Book List

<h2 style="text-align: center;">Chapter -656</h2> <h2 style="text-align: center;"> မမျှော်လင့်ဘဲ ရရှိလိုက်သော ကောင်းချီး</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ဆိုင်းရပ်စ်၏ သတိပေးမှုကို ကြားလိုက်ရချိန်တွင် အေ့စ်၏ မျက်နှာအမူအရာမှာ တည်ကြည်လေးနက်သွားသည်။</p> <p> "ဒီနေရာက ချီတွေ အရမ်းသိပ်သည်းနေတာကို မင်းသတိထားမိလား"</p> <p>အီဗာက ခေါင်းညိတ်ပြသည်။</p> <p> "ဟုတ်တယ်၊ အတွင်းထဲကို ပိုဝင်လေလေ ချီတွေက ပိုသိပ်သည်းလာလေပဲ။ ငါတို့ နေရာမှန်ကို ရောက်နေပြီထင်တယ်။ ဒါက သာမန်သတ္တုကြောတစ်ခုလည်း မဟုတ်ဘူး"</p> <p>"ကောင်းပြီ၊ ငါတို့ ဘယ်နေရာ ရောက်နေလဲဆိုတာ ကြည့်ရအောင်"</p> <p>အေ့စ် မျက်လုံးများ စူးရှသွားပြီး ရှေ့ကနံရံကို ဓားအလင်းတန်းဖြင့် တိုက်ခိုက်ကာ ဖြိုချလိုက်သည်။</p> <p> ကံကြမ္မာမြေပုံကို ကြည့်ရှုပြီးဖြစ်ရာ မြေပုံမှာ မီးခိုးရောင်သာ ဖြစ်နေသဖြင့် ဤနေရာသည် ဘေးကင်းသည်ဟု ဆိုလိုခြင်းဖြစ်သည်။</p> <p>နံရံပြိုကျသွားသည်နှင့် တစ်ပြိုင်နက် ချီများပြည့်နှက်နေသော မြူတိမ်တိုက်ကြီးက လမ်းကြောင်းထဲသို့ တိုးဝင်လာသည်။</p> <p>"အရမ်းလန်းဆန်းသွားတာပဲ.."</p> <p> ဆိုင်းရပ်စ်က ပျော်ရွှင်စွာ အော်ဟစ်လိုက်သည်။</p> <p>အေ့စ်ပင်လျှင် သိပ်သည်းလွန်းလှသော ချီများကြောင့် အံ့အားသင့်သွားပြီး ထိုအချိန်တွင် စနစ် အသံက မြည်လာသည်။</p> <p>[ပိုင်ရှင်သည် ၂ SP ကို စုပ်ယူပြီးပါပြီ]</p> <p>[ပိုင်ရှင်သည် ၄ EXP ကို စုပ်ယူပြီးပါပြီ]</p> <p>[၁ SP ကို စုပ်ယူပြီးပါပြီ]</p> <p>[၃ EXP ကို စုပ်ယူပြီးပါပြီ]</p> <p>[၅ SP ကို စုပ်ယူပြီးပါပြီ]</p> <p>[၂ EXP ကို စုပ်ယူပြီးပါပြီ]</p> <p>[၃ SP ကို စုပ်ယူပြီးပါပြီ]</p> <p>...</p> <p>'ဝိညာဉ်ကျောက်တုံးရင်းမြစ်ကို ငါစတွေ့တုန်းကလိုပဲ၊ ဒါပေမဲ့ ချီစုပ်ယူမှုက အဲ့ဒီတုန်းကထက်တောင် ပိုပြီးတော့ အံ့သြဖို့ကောင်းနေတယ်'</p> <p> အေ့စ်က စိတ်လှုပ်ရှားစွာ တွေးတောရင်း ရှေ့သို့ လှမ်းလိုက်သည်။</p> <p>ဤနေရာတွင် ချီစုပ်ယူမှုနှုန်း မြင့်မားနေသဖြင့် ချီသိပ်သည်းဆမှာလည်း အလွန်မြင့်မားမည်ဖြစ်ကြောင်း သူသိရှိလိုက်သည်။ ဤနေရာသည် မည်သည့်နေရာပင်ဖြစ်စေ ၎င်းကိုယ်တိုင်က ရတနာတစ်ခုပင် ဖြစ်သည်။</p> <p>အီဗာသည်လည်း တောက်ပနေသော မျက်ဝန်းများဖြင့် နောက်မှကပ်လိုက်လာသည်။ ဤမျှသိပ်သည်းသော ချီပမာဏနှင့် ထိတွေ့ရခြင်းမှာ သူမအတွက် ပထမဆုံးအကြိမ်ပင် ဖြစ်သည်။</p> <p>အေ့စ် ဖွင့်လိုက်သော နံရံကို ကျော်ဖြတ်လိုက်သည်နှင့် ထူးဆန်းသော မြင်ကွင်းတစ်ခုက သူတို့ကို ကြိုဆိုနေသည်။ တစ်နေရာလုံး ဖြူဖွေးသော ချီမြူများဖြင့် ပြည့်နှက်နေသော်လည်း ရှေ့ဘက် အဝေး တစ်နေရာရှိ နက်မှောင်သော အရောင်အဝါတစ်ခုကို ဤနေရာ၏ အလယ်ဗဟိုတစ်ခုအဖြစ် သူတို့ ရှင်းလင်းစွာ မြင်နေရသည်။</p> <p>ထိုဗဟို၏ အထက် မီတာအနည်းငယ်ခန့်တွင် ၅၀ မီတာခန့် ကျယ်ဝန်းသော လေဟာနယ်ဟင်းလင်းပြင်တစ်ခုရှိနေပြီး မြူများမှာ ထိုဟင်းလင်းပြင်ထဲသို့ ကြောက်မက်ဖွယ်ကောင်းသော အရှိန်ဖြင့် စုပ်ယူခြင်းခံနေရသည်။</p> <p>"ငါတို့ရဲ့ ပစ်မှတ်ကို ရှာတွေ့ပြီထင်တယ်"</p> <p>အေ့စ် မျက်လုံးများက ထိုအနက်ရောင်အလယ်ဗဟိုနှင့် လေဟာနယ်ကို ကြည့်ရင်း အေးစက်သွားသည်။</p> <p>ထိုလေဟာနယ်မှာ တော်ဝင်နတ်ဆိုး မျှော်စင်၏ လက်ချက်ဖြစ်သည်မှာ ထင်ရှားသည်။ သို့သော် အံ့သြစရာအကောင်းဆုံးမှာ ချီများမှာ ကုန်ဆုံးသွားခြင်းမရှိဘဲ အဆုံးမရှိ ထွက်ပေါ်နေသကဲ့သို့ ဖြစ်နေခြင်းပင်။</p> <p>"စနစ်၊ ဒါက လွတ်လပ်သော ဟင်းလင်းပြင် အမြုတေလား"</p> <p> အေ့စ်က သေချာစေရန် စနစ်ကို မေးမြန်းလိုက်သည်။</p> <p>"အတည်ပြုပါသည်။ ပိုင်ရှင့်အနေဖြင့် ၎င်း၏ ၁၀ မီတာအတွင်း ရောက်ရှိသည်နှင့် စနစ်က ဆက်လက်ဆောင်ရွက်သွားမည်ဖြစ်သည်"</p> <p>စနစ်၏ အဖြေကို ကြားရသောအခါ အေ့စ်က မျက်ခုံးပင့်လိုက်သည်။ ထိုအရာကို သူကိုယ်တိုင် သိမ်းဆည်းရမည်ဟု ထင်ထားသော်လည်း စနစ်က ကိုယ်တိုင်လုပ်ဆောင်ပေးမည် ဖြစ်သောကြောင့် ကံကောင်းသည်ဟု