Book List

<h2 style="text-align: center;">Chapter -663</h2> <h2 style="text-align: center;">အဆုံးမဲ့ပင်လယ်၏ ထိတ်လန့်ဖွယ်ရာများ (၁)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>တခြမ်းပဲ့လမင်း၏ ဝေဝေဝါးဝါး အလင်းရောင်အောက်တွင် အေ့စ်ဟာ ရွက်တိုင်ထိပ်ပေါ်၌ တင်ပျဉ်ခွေထိုင်နေသည်။ ပြင်းထန်သောလေတိုးသံများနှင့်အတူ သူ၏ဆံပင်ရှည်များက ပိုးသားချည်မျှင်များကဲ့သို့ လွင့်ပျံနေကြသည်။</p> <p>သူ၏ကိုယ်ပေါ်မှ အားကောင်းသော အရှိန်အဝါများ ထွက်ပေါ်နေသော်လည်း ထိုအရှိန်အဝါမှာ လုံးဝငြိမ်သက်နေခြင်းမျိုးမဟုတ်ဘဲ အနည်းငယ် ရှုပ်ထွေးကာ မှောင်မိုက်နေသည်။</p> <p>အေ့စ် လျှို့ဝှက်နယ်မြေမှ ထွက်ခွာလာခဲ့သည်မှာ ၅၄ ရက်ရှိပြီဖြစ်ပြီး၊ တိုက်ရိုက်ကံကြမ္မာမြေပုံနှင့် သူ၏ ကံကြမ္မာအာရုံအား အသုံးပြုကာ အဆုံးမဲ့ပင်လယ်ထဲတွင် ခရီးနှင်နေခြင်းဖြစ်သည်။</p> <p>သို့သော်လည်း သူ မြင်နိုင်သမျှနေရာတိုင်းတွင် ကုန်းမြေအရိပ်အယောင် လုံးဝမတွေ့ရဘဲ အခုဆိုလျှင် သူ စတင်စိတ်မရှည်ဖြစ်လာပြီ ဖြစ်သည်။</p> <p>ကံမကောင်းစွာဖြင့် သူ ဘာမှမတတ်နိုင်ဘဲ သည်းခံရန်သာ ရှိတော့သည်။ တစ်ခုတည်းသော ကောင်းကွက်မှာ သူ၏ စွမ်းရည်များ တိုးတက်လာနေခြင်းနှင့် တစ်ခါတစ်ရံတွင် ပင်လယ်သားရဲများနှင့် ရင်ဆိုင်ရခြင်းပင် ဖြစ်သည်။</p> <p>ထိုစဉ် သူက မျက်လုံးများကို ဖွင့်လိုက်ရာ မျက်ဝန်းထဲ၌ အမည်းရောင်လျှပ်စီးတန်းများ ဖြတ်သန်းသွားသည်။ ရုတ်တရက် ရှေ့သို့ကြည့်လိုက်ပြီး တစ်မိုင်ခန့်အကွာတွင် အမည်းရောင်မြူခိုးများ ဖုံးလွှမ်းနေသည်ကို မြင်လိုက်ရသဖြင့် မျက်မှောင်ကြုတ်သွားသည်။</p> <p>'ငါ အဲဒီမြူတွေထဲကို ဝင်ရမှာလား..'</p> <p>ကံကြမ္မာအာရုံက ထိုဘက်သို့ ညွှန်ပြနေသည့်တိုင် ကံကြမ္မာမြေပုံကို ဖွင့်ကြည့်ကာ သူ၏အတွေးကို အတည်ပြုလိုက်သည်။</p> <p>မြူခိုးများဆီသို့ နီးကပ်လာသည်နှင့်အမျှ သူက ရင်းနှီးနေသော အသက်ရှူကျပ်သည့် ခံစားချက်ကို ခံစားလိုက်ရပြီး၊ ဤခံစားချက်မျိုးကို ဘယ်နေရာမှာ ခံစားဖူးခဲ့သလဲဆိုသည်ကို ရုတ်တရက် သတိရသွားသည်။</p> <p>'ဒါက သိုင်းပညာနဲ့ ဝိညာဉ်ရေးရာ ရောင်ခြည်ဖြာထွက်မှုပဲ'</p> <p>တော်ဝင်အသူရာ ကျောင်းတော်၏ စမ်းသပ်မှုအဝင်ဝတွင် ကြုံတွေ့ခဲ့ရသည်ကို သတိရသွားကာ အေ့စ်၏ မျက်နှာ ပျက်သွားသည်။</p> <p>သူဟာ ယခင်က ရောင်ခြည်ဖြာထွက်မှု အမှတ် ၅ အထိ ကြုံတွေ့ခဲ့ဖူးသဖြင့် ထိုပတ်ဝန်းကျင်သည် ကျင့်ကြံသူတစ်ဦးအတွက် မည်မျှအသက်ရှူကျပ်စေသည်ကို ကောင်းကောင်းသိသည်။</p> <p>ဤရောင်ခြည်ဖြာထွက်မှုမှာ အေ့စ်အတွက် ဘာမှအန္တရာယ်မရှိသော်လည်း ယခုသူက အဆုံးမဲ့ပင်လယ်ထဲတွင် ရောက်နေခြင်းဖြစ်သည်။ ပုံမှန်အားဖြင့် မည်သည့်ကျင့်ကြံသူမဆို ရောင်ခြည်ဖြာထွက်သည့် နေရာများကို ပလိပ်ရောဂါကဲ့သို့ ဝေးဝေးက ရှောင်တက်ကြသည်။ အဘယ်ကြောင့်ဆိုသော် ချီ ပါဝင်သော မည်သည့်ပစ္စည်းမဆို ထိုရောင်ခြည်ထဲတွင် စတင်ခန်းခြောက်သွားသောကြောင့် ဖြစ်သည်။</p> <p>ရောင်ခြည်သိပ်သည်းဆ မြင့်မားလေလေ၊ ခန်းခြောက်နှုန်း မြန်လေလေဖြစ်ပြီး ကျင့်ကြံသူတစ်ဦး၏ ခန္ဓာကိုယ်ထဲတွင် ချီစွမ်းအင်များ အားလုံးကုန်သွားပါက သူတို့အတွက် ဇာတ်သိမ်းသွားပြီဖြစ်သည်။</p> <p>အေ့စ်ဟာ ရောင်ခြည်မြူခိုးများဆီသို့ တဖြည်းဖြည်း ချဉ်းကပ်သွားနေသည့် ရွက်လှေကို ကြည့်ရင်း စဉ်းစားလိုက်သည်။</p> <p> 'ငါသာ အကာအကွယ်အတားအဆီးကို သုံးလိုက်ရင် ဒီမြူတွေထဲမှာ ချီကျောက်တုံး သုံးစွဲမှုက ဆယ်ဆလောက် ဒါမှမဟုတ် ဒီထက်မက ပိုများသွားနိုင်တယ်။ တကယ်လို့ ရောင်ခြည်က အမှတ် ၁၀ အထက်မှာ ရှိနေရင်ပေါ့'</p> <p>'ဒါ့အပြင် ဒီညွှန်ပြချက်က တစ်စုံတစ်ရာသော ရတနာဆီကို ဦးတည်နေတာ သေချာတယ်။ ငါသိသလောက် ဘယ်တိုက်ကြီးမှ ဒီလိုရောင်ခြည်မြူတွေနဲ့ ဝန်းရံမနေဘူး။ ဒါပေမဲ့ ဒီလောက်အဝေးကြီးအထိ လာပြီးမှတော့ ငါလှည့်ပြန်လို့ မဖြစ်ဘူး။ ငါ့မှာ ချီကျောက်တုံးကလွဲရင် ဘာမှမလိုဘူး'</p> <p> စိတ်ပိုင်းဖြတ်လိုက်ပြီးနောက် ရွက်လှေ၏ အကာအကွယ်အတားအဆီးကို အသက်သွင်းလိုက်ရာ လှေပတ်လည်တွင် ကြက်သွေးရောင် အလင်းဖောက် အမိုးခုံးတစ်ခု ပေါ်လာသည်။</p> <p>ရွက်လှေသာ ထိုရောင်ခြည်မြူများကြောင့် ပျက်စီးသွားမှာကို မစိုးရိမ်ပါက သူကိုယ်တိုင် ရှင်သန်ရန်အတွက် အကာအကွယ် မလိုအပ်ပေ။ ဤရွက်လှေမှာ သူပိုင်ဆိုင်သော တစ်စင်းတည်းသော လှေဖြစ်ပြီး အမြန်ဆုံးလည်း ဖြစ်သောကြောင့် သူ အလွန်ဂရုစိုက်ကိုင်တွယ်နေရခြင်း ဖြစ်သည်။</p> <p>မြူများထဲသို့ ဝင်လိုက်သည်နှင့် အသက်ရှူကျပ်သည့် ခံစားချက်မှာ အထွက်အထိပ်သို့ ရောက်သွားသည်။ အဘယ်ကြောင့်ဆိုသော် ဤမြူထဲတွင် ချီစွမ်းအင် အရိပ်အယောင်ပင် မရှိသောကြောင့်ဖြစ်ပြီး၊ ရွက်လှေ၏ အစီရင်တွင် ထည့်သွင်းထားသော ချီကျောက်တုံးများကလည်း ရူးသွပ်ဖွယ် ကောင်းသော အရှိန်ဟုန်းဖြင့် တောက်ပလာသည်။</p> <p>'ဒီရောင်ခြည်မြူက တကယ်ပဲ အမှတ် ၁၀ အထက်မှာ ရှိနေတာပဲ။ ဒါဆိုရင် ဒီနေရာက ဝိညာဉ်သရုပ်ပြခြင်းနယ်ပယ် ကျင့်ကြံသူတွေအတွက်တောင် ဘေးဒုက္ခတစ်ခုပဲ။ ဒီမှာ ငါ့အတွက် အသုံးဝင်မယ့် ဘယ်လိုအရာမျိုး ဖုံးကွယ်နေလို့လဲ..'