Book List

<h2 style="text-align:center">Chapter -654  </h2> <h2 style="text-align:center">အခြားထွက်ပေါက်တစ်ခု</h2> <h2 style="text-align:center">*</h2> <p> </p> <p> </p> <p>အီဗာက လက်ရှိအခြေအနေကို ရှင်းပြပြီးနောက် အေ့စ်က လေးနက်သော မျက်နှာပေးဖြင့် အချက်အလက်များကို စတင်ဆက်စပ်ကြည့်လေသည်။</p> <p>'ငါ အဲဒီ မြေအောက်က နေရာ ကူးပြောင်းခြင်း ဖွဲ့စည်းမှုထဲကနေ ဒီနေရာကို စဝင်တုန်းက၊ အဲဒီ ဖွဲ့စည်းမှုကို အသက်သွင်းဖို့အတွက် အဆင့်-၈ ဟင်းလင်းပြင် ပုံဆောင်ခဲ ၃ တုံးနဲ့ သက်ဆိုင်ရာ ကူးပြောင်းခြင်းလမ်းကြောင်းဖွင့် သော့ တစ်ခု လိုအပ်တယ်လို့ စနစ်က ငါ့ကို ပြောခဲ့တယ်..'</p> <p>'ဒါပေမဲ့ အဲဒါတွေကို ငါစုဆောင်းနိုင်ခဲ့ရင်တောင်၊ ဖွဲ့စည်းမှုရဲ့ တစ်ဖက်ခြမ်းက ပျက်စီးသွားတာ ကြာပြီဖြစ်ဖို့ အခွင့်အလမ်း ရှိနေသေးတယ်'</p> <p>'ဒါပေမဲ့ အခုကြည့်ရတာတော့ ဒီမျှော်စင်ဟာ နောက်ထပ် နေရာ ကူးပြောင်းခြင်း ဖွဲ့စည်းမှု တစ်ခုရဲ့ အပေါ်မှာ တည်ရှိနေပုံရပြီး၊ နတ်သူငယ် တိုက်ကြီးနဲ့ ချိတ်ဆက်ထားတဲ့ လမ်းကြောင်းဖွင့်သော့လည်း ရှိနေနိုင်တယ်'</p> <p>'အဲဒီမြေအောက်လမ်းက ငါ့ကို ဒီမျှော်စင်ဆီ ခေါ်ဆောင်လာခဲ့တာဆိုရင်လည်း ငါအံ့ဩမှာမဟုတ်ဘူး၊ အဲဒီတုန်းက ငါအန္တရာယ်အငွေ့အသက် ခံစားခဲ့ရတာ အဲဒါကြောင့်ပဲ ဖြစ်မယ်'</p> <p>သူ ပိုတွေးလေလေ၊ ထိုအချက်မှာ ဖြစ်နိုင်ခြေ ပိုများလေလေဟု ယုံကြည်လာသည်။</p> <p>အေ့စ်က သက်ပြင်းချရင်း မဲ့ပြုံးဖြင့် ပြောလိုက်သည်။</p> <p>"ငါတို့သာ ဒီမျှော်စင်ကို အသုံးပြုပြီး ကူးပြောင်းသွားမယ်ဆိုရင် နတ်သူငယ်မျိုးနွယ်ရဲ့ အစွမ်းအထက်ဆုံး ပုဂ္ဂိုလ်ကြီး ၃ ယောက်ကိုပါ တစ်ပါတည်း ခေါ်သွားသလို ဖြစ်လိမ့်မယ်၊ သူတို့ကတော့ ဘာမှမလုပ်ဘဲ ငြိမ်နေကြမှာ မဟုတ်ဘူး"</p> <p>"ဒီနတ်သူငယ်တွေကို ဒီမှာတင် ထားခဲ့နိုင်ရင် သူတို့မျိုးနွယ်ရဲ့ အင်အားကို ချည့်နဲ့သွားစေမယ်လို့ ငါထင်ခဲ့တာ။ အဲဒါဆို နတ်သူငယ်တိုက်ကြီးကလည်း ရုတ်ရုတ်သဲသဲ ဖြစ်သွားပြီး ငါလည်း