Book List

<h2 style="text-align:center">Chapter -657</h2> <h2 style="text-align:center"> ဟင်းလင်းပြင်တံဆိပ်များ ညှိုးနွမ်းလာခြင်း</h2> <h2 style="text-align:center">*</h2> <p> </p> <p> </p> <p>အေ့စ်က ခွင့်ပြုမိန့်ကို ပေးလိုက်သည့်အခါ သူ့ပတ်ပတ်လည်ရှိ မြူဆိုင်းနေသော ချီ များမှာ စတင်လှုပ်ခတ်လာပြီးနောက် သူ့ခန္ဓာကိုယ်ထဲသို့ အတင်းအဓမ္မ စုပ်ယူခြင်း ခံလိုက်ရသည်။</p> <p>ထိုအခါ အထက်မှ ဆွဲငင်အားသည်လည်း ရုတ်တရက် ပျောက်ကွယ်သွားပြီး ချီများအားလုံးက အေ့စ်တစ်ဦးတည်းဆီသို့သာ စုပြုံစုပ်ယူခြင်း ခံရတော့သည်။ ဤစုပ်ယူနှုန်းမှာ ယခင်က ဆွဲငင်အားထက်ပင် ပိုမိုကြောက်မက်ဖွယ် ကောင်းနေတော့သည်။</p> <p>ထိုအချိန်တွင် အီဗာ မျက်လုံး ဖွင့်လိုက်ရာ သူမမျက်နှာမှာ ဖြူဖျော့နေသည်။ ချီများမှာ အခြားနေရာတစ်ခုဆီသို့ ရုတ်တရက် စုဝေးသွားပြီး ယခင်က အမြုတေဟောင်းမှာ မည်သို့ကြောင့်မှန်းမသိ ပျောက်ကွယ်သွားသည်ကို သူမ သတိပြုမိလိုက်သည်။</p> <p>သူမက အေ့စ်ကို သွားရောက်စစ်ဆေးရန် ပြင်လိုက်စဉ်မှာပင် ဆိုင်းရပ်စ်က အံ့သြတကြီး အော်ဟစ်လိုက်သည်။</p> <p>"အာ... အစ်ကိုကြီးက အကုန်လုံးကို စုပ်ယူနေတာပဲ"</p> <p>အီဗာ လန့်သွားပြီး ထိုကောင်လေးကို မသေချာသလို ကြည့်ကာ မေးလိုက်သည်။</p> <p>"အဲဒါ အေ့စ်လား.."</p> <p>ဆိုင်းရပ်စ်က ခေါင်းညိတ်ပြပြီး သူ့မျက်လုံးလေးများမှာ တလက်လက် ဝောက်ပနေသည်။</p> <p> "ဟုတ်တယ်၊ ကျွန်တော် ရှင်းရှင်းလင်းလင်း ခံစားမိတယ်၊ မမှားနိုင်ဘူး"</p> <p>အေ့စ်က အောက်ခြေမရှိသော တွင်းနက်ကြီးကဲ့သို့ ချီများကို စုပ်ယူနေသည်ကို ကြည့်ပြီး အီဗာ့မျက်လုံးများမှာ အံ့သြမှုကြောင့် အရောင်တောက်သွားသည်။</p> <p>သူမက နှုတ်ခမ်းကို ဖိကိုက်လိုက်၏။</p> <p> 'ငါတောင်မှ သူ့ရဲ့ နည်းစနစ်ကို ထိုးဖောက်မမြင်နိုင်ဘူး၊ ဒါမှမဟုတ် ငါက အရမ်းအားနည်းနေတာလား.. သူ ဘယ်အဆင့်ကို ရောက်နေပြီလဲ'</p> <p>တွေးလိုက်ရင်း သူမ စိုးရိမ်စိတ်တစ်ခု ဝင်လာသည်။</p> <p>ဆယ့်ငါးမိနစ်ခန့် ကြာပြီးနောက် ထူထပ်သော