Book List

<h2 style="text-align: center;">အခန်း (၄၄၇)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>“ဘယ်သူလဲ... ဒါကို ဘယ်သူလုပ်တာလဲ၊ တောက်... ကာစီကော…. ကာစီ ဘယ်မှာလဲ။ ဒီလောက်များတဲ့ ရဲရင့်တဲ့ စစ်သည်တော်တွေ သေကုန်ကြပြီ။”</p> <p>ဟုန်ယွိ ‘ပုံရိပ်ယောင်တံခါး’ထဲသို့ အတင်း တိုးဝင်သွားသည်နှင့် တစ်ပြိုင်နက် ကောင်းကင် တဲနန်းကြီးအတွင်းသို့ အလွန်အေးစက်သော လေပြင်းတစ်ချက် တိုးဝှေ့ဝင်ရောက်လာ သည်။ ထိုလေထဲတွင် ပိုးကောင်ပေါင်း သောင်းချီ တွားသွားနေသကဲ့သို့ တစီစီ အသံများ ထွက်ပေါ်နေပြီး လူတိုင်းကို ကြက်သီးမွှေးညင်း ထသွားစေသည်။</p> <p>တစ်ချိန်တည်းမှာပင် လေနှင့်အတူ ပျို့အန်ချင်စရာကောင်းသော အနံ့ဆိုးကြီးကလည်း ပါလာခဲ့၏။</p> <p>ထို့နောက် ထိုလေပြင်းသည် တဲ၏အလယ်ဗဟိုတွင် ဝဲကရက်တစ်ခုကဲ့သို့ လှည့်ပတ်သွား ပြီးနောက် အညိုရောင်ဝတ်ရုံဝတ် တာအိုကျင့်ကြံသူတစ်ဦး ပေါ်လာသည်။ ထိုသူသည် တာအိုဝတ်ရုံကို ဝတ်ဆင်ထားသော်လည်း သူ၏ရုပ်ရည်မှာ တော်ဝင်ချန်နိုင်ငံနှင့် အနောက်ဘက်ဒေသတို့မှ ကပြားတစ်ဦးနှင့် တူလှသည်။ သူ၏ဆံပင်များမှာ နက်မှောင် နေပြီး နှာတံမှာ မြင့်မားကာ မျက်လုံးများမှာ အညိုရောင် ဖြစ်၏။ သူ၏နက်မှောင်သော မျက်ဝန်းအိမ်ထဲတွင်မူ လူတစ်ဦးကို အချိန်မရွေး ခုန်အုပ်ကိုက်သတ်ရန် အသင့်ပြင်နေသည့် အလွန်ရက်စက်ပြီး အဆိပ်ပြင်းလှသည့် ကင်းခြေများတစ်ကောင် ပုန်းအောင်းနေသကဲ့သို့ ပင်။</p> <p>“ပညာရှင်ပဲ…၊ စခန်းကို လာရောက်တိုက်တဲ့လူက တကယ့်ကို ထိပ်တန်းပညာရှင်ပဲ။ ငါ... ‘ကင်းခြေများသခင်’ တောင် သူ့ကို ယှဉ်နိုင်မှာ မဟုတ်ဘူး။”</p> <p>မိမိကိုယ်ကိုယ် ‘ကင်းခြေများသခင်’ ဟု ခေါ်ဆိုသော ထိုကပြားတာအိုကျင့်ကြံသူသည် တဲအတွင်း ပြန့်ကျဲနေသော အလောင်းများကို မြင်လျှင်မြင်ချင်း ပထမဆုံး ထိတ်လန့်သွား ပြီးနောက် မျက်နှာမှာ လေးနက်တည်ကြည်သွားတော့သည်။</p> <p>ရှုး... ရှုး... ရှုး...</p> <p>သူ တုန်လှုပ်နေစဉ်မှာပင် နောက်ထပ် လေပြင်းအချို့ တိုးဝှေ့ဝင်ရောက်လာပြီး လူငါးဦး ပေါ်လာသည်။ ထိုငါးဦးစလုံးမှာ ဝတ်စားဆင်ယင်ပုံ မတူကြပေ။ အချို့မှာ အနောက်ဘက် ဒေသသားများ ဖြစ်ကြပြီး အချို့မှာမူ အလယ်ပိုင်းဒေသ ပြည်နယ်များမှ ဖြစ်ကြသည်။ သူတို့ ဘယ်ကလာသလဲဆိုသည်ကို မသိနိုင်သော်လည်း သူတို့၏ ကျင့်စဉ်အခြေခံများမှာ မနိမ့်ကြောင်း ထင်ရှားနေသည်။</p> <p>“ကောင်းကင်ကင်းခြေများသခင်... မင်း ဝင်လာတုန်းက ဘာသဲလွန်စများ တွေ့ခဲ့သေးလဲ။”</p> <p>ထိုငါးဦးအနက်မှ အရိုးပေါ်အရေတင်ဖြစ်နေသော အရပ်ရှည်ရှည် လူပိန်တစ်ဦးက မေးလိုက်သည်။ သူသည် အဖြူရောင်ဝတ်ရုံကို ဝတ်ဆင်ထားပြီး လက်ထဲတွင် အပေါ်၌ လူဦးခေါင်းခွံတစ်ခု တပ်ဆင်ထားသည့် ‘ဖြူဆွတ်သော အရိုးတောင်ဝှေး’ တစ်ခုကို