Book List

<h2 style="text-align: center;">Chapter -659</h2> <h2 style="text-align: center;">လေညာအရပ်သို့ ရွက်လွှင့်ခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ကောင်းကင်ယံသည် ကြည်လင်နေပြီး တောက်ပသော ကြယ်တာရာအပေါင်းတို့ဖြင့် လင်းလက်နေကာ ယနေ့ည၏ လပြည့်ဝန်းမှာလည်း ထူးခြားစွာပင် တောက်ပနေလေသည်။</p> <p>ထိုလှပသော လရောင်အောက်တွင် အရှိန်ဟုန်ပြင်းစွာ ရိုက်ခတ်နေသော ရေလှိုင်းတံပိုးတို့မှာ အရိုင်းဆန်စွာ ရိုက်ခတ်နေပြီး၊ အထီးကျန်လှိုင်းလုံးတို့၏ ဒေါသတကြီး အော်ဟစ်သံများမှလွဲ၍ အခြားမရှိဘဲ ထူးဆန်းသော လွမ်းမောဖွယ် သံစဉ်တစ်ခုကို ဖန်တီးနေ၏။</p> <p>ထိုအခိုက်အတန့်တွင် ထူးဆန်းသော ဖြစ်စဉ်တစ်ခု ပေါ်ပေါက်လာသည်။ ဝိုးတဝါး အမှောင်ရိပ်တစ်ခု ရုတ်တရက် ပေါ်ထွက်လာပြီး လှိုင်းလုံးကြီးများနှင့် ထပ်တူကျကာ ပေါင်းစည်းသွားတော့သည်။</p> <p>ကြည်လင်သော ရေပြာရောင်က ရုတ်ခြည်းပင် နောက်ကျိသော အမည်းရောင်များနှင့် ရောယှက်သွားပြီး ထိုဝိုးတဝါး အမှောင်ရိပ်ထဲတွင် ရေမည်းများ ပြည့်နှက်နေသည်။</p> <p>ရုတ်တရက်ဆိုသလိုပင် လှိုင်းလုံးများဝန်းကျင်ရှိ ဟင်းလင်းပြင်တစ်ခုလုံး ပုံပျက်သွားပြီးနောက် ထိုဝိုးတဝါးပုံရိပ်မှာ ရုပ်လုံးပေါ်လာတော့သည်။</p> <p>ရေမျက်နှာပြင်မှာလည်း ရုတ်တရက် မြင့်တက်လာပြီး ဒီရေလှိုင်းကြီးများကို ဖြစ်ပေါ်စေကာ ရေများမှာလည်း အမည်းရောင်သို့ ပြောင်းလဲသွားလေသည်။</p> <p>ဟင်းလင်းပြင်အတွင်း ဖြစ်ပေါ်နေသော ဤထူးဆန်းသည့် ဖြစ်စဉ်မှာ ဆယ်နာရီကျော်ကြာအောင် ဖြစ်ပွားခဲ့ပြီး ညတာမှာလည်း ကုန်ဆုံးလုနီးပြီဖြစ်ကာ မှောင်မိုက်သော ကောင်းကင်ယံမှာမူ ရွှေရောင်အဆင်းသို့ စတင်ပြောင်းလဲလာခဲ့ပြီ ဖြစ်သည်။</p> <p>ရိုက်ခတ်နေသော လှိုင်းလုံးများမှာလည်း ပြန်လည်တည်ငြိမ်သွားပြီး အမည်းရောင်ရေများမှာ ကျယ်ပြောသော ဧရိယာအနှံ့ ဖုံးလွှမ်းသွား၏။ အကယ်၍ တစ်စုံတစ်ယောက်က ကောင်းကင်အမြင့်မှ ဤနေရာကို ငုံ့ကြည့်မည်ဆိုပါက ကြည်လင်သော ပင်လယ်ပြာထဲတွင် အမည်းရောင် အစွန်းအထင်းကြီးတစ်ခု ဖြစ်နေသကဲ့သို့ ထင်ရပေလိမ့်မည်။</p> <p>နေမင်းကြီး မိုးကုတ်စက်ဝိုင်းပေါ်သို့ ရောက်ရှိလာချိန်၊ နောက်ထပ် သုံးနာရီမျှ ထပ်မံကုန်လွန်သွားပြန်သည်။ ထိုအခိုက်အတန့်တွင် ငြိမ်သက်နေသော နောက်ကျိနေသည့် ရေမည်းမျက်နှာပြင်ထက်၌ ရုတ်တရက် လှိုင်းကြက်ခွပ်လေးများ ပေါ်လာသည်။</p> <p>ထို့နောက်တွင် ဝတ်ရုံခြုံထားသော ခေါင်းတစ်လုံး ပေါ်ထွက်လာပြီး ဝတ်ရုံအောက်ရှိ သူ၏ နက်မှောင်သော မျက်လုံးအစုံမှာ ပတ်ဝန်းကျင်ကို ကြည့်ရှုရင်း သတိအပြည့်ရှိနေသည်။</p> <p>သို့သော်လည်း မြင်ကွင်းတစ်ဆုံးတွင် အဆုံးမဲ့သော ရေပြင်ကြီးကိုသာ မြင်လိုက်ရသောအခါ သူဟာ မိန်းမောသွားပြီး စိတ်ပျက်လက်ပျက်ဖြင့် ရေရွတ်လိုက်၏။</p> <p> "မဖြစ်နိုင်တာ... ဒီနယ်မြေက အဆုံးမဲ့ပင်လယ်ရဲ့ တစ်နေရာရာမှာ သွားပြီး ပေါင်းစည်းသွားတာလား"</p> <p>သူမှာ အခြားသူမဟုတ်၊ တော်ဝင်နတ်ဆိုး မျှော်စင်ကြီး ချန်ထားရစ်ခဲ့သော ရေလွှမ်းနေသည့် အပေါက်ကြီးထဲမှ တစ်ဆင့် ကူးခတ်လာပြီးနောက် ရေမျက်နှာပြင်ပေါ်သို့ ပေါ်ထွက်လာသည့် အေ့စ်ပင် ဖြစ်သည်။ ထိုအပေါက်သာ မရှိခဲ့လျှင် သူဟာ အပြင်သို့ရောက်ရန် မြေကျင်းသာ ပြန်တူးနေရပေဦးမည်။</p> <p>သို့သော်လည်း ရေမျက်နှာပြင်သို့ ရောက်ရှိရန် နာရီပေါင်းများစွာ အချိန်ယူခဲ့ရပြီး သူကိုယ်သူ မှောင်မိုက်သော နယ်မြေထဲတွင် ရှိနေသေးသည်ဟုပင် ထင်မှတ်ခဲ့မိသည်။</p> <p> ရေမျက်နှာပြင်မှာ လင်းထိန်လာသည်ကို သတိပြုမိလိုက်သောအခါမှ ထိုနေရာသည် နေရောင်ခြည် လုံးဝမရသည့်နေရာ ဖြစ်သောကြောင့် သူက ပြင်ပကမ္ဘာသို့ ပြန်လည်ရောက်ရှိလာပြီဖြစ်ကြောင်း သိလိုက်ရသည်။</p> <p>သို့ရာတွင် ပတ်ဝန်းကျင်ကို မြင်လိုက်ရပြီးနောက် သူ့မှာ အကောင်းမြင်စိတ် သိပ်မရှိတော့ပေ။</p> <p> အကယ်၍ သူသာ အဆုံးမဲ့ပင်လယ်ထဲသို့ တကယ်ပင် ရောက်ရှိသွားခဲ့ပါက၊ ယခုကဲ့သို့ နားမလည်နိုင်သော နေရာတစ်ခုမှ မည်သည့်ဘက်ကို ဦးတည်ရမည်ကို မသိသောကြောင့် ပို၍ပင် ဒုက္ခရောက်နိုင်သောကြောင့် ဖြစ်သည်။</p> <p>ထိုအခိုက်အတန့်တွင် စနစ်၏ အသံမြည်လာပြီး ဖန်သားပြင် တစ်ခု ပေါ်ထွက်လာသည်။</p> <p>=====</p> <p>"ဘေးထွက်မစ်ရှင် ပြီးမြောက်ပါပြီ"</p> <p>--</p> <p>[ဘေးထွက်မစ်ရှင်- လျှို့ဝှက်ဆန်းကြယ်သော ဟင်းလင်းပြင်မှ လွတ်မြောက်ရန်]</p> <p>--</p> <p>မစ်ရှင်မိတ်ဆက်: ပိုင်ရှင်သည် လျှို့ဝှက်ဆန်းကြယ်မှုများ ပြည့်နှက်နေသည့် လျှို့ဝှက်ဆန်းကြယ်သော