Book List

<h2 style="text-align:center">ထာဝရသူခိုး (စာစဉ်-၄၇)</h2> <h2 style="text-align:center"> </h2> <h2 style="text-align:center">Chapter-651</h2> <h2 style="text-align:center">အီဗာရဲ့ အကျပ်အတည်း</h2> <h2 style="text-align:center">*</h2> <p> </p> <p> </p> <p>“... ဒါဆို လွန်ခဲ့တဲ့ ရက်အနည်းငယ်က အစ်ကိုကြီး အနက်ရောင်သေတ္တာထဲကို ထည့်လိုက်တဲ့ မမကြီးက ဘယ်သူလဲ၊ သူက ရန်သူလား”</p> <p>အပြစ်ကင်းစင်သော်လည်း အန္တရာယ်ရှိလှသော ထိုမေးခွန်းကို ကြားလိုက်ရချိန်တွင် အေ့စ် မျက်နှာက သွေးမရှိတော့ဘဲ ဖြူဆုတ်သွားတော့သည်။ မွိုင်ရာ၏ တိုက်တွန်းမှုကြောင့် အနာဂတ်ဘေးဒုက္ခတစ်ခုကို ရှောင်လွှဲရန် သူ ပြန်ပေးဆွဲလာခဲ့သည့် နတ်သူငယ်မင်းသမီး လီဗီယာ အကြောင်းကို သူ နောက်ဆုံးတွင် သတိရသွားလေပြီ။</p> <p>သို့သော်လည်း ထိုဘေးဒုက္ခမှာ ရောက်ရှိနေပြီဖြစ်ပြီး သူကိုယ်တိုင်ပင် အိမ်ထဲသို့ ဖိတ်ခေါ်ခဲ့မိခြင်းပင်။</p> <p>အီဗာက အေ့စ်ကို ထူးဆန်းသော အကြည့်ဖြင့် အေ့စ်ကို ကြည့်ကာ လူဆိုးမလေးတစ်ယောက်ကဲ့သို့ ပြုံးနေသည်။ သူမက ပြုံးလျက်ပြောလိုက်သော်လည်း အသံထဲမှ အေးစက်မှုမှာ သိသာလွန်းလှသည်။</p> <p>“ကြည့်ရတာ အစ်ကိုကြီးမှာ မိန်းကလေးတွေ စုဆောင်းရတဲ့ ဝါသနာ ရှိနေတာကို ကျွန်မကို အကုန်အစင် မပြောရသေးဘူးပဲ..”</p> <p>ဘာလုပ်မိလိုက်ပြီမှန်း မသိသေးသည့် ဆိုင်းရပ်စ်ကို လည်ပင်းညှစ်သတ်ချင်စိတ်ပင် ပေါက်သွားပြီး၊ ဆိုင်းရပ်စ်က သူ့ဘဝကို ကြမ်းတမ်းနေအောင် တမင်တကာ လုပ်နေခြင်းဖြစ်မည်ဟုပင် ထင်မှတ်လိုက်မိသည်။</p> <p>သို့သော်လည်း ထိုငှက်ကလေးကို သူ ပြန်လည်ဆုံးမခြင်း မပြုမီ၊ ရှေ့မှ နတ်ဆိုးမလေးကို အရင် ကိုင်တွယ်ဖြေရှင်းရမည်ဖြစ်သည်။</p> <p>“အဲဒီလို မဟုတ်ပါဘူး.. အဲဒီမိန်းကလေးက ငါ့ကို အနာဂတ်ဘေးဒုက္ခကနေ ကယ်တင်မယ့် သော့ချက်ပဲ။ ဒါကြောင့် နတ်ဘုရားက သူမကို ဖမ်းဆီးပြီး အနားမှာ ထားခိုင်းထားတာ။ ဒါမှသာ ငါက သေရေးရှင်ရေး အခြေအနေကို ရှောင်လွှဲနိုင်မှာ..”