Book List

<h2 style="text-align: center;">အပိုင်း(၂၃၂၇)</h2> <h2 style="text-align: center;">*</h2> <p> </p> <p> </p> <p>"နင့်ရဲ့ ဆေးဖော်စပ်တဲ့ အမြန်နှုန်းက ငါ့ကို အမြဲတမ်း အံ့အားသင့်စေတယ်"</p> <p>ကောင်းကင်စစ်ဝိညာဉ်က စိတ်လှုပ်ရှားစွာဖြင့် ပြောလိုက်သည်။ ဝေ့ဝူယင်သည် အဂ္ဂိရတ် တာအို၏ အစွန်းရောက် အရည်အသွေးများ ပြည့်နှက်နေသော ပုံမှန်မဟုတ်သည့် ဖြစ်တည်မှုတစ်ခု ဖြစ်သည်။ ဤအချက်ကို ပထမဆုံး သေမျိုး ရှန့်ထို အဂ္ဂိရတ်ပညာရှင် ဖြစ်လာချိန်နှင့် တစ်ခါမှ မရှိဖူးသည့် အဂ္ဂိရတ် ကြယ်တာရာ အသစ်တစ်ခု နိုးထလာချိန်ကတည်းက အခိုင်အမာ သိရှိခဲ့ပြီး ဖြစ်သည်။</p> <p>သို့သော် သူ၏ အဓိပ္ပာယ်မဲ့လောက်အောင် လွယ်ကူသော သန့်စင်မှု၊ သူ၏ ထုတ်ကုန်များကို သုံးစွဲခြင်းဖြင့် ရရှိလာမည့် ဝိညာဉ်အင်အားကို မြှင့်တင်ပေးသည့် အကျိုးကျေးဇူးများ၊ သို့မဟုတ် သူ၏ ထုတ်ကုန်များသည် မသန့်စင်ခြင်း လုံးဝ မရှိဆိုသည့် အရည်အသွေးမှာ သူ၏ အပြစ်အနာအဆာကင်းစွာ အောင်မြင်စွာ ဖော်စပ်နိုင်သည့် ရူးသွပ်လောက်သော အမြန်နှုန်းပင် ဖြစ်ပေသည်။</p> <p>အစွမ်းကုန် သန့်စင်ခြင်း ဂလက်ဆီတွင် အချို့သော ဆေးလုံးများကို ဝေ့ဝူယင်၏ ဖော်စပ်နှုန်းနှင့် ယှဉ်နိုင်သည့် အဂ္ဂိရတ် ရှန့်ထိုအချို့ ရှိသော်လည်း၊ ယင်းမှာ များသောအားဖြင့် သူတို့၏ ကျွမ်းကျင်ရာ နယ်ပယ်တွင်သာ ဖြစ်သည်။ အဂ္ဂိရတ် ရှန့်ထိုများ၏ အဆင့်များသည်လည်း ယေဘုယျအားဖြင့် အဆိုပါ ထုတ်ကုန်၏ အဆင့်ထက် များစွာ သာလွန်နေတတ်သည်။</p> <p>ဥပမာအားဖြင့်... အဖြူရောင် ကောင်းကင် လောကရှန့်ထို ဆိုပါစို့။ သူမသည် ဝေ့ဝူယင်၏ အမြန်နှုန်းကို ယှဉ်ကောင်း ယှဉ်နိုင်ပေမည်။  သို့သော်လည်း... လူတစ်ဦး၏ သွေးနှင့် ခန္ဓာကိုယ်အတွင်း ကိန်းအောင်းနေသော စွမ်းအင်များကို လှုံ့ဆော်ပေးရန် ဖန်တီးထားသည့် အဆင့်ရှစ် သို့မဟုတ် ယင်းထက်နိမ့်သော သေမျိုးအဆင့် ဆေးတောင့်များကို