသက်သာနိုင်တော့ပါဘူး” ဟု ဆေးနံ့သာအိုးက ပြောလိုက်သည်။</p> <p>ထို့ကြောင့် ရန်ရှောက်ထျန်းသည် ဤကာလအတွင်းမှာပင် ဟွန်ချွမ်မိစ္ဆာဂိုဏ်း ဘဏ္ဍာတိုက်ကို ရှာဖွေပြီး အတိုင်းအဆမဲ့သောပင်လယ်ပြင်ကြီးမှထွက်ခွာရမည်ဖြစ်လေသည်။ မဟုတ်လျှင် ယွန်းထျန်းပြန်လည် သက်သာလာသည်နှင့် ဆေးနံ့သာအိုးတွင်မိုးကောင်းကင်ကိုးလွှာ ဘေးဒုက္ခ မိုးကြိုးရေ နှစ်ငုံသာ ကျန်တော့သဖြင့် သူလည်း ဘာမှတတ်နိုင်တော့မည် မဟုတ်ပေ။</p> <p>ရန်ရှောက်ထျန်း၏ နှလုံးသားမှာ လေးလံနေတော့သည်။</p> <p>အကယ်၍ ယခု သူတို့ မိစ္ဆာကျွန်းဆီသို့ အစွမ်းကုန်အရှိန်ဖြင့် ဦးတည်မည်ဆိုပါက လဝက်ခန့် ကြာပေလိမ့်မည်။ အကယ်၍သူတို့ဟွန်ချွမ်မိစ္ဆာဂိုဏ်းဘဏ္ဍာတိုက်ကို ရှာတွေ့ခဲ့လျှင်ပင် တစ်လ အတွင်း အတိုင်းအဆမဲ့သော ပင်လယ်ပြင်ကြီးမှ ထွက်ခွာရန်မှာမဖြစ်နိုင်သလောက်ပင်။</p> <p>ဤအချိန်တွင် မရေမတွက်နိုင်သော လေခွဲသံများထွက်ပေါ်လာလေသည်။</p> <p>ကြယ်စုတန်း နတ်ဘုရားနိုင်ငံတော်မှနတ်ဘုရားအဆင့်ပညာရှင် အမြောက်အမြားမှာ သူတို့ဆီသို့ စုစည်းလာကြပြီ ဖြစ်လေသည်။</p> <p>“သွားကြစို့”</p> <p> ရန်ရှောက်ထျန်းက တုံ့ဆိုင်းမနေဘဲတွင်းနက်ကြီးပျံသန်းရေးယာဉ်ကို ထုတ်ယူကာ အမှောင်နဂါး၊ တခြားသူများနှင့်အတူ ယာဉ်ပေါ်သို့ တက်လိုက်ပြီး တွင်းနက်ကြီး ပျံသန်းရေးယာဉ်ကို အစွမ်းကုန် အရှိန်မြှင့်ကာ ဟင်းလင်းပြင်ကို ဖောက်ထွက်ပြီး ထွက်ခွာခဲ့လေတော့သည်။</p> <p>သူသည် ယခုအချိန်မှာတုံ့ဆိုင်းနေရမည့်အချိန်မဟုတ်ကြောင်း သိရှိထားလေသည်၊ ဘာပဲဖြစ်ဖြစ် သူတို့ မိစ္ဆာကျွန်းဆီသို့သွားပြီး ဟွန်ချွမ်မိစ္ဆာဂိုဏ်းဘဏ္ဍာတိုက် ကျန်ရှိနေသေးသလား ဆိုတာကို သွားရောက်ကြည့်ရှုရမည် ဖြစ်လေသည်။</p> <p>ရန်ရှောက်ထျန်းနှင့် တခြားသူများထွက်ခွာပြီးမကြာမီမှာပင် ကြယ်စုတန်းနတ်ဘုရားနိုင်ငံ တော်မှ ပညာရှင်အမြောက်အမြားမှာ ဒီရေအလားရောက်ရှိလာခဲ့ကြလေသည်။</p> <p>ခေါင်းဆောင်မှာ ယွန်းထျန်း၏လက်အောက်မှ မဟာဝက်ဝံကြယ်နတ်ဘုရားလန်ကျင်း ပင် ဖြစ်လေသည်။</p> <p>ယွန်းထျန်း ၏ လက်အောက်တွင် အမြင့်မြတ်ဆုံးပညာရှင်လေးဦး ရှိလေသည် - မဟာဝက်ဝံ၊ အနောက်၊ အရှေ့  နှင့် တောင်ကြယ်နတ်ဘုရားများ ဖြစ်ကြလေသည်။</p> <p>ထိုကြယ်နတ်ဘုရား လေးပါးမှာလည်းအတိုင်းအဆမဲ့သော ပင်လယ်ပြင်ကြီးအတွင်း၌ ပြိုင်ဘက်ကင်းသောတည်ရှိမှုများဖြစ်ကြပြီး သူတို့၏အစွမ်းမှာယွန်းထျန်းပြီးလျှင် ဒုတိယအစွမ်း အထက်ဆုံးသူများ ဖြစ်ကြလေသည်။</p> <p>အချို့က ယွန်းထျန်း၏လက်အောက်မှကြယ်နတ်ဘုရားလေးပါးမှာ ချန်ဆန်းစံအိမ်တော်မှ နတ်ဘုရားလေးပါးထက်ပင် ပို၍အစွမ်းထက်ကြောင်း ပြောကြလေသည်။</p> <p>မဟာဝက်ဝံလန်ကျင်းသည် တွင်းနက်ကြီးပျံသန်းရေးယာဉ်ပျောက်ကွယ်သွားသော ကောင်းကင်ယံကို ကြည့်လိုက်ကာ သူ၏မျက်လုံးများမှာအေးစက်နေတော့သည်။</p> <p> “လိုက်ကြစမ်း။ အရှင်မင်းကြီးရဲ့အမိန့်အတိုင်းပဲ အသက်ရှင်ရင်လူကိုယူခဲ့၊ သေရင် အလောင်းကိုယူခဲ့”</p> <p>“ဘာပဲဖြစ်ဖြစ် ရန်ရှောက်ထျန်းကို ပင်လယ်ထဲကနေ လွတ်ထွက်မသွားစေနဲ့”</p> <p>“သူတို့ဘက်ကမိုးပြာရောင်ဝက်ဝံနဲ့ကျန်းယုံကျန်းတို့ ရောက်လာရင်တောင်မှရန်ရှောက် ထျန်းကို ပင်လယ်ထဲမှာပဲ မြှုပ်နှံပစ်ရမယ်”</p> <p>ထိုအချင်းအရာတွေသည်မှာ ကြယ်စုတန်းနတ်ဘုရားနိုင်ငံတော်က ရန်ရှောက်ထျန်းကို သတ် ရန် မည်မျှအထိဆုံးဖြတ်ထားကြောင်း ပြသနေလေသည်။</p> <p>မဟာဝက်ဝံလန်ကျင်းမှာ လေထဲသို့ပျံတက်လိုက်ပြီး ဆက်လက်လိုက်လံဖမ်းဆီးခဲ့လေ သည်။</p> <p>ကြယ်စုတန်း နတ်ဘုရားနိုင်ငံတော်မှနတ်ဘုရားများလည်း နောက်မှထပ်ကြပ်မကွာ လိုက်ပါ သွားကြလေသည်။</p> <p>သို့သော်လည်း တွင်းနက်ကြီးပျံသန်းရေးယာဉ်မှာ အမှန်တကယ်ပင်စစ်မှန်သောနတ်ဘုရား အဆင့်ပျံသန်းရေးယာဉ်ဖြစ်လေသည်။ ထိပ်တန်းအဆင့်ဝိညာဉ်ကျောက်တုံးများဖြင့် အစွမ်းကုန် မောင်းနှင်ထားသဖြင့် ကြယ်စုတန်းနတ်ဘုရားနိုင်ငံတော်မှနတ်ဘုရားများနှင့် အကွာအဝေးမှာ တဖြည်းဖြည်း