Book List

<h2 style="text-align: center;">အပိုင်း(၂၃၃၁)</h2> <h2 style="text-align: center;">*</h2> <p> </p> <p> </p> <p>ဖန်တီးခြင်းဇုံ နှင့် အသွင်ပြောင်းခြင်းဇုံ ဟူသော ဂလက်ဆီဇုံ နှစ်ခုကြားရှိ ကြီးမားလှသော လှုပ်ရှားမှုကြီးသည် ဂလက်ဆီတစ်ခုလုံးကို တုန်လှုပ်သွားစေပြီး တွေ့မြင်ရခဲလှပေသည်။ အထူးသဖြင့် အထွတ်အထိပ် ဖြစ်တည်မှု နှစ်ခု ပါဝင်ပတ်သက်နေခြင်းဖြစ်ပြီး၊ မရေမတွက်နိုင်သော ဂြိုဟ်များ၊ တိုက်ကြီးများနှင့် လများ၏ ကောင်းကင်ယံကို ဖြတ်သန်းသွားသော စူးရှကျယ်လောင်သည့် ရွှေရောင်အလင်း လှံတံကြီးသည် ကြည့်ရှုသူများကို အံ့သြမှင်တက်စေကာ စိတ်အားထက်သန်မှုများ ဖြစ်ပေါ်စေသည့် ခမ်းနားထည်ဝါပြီး လှပလွန်းသော အလင်းတန်းလမ်းကြောင်းတစ်ခုကို ချန်ရစ်ထားခဲ့လေသည်။</p> <p>မူလအာရုဏ်ဦး နန်းတော် အတွင်း၌ ဝေ့ဝူယင်သည် အငွေ့တထောင်းထောင်း ထနေသော လက်ဖက်ရည်ခွက်ကို ခပ်ဖွဖွ မှုတ်လိုက်ပြီးနောက် တစ်ငုံ သောက်လိုက်ကာ သူ၏ ကောင်းကင်ဘုံ နတ်မျက်လုံးများ ဖြင့် ထိုအဖြစ်အပျက်များကို မော့ကြည့်နေလေသည်။</p> <p>'အထွတ်အထိပ် သူတော်စင် တစ်ပါးရဲ့ ကြွင်းကျန်ရစ်တဲ့ စွမ်းအား...'</p> <p>စုရီသည် ထိုပုံမှန်မဟုတ်သော အခြေအနေကို အာရုံမခံစားနိုင်ချေ။ မူလအာရုဏ်ဦး နန်းတော် ကို တည်ငြိမ် အာကာသနှင့် ချိတ်ဆက်ထားသည့် အကာအကွယ်နှင့် တည်ငြိမ်မှု အစီအရင်ကြောင့်လည်း သူ ခံစားသိရှိနိုင်ရန် မည်သည့်နည်းလမ်းမျှ မရှိခဲ့ပေ။ ယင်းအစား အမည်မသိ ဂလက်ဆီနှင့် အင်ပါယာတစ်ခုမှ လာသော ဤနယ်ခြားသား ဝေ့ဝူယင်သည် ပြင်ပ အဖြစ်အပျက်တစ်ခုကြောင့် အာရုံလွင့်ပါးနေသည်ကိုသာ သူ မြင်တွေ့နိုင်လေသည်။</p> <p>"သူတို့က အဲဒီလောက်တောင် ဇွဲကောင်းနေကြတာလား..."</p> <p>စားပွဲပေါ်တွင် မထိမတို့ဘဲ ရှိနေသော လက်ဖက်ရည်ခွက်ကို လှမ်းကြည့်ရင်း သူက ခန့်မှန်းရိပ်ဖမ်းကာ မေးမြန်းလိုက်သည်။ မွှေးကြိုင်သော ရနံ့နှင့် ဆွဲဆောင်မှုရှိသော ရေနွေးငွေ့တို့ပင်လျှင် သူ၏ နှလုံးသားကို သောက်သုံးရန် ဆွဲဆောင်နိုင်ခြင်း မရှိခဲ့ချေ။</p> <p>ဝေ့ဝူယင်၏ အကြည့်များက အောက်ဘက်သို့ ပြန်လည်ရောက်ရှိလာပြီး မသောက်ရသေးသော လက်ဖက်ရည်ခွက်ကို လှမ်းကြည့်လိုက်သည်။</p> <p>"အဲဒီလို ပြောလို့ရပါတယ်..."</p> <p>သူက ရေရေရာရာ မရှိဘဲ ပြန်ဖြေလိုက်သည်။ အထွတ်အထိပ် သူတော်စင် နှစ်ပါးကြားရှိ ပဋိပက္ခမှာ သေးငယ်သော ကိစ္စမဟုတ်ဘဲ ဂလက်ဆီတစ်ခုလုံးရှိ ခွန်အားကြီးမားသူများ အားလုံးက ထိုအဖြစ်အပျက်နှင့် ပတ်သက်၍ စောင့်ကြည့်လေ့လာကာ စုံစမ်းမေးမြန်းနေကြပေသည်။ စူးဟောင်ရန်၏ လုပ်ရပ်များမှာ ရဲတင်းပြီး ပြတ်သားမှုရှိသည်မှာ ထင်ရှားလှရာ၊ စက်ဆုပ်ဖွယ် ကောင်းကင် အရှင်သခင်သည် နာမည်နှင့် လိုက်အောင် အတော်လေး စက်ဆုပ်ဖွယ်ကောင်းအောင် ပြုမူနေသည်ဟုသာ သူတို့ ယူဆနိုင်ကြလေသည်။</p> <p>"ပြင်ပကိစ္စတွေ တော်လောက်ပါပြီ... ခင်ဗျားက ဒီတွေ့ဆုံမှုကို လိုလားခဲ့တာပါ... ခင်ဗျားရဲ့ ဆန္ဒကို ကျုပ် ဖြည့်ဆည်းပေးခဲ့ပြီ... တာအိုမိတ်ဆွေ စု အနေနဲ့ ကျုပ်ကို ဘာတွေများ ဆွေးနွေးချင်လို့လဲ..."</p> <p>ဝေ့ဝူယင်သည် သာလွန်ခြင်း အရည်အသွေး ရှိသည့် အဆင့် ကိုး ဝိညာဉ် မြှင့်တင်မှု အမျိုးအစား ထုတ်ကုန်တစ်ခုနှင့် တန်းတူညီမျှရှိသော သူ၏ ကိုယ်ပိုင် ဖော်စပ်မှုဖြစ်သည့် ဤလက်ဖက်ရည်ကို တစ်ငုံသောက်ကာ အရသာခံလိုက်သည်။ သူသည် မကြာသေးမီက ဆေးရည်များနှင့် ဆင်တူသော သောက်စရာများ အပါအဝင် အမျိုးမျိုးသော အဂ္ဂိရတ် အစားအစာ ထုတ်ကုန်များကို ဖန်တီးချက်ပြုတ်ရာတွင် ပိုမို နက်ရှိုင်းစွာ လေ့လာလိုက်စားနေခဲ့သည်။</p> <p>ဤအရာအားလုံးမှာ လွန်ခဲ့သော နှစ်ပေါင်းများစွာ နတ်ဆိုး စစ်ပွဲ နယ်မြေ ရှိ ခုံတန်းလျားတစ်ခုပေါ်တွင် သူ ထိုင်နေစဉ် အဘိုးအိုတစ်ဦးက သူ့ကို စွန်ပလွံသီးအချို့ ပေးကမ်းခဲ့ချိန်မှ စတင်ခဲ့ခြင်း ဖြစ်ပေသည်။</p> <p>စုရီ၏ ပြင်ပ မျက်နှာအမူအရာမှာ သက်သောင့်သက်သာရှိပြီး တည်ငြိမ်နေသော်လည်း သူ၏ နှလုံးသားမှာမူ အတော်လေး လေးနက်ပြီး လေးလံနေပေသည်။</p> <p>"လောကရှန့်ထို အာရုဏ်ဦး... ခင်ဗျားနဲ့ ဆွေးနွေးချင်တဲ့ ကိစ္စ နည်းနည်းရှိပါတယ်... ပထမတစ်ခုကတော့ ကျေးဇူးတင်စကား ပြောချင်လို့ပါ..."</p> <p>"ဪ..."</p> <p>စုရီက ဆက်လက်၍...