လွတ်လွတ်လပ်လပ် လှုပ်ရှားနိုင်မှာ။ ဒါပေမဲ့ အခုတော့ နိယာမ သိမြင်ခြင်း နယ်ပယ် ကျင့်ကြံသူ ၃ ယောက်ရဲ့ အာရုံစိုက်မှုကို မခံရဘဲ ဘယ်လိုထွက်ပြေးရမလဲဆိုတာ ငါရှာရတော့မယ်"</p> <p>အီဗာကလည်း ခေါင်းငြိမ့်ထောက်ခံသည်၊ သူမလည်း ထိုအတိုင်းပင် အရင်က တွေးထားသောကြောင့်ဖြစ်သည်။ သို့သော် ယခုတွင် ရွေးချယ်စရာမရှိတော့သဖြင့် တိုက်ကြီးသို့ ရောက်ရှိသွားပါက အေ့စ်အနေဖြင့် အလွန်အမင်း သတိထားရမည်ဖြစ်သည်။</p> <p> သူက သူစိမ်းမျိုးနွယ်နယ်မြေ၏ အသည်းနှလုံး နေရာသို့ ရောက်သွားမည်ဖြစ်ရာ သတိပြုမိသွားပါက သူ့အတွက် ကောင်းကျိုးရှိမည်မဟုတ်ပေ။</p> <p>"ရှင် ယုံကြည်ချက်ရှိရဲ့လား.."</p> <p>သူမက အေ့စ်ကို စေ့စေ့ကြည့်ကာ တည်ကြည်စွာ မေးလိုက်သည်။</p> <p>အေ့စ်က ချက်ချင်း ပြန်မဖြေဘဲ အခြားအရာတစ်ခုကို စဉ်းစားနေမိသည်။</p> <p> 'စနစ်က ပြောတာတော့ ဒီဟင်းလင်းပြင်ရဲ့ ဗဟိုချက်မှာရှိမယ့် လွတ်လပ်သော ဟင်းလင်းပြင် အမြုတေကို ရှာကြည့်လို့ရတယ်တဲ့။ ငါသာ အဲဒီအမြုတေကို ဖျက်ဆီးနိုင်ရင် ဒီဟင်းလင်းပြင်ဟာ အမြုတေမရှိတော့တာနဲ့ သေမျိုး ကောင်းကင်ဘုံထဲကို ပေါင်းစည်းသွားလိမ့်မယ်..'</p> <p>'ငါ့ရဲ့ ဘေးထွက်မစ်ရှင်ရဲ့ ဆုလာဘ်ကလည်း ဒီအမြုတေနဲ့ ဆက်စပ်နေတယ်။ ငါ အလျင်လိုနေတာကြောင့် အဲဒါကို လက်လျှော့ဖို့ စဉ်းစားထားတာ။ ဒါပေမဲ့ အခုအခြေအနေက မကောင်းဘူး။ ဒီမျှော်စင် ပျက်စီးသွားရင် မျှော်စင်ထဲက အဲဒီ ၃ ယောက်ကို သတိပေးလိုက်သလို ဖြစ်သွားမယ်'</p> <p>'ဒါပေမဲ့ ငါသာ ဟင်းလင်းပြင် အမြုတေကို ရှာတွေ့ခဲ့ရင်၊ ဒီဟင်းလင်းပြင်ဟာ နတ်သူငယ်တိုက်ကြီးရဲ့ အသည်းနှလုံးနေရာ မဟုတ်တဲ့ တစ်နေရာရာမှာ သွားပြီး ပေါင်းစည်းသွားနိုင်တယ်'</p> <p>အေ့စ် မျက်လုံးများ တောက်ပလာပြီး အီဗာ့ကို ကြည့်ကာ တည်တည်တံ့တံ့ ပြောလိုက်သည်။</p> <p> "ငါတို့ ကူးပြောင်းစရာ မလိုဘဲ အန္တရာယ်ရှိတဲ့ အခြေအနေကနေ ရှောင်ထွက်သွားနိုင်မယ်လို့ ငါထင်တယ်"</p> <p>အီဗာက မမျှော်လင့်ထားသော အဖြေကြောင့် အံ့အားသင့်သွားသည်။</p> <p> "ဘယ်လိုလဲ"</p> <p>အေ့စ်က