ဆိုရမည်။ ဤနည်းလမ်းက ပို၍ ဘေးကင်းပေသည်။</p> <p>"မင်း အဲ့ဒီမျှော်စင်ကို အဝေးပို့လိုက်လို့ရပြီ၊ ငါ အဲ့ဒီအရာကို ရှင်းလိုက်မယ်"</p> <p>အေ့စ်က အီဗာကို တွေဝေခြင်းမရှိဘဲ ပြောလိုက်သည်။</p> <p>အီဗာ ခဏမျှ ကြောင်သွားသော်လည်း အေ့စ်က နောက်ပြောင်နေခြင်းမဟုတ်ဘဲ ယုံကြည်မှုရှိနေသည်ကို ခံစားမိသည်။</p> <p>"ကောင်းပြီ၊ ဂရုစိုက်နော်"</p> <p>သူမက တိုးတိုးလေး သတိပေးပြီးနောက် တယ်လီပို့ခြင်းကို စတင်ရန် မျက်လုံးများကို မှိတ်လိုက်သည်။</p> <p>အေ့စ်က ပြုံးလိုက်ပြီး အနက်ရောင်အလယ်ဗဟိုတစ်ဖြစ်လဲ အမြုတေဆီသို့ လျှောက်သွားသည်။ မမျှော်လင့်သော ထောင်ချောက်များ ရှိမရှိ သိနိုင်ရန် ကံကြမ္မာမြေပုံကိုလည်း အဆက်မပြက် ဖွင့်ထားဆဲဖြစ်၏။</p> <p>သို့သော် သူ စိုးရိမ်ခဲ့ခြင်းသာ ဖြစ်ပြီး မည်သည့်အတားအဆီးမှမရှိဘဲ ၁၀ မီတာအကွာအဝေးသို့ ရောက်ရှိသွားသည်။ ထိုနေရာတွင် ချီစုပ်ယူမှုနှုန်းမှာ တစ်ကြိမ်လျှင် အနည်းဆုံး ၂၀ SP နှင့် ၂၀ EXP ခန့်ရှိနေပြီး သူ၏ SP နှင့် EXP များမှာ အံ့သြဖွယ်ကောင်းလောက်အောင် မြန်မြန်ဆန်ဆန် တိုးလာနေသည်။</p> <p>သို့တိုင် သန်း ၁၅၀ ပြည့်ရန်မှာ ဝေးနေသေးသည်။</p> <p>သူက စနစ်ကို ဘာဆက်လုပ်ရမလဲဟု မေးရန် ပြင်နေစဉ်မှာပင် အလိုအလျောက် အသိပေးချက်တစ်ခု တက်လာသည်။</p> <p>[ပိုင်ရှင်သည် အနိမ့်ဆုံးအဆင့်ရှိ လွတ်လပ်သော ဟင်းလင်းပြင် အမြုတေ တစ်ခုကို ရှာဖွေတွေ့ရှိခဲ့သည်]</p> <p>[ကျေးဇူးပြု၍ ရွေးချယ်မှုတစ်ခုကို ရွေးပါ]</p> <p>၁။ ၎င်းကို သိမ်းဆည်းလိုပါသလား</p> <p>၂။ ၎င်းကို စုပ်ယူပြီး သူခိုးနေရာ ဟင်းလင်းပြင်ကို ၁,၀၀၀ ကုဗမီတာ + လူသားပုံစံ သိုလှောင်နိုင်စွမ်း ၅ ယောက်အထိ အဆင့်မြှင့်တင်လိုပါသလား..</p> <p>'ငါ ဒါကို သိမ်းထားလို့တောင် ရတာလား..'