Book List

<h2 style="text-align: center;">အပိုင်း(၂၃၃၆)</h2> <h2 style="text-align: center;">*</h2> <p> </p> <p> </p> <p>"လောကရှန့်ထို အာရုဏ်ဦး... ဒါက ဘာအဓိပ္ပာယ်လဲ..."</p> <p>ဟင်းလင်းပြင် တစ်ခွင်လုံး မိုးခြိမ်းသံကဲ့သို့ အသံတစ်ခု ထွက်ပေါ်လာ၏။ ၎င်းက စူးစမ်းလိုစိတ်၊ မသေချာမှုနှင့် အာဏာရှင်ဆန်သော ဖိအားများ ရောယှက်နေသည့် လေသံဖြင့် ဝေ့ဝူယင်၏ ရည်ရွယ်ချက်များကို မေးခွန်းထုတ်လိုက်လေသည်။</p> <p>သို့သော်လည်း ထိုအသံသည် ဖြစ်စဉ်ကို ဝင်ရောက် နှောင့်ယှက်ခြင်း မပြုခဲ့ချေ။ အစွမ်းကုန် သန့်စင်ခြင်း ဂလက်ဆီ တွင် အဂ္ဂိရတ် ဖြစ်စဉ်များကို မြင့်မြတ်ပြီး အဖိုးတန်သော အံ့ဖွယ် အဖြစ်အပျက်များအဖြစ် သတ်မှတ်ထားကြကာ အဂ္ဂိရတ် တာအို ၏ ကြီးထွားလာမှုကို ကြိုဆိုကြပြီး ဂလက်ဆီ တစ်ခုလုံးအတွက် အောင်ပွဲခံပွဲများအဖြစ် ဆောင်ရွက်ပေးကြလေသည်။</p> <p>ဤသည်မှာ ဓလေ့ထုံးတမ်းတစ်ခု ဖြစ်ပြီး အားလုံး နားလည်ထားကြသော စည်းမျဉ်းစည်းကမ်းများလည်း ဖြစ်ပေသည်။ ထို့ကြောင့်ပင် စူးဟောင်ရန် အနေဖြင့် မေးခွန်းထုတ်ရန်မှလွဲ၍ အခြား ရွေးချယ်စရာ မရှိခဲ့ခြင်း ဖြစ်လေသည်။</p> <p>အံ့သြဖွယ်ကောင်းလောက်အောင်ပင်... ဤဖြစ်စဉ်သည် ပုံမှန် မျှော်မှန်းထားသည်ထက် များစွာ သာလွန်သော လောကီ အသွင်အပြင်များကို စုစည်းနေပြီး၊ သံချပ်ကာ ကောင်းချီး ကြယ်ကွင်းပြင် အစိတ်အပိုင်းရှိ နေထိုင်သူများကို စိတ်ကူးမယဉ်နိုင်သော ကောင်းချီးမင်္ဂလာများ ပေးသနားနေလေသည်။ ထိုဖြစ်စဉ်၏ အာနိသင်အောက်တွင် ရှိနေသည်မှာ အခြားမဟုတ်ဘဲ မူလအာရုဏ်ဦး နန်းတော် ပင် ဖြစ်ပေသည်။</p> <p>စုရီ သည် ဤနန်းတော်ထဲတွင် ရှိနေလေသည်။</p> <p>စောင့်ကြည့်နေသူများ၏ ဝိညာဉ်များအတွင်း၌ မယုံကြည်နိုင်မှုများ ထကြွလာခဲ့ပေသည်။ ဤမျှ ကြီးမားလှသော ဖြစ်စဉ်ကြီးတစ်ခုကို ထုတ်လွှတ်ရန်အတွက် အသန့်စင်ဆုံး မြူနှင်း နှင့် အဂ္ဂိရတ် စွမ်းအား တို့ကို ကုန်ခမ်းစေမှုမှာ စိတ်ကူးဖြင့်ပင် မမှန်းဆနိုင်လောက်အောင် ဖြစ်ပေသည်။</p> <p>မိုးကုပ်စက်ဝိုင်း မျှော်စင် ခုနစ်ခုပင်လျှင် ထူးချွန်ထက်မြက်သော ပါရမီရှင်သစ်များ မွေးဖွားလာစေရန် ရည်ရွယ်၍၊ နှစ်ထောင်ပေါင်းများစွာ ကြာမှသာ တစ်ကြိမ်ခန့် ဖန်တီးယူရသော်လည်း အလွန်တရာ အကျိုးကျေးဇူးများလှသော ဤအတွေ့အကြုံမျိုးဖြင့် ဒေသတစ်ခု သို့မဟုတ် သေးငယ်သော ဂြိုဟ်နယ်မြေ တစ်ခုနှစ်ခုခန့်ကိုသာ ကောင်းချီးပေးနိုင်ပေသည်။</p> <p>ဝေ့ဝူယင်သည် နေမင်းကို ဖုံးကွယ်ထားသော အရိပ်တစ်ခုအလား လှုပ်ရှားသွားပြီး၊ ဖြစ်စဉ်၏ အပြင်ဘက်သို့ ထွက်ခွာလာခဲ့လေသည်။ သူက ဖြည်းညင်းစွာဖြင့် ကြေညာလိုက်၏။</p> <p>"လောကီ ဖြစ်စဉ်က ခုနစ်မိနစ် ကြာလိမ့်မယ်... နောက်ထပ် သုံးမိနစ်နေရင် ကျုပ်ရဲ့ မူလအာရုဏ်ဦး နန်းတော် ထဲက ဟင်းလင်းပြင် အစီအရင် ဟာ အပြည့်အဝ အသက်ဝင်လာလိမ့်မယ်..."</p> <p>ထိုစကားလုံးများ အပြင်ဘက်သို့ ပဲ့တင်ထပ်သွားသည်နှင့် တစ်ပြိုင်နက်၊ ဖြစ်စဉ်၏ အတွင်းမှ ပြင်းထန်သော ဟင်းလင်းပြင် စွမ်းအင် အတက်အကျတစ်ခု ဖြစ်ပေါ်လာကာ ပတ်ဝန်းကျင်ရှိ အာကာသနှင့် အချိန် စွမ်းအင် လှိုင်းတံပိုးများကို ကယောက်ကယက် ဖြစ်သွားစေလေသည်။</p> <p>"..."</p> <p>ဝေ့ဝူယင်သည် ဤမျှနှင့် ရပ်တန့်မသွားဘဲ ဆက်လက်၍...</p> <p>"အဲဒီ အစီအရင် အပြည့်အဝ အသက်ဝင်လာတဲ့အခါ၊ တာအိုမိတ်ဆွေ စုဟာ တခြား တစ်နေရာကို ပို့ဆောင်ခံရလိမ့်မယ်... ဒါ့အပြင် သူရဲ့ အော်ရာကို ကျုပ်ရဲ့ အမတေ ဝိညာဉ် အော်ရာနဲ့ ချည်နှောင်ထားမှာဖြစ်လို့၊ သူရဲ့ တည်နေရာကို နိမိတ်ဖတ်ချင်ရင် အရင်ဆုံး ကျုပ်ကို ဖြတ်ကျော်ရလိမ့်မယ်..."</p> <p>"..."</p> <p>ထိုစကားလုံးများမှ တစ်ဆင့် အများစုမှာ ဝေ့ဝူယင်၏ ရည်ရွယ်ချက်များကို ရိပ်မိနေကြပြီ ဖြစ်သော်လည်း၊ လုံးလုံးလျားလျား နားလည်နိုင်စွမ်းတော့ မရှိကြတော့ချေ။</p> <p>စုရီ၏ လျှို့ဝှက်ချက်များကို ရယူရန် ကိစ္စနှင့် ပတ်သက်၍မူ၊ ဝေ့ဝူယင်၏ သစ္စာဆိုချက်အရ စုရီ အနေဖြင့် သူ့ ဆန္ဒအလျောက် ပေးအပ်ရမည် ဖြစ်ပြီး၊ အကယ်၍ သူသာ ထိုသို့ ပေးအပ်ခဲ့လျှင်၊ အခြားသူများ အားလုံးကိုလည်း ကြီးမားလှသော တန်ဖိုးတစ်ခုဖြင့် ပေးအပ်နိုင်သည်သာ ဖြစ်ပေသည်။ အထူးသဖြင့် အာရုဏ်ဦး လောကရှန့်ထိုမှာ နယ်ခြားသား တစ်ဦး ဖြစ်နေသောကြောင့်ပင်။</p> <p>ကံဆိုးစွာပင်... စုရီ၏ လျှို့ဝှက်ချက်များကို သူတို့ လုံးဝ နားလည်နိုင်လိမ့်မည် မဟုတ်ချေ။ ထိုအကြောင်း ရိပ်မိသည်နှင့် သူတို့သည်  