</p> <p>'ဒါမှမဟုတ် ဒါက နောက်ထပ် ဒြပ်စင်လုံး တစ်ခုခုများလား.. ဒီမြူက သူ့ရဲ့ သဘာဝအတားအဆီး ဖြစ်နေတာလား၊ တကယ်လို့ ဒြပ်စင်လုံးသာ ဖြစ်မယ်ဆိုရင် ဒီခရီးက တန်သွားလိမ့်မယ်'</p> <p>ထိုသို့တွေးမိသည့်အခါ အေ့စ် မျက်လုံးများမှာ မျှော်လင့်ချက်များဖြင့် တောက်ပလာသည်။</p> <p> လျှပ်စီးဒြပ်စင်လုံး နှင့် တော်ဝင်နတ်ဆိုးမျှော်စင်ကို ဘယ်လိုတွေ့ခဲ့သည်ကို သူ မှတ်မိနေသေးသည်။ ထို့ကြောင့် အဆုံးတွင် သူ ဘယ်လိုရတနာမျိုး ရရှိမလဲဆိုသည်ကို စိတ်လှုပ်ရှားနေမိသည်မှာ မလွန်ချေ။</p> <p>ဝင်းတားက မိုးပြာလေတိုက်ကြီးသို့ ရောက်နေပြီဖြစ်ကြောင်း သူသိထားသဖြင့် စိတ်အနည်းငယ် အေးနေရသည်။</p> <p>သူမ၏ လက်ရှိစွမ်းရည်များဖြင့်ဆိုလျှင် မဖြစ်နိုင်သောအရာကို ဖြစ်အောင် လုပ်နိုင်ကောင်း လုပ်နိုင်လိမ့်မည်။</p> <p>အေ့စ်က တိုက်ရိုက်ကံကြမ္မာမြေပုံကို ဖွင့်ထားပြီး အမည်းရောင်မြူများထဲတွင် ဆက်လက်ရွေ့လျားနေသည်။ တစ်ဖက်တွင်လည်း ချီကျောက်တုံး သုံးစွဲမှုကို စောင့်ကြည့်နေပြီး အဟောင်းများ ဖုန်မှုန့်အဖြစ် ပြောင်းသွားတိုင်း အသစ်တစ်သုတ်နှင့် အစားထိုးနေသည်။</p> <p>သူ ၁၅ နှစ်အတွင်း စုဆောင်းထားသော ကြွယ်ဝမှုမှာ မည်သူမဆို မနာလိုဖြစ်လောက်စရာပင်။</p> <p>ကောင်းကင်ဘုံသူခိုး တစ်ဦးတည်းသာလျှင် ဤမျှများပြားသော ချီကျောက်တုံး ဆုံးရှုံးမှုကို မျက်တောင်မခတ်တမ်း ခံနိုင်ရည်ရှိပေမည်။</p> <p>အမည်းရောင်မြူထဲတွင် သုံးနာရီကျော်ကြာ ရွေ့လျားပြီးနောက် အေ့စ်၏ အမူအရာမှာ တည်ကြည်သွားသည်။ အဘယ်ကြောင့်ဆိုသော် အမည်းရောင်မြူများမှာ တိမ်တိုက်များကဲ့သို့ ထူထပ်လာပြီး ချီကျောက်တုံး သုံးစွဲရမှုမှာလည်း ရုတ်တရက် နှစ်ဆတိုးသွားသောကြောင့် ဖြစ်သည်။</p> <p>ထို့ပြင် ကံကြမ္မာမြေပုံမှာလည်း မီးခိုးရောင် မဟုတ်တော့ဘဲ လွန်ခဲ့သော ၁၀ မိနစ်ခန့်ကတည်းက အနီရောင်သို့ ပြောင်းလဲသွားခဲ့သည်။</p> <p>'ငါ လှည့်ပြန်သင့်သလား..'