ကိုင်ဆောင်ထားသည်။ သူသည် အနောက်ဘက်ဒေသမှ ကျင့်ကြံသူတစ်ဦး ဖြစ်သည်။</p> <p>“သခင်မိုနီ ... ကျွန်တော် ဘာမှ ရှာမတွေ့ခဲ့ပါဘူး။ ဒါပေမဲ့ ခုနက ကြယ်တာရာစွမ်းအား တွေရဲ့ ပြင်းထန်တဲ့ တုန်ခါမှုကတော့ စစ်သေနာပတိရဲ့ တဲနန်းကနေ ထွက်ပေါ်လာတာပါ။ ဘာတွေများ ဖြစ်ခဲ့တာလဲ ခင်ဗျာ” ကင်းခြေများသခင်သည် အောက်လက်ငယ်သားတစ်ဦး က အထက်လူကြီးအား ပြုမူသည့် အနောက်ဘက်ဒေသ အမူအရာဖြင့် အရိုအသေပေးကာ ပြန်ဖြေလိုက်သည်။</p> <p>ဤအရပ်ရှည်ရှည် ပိန်ပိန်နှင့် ‘ဝိညာဉ်ဖြူခေါ်သူတစ်ဦးနှင့် တူလှသော ထိုအနောက်ဘက် ဒေသ ကျင့်ကြံသူ၏ ရာထူးအဆင့်အတန်းမှာ အလွန်မြင့်မားပုံရသည်။</p> <p>“ဒါက အနှစ်သာရနှင့်သွေးစုစည်းမှုကျမ်းရဲ့ သိုင်းတာအိုအခန်းမှာပါတဲ့ လျှို့ဝှက်မှတ်တမ်း တွေအရဆို, ဒါဟာ သိုင်းသူတော်စင် တစ်ယောက် လူသားအင်မော်တယ်အဆင့်ကို ချိုးဖျက်တဲ့အခါမှာပဲ ဖြစ်ပေါ်လာတတ်တဲ့ နက္ခတ်ကြယ်တာရာတွေရဲ့ ဖြစ်ရပ်ဆန်း ဖြစ်စဉ်ပဲ။ ငါတောင် အခုနက သတိမထားမိခင်မှာ အံ့ဩသွားခဲ့သေတယ်။ ကာစီ တစ်ယောက် အဆင့်တက်သွားပြီလို့တောင် ငါ ထင်နေတာ။”</p> <p>ထိုသခင်မိုနီသည် သူ၏ အရိုးတောင်ဝှေးကို ဝှေ့ယမ်းလိုက်ပြီး သူ့မျက်လုံးများက ကြောက်မက်ဖွယ်ကောင်းအောင် လင်းလက်သွားခဲ့သည်။</p> <p>“ကြည့်ရတာ သခင်ကာစီတော့ တစ်ခုခုဖြစ်သွားပြီ ထင်တယ်။ ကာစီက ဒီဘဝမှာ သခင်ခန်းရဲ့ ညီအရင်းလေ။ တကယ်လို့ သူ တစ်ခုခုဖြစ်သွားခဲ့ရင် ကျွန်တော်တို့တော့...” ကင်းခြေများသခင်၏ မျက်နှာတွင် စိုးရိမ်သော အမူအရာ ပေါ်လာသည်။</p> <p>“ရန်သူက အလွန်အစွမ်းထက်လွန်းတယ်။ သခင်ခန်းက ငါတို့ကို သိပ်ပြီး အပြစ်တင်မှာ မဟုတ်ပါဘူး။ ငါက အင်ပါယာရဲ့ ‘မဟာမှော်တပ်မတော်’ ရဲ့ ဒု - စစ်ဗိုလ်ချုပ်တစ်ဦး အနေနဲ့ ငါ့ရဲ့အဓိက တာဝန်က တော်ဝင်ချန်ဧကရာဇ် မိသားစုရဲ့ လျှို့ဝှက်တပ်ဖွဲ့ဖြစ်တဲ့ ‘ဖန်ဆင်းခြင်းအရိပ်စောင့်တပ်’ ကို ခြေမှုန်းဖို့ပဲ။ ကာစီကို ကာကွယ်ပေးဖို့ဆိုတာက ဒုတိယ တာဝန်ပဲ ရှိတာ။ ဒါက သခင်ခန်း ကိုယ်တိုင် အမိန့်ပေးထားတာပဲ။ အခုချိန်မှာ သခင်ခန်း ကိုယ်တိုင်ကလည်း တော်ဝင်ချန်ဧကရာဇ် မိသားစုရဲ့ ‘ဖန်ဆင်းခြင်းအရိပ်စောင့်တပ်’ ရဲ့ ခေါင်းဆောင်၊ လျှို့ဝှက်ဆန်းပြားပြီး ခန့်မှန်းရခက်တဲ့ ‘ချူ’နဲ့ သွားရောက် တိုက်ခိုက်နေ ပြီလေ။” (စကြဝဠာနဂါးအစောင့်တပ်နှင့် တူမတူ မသိရသေးပါ။ ပါသည့်အတိုင်း ပြန်ဆိုပါ သည်။)</p> <p>မိုနီသည် ခေတ္တမျှ တွန့်ဆုတ်သွားပြီးနောက် တဲ၏နောက်ကွယ်ရှိ ဧရာမ ‘ပုံရိပ်ယောင် တံခါး’ ကြီးကို ကြည့်ကာ ဖြည်းဖြည်းချင်း ပြောလိုက်သည် “ကာစီရဲ့ ကိစ္စကို ငါ အထက်လူ ကြီးတွေဆီ တင်ပြပေးပါ့မယ်။ သိပ်ပြီး မထိတ်လန့်ကြနဲ့။”</p> <p>“ရန်သူက ‘ပုံရိပ်ယောင်တံခါး’ ထဲကို ဝင်သွားတာလား။ ဒါမှမဟုတ် ရန်သူက အစွမ်းထက် လွန်းလို့ သခင်ကာစီပဲ ‘ပုံရိပ်ယောင်တံခါး’ ထဲကို ဝင်ပြေးသွားတာလား” ကင်းခြေများ သခင်သည် ထိုပုံရိပ်ယောင်တံခါးကို ကြောက်ရွံ့စရာကောင်းသည့် အရာတစ်ခုအဖြစ် ကြည့်လိုက်သည်။</p> <p>“ဒီ ‘ပုံရိပ်ယောင်တံခါး’ ဆိုတာ ရှေးဟောင်း ရာရှိုမွန်တံခါးရဲ့ ကိုယ်ပွားတစ်ခုပဲ။ အဲဒါက ဘယ်ဆီကို ဦးတည်နေသလဲ ငါလည်း မသိဘူး။ ဒါက အမြင့်မြတ်ဆုံး မူလဝိညာဉ် နတ်ဘုရားရဲ့ နယ်မြေပဲ။ သခင်ကာစီက ရန်သူ့လက်ကနေ လွတ်အောင် ‘ပုံရိပ်ယောင် တံခါး’ ထဲကို ဝင်သွားခဲ့ပြီဆိုရင်တော့ ဒါက ငါတို့ တာဝန်မဟုတ်တော့ဘူး။ ဒီနေရာကို ဘာမှ မထိခိုက်အောင် သေချာစောင့်ကြပ်ထားကြ။ ဒီမှာ ဘာဖြစ်ခဲ့လဲဆိုတာ ဘယ်သူ့ကိုမှ မပြောနဲ့။ စစ်တပ်အတွင်းမှာ မငြိမ်မသက် မဖြစ်ရအောင် ဒါကို လျှို့ဝှက်ထားရမယ်။ ငါ ဒါကို အင်ပါယာရဲ့ အထက်လူကြီးတွေဆီ တိတ်တိတ်လေး တင်ပြပြီး သူတို့ရဲ့ ဆုံးဖြတ် ချက်ကို စောင့်မယ်။” (ရှေးဟောင်း လျှိုရှန်တံခါးအစား ရှေးဟောင်းရာရှိုမွန်တံခါးဟု ပြန်ဆိုပါမည်)။</p> <p>မိုနီက ပြတ်ပြတ်သားသား အမိန့်ပေးလိုက်သည်။</p> <p>“ဟုတ်ကဲ့ပါ ခင်ဗျာ။”</p> <p>ထိုနေရာရှိ တာအိုပညာရှင်များ အားလုံးက ဦးညွှတ်ကာ အရိုအသေပေးလိုက်ကြသည်။</p> <p>“တော်ဝင်ချန်ဧကရာဇ် ရဲ့ ‘ဖန်ဆင်းခြင်းအရိပ်စောင့်တပ်’ ဟုတ်လား။”</p> <p>ထိုအခိုက်အတန့်တွင် သူတို့ ပြောသမျှ စကားအားလုံး တစ်လုံးမကျန် ဟုန်ယွိ၏ နားထဲသို့ ရောက်ရှိလာခဲ့သည်။ ဟုန်ယွိကို အံ့အားသင့်စေသည်မှာ ခုနက ဝင်လာသည့် မိုနီနှင့် ကောင်းကင်ကင်းခြေများသခင်တို့မှာ အတွေ့အကြုံရင့်ကျက်သည့် တစ္ဆေအင်မော်တယ် များ ဖြစ်နေခြင်းပင်။ သူတို့သည် မိုးကြိုးကပ်ဘေးကို မကျော်ဖြတ်ရသေးသော်လည်း တာအိုပညာရပ်များမှာ သေချာပေါက် နက်ရှိုင်းနေပြီ။ သူတို့တစ်ဦးချင်းစီမှ ထွက်ပေါ်နေ သော ရက်စက်သော အငွေ့အသက်များမှာ ‘ရွှေပင့်ကူဘုရင်’နှင့်ပင် အဆင့်တူမယောင် ရှိနေသည်။</p> <p>ဤကဲ့သို့သော တစ္ဆေအင်မော်တယ် အုပ်စုမျိုးမှာ ဤကမ္ဘာလောကကို တုန်လှုပ်စေနိုင် သည့် ပုဂ္ဂိုလ်ကြီးများ ဖြစ်သင့်သော်လည်း ယခုမူ သူတို့သည် ‘မဟာမှော်တပ်မတော်’ အဖြစ် ဖွဲ့စည်းထားကာ တော်ဝင်ချန်အင်ပါယာ၏ ‘ဖန်ဆင်းခြင်းအရိပ်စောင့်တပ်’ ကို ရင်ဆိုင်နေကြခြင်း ဖြစ်သည်။</p> <p>ဟုန်ယွိသည် ‘ဖန်ဆင်းခြင်းအရိပ်စောင့်တပ်’ ဆိုသည့် အမည်ကို တစ်ခါမှ မကြားဖူးခဲ့ပေ။ သူ သိထားသည်မှာ ဧကရာဇ်သင်္ချိုင်းတော်ကို စောင့်ကြပ်သော တော်ဝင်ချန်ဧကရာဇ် မိသားစု၏ လျှို့ဝှက်တပ်ဖွဲ့ ‘စကြာဝဠာနဂါးစောင့်တပ်’မှာ အနိမ့်ဆုံး ‘မဟာဆရာသခင်’ အဆင့်ရှိ သိုင်းပညာရှင်များဖြင့် ဖွဲ့စည်းထားသည်။</p> <p>ထို ‘စကြာဝဠာနဂါးစောင့်တပ်’ ၏ စစ်သေနာပတိမှာ ‘ဆေဘာသူတော်စင်’ ဂွန်ယန်ယု ဖြစ်သည်။</p> <p>သို့သော် ‘ဖန်ဆင်းခြင်းအရိပ်စောင့်တပ်’ ၏ ခေါင်းဆောင်၊ သခင်မိုနီ ခုနက ပြောသွားသည့် ‘ချူ’ ဆိုသူနှင့် ပတ်သက်၍မူ ဟုန်ယွိတွင် သူ့ခေါင်းထဲတွင် မည်သည့် အမှတ်သညာမျှ မရှိပေ။ ထိုသူ မည်သူမည်ဝါဖြစ်ကြောင်း မှတ်တမ်းလည်း မရှိပေ။</p> <p>“ကြည့်ရတာ ‘ဆေဘာသူတော်စင်’ ဂွန်ယန်ယု အပြင် တော်ဝင်ချန်ဧကရာဇ် မိသားစုမှာ တခြားလျှို့ဝှက်ချက်တွေ ရှိနေသေးတာပဲ။ လျှို့ဝှက်ချက်တွေက များလွန်းမနေဘူးလား” ဟုန်ယွိ မျက်မှောင်ကြုတ်လိုက်မိသည် “အဲဒီချူဆိုတဲ့ လူရဲ့ တာအိုကျင့်စဉ်က ဘယ်လိုမျိုး လဲဆိုတာ သိချင်မိသား။ တော်ဝင်ချန်ဧကရာဇ်ရဲ့ လျှို့ဝှက်တပ်ဖြစ်တဲ့ ‘စကြာဝဠာနဂါး စောင့်တပ်’ ကတော့ သိုင်းပညာကိုပဲ ကျင့်ကြံကြတာ။ ဒီ ‘ဖန်ဆင်းခြင်းအရိပ်စောင့်တပ်’ က တာအိုကျင့်စဉ်တွေကိုပဲ ကျင့်ကြံကြတာ ဖြစ်ရမယ်။”</p> <p>ထိုအချိန်တွင် ဟုန်ယွိသည် ရှေးဟောင်း ရာရှိုမွန်၏ ကိုယ်ပွားဟုဆိုသော ‘ပုံရိပ်ယောင် တံခါး’ အတွင်းသို့ ရောက်ရှိနေပြီ ဖြစ်သည်။</p> <p>‘ပုံရိပ်ယောင်တံခါး’ အတွင်းသို့ လှမ်းဝင်လိုက်သည်နှင့် တစ်ပြိုင်နက် ဟုန်ယွိသည် ပြင်းထန်လှသော ရိုက်ခတ်မှုတစ်ခုကို ခံစားလိုက်ရသည်။ သူ၏ အတွေးစများနှင့် သူ၏ ခန္ဓာကိုယ်ကိုပါ ပုံဖျက်ပစ်ရန် ကြိုးပမ်းနေသည့် လက်တံအချို့ကို ခံစားနေရသည်။</p> <p>ပြင်းထန်လှသော တုန်ခါမှုများ၊ ဆူညံသံများနှင့် ရှုပ်ထွေးလှသော လေစီးကြောင်းများမှာ အဆက်မပြတ် လည်ပတ်နေကြသည်။</p> <p>သူသည် ပင်လယ်ထဲရှိ ရေဝဲတစ်ခုအတွင်းသို့ ကျသွားသော ရေနစ်သူတစ်ဦးကဲ့သို့ မည်သည့် အရာကိုမျှ မမြင်ရ၊ မကြားရတော့ပေ။ သူ၏စိတ်ထဲတွင် အဆုံးမဲ့ မျှော်လင့်ချက် ကင်းမဲ့မှုနှင့်အတူ မိစ္ဆာဝိညာဉ်များရှိရာ ငရဲဘုံ သို့မဟုတ် အရည်ပျော်နေသော ကန့်ဓာတ် များကဲ့သို့ အမျိုးမျိုးသော ကြောက်မက်ဖွယ် မြင်ကွင်းများမှာ သူ၏ စိတ်ထဲတွင် လျှပ်ခနဲ ပေါ်လာပြီး၊ သူသည် တကယ်ပင် ထိုနေရာသို့ ရောက်နေသကဲ့သို့ ခံစားရစေကာ ရုန်းထွက် ၍ မရနိုင်အောင် ဖြစ်နေသည်။</p> <p>သို့သော် ဟုန်ယွိ၏ ကျင့်စဉ်အဆင့်မှာ အလွန်နက်နဲလှသည်။ သူသည် ‘လူသားအင်မော် တယ်’လမ်းစဉ်ကို နားလည်သဘောပေါက်ထားပြီး၊ သူ့ကိုယ်ပိုင် နားလည်မှုဖြစ်သော ‘ကောင်းကင်၊ မြေပြင်၊ လေနှင့် မိုးကြိုး’၊  ‘လူကြီးလူကောင်းတစ်ဦး၏ ကိုယ်ကျင့်သီလ လေးပါး’ တို့ဖြင့် သူသည် ‘ပါရမီတံတား’ (တဖက်ကမ်းသို့ ကူးခတ်မည့်တံတား) ကို တည်ဆောက်ခဲ့သည်။ ထိုတံတားမှာ မပြည့်စုံသေးသလို သူ၏ သိုင်းဆန္ဒမှာ အားနည်းနေ သေးသော်လည်း၊ ၎င်း၏ ကြီးကျယ်လှသော စိတ်ဆန္ဒနှင့် အရှိန်အဝါမှာ မည်သည့် ပုံရပ်ယောင် မှော်ပညာရပ်မျိုးကိုမဆို တွန်းလှန်ရန် လုံလောက်သည်။</p> <p>မည်သည့် တာအိုမှော်ပညာကိုမျှ အသုံးမပြုဘဲ ဟုန်ယွိသည် သူ ယခုလေးတင် ဆင်ခြင်း နားလည်ထားသော သူ၏သိုင်းဆန္ဒကို ထုတ်လွှတ်လိုက်သည်။ တစ်ခဏချင်းမှာပင် စုတ်ပြဲသွားသောအသံများ ပေါ်ထွက်လာပြီး သူ၏ရှေ့ရှိ ပုံရိပ်ယောင် မြင်ကွင်းများမှာ လွင့်စင်သွားတော့သည်။ ဖရိုဖရဲ ရှုပ်ထွေးနေသော မြူခိုးများကို မမြင်ရသော ရွှေရောင် တံတားကြီးက ရှင်းထုတ်ပစ်လိုက်သဖြင့် အစစ်အမှန် မြင်ကွင်း ပေါ်ထွက်လာခဲ့သည်။</p> <p>“ဖရိုဖရဲတွေကြားမှာ ကြည်လင်တဲ့ စွမ်းအင်တွေက အထက်ကို တဟုန်ထိုး ဆန်တက်ပြီး ကောင်းကင်ဖြစ်လာတယ်၊ နောက်ပြီး ညစ်ထေးတဲ့စွမ်းအင်တွေက အောက်ကိုဆင်းပြီး မြေကြီး ဖြစ်လာတယ်။ ဒါဟာ အလယ်အလတ်အဆင့် ကမ္ဘာတစ်ခုကို ဖန်တီးထားတာများ လား။”</p> <p>သူ၏ ‘ပါရမီတံတား’ ကြောင့် ဖရိုဖရဲဖြစ်နေသော စွမ်းအားများမှာ လှုပ်ခါသွားပြီး၊ အချို့က အထက်သို့တက်၊ အချို့က အောက်သို့ဆင်းနေသည်ကို မြင်သောအခါ ဟုန်ယွိသည် သူကိုယ်တိုင် ကောင်းကင်နှင့်မြေကြီးကို ဖန်တီးနေသည့်အလား ကြည်လင်မူနှင့် ညစ်ထေးမူ ကွဲပြားခြင်းဆိုသည့် သဘောတရားကို သူ့စိတ်ထဲတွင် ချက်ချင်း ခံစားလိုက်ရ သည်။</p> <p>ယခုအခါ ဟုန်ယွိသည် သူ၏သိုင်းဆန္ဒကို ‘လူသားအင်မော်တယ်’ အဆင့်အထိ ကျင့်ကြံ ထားသဖြင့် မိုင်ပေါင်းများစွာသော ဧရိယာအထိ ထိုစွမ်းအားကို အပြည့်အဝ ထုတ်လွှတ် နိုင်ပေသည်။</p> <p>သူ၏ ရှေ့မှောက် မိုင်ပေါင်းများစွာအတွင်းရှိ ဖရိုဖရဲ စွမ်းအားများနှင့် အဆုံးမရှိသော ပုံရိပ်ယောင် မြင်ကွင်းများ ကွယ်ပျောက်သွားပြီးနောက် ဟုန်ယွိသည် အစစ်အမှန် မြင်ကွင်းကို မြင်လိုက်ရသည်။</p> <p>မိုင်ပေါင်းများစွာ အကွာအဝေးရှိ ဖရိုဖရဲစွမ်းအင်များ အကြားတွင် ဧရာမ ခံတပ်ကြီးများ တစ်ခုပြီးတစ်ခု မှိန်ပျပျ ပေါ်လာသည်။ ထိုခံတပ်များမှာ အနောက်ဘက်ဒေသ၏ ဟန်ပန် အတိုင်း ဖြစ်ပြီး ခံတပ်များမှ ဂျုံနှင့် စပါးနံ့များမှာ သင်းပျံ့နေသဖြင့် ဟုန်ယွိသည် ‘ကျီ’ စားနပ်ရိက္ခာကျီ) ဆိုသည့် စကားလုံး၏ အဓိပ္ပာယ်ကို ပြင်းပြင်းထန်ထန် ခံစားလိုက်ရ သည်။</p> <p>သံသယဖြစ်စရာမလိုပေ။ အဝေးမှ မြူခိုးများဖုံးလွှမ်းနေသော ထိုနေရာမှာ စားနပ်ရိက္ခာ ကျီပင် ဖြစ်၏။</p> <p>ထို့အပြင် ထိုဧရာမ ခံတပ်များနှင့် ရိက္ခာကျီများ၏ အလယ်တွင် ကြည်လင်သော ရေများရှိ သည့် ဧရာမ ရေကန်ကြီးတစ်ကန်လည်း ရှိနေသည်။</p> <p>ဟုန်ယွိသည် အဝေးမှ တန်းစီနေသော ခံတပ်များကို ကြည့်လိုက်သည်။ သူသည် ခြေတစ် လှမ်း လှမ်းလိုက်ပြီး ထိုဖရိုဖရဲ နယ်မြေအတွင်းမှ ထွက်ခွာလိုက်သည်။</p> <p>ဝုန်း….</p> <p>လေတိုးသံတစ်ချက် ကြားလိုက်ရပြီးနောက် ဖရိုဖရဲစွမ်းအင်များ အားလုံး ပျောက်ကွယ် သွားသည်။</p> <p>ဟုန်ယွိသည် ချက်ချင်းပင် လန်းဆန်းမှုကို ခံစားလိုက်ရပြီး အစစ်အမှန် ကမ္ဘာအတွင်းသို့ ပြန်လည်ရောက်ရှိသွားသည်။</p> <p>ထိုခြေလှမ်းနှင့်အတူ ဟုန်ယွိ၏ ခြေထောက်များသည် မြေပြင်သို့ ထိတွေ့သွားသည်။ သူသည် မြေကြီးကို ကြည့်လိုက်သောအခါ မွှေးရနံ့ရှိသော မြေဆီလွှာကို