Book List

<h2 style="text-align:center">အခန်း (၅၀၂)</h2> <h2 style="text-align:center">ကြယ်စုတန်းကျွန်းဆီသို့ သွားကြမယ်</h2> <h2 style="text-align:center">*</h2> <h2 style="text-align:center"> </h2> <p> </p> <p>ဟွန်ချွမ်နတ်ဘုရားကျင့်စဉ်ကို နောက်ဆုံးတော့ ရှာတွေ့ခဲ့လေပြီ။</p> <p>အပင်ပန်းခံ ရှာဖွေနေရတဲ့အရာကို အခုတော့အလွယ်တကူပဲ ရလိုက်သလိုပါပဲ။</p> <p>ဟွန်ချွမ်နတ်ဘုရားကျင့်စဉ်ရှိနေပြီဆိုလျှင် သူ ထာဝရကောင်းကင်ခေါင်းတလားကို သန့်စင် နိုင်တော့မည် ဖြစ်လေသည်။</p> <p>သူ ဟွန်ချွမ်သရဲဘုရင်ကိုလည်း နှိမ်နင်းနိုင်တော့မည်ဖြစ်လေသည်။</p> <p>ဤအချိန်တွင် သူသည်ဟွန်ချွမ်လက်စွပ်အတွင်း၌ ထူးဆန်းသောကျောက်စိမ်းပုလင်း တစ်လုံးကို ရှာတွေ့ခဲ့ပြန်လေသည်။</p> <p>ထိုကျောက်စိမ်းပုလင်းမှာ ပုံသဏ္ဌာန်ထူးဆန်းလှပြီး ဦးခေါင်းခွံတစ်ခုကဲ့သို့ ပြုလုပ်ထားခြင်း ဖြစ်လေသည်။</p> <p>ရန်ရှောက်ထျန်းမှာ ထူးဆန်းသည်ဟုခံစားမိသဖြင့် ထိုဦးခေါင်းခွံပုံသဏ္ဌာန် ကျောက်စိမ်းပု လင်းကိုထုတ်ယူလိုက်ပြီးနောက် အဖုံးကိုဖွင့်လိုက်လေသည်။</p> <p>ရန်ရှောက်ထျန်း အဖုံးကိုဖွင့်လိုက်သည်နှင့် လျှပ်စီးချီစွမ်းအင်များမှာ ဟိန်းဟောက်ထွက်ပေါ် လာပြီး အမျိုးမျိုးသောဖြစ်ရပ်များကို ဖြစ်ပေါ်စေခဲ့လေသည်။</p> <p>ရန်ရှောက်ထျန်းမှာ ကျောက်စိမ်းပုလင်းအတွင်းမှ အရာကို ကြည့်ကာ ဆွံ့အသွားတော့သည်။</p> <p>“မိုးကောင်းကင်ကိုးလွှာ ဘေးဒုက္ခ မိုးကြိုးရေ”</p> <p>ဤဦးခေါင်းခွံပုံသဏ္ဌာန် ကျောက်စိမ်းပုလင်းအတွင်း၌ရှိနေသည်မှာ သူ အသည်းအသန် ရှာဖွေနေခဲ့သော မိုးကောင်းကင်ကိုးလွှာ ဘေးဒုက္ခမိုးကြိုးရေအမှန်တကယ် ဖြစ်နေသည်တဲ့လား။</p> <p>ထို့အပြင် ၎င်းမှာ တစ်ငုံသို့မဟုတ် နှစ်ငုံမျှသာမဟုတ်ဘဲ၊ ဆယ်ငုံသို့မဟုတ်ရှစ်ငုံမျှလည်း မဟုတ်ဘဲ၊ တစ်ရာကျော် ရှိနေခြင်းဖြစ်လေသည်။</p> <p>ရန်ရှောက်ထျန်း၏ ခန့်မှန်းချက်အရဆိုလျှင် ကျောက်စိမ်းပုလင်းအတွင်း၌ မိုးကောင်းကင်ကိုး လွှာ ဘေးဒုက္ခမိုးကြိုးရေ အငုံပေါင်းတစ်ရာကျော် ရှိပေလိမ့်မည်။</p> <p>အငုံတစ်ရာကျော် ဆိုသည်မှာ ဘာကို ဆိုလိုသနည်း။</p> <p>အငုံတစ်ရာကျော်ရှိနေပြီဆိုလျှင် သူသည်ယွန်းထျန်း၊ ရှေးဟောင်း စိတ်ဝိညာဉ်မိစ္ဆာ သို့မဟုတ် ယှဉ်လို့မရသော ငရဲနတ်ဘုရားတို့ထဲမှ မည်သူ့ကိုမဆို သတ်ပစ်နိုင်ပေလိမ့်မည်။</p> <p>ရန်ရှောက်ထျန်းတွင် ထိပ်တန်းအဆင့်ဝိညာဉ်ကျောက်တုံးများ သို့မဟုတ် ဝိညာဉ်ဆေးပင် များ မည်မျှပင်ရှိပါစေ၊ သူသည် အမှန်တကယ်ချမ်းသာသည်ဟု တစ်ခါမျှမခံစားခဲ့ရဖူးပေ၊ သို့သော် ယခုအချိန်တွင်မူ ဤမိုးကောင်းကင်ကိုးလွှာ ဘေးဒုက္ခမိုးကြိုးရေအငုံတစ်ရာကျော်ကို ကြည့်ကာ ရန်ရှောက်ထျန်းသည် သူ တစ်ညတည်းနှင့် ချမ်းသာသွားသလို ခံစားလိုက်ရလေသည်။</p> <p>လွန်ခဲ့သော ဆယ်ရက်ကျော်က ဆေးနံ့သာအိုး၏ဒေါသတကြီးတိုက်ခိုက်မှုအပြီးတွင် ရန်ရှောက်ထျန်း၏လက်ထဲ၌ မိုးကောင်းကင်ကိုးလွှာဘေးဒုက္ခမိုးကြိုးရေနှစ်ငုံသာ ကျန်ရှိတော့ သဖြင့် သူသည် ဆင်းရဲသားတစ်ယောက်လို ခံစားခဲ့ရခြင်း ဖြစ်လေသည်။</p> <p>ထို့ကြောင့်ပင် မဟာဝက်ဝံကြယ်နတ်ဘုရားလန်ကျင်းဦးဆောင်သော ကြယ်နတ်ဘုရား လေးပါး၏မရပ်မနား လိုက်လံဖမ်းဆီးမှုကိုခံရချိန်တွင်ပင် ရန်ရှောက်ထျန်းမှာ ထိုမိုးကောင်းကင် ကိုးလွှာ ဘေးဒုက္ခ မိုးကြိုးရေ နှစ်ငုံကို အသုံးမပြုချင်ဘဲ နှမြောနေခဲ့ခြင်း ဖြစ်လေသည်။</p> <p>ယခုမှာမူ ဘာကို ကြောက်နေရဦးမည်နည်း။</p> <p>ထိုကြယ်နတ်ဘုရား လေးပါးကို သူ့နောက်ကို ထပ်ပြီး လိုက်ခိုင်းလိုက်စမ်းပါ။</p> <p>ရန်ရှောက်ထျန်းသည် သူ၏ စိတ်လှုပ်ရှားမှုကို မနည်း ထိန်းချုပ်လိုက်ရလေသည်။</p> <p>သူသည် မိုးကောင်းကင်ကိုးလွှာဘေးဒုက္ခမိုးကြိုးရေအငုံတစ်ရာကျော်ကို သေချာစွာ သိမ်းဆည်းလိုက်လေသည်။</p> <p>ရန်ရှောက်ထျန်းနှင့် တခြားသူများ၏ကြိုးစားအားထုတ်မှုအောက်တွင် ဟွန်ချွမ်မိစ္ဆာဂိုဏ်း၏ ဘဏ္ဍာတိုက်မှာ နောက်ဆုံး၌ပြောင်သလင်းခါသွားခဲ့လေပြီ၊ ကျောက်တုံးတစ်တုံးပင် ကျန်ရှိခြင်း မရှိတော့ပေ။</p> <p>“အရင် ထွက်သွားကြစို့” ဟု ရန်ရှောက်ထျန်းက အမှောင်နဂါးနှင့်တခြားသူများကို ပြောလိုက်ပြီးနောက် သူတို့သည် လာခဲ့သည့်လမ်းအတိုင်း အမြန်ဆုံးပြန်ထွက်လာခဲ့ကြလေသည်။</p> <p>ဂူအတွင်းမှ ထွက်လာပြီးနောက်တွင် သူတို့သည်မိစ္ဆာကျွန်း၏မျက်နှာပြင်ပေါ်သို့ ရောက်ရှိ လာခဲ့ကြလေပြီ။</p> <p>“သခင်လေး... အခုပဲချန်ဆန်းတိုက်ကြီးကိုပြန်ကြမလား” ဟု အမှောင်နဂါးက မေးလိုက် သည်။</p> <p>“မလောပါဘူး”</p> <p> ရန်ရှောက်ထျန်းက အရပ်မျက်နှာတစ်ခုဆီသို့ကြည့်လိုက်သည်၊ ၎င်းမှာကြယ်စုတန်း နတ် ဘုရားနိုင်ငံတော်ရှိရာ အရပ်မျက်နှာပင်ဖြစ်လေသည် ။</p> <p> “ငါတို့ ကြယ်စုတန်း နတ်ဘုရားနိုင်ငံတော်ဆီကို သွားကြမယ်”</p> <p>“ကြယ်စုတန်း နတ်ဘုရားနိုင်ငံတော်ကိုသွားမယ်ဟုတ်လား”</p> <p> အမှောင်နဂါးနှင့် မိစ္ဆာမျောက်ဝံကြီးတို့ အားလုံး အံ့အားသင့်သွားကြလေသည်။</p> <p>သူတို့သည် ယွန်းထျန်း ကို ရှောင်ရှားရန် ကြိုးစားနေကြခြင်းဖြစ်သော်လည်း သခင်လေးကမူ ကြယ်စုတန်း နတ်ဘုရားနိုင်ငံတော်ဆီသို့ အမှန်တကယ်ပြန်သွားချင်နေသည်တဲ့လား။</p> <p>“ဟုတ်တယ်၊ ကြယ်စုတန်းနတ်ဘုရားနိုင်ငံတော်ဆီကိုပဲ” ဟု ရန်ရှောက်ထျန်းက အတည် ပြုလိုက်သည်။</p> <p>အတိုင်းအဆမဲ့သော ပင်လယ်ပြင်ကြီးမှမထွက်ခွာမီတွင် သူသည်ကြယ်စုတန်း နတ်ဘုရား နိုင်ငံတော်ကို တိုက်ရိုက်တိုက်ခိုက်ရန် စီစဉ်ထားခြင်း ဖြစ်လေသည်။</p> <p>သူသည် ကြယ်စုတန်းနတ်ဘုရားနိုင်ငံတော်ကိုပြင်းထန်သောရိုက်ခတ်မှုတစ်ခု ပေးခဲ့ပေ လိမ့်မည်။</p> <p>ထို့နောက်တွင် ရန်ရှောက်ထျန်းနှင့်တခြားသူများမှာ တွင်းနက်ကြီးပျံသန်းရေးယာဉ်ကို မောင်းနှင်ပြီး မိစ္ဆာကျွန်းမှထွက်ခွာခဲ့ကြကာ ကြယ်စုတန်းနတ်ဘုရားကျွန်းဆီသို့ ဦးတည်သွားကြ တော့သည်။</p> <p>ကြယ်စုတန်းနတ်ဘုရားနိုင်ငံတော်မှာကြယ်စုတန်းနတ်ဘုရားကျွန်းပေါ်တွင်တည်ရှိခြင်း ဖြစ် လေသည်။</p> <p>ရန်ရှောက်ထျန်း ထွက်ခွာပြီးမကြာမီမှာပင် မဟာဝက်ဝံကြယ်နတ်ဘုရားလန်ကျင်း ဦးဆောင် သော ကြယ်နတ်ဘုရားလေးပါးမှာ ကြယ်စုတန်းနတ်ဘုရားနိုင်ငံတော် စစ်တပ်သန်းပေါင်းရာနဲ့ချီကို ဦးဆောင်ပြီး မိစ္ဆာကျွန်းသို့ ရောက်ရှိလာခဲ့ကြလေသည်။</p> <p>မိစ္ဆာကျွန်းသို့ရောက်သည်နှင့် ကြယ်စုတန်း နတ်ဘုရားနိုင်ငံတော် စစ်တပ်မှာ တစ်ကျွန်းလုံးကို နှံ့စပ်အောင် ရှာဖွေရေးစတင်ခဲ့ကြလေသည်။</p> <p>နောက်ဆုံးတွင် မဟာဝက်ဝံကြယ်နတ်ဘုရားလန်ကျင်းသည် ကြယ်စုတန်းနတ်ဘုရားနိုင်ငံ တော် ပညာရှင်များအသတ်ခံလိုက်ရသည့် နေရာသို့ ရောက်ရှိလာခဲ့လေသည်။</p> <p>ရန်ရှောက်ထျန်းနှင့် အမှောင်နဂါးတို့သည် အလောင်းများနှင့်အခင်းဖြစ်ပွားရာနေရာကို ရှင်းလင်းခဲ့သော်လည်း တိုက်ပွဲ၏ဖျက်ဆီးခြင်းစွမ်းအားများမှာ ထင်ရှားစွာကျန်ရှိနေဆဲ ဖြစ်လေ သည်။</p> <p>မဟာဝက်ဝံကြယ်နတ်ဘုရားလန်ကျင်း သည် သူ၏ရှေ့မှမီးလောင်ကျွမ်းနေသော အရာအား လုံးကို ကြည့်ကာ သူ၏ မျက်နှာမှာ မှောင်မိုက်နေတော့သည်။</p> <p>“အရှင်... ကျွန်တော်တို့မိစ္ဆာကျွန်းရဲ့ထောင့်တိုင်းကိုရှာဖွေပြီးပါပြီ၊ ဒါပေမဲ့အိမ်ရှေ့မင်း သားကို ရှာမတွေ့ခဲ့ပါဘူး” ဟု လဝက်ခန့် ကြာပြီးနောက်တွင် စစ်သူကြီးတစ်ဦးက လာရောက် သတင်းပို့လေသည်။</p> <p>သို့သော်လည်း သူတို့၏အိမ်ရှေ့မင်းသားမှာမိစ္ဆာကျွန်းအတွင်းသို့ ဝင်သွားခဲ့သည်မှာ ရှင်းလင်း လှသည်၊ သို့သော် ယခု ရှာမတွေ့တော့ဘူးတဲ့လား။</p> <p>၎င်းက ဘာကို ဆိုလိုသနည်း။</p> <p>အဖြေမှာ ရှင်းလင်းလှပေသည်။</p> <p>မဟာဝက်ဝံကြယ်နတ်ဘုရားလန်ကျင်း သည် သူ၏ လက်သီးများကို တင်းတင်းဆုပ်လိုက်ပြီး သူ၏ မျက်လုံးများတွင်သတ်ဖြတ်လိုစိတ်များ ပြည့်နှက်နေတော့သည်။</p> <p> “စုံစမ်းစမ်း။ သူတို့ကိုဆွဲထုတ်ခဲ့ကြစမ်း။ သူတို့ရဲ့မျိုးနွယ်စုတစ်ရာကိုပါ အမြစ်ပြတ် သတ်ပစ် ရမယ်”</p> <p>“သူတို့ကို သေချင်စိတ် ပေါက်သွားအောင် လုပ်ပေးရမယ်”</p> <p>တောင်ဘက် ကြယ်နတ်ဘုရားကတည်ငြိမ်သောအသံဖြင့်ပြောလိုက်သည် ။</p> <p>“အတိုင်းအဆမဲ့သော ပင်လယ်ပြင်ကြီးထဲမှာ နိုင်ငံကြီးတစ်သိန်းထဲက ဘယ်သူမှ အိမ်ရှေ့မင်း သားကို မသတ်ရဲပါဘူး”</p> <p>မဟာဝက်ဝံကြယ်နတ်ဘုရားလန်ကျင်း သည် တောင်ဘက်ကြယ်နတ်ဘုရား၏ ဆိုလိုရင်းကို ကြားလိုက်ရသဖြင့် သူ၏မျက်လုံးများအတွင်းမှကြောက်မက်ဖွယ်ကောင်းသော အေးစက်သည့် အလင်းတန်းများ ထွက်ပေါ်လာတော့သည်။</p> <p> “အကယ်၍ ဒါဟာအမှန်တကယ်ပဲရန်ရှောက်ထျန်းရဲ့လက်ချက်ဆိုရင်တော့ ငါတို့ရဲ့ ပင်လယ်ရပ်ခြား နိုင်ငံကြီးတစ်သိန်းကချန်ဆန်းတိုက်ကြီးကို သွေးချောင်းစီးအောင် သေချာပေါက် လုပ်ပြမယ်”</p> <p>“ချန်ဆန်းစံအိမ်တော် စစ်တပ်သန်းပေါင်းရာနဲ့ချီကို ငါတို့ အိမ်ရှေ့မင်းသားနဲ့အတူ မြှုပ်နှံပစ် ရမယ်”</p> <p>မဟာဝက်ဝံကြယ်နတ်ဘုရားလန်ကျင်း ၏စကားများမှာ မိစ္ဆာကျွန်းတစ်ခုလုံးတွင် ပဲ့တင်ထပ် သွားတော့သည်။</p> <p>ထို့နောက်တွင် ကြယ်စုတန်းနတ်ဘုရားနိုင်ငံတော်စစ်တပ်မှာ ပင်လယ်ပြင်ကို တင်းကျပ်စွာ ပိတ်ဆို့လိုက်ကြပြီး ရန်ရှောက်ထျန်း၏သဲလွန်စကို ရူးသွပ်စွာ ရှာဖွေနေကြတော့သည်။</p> <p>ရန်ရှောက်ထျန်းမှာမူ တွင်းနက်ကြီးပျံသန်းရေးယာဉ်ကိုမောင်းနှင်ပြီး ကြယ်စုတန်း နတ်ဘုရားကျွန်းဆီသို့ ဆက်တိုက်ချဉ်းကပ်နေခဲ့လေသည်။</p> <p>ကြယ်စုတန်း နတ်ဘုရားနိုင်ငံတော်စစ်တပ်ကို ရှောင်ရှားရန်အတွက် သူသည် တွင်းနက်ကြီး ပျံသန်းရေးယာဉ်ကို ပင်လယ်အောက်ခြေ ပေပေါင်းသောင်းနှင့်ချီသော နေရာတွင် မောင်းနှင်ခဲ့ခြင်း ဖြစ်လေသည်။</p> <p>ပင်လယ်အောက်ခြေ ပေပေါင်းသောင်းနှင့်ချီသောနေရာတွင် ကြောက်မက်ဖွယ်ကောင်း သော ပင်လယ်သားရဲများစွာနေထိုင်ကြသော်လည်း ရန်ရှောက်ထျန်းကပျံသန်းရေးယာဉ်မှ အနက် ရှိုင်းဆုံးပင်လယ်အရှင်သခင်၏အရှိန်အဝါကို ထုတ်လွှတ်လိုက်သဖြင့် ထိုဧရာမပင်လယ်သားရဲကြီး