</p> <p>"ကျုပ်ရဲ့ အဖြစ်ဆိုးပြီးနောက်မှာ ခင်ဗျားက ကျုပ်ကို ကူညီပေးခဲ့တယ်... ကျုပ်ရဲ့ ရှုံးနိမ့်မှု အပါအဝင် လျှို့ဝှက်ကျင့်ကြံသူတွေရဲ့ အဖြစ်အပျက်တွေက ခင်ဗျား ဖန်တီးခဲ့တဲ့ ကိစ္စတစ်ခုကြောင့် အဓိက ဖြစ်ပေါ်လာတာ မှန်ပေမယ့်၊ မကောင်းတဲ့ ရည်ရွယ်ချက်ရှိတဲ့ အဖွဲ့တွေကသာ ပြဿနာတွေကို မကြီးထွားစေခဲ့ဘူးဆိုရင်၊ ပြီးတော့ ကျုပ်ကသာ သူတို့ရဲ့ အကွက်ထဲကို မဝင်သွားခဲ့ဘူးဆိုရင် ဒီအခြေအနေတွေ တစ်ခုမှ ဖြစ်လာခဲ့မှာ မဟုတ်ဘူး... ဒါ့အပြင် ကျုပ်က အစကတည်းက ပစ်မှတ်ထား ကြံစည်ခံခဲ့ရတယ်ဆိုတာကို ကျုပ် ရှင်းရှင်းလင်းလင်း သိထားတယ်... ဒီမှာရှိတဲ့ ခင်ဗျားရဲ့ လုပ်ရပ်တွေအရ ခင်ဗျားက အဲဒီ အကြံအစည်တွေမှာ မပါဝင်ဘူးဆိုတာ ကျုပ် သိပါတယ်..."</p> <p>စုရီသည် သူ၏ ကျေးဇူးတင်မှုကို ရှင်းလင်းစွာ ဖော်ပြခဲ့သည်။ ကစားပွဲသည် ရှန့်ဝမ်ချင်း ၏ ကံကြမ္မာကို ဆုံးဖြတ်ရန် စတင်ခဲ့ခြင်း ဖြစ်သော်လည်း သဘောတူခဲ့သူမှာ စုရီပင် ဖြစ်သည်။</p> <p>ထို့နောက် မဟာ ပုရောဟိတ် အမှောင်လှိုင်၊ ထျန်းရှီယာ၊ ကောင်းဟန် နှင့် ချင်ရင်ရင် တို့ကဲ့သို့သော သူများက သူနှင့် ဝေ့ဝူယင်တို့ကို ပစ်မှတ်ထား ကြံစည်ခဲ့ကြခြင်း ဖြစ်သည်။ သူသည် ထိုထောင်ချောက်ထဲသို့ ကျဆင်းသွားခဲ့ရုံသာ ဖြစ်ပြီး ဝေ့ဝူယင်ကမူ သူတို့ကို ချေမှုန်းကာ အသေအချာ အပြစ်ပေးခဲ့လေသည်။</p> <p>အလားတူပင် ဝေ့ဝူယင်သည် အဆင့်တိုင်းတွင် အချိန်ကိုက် အကူအညီများကို ပေးအပ်ခဲ့သည်။ ရိုးရိုးသားသား ဆိုရလျှင် ဤသည်မှာ အတော်လေး စဉ်းစားရခက်စေပေသည်။ ဝေ့ဝူယင်သည် လျှို့ဝှက်ပြစ်ဒဏ် မကျရောက်မီ သူ့ကို အဆင့်တက်ခွင့်ပြုရန် လေးရက်တာ အနားယူချိန်ကို ကြားဝင်စေ့စပ်ပေးခဲ့ရုံသာမက၊ မဟာ ပုရောဟိတ် အမှောင်လှိုင်း ၏ သူ့ကို ဖြုတ်ချလိုသော ရည်ရွယ်ချက်ကိုလည်း ထက်မြက်စွာ ရိပ်မိခဲ့ပြီး သူ၏ လျှို့ဝှက်ချက်များကို လိုချင်တပ်မက်နေသည့် လောဘကြီးသော ငါးမန်းများကို ဟန့်တားနိုင်ရန် ငြိမ်းချမ်းရေး ခုနစ်ရက်ကို ပေးအပ်ကာ သူ့ကို ကူညီပေးခဲ့လေသည်။</p> <p>ဝေ့ဝူယင်သည် သူ၏အကျိုးအတွက် ဂလက်ဆီရှိ ဒေသခံများထံမှ ကြီးမားလှသော ဖိအားများကို