ထိုလျှို့ဝှက်ချက်များကို သူ့ထံမှ အတင်းအဓမ္မ ဆွဲထုတ်ရန် အစွမ်းကုန် ကြိုးစားကြလိမ့်မည် ဖြစ်သည်။ သူတို့သည် ဤအခြေအနေကို အမှောင် ကျင့်စဉ်များ သို့မဟုတ် မိစ္ဆာ ကျင့်စဉ်များ ဟု သတ်မှတ်ထားသော ဝိညာဉ်ကပ်ပါးပြုခြင်း သို့မဟုတ် ဝိညာဉ်ထုတ်ယူခြင်း ကဲ့သို့သော အစီအရင်များနှင့် ကျင့်စဉ် အမျိုးမျိုးကို အသုံးပြု၍ ကျော်လွှားရန် ကြိုးစားကြပေလိမ့်မည်။</p> <p>အမှန်တရားကို သိရှိသွားပြီးနောက်တွင် ထိုလျှို့ဝှက်ချက်များကို သိမ်းပိုက်နိုင်မည့် အခွင့်အရေး အနည်းငယ်မျှ ရှိနေလျှင်ပင်၊ သူတို့သည် သူ့ကို သံသယဝင်စရာ မလိုလောက်အောင် လုံးဝ ဖျက်ဆီးပစ်ကြမည်သာ ဖြစ်ပေသည်။ ဤသည်မှာ စုရီ ယုံကြည်ထားသော အရာပင် ဖြစ်ပေသည်။ အမှန်တကယ်တွင်လည်း စုရီ တွေးထင်ထားသည်မှာ လုံးဝကို မှန်ကန်နေပေသည်။</p> <p>ဝေ့ဝူယင်၏ မျက်နှာအမူအရာမှာ ခမ်းနားထည်ဝါပြီး ကောက်ကျစ်စဉ်းလဲမှုများ ပါဝင်နေ၏။ စောင့်ကြည့်နေသော လူအုပ်ကြီးက သူ၏ ဆိုလိုရင်းကို နားလည်သွားကြပေသည်။</p> <p>သူတို့အနေဖြင့် အစွမ်းကုန် သန့်စင်ခြင်း ဂလက်ဆီ ၏ အမြင့်မြတ်ဆုံး တားမြစ်ချက်တစ်ခု ဖြစ်သော ဖြစ်စဉ်ကို ဖျက်ဆီးခြင်းဖြင့် အဂ္ဂိရတ် တာအို ကို စော်ကားနိုင်သည်၊ သို့တည်းမဟုတ် စုရီ ထွက်ခွာသွားသည်ကို လက်ပိုက်ကြည့်နေကာ၊ အမဲလိုက်ပွဲ စတင်ပြီးနောက် သူ၏ တည်နေရာကို မရှာဖွေမီ ဤနယ်ခြားသားကို အရင်ဆုံး ရှင်းလင်းဖယ်ရှားရမည် ဆိုသည့် ရွေးချယ်စရာများသာ ရှိနေလေသည်။</p> <p>အလွန်တရာ ဒုက္ခပေးလှသော ခေါင်းခဲစရာ ပြဿနာတွဲကြီးပင် ဖြစ်ပေသည်။</p> <p>စူးဟောင်ရန်သည် လေးနက်စွာ တိတ်ဆိတ်နေလေသည်။</p> <p>ဟင်းလင်းပြင် တစ်ခွင်တွင် အမျိုးသမီး အသံတစ်ခု ပဲ့တင်ထပ်သွားလေ၏။</p> <p>"မင်းက အစွမ်းကုန် သန့်စင်ခြင်း ဂလက်ဆီ ရဲ့ ဆန္ဒကို ဆန့်ကျင်ဖို့ ကြိုးစားနေတာလား... မင်းကိုယ်မင်း လုံလောက်ပြီလို့ ထင်နေတာလား..."