များမှာ ကြောက်လန့်တကြားဖြင့် မတိုက်ခိုက်ရဲကြတော့ပေ။</p> <p>တွင်းနက်ကြီး ပျံသန်းရေးယာဉ်မှာ ကြယ်စုတန်းနတ်ဘုရားကျွန်းဆီသို့ ဆက်တိုက်ချဉ်းကပ် လာသည်နှင့်အမျှ ရန်ရှောက်ထျန်းသည် ဟွန်ချွမ်နတ်ဘုရားကျင့်စဉ်ကို ထုတ်ယူပြီး သေချာစွာ စတင် ဖတ်ရှုနေတော့သည်။</p> <p>အစမှ အဆုံးအထိဖတ်ပြီးနောက်တွင် ရန်ရှောက်ထျန်းက မျက်မှောင်ကြုတ်လိုက်မိသည်၊ ထာဝရကောင်းကင်ခေါင်းတလားကိုသန့်စင်ရန်အတွက် သူသည်ဟွန်ချွမ်နတ်ဘုရားကျင့်စဉ်ကို အနည်းဆုံး ဒသမအဆင့်အထိ ကျင့်ကြံရမည်ဖြစ်လေသည်။</p> <p>ဟွန်ချွမ်နတ်ဘုရားကျင့်စဉ်ကို လျင်မြန်စွာတတ်မြောက်ရန်အတွက် ဟွန်ချွမ်မိစ္ဆာဂိုဏ်း အပျက်အစီးများအတွင်းရှိ အလောင်းမြစ်အတွင်း၌သာကျင့်ကြံနိုင်ပြီး အလောင်းမြစ်အတွင်းရှိ ဟွန်ချွမ်အလောင်းချီစွမ်းအင်များကိုအသုံးပြုမှသာ ဟွန်ချွမ်နတ်ဘုရားကျင့်စဉ်ကို လျင်မြန်စွာ တိုးတက်စေနိုင်မည် ဖြစ်လေသည်။</p> <p>သို့သော်လည်း အလောင်းမြစ်အတွင်းရှိဟွန်ချွမ်အလောင်းချီစွမ်းအင်များ၏ အကူအညီ ရှိလျှင်ပင် ဟွန်ချွမ်နတ်ဘုရားကျင့်စဉ်ကိုဒသမအဆင့်အထိကျင့်ကြံရန်မှာ ဆယ်စုနှစ်ပေါင်းများစွာ ကြာမြင့်ပေလိမ့်မည်။</p> <p>ဒါဟာ အလွန်တရာကောင်းမွန်သောပါရမီရှိသူအတွက်ပင် ဆယ်စုနှစ်ပေါင်းများစွာ ကြာမြင့် ဦးမည်ဟု ဆိုလိုခြင်း ဖြစ်လေသည်။</p> <p>အကယ်၍ သာမန်ပါရမီရှိသော ပါရမီရှင်တစ်ဦးသာဆိုလျှင် နှစ်ပေါင်း ထောင်နှင့်ချီ သို့မဟုတ် နှစ်ပေါင်း သောင်းနှင့်ချီ၍ပင် ကြာမြင့်နိုင်လေသည်။</p> <p>ရန်ရှောက်ထျန်း ဘာလုပ်ရမှန်း မသိဖြစ်နေစဉ်မှာပင် သူသည်ဟွန်ချွမ်ဘိုးဘေး၏ ဂူဗိမာန်မှ ရရှိခဲ့သော သေမင်းနတ်ဘုရားအသီး ဆယ်လုံးကျော်ကို ရုတ်တရက်သတိရသွားလေသည်။</p> <p>သေမင်းနတ်ဘုရားအသီးမှာ မိစ္ဆာဂိုဏ်း၏အမြင့်မြတ်ဆုံး ရတနာတစ်ခုဖြစ်သဖြင့် ၎င်းမှာ သူ၏ ဟွန်ချွမ်နတ်ဘုရားကျင့်စဉ်အဆင့်ကို လျင်မြန်စွာတိုးတက်စေရန်အတွက် အကူအညီ ပေးနိုင်ပေလိမ့်မည်။</p> <p>ရန်ရှောက်ထျန်းသည် သေမင်းနတ်ဘုရားအသီးတစ်လုံးကို ချက်ချင်းထုတ်ယူလိုက်လေ သည်။</p> <p>ယခင်က သူသည် ဤသေမင်းနတ်ဘုရားအသီးကို မသန့်စင်နိုင်ခဲ့သော်လည်း ယခုအခါ သူ၏ လက်ထဲတွင် ဟွန်ချွမ်နတ်ဘုရားကျင့်စဉ် ရှိနေပြီဖြစ်သဖြင့် သန့်စင်ရန်မှာ မခက်ခဲတော့ပေ။</p> <p>ထို့ကြောင့် ရန်ရှောက်ထျန်းသည် သေမင်းနတ်ဘုရားအသီးတစ်လုံးကို မျိုချလိုက်ပြီးနောက် ဟွန်ချွမ်နတ်ဘုရားကျင့်စဉ်ကို လည်ပတ်လိုက်လေသည်။ ချက်ချင်းဆိုသလိုပင် သေမင်းနတ်ဘုရား အသီးအတွင်းမှ လိမ့်တက်နေသောသေမင်းစွမ်းအားများမှာ ရန်ရှောက်ထျန်း၏သွေးကြောများ အတွင်းသို့စီးဝင်သွားပြီး ဟွန်ချွမ်စစ်မှန်သောစွမ်းအားများအဖြစ်သို့ ဆက်တိုက်ပြောင်းလဲသွား တော့သည်။</p> <p>ရန်ရှောက်ထျန်း၏ တစ်ကိုယ်လုံးမှာလိမ့်တက်နေသော ဟွန်ချွမ်ချီစွမ်းအင်များဖြင့် ဖုံးလွှမ်း သွားခဲ့လေသည်၊ အဝေးမှကြည့်လျှင်ရန်ရှောက်ထျန်းမှာ ငရဲမှတက်လာသောသေမင်းတစ်ပါးနှင့် တူနေလေသည်။</p> <p>မျက်စိတစ်မှိတ်အတွင်းမှာပင် ဆယ်ရက်ကျော်ကုန်ဆုံးသွားခဲ့လေပြီ။</p> <p>ရန်ရှောက်ထျန်းသည် နောက်ဆုံး၌ထိုသေမင်းနတ်ဘုရားအသီးကို အပြည့်အဝသန့်စင်ပြီး သွားခဲ့လေပြီ။</p> <p>သူ အသက်ပြင်းပြင်း ရှူထုတ်လိုက်မိသည်။</p> <p>သူ့ကို အလွန်တရာဝမ်းသာသွားစေသည်မှာ ဤသေမင်းနတ်ဘုရားအသီး၏ အကူအညီဖြင့် သူသည် ဟွန်ချွမ်နတ်ဘုရားကျင့်စဉ်ကိုပထမအဆင့်အထိအောင်မြင်စွာ ကျင့်ကြံနိုင်ခဲ့ခြင်း ဖြစ်လေ သည်။</p> <p>၎င်းတင်မကဘဲ သေမင်းနတ်ဘုရားအသီး၏နတ်ဘုရားဆေးစွမ်းအားကြောင့် သူသည် ဧကရာဇ်အဆင့် တတိယအလွှာသို့အောင်မြင်စွာ တက်လှမ်းနိုင်ခဲ့ပြီး ဧကရာဇ်အဆင့်တတိယအလွှာ အစောပိုင်း အထွတ်အထိပ်သို့ပင် ရောက်ရှိနေပြီ ဖြစ်လေသည်။</p> <p>သေမင်းနတ်ဘုရားအသီး၏အာနိသင်မှာ ရန်ရှောက်ထျန်း၏မျှော်လင့်ချက်ထက် များစွာ ကျော်လွန်နေခြင်း ဖြစ်လေသည်။</p> <p>“သခင်လေး... ကြယ်စုတန်းနတ်ဘုရားကျွန်းကိုရောက်ပါပြီ” ဟု