ဖော်စပ်ရာတွင်သာ ဖြစ်သည်။ </p> <p>လျှို့ဝှက်-မြေကြီး အဆင့် ထုတ်ကုန်များအတွက် ဝေ့ဝူယင်၏ ဆေးဖော်စပ်နှုန်းမှာ အံ့မခန်း မြန်ဆန်လှပြီး အစွမ်းကုန် သန့်စင်ခြင်း ဂလက်ဆီတစ်ခုလုံးတွင် သူ့ကို ယှဉ်နိုင်မည့် အဂ္ဂိရတ်ပညာရှင် ရှိမည်မထင်ပေ။ ဤသည်မှာ ကောင်းကင်စစ်ဝိညာဉ်၏ ယုံကြည်ချက်သာ ဖြစ်ပြီး တကယ်ဟုတ်မဟုတ်ကိုမူ မည်သူမျှ မသိနိုင်ချေ။</p> <p>ဝေ့ဝူယင်သည် သူဖော်စပ်ထားသော ဆေးလုံး သုံးဆယ့်သုံးလုံးကို မှိုင်းညို့သော မျက်နှာထားဖြင့် တည်ငြိမ်စွာ စစ်ဆေးလိုက်သည်။ ဤသည်တို့မှာ သူတော်စင် နိုးထခြင်း ဆေးလုံးများ ဖြစ်ပြီး အားလုံးမှာ အထွတ်အထိပ် အဆင့် အရည်အသွေးများ ဖြစ်ကြသည်။</p> <p>"တွေ့လား... ငါ့ဆရာက အရမ်းစွမ်းပါတယ်လို့ ငါပြောသားပဲ..."</p> <p>ပိုင်ရှု နှစ်ယောက်သည် နို့နှစ်ရောင် မှော်သန့်စင် ဆေးအိုး၏ အစွန်းတွင် ထိုင်နေကြသည်။ သူတို့သည် တောက်ပသော မျက်လုံးများဖြင့် အဆင့်သုံး အစွမ်းကုန် သန့်စင်ခြင်း မြူခိုးကို ဝါးစားနေကြပြီး တစ်ယောက်လက်ကို တစ်ယောက် ဆုပ်ကိုင်ထားကြသည်။ ဝေ့ဝူယင် အသုံးပြုနေသော မှော်သန့်စင် ဆေးအိုးသည် မိုးကုပ်စက်ဝိုင်း ဖန်တီးခြင်း မျှော်စင်မှ သူလက်ခံရရှိထားသော လုံးဝအသစ်စက်စက် ဆေးအိုးတစ်လုံး ဖြစ်သည်။</p> <p>ဝေ့ဝူယင်ကမူ အာရုံစိုက်မြဲ အာရုံစိုက်နေဆဲပင်။ လောလောဆယ်တွင် သူ၏ ကြယ်တာရာ မျက်လုံးများသည် မျိုးဗီဇပြောင်းလဲနေသော အချိန် ဥပဒေသနှင့်အတူ လောကီမျက်လုံးကို အသက်ဝင်စေကာ ဆေးအိုး၏ သက်တမ်းကို သူ့အလိုလို အလျင်အမြန် တိုးမြှင့်လိုက်သည်။ သူတော်စင် နိုးထခြင်း ဆေးလုံးများ၏ နောက်ဆုံးအဆင့်ကို မပြီးပြတ်မီတွင် ဆေးအိုးကို နှစ်ပေါင်း ထောင်နှင့်ချီ၍ ဖြတ်သန်းစေခဲ့သည်။ အကယ်၍ အခြားသူများက ဆေးလုံး သို့မဟုတ် ဆေးအိုး၏ အော်ရာကို ခံစားမိပါက၊ လုပ်ငန်းစဉ်တစ်ခုစီအတွက် နှစ်ရာပေါင်းများစွာ အချိန်ယူရပြီး အချိန်အရှိန်မြှင့်တင်ထားသော