</p> <p>အံ့သြဖွယ်ကောင်းလောက်အောင်ပင်၊ ထိုအသံသည် ကြယ်တာရာများကြားတွင် မိုးခြိမ်းသံအလား ထွက်ပေါ်လာပြီး မိုင်ပေါင်း ကုဋေကုဋေချီသော အာကာသကို လှုပ်ခတ်သွားစေသည်။ တစ်ချိန်တည်းမှာပင်... အလွန် ဝေးကွာလှသော နေရာဆီမှ မျှော်စင် ခုနစ်ခုအနက်မှ တစ်ခုဖြစ်သော အစစ်အမှန် လျှို့ဝှက်ကောင်းကင် ရတနာ မိုးကုပ်စက်ဝိုင်း ထိန်းချုပ်ခြင်း မျှော်စင်သည် ကြယ်တာရာ ကောင်းကင်ယံ၌ လင်းလက် တောက်ပလာခဲ့၏။ ၎င်းသည် ကောင်းကင်ကို ကွယ်ပျောက်သွားစေလောက်သည့် နေကြယ် တစ်ပွင့်၏ တည်ရှိနေမှုကို အတုခိုးထားပြီး၊ အထီးကျန်စွာ ရပ်တည်နေသော ဝေ့ဝူယင် ဟူသည့် ပုံရိပ်တစ်ခုတည်းဆီသို့ ဦးတည်ကာ ကောင်းကင်ဘုံမှ ဖိအားများကို ထုတ်လွှတ်လိုက်ပေသည်။</p> <p>ဝေ့ဝူယင်၏ မျက်ခုံးနှစ်ခုကြား နေရာသည် တုန်ခါသွားလေသည်။ သူ၏ ခန္ဓာကိုယ်အနှံ့ လောက ဖိအား တစ်ခု ညင်သာစွာ ဖြန့်ကျက်ထွက်ပေါ်လာ၏။ ရှင်းလင်းသော အလင်းတန်းတစ်ခုက ရွှေရောင်နှင့် အညိုရောင်စပ် အလင်းတန်းတစ်ခုကို အပြင်းအထန် ဝင်တိုက်လိုက်ရာ မြင်ကွင်းတစ်ခုလုံးမှာ မျက်စိကျိန်းမတတ် အံ့မခန်း ဖြစ်သွားပေသည်။</p> <p>ထိုလောကဖိအား အတွင်း၌ များပြားလှသော ဝိညာဉ်အလင်း များ ပါဝင်နေပြီး၊ ဥပဒေသများ၏ အော်ရာ ရောယှက်နေသော နူးညံ့သည့် သက်တန့်ရောင် အလင်းတန်းများကို နေရာအနှံ့ ထုတ်လွှတ်နေလေသည်။ ၎င်းသည် ကောင်းကင် စွမ်းအား ထက် အနည်းငယ်မျှပင် နိမ့်ကျနေခြင်း မရှိချေ။</p> <p>စူးဟောင်ရန်၏ မျက်မှောင်များ အနည်းငယ် ကြုတ်သွားလေသည်။ ကောင်းကင် စွမ်းအား ကို အတုခိုးရန် မည်မျှ ကောင်းမွန်သော နည်းလမ်းဖြစ်သနည်းဟု တွေးလိုက်မိပေသည်။</p> <p>မိမိနှင့် မိုင်ပေါင်း သောင်းဂဏန်းအနည်းငယ် အကွာအဝေးတွင် အရောင်အသွေး စုံလင်သော ပဋိပက္ခတစ်ခု ဖြစ်ပေါ်လာသော်လည်း ဝေ့ဝူယင်မှာ မတုန်မလှုပ် ရှိနေပေသည်။ ကောင်းကင် သန့်စင်ခြင်း ဂလက်ဆီဇုံ မှလွဲ၍ ကျန်ရှိနေသော ဂလက်ဆီဇုံ ခုနစ်ခုသည် သူတို့၏ လျှို့ဝှက်ကောင်းကင် အဆင့် မျှော်စင်များ ကို ညီညွတ်စွာဖြင့် ဖြည်းညင်းစွာ အသက်ဝင်စေလိုက်ကြလေသည်။</p> <p>သူသည် နတ်ဘုရားစွမ်းအား ထုတ်ယူခြင်း၊ တန်ခိုးရှင် ကြီးထွားခြင်း၊ အဆုံးမဲ့ ထိန်းချုပ်ခြင်း၊ ဖန်တီးခြင်း၊ ကောင်းကင် သန့်စင်ခြင်း၊ လောက အသွင်ပြောင်းခြင်း နှင့် ဝိညာဉ် ပေါင်းစပ်ခြင်း ဟူသော ဂလက်ဆီဇုံ အသီးသီးကို ဂရုမစိုက်သကဲ့သို့ လှမ်းကြည့်လိုက်လေသည်။ ဤ ဂလက်ဆီဇုံ ခုနစ်ခုသည် အစွမ်းကုန် သန့်စင်ခြင်း ဂလက်ဆီ ၏ အဓိက အကျဆုံးသော အုတ်မြစ်များ ဖြစ်ကြပြီး အဂ္ဂိရတ် တာအို အပေါ်တွင် အကြီးမားဆုံးသော အာဏာစက်ကို ပိုင်ဆိုင်ထားကြပေသည်။</p> <p>"ရှုထောင့် နှစ်ခုစလုံးကနေ ကြည့်ရင်... မဟုတ်ဘူး..."