</p> <p> အေ့စ် စိတ်ပျက်စွာ တွေးမိသော်လည်း ဇွဲမလျှော့ဘဲ ဆက်လက်ရှေ့တိုးဖို့ ဆုံးဖြတ်လိုက်သည်။ တစ်ဖက်မှာလည်း အာရုံအားလုံးဖြင့် အစွမ်းကုန် သတိထားနေသည်။</p> <p> ရုတ်တရက် အေ့စ် အမူအရာ ပျက်သွားပြီး ထိတ်လန့်တုန်လှုပ်စွာဖြင့် မျက်လုံးများ ပြူးကျယ်သွားသည်။ အဘယ်ကြောင့်ဆိုသော် သူ၏ ရှေ့မီတာ ရာဂဏန်းခန့်တွင် အမည်းရောင် ကံကြမ္မာအမှတ်အသား တစ်ခု ရုတ်တရက် ပေါ်လာသောကြောင့် ဖြစ်သည်။</p> <p>၎င်းသည် သူရှိရာဘက်သို့ ထိတ်လန့်စရာကောင်းသော အရှိန်ဖြင့် ဦးတည်လာနေသည်။</p> <p>၎င်းသည် အလွန်မြန်သဖြင့် အေ့စ် တုံ့ပြန်နိုင်ခြင်းမရှိမီမှာပင် အမည်းရောင်ကံကြမ္မာအမှတ်မှာ သူ၏ကိုယ်ပိုင်ကံကြမ္မာအမှတ်နှင့် တစ်ထပ်တည်း ကျလုနီးပါး ဖြစ်သွားပြီး နှလုံးခုန်သံပင် ရပ်တန့်လုနီးပါး ဖြစ်သွားသည်။</p> <p>ထိုအမည်းရောင်အမှတ်က ကံကြမ္မာမြေပုံထဲတွင် သူ၏အမှတ်ကို ပွတ်တိုက်ကာ ရှေ့သို့ တည့်တည့်ဆက်သွားပြီး ထိတ်လန့်စရာ အရှိန်အဟုန်ဖြင့် မကြာမီ ပျောက်ကွယ်သွားသည်ကို မြင်လိုက်ရသည့်အခါ သူ ဝေခွဲမရ ဖြစ်သွားသည်။</p> <p>ချွေးအေးများ စီးကျနေပြီး ဖြူဖျော့နေသော အမူအရာဖြင့် အေ့စ် တိုးတိုးလေး ရေရွတ်လိုက်၏။</p> <p>"ဘာ... ဘာဖြစ်သွားတာလဲ"</p> <p> မကြာမီမှာပင် ရွက်လှေက ရုတ်တရက် တုန်ခါလာကာ မြင့်တက်လာသဖြင့် သူ သတိပြန်ဝင်လာသည်။ ရှေ့သို့ ကြည့်လိုက်သောအခါ မီတာတစ်ရာခန့် မြင့်သော လှိုင်းလုံးကြီးတစ်ခု တက်လာနေသည်ကို မြင်လိုက်ရသဖြင့် မျက်လုံးများပင် ပြာသွားရတော့သည်။</p> <p>'အဲဒီ အမည်းရောင်ကံကြမ္မာအမှတ်က ပင်လယ်သားရဲတစ်ကောင်ဖြစ်ပြီး ငါ့ဘေးကနေ ကူးသွားတာလား.. ဒါပေမဲ့ ဘယ်လိုသားရဲမျိုးက ဒီလောက်မြန်ပြီး ဘေးကဖြတ်သွားရုံနဲ့ ဒီလိုလှိုင်းလုံးကြီးမျိုး ဖြစ်ပေါ်စေတာလဲ'</p> <p> </p> <p>ထိုသို့တွေးမိသည့်အခါ အေ့စ် ရင်ထဲ အေးစက်သွားပြီး လျှို့ဝှက်ဆန်းကြယ်လှသော အဆုံးမဲ့ပင်လယ်၏ စစ်မှန်သော ထိတ်လန့်မှုကို ပထမဆုံးအကြိမ် ခံစားလိုက်ရသည်။</p> <p> </p> <p>ရွက်လှေမှာ ထိုလှိုင်းလုံးကြီးကို အလွယ်တကူ ကျော်လွှားနိုင်သော်လည်း ပြဿနာမှာ စတင်ရုံသာ ရှိသေးသည်။ သူ မြင်လိုက်ရသော အရာတစ်ခုကြောင့် ကျောရိုးထဲအထိပင် စိမ့်တက်သွားရသည်။</p> <p>အဘယ်ကြောင့်ဆိုသော် ရုတ်တရက်ဆိုသလိုပင် အနီရောင်ပြနေသော ကံကြမ္မာမြေပုံမှာ အနီရင့်ရောင်သို့ ပြောင်းသွားပြီးနောက် တစ်ခဏချင်းမှာပင် ပိတ်ပိတ်ပိန်းလှသည့် အမည်းရောင်သို့ ပြောင်းလဲသွားသောကြောင့် ဖြစ်ပေသည်။</p> <p> </p> <p> </p> <p style="text-align: center;">***</p>


Save