မြူများမှာ စတင်ကြည်လင်လာသည်။ အေ့စ်မှာ ဤချီများ၏ အလယ်ဗဟိုတွင် ရပ်နေကာ ၎င်းတို့ကို အပြည့်အဝ စုပ်ယူနေသည်ကို မြင်တွေ့လိုက်ရသည်။</p> <p>အေ့စ်က ချီများကို ရိုးရိုးစုပ်ယူနေခြင်း မဟုတ်ဘဲ ၎င်းတို့၏ အနှစ်သာရကိုပါ စုပ်ယူနေသည်ကို ခံစားမိသောအခါ အီဗာမှာ ပို၍ပင် ထိတ်လန့်သွားသည်။ ဆိုလိုသည်မှာ အေ့စ်က ဤနေရာမှ ချီများကို အမြစ်ပြတ် လုယူနေခြင်းဖြစ်ပြီး ၎င်းတို့မှာ နောက်တစ်ကြိမ် ပြန်လည်ဖြစ်ပေါ်နိုင်တော့မည် မဟုတ်ပေ။</p> <p>နတ်ဆိုး မျှော်စင်ပင်လျှင် အဆင့် ၇ သတ္ထုကော နှစ်ခုဖြစ်သော ထိုအနှစ်သာရများကို စုပ်ယူရန် မဝံ့ရဲဘဲ အဆိုပါသတ္ထုကျောများ ခန်းခြောက်မသွားစေရန် အဆင့်မြင့် ဆေးဖက်ဝင်အပင်များစွာကို အသုံးပြုကာ ထိန်းသိမ်းထားရခြင်း ဖြစ်သည်။</p> <p>သို့သော် စနစ်ကမူ ဘာကိုမျှ ဂရုမစိုက်ဘဲ အကုန်အစင် ခန်းခြောက်အောင် စုပ်ယူနေတော့သည်။</p> <p>"ကြည့်ဦး အစ်မ၊ ထူးဆန်းတဲ့ မျဉ်းကြောင်းတွေ ရှိနေတယ်.."</p> <p>ဆိုင်းရပ်စ်၏ စပ်စုလိုသော အသံက အီဗာ့ အာရုံကို ဆွဲဆောင်သွားသည်။</p> <p>သူမ ပတ်ပတ်လည်ကို ကြည့်လိုက်မိသည်။ ထူထပ်သော မြူများကြောင့် ဤနေရာ၏ ပုံသဏ္ဌာန်အစစ်အမှန်ကို သူတို့ မမြင်နိုင်ခဲ့ကြပေ။ သို့သော် ယခုအခါ ချီများကို အေ့စ်က စဉ်ဆက်မပြတ် စုပ်ယူနေသောကြောင့် ပတ်ဝန်းကျင် ဟင်းလင်းပြင်မှာ မြင်သာလာခဲ့သည်။</p> <p>ဤနေရာမှာ စတုရန်းမီတာ ၂၀၀ ကျော် ကျယ်ဝန်းပြီး အလွန်ထင်ရှားကာ တစ်ခုနှင့်တစ်ခု ရှုပ်ထွေးစွာ ယှက်နွယ်နေသည့် ထူးဆန်းသော အနက်ရောင် မျဉ်းကြောင်းများဖြင့် ပြည့်နှက်နေသည်။</p> <p>၎င်းတို့မှာ အနက်ရောင် အလင်းများဖြင့် တောက်ပနေရုံသာမက အီဗာ အနီးကပ်ကြည့်လိုက်သောအခါ အေ့စ်က ချီများကို စုပ်ယူနေခြင်းကြောင့် ထိုတောက်ပမှုများမှာ ညှိုးနွမ်းလာသည်ကို တွေ့ရသည်။</p> <p>ထို့အပြင် အချို့သော မျဉ်းကြောင်းများမှာ အလင်းရောင် လုံးဝမရှိတော့ဘဲ ၎င်းတို့၏ အခြေခံအုတ်မြစ် ပျောက်ဆုံးသွားသည့်အလား အက်ကွဲလာတော့သည်။</p> <p>ချီများ ပို၍ပါးလွှာလာသည်နှင့်အမျှ မျဉ်းကြောင်းများ ပိုမိုများပြားစွာ အလင်းမှိန်လာပြီး အက်ကြောင်းများ ဖြစ်ပေါ်လာသည်။</p> <p>အီဗာမှာ ထိုအနက်ရောင် မျဉ်းကြောင်းများကြောင့် တစ်ခုခုမှားနေပြီဟု ခံစားမိသဖြင့် စိုးရိမ်တကြီး အော်ပြောလိုက်သည်။</p> <p> "အေ့စ်.. ချီတွေ စုပ်တာကို ရပ်လိုက်တော့။ တစ်ခုခုတော့ မဟုတ်တော့ဘူး"</p> <p>အေ့စ်က ချက်ချင်း မျက်လုံးဖွင့်လိုက်ပြီး မျက်မှောင်ကြုတ်လိုက်သည်။ အမှန်တကယ် စုပ်ယူနေသည်မှာ စနစ်ဖြစ်သောကြောင့် သူလည်း ကိုယ်လက်လှုပ်ရှား၍ ရနေသည်။ သူ၏ အမြင်အာရုံ ကြည်လင်လာသည်နှင့် ထိုအနက်ရောင် မျဉ်းကြောင်းများကို သူလည်း သတိပြုမိလိုက်သည်။</p> <p>ထိုမျဉ်းကြောင်းများ ညှိုးနွမ်းလာသည်နှင့်အမျှ သူလည်း အလွန်ထူးဆန်းသော ခံစားချက်တစ်ခုကို စတင်ခံစားလိုက်ရသည်။</p> <p> "စနစ်၊ အဲဒါတွေက ဘာလဲ.."</p> <p>"ဟင်းလင်းပြင်အူတိုင်ကို စုပ်ယူလိုက်ပြီ ဖြစ်သောကြောင့် လျှို့ဝှက်နယ်မြေကို တည်မြဲအောင် ထိန်းထားပေးသည့် ဟင်းလင်းပြင်တံဆိပ်များမှာ ညှိုးနွမ်းနေပြီ ဖြစ်သည်။ ဤဖြစ်စဉ်မှာ ကြာရှည်သင့်သော်လည်း ပိုင်ရှင်က ဤနယ်မြေ၏ ချီများကို စုပ်ယူနေခြင်းကြောင့် ဖြစ်စဉ်မှာ သဘာဝအလျောက် ပိုမိုပြင်းထန် မြန်ဆန်လာခြင်း ဖြစ်သည်"</p> <p>"ထိုတံဆိပ်များ လုံးဝမပျက်စီးမီ အရိပ်တော်ဝင် နတ်ဆိုးကို သိမ်းဆည်းထားရန် စနစ်က အကြံပြုသည်။ သို့မဟုတ်ပါက သူမ၏ တည်ရှိမှုမှာ ရှာဖွေတွေ့ရှိခြင်း ခံရလိမ့်မည်"</p> <p>"မင်း ငါ့ကို ဒီထက်စောစော သတိပေးသင့်တာပေါ့"</p> <p>နောက်ဆုံးစကားကို ကြားလိုက်ရသောအခါ အေ့စ်မှာ မကျေမနပ် ဖြစ်သွားသည်။</p> <p>သို့သော် ဟင်းလင်းပြင်တံဆိပ် တစ်ဝက်ကျော်မှာ အက်ကွဲနေပြီဖြစ်သောကြောင့် သူ့တွင် အချိန်မရှိတော့ပေ။ သူက ခေါင်းကိုလှည့်၍ စိုးရိမ်နေသော အီဗာ့ မျက်နှာကို ကြည့်လိုက်သည်။</p> <p>သူက စိတ်မကောင်းစွာ သက်ပြင်းချလိုက်၏။</p> <p> "ငါ့လက်ကို ကိုင်ထား"</p> <p>အေ့စ်က ပြောရင်း စုပ်ယူအား၏ အပြင်ဘက်သို့ လက်လှမ်းလိုက်သည်။</p> <p>"ဘာလို့လဲ.."