Book List

<h2 style="text-align:center">Chapter -652</h2> <h2 style="text-align:center"> ကတိပေးပါ...</h2> <h2 style="text-align:center">*</h2> <p> </p> <p> </p> <p>သူခိုးအိမ်တော်ကြောင့် အေ့စ်အနေဖြင့် သူတို့ကို လက်လွှတ်ရန်မှာ ယခုအချိန်တွင် လုံးဝမဖြစ်နိုင်တော့ပေ။ သူခိုးအိမ်တော်ထဲသို့ ဝင်ရောက်လာသူ မည်သူမဆို ပြန်ထွက်သွား၍မရကြောင်း သူက သူမကို ပြောပြပြီးသားဖြစ်သည်။</p> <p>ဒါ့အပြင် အေ့စ်က သူမအတွက် နေရာတစ်ခု ဖန်တီးပေးရန် ရည်ရွယ်ချက်သာရှိပါက၊ ရှိနှင့်ပြီးသား အဖွဲ့ဝင်တစ်ယောက်ကို အလွယ်တကူ ဖယ်ရှားပြီး သူမကို နေရာပေးနိုင်ခဲ့မည်ဖြစ်သည်။</p> <p>အေ့စ်က ထိုသို့မတွေးမိဟု ထင်ရလောက်အောင် သူမက အူကြောင်ကြောင်နိုင်သူ မဟုတ်ချေ။</p> <p>သို့သော်လည်း အတိတ်က သူ့အပေါ် မည်သို့ပင် ပြုမူခဲ့ကြပါစေ၊ ရှိနှင့်ပြီးသား အဖွဲ့ဝင်များကို ဖယ်ရှားရန် အေ့စ်တွင် အစီအစဉ်မရှိကြောင်းကို ရိပ်မိလောက်အောင် သူမက ထက်မြက်သည်။</p> <p>ယခုအခါတွင် အေ့စ်က ထိုအမျိုးသမီး အဖွဲ့ဝင် သုံးယောက်နှင့်တင် ရပ်တန့်မည့် အစီအစဉ်မရှိကြောင်းကို သူမ ရှင်းရှင်းလင်းလင်း မြင်တွေ့နေရသည်။ အကြောင်းမှာ နေရာလွတ်ရသည်နှင့် ဝင်ရောက်ရန် အသင့်ဖြစ်နေသော မိန်းကလေးတစ်ယောက်ကို သူ၏ ဟင်းလင်းပြင်ထဲတွင် ဖမ်းဆီးထားပြီးသား ဖြစ်နေ၍ပင်။</p> <p>အပြစ်ကင်းစင်သော်လည်း ကောက်ကျစ်တတ်သော ထိုကောင်လေးက ၁၅ နှစ်အတွင်း ယခုကဲ့သို့ ဖြစ်လာလိမ့်မည်ဟု သူမ တစ်ခါမျှ မတွေးခဲ့မိပေ။ သူက ဤနှစ်များအတွင်း အချို့သောသူများ တစ်သက်လုံးစာ ကြုံတွေ့ရသည်ထက်ပင် ပိုမိုများပြားသော အတွေ့အကြုံများကို ရရှိခဲ့ပြီးဖြစ်သည်။</p> <p>နောက်ဆုံးတွင်၊ အေ့စ်မှာ ယခုအခါ အလွန် ရည်မှန်းချက်ကြီးမားလာကြောင်း သူမ အလွယ်တကူ ပြောနိုင်ပါသည်။ သူက ညီမဖြစ်သူကို လိုက်ရှာနေရုံသက်သက် ကောင်လေးတစ်ယောက် မဟုတ်တော့ဘဲ၊ နာမည်ကြားရုံနှင့်ပင် မည်သူ့ကိုမဆို မျက်နှာပျက်သွားစေနိုင်သည့် အကြောက်ရဆုံးသော သူခိုးကြီး ဖြစ်နေလေပြီ။</p> <p>ထိုသို့ဆိုလျှင် သူ၏ ရည်မှန်းချက်များကို စတင်ရှာဖွေတွေ့ရှိကာ ကောင်းကင်ဘုံကိုပင် မျှော်မှန်းနေချိန်တွင် သူက ဘာကြောင့် ရပ်တန့်မည်နည်း။</p> <p>ယခုအခါ သူမအတွက် ရွေးချယ်စရာမှာ ဤရည်မှန်းချက်ကို သူမကိုယ်တိုင်၏ ရည်မှန်းချက်အဖြစ် လက်ခံမည်လော၊ သို့မဟုတ် အမြဲတမ်း စိုးရိမ်စိတ်များဖြင့် သူ့ကို တားဆီးနေရင်းနှင့် သူ သူမကို စိတ်ကုန်သွားအောင် လုပ်မည်လော ဟူ၍ ဖြစ်သည်။</p> <p>ရွေးချယ်မှုမှာ အလွန်ပင် ထင်ရှားလှသည်။ သူမက ဆိုးနွဲ့နေခြင်းကို ရပ်တန့်လိုက်ပြီး၊ သူမအပေါ် ချစ်ခြင်းမေတ္တာများ ပြည့်နှက်နေသော သူ၏ အပြာရောင်မျက်လုံးများကို တည့်တည့်စိုက်ကြည့်လိုက်၏။ ၎င်းမှာ သူမ၏ စိုးရိမ်ပူပန်မှုများမှာ အလကားသက်သက် ဖြစ်ကြောင်း သက်သေပင်။</p> <p>“ကောင်းပြီလေ... ဒါပေမဲ့ နင်က နောက်ထပ် မိန်းမတစ်ယောက် ထပ်ယူချင်တယ်ဆိုရင်၊ သူမက ငါ့ရဲ့ စမ်းသပ်မှုကို အရင်ခံယူရမယ်လို့ ကတိပေး..”</p> <p>သူမက ဆွဲဆောင်မှုရှိသော နှုတ်ခမ်းလွှာလေးကို ကိုက်ရင်း ပြတ်ပြတ်သားသား ပြောလိုက်သည်။</p> <p>အေ့စ်က သူမ၏ ရုတ်တရက် အပြောင်းအလဲကြောင့် အံ့အားသင့်သွားရသည်။ သူမ ဘာကြောင့် ထိုသို့ဖြစ်သွားသည်ကို သူ မသိသော်လည်း၊ သူမ ယခုအခါ သဝန်တိုမနေတော့သည်ကိုမူ သူ သိလိုက်သည်။</p> <p>“မင်း ဘာတွေ တွေးနေတာလဲ.. ငါက ဘာကြောင့် အဲဒီလို လုပ်ခဲ့ရတယ်ဆိုတာကို ရှင်းပြနေတာပါ။ မင်းလို နတ်ဆိုးမလေးတစ်ယောက် ရှိနေတာပဲ၊ ငါက ဘာလို့ နောက်ထပ် မိန်းမတစ်ယောက် ထပ်လိုချင်ရမှာလဲ..”</p> <p>တည်ကြည်နေသော်လည်း နာကျင်နေဟန်ရှိသော အီဗာ့ အမူအရာကို ကြည့်ကာ အေ့စ် ရယ်မောလိုက်သည်။</p> <p>အီဗာ ဝမ်းသာသွားသော်လည်း အလျှော့မပေးဘဲ ပြတ်သားစွာပင် ဆက်ပြောသည်။</p> <p> “ကတိပဲ ပေးလိုက်ပါ၊ ဟုတ်ပြီလား.. နင်က ငါ့အပေါ် ရိုးသားပြီး သစ္စာရှိတယ်ဆိုတာ သိပါတယ်။ ဒါပေမဲ့ နင်က တကယ့်သူခိုးတစ်ယောက်ဖြစ်ဖို့ အလေးအနက်ထားတယ်ဆိုရင်၊ တစ်နေ့မှာ တစ်စုံတစ်ယောက်ရဲ့ အဖွဲ့အစည်းထဲကို ထိုးဖောက်ဝင်ရောက်ရုံတင်မကဘဲ၊ ရန်သူ့စခန်းရဲ့ အချက်အခြာကို ရောက်ဖို့ တစ်စုံတစ်ယောက်ကို ဖြားယောင်းရတာမျိုး၊ ဒါမှမဟုတ် တစ်စုံတစ်ယောက်ရဲ့ ခင်ပွန်းအဖြစ် ဟန်ဆောင်ရတာမျိုးတွေ လုပ်ရနိုင်တယ်"</p> <p>“လွန်ခဲ့တဲ့ ၁၅ နှစ်လုံးလုံး နင် လုပ်ခဲ့သလိုမျိုးပေါ့။ ဒါက အမှန်တရားပဲဆိုတာ ငါတို့ နှစ်ယောက်လုံး သိပါတယ်။ ဒါကြောင့် အဲဒီအချိန်ကျရင် ငါ့ကြောင့်နဲ့ နင့်ကို မတွန့်ဆုတ်စေချင်ဘူး။ နင့်အတွက် လုပ်သင့်တာကို လုပ်ပါ"</p> <p>“နောက်ဆုံးတစ်ချက်ကတော့... အကယ်၍ အဲဒီ အလီနာက နင့်အပေါ် မောင်နှမသံယောဇဉ်ထက် ပိုခဲ့ရင်ကော.. နင်က သူမရဲ့ နှလုံးသားကို ခွဲရက်မှာလား၊ ဒါမှမဟုတ် သူမကပဲ နောက်ဆုတ်သွားမှာလား.. သူမနဲ့ ငါ့ ကြားထဲမှာ နင့်ကို ရွေးချယ်ခိုင်းတာမျိုး မဖြစ်စေချင်ဘူး။ပြီးတော့ အဲဒီလို အခြေအနေမျိုးထဲ ဘယ်တော့မှ မရောက်စေရဘူး"</p> <p>“ဒါကြောင့် ငါ လိုချင်တာက... အကယ်၍ တစ်နေ့မှာ နင်က တခြားအမျိုးသမီးတစ်ယောက်အပေါ် တာဝန်ယူချင်တာမျိုး၊ မိန်းမတွေ အများကြီး ထားချင်တာမျိုး ရှိလာရင် ငါ့ကို အရင်ပြောပါ။ ပြီးရင် သူမက ငါ့ရဲ့ စမ်းသပ်မှုကို ခံယူရမယ်။ ဒါက ငါ့ရဲ့ နောက်ဆုံးစည်းပဲ”</p> <p>‘အမ်းး ဒါက ဘယ်လို အခြေအနေကြီးလဲဟ.. အစကတော့ သူမကို ရှင်းပြဖို့ ပြောနေပြီးတော့၊ အခုကျတော့ ငါက တခြားသူကို လက်ထပ်ချင်နေတယ်လို့ ထင်နေရုံတင်မကဘဲ အဲဒါကိုတောင် သဘောတူနေတယ်ပေါ့..’</p> <p>အေ့စ်က အီဗာကိုကြည့်ကာ သူမ မည်မျှ အလေးအနက်ထားနေသည်ကို မြင်ပြီး ဆွံ့အသွားရသည်။</p> <p>ဤနှစ်များအတွင်း အေ့စ်ကလည်း အမျိုးသမီးများစွာနှင့် တွေ့ဆုံခဲ့ရပြီး အချို့၏ မျက်နှာသာပေးမှုကိုပင် ရရှိခဲ့သည်။ သို့သော် အီဗာ ရှိနေခြင်းကြောင့်လည်းကောင်း၊ အချိန်မရှိခြင်းကြောင့်လည်းကောင်း သူတို့အပေါ် စိတ်ဝင်စားရန် တစ်ခါမျှ မတွေးခဲ့ဖူးပေ။</p> <p>တခြားအမျိုးသမီးများမှာ ကိစ္စမရှိသော်လည်း၊ နိုအာ၏ သူ့အပေါ်ထားရှိသော ပြင်းပြသည့် သံယောဇဉ်ကို သူ သိသော်လည်း အမြဲတမ်း မသိချင်ယောင် ဆောင်ခဲ့သည်။ သို့သော် သူမအပေါ် သူ အထင်ကြီးလေးစားမိသည်မှာ အမှန်ပင်။ အကြောင်းမှာ သူမက ပထမဆုံးသော သူခိုးအိမ်တော် အဖွဲ့ဝင်ဖြစ်ပြီး၊ သူ့အတွက် အသုံးဝင်စေရန် အမြဲတမ်း သန်မာအောင် ကြိုးစားနေသူ ဖြစ်သောကြောင့်ပင်။</p> <p>ထို့ကြောင့်လည်း သူမကို တိုက်ရိုက်ရင်ဆိုင်ပြီး နာကျင်အောင် မလုပ်ချင်ဘဲ၊ သူ့ကိုယ်ပိုင်ခံစားချက်များကို မရှင်းလင်းမချင်း စောင့်ဆိုင်းနေခဲ့ခြင်း ဖြစ်နိုင်သည်။</p> <p>အီဗာ နိုးထလာပြီးနောက် သူမ၏ ရူးသွပ်ပြီး စွဲလမ်းတတ်သော စရိုက်မှာ ယခင်ကထက်ပင် ပိုမိုအားကောင်းနေသည်ကို သူ သတိပြုမိသည်။ သူမက