</p> <p>လူတိုင်း၏ ယုံကြည်မှုကို ဆန့်ကျင်လျက် ဝေ့ဝူယင်က ရိုးသားသော အဖြေတစ်ခုဖြင့် တုံ့ပြန်လိုက်လေသည်။ တုန်ခါနေသော မျှော်စင်များ ပင်လျှင် အနည်းငယ် နှေးကွေးသွားခဲ့ပြီး ၎င်းတို့၏ ခြိမ်းခြောက်နေသော အရှိန်အဟုန် အချို့ကို ရပ်တန့်သွားစေခဲ့သည်။ သို့သော် ထိုသို့ ပြောဆိုပြီးနောက် သူသည် ဆက်လက် ရှင်းပြရန် ငြင်းဆန်ခဲ့ပေသည်။ သူက နောက်ဆုတ်သွားမည့် ပုံစံလည်း မပေါ်ချေ။</p> <p>"ဒါဆိုရင်... မင်းရဲ့ ရည်ရွယ်ချက်တွေကို ပြောပြပါလား..."</p> <p>အသက်အရွယ် ကြီးရင့်သော အသံတစ်ခု ထွက်ပေါ်လာသည်။ ထိုအသံသည် ဉာဏ်ပညာ ရင့်ကျက်သော အဘိုးအို တစ်ဦးက သူ၏ မြေးများအား ခြွင်းချက်မရှိသော မေတ္တာ၊ ဂရုစိုက်မှုတို့ဖြင့် ချစ်ခင်ယုယစွာ စကားပြောနေသကဲ့သို့ ကြင်နာသိမ်မွေ့လှသည်။</p> <p>ထိုအသံသည် ဝိညာဉ် ပေါင်းစပ်ခြင်း ဂလက်ဆီဇုံ မှ ထွက်ပေါ်လာခြင်း ဖြစ်ြီး ကောင်းကင် အလင်းတန်းများ ရောယှက်နေသော သန့်စင်သည့် အဂ္ဂိရတ် စွမ်းအားများကို ကျောထောက်နောက်ခံ ပြုထားပေသည်။</p> <p>ကောင်းကင် အဂ္ဂိရတ် ရှန့်ထို တစ်ပါးပင်...။</p> <p>ဝေ့ဝူယင်သည် ထိုနေရာတွင် တိတ်ဆိတ်စွာ ရပ်နေလေသည်။ သူ၏ ခန္ဓာကိုယ်မှ အလွန်အမင်း စွမ်းအားကြီးမားသော လောကဖိအား လှိုင်းများကို တဖြည်းဖြည်း ထုတ်လွှတ်နေစဉ်၊ မိုးကုပ်စက်ဝိုင်း မျှော်စင်များ ကလည်း ၎င်းကို တန်ပြန် ရင်ဆိုင်ရန် သူတို့၏ ကောင်းကင် စွမ်းအား ကို ထုတ်လွှတ်လိုက်ကြပေသည်။ ဝေ့ဝူယင်၏ မျက်ခုံးများက အနည်းငယ်မျှပင် တွန့်ချိုးသွားခြင်း မရှိချေ။</p> <p>သူတို့သည် တိုက်ခိုက်ရန် ကြိုးစားနေခြင်း မဟုတ်သော်လည်း၊ ဤသည်မှာ ရှင်းလင်းလှသော စမ်းသပ်မှု တစ်ခုဖြစ်ပြီး၊ တစ်ချိန်တည်းမှာပင် သူတို့၏ ရည်ရွယ်ချက်များကို ကြေညာရန် ညီညွတ်သော တပ်ဦးတစ်ခုကို တည်ဆောက်လိုက်ခြင်းလည်း ဖြစ်ပေသည်။ သူတို့သည် သူတို့၏ ဂလက်ဆီ အတွင်း၌ ထိုသို့သော ပြင်းထန်လှသည့် အာဏာရှင်ဆန်မှုကို လက်ခံရန် ငြင်းဆန်ကြခြင်း