ဘာမှမဖုံးကွယ်ဘဲ လွတ်လပ်သော ဟင်းလင်းပြင် အမြုတေ အကြောင်းကို ပြောပြလိုက်သည်။ အေ့စ်၏ အစီအစဉ်ကို ကြားသောအခါ အီဗာ့ မျက်လုံးများ ဝင်းလက်သွားသည်။</p> <p>"ရှင့်စကားအတိုင်းဆိုရင် ငါတို့ သူတို့အင်အားစုတွေနဲ့ ရင်ဆိုင်ရမှာကို ရှောင်နိုင်ရုံတင်မကဘူး၊ နောက်ထပ် ခြေတစ်လှမ်းတောင် ပိုလှမ်းနိုင်သေးတယ်"</p> <p>အီဗာကလည်း ကောက်ကျစ်စွာ ပြုံးလိုက်သည်။</p> <p>ယခုတစ်ကြိမ်တွင် အေ့စ်က အံ့အားသင့်သွားရသူ ဖြစ်သည်။</p> <p> "မင်း ဘာထပ်ဖြည့်ချင်လို့လဲ"</p> <p> </p> <p> "ရှင်သာ အဲဒီ ဟင်းလင်းပြင် အမြုတေကို ရှာတွေ့သွားရင် ဒီမျှော်စင်ကို မလိုတော့ဘူး မဟုတ်လား"</p> <p>"ဟုတ်နိုင်တာပေါ့"</p> <p>အေ့စ် ခေါင်းငြိမ့်လိုက်သည်။</p> <p>"အဲဒါဆိုရင် ဒီဖွဲ့စည်းမှုကို အသက်သွင်းပြီး မျှော်စင်ကိုပဲ ကူးပြောင်းပို့ဆောင်လိုက်ရင်ကော.."</p> <p>အီဗာက အဓိပ္ပာယ်ပါပါ ပြုံးပြသည်။</p> <p>အေ့စ်က သူမဆိုလိုရင်းကို ချက်ချင်းနားလည်သွားပြီး လျှာသပ်လိုက်၏။</p> <p> "ဒီနည်းနဲ့ဆို အဲဒီနတ်သူငယ်တွေ ပြန်ရောက်သွားမယ်၊ ပြီးတော့ သူတို့ရဲ့ မြင့်မြတ် မျှော်စင် ပြိုလဲတာကိုလည်း သူတို့ကိုယ်တိုင် တွေ့ကြရလိမ့်မယ်။ အဲဒီအခါ ငါ နတ်သူငယ်တိုက်ကြီးထဲ ရောက်သွားရင်တောင် အထက်ပိုင်းကလူတွေဟာ မြင့်မြတ် မျှော်စင်ကြောင့် ထိတ်လန့်တုန်လှုပ်နေကြမှာဆိုတော့ ငါ လွတ်လွတ်လပ်လပ် သွားလာနိုင်မှာပဲ"</p> <p>"ဟဲဟဲ၊ မဆိုးဘူးပဲ"</p> <p> ဒီအစီအစဉ်ကို အကောင်အထည်ဖော်ရင် နတ်သူငယ်တွေ ဘယ်လောက်တောင် ရူးသွပ်မတတ် ဖြစ်သွားမလဲလို့ အီဗာ တွေးမိကာ အလွန်အမင်း သဘောကျပြီး ရယ်မောလိုက်သည်။</p> <p>"မင်းကိုယ်တိုင်လည်း မဆိုးပါဘူး"</p> <p>အေ့စ်လည်း ရယ်မောလိုက်သည်။ အီဗာက ယနေ့အထိ သူ့ကို ရှာတွေ့နိုင်သည့် တစ်ဦးတည်းသော ထက်မြက်သည့် မိန်းကလေးဖြစ်ကြောင်း သူ ဝန်ခံရပေမည်။</p> <p>ထို့နောက် အေ့စ်က လေးနက်စွာ ပြောလိုက်သည်။</p> <p> "အခု ငါတို့ အဲဒီ ဟင်းလင်းပြင် အမြုတေကို ရှာရမယ်၊ အဲဒါက