</p> <p>ထာဝရသူခိုး ကံကြမ္မာသံလိုက်အိမ်မြှောင် အကြောင်းကို သူမအား မပြောပြထားသဖြင့် နတ်ဘုရားကိုသာ အမြန်ပင် အပြစ်ပုံချလိုက်သည်။</p> <p>ထို့အပြင် အနာဂတ်ဘေးဒုက္ခတစ်ခုကြောင့် မိန်းကလေးတစ်ယောက်ကို ပြန်ပေးဆွဲရန် ရတနာတစ်ခုက ခိုင်းစေသည်ဟု ပြောခြင်းထက် နတ်ဘုရားက ခိုင်းသည်ဆိုသည်မှာ ပို၍ ယုံကြည်ဖွယ်ကောင်းလှသည်။ ထာဝရသူခိုး ကံကြမ္မာ သံလိုက်အိမ်မြှောင်၏ ဇာစ်မြစ်ကို မရှင်းပြဘဲနှင့်တော့ သူမကို ချော့မော့နိုင်မည်မဟုတ်ပေ။</p> <p>ထို့ကြောင့် ဤ နတ်ဘုရားတုမှာ အကောင်းဆုံး ဆင်ခြေပင် ဖြစ်တော့သည်။ နောက်ပိုင်းတွင် သူက စိတ်ကူးယဉ် နတ်ဘုရားကို ခဏခဏ အသုံးချနေမိသဖြင့် တကယ့် နတိဘုရားများကို စော်ကားမိနေမလားဟုပင် တွေးမိသေးသည်။</p> <p>သို့သော်လည်း သူက ထိုဒဏ္ဍာရီလာ နတ်ဘုရားများ၏ ခံစားချက်ကို ဂရုမစိုက်နိုင်။ သူတို့နာမည်က အသုံးဝင်နေသရွေ့ သူ အသုံးချမည်သာ ဖြစ်သည်။ လူအများအပြားကလည်း ထိုသို့ပင် လုပ်ဆောင်နေကြသဖြင့် ထိုနတ်ဘုရားများကလည်း သူ့ကို စိတ်ဆိုးမည်မဟုတ်ဟု သူ ထင်သည်။</p> <p>သူ ထင်ထားသည့်အတိုင်းပင်၊ အေ့စ်၏အသက်နှင့် သက်ဆိုင်နေသည်ဟု ကြားလိုက်ရသောအခါ အီဗာ၏ အမူအရာက ပြောင်းလဲသွားသည်။ ၎င်းမှာ သူမ၏ အားနည်းချက်ပင်။ သူမကလွဲ၍ မည်သူမျှ သူ့ကို ရန်ပြုခွင့် မပြုနိုင်ချေ။</p> <p>သို့တိုင် အေ့စ်ကို ချက်ချင်းယုံကြည်လိုက်ရန်အတွက်လည်း မတုံးအသေပေ။ သူမက မျက်မှောင်ကြုတ်ကာ နှုတ်ခမ်းကို စူလိုက်၏။</p> <p> “ရှင် အမှန်အတိုင်း ပြောနေတာ ဟုတ်မဟုတ် ဘယ်လိုသိရမှာလဲ.. နောက်ပြီး အခု ကျွန်မ အစ်ကိုနဲ့အတူ ရှိနေတာပဲ။ ဘာအန္တရာယ်ကိုမှ စိုးရိမ်စရာ မလိုတော့ဘူး။ ကျွန်မက ရှင့်ရဲ့ ဒိုင်းကာဖြစ်ပေးမယ်”</p> <p>အေ့စ် သက်ပြင်းချလိုက်ပြီး စိတ်ပိုင်းဖြတ်ထားသည့် သူ မရဲ့တည်ကြည်သော မျက်နှာလေးကို ချစ်မြတ်နိုးစွာ ကြည့်လိုက်သည်။ ထိုအမူအရာကပင် သူမ၏ သဘာဝအလှကို ပို၍ ပေါ်လွင်စေသည်။</p> <p>“ငါကော သဘောတူမယ် ထင်လို့လား.. အဲဒီမိန်းကလေးက ငါ့ရဲ့ ဟင်းလင်းပြင်ထဲမှာ ချုပ်နှောင်ခံထားရတာဆိုတော့ ငါ့လက်ထဲ ရောက်နေတာကိုတောင် မသိသေးဘူး။ ငါ သူမနဲ့ ကောင်းကောင်းမွန်မွန် စကားတောင် မပြောရသေးဘူး.."</p> <p>“ဒီနေရာကနေ ထွက်သွားပြီးရင် သူမကို အကျိုးအကြောင်း ရှင်းပြဖို့ စီစဉ်ထားတာ။ သူမက သူခိုးအိမ်တော်ထဲကို ဝင်ဖို့ သဘောတူရင် ကောင်းတာပေါ့။ မတူရင်လည်း တခြားနည်းလမ်းတွေနဲ့ သူမကို နားချမှာပါ။ ဒါက ငါ့ရဲ့ တစ်ခုတည်းသော ရည်ရွယ်ချက်ပဲ။ ဘာမှ ပိုမပါဘူး”</p> <p> အေ့စ်က တည်ကြည်သော မျက်နှာပေးဖြင့် ပြောလိုက်သည်။</p> <p>သူခိုးအိမ်တော်မှာ အလွန်ထူးခြားပြီး၊ ၎င်းမှာ သူ့ကဲ့သို့ပင် အကန့်အသတ်မရှိ ကြီးထွားလာနိုင်သည့် အကူအညီပေးမည့်သူများကို ရှာဖွေရန်နှင့် သူ၏မစ်ရှင်များနှင့် အခက်အခဲများတွင် ကူညီရန်အတွက် ဖြစ်ကြောင်း သူ နားလည်ထားသည်။</p> <p>အရေးကြီးဆုံးမှာ ထိုအဖွဲ့ဝင်များက အတင်းအကြပ် ခိုင်းစေခံရခြင်းမျိုး မဟုတ်ဘဲ၊ သန်မာလိုစိတ်နှင့် ရည်မှန်းချက်ရှိသရွေ့ ပျော်ပျော်ရွှင်ရွှင်နှင့် လုပ်ဆောင်ကြမည် ဖြစ်သည်။</p> <p>တစ်နည်းအားဖြင့် အေ့စ်အနေဖြင့် ထိုသူခိုးများကို သင့်တော်သော အခြေအနေများတွင် မည်သို့အသုံးချရမည်ကို လေ့လာရန်မှလွဲ၍ ကျန်သည့် လေ့ကျင့်ပျိုးထောင်မှုအားလုံးမှာ စနစ်၏ ထိန်းချုပ်မှုအောက်တွင် ရှိနေသည်။</p> <p>အလီနာ၏ အခြေအနေမှာ သတင်းအချက်အလက် စုဆောင်းရန်အတွက် ဝင်းတားကို သူ စတင်အသုံးချခဲ့စဉ်ကကဲ့သို့ပင်။ ထိုသို့သာ မဟုတ်ပါက သူက အခြေအနေအရပ်ရပ်ကို ဘာမှ သိရှိနိုင်မည်မဟုတ်ပေ။ ထိုအဖြစ်အပျက်မှနေ၍ သူခိုးအိမ်တော် အဖွဲ့ဝင်များကို အပြည့်အဝ အသုံးချနိုင်မည့် အခြားသော အတွေးသစ်များကိုလည်း သူ ရရှိခဲ့သည်။</p> <p>ထို့အပြင် သူခိုးအိမ်တော်မှာ ပိုမိုကြီးထွားလာနိုင်သောကြောင့် အဖွဲ့ဝင်အသစ်များ ထပ်တိုးရန် သူ မတွန့်ဆုတ်တော့ပေ။ နတ်သူငယ်မင်းသမီးနှင့် တွေ့ဆုံခဲ့ရပုံနှင့် သူမ၏ ဂုဏ်သတင်းအရ သူမသာ သူခိုးအိမ်တော်ထဲသို့ ဝင်လာပါက တော်သောသူခိုးတစ်ယောက် ဖြစ်လာမည်ကို သူ သိနေသည်။</p> <p>ထို့ကြောင့် သူခိုးအိမ်တော် အဖွဲ့ဝင် အရေအတွက်ကို မတိုးမြှင့်နိုင်သေးမီအထိ သူမကို အနားတွင် ထားရှိရန် မွိုင်ရာ၏ အကြံပေးချက်ကို သူ သဘောတူခဲ့ခြင်းဖြစ်သည်။</p> <p>သို့သော်လည်း အီဗာ၏ နိုးထလာမှုမှာ သူ၏ တွက်ချက်မှုပြင်ပတွင် ရှိနေခဲ့သည်။ သူခိုးအိမ်တော်ထဲသို့ အခြားသူများထက် သူမကို ပို၍ ထည့်သွင်းလိုသည်။ အကြောင်းမှာ စနစ်က သူမကို နည်းလမ်းပေါင်းစုံဖြင့် ကာကွယ်ပေးနိုင်သောကြောင့် ဖြစ်သည်။</p> <p>အဖွဲ့ဝင်အရောင်းဆိုင်မှ အသက်ဒင်္ဂါးပြား တစ်ခုတည်းနှင့်တင် အေ့စ်အနေဖြင့် သူမကို သူခိုးအိမ်တော်ထဲ သွင်းချင်နေပြီဖြစ်သည်။ အသက်ကယ်နည်းလမ်းများနှင့် ပတ်သက်လာလျှင် သူကိုယ်တိုင် အကြိမ်ကြိမ် ကြုံတွေ့ဖူးသည့် စနစ်မှလွဲ၍ မည်သူ့ကိုမျှ သူ မယုံကြည်ပေ။</p> <p>ထို့ကြောင့် အီဗာတွင် တော်ဝင် သွေးမျိုးဆက် ရှိနေလျှင်ပင် ဘာဖြစ်သနည်း။ သူမသာ သူခိုးအိမ်တော်ထဲ ဝင်ရောက်လာပါက စနစ်က ၎င်းကို ပိုမိုတိုးတက်ပြောင်းလဲလာစေမည်ကို အေ့စ် တစ်စက္ကန့်မျှပင် သံသယမဖြစ်မိပေ။</p> <p>ထို့ကြောင့် သူခိုးအိမ်တော်ကို အဖွဲ့ဝင်များဖြင့် ဖြည့်ဆည်းရန် သူ ဆုံးဖြတ်ထားပြီးဖြစ်သော်လည်း၊ ထိုမတိုင်မီ သူ ဂရုစိုက်ရသောသူများကို အရင်ဆုံး ဝင်ရောက်စေလိုခြင်း ဖြစ်သည်။</p> <p>အီဗာက သူခိုးအိမ်တော်နှင့် ပတ်သက်သည့် အေ့စ်၏ ကြီးမားသော ရည်မှန်းချက်ကို မသိသော်လည်း၊ သူ၏ တည်ကြည်သော မျက်နှာကို ကြည့်ပြီးနောက် တစ်စုံတစ်ခုသော အကြောင်းပြချက်ကြောင့် သူ့ကို မတားဆီးချင်တော့ပေ။</p> <p>‘သူ့ဘေးမှာ မိန်းကလေးတွေ အများကြီးရှိနေတော့... သူ့ကို ငါတစ်ယောက်တည်းပဲ ပိုင်ဆိုင်နိုင်မှာမဟုတ်ဘူး။ အထူးသဖြင့် အဲဒီ အာလီနာ ဆိုတဲ့တစ်ယောက်... နောက်ပြီး သူ့နောက်ကွယ်က နတ်ဘုရားဆိုတာကလည်း အနာဂတ်ကို ကြိုတင်ဟောကိန်းထုတ်ပြီး ဖြေရှင်းနည်းတွေတောင် ပေးနိုင်တာဆိုတော့ ကြောက်စရာကောင်းလိုက်တာ...’</p> <p> အေ့စ်၏ နှလုံးသားထဲတွင် သူမ၏ တည်ရှိမှု ခြိမ်းခြောက်ခံရမည်ကို စိုးရိမ်စွာ တွေးနေမိသည်။</p> <p>သို့သော် သံယောဇဉ်လက်စွပ် အကြောင်းကို တွေးမိသောအခါ၊ သူမ၏ စိုးရိမ်ပူပန်မှုများမှာ သူမအပေါ် အလေးမပေးခံရတော့မှာကို ကြောက်ရွံ့သည့် စိတ်ကြောင့်သာ ဖြစ်ကြောင်း ခံစားလိုက်ရသည်။</p> <p>သူမစိတ်ထဲတွင်မူ အေ့စ်တွေ့သမျှ လှပသော မိန်းကလေးတိုင်းကို စိတ်ဆိုးမာန်ဆိုး လုပ်နေမည်ဆိုလျှင်၊ အေ့စ်က သူမကို စိတ်ကုန်သွားနိုင်ပြီး ထိုအချက်ကြောင့်ပင် သူမအပေါ် စိတ်ဝင်စားမှု လျော့နည်းသွားစေနိုင်သည်။</p> <p>ထို့ကြောင့် သူမအနေဖြင့် အေ့စ်ဘေးတွင် ရှိမည့် တစ်ဦးတည်းသောသူ ဖြစ်ချင်သည့် စိတ်ကူးကို ပြောင်းလဲရမည်၊ သို့မဟုတ်ပါက အေ့စ်၏ စိတ်ဓာတ်ကို ပြောင်းလဲစေပြီး အခြားမိန်းကလေးများနှင့် မပတ်သက်ဘဲ သူမကိုပဲ ဂရုစိုက်လာအောင် လုပ်ရပေတော့မည်။</p> <p> </p> <p> </p> <p style="text-align:center">***</p>


Save