</p> <p>တစ်ခုခုမှားနေပြီဟု ခံစားမိသောကြောင့် အီဗာက မေးလိုက်သည်။ သို့သော် သူမ ရှေ့တိုးသွားပြီး ခက်ခဲစွာဖြင့် အေ့စ်လက်ကို ထိမိအောင် ကိုင်လိုက်၏။</p> <p>"ဒီနယ်မြေက ပေါင်းစည်းတော့မယ်။ မင်း ငါ့ရဲ့ နယ်မြေထဲကို ဝင်ရမယ်၊ အတင်းမရုန်းနဲ့။"</p> <p>ဤသို့ ရုတ်တရက်ကြီး ဖြစ်သွားလိမ့်မည်ဟု သူ မရည်ရွယ်ခဲ့သောကြောင့် အေ့စ်က ဝမ်းနည်းစွာဖြင့် ဖွင့်ပြောလိုက်သည်။</p> <p>သူ့ဘာသာ လောဘတက်မိပြီး စနစ်ကိုသေချာမမေးမြန်းမိခဲ့သည့်အတွက် ကိုယ့်ကိုယ်ကိုသာ အပြစ်တင်နိုင်တော့သည်။ မဟုတ်ပါက ဤအခြေအနေကို လွယ်ကူစွာ ရှောင်လွှဲနိုင်မည် ဖြစ်သည်။</p> <p>အီဗာ့မျက်နှာ ပြောင်းလဲသွားပြီး တစ်ခုခု ပြောရန် ပြင်လိုက်စဉ်မှာပင် သူမကို ဝါးမြိုတော့မည့် ကြောက်မက်ဖွယ် ဆွဲငင်အားတစ်ခုကို ခံစားလိုက်ရသည်။ သို့သော် ထိုအားမှာ အေ့စ်၏ လက်မှ လာနေခြင်းဖြစ်သောကြောင့် သူက သူမကို သူ့နယ်မြေထဲသို့ ဆွဲသွင်းနေခြင်းဖြစ်မှန်း သိလိုက်သည်။</p> <p>ထို့ကြောင့် သူမ မရုန်းကန်တော့ဘဲ နူးညံ့သော အချစ်များ ပြည့်နှက်နေသည့် မျက်ဝန်းများဖြင့် သူ့ကို ကြည့်လိုက်ပြီးနောက် ဆိုင်းရပ်စ်နှင့်အတူ ပျောက်ကွယ်သွားတော့သည်။</p> <p>အေ့စ်ဟာ သူ့လက်ချောင်းများပေါ်တွင် သူမ၏ နွေးထွေးသော အထိအတွေ့ကို ခံစားနေရဆဲဖြစ်သဖြင့် စိတ်မသက်မသာ ဖြစ်သွားပြီး အော်ဟစ်လိုက်သည်။</p> <p>"အားး မင်း ဒါ တမင်လုပ်တာပဲ.."</p> <p>သူ ကျိန်ဆဲလိုက်သော တည်ရှိမှု (စနစ်) ကမူ အမြဲတမ်းလိုပင် အေးစက်နေမြဲ ဖြစ်သည်။</p> <p>စိတ်တိုနေသော်လည်း ဒေါသကို ဖိနှိပ်ကာ သူခိုးနယ်မြေထဲသို့ လှမ်းကြည့်လိုက်သည်။</p> <p>အီဗာနှင့် ဆိုင်းရပ်စ်တို့မှာ မှောင်မည်းနေသော နယ်မြေထဲသို့ ရောက်ရှိသွားသော်လည်း အေ့စ်က စိတ်ကူးဖြင့်ပင် တန်ဖိုးအရှိဆုံးဖြစ်သည့် တောက်ပသော အလင်းကျောက်တုံးများကို အသုံးပြုကာ သူခိုးနယ်မြေ၏ အရပ်လေးမျက်နှာတွင် ကပ်လိုက်ရာ နယ်မြေတစ်ခုလုံးမှာ သက်တံရောင် အလင်းတန်းများဖြင့် လင်းထိန်သွားတော့သည်။</p> <p>ထို့နောက် အေ့စ်က