ပေါ်ပေါ်ထင်ထင် ဆန့်ကျင်ခုခံနေရမည်ကို စုရီ ကောင်းစွာ သဘောပေါက်ထားသည်။ ရိုးရှင်းစွာ တွေးတောသူများနှင့် ထက်မြက်စွာ တွေးတောသူများ နှစ်မျိုးစလုံးက ဤသည်မှာ ယွီပေါင်ယွဲ့ ကြောင့်ဟု ထင်မြင်နိုင်သော်လည်း၊ ယွီပေါင်ယွဲ့၏ တန်ဖိုးမှာ ဘာမှမရှိတော့သည်အထိ ကျဆင်းသွားပြီဖြစ်ကြောင်းနှင့် ဝေ့ဝူယင်ကဲ့သို့ တွက်ချက်တတ်ပြီး ဉာဏ်ရည်ထက်မြက်သူ တစ်ဦးသည် လှပသော အမျိုးသမီးတစ်ဦး၏ ကျေးဇူးတင်မှုကို ရရှိရန်အတွက် ဤမျှ တိုက်ရိုက် လုပ်ဆောင်မည်မဟုတ်ကြောင်း စုရီက နားလည်ထားသည်။</p> <p>ထို့အပြင် ယွီပေါင်ယွဲ့သည်လည်း အလွန်အမင်း လှပသူတစ်ဦး မဟုတ်သကဲ့သို့ သူမ၏ ပါရမီနှင့် အောင်မြင်မှုများမှာလည်း အစွမ်းကုန် သန့်စင်ခြင်း ဆေးအိုး က လုံးလုံးလျားလျား ပံ့ပိုးပေးထားသည့် ဖန်တီးထားသော အရာများသာ ဖြစ်ပေသည်။</p> <p>အကယ်၍ ထိုသို့သာဖြစ်လျှင် ပုံမှန် အတွေးအရ ယွီပေါင်ယွဲ့သည် ဝေ့ဝူယင် ကဲ့သို့ စွမ်းအားနှင့် အဆင့်အတန်းရှိသူ တစ်ဦးအတွက် သူ၏ ကုတင်ပေါ်သို့ ရောက်ရှိနေပြီး သာမန် ကစားစရာ တစ်ခု ဖြစ်နေလောက်ပြီ ဖြစ်သည်။ စုရီဘက်က ထိုသို့သော ကိစ္စမျိုးကို ခွင့်ပြုမည် မဟုတ်သော်လည်း၊ ဤသည်မှာ မျှော်လင့်ထားနိုင်သော အဖြစ်အပျက် လမ်းကြောင်းတစ်ခုဟု သူ ခံစားခဲ့ရသည်။</p> <p>"အာ..."</p> <p>ဝေ့ဝူယင်က တိုးညင်းစွာ သက်ပြင်းချလိုက်သည်။ ထို့နောက် နောက်ပြောင်လိုသော အပြုံးတစ်ခုဖြင့် မေးလိုက်သည်။</p> <p>"ခင်ဗျားကို ဆန့်ကျင်တဲ့ သူတို့ရဲ့ အကြံအစည်တွေမှာ ကျုပ် မပါဝင်ဘူးဆိုတာ ခင်ဗျား ဘယ်လိုလုပ် သိတာလဲ..."</p> <p>"..."</p> <p>စုရီက မျက်မှောင်ကြုတ်လိုက်သည်။ ထို့နောက် စက္ကန့်အနည်းငယ် ကြာသောအခါ သူ၏ မျက်မှောင်များ ပြေလျော့သွားလေသည်။</p> <p>"ကျုပ်ရဲ့ ပင်ကိုအသိစိတ်ကို ကျုပ် ယုံကြည်တယ်... ပြီးတော့ ဒီလူတွေကိုလည်း ကျုပ် သိတယ်... သူတို့က ပြင်ပလူ တစ်ယောက်ကို ဒီလောက် အလွယ်တကူ ဘယ်တော့မှ ယုံကြည်မှာ မဟုတ်ဘူး... နောက်ပြီး မကြာသေးခင်ကမှသာ ကျုပ်က ခင်ဗျားတို့လို လူတွေရဲ့ မျက်စိကျစရာ ဖြစ်လာခဲ့တာပါ... သူတို့က ကျုပ်ကို ပစ်မှတ်ထား ကြံစည်ဖို့ အကြောင်းပြချက် မရှိပါဘူး... အရိပ်ကွယ် အဖွဲ့၊ ညဉ့်ဦးယံ နိမိတ်ဖတ်သူများ အဖွဲ့ နဲ့ တခြား အဖွဲ့အနည်းငယ်လိုမျိုး ကျုပ်အပေါ် တိုက်ရိုက် ရန်ငြိုးရှိတဲ့ သူတွေလောက်ကသာ ဒီလို လုပ်ကြမှာပါ..."