သူ့ဘေးတွင် အခြားအမျိုးသမီးများကို ဘယ်တော့မှ လက်ခံမည်မဟုတ်ကြောင်း သူ သိထားပြီး၊ ၎င်းကိုလည်း သူ ပြဿနာမရှိဟု ထင်ခဲ့သည်။</p> <p>သို့သော် ရည်မှန်းချက် အောင်မြင်ရန်အတွက် တစ်စုံတစ်ယောက်၏ ခင်ပွန်းအဖြစ် ဟန်ဆောင်ခြင်း သို့မဟုတ် အခြားအမျိုးသမီးများကို ဖြားယောင်းခြင်းနှင့် ပတ်သက်သည့် အီဗာ၏ ကျိုးကြောင်း ဆီလျော်သည့် ရှင်းပြချက်ကို ကြားလိုက်ရသောအခါ သူ ပြန်မပြောနိုင်တော့ပေ။ ထိုကဲ့သို့သော နည်းလမ်းများကို သူ တစ်ခါမျှ ထည့်မတွေးခဲ့ဖူးသောကြောင့်ပင်။</p> <p>သို့သော် အနာဂတ်မှာကော..</p> <p>အကယ်၍ ထိုအရာများကို လုပ်ဆောင်ရန်မှတစ်ပါး အခြားရွေးချယ်စရာ မရှိတော့လျှင်ကော..</p> <p>အခြားအမျိုးသမီးများနှင့် အတူမအိပ်ချင်၍ သို့မဟုတ် မဖြားယောင်းချင်၍ ဆိုသည့် အကြောင်းပြချက်ဖြင့် မစ်ရှင်ကို လက်လွှတ်လိုက်ပြီး သူနှင့်တကွ လူတိုင်း၏ အသက်ကို အန္တရာယ်ထဲ ခုန်ဆင်းလိုက်မည်လော..</p> <p>ထိုနည်းလမ်းများကို ရှောင်လွှဲနိုင်သည့် တခြားနည်းလမ်းများစွာ ရှိနိုင်သော်လည်း၊ အလီနာနှင့် ပတ်သက်သည့် အချက်ကိုမူ သူ လျစ်လျူရှု၍ မရပေ။</p> <p>အီဗာ ပြောသကဲ့သို့ပင် အလီနာကသာ သူ့အပေါ် ညီမလေးတစ်ယောက်ထက် ပိုချင်လာခဲ့လျှင်ကော..</p> <p>သူက အရင်ကလို တုံးအမနေတော့ချေ။ သူမက ၂ နှစ်ကျော်ခန့်သာ သူ၏ ညီမ ဖြစ်ခဲ့ဖူးပြီး၊ သွေးသားတော်စပ်သည့် ညီမအရင်း မဟုတ်သည်ကို သူ သိသည်။ ၎င်းကို ငယ်ချစ်ဦးဟုပင် သတ်မှတ်၍ ရနိုင်သေးသည်။</p> <p>ထို့အပြင် အလီနာမှာလည်း သူ၏ နှလုံးသားထဲတွင် အထူးနေရာတစ်ခု ရထားသူဖြစ်ပြီး၊ ထို့ကြောင့်လည်း သူမကို မည်သို့ပင်ဖြစ်စေ ကယ်တင်ရန် သူ အားခဲထားခြင်း ဖြစ်သည်။</p> <p>သို့သော် ဤအတွေးများမှာ ခန့်မှန်းချက်များသာ ဖြစ်သည်။ သူမတွင် ထိုသို့သော ခံစားချက်မျိုး မရှိဘဲ မောင်နှမများအဖြစ်သာ ဆက်ရှိနေနိုင်သည့် အခွင့်အလမ်းလည်း ရှိနေသေးသည်။</p> <p>သို့တိုင် သူမကို ကယ်တင်ပြီးနောက် ဘာဆက်ဖြစ်မည်နည်း။</p> <p>သူမတွင် ပြည့်စုံသော ဘဝနှင့် စောင့်ကြိုနေသော မိဘများ ရှိနေချိန်၊ သူမကိုယ်တိုင်ကလည်း မဝင်ချင်ပါဘဲနှင့် သူမကို သူခိုးအိမ်တော်ထဲသို့ အတင်းအကျပ် သွင်းရမလား သို့မဟုတ် သူမကို စွန့်လွှတ်လိုက်ရမည်လားဆိုသည်မှာ အနာဂတ် ပြသနာဖြစ်ပေသည်။</p> <p> သူ့အနေဖြင့် သူမကို ကာကွယ်ရန် ပေါ်လာသည်နှင့် သူမကို သူ ဂရုစိုက်ကြောင်း ရှင်းရှင်းလင်းလင်း သိသာသွားမည်ဖြစ်သည်။ ထို့ကြောင့် ရန်သူများက သူ့ကို ဖမ်းရန် သူမကို အသုံးချခြင်းမှာ နောက်ဆုံးအကြိမ် ဖြစ်လိမ့်မည်မဟုတ်ပေ။</p> <p>သူက သူခိုးအလုပ်ကို စွန့်လွှတ်ပြီး ခရီးစဉ်ကို အဆုံးသတ်လိုက်မှသာ ထိုကိစ္စများ ပြီးဆုံးမည် ဖြစ်သော်လည်း၊ ၎င်းမှာ ပို၍ပင် မဖြစ်နိုင်တော့ပေ။</p> <p>ထို့ကြောင့် အလီနာကို ဂရုစိုက်နေသရွေ့ သို့မဟုတ် သူမကို အနားတွင် အမြဲရှိနေစေရန် မရွေးချယ်သရွေ့၊ သူမကို ကယ်တင်ရုံသက်သက်နှင့် ပြဿနာအားလုံး ပြေလည်သွားမည်မဟုတ်ပေ။</p> <p>နောက်ဆုံးအနေဖြင့် သူခိုးအိမ်တော်ထဲမှ မိန်းကလေးများပင် တစ်ချိန်ချိန်တွင် သူတို့က ဤအန္တရာယ်များသော ဘဝမှ အနားယူလိုပြီး တစ်စုံတစ်ယောက်ကို ချစ်မိသွားကာ၊ ထိုသူကို သူခိုးအိမ်တော်ထဲ ခေါ်လာလိုခြင်း သို့မဟုတ် အတူနေထိုင်လိုခြင်းမျိုး ရှိလာနိုင်သည့် အခြေနေလည်း ရှိနေသည်။</p> <p>အေ့စ်အနေဖြင့် ထိုအရာကို အပြည့်အဝ တားဆီးနိုင်သော်လည်း၊ ထိုသို့လုပ်ရန်အတွက် သူ၏ လူသားဆန်သော မူဝါဒများနှင့် ခံစားချက်များကို စွန့်လွှတ်ရမည်ဖြစ်သည်။ ၎င်းကိုမူ ယခုအချိန်တွင် သူ မလုပ်နိုင်သေးပေ။</p> <p> အကယ်၍ သူသာ ယောက်ျားပီသစွာဖြင့် တခြားသူများထက် အရင်ဦးအောင် သူတို့၏ နှလုံးသားကို ရယူထားနိုင်ပါက ဤအရာအားလုံးမှာ ပြောင်းလဲသွားနိုင်ပြီး သူ၏ဘဝကိုလည်း ဖိအားနည်းစေမည်ဖြစ်သည်။</p> <p>ထို့ကြောင့် တစ်နည်းအားဖြင့် အီဗာက သူ့အား အမျိုးသမီးများ၏ ပြဿနာအားလုံးကို တစ်ခါတည်း အမြစ်ပြတ် ရှင်းလင်းပစ်ရန် အခွင့်အရေးကြီးတစ်ခု ပေးနေခြင်းပင် ဖြစ်သည်။</p> <p>သူမက နှလုံးသား နာကျင်ခံပြီး ခွင့်ပြုပေးနေသော်လည်း၊ သူ လမ်းမှားမရောက်သွားစေရန်နှင့် ပလေးဘွိုင်း တစ်ယောက် ဖြစ်မသွားစေရန်အတွက် ကြိုးအားလုံးကို သူမ၏ လက်ထဲတွင် ဆုပ်ကိုင်ထားဆဲ ဖြစ်သည်။</p> <p>သူမက သူ့ကို စိတ်ကြိုက် ရှုပ်ပွေခွင့် ပေးထားသကဲ့သို့ ထင်ရသော်လည်း၊ အမှန်တကယ်မှာမူ သူမ၏ တည်ရှိမှုသည်သာ ထိပ်ဆုံးမှာရှိကြောင်းနှင့် ဤသို့ လမ်းဖွင့်ပေးခဲ့သည်ကို နောင်တမရအောင် လုပ်ဆောင်ရန် သတိပေးနေခြင်း ဖြစ်သည်။</p> <p>သူမ၏ စမ်းသပ်မှုကို အောင်မြင်ရန်အတွက်မူ...