တွေ့လိုက်ရပြီး ဖရိုဖရဲစွမ်းအင် အရောင်အသွေးများ မရှိတော့ပေ။</p> <p>ရှင်းလင်းလှသည်မှာ သူ ခုနက ဖြတ်သန်းခဲ့သော ပုံရိပ်ယောင် တံခါးမှာ ကမ္ဘာတစ်ခု မဟုတ်ပေ။ ထိုတံတားကို ဖြတ်ကျော်ပြီးနောက် တခြားတစ်နေရာသို့ ရောက်ရှိလာခြင်း သာ ဖြစ်၏။</p> <p>ပုံရိပ်ယောင် တံခါးဆိုသည်မှာ တံတားတစ်ခုသာ ဖြစ်ပြီး ရှေးဟောင်း ရာရှိုမွန်တံခါး၏ ကိုယ်ထည်အစစ် မဟုတ်ပေ။</p> <p>အကယ်၍ ရှေးဟောင်း ရာရှိုမွန်တံခါးကို တာအိုကျင့်ကြံသူတစ်ဦးနှင့် နှိုင်းယှဉ်မည်ဆိုပါက ထိုပုံရိပ်ယောင်တံခါးမှာ သူ အပြင်ဘက်တွင် ချန်ထားရစ်ခဲ့သည့် အတွေးစတစ်ခုသာ ဖြစ်ပေလိမ့်မည်။</p> <p>ဤနေရာမှာ ‘ဟွာလျှိုအင်ပါယာ’၏ စားနပ်ရိက္ခာများ သိုလှောင်ထားရာ အနောက်ဘက် ဒေသ၏ ဗဟိုချက်မပင် ဖြစ်သည်။</p> <p>ဤသည်မှာ ဧရာမ မြို့ကြီးတစ်မြို့ ဖြစ်၏။ မြို့အတွင်း၌ ခံတပ်ကြီးများ အဆက်မပြတ် ရှိနေပြီး အားလုံးမှာ စားနပ်ရိက္ခာများဖြင့် ပြည့်နှက်နေသည်။ ဟုန်ယွိသည် လေထဲမှ အနံ့ကို ရှူရှိုက်ကြည့်ရုံဖြင့် ဤနေရာတွင် စားနပ်ရိက္ခာ တန်ချိန် သန်းပေါင်းဆယ်ချီ သို့မဟုတ် သန်းပေါင်းရာချီ၍ပင် ရှိနိုင်ကြောင်း သိလိုက်ရသည်။</p> <p>“လခွမ်း... ဒီပုံရိပ်ယောင်တံခါးက ဟွာလျှိုနိုင်ငံရဲ့ လျှို့ဝှက်ရိက္ခာကျီတွေဆီကို ဦးတည်နေ တာပါလား။ ဒါပေမဲ့ ဒီပုံရိပ်ယောင်တံခါးက အရမ်းအစွမ်းထက်လွန်းတယ်။ ဖြတ်သန်းသွား တဲ့အချိန်မှာ အဆင့်လေး မိုးကြိုးကပ်ဘေး ပညာရှင်တစ်ယောက်တောင် အဲဒီထဲမှာ ပိတ်မိ သွားနိုင်ပြီး လွတ်အောင်ထွက်ဖို့ ခက်လိမ့်မယ်။ ရိက္ခာသယ်တဲ့ စစ်သားတွေက ဘယ်လို လုပ် လွတ်အောင်ထွက်ခဲ့ကြတာလဲ။ ဒါမှမဟုတ် စွမ်းအင်နဲ့ နတ်ဘုရားစွမ်းအား ပေးသနား ခံထားရသူတွေပဲ ဘေးကင်းကင်းနဲ့ ဖြတ်လာနိုင်တာလား။ ဒါပေမဲ့ ဒီကာစီမှာ ဘာစွမ်းအင် ဘာနတ်ဘုရားတန်ခိုးမှလည်း မရှိပါဘူး...။”</p> <p>ဟုန်ယွိသည် နောက်သို့ လှည့်ကြည့်လိုက်သည်။</p> <p>သူ၏ နောက်ကွယ်တွင် ဧရာမ အကာအကွယ် အစီအရင်ကြီး တစ်ခုရှိနေပြီး ထိုအစီအရင် ၏ အပေါ်တွင် နောက်ထပ် ပုံရိပ်ယောင်တံခါးတစ်ခု ရှိနေသည်။ ၎င်းမှာ အလွန်မြင့်မား ကြီးမားလှပြီး အတွင်းပိုင်းမှာတော့ ဖရိုဖရဲ စွမ်းအင်များဖြင့်သာ ပြည့်နေခဲ့သည်။ ၎င်းတံခါး မည်သည့်နေရာသို့ ဦးတည်နေမှန်း မသိနိုင်ပေ။</p> <p>သူ အရာအားလုံးကို နားလည်သွားပြီ။</p> <p>သူသည် အနောက်ဘက်ဒေသ နယ်စပ်ရှိ ကာစီ၏ စစ်သေနာပတိတဲနန်းမှ ပုံရိပ်ယောင် တံခါးကို ဖြတ်သန်းခဲ့ခြင်း ဖြစ်သည်။ ပုံရိပ်ယောင်အတားဆီးများကို အောင်မြင်စွာ ခုခံနိုင် ပြီးနောက် သူသည် ဟွာလျှိုနိုင်ငံ၏ အရေးအကြီးဆုံး စားနပ်ရိက္ခာ သိုလှောင်စခန်းသို့ ရောက်ရှိလာခြင်း ဖြစ်၏။</p> <p>ဟုန်ယွိ သိသည်မှာ ဤနေရာသည် ဟွာလျိုနိုင်ငံ၏ ဗဟိုချက်မသို့ ရောက်ရှိနေခြင်းပင်။</p> <p>တံခါးတစ်ခုကို