ဟင်းလင်းပြင်တစ်ခုသို့ ရောက်ရှိသွားခဲ့သည်။</p> <p>လိုအပ်ချက်: လျှို့ဝှက်ဆန်းကြယ်သော ဟင်းလင်းပြင်မှ လွတ်မြောက်ရန် နည်းလမ်းရှာပါ။</p> <p>အခြေအနေ: ပြီးမြောက်သည်။</p> <p>--</p> <p>ဆုလာဘ်(များ):</p> <p>EXP ၁၀ သန်း</p> <p>[ရယူမည် / နောက်မှ]</p> <p>SP ၁၀ သန်း</p> <p>[ရယူမည် / နောက်မှ]</p> <p>TP ၁,၀၀၀,၀၀၀</p> <p>--</p> <p>အထူးဆုလာဘ်:</p> <p>လွတ်လပ်သော ဟင်းလင်းပြင်အမြုတေကို သိမ်းဆည်းရန်- ရယူပြီး။</p> <p>[TP: ၅၁,၈၁၀,၉၅၀]</p> <p>=====</p> <p>"အချိန်တန်ပြီပဲ"</p> <p>အေ့စ်က မဲ့ပြုံးပြုံးလိုက်ရင်း ထို EXP နှင့် SP ၁၀ သန်းစီကို အရေးပေါ်အခြေအနေအတွက် သိမ်းဆည်းထားကာ ဖန်သားပြင်ကို ပိတ်လိုက်သည်။</p> <p>ယခုအခါတွင် သူက အဋ္ဌမအဆင့်သို့ မရောက်မချင်း EXP သို့မဟုတ် SP များ တိုးလာစေရန် တန်ဖိုးကြီးလှသော ဆေးဘက်ဝင်အပင်များကို ဖြုန်းတီးနေရန် မလိုတော့ပေ။ သူ့တွင် လုံလောက်သော ချီ ကျောက်တုံးများနှင့် ဝိညာဉ်သလင်းကျောက်များ ရှိနေသရွေ့ ၎င်းတို့ကိုသာ အသုံးပြုမည်ဖြစ်သည်။</p> <p>အကြောင်းကြားစာ ဖန်သားပြင်ကို ပိတ်ပြီးနောက် အနက်ရောင် ရွက်တိုင်ပေါ်တွင် အသူရာအင်ပါယာ မိသားစု၏ သင်္ကေတပါသော အပြာရောင်ရွက်လှေငယ်လေးကို ထုတ်ယူလိုက်သည်။</p> <p>၎င်းမှာ လျှို့ဝှက်နယ်မြေရှိ ပင်လယ်နက်ထဲတွင် အသုံးပြုခဲ့သော ရွက်လှေပင် ဖြစ်သည်။</p> <p>ရေထဲမှ ခုန်ထွက်လိုက်ပြီးနောက် လျှို့ဝှက်နယ်မြေမှ လွတ်မြောက်၍ ပြန်လည်ရောက်ရှိလာပြီ ဖြစ်သောကြောင့် နောက်ဆုံးတွင် သက်ပြင်းချကာ စိတ်အေးသွားတော့သည်။</p> <p>သို့သော်လည်း ဘယ်ရောက်နေသလဲ မသိနိုင်သည့် အဆုံးမဲ့ပင်လယ်ပြင်ထဲမှ မိုးပြာလေတိုက်ကြီးဆီသို့ သွားရာလမ်းကို ရှာဖွေရဦးမည် ဖြစ်သောကြောင့် အရာအားလုံး ပြီးဆုံးသွားပြီဟု မဆိုနိုင်သေးကြောင်း သူသိသည်။</p> <p>သူ့တွင် မြေပုံမရှိသောကြောင့် ဒုတိယအကောင်းဆုံး ရွေးချယ်မှုဖြစ်သည့် တိုက်ရိုက်ကံကြမ္မာမြေပုံ၏ လမ်းညွှန်ချက်ကိုသာ အားကိုးရတော့မည်ဖြစ်သည်။</p> <p>ထို့အပြင် သူ၏ ကံကြမ္မာအာရုံကလည်း သူ့ကို အရှေ့တောင်ဘက်သို့ ဦးတည်ရန် တိုက်တွန်းနေသော်လည်း ၎င်းမှာ ဝေဝါးလွန်းလှသည်။</p> <p>ကံကြမ္မာမြေပုံကို ဖွင့်ကြည့်လိုက်သောအခါ မည်သည့် ကုန်းမြေအနေအထားမှ မရှိဘဲ မီးခိုးရောင်များသာ မြင်ရသဖြင့် သူ၏ ကံကြမ္မာအာရုံ ပြသနေသော ဘက်သို့ပင် ညွှန်ပြနေသည့် သံလိုက်အိမ်မြှောင် လက်တံကိုသာ ကြည့်နိုင်တော့သည်။</p> <p>အေ့စ် မျက်မှောင်ကြုတ်လိုက်မိသည်။ အဘယ်ကြောင့်ဆိုသော် သူသာ အဆုံးမဲ့ပင်လယ်ထဲတွင် ရောက်နေပါက ဤလမ်းကြောင်းသည် မည်မျှဝေးမည်၊ မည်သည့်နေရာသို့ ရောက်မည်ကို မသိနိုင်သောကြောင့် ယခုတစ်ကြိမ်တွင် ရမ်းသမ်း မသွားလိုသောကြောင့် ဖြစ်သည်။</p> <p>အကယ်၍ ၎င်းသည် တော်ဝင် မျှော်စင်ကဲ့သို့ ရတနာတစ်ခုခု ဖြစ်နေပါက၊ သူ့မှာ ရတနာရှာဖွေရန် စိတ်မပါသေးချေ။ သူ၏ ကံကြမ္မာအာရုံကလည်း ထိုလမ်းကြောင်းကိုပင် ညွှန်ပြနေသောကြောင့် ၎င်းမှာ အခြားရတနာတစ်ခု ဖြစ်နိုင်သည်ဟု သူ ၉၀ ရာခိုင်နှုန်း ခန့်မှန်းမိသည်။</p> <p> အခြားလမ်းကြောင်းသို့ ဦးတည်သွားခြင်းကလည်း သူ့ကို ပိုရှုပ်ထွေးသော နေရာတစ်ခုသို့ ပို့ဆောင်နိုင်ပြီး မည်သည့်ကုန်းမြေကိုမျှ မတွေ့ဘဲ ရည်ရွယ်ချက်မရှိ လျှောက်သွားနေရမည်လား မည်သူသိနိုင်မည်နည်း။</p> <p>အဆုံးမဲ့ပင်လယ်ကို အဆုံးမဲ့ဟု အမည်ပေးထားခြင်းမှာ အကြောင်းရင်းရှိပြီး၊ စနစ်တကျရှိသော ပင်လယ်လမ်းကြောင်းမပါဘဲ သွားလာနေပါက ကိုယ်တိုင်တောင် မသိလိုက်ဘဲ အဝိုင်းပတ်ကာ သွားနေမိခြင်းမျိုးလည်း ဖြစ်နိုင်ပေသည်။</p> <p>ထို့အပြင် အဆုံးမဲ့ပင်လယ်သည် ဝိညာဉ်သရုပ်ပြခြင်းနယ်ပယ် ပညာရှင်များပင် ကြောက်ရွံ့ရသော ပင်လယ်နတ်ဆိုးသားရဲများဖြင့် ပြည့်နှက်နေသည်။</p> <p>ထို့ကြောင့် သူပေါ့ဆ၍မရပေ။</p> <p>စဉ်းစားပြီးသွားသောအခါ သူ့မှာ အခြားရွေးချယ်စရာ လုံးဝမရှိကြောင်း သိလိုက်ရသဖြင့် စိတ်ပျက်စွာဖြင့် အံကြိတ်လိုက်မိသည်။</p> <p>"ဦးတည်ချက် လုံးဝမရှိတာထက်စာရင် တစ်ခုခုရှိတာက ပိုကောင်းတာပေါ့။ ကုန်းမြေကို ရောက်တာနဲ့ ငါ ဘယ်နေရာရောက်နေလဲ သိရအောင် ဒေသခံတစ်ယောက်ယောက်ကို ချက်ချင်း ဝိညာဉ်ရှာဖွေစစ်ဆေးပြီးတော့မှ လမ်းကြောင်းမှန်အတိုင်း သွားမယ်။ ငါ နတ်သူငယ် တိုက်ကြီးနဲ့ သိပ်မဝေးနိုင်လောက်ဘူးလို့ ထင်တယ်"</p> <p>အေ့စ်က တည်ကြည်စွာ ရေရွတ်လိုက်ပြီးနောက် ရွက်လှေကို နှိုးကာ သံလိုက်အိမ်မြှောင်ပြရာ လမ်းကြောင်းအတိုင်း အရှိန်အကုန်မြှင့်၍ ထွက်ခွာလာခဲ့သည်။</p> <p>သူအားလပ်သွားပြီဖြစ်သောကြောင့် သူခိုးနေရာထဲရှိ အီဗာကို ကြည့်လိုက်ရာ အီဗာ၏ စိတ်အနှောင့်အယှက်ဖြစ်နေသော မျက်နှာပေးကို မြင်လိုက်ရသဖြင့် သူ ချက်ချင်းပင် အံ့အားသင့်သွားသည်။ အီဗာဟာ ဖရီယာနှင့် အလှချင်းပြိုင်နိုင်ပြီး အီဗာထက် အနည်းငယ်သာလျော့သော နတ်သူငယ်အလှလေးကို ကြည့်နေခြင်း ဖြစ်သည်။ ထိုသူမှာ အခြားသူမဟုတ်၊ နတ်သူငယ် အိမ်ရှေ့မင်းသမီး လီဗီယာပင် ဖြစ်သည်။</p> <p>လီဗီယာက အစိမ်းရောင် ဝတ်ရုံရှည်ကို ဝတ်ဆင်ထားပြီး အရပ် ၅ ပေ ၁၁ လက်မ ရှိကာ ကိုယ်လုံးကိုယ်ပေါက်မှာ အချိုးအစား ပြေပြစ်လှသည်။ သူမ၏ တောက်ပသော ငွေရောင်ဆံနွယ်များက သူမကို အလွန်ပင် သန့်ရှင်းမြင့်မြတ်ပုံ ပေါက်စေပြီး နှင်းကဲ့သို့ ဖြူစင်သော နှလုံးသားပုံစံ မျက်နှာလေး၊ နှာတံစင်းစင်းနှင့် ပန်းနုရောင်နှုတ်ခမ်းလွှာတို့မှာ သူမ၏ ဆွဲဆောင်မှုရှိသော အလှတရားနှင့် အပြည့်အဝ လိုက်ဖက်နေသည်။</p> <p>သူမတွင် ကျောက်မျက်ရတနာများကဲ့သို့ ငွေရောင်တောက်နေသော မျက်ဝန်းအစုံရှိသော်လည်း သူမ ကြည့်နေသည့်ပုံစံမှာ လက်ရှိအခြေအနေနှင့် လုံးဝကို ကိုက်ညီမှုမရှိပေ။</p> <p>ပထမအချက်မှာ သူမက စိတ်ဆိုးနေပုံ၊ ထိတ်လန့်နေပုံ သို့မဟုတ် စိုးရိမ်နေပုံပင် မပေါ်ပေ။ ဆန့်ကျင်ဘက်အနေဖြင့် သူမတွင် ပျော်ရွှင်မှုမှလွဲ၍ အခြားမရှိသော ထူးဆန်းသည့် အပြုံးတစ်ခု ရှိနေသည်။</p> <p>ဒုတိယအချက်မှာ သူမက သူမ၏ ညာဘက်လက်ကို တင်းတင်းကြပ်ကြပ် ဆုပ်ကိုင်ထားပြီး အနီးကပ်ကြည့်မည်ဆိုပါက ဇီးကွက်သင်္ကေတတစ်ခုကို အလွန်ညင်သာစွာ ပွတ်သပ်နေသည်ကို မြင်နိုင်ပေမည်။ ၎င်းမှာ အေ့စ်အမြင်တွင် အတော်လေးပင် ကျောချမ်းစရာ ကောင်းလှသည်။</p> <p>တတိယအချက်မှာ သူမက အီဗာကို လေးစားအားကျမှုနှင့် တမ်းတမှုများဖြင့် ကြည့်နေခြင်းဖြစ်ရာ ၎င်းမှာ ပို၍ပင် သံသယဖြစ်စရာ ကောင်းနေသည်။ အေ့စ် မည်သည့်ထောင့်မှ ကြည့်ကြည့် လီဗီယာဟာ သူမ အဖမ်းခံရခြင်းအပေါ် ဒေါသထွက်နေပုံမရဘဲ အလွန်အမင်းပင် ဝမ်းသာကြည်နူးနေပုံရသည်။</p> <p>နောက်ဆုံးတွင် အီဗာ၏ ဒေါသထွက်နေသော မျက်နှာပေးကို မြင်လိုက်ရသောအခါ တစ်ခုခုတော့ မှားနေပြီဖြစ်ကြောင်း အေ့စ် သိလိုက်လေတော့သည်။</p> <p> </p> <p> </p> <p style="text-align: center;">***</p>


Save