</p> <p>အေ့စ် နှုတ်ခမ်းများ တွန့်ချိုးသွားကာ ပြုံးလိုက်မိသည်။</p> <p>'ဒီအဆင့်မြှင့်တင်မှုအတွက် အဆင့်-၈ သိုလှောင်မှုလက်စွပ် ၁၀၀ နဲ့ သူခိုးမှတ် သန်း ၅၀ လိုအပ်တာ။ ဒီ ဟင်းလင်းပြင် အမြုတေကို တခြားဘယ်နေရာမှာ သုံးရမလဲဆိုတာလည်း ငါမသိဘူး၊ စနစ်ကလည်း ငါ့ကို မပြောဘူး။ သူခိုးနေရာက ငါ့အတွက် ဘာထက်မဆို ပိုအကျိုးရှိမယ်ဆိုတာ သေချာတယ်...'</p> <p>သူက ချက်ချင်းပင် ဆုံးဖြတ်ချက်ချလိုက်သည်။</p> <p>"ဒုတိယရွေးချယ်မှုကို ငါရွေးတယ်။ သူခိုးနေရာကို အဆင့်မြှင့်လိုက်တော့"</p> <p>အဆင့်-၈ သိုလှောင်လက်စွပ် တစ်ကွင်းရဖို့တောင် မဖြစ်နိုင်သလောက် ခက်ခဲရာ အကွင်း ၁၀၀ စုဆောင်းရန်မှာ ပို၍ပင် မဖြစ်နိုင်ပေ။ အစွမ်းအထက်ဆုံး ပညာရှင်ကြီးများ၌ပင် တစ်ကွင်းရှိရန် မလွယ်ကူပေ။ ထို့ကြောင့် အခွင့်အရေးရခိုက်တွင် သူခိုးနေရာကို အဆင့်မြှင့်လိုက်ခြင်းက ပိုကောင်းသည်။</p> <p>ဤအဆင့်မြှင့်တင်မှုပြီးလျှင် နောက်ဆုံးအဆင့်မြှင့်တင်မှုတစ်ခုသာ ကျန်တော့မည်ဖြစ်ပြီး ၎င်းအတွက် အဆင့်-၉ သိုလှောင်ရတနာနှင့် အဆင့်-၉ အချိန်အမျိုးအစားရတနာတို့ လိုအပ်သည်။ ယခုလောလောဆယ်တွင် ထိုအရာများကို ရရှိရန်မှာ မဖြစ်နိုင်သေးပေ။</p> <p>အေ့စ် ရွေးချယ်လိုက်သည်နှင့် သူ၏ ရှေ့ ၁၀ မီတာအကွာရှိ အနက်ရောင်အမြုတေမှာ ရုတ်တရက် တုန်ခါသွားပြီးနောက် ချက်ချင်းပင် ပျောက်ကွယ်သွားရာ အေ့စ်မှာ မှင်တက်သွားရသည်။</p> <p>'ဒီလောက်တောင် မြန်တယ်လား..'</p> <p>စနစ်၏ ထိရောက်မှုကို သူ အံ့သြသွားသည်။ စနစ်က ဟင်းလင်းပြင် အမြုတေအား မည်သို့ယူလိုက်သည်ကိုပင် မမြင်လိုက်ရပေ။</p> <p>တစ်ခုခုကို ခံစားလိုက်ရသဖြင့် သူ သတိပြန်ဝင်လာပြီး သူခိုးနေရာကို အမြန်စစ်ဆေးလိုက်သည်။</p> <p>ထိုအချိန်တွင် သူခိုးနေရာမှာ ကြောက်မက်ဖွယ်ကောင်းသော အရှိန်ဖြင့် စတင်ကျယ်ပြန့်လာပြီး ထောင့်လေးထောင့်ရှိ သိုလှောင်လက်စွပ်များမှာ နေရာလွတ်၏ အလယ်ဗဟိုတွင် အစုအပုံလိုက် ဝိုင်းရံလျက် ရှိနေကြသည်။</p> <p>မကြာမီတွင် သူခိုးနေရာ၏ အရွယ်အစားမှာ နှစ်ဆဖြစ်သွားပြီး သူခိုးအိမ်တော် အဖွဲ့ဝင်များ၏ နေရာများလည်း ကျယ်ပြန့်လာသဖြင့် အမျိုးသမီးနှစ်ဦးမှာ အံ့အားသင့်သွားကြသည်။</p> <p>အဆင့်မြှင့်တင်မှုပြီးဆုံးသွားသောအခါ စနစ်၏ အသံ ထပ်မံထွက်ပေါ်လာသည်။</p> <p>[သက်ရှိ သူခိုးနေရာကို အဆင့်မြှင့်တင်ပြီးပါပြီ]</p> <p>[သက်ရှိ သူခိုးနေရာ အခြေအနေ]</p> <p>သိုလှောင်မှုပမာဏ - ၁,၀၀၀ ကုဗမီတာ</p> <p>သက်ရှိနေထိုင်နိုင်မှုပမာဏ -</p> <p>၁။ လူသားပုံစံ ၉ ဦး (လူသား၊ နတ်ဆိုး၊ မုဆိုး စသည်ဖြင့်)</p> <p>၂။ လူသားမဟုတ်သော သက်ရှိ ၉၉,၉၉၉ ခု (သားရဲများ၊ ဆေးဖက်ဝင်အပင်များ၊ သဘာဝရတနာများ စသည်ဖြင့်)</p> <p>အေ့စ်ဟာ အဆင့်မြှင့်တင်မှုအသစ်အတွက် ကျေနပ်စွာ ပြုံးလိုက်ပြီး နိုအာ နှင့် ဖရီယာတို့ကို အခြေအနေအကျဉ်းချုပ် ပြောပြပြီးနောက် အပြင်ဘက်သို့ ပြန်လည်အာရုံစိုက်လိုက်သည်။</p> <p>ဒါ့ပြင် စနစ်ထံမှ မပြီးသေးဘဲ နောက်ထပ် အသိပေးချက်တစ်ခု ထပ်မံထွက်ပေါ်လာသဖြင့် သူ လန့်သွားရသည်။</p> <p>[အဆင့်နိမ့် အဆင့်၇ ဝိညာဉ်ကျောက်တုံးရင်းမြစ်ကို တွေ့ရှိပါသည်]</p> <p>[အဆင့်နိမ့် အဆင့်၇ ချီကျောက်တုံးသတ္တုကြောကို တွေ့ရှိပါသည်]</p> <p>[ဝိညာဉ်ကျောက်တုံးရင်းမြစ်နှင့် ချီကျောက်တုံးသတ္တုကြောတို့ကို စုပ်ယူရန် ပိုင်ရှင်၏ ခွင့်ပြုချက် လိုအပ်ပါသည်။]</p> <p>[ခွင့်ပြုမည်/ခွင့်မပြုပါ]</p> <p>ဆုလာဘ်များ -</p> <p>၁။ ၂၀၀ သန်း EXP နှင့် ၂၀၀ သန်း SP</p> <p>၂။ ပိုင်ရှင်သည် အဆင့်-၄ မှ အဆင့်-၇ အထိရှိသော ချီကျောက်တုံးများနှင့် ဝိညာဉ်ကျောက်တုံးများမှ EXP နှင့် SP ကို စုပ်ယူနိုင်မည်ဖြစ်သည်။</p> <p>မမျှော်လင့်ထားသော အသိပေးချက်ကို မြင်လိုက်ရသောအခါ အေ့စ် မျက်လုံးများ ပြူးကျယ်သွားပြီး ရင်ခုန်သံများ မြန်ဆန်လာသည်။</p> <p>'ဒီနေရာက တကယ်ပဲ အဆင့်-၇ ရှိတဲ့ ချီကျောက်တုံးတွေနဲ့ ဝိညာဉ်ကျောက်တုံးတွေရဲ့ သတ္တုကြောကြီးပေါ့..'</p> <p>သူသည် စိတ်လှုပ်ရှားစွာဖြင့် တွေဝေခြင်းမရှိဘဲ အမြန် အော်ပြောလိုက်လေသည်။</p> <p> "စုပ်ယူခြင်းကို စတင်လိုက်တော့..”</p> <p> </p> <p> </p> <p style="text-align: center;">***</p>


Save