ဇုံတစ်ခုတွင် အပြီးသတ်ရန် နှစ်ထောင်ပေါင်းများစွာ ကြာမြင့်ခဲ့သည်ဟု ထင်မှတ်သွားကြမည် ဖြစ်သည်။</p> <p>ဤအရာကို ပြီးစီးပြီးနောက်၊ သူသည် ဆေးဖော်စပ်ခြင်းကို အဆုံးသတ်လိုက်ပြီး ဆေးလုံးများကို သိမ်းဆည်းလိုက်သည်။ ထို့နောက် လေးလံသော သက်ပြင်းတစ်ချက်ချကာ၊ နက်ရှိုင်းစွာ ဖုံးကွယ်ထားသော ဝိညာဉ်စွမ်းအား အမျှင်တန်းလေးတစ်ခု ပါဝင်နေသည့် ဆေးအိုးထဲမှ အော်ရာအငွေ့အသက်လေးတစ်ခုကို ထုတ်ဖော်လိုက်ပြီး ၎င်းကို ဖျက်ဆီးပစ်လိုက်သည်။</p> <p>ထိုသို့လုပ်ဆောင်ပြီးနောက် မှော်သန့်စင် ဆေးအိုးသည် ပြိုကျပျက်စီးသွားလေသည်။ ၎င်းသည် အသစ်စက်စက်ဖြစ်ပြီး ပထမဆုံး ဆေးဖော်စပ်မှုတွင် အံ့ဖွယ်ကောင်းလောက်အောင် အောင်မြင်မှုကို ခံစားခဲ့ရသော်လည်း၊ ရရှိလာသော အဆင့်မြင့် အရည်အသွေးရှိသည့် မြူခိုးများကို မခံစားလိုက်ရဘဲ နောက်တစ်စက္ကန့်တွင် ဖျက်ဆီးခံလိုက်ရသည်။ ဝေ့ဝူယင်၏ ရင်ဘတ်ထဲတွင် ဒေါသလှိုင်းတစ်ခု ထကြွလာပေသည်။</p> <p>"သူတို့ရဲ့ စူးစမ်းရှာဖွေမှုတွေက တဖြည်းဖြည်းနဲ့ ပိုပိုပြီး စိတ်ပျက်စရာ ကောင်းလာပြီ"</p> <p>ဝေ့ဝူယင်က ဆေးအိုး၏ ပြိုကျပျက်စီးသွားသော ပြာများကို သေတ္တာတစ်လုံးထဲသို့ သိမ်းဆည်းရင်း ပြောလိုက်သည်။</p> <p>မိုးကုပ်စက်ဝိုင်း ဖန်တီးခြင်း မျှော်စင်သည် လောင်းကြေး၏ အစိတ်အပိုင်းတစ်ခုအနေဖြင့် ဤထူးခြားသော ဆေးအိုးကို သူ့ထံ ပေးပို့ခဲ့ခြင်းဖြစ်သည်။ ၎င်းတွင် အထွတ်အထိပ် သူတော်စင် တစ်ဦး၏ နက်ရှိုင်းစွာ ဖုံးကွယ်ထားသော စောင့်ကြည့်ရေး အစီအရင်တစ်ခု ပါဝင်နေပြီး၊ အဂ္ဂိရတ်ပညာရှင် အများစု အသုံးပြုလေ့ရှိသော စမ်းသပ်လည်ပတ်မှုအတွင်း ဝေ့ဝူယင်၏ အဂ္ဂိရတ် တာအို စွမ်းရည်ကို စစ်ဆေးရန် ရည်ရွယ်ထားခြင်း ဖြစ်သည်။ ထိုအစီအရင်က လုပ်ငန်းစဉ်နှင့် ပတ်သက်သည့် အချက်အလက်များကို ပြန်လည်ပေးပို့ရန် စတင်ချိန်တွင် ဝေ့ဝူယင်သည် ၎င်းကို နှောင့်ယှက်ခဲ့ပြီး သူ၏ ဆေးဖော်စပ်မှု အစီအစဉ်၏ အစိတ်အပိုင်းလေးများကိုသာ ပေါက်ကြားခွင့်ပြုခဲ့သည်။</p> <p>သူ့ကို အမှန်တကယ် ဒေါသထွက်စေသည်မှာ ထိုသူတို့၏ အစီအရင်ကြောင့် ဆေးအိုး တစ်လုံး အလကားဖြစ်သွားရပြီး ပေးပို့သော အချက်အလက်များကို လှည့်စားရန်အတွက် ဆေးအိုးကို ဖျက်ဆီးပစ်ရန် ဖိအားပေးခံရခြင်းပင် ဖြစ်သည်။</p> <p>လွန်ခဲ့သော ရက်အနည်းငယ်အတွင်း ဝေ့ဝူယင်သည် ဤအဖွဲ့အစည်းများ၏ ပေါ်ပေါ်ထင်ထင်ရော၊ တိတ်တဆိတ်ပါ စူးစမ်းမှုပေါင်းများစွာကို ရင်ဆိုင်ခဲ့ရသည်။ သူတို့သည် အင်ပါယာ လမ်းစဉ်ကို ကျင့်ကြံသူများကိုပါ ကြိုးကိုင်ခြယ်လှယ်ရာတွင် ကျွမ်းကျင်ပုံရပြီး ဝေ့ဝူယင်၏ ဂုဏ်သိက္ခာနှင့် ခံစားချက်များကို အမြဲတမ်း တိုက်ခိုက်ရန် ရည်ရွယ်ကာ သူ၏ သည်းခံနိုင်စွမ်းကို စမ်းသပ်နေကြသည်။</p> <p>ဝေ့ဝူယင်က အထွတ်အထိပ် သူတော်စင် တစ်ယောက်နှင့် တိုက်ခိုက်လိုသည်ဟု ပြင်ပတွင် ထုတ်ဖော်ပြောဆိုထားခြင်းက သူစိမ်း ဂလက်ဆီတစ်ခုတွင် နောက်ဆက်တွဲ ပြဿနာအချို့ ပါလာစေသည်မှာ ထင်ရှားသည်။ အဘယ်ကြောင့်ဆိုသော် ထိုသူတို့က သူ၏ ဆုံးဖြတ်ချက်ကို အကြိမ်ကြိမ် စမ်းသပ်နေကြသောကြောင့် ဖြစ်သည်။ သူတို့၏ ကောက်ကျစ်သော အစီအစဉ်များ အားလုံးသည် ဘက်စုံထောင့်စုံမှ စဉ်းစားထားခြင်း ဖြစ်ပြီး သူ့ကို စော်ကားရန် ရည်ရွယ်ထားသော်လည်း လွန်လွန်ကျွံကျွံတော့ မလုပ်ပေ။ ဒေါသထွက်စေပြီးနောက် ပြန်လည်ချော့မော့ရန် အသင့်ပြင်ထားသကဲ့သို့ သူတို့ကိုယ်သူတို့ အန္တရာယ် မကျရောက်စေဘဲ ဝေ့ဝူယင်၏ ခွန်အားနှင့် အကန့်အသတ်များကို စမ်းသပ်ရန် စီစဉ်ထားခြင်း ဖြစ်သည်။</p> <p>အရိပ်ကွယ် အဖွဲ့မှ ထိပ်တန်း အင်အားစုများ၏ အုတ်မြစ်ကို ထိန်းသိမ်းထားသော အထွတ်အထိပ် သူတော်စင် တစ်ဦးဖြစ်သည့် သူရဲကောင်း အရှင်သခင်၏ မျိုးဆက်နှင့် တွေ့ဆုံချိန်တွင်မူ ဝေ့ဝူယင်သည် ထိုနေရာမှာပင် ဆေဘာကို ဆွဲထုတ်လုနီးပါး ဖြစ်ခဲ့ရသည်။ သူတို့သည် အစမ်းသပ်ဆုံးနှင့် အရိုင်းစိုင်းဆုံးပင် ဖြစ်သည်။ မျက်နှာကြောပြေပြေနှင့် ရိုသေလေးစားသယောင် ဟန်ဆောင်တတ်သော ကောင်းကင် ရှန့်ထို တစ်ယောက်ကို စေလွှတ်ပြီး ရှီနင်၊ ရှန့်ဝမ်ချင်းနှင့် ယွီစွန်းလီတို့ကို ပစ်မှတ်ထားကာ စကားလုံးများထဲတွင် ဖုံးကွယ်ထားသော အဓိပ္ပာယ်များဖြင့် ပေါ်ပေါ်ထင်ထင် စော်ကားခဲ့ခြင်း ဖြစ်သည်။ သူတို့မှာ ချွင်ဆွေဟွကျိ ခန္ဓာကိုယ်ပိုင်ရှင် အလှမယ်သုံးဦးအဖွဲ့ပင် ဖြစ်သည်။</p> <p>သူ အသက်ရှင်ရသည့် တစ်ခုတည်းသော အကြောင်းရင်းမှာ ဝေ့ဝူယင်က သူ့ကို အမှောင် ဟင်းလင်းပြင်ထဲတွင် လူသိရှင်ကြား ကွပ်မျက်ရန် လုပ်နေချိန်၌ အရိပ်ကွယ် အဖွဲ့၏ အထွတ်အထိပ် သူတော်စင်က ဝင်ရောက်စွက်ဖက်ခဲ့ခြင်းကြောင့်ပင် ဖြစ်သည်။ သူ၏အသက်နှင့် လဲလှယ်သည့်အနေဖြင့် ဝေ့ဝူယင်က သူတို့ထံမှ အရင်းအမြစ် တောင်တစ်လုံးခွဲစာခန့်ကို ခြိမ်းခြောက်တောင်းယူခဲ့သည်။ ထိုသို့ တောင်းယူပြီးသည်တိုင် ဝေ့ဝူယင်က မဆိုင်းမတွပင် သူ၏ ကျင့်ကြံခြင်း အခြေခံကို ဖျက်ဆီးပစ်ခဲ့သေးသည်။ အကယ်၍ အရိပ်ကွယ် အဖွဲ့တွင် စွမ်းဆောင်ရည်ရှိပါက သူ့ကို ပြန်လည်ကျင့်ကြံခွင့် ပြုနိုင်ပေလိမ့်မည်။</p> <p>မရှိလျှင်ရော။ ကောင်းကင်ဘုံက မည်သူက ဂရုစိုက်မည်နည်း။</p> <p>စောစောက မူလအာရုဏ်ဦး နန်းတော်ဆီသို့ စိတ်ကို လှုံ့ဆော်ပေးနိုင်သည့် ဝိညာဉ်လှိုင်းများ ပို့လွှတ်ခဲ့သော မိုးကုပ်စက်ဝိုင်း သန့်စင်ခြင်း မျှော်စင်မှ ဆင်ကျား အာဏာရှင်အကြောင်း တွေးမိတော့ ဝေ့ဝူယင် ထပ်မံ၍ သက်ပြင်းချလိုက်မိပြန်သည်။ ဤသည်မှာ တမင်သက်သက် စမ်းသပ်မှုတစ်ခု ဖြစ်သော်လည်း ဝေ့ဝူယင်၏ နှုတ်မှ ခြိမ်းခြောက်မှု တစ်ခုတည်းဖြင့် ရပ်တန့်သွားခဲ့ခြင်းတော့ မဟုတ်ပေ။</p> <p>တစ်နာရီကြာ ပရမ်းပတာဖြစ်နေသည့် အချိန်အတွင်း ဝေ့ဝူယင်သည် သူတို့ထံသို့ လျှို့ဝှက်ကျိန်စာ စာချုပ်တစ်ခု ပို့လွှတ်ခဲ့သည်။ ထိုစာချုပ်ထဲတွင် ဤကိစ္စက တစ်နာရီထက် ပိုကြာသွားပါက သူသည် မိုးကုပ်စက်ဝိုင်း သန့်စင်ခြင်း မျှော်စင်နှင့် အသေအကြေ တိုက်ခိုက်မည်ဖြစ်ပြီး၊ သူတို့၏ မျိုးဆက်တစ်ခုလုံးကို အဆုံးသတ်ပစ်မည်ဟု ကတိပြုထားသည်။</p> <p>ဒဏ္ဍာရီလာ စာချုပ်က သူတို့လက်ထဲတွင် ရှိနေသောကြောင့် သူတို့သာလျှင် ဤကိစ္စကို မဖြစ်အောင် တားဆီးနိုင်ပေသည်။ ဤသည်မှာ ဝေ့ဝူယင် မည်မျှ အတည်ပြောနေသည်ကို ပြသနေသည့် လက္ခဏာပင် ဖြစ်သည်။ သူတို့က စာချုပ်ကို ဆုတ်ဖြဲပစ်မည်ဆိုလျှင်တိုင် ဝေ့ဝူယင်က နောက်တစ်ခု ထပ်လုပ်နိုင်သေးသည်။ မည်သို့ပင်ဖြစ်စေ သူက ပြောသည့်အတိုင်း ဆက်လုပ်မည်သာ ဖြစ်သည်။</p> <p>သူတို့ ဆက်လုပ်ရန် မရဲဝံ့ကြတော့ပေ။</p> <p>လျှို့ဝှက်ကျိန်စာ စာချုပ်လည်း အဆုတ်ဖြဲခံလိုက်ရလေသည်။</p> <p>ဝေ့ဝူယင် ထုတ်လွှတ်လိုက်ရသော ရန်လိုမှုက အတော်လေး ပင်ပန်းစေသလို စိတ်လှုပ်ရှားစရာလည်း ကောင်းလှသည်။ သို့သော်လည်း လက်ရှိ သူ၏ ကျင့်ကြံခြင်း အခြေခံအရ အာဏာရှင်ဆန်ဆန် အရှိန်အဝါဖြင့် ပင်မစင်မြင့်ပေါ် တက်ရခြင်းမှာ အတော်လေး အန္တရာယ်များလှသည်။</p> <p>သူ၏ သာလွန်ခြင်းအဆင့် လျှို့ဝှက်လောက ဆေးဖော်စပ်မှုကြောင့် ပိုင်ရှုနှင့် သူ၏ အခြား မှော်သန့်စင် ဆေးအိုးသည် ပြင်းထန်သော ပျက်စီးမှုများကို ခံစားခဲ့ရပြီး ပြန်လည်ကောင်းမွန်ရန် အချိန်ယူရဦးမည် ဖြစ်သည်။ သို့တိုင်အောင် သူသည် လုံလောက်သော ဆေးလုံးများ ဖော်စပ်နိုင်ခဲ့သေးသည်။</p> <p>သူ၏ လျှို့ဝှက် ကြယ်တာရာ အဆင့် ကျင့်ကြံခြင်း အခြေခံကို အမြင့်ဆုံးရောက်အောင် မြှင့်တင်ရန် ကောင်းကင် ပဲ့တင်သံ ဆေးလုံးများနှင့် အခြားအမျိုးအစားစုံလင်သော ဆေးလုံးများကို ဖော်စပ်ခဲ့ခြင်းဖြစ်သည်။</p> <p>သို့သော် သူသည် မယုံနိုင်လောက်စရာ တစ်ခုကို ရှာဖွေတွေ့ရှိခဲ့သည်။ ထိုထုတ်ကုန်များ အားလုံးကို ချေဖျက်ပြီးနောက် သူ၏ ကြယ်တာရာ ဝိညာဉ်များသည် ၎င်းတို့၏ အလားအလာရှိသော အမြင့်ဆုံးစွမ်းရည်၏ ခန့်မှန်းခြေ ၁၂ ရာခိုင်နှုန်းတွင်သာ ရှိနေသေးသည်။</p> <p> </p> <p> </p> <p style="text-align: center;">***</p>


Save