ဒီလျှို့ဝှက်ဟင်းလင်းပြင်ရဲ့ အလယ်ဗဟိုမှာ ရှိနေသင့်ပြီး ဘယ်နေရာမှာမဆို ဝှက်ထားနိုင်တယ်"</p> <p>အီဗာက သူမ မပြောပြရသေးသော အချက်ကို ဖော်ပြခြင်းမပြုမီ ရွှင်မြူးစွာ ပြုံးလိုက်သည်။</p> <p> "ဒီမျှော်စင်က ဘယ်နေရာမှာ ရှိနေတယ်လို့ နင်ထင်လဲ"</p> <p>အေ့စ်က အီဗာ့ အပြုံးကိုကြည့်ကာ မျက်လုံးပြူးသွားသည်။</p> <p> "မင်း ပြောချင်တာက..."</p> <p>အီဗာက ခေါင်းငြိမ့်သည်။</p> <p> "ဒါက ဒီဟင်းလင်းပြင်ရဲ့ အလယ်ဗဟို အတိအကျပဲ။ ပြီးတော့ စိတ်ဝင်စားစရာ တစ်ခု ပြောပြမယ်၊ ဖွဲ့စည်းမှုရဲ့ အောက်တည့်တည့်မှာ ထူးဆန်းတဲ့ အခေါင်းပေါက် နေရာတစ်ခု ရှိနေပြီးတော့ အဲဒီကနေ ချီ စွမ်းအင် အမြောက်အမြားဟာ မျှော်စင်ရဲ့ အထပ်တွေဆီကို စီးဝင်နေတယ်"</p> <p>"ဪ... အဲဒါကြောင့် ချီစွမ်းအင်တွေ အကုန်လုံး အဲဒီကို ရောက်နေတာကိုး"</p> <p>အေ့စ်က ရေရွတ်လိုက်သည်။</p> <p> "နင်သာ ဟင်းလင်းပြင် အမြုတေ အကြောင်း မပြောရင် ဒီဖြစ်ရပ်ကို ငါ သတိထားမိမှာ မဟုတ်ဘူး။ အဲဒီ အမြုတေက ဖွဲ့စည်းမှုရဲ့ အောက်မှာ ရှိနေဖို့ များတယ်၊ ဒီချီစွမ်းအင်တွေကလည်း အဲဒီကနေ လာတာ ဖြစ်နိုင်သလို ဒါမှမဟုတ် အဲဒီမှာ ချီကျောက်တုံး သတ္တုကြောကြီး ရှိနေတာလည်း ဖြစ်နိုင်တယ်"</p> <p>"ဒါပေမဲ့ ဝိညာဉ် ပုံဆောင်ခဲ သတ္တုကြော နဲ့ ချီကျောက်တုံး သတ္တုကြော နှစ်ခုလုံး တစ်နေရာတည်းမှာ ရှိနေဖို့ကတော့ မဖြစ်နိုင်သလောက်ပဲ။ ဒါကြောင့် နင်ရှာနေတာက အဲဒီမှာပဲ ရှိမှာ"</p> <p>ကွဲပြားခြားနားသော သတ္တုကြောနှစ်ခု အတူတူမရှိနိုင်ခြင်းအပေါ် သူမ၏အမြင် မှန်ကန်ကြောင်း အေ့စ် သိသည်။ ထို့ကြောင့် သူက မျှော်လင့်တကြီးဖြင့် မေးလိုက်သည်။</p> <p> "ငါတို့ကို အဲဒီကို ခေါ်သွားပေးနိုင်မလား"</p> <p>သူခိုးနေရာကို ထိုအမြုတေဖြင့် အဆင့်မြှင့်နိုင်မည်ဖြစ်သောကြောင့် သူက အမြုတေကို ရရှိရန် အလွန် စိတ်အားထက်သန်နေပြီဖြစ်သည်။</p> <p>အီဗာက နှုတ်ခမ်း စူလိုက်သည်။</p> <p> "ရှင်က ထွက်သွားဖို့ တော်တော် အလျင်လိုနေတာပဲနော်"</p> <p> "ငါ့ဇနီးနဲ့အတူ ရတနာရှာဖို့ အလျင်လိုနေတာပါ"</p> <p>အေ့စ်က ခပ်တည်တည် ပြန်ပြောလိုက်သည်။</p> <p> "ယုံလိုက်ပါ့မယ် ဟွန့်.."