ဖြတ်ကျော်ရုံဖြင့် တခြားသတ်မှတ်ထားသော နေရာတစ်ခုသို့ ရောက်ရှိနိုင် ခြင်း၊ ဤကဲ့သို့သော မှော်စွမ်းအားမျိုးမှာ ဟင်းလင်းပြင်ကို ဖောက်ထွက်ခြင်းထက်ပင် ကျော်လွန်နေပြီ ဖြစ်ကာ ပို၍ပင် အစွမ်းထက်လှပေသည်။ ဟုန်ယွိသည် ဤကဲ့သို့သော နယ်ပယ်မျိုးကို တစ်ခါမှ မကြားဖူးခဲ့သလို မြင်လည်း မမြင်ဖူးခဲ့ပေ။</p> <p>“ဟွန့်…၊ ဒီစစ်သားတွေက ဒီမှာ စောင့်နေကြတာလား။ သူတို့က ငါ့ကို ရှာတွေ့နိုင်မယ်လို့ ထင်နေတာလား”</p> <p>ဟုန်ယွိသည် ပုံရိယောင်တံခါးအတွင်းမှ ထွက်လာသည်နှင့်တစ်ပြိုင်နက် မီးတုတ်များကို ကိုင်ဆောင်ကာ ဟိုဟိုဒီဒီ လမ်းလျှောက်နေကြသော မြင်းတပ်အုပ်စုတစ်စုကို တွေ့လိုက်ရ သည်။ သူတို့သည် ထိုတံခါးကို သေချာစွာ စောင့်ကြပ်နေကြသည့်ပုံပင်။</p> <p>အဝေးတစ်နေရာတွင်လည်း ဤကဲ့သို့သော တံခါးပေါင်း ရာနှင့်ချီ၍ ရှိနေသည်။ စစ်သားများသည် လှည်းများကို တွန်းကာ ခံတပ်များအတွင်းမှ စားနပ်ရိက္ခာများကို ပုံရိပ်ယောင် တံခါးအတွင်းသို့ ပစ်ထည့်နေကြပြီး အထူးမြင်းတပ်သားများကလည်း ထိုတံခါးများကို စောင့်ကြပ်နေကြသည်။</p> <p>သို့သော် ဟုန်ယွိ ထွက်လာသည့်အခါ ထိုမြင်းတပ်သားများမှာ မျက်စိကွယ်နေသကဲ့သို့ပင်။ သူတို့သည် ဟုန်ယွိကို လုံးဝ မမြင်ကြပေ။ အကြောင်းမှာ ဟုန်ယွိသည် သူ၏ ခန္ဓာကိုယ်ကို ဖုံးကွယ်ရန် ‘လေဟာနယ်ပုံရိပ်ယောင်ကမ္ဘာ’ကို အသုံးပြုထားသောကြောင့် ဖြစ်သည်။ သာမန်စစ်သားများက သူ့ကို မည်သို့ မြင်နိုင်ပါမည်နည်း။</p> <p>“ဒါက ဟွာလျှိုနိုင်ငံရဲ့ အကြီးဆုံး စားနပ်ရိက္ခာ သိုလှောင်စခန်းပဲ။ ဒါပေမဲ့ ကံမကောင်းတာ က ငါတို့ လာချင်တဲ့ နေရာက ဒါမဟုတ်ဘူး။”</p> <p>ဆန်းဝေဝေသည် သူမရှေ့မှ မြင်ကွင်းကို ကြည့်လိုက်သည် “ဒါပေမဲ့ ငါတို့ ‘ပုံရိပ်ယောင် တံခါး’ ထဲ နောက်တစ်ခါ ပြန်ဝင်ပြီး ရှေးဟောင်း ရာရှိုမွန်ရဲ့ ကိုယ်ထည်အစစ်ကို ရှာလို့ရပါ တယ်။ ဒါပေမဲ့ ဟုန်ယွိ... မင်းရဲ့ မှော်စွမ်းအားနဲ့ဆိုရင် ဒီနေရာကို မီးတင်ရှို့ပြီး ရိက္ခာ အားလုံးကို ဖျက်ဆီးပစ်လိုက်ရင် အနောက်ဘက်ဒေသရဲ့ စစ်တပ်က အလိုလို ပြိုကွဲသွား မှာပဲ။”</p> <p>“မြို့ကို ဖျက်ဆီးပြီး ရိက္ခာတွေကို မီးရှို့မယ် ဟုတ်လား။” ဟုန်ယွိ မျက်မှောင်ကြုတ်လိုက်မိ သည် “ဒီမှာ ရိက္ခာတွေက အများကြီးပဲ။ ဒါတွေကို စိုက်ပျိုးဖို့ ဘယ်လောက်တောင် ကြိုးစားခဲ့ရမလဲဆိုတာ မသိနိုင်ဘူး။ ဒါတွေကို ဖျက်ဆီးပစ်လိုက်တာက သဘာဝ အရင်းအမြစ်တွေကို ဖြုန်းတီးပစ်လိုက်တာပဲ။ ငါ့အမြင်အရတော့ ရာရှိုမွန်ရဲ့ ကိုယ်ထည် အစစ်ကို သိမ်းပိုက်လိုက်တာက ပိုကောင်းလိမ့်မယ်။ တကယ်လို့ ဒီရိက္ခာတွေကို အလယ်ပိုင်းဒေသဆီ သယ်သွားနိုင်ရင် လူပေါင်း ဘယ်လောက်တောင် ဗိုက်ဝသွားမလဲ မသိဘူး။ ဒီအတိုင်း ဖျက်ဆီးပစ်လိုက်ရတာကတော့ နှမြောစရာကြီးပဲ။”</p> <p>စကားပြောရင်းနှင့်ပင် ဟုန်ယွိသည် ဆန်းဝေဝေကို ခေါ်ဆောင်ကာ သူ၏ နောက်ကွယ်ရှိ ပုံရိပ်ယောင်တံခါးအတွင်းသို့ ပြန်လည် ဝင်ရောက်လိုက်ပြန်သည်။</p> <p>အဆုံးမရှိသော ပုံရိပ်ယောင် လှည့်စားမှုများက ဟုန်ယွိအား နောက်တစ်ကြိမ် လွှမ်းခြုံ လာပြန်သည်။</p> <p>သို့သော် ဟုန်ယွိမှာမူ တစ်စုံတစ်ခုကို ရှာဖွေနေသကဲ့သို့ အေးဆေးတည်ငြိမ်စွာပင် လမ်းလျှောက်နေသည်။</p> <p>အချိန်အတန်ကြာ လမ်းလျှောက်ပြီးနောက် ဟုန်ယွိသည် မျက်မှောင် အနည်းငယ် ကြုတ်လိုက်ပြီး သူ၏ အငွေ့အသက် အားလုံးကို ရုပ်သိမ်းလိုက်သည်။ ထို့နောက် သူ၏ အတွေးစအများစုကို သိုင်းဆန္ဒနှင့် ပေါင်းစပ်လိုက်ပြီး ရွှေရောင်တံတားလေးများအဖြစ် ပြောင်းလဲကာ ပုံရိပ်ယောင်နယ်မြေအတွင်း အရပ်မျက်နှာ အသီးသီးသို့ စူးစမ်းရှာဖွေရန် စေလွှတ်လိုက်တော့သည်။</p> <p>“တွေ့ပြီ…၊ ဒါက ပုံရိပ်ယောင်တံခါးရဲ့ မူလအငွေ့အသက်ပဲ။ ဒီပုံရိပ်ယောင် နယ်မြေကို ဖြတ်ကျော်ပြီးသွားရင် ငါတို့ ရှေးဟောင်း ရာရှိုမွန်ရဲ့ ကိုယ်ထည်အစစ်ရှိတဲ့ နေရာကို ရောက်မှာ သေချာတယ်။ ငါသာ ‘ပါရမီတံတား’ အကြောင်းကို နားမလည်ခဲ့ရင် ဒါကို ဒီလောက် အလွယ်တကူ ရှာတွေ့မှာ မဟုတ်ဘူး။”</p> <p>ရုတ်တရက်ပင် အရပ်မျက်နှာအသီးသီးသို့ သွားလာနေသော သူ၏ အတွေးစများမှာ ထူးခြားပြင်းထန်လှသော အငွေ့အသက်တစ်ခုကို ခံစားလိုက်ရသည်။</p> <p>ဟုန်ယွိက အေးစက်စွာ ပြုံးလိုက်ပြီး သူ၏ အတွေးစများကို ပြန်လည်ရုပ်သိမ်းကာ ဦးတည်ချက် တစ်ခုဆီသို့ ရုတ်တရက် ခုန်ဝင်လိုက်တော့သည်။</p> <p>ဘုန်း။</p> <p>ကျယ်လောင်လှသော ပေါက်ကွဲသံကြီးတစ်ခု ထွက်ပေါ်လာသည်။</p> <p>ဟုန်ယွိသည် နောက်ထပ် ပုံရိပ်ယောင်တံခါး တစ်ခုအတွင်းမှ ထွက်လာပြီး မြေပြင်ပေါ်သို့ ဆင်းသက်လိုက်သည်။ မြေပြင်ပေါ်တွင် အလွန်တရာ အဖိုးတန်လှပြီး ခမ်းနားထည်ဝါသော ကော်ဇောကြီးတစ်ခု ခင်းထားပြီး ၎င်းမှာ ရွှေရောင်မျောက်ဝံတစ်မျိုး၏ အမွှေးအမျှင်များ ဖြင့် ပြုလုပ်ထားပုံရသည်။</p> <p>မှတ်တမ်းများအရ အနောက်ဘက်ဒေသ ဟွာလျှိုနိုင်ငံ၏ နန်းတော်အတွင်းရှိ ကော်ဇောကို ရွှေရောင်မျောက်ဝံ၏ အမွှေးများဖြင့် ပြုလုပ်ထားခြင်း ဖြစ်သည်။</p> <p>ဟုန်ယွိသည် ထိုပုံရိပ်ယောင် တံခါးအတွင်းမှ ထွက်လာသည်နှင့်တစ်ပြိုင်နက် ထူးခြား ပြင်းထန်လှသော အငွေ့အသက်အချို့ သူ့အထံသို့ ချဉ်းကပ်လာသည်ကို ခံစားလိုက်ရ သည်။</p> <p>ထိုအငွေ့အသက်များမှာ အနှစ်သာရနတ်ဘုရားကျောင်း၏ ယဇ်ပုရောဟိတ် ဘုန်းတော် ကြီးနှင့် ကျိုးထိုက်ကျူတို့နှင့်ပင် အဆင့်ချင်း တူမယောင် ရှိနေသည်။ ရည်မှန်းချက်ကြီးမား ပြီး ရက်စက်ကြမ်းကြုတ်လှသော ဘီလူးကြီးအချို့မှာ သူတို့၏ ရှေ့တည့်တည့်တွင်ပင် ရှိနေကြတော့သည်။</p> <p> </p> <p> </p> <p> </p> <p> </p> <p style="text-align: center;">***</p>


Save