ဤအချိန်တွင် အမှောင် နဂါး၏ အသံထွက်ပေါ်လာလေသည်။</p> <p>ကြယ်စုတန်း နတ်ဘုရားကျွန်းသို့ ရောက်ရှိလာခဲ့လေပြီ။</p> <p>ရန်ရှောက်ထျန်းသည် လျှို့ဝှက်အခန်းအတွင်းမှ အမြန်ထွက်လာခဲ့ပြီး ပင်လယ်ရေအလွှာ များကြားမှတစ်ဆင့် တိုက်ကြီးတစ်ခုကဲ့သို့ပျံဝဲနေသောကြယ်စုတန်းနတ်ဘုရားကျွန်းကို သူ၏ရှေ့ တွင် မြင်တွေ့လိုက်ရလေသည်။</p> <p>“ခင်ဗျားတို့ အားလုံးဒီမှာပဲ စောင့်နေကြပါ” ဟု ရန်ရှောက်ထျန်းက အမှောင်နဂါးနှင့် တခြားသူများကို ပြောလိုက်သည်။</p> <p>“သခင်လေး... ကျွန်တော်တို့...”</p> <p>အမှောင်နဂါး စကားပြောတော့မည့်ဆဲဆဲတွင် ရန်ရှောက်ထျန်းက ခေါင်းခါပြလိုက်ပြီး</p> <p>“အဆင်ပြေပါတယ်၊ ခင်ဗျားတို့ ဒီမှာပဲ စောင့်နေကြပါ။ ဆယ်ရက်အတွင်း ကျုပ် ပြန်လာခဲ့မယ်” ဟု ပြောပြီးနောက် သူသည်လုံးဝဖုံးကွယ်ခြင်းစွမ်းရည်ကိုအသုံးပြုပြီး ကြယ်စု တန်း နတ်ဘုရားကျွန်းဆီသို့ ပျံသန်းသွားခဲ့လေတော့သည်။</p> <p>ကြယ်စုတန်းနတ်ဘုရားကျွန်း၏အထက်တွင် ဧရာမကြယ်စင်ဥက္ကာခဲများ ပျံဝဲနေကြလေ သည်။</p> <p>ဤကြယ်စင်ဥက္ကာခဲများကို အထူးပြုပြင်မွမ်းမံထားခြင်းဖြစ်ပြီး ကြယ်စင်အလင်းတန်းများ ကို အလွှာလိုက်ကျဆင်းစေကာ ကြယ်စုတန်းနတ်ဘုရားကျွန်းတစ်ခုလုံးကို ဖုံးလွှမ်းထားခြင်း ဖြစ်လေသည်။</p> <p>နတ်ဘုရားကျွန်း၏ အထက်တွင် မရေမတွက်နိုင်သော ဂိုဏ်းများနှင့် မိသားစု ပညာရှင်များမှာ အဝင်အထွက် လုပ်နေကြလေသည်။</p> <p>ဝိညာဉ်သားရဲများနှင့် ပျံသန်းရေးယာဉ်များမှာ ကောင်းကင်ယံတွင် ပြည့်နှက်နေပြီး စည်ကား သိုက်မြိုက်သော မြင်ကွင်းတစ်ခု ဖြစ်နေလေသည်။</p> <p>ရန်ရှောက်ထျန်းသည် ဆေးနံ့သာအိုးကို သူ၏အရှိန်အဝါကို ကာကွယ်ခိုင်းလိုက်ပြီး ကြယ်စုတန်းနတ်ဘုရားနိုင်ငံတော်၏ နတ်ဘုရားမြို့တော်ဆီသို့ ပျံသန်းသွားခဲ့လေတော့သည်။</p> <p> </p> <p> </p> <p style="text-align:center">***</p>


Save