</p> <p>အီဗာက အထင်သေးသလို မျက်စောင်းထိုးလိုက်သည်။</p> <p>သို့သော် သူမက ကြမ်းပြင်ကို အာရုံစိုက်လိုက်ရာ ခဏအကြာတွင် ကြမ်းပြင်သည် ဘေးသို့ပွင့်သွားပြီး နက်မှောင်သော လှေကားရှည်ကြီး ပေါ်လာသည်။</p> <p>"ဒီလှေကားကနေ မျှော်စင်ရဲ့ အောက်ဆုံးထပ် ထွက်ပေါက်အထိ သွားလို့ရတယ်"</p> <p>အေ့စ်က ကျေနပ်စွာ ပြုံးလိုက်၏။</p> <p> "ဒါဆို သွားကြစို့၊ မမလေး.."</p> <p>သူတို့နှစ်ဦး လက်ချင်းတွဲကာ လှေကားရှည်ကြီးအတိုင်း စတင်ဆင်းသက်သွားကြတော့သည်။</p> <p>အေ့စ်က လျှို့ဝှက်နယ်မြေမှ ထွက်ပေါက်ကို ရှာဖွေနေစဉ်..</p> <p>အဆုံးမဲ့ ပင်လယ်ပြင် တစ်နေရာတွင်</p> <p>ကြည်လင်သော ကာကွယ်ရေး အလွှာတစ်ခု ဖုံးအုပ်ထားသည့် မှောင်မည်းသော ရွက်လှေတစ်စင်းသည် ရှုပ်ထွေးလှသော ရေလှိုင်းများကို ဖြတ်ကျော်ကာ အရှိန်အဟုန်ဖြင့် ခုတ်မောင်းနေသည်။</p> <p>ရွက်တိုင်ပေါ်တွင် ကျော့ရှင်းသော ပုံရိပ်တစ်ခုဟာ လှုပ်ခါမှုများ၏ သက်ရောက်မှုကို မခံရဘဲ ရပ်နေသည်။</p> <p>သူမက အနက်ရောင် ရှေးဟောင်းအကြွင်းအကျန်များဖြင့် တောက်ပနေသော ကြေးဝါ အစီရင်ပြားကို ကြည့်နေသည်။</p> <p>အစီရင်ပြားပေါ်ရှိ ထူးဆန်းသော အပ်ချောင်းတစ်ခုမှာ လမ်းကြောင်းတစ်ခုတည်းကိုသာ ညွှန်ပြနေပြီး ရွက်လှေသည်လည်း ထိုလမ်းကြောင်းအတိုင်း ဦးတည်နေခြင်းဖြစ်သည်။</p> <p>သူမ၏ ဝမ်းသာအားရဖြစ်နေသော သာယာသောအသံလေး ထွက်ပေါ်လာသည်။</p> <p> "တခြားငတုံးတွေက ပင်မဝင်ပေါက် ပွင့်လာမှာကို စောင့်နေကြတုန်း၊ ငါကတော့ လျှို့ဝှက်ဝင်ပေါက်နားကို ရောက်တော့မယ်။ သူတို့ ဝင်လာတဲ့အချိန်ကျရင် ငါက အဲဒီ ဝိညာဉ်မီးလျှံကို ယူပြီးတော့ မုန်းဖို့ကောင်းတဲ့ သူခိုးကို လိုက်လံရှာဖွေတဲ့အဖွဲ့ထဲမှာ ပါနေလောက်ပြီ"</p> <p>အဆုံးတွင်တော့ သူမ၏ သာယာသော အသံ၌ သွေးဆာနေသည့် အငွေ့အသက်များသာ ကျန်ရှိတော့သည်။</p> <p> </p> <p> </p> <p style="text-align:center">***</p>


Save