</p> <p>ဤနတ်ဆိုးမလေးက သူ့ဘေးတွင် သူမကဲ့သို့ အမြဲတမ်း နေထိုင်ခွင့်မပေးမီ မည်သို့သော စမ်းသပ်မှုမျိုးကို ပြုလုပ်မည်ကို မည်သူသိနိုင်မည်နည်း။</p> <p>ပါးနပ်သော နတ်ဆ်ိုးမလေးဖြစ်သည့် အီဗာဟာ အေ့စ်အနေဖြင့် သူမ၏ ကြောက်စရာကောင်းသော အမြော်အမြင်စွမ်းရည်ကို သတိမပြုမိမီမှာပင် သူမ၏ ကစားကွက်ကို ခင်းလိုက်လေပြီ။</p> <p>အနည်းဆုံးတော့ အေ့စ်၏ သူမအပေါ်ထားရှိသော အချစ်များ မလျော့ပါးစေရန် သေချာစေသည့် နေရာတွင် သူမက ကြောက်စရာကောင်းလှသည်။ နောက်ဆုံးတွင်၊ အနာဂတ်ရှိ အမျိုးသမီးများသည်လည်း အေ့စ်၏ဘေးတွင် နေရာတစ်နေရာရရန် မည်သူ့ကို မျက်နှာချိုသွေးရမည်ကို သိသွားကြပေလိမ့်မည်။</p> <p>သူ့အဖြေကို စိတ်ရှည်စွာ စောင့်ဆိုင်းနေသော အီဗာ၏ တည်ကြည်သော မျက်နှာလေးကို အေ့စ် နက်နက်ရှိုင်းရှိုင်း ကြည့်လိုက်သည်။ အကယ်၍ သူ ကတိမပေးပါက သူမ ဘယ်တော့မှ စိတ်အေးရမည်မဟုတ်သလို၊ သူကိုယ်တိုင်လည်း ထိုသို့ပင် ဖြစ်လိမ့်မည်ကို သူ သိနေသည်။</p> <p>အေ့စ်က လက်ကို လှုပ်ရှားလိုက်ပြီး သူမ၏ နတ်ဘုရားမကဲ့သို့ လှပသော မျက်နှာလေးကို ပွတ်သပ်လိုက်ပြီး ကြင်နာစွာ ပြုံးလျက် ပြောလိုက်သည်။</p> <p> “နောင်တရလိမ့်မယ်လို့ ငါ ခံစားနေရပေမဲ့... မင်း ငါ့ကို အခုလိုမျိုး ဂရုမစိုက်တော့မှာကို ပိုပြီး နောင်တရမိမှာပါ”</p> <p>သူက သူမ၏ နီမြန်းပြီး စိုပြေသော နှုတ်ခမ်းများဆီသို့ တိုးကပ်သွားစဉ်၊ အီဗာ၏ နှလုံးခုန်သံများ မြန်လာပြီး သူမ၏ မျက်လုံးများမှာလည်း  မျှော်လင့်ချက်များကြောင့် ဝေဝါးလာသည်။ သူမ၏ နှုတ်ခမ်းကို မထိမီလေးမှာပင် အေ့စ် ပြောလိုက်သည့် စကားကြောင့် သူမ၏ စိုးရိမ်မှုများအားလုံး အရည်ပျော်သွားပေတော့သည်။</p> <p>“ငါ ကတိပေးတယ်..”</p> <p>နောက်တစ်စက္ကန့်တွင် သူတို့၏ ကြင်နာမှုများ ပြန်လည် စတင်လာပြန်တော့သည်။</p> <p>အေ့စ်က သူမကို မနမ်းမီ ဆိုင်းရပ်စ်ကို အဝေးသို့ ပို့လိုက်ရန် မမေ့ခဲ့ပေ။ ထိုသို့ မတရားသဖြင့် အပို့ခံလိုက်ရပြန်သောကြောင့် စပ်စုချင်သော ငှက်ကလေးမှာ မကျေမနပ်နှင့် အော်မြည်နေလေတော့သည်။</p> <p> </p> <p> </p> <p style="text-align:center">***</p>


Save