ဝေးကွာသွားခဲ့လေပြီ။</p> <p>နောက်ဆုံးတွင် မဟာဝက်ဝံလန်ကျင်းနှင့် ကြယ်နတ်ဘုရားလေးပါးတို့သာ လိုက်မီနိုင်တော့ သည်။</p> <p>နေ့တစ်နေ့နှင့် ညတစ်နေ့ ကုန်ဆုံးသွားခဲ့လေပြီ။</p> <p>မဟာဝက်ဝံလန်ကျင်း နှင့် ကြယ်နတ်ဘုရားလေးပါးတို့မှာ အပြင်းအထန်လိုက်လံဖမ်းဆီး နေကြဆဲ ဖြစ်လေသည်။</p> <p>သို့သော်လည်း မဟာဝက်ဝံလန်ကျင်း နှင့် ကြယ်နတ်ဘုရားလေးပါးတို့မှာ အပြင်းအထန် လိုက်လံဖမ်းဆီးနေကြသော်လည်း သူတို့၏နတ်ဘုရားစွမ်းအားများစွာကုန်ဆုံးသွားခဲ့ပြီး သူတို့၏ အရှိန်မှာလည်း တဖြည်းဖြည်းနှေးကွေးလာသည်ကို ရန်ရှောက်ထျန်း မြင်နိုင်လေသည်။</p> <p>သူ့နောက်မှ အပြင်းအထန်လိုက်နေသောကြယ်နတ်ဘုရားလေးပါးကိုကြည့်ကာ ရန်ရှောက် ထျန်းသည် သူ၏အစွမ်းကိုတိုးတက်အောင်လုပ်ဆောင်ရန် အရေးတကြီးလိုအပ်နေကြောင်း နောက် တစ်ကြိမ် ခံစားမိလိုက်ပြန်လေသည်။ အကယ်၍သူသာနတ်ဝိညာဉ်အဆင့်သို့ တက်လှမ်းနိုင်မည် ဆိုပါက သူသည်ပြိုင်ဘက်ကင်းဖြစ်သွားပြီး အားလုံးကို ချေမှုန်းပစ်နိုင်ပေလိမ့်မည်။</p> <p> လန်ကျင်း နှင့် ကြယ်နတ်ဘုရားလေးပါးကိုမဆိုထားနှင့်၊ သူသည်ယွန်းထျန်း ကိုပင်လျှင် အစိတ်စိတ်အမြွှာမြွှာ ရိုက်ခွဲပစ်နိုင်ပေလိမ့်မည်။</p> <p>သူ နတ်ဝိညာဉ်အဆင့်သို့ တက်လှမ်းနိုင်သရွေ့ပေါ့။</p> <p>နတ်ဝိညာဉ်အဆင့်။</p> <p>ရန်ရှောက်ထျန်း သူ၏လက်သီးများကို တင်းတင်းဆုပ်လိုက်မိသည်။</p> <p>နှစ်ရက်နှင့် နှစ်ညကြာပြီးနောက်တွင် နောက်ဆုံး၌မဟာဝက်ဝံလန်ကျင်းနှင့် ကြယ်နတ်ဘုရား လေးပါးတို့၏အရှိန်မှာပို၍ပို၍နှေးကွေးလာခဲ့ပြီး တွင်းနက်ကြီးပျံသန်းရေးယာဉ်၏ နောက်သို့ ပြတ်ကျန်ရစ်ခဲ့ကာ သူတို့၏အမြင်အာရုံမှ ပျောက်ကွယ်သွားခဲ့လေပြီ။</p> <p>သို့သော်လည်း ရန်ရှောက်ထျန်းမှာလျော့ရဲမနေဘဲ တွင်းနက်ကြီးပျံသန်းရေးယာဉ်ကို အစွမ်း ကုန်အရှိန်မြှင့်ကာ မိစ္ဆာကျွန်းဆီသို့ ဆက်လက်မောင်းနှင်နေခဲ့လေသည်။</p> <p>ဆယ်ရက်ကျော် ကြာပြီးနောက်တွင် သူတို့သည်မိစ္ဆာကျွန်းသို့ နောက်ဆုံး၌ ရောက်ရှိလာခဲ့ကြ လေပြီ။</p> <p>ဤအချိန်တွင် ညချမ်းအချိန်သို့ ရောက်ရှိနေပြီဖြစ်ကာ မိစ္ဆာကျွန်းပေါ်တွင် မိစ္ဆာချီစွမ်းအင်များ မှာ ဟိန်းဟောက်နေပြီး လူသားတို့၏ မိစ္ဆာနယ်မြေတစ်ခုအလား ဖြစ်နေတော့သည်။</p> <p>မိစ္ဆာကျွန်းမှာ ပင်လယ်ရပ်ခြားရှိ အန္တရာယ်ရှိသော နေရာတစ်ခု ဖြစ်လေသည်။</p> <p>နေ့ခင်းဘက်တွင်ပင် သာမန်နတ်ဘုရားအဆင့်ပညာရှင်များမှာ ဤနေရာသို့ ခြေချရန်မဝံ့ရဲ ကြပေ။ ဤနေရာရှိမိစ္ဆာချီစွမ်းအင်နှင့်တစ္ဆေချီစွမ်းအင်များမှာ အလွန်တရာသိပ်သည်းလှပြီး မိစ္ဆာ သတ္တဝါတစ်မျိုးလည်း ဤနေရာတွင်နေထိုင်လေသည်။ အမှားအယွင်း အနည်းငယ်ရှိသွားရုံဖြင့် နတ်ဘုရားတစ်ပါးပင်လျှင် အရိုးဖြူများအဖြစ် ဝါးမြိုခံရနိုင်လေသည်။</p> <p>ရန်ရှောက်ထျန်းသည် သူ၏ထာဝရနတ်ဘုရားခန္ဓာကိုယ်ကို အသက်သွင်းလိုက်ပြီး ဗုဒ္ဓပေါင်းတစ်ထောင် နတ်ဘုရားမီးလျှံမီးတောက်မှာ သူ၏ခန္ဓာကိုယ်ပတ်လည်တွင် ပျံဝဲနေကာ မိစ္ဆာချီနှင့် တစ္ဆေချီစွမ်းအင်များကို တိုက်ရိုက်ရိုက်ခွဲပစ်ရင်း သူနှင့်တခြားသူများမှာ မိစ္ဆာကျွန်းအတွင်း သို့ ဝင်ရောက်ခဲ့ကြလေသည်။</p> <p>အမှောင်နဂါး၊ တိန်းဖုန်းနှင့်တခြားသူများမှာ ဗုဒ္ဓပေါင်းတစ်ထောင်နတ်ဘုရားမီးလျှံမီး တောက်ကိုပထမဆုံးအကြိမ် မြင်ဖူးကြခြင်းဖြစ်ရာ အံ့အားသင့်သွားကြတော့သည်။</p> <p>ရန်ရှောက်ထျန်းနှင့် တခြားသူများ မိစ္ဆာကျွန်း၏အနောက်တောင်ထောင့်ဆီသို့ ဦးတည်နေစဉ် မှာပင် ရုတ်တရက် ရှေ့ဘက်မှ လူသားမျိုးနွယ်ပညာရှင်များ၏ အသံသဲ့သဲ့ကို ကြားလိုက်ရလေသည်။</p> <p>ထိုအသံများကို ကြားလိုက်ရသဖြင့် သူတို့အံ့အားသင့်သွားကြသည်၊ မိစ္ဆာကျွန်းသို့ တစ်စုံ တစ်ယောက်အရင်ဆုံးရောက်ရှိနေလိမ့်မည်ဟု သူတို့မထင်ထားခဲ့ကြပေ။ ဒါဆိုရင်တစ်ဖက်လူက လည်း ဟွန်ချွမ်မိစ္ဆာဂိုဏ်း ဘဏ္ဍာတိုက်အတွက် ရောက်လာတာလား။</p> <p>“ဒါ အမှန်တကယ်ပဲ ဖန်စီ နတ်ဘုရားဆေးပင်ပါလား”</p> <p>“ဒီ ဖန်စီ နတ်ဘုရားဆေးပင် ဆယ်ပင်ကျော်နဲ့ဆိုရင် ငါတို့ ဖန်စီ နတ်ဘုရားဆေးလုံးတွေကို ဖော်စပ်နိုင်ပြီပေါ့”</p> <p>၎င်းကို ကြားလိုက်ရသောအခါ ရန်ရှောက်ထျန်း စိတ်အေးသွားတော့သည်။ ဒါဆိုရင် သူတို့က ဟွန်ချွမ်မိစ္ဆာဂိုဏ်း ဘဏ္ဍာတိုက်အတွက်ရောက်လာကြခြင်းမဟုတ်ဘဲ ဤနေရာတွင် ဖန်စီနတ်ဘုရား ဆေးပင်များကို ရှာတွေ့ခဲ့ကြခြင်းသာဖြစ်လေသည်။</p> <p>ဖန်စီနတ်ဘုရားဆေးပင်မှာ ထိပ်တန်းအဆင့်နတ်ဘုရားဆေးလုံးဖြစ်သော ဖန်စီနတ်ဘုရား ဆေးလုံးကိုဖော်စပ်ရာတွင်အသုံးပြုရသည့်အရေးအကြီးဆုံးနှင့် အလွန်တရာရှားပါးလှသော ဆေး ဘက်ဝင်အပင်များထဲမှ တစ်ခုဖြစ်လေသည်။</p> <p>“ဘယ်သူလဲ”</p> <p> ထိုစဉ်မှာပင် ရှေ့မှလူအုပ်ကြီးက သူတို့ကို သတိထားမိသွားကြလေသည်။</p> <p>ရန်ရှောက်ထျန်းက အမှောင်နဂါးနှင့် တခြားသူများကို ဦးဆောင်ပြီး လမ်းလျှောက်သွားခဲ့လေ သည်။</p> <p>မြက်ပင်အုပ်ကြီးကိုဖြတ်ကျော်ပြီးနောက် ရန်ရှောက်ထျန်းနှင့် တခြားသူများမှာ တစ်ဖက်လူ များကို မြင်တွေ့လိုက်ရလေသည်။</p> <p>လူအမြောက်အမြား ရှိနေပြီး လူပေါင်း ရာနှင့်ချီ ရှိလေသည်။</p> <p>သို့သော်လည်း သူတို့၏ဝတ်စုံများကိုမြင်လိုက်ရသောအခါ ရန်ရှောက်ထျန်းအံ့အားသင့်သွား တော့သည်။ တစ်ဖက်လူများမှာအမှန်တကယ်ပင် ကြယ်စုတန်းနတ်ဘုရားနိုင်ငံတော်မှ ဖြစ်ကြပြီး သူတို့ကို ဦးဆောင်လာသောလူငယ်မှာ ကြယ်စုတန်းနတ်ဘုရားနိုင်ငံတော်ဘုရင့်မိသားစုမှ ဖြစ်ကာ ကြယ်စုတန်း နတ်ဘုရားနိုင်ငံတော်၏ ဘုရင့်နဂါးဝတ်စုံကို ဝတ်ဆင်ထားခြင်း ဖြစ်လေသည်။</p> <p>ဤလူငယ်က ကြယ်စုတန်းနတ်ဘုရားနိုင်ငံတော်၏ဘုရင့်နဂါးဝတ်စုံကို ဝတ်ဆင်ထားသဖြင့် သူ၏ မည်သူမည်ဝါဖြစ်ကြောင်းမှာ ရှင်းလင်းလှပေသည်။</p> <p> သူသည် ကြယ်စုတန်းနတ်ဘုရားနိုင်ငံတော်၏အိမ်ရှေ့မင်းသားဖြစ်ရပေမည်။</p> <p>ရန်ရှောက်ထျန်းသည် ယွန်းထျန်း၏သားနှင့် ဤနေရာတွင်တွေ့ဆုံရလိမ့်မည်ဟု မထင်ထားခဲ့ ပေ။</p> <p> </p> <p> </p> <p style="text-align: center;">***</p>


Save