</p> <p>"ခင်ဗျားက တော်တော် ထက်မြက်တဲ့ ပင်ကိုအသိစိတ် ရှိတာပဲ..."</p> <p>ဝေ့ဝူယင်သည် လက်ဖက်ရည်ခွက်ကို မော့ကာ နောက်ထပ် တစ်ငုံ သောက်လိုက်ပြီး ကျေနပ်သော အမူအရာကို ဖော်ပြရင်း အရသာခံလိုက်သည်။ ထို့နောက် သူက ခွက်ကို ချထားလိုက်ပြီး ခေါင်းညိတ်ပြလေသည်။</p> <p>"ခင်ဗျား မှန်ပါတယ်... ကစားပွဲ အတွင်းမှာ ခင်ဗျားကို ဆန့်ကျင်တဲ့ သူတို့ရဲ့ အကြံအစည်တွေမှာ ကျုပ် မပါဝင်ခဲ့ပါဘူး... တကယ်တော့ သူတို့ရဲ့ ယုတ်မာတဲ့ အပြုအမူတွေကြောင့်ပဲ ကျုပ်က ခင်ဗျားကို ကူညီဖို့ ဆုံးဖြတ်ခဲ့တာပါ... ဥပမာအနေနဲ့ ပြောရရင် ကောင်းကင် သန့်စင်ခြင်း ဂလက်ဆီဇုံ၊ မိုးကုပ်စက်ဝိုင်း သန့်စင်ခြင်း မျှော်စင် ရဲ့ သဘောထားသေးသိမ်တဲ့ အဲဒီ အဂ္ဂိရတ်ပညာရှင် က ကျုပ်ကို တရားမျှတတဲ့ ကစားပွဲတစ်ခု မရအောင် လုပ်ဖို့ ကြိုးစားခဲ့လို့ပါ..."</p> <p>"..."</p> <p>စုရီ ဝေ့ဝူယင်၏ မျက်လုံးများထဲသို့ တိုက်ရိုက် စိုက်ကြည့်လိုက်သည်။</p> <p>"ပြီးတော့ ကျုပ်က ယွီပေါင်ယွဲ့ရဲ့ အဲဒီ ဆေးအိုးကို လိုချင်ခဲ့တယ်... ဒါက စိတ်ဝင်စားစရာကောင်းပြီး ရှားပါးတဲ့ ပစ္စည်းတစ်ခုပဲ၊ အဲဒါကို လျှို့ဝှက်ပြစ်ဒဏ် ကနေတစ်ဆင့် ဖျက်ဆီးခံလိုက်ရတာက လောကရဲ့ အဂ္ဂိရတ် တာအို အတွက် ကြီးမားတဲ့ ဆုံးရှုံးမှုကြီး တစ်ခု ဖြစ်သွားလိမ့်မယ်..."</p> <p>ဝေ့ဝူယင်က ရယ်မောလိုက်ရာ သူ၏ နှုတ်ခမ်းများက သဘောကျလွန်းသဖြင့် ထက်မြက်သော အပြုံးတစ်ခုအဖြစ်သို့ ကွေးတက်သွားလေသည်။</p> <p>"ကျုပ်မှာလည်း ကိုယ်ပိုင် ရည်မှန်းချက်တွေ ရှိပါတယ်... ဒါကြောင့် ဒီဂလက်ဆီရဲ့ အင်အားစုတွေကို ဆန့်ကျင်ပြီး လုပ်ဆောင်တာက ကျုပ်အတွက်လည်း အကျိုးရှိစေပါတယ်..."