အရာအားလုံးကို ထောင့်များဆီသို့ ရွှေ့လိုက်ပြီး ခဏအတွင်းမှာပင် နယ်မြေကို ရှင်းလင်းလိုက်ရာ ၎င်းတို့မှာ သက်ရှိများဖြစ်ကြသည့် ဥအချို့နှင့် အလယ်တွင်ရှိသော အနက်ရောင် အိပ်ရာခင်းတို့သာ ကျန်တော့သည်။ ယင်းအပြင်... ပေ၂၀x၂၀ ရှိသော အနက်ရောင် သံတုံးအကျဉ်းထောင် တစ်ခုလည်း ရှိနေသေးသည်။</p> <p>၎င်းမှာ သူ၏ အကျဉ်းသားများက သူခိုးနယ်မြေ၏ ပုံစံအစစ်အမှန်ကို မမြင်နိုင်စေရန် ပြုလုပ်ထားသော ထောင်တစ်ခုဖြစ်ပြီး ဤသံတုံးကို သာမန်သတ္တုဖြင့် ပြုလုပ်ထားခြင်း မဟုတ်ပေ။ ၎င်းမှာ ဝိညာဉ်နယ်ပယ် အထွတ်ထိပ် အောက်ရှိ ကျင့်ကြံသူများကို ဖိနှိပ်ရန် အထူးပြုလုပ်ထားသည့် အဆင့် ၅ အနိမ့်စား ရတနာတစ်ခု ဖြစ်သည်။ သူက ၎င်းကို ကျင့်ကြံသူတစ်ဦး၏ သိုလှောင်လက်စွပ်ထဲမှ ရရှိခဲ့ခြင်း ဖြစ်၏။</p> <p> သူခိုးနယ်မြေမှာ သူအလိုရှိပါက အတွင်းရှိ သတ္တဝါများကို အပြည့်အဝ ဖိနှိပ်ထားနိုင်သောကြောင့် အေ့စ်က ဤရတနာကို သာမန်အကျဉ်းထောင်တစ်ခုကဲ့သို့သာ အသုံးပြုနေခြင်း ဖြစ်သည်။</p> <p>အီဗာလည်း ဤနေရာတွင် သဘာဝအလျောက် ရင်းနှီးမှုကို ခံစားလိုက်ရသဖြင့် အံ့သြသွားပြီး အကြောင်းပြချက် တစ်ခုခုကြောင့် ဤနေရာမှ လုံးဝ မထွက်သွားချင်တော့ပေ။</p> <p>ထို့အပြင် ဤနေရာတွင် ကျင့်ကြံခြင်းက ပြင်ပရှိ နယ်မြေ၏ အကောင်းဆုံး အခြေအနေထက်ပင် ပိုမို၍ အကျိုးကျေးဇူးများ ရရှိနိုင်သည်ကို သူမ ခံစားမိသည်။</p> <p>သူမအနေဖြင့် အေ့စ်၏ နောက်ကွယ်ရှိ နတ်ဘုရားကို တစ်ဖန် ပြန်လည် အကဲဖြတ်ရတော့မည်ဖြစ်ပြီး တော်ဝင် သွေးမျိုးဆက်ရှိလျှင်ပင် ထိုတည်ရှိမှုကို ယှဉ်နိုင်ရန် မလုံလောက်နိုင်တော့ဟု သူမ အပြည့်အဝ ယုံကြည်သွားသည်။</p> <p>မည်သို့ပင်ဆိုစေကာမူ ဤအရာအားလုံးမှာ အေ့စ်၏ အရာများ ဖြစ်သောကြောင့် သူမလည်း သူ့အတွက် သဘာဝကျစွာပင် ပျော်ရွှင်မိပြီး ယခင်ကကဲ့သို့ စိုးရိမ်မနေတော့ပေ။</p> <p>"ဒါက.. ပိုကျယ်လာတာပဲ"</p> <p>ဆိုင်းရပ်စ်က အံ့သြတကြီး အော်လိုက်သည်။ အကြောင်းမှာ ယခင်က ဤနေရာမှာ ဤမျှ မကျယ်ဝန်းကြောင်း သူ ရှင်းရှင်းလင်းလင်း မှတ်မိနေသောကြောင့် ဖြစ်ကာ ဤနေရာမှာ သူ၏ အိမ် မဟုတ်ပါလား။</p> <p>နောက်ဆုံးတွင် နယ်မြေ၏ အလယ်ဗဟိုမှာလည်း ရှင်းလင်းသွားပြီဖြစ်ပြီး လက်စွပ်တံတိုင်းကြီး ရှိနေစဉ်ကကဲ့သို့ အာရုံနောက်စရာ မကောင်းတော့ပေ။</p> <p>"တော်တော် ကျယ်တာပဲ"</p> <p>အီဗာကလည်း ခေါင်းညိတ်ကာ စပ်စုသလို ပတ်ပတ်လည်ကို ကြည့်လိုက်ပြီး ထောင့်လေးထောင့်တွင် ပျံ့နှံ့နေသော သန်းနှင့်ချီသည့် သိုလှောင်လက်စွပ်များကို မြင်သောအခါ အံ့သြသွားသည်။</p> <p>"ဒါတွေ အားလုံးကို နင် ခိုးထားတာလား"</p> <p>သူမ မအောင့်နိုင်ဘဲ လွှတ်ခနဲ မေးလိုက်သည်။</p> <p>"မဆိုးဘူး မဟုတ်လား"</p> <p>အေ့စ် အသံမှာ ဂုဏ်ယူဝံ့ကြွားစွာ ထွက်ပေါ်လာသည်။ သူက အီဗာ၏ တုံ့ပြန်မှုကို ကျေနပ်နေသည်။</p> <p> အေ့စ် ဖြတ်သန်းခဲ့ရသည့် စွန့်စားခန်းအားလုံးကို သူမ တွေးကြည့်လိုက်သောအခါ ဤအရာမှာ မထူးဆန်းတော့ပေ။ သူဟာ အပြင်ဘက် အသူရာပြည်နယ်များ၏ အကြီးဆုံး အဖွဲ့အစည်းကြီးများ၏ ဘဏ္ဍာတိုက်များကို အကုန်အစင် ပြောင်သလင်းခါအောင် ခိုးခဲ့သူ မဟုတ်ပါလား။</p> <p>"ဘယ်သူလဲ..ဒါက ဘယ်နေရာလဲ"</p> <p>ထိတ်လန့်တကြား အသံတစ်ခု ရုတ်တရက် ထွက်ပေါ်လာရာ အားလုံး၏ အာရုံမှာ အနက်ရောင် အကျဉ်းထောင်ကြီးဆီသို့ ရောက်သွားကြသည်။</p> <p>"အဟမ်း... မင်းပဲ ကိုင်တွယ်ပေးမလား"</p> <p>လီဗီယာအား ဖမ်းဆီးပြီးနောက် လုံးဝ မေ့လျော့နေခဲ့သောကြောင့် အေ့စ်က အနည်းငယ် ရှက်ကိုးရှက်ကန်းဖြင့် မေးလိုက်သည်။</p> <p>အီဗာ့ နှုတ်ခမ်းများမှာ ကွေးညွတ်သွားပြီး နတ်ဆိုးတစ်ဦးကဲ့သို့ ပြုံးလျက် ခေါင်းညိတ်လိုက်၏။</p> <p> "စိတ်မပူနဲ့၊ ငါ အစေခံတစ်ယောက် လိုချင်နေတာ ကြာပြီ။ မင်းသမီးတစ်ယောက်ကို အစေခံလုပ်ခိုင်းတာက ငါ့ရဲ့ အဆင့်အတန်းနဲ့ ပိုလိုက်ဖက်တာပေါ့။ မဟုတ်ဘူးလား ဆိုင်းရပ်စ်"</p> <p>ဆိုင်းရပ်စ်မှာ ဇဝေဇဝါ ဖြစ်သွားသည်။</p> <p> "အစေခံဆိုတာ ဘာလဲ မမကြီး.. ကျွန်တော်ရော တစ်ယောက်လောက် ရနိုင်မလား"</p> <p>ဆိုင်းရပ်စ်၏ အပြစ်ကင်းသော မေးခွန်းကြောင့် အီဗာမှာ ခဏမျှ ကြောင်သွားပြီးနောက် ပျော်ရွှင်စွာ ရယ်မောလိုက်သည်။</p> <p> "ရတာပေါ့၊ လာ... မမက အဲဒါအကြောင်း သေသေချာချာ သင်ပေးမယ်"</p> <p>ထိုသူနှစ်ဦး ပြောနေသည်ကို နားထောင်နေသော အေ့စ်မှာ အနက်ရောင် အကျဉ်းထောင်နှင့် ၎င်းဆီသို့ စိတ်လှုပ်ရှားစွာ သွားနေကြသော အီဗာနှင့် ဆိုင်းရပ်စ်တို့ကို ကြည့်ကာ ထူးဆန်းသော မျက်နှာပေး ဖြစ်နေသည်။ လီဗီယာအတွက်လည်း သူ သနားမိသွားသလို၊ ဆိုင်းရပ်စ်ကို ဤနတ်ဆိုးမလေးထံတွင် ပညာသင်ခိုင်းမိခြင်းမှာ မှန်ကန်ပါ့မလားဟု သူ တွေးနေမိသည်။</p> <p>'ထားပါတော့လေ၊ သူ ပျော်နေသရွေ့ ကျန်တာ ဘာမှ အရေးမကြီးပါဘူး'</p> <p>အီဗာမှာ ဝမ်းမနည်းတော့ဘဲ အထီးကျန်မနေတော့သည်ကို မြင်ရသဖြင့် အေ့စ်က နူးညံ့စွာ ပြုံးလိုက်ပြီးနောက် သူခိုးနေရာမှ အာရုံလွှဲလိုက်တော့သည်။</p> <p>နာရီဝက်ခန့် ကြာပြီးနောက် စနစ်၏ အသံ ထွက်ပေါ်လာသည်။</p> <p>=====</p> <p>[အဆင့် ၇ ချီကျောက်တုံး‌ေကျာကို အပြည့်အဝ စုပ်ယူပြီးပါပြီ]</p> <p>[အဆင့် ၇ ဝိညာဉ်ပုံဆောင်ခဲ အရင်းအမြစ်ကို အပြည့်အဝ စုပ်ယူပြီးပါပြီ]</p> <p>--</p> <p>[ပိုင်ရှင်သည် ယခုအခါ ကျင့်ကြံမှု နယ်ပယ် ကန့်သတ်ချက်နှင့်အညီ အဆင့် ၄ မှ အဆင့် ၇ အထိ ချီကျောက်တုံးများနှင့် ဝိညာဉ်ပုံဆောင်ခဲများကို EXP နှင့် SP အဖြစ် ပြောင်းလဲနိုင်ပါပြီ]</p> <p>[၊ ကောင်းကင်ဘုံ အမှောင်ပင်လယ် အူတိုင်နယ်ပယ် နဝမအဆင့်နှင့် ကောင်းကင်ဘုံ အနီရောင် လေဝိညာဉ် အူတိုင်နယ်ပယ် နဝမအဆင့်သို့ ရောက်ရှိသွားသည့်အတွက် ဂုဏ်ယူပါသည် ပိုင်ရှင်]</p> <p>[ပိုင်ရှင်၏ အခြေအနေကို အဆင့်မြှင့်တင်ပြီးပါပြီ]</p> <p>--</p> <p>[သိုင်းပညာ ကျင့်ကြံခြင်း - ကောင်းကင်ဘုံ အမှောင်ပင်လယ် အူတိုင်နယ်ပယ် (အဆင့် ၉)]</p> <p>[EXP: ၅၁,၂၉၁,၇၈၀ / ၂၅၀,၀၀၀,၀၀၀]</p> <p>[ဝိညာဉ် ကျင့်ကြံခြင်း - ကောင်းကင်ဘုံ</p> <p>လေဝိညာဉ် အူတိုင်နယ်ပယ် (အဆင့် ၉)]</p> <p>[SP: ၅၀,၃၂၂,၀၁၀ / ၂၅၀,၀၀၀,၀၀၀]</p> <p>[ဒြပ်စင်လုံး: ၀ / ၁]</p> <p> </p> <p> </p> <p style="text-align:center">***</p>


Save