</p> <p>စုရီ၏ နှလုံးသားက သက်သာရာရသွားသည်။ ဝေ့ဝူယင် ဝန်ခံလိုက်သည့် သူ၏ အစစ်အမှန် ရည်မှန်းချက်က သူ၏ ကိုယ်ပိုင် အတွေးများနှင့် ကိုက်ညီနေပေသည်။ ဝေ့ဝူယင်၏ ရန်လိုသော လုပ်ရပ်များနှင့် သူ၏ အဂ္ဂိရတ်ဆိုင်ရာ သာလွန်မှုကို ကြီးမားသော လှိုင်းလုံးများအသွင်ဖြင့်ရော၊ သိမ်မွေ့သော မိုးစက်မိုးပေါက်များ အသွင်ဖြင့်ပါ ပြသခြင်းတို့သည် သူ့ကိုယ်သူ အခိုင်အမာ ရပ်တည်နိုင်ရန် အစီအစဉ်တစ်ခု၏ အစိတ်အပိုင်းများသာ ဖြစ်သည်။ ထိုသို့ လုပ်ဆောင်ရန်အတွက် ပထမဆုံး အတားအဆီးမှာ အစွမ်းကုန် မျှော်စင် ခုနစ်ခု ဖြစ်လာမည်မှာ သေချာပေသည်။ ထို့အပြင် ဤနယ်ခြားသားအတွက် ယွီပေါင်ယွဲ့သည် သူ မူလက ထင်မြင်ထားသကဲ့သို့ပင် လုံးဝ အရေးမပါကြောင်းကိုလည်း သူ့အား သဘောပေါက်သွားစေသည်။</p> <p>"ဒါဆိုရင် ခင်ဗျားရဲ့ ကျေးဇူးတင်စကားကို ကျုပ် လက်ခံရရှိပါပြီ..."</p> <p>ဝေ့ဝူယင်က အနည်းငယ် ငြီးငွေ့နေသည့် ဟန်ဖြင့် ပြောလိုက်သည်။</p> <p>စုရီ ခေါင်းညိတ်လိုက်၏။ ဝေ့ဝူယင်၏ သည်းခံနိုင်စွမ်းမှာ အကန့်အသတ်မဲ့ မဟုတ်ကြောင်းနှင့် ဤနောက်ဆုံး အကာအကွယ်ပေးထားသည့် နေ့ရက်၌ ဝေ့ဝူယင်ထံမှ မည်သည့် စိတ်ဝင်စားမှုကိုမျှ ကြီးကြီးမားမား ရယူနိုင်စွမ်းမရှိသည့် အခြေအနေသို့ ရောက်ရှိနေကြောင်း စုရီက နားလည်ထားပေသည်။</p> <p>"လောကရှန့်ထို အာရုဏ်ဦး... ခင်ဗျားက ဟင်းလင်းပြင် စွမ်းအင် ကို အသုံးပြုပြီး ဟင်းလင်းပြင် ဖြတ်သန်းခြင်း နည်းလမ်းတွေကို ပိုင်ဆိုင်ထားသလို အာကာသနဲ့ အချိန် ဥပဒေသ ကိုလည်း ထူးကဲတဲ့ အဆင့်တစ်ခုအထိ ဆုပ်ကိုင်ထားနိုင်တယ်... ခင်ဗျား စိတ်ကူးကြည့်နိုင်တဲ့အတိုင်းပဲ ဒီဘဝမှာ ကျုပ်ရဲ့ အခြေအနေက ထူးခြားတယ်... ဒါပေမယ့် ခင်ဗျားကို ကျုပ် ဒါတစ်ခုတော့ ကတိပေးနိုင်တယ်... ကျုပ် အသက်ရှင်သည်ဖြစ်စေ သေဆုံးသည်ဖြစ်စေ ကျုပ်ရဲ့ လျှို့ဝှက်ချက်တွေကို ဘယ်သူကမှ သိမ်းပိုက်လို့ မရနိုင်ဘူး... သူတို့က နတ်ဘုရားတွေ၊ နတ်ဆိုးတွေ ဒါမှမဟုတ် တာအိုဗုဒ္ဓတွေပဲ ဖြစ်နေပါစေ၊ ကျုပ်ရဲ့ အစစ်အမှန် ဝိညာဉ် ကို မွှေနှောက်ပြီး သူ့ရဲ့ အမတေ အမှုန်အမွှားလေးတိုင်းကို ထုတ်ယူရင်တောင် ဘာရလဒ်မှ ထွက်လာမှာ မဟုတ်ဘူး..."</p> <p>ဝေ့ဝူယင်၏ မျက်လုံးများက တောက်ပသွားလေ၏။</p> <p> 'တာအိုဗုဒ္ဓတွေ...'</p> <p> </p> <p> </p> <p style="text-align: center;">***</p>


Save