ဖြစ်လေသည်။</p> <p>ဟင်းလင်းပြင် စွမ်းအင် အတက်အကျများ စတင်ခဲ့သည်မှာ နှစ်ဆယ့်နှစ်စက္ကန့်သာ ကြာမြင့်သေးသော်လည်း၊ မရေမတွက်နိုင်သော သူများသည် သူတို့၏ ဝိညာဉ်အမြင် နှင့် ဝိညာဉ်အာရုံ တို့ကို အသုံးပြုနေကြပြီး၊ မြင့်တက်လာသော အတက်အကျများနှင့် တုန်ခါနေသော အော်ရာများအရ၊ ဤ အင်ပါယာ ဥပဒေသ ပိုင်ဆိုင်ထားသော ကျင့်ကြံသူ သည် လိမ်ညာနေခြင်း မဟုတ်ကြောင်း လုံးဝ ထင်ရှားနေပေသည်။ နောက်ထပ် သုံးမိနစ် အကြာတွင် စုရီ သည် အဝေးသို့ ပို့ဆောင်ခံရမည် ဖြစ်သည်။</p> <p>စိတ်ပျက်စရာ အကောင်းဆုံး အချက်မှာ ဝေ့ဝူယင်သည် သူ၏ ရည်ရွယ်ချက်များကို ပေါ်ပေါ်ထင်ထင် ကြေညာနေခြင်းပင် ဖြစ်လေသည်။ အထူးသဖြင့် သူတို့၏ စွမ်းအားများအရ သူ မပြောလျှင်ပင် ဤအရာအားလုံးကို သေချာပေါက် ရိပ်မိနိုင်ကြမည် ဖြစ်သော်လည်း၊ ဤလုပ်ရပ်က မည်မျှ ဒေါသထွက်စရာ ကောင်းသည်ဆိုသည့် အချက်ကိုမူ လျော့ပါးသွားစေခြင်း မရှိချေ။</p> <p>"ငါတို့က မင်းကို အလွတ်ပေးမယ်လို့ ထင်နေတာလား... တာအိုမိတ်ဆွေ စု က အစွမ်းကုန် သန့်စင်ခြင်း ဂလက်ဆီ ရဲ့ နေထိုင်သူ တစ်ယောက်ပဲ... သူက မင်းရဲ့ အင်ပါယာ အစောင့်အရှောက် ဒါမှမဟုတ် အဂ္ဂိရတ် သူရဲကောင်း ဖြစ်လာဖို့ သဘောတူခဲ့မယ် ဆိုရင်တော့ တစ်မျိုးပေါ့၊ ဒါပေမယ့် အဲဒီလို ဖြစ်လာမယ်လို့ ငါ မထင်ဘူး..."</p> <p>ထိုအသံသည် အဝေးဆီမှ နေကြယ် တစ်ပွင့်ကဲ့သို့သော ဖြစ်တည်မှုတစ်ခုထံမှ ထွက်ပေါ်လာခြင်း ဖြစ်ပေသည်။ ဤသူမှာ မူလ ပြိုင်ဘက်ကင်း နန်းတော် အတွင်းရှိ အထွတ်အထိပ် သူတော်စင် နှစ်ပါးအနက်မှ ဒုတိယမြောက် သူတော်စင်ပင် ဖြစ်လေသည်။</p> <p>သူမသည် ထိုသိမ်မွေ့သော အကြံပြုချက်များဖြင့် စုရီ ကို ထွက်ပေါက်တစ်ခု ပေးရန် ရည်ရွယ်ထားကြောင်း ထင်ရှားပေသည်။ သို့သော် သူမ ဘာလုပ်ရန် ရည်ရွယ်နေသည်ကို အခြားသူများက မည်သို့ နားမလည်ဘဲ နေမည်နည်း။</p> <p>အကယ်၍ စုရီသည် ထိုရွေးချယ်စရာများထဲမှ တစ်ခုခုကို သဘောတူခဲ့ပါက သူသည် အာရုဏ်ဦး အာဏာရှင် ဧကရာဇ် ၏ အင်ပါယာ ကံကြမ္မာ ကို မျှဝေခံစားရမည် ဖြစ်သည်။ သို့မဟုတ် အာရုဏ်ဦး အဂ္ဂိရတ် ရှန့်ထို ၏ အဂ္ဂိရတ် ကံကြမ္မာ ကို ရရှိမည် ဖြစ်သည်။ မည်သည့် အဆင့်အတန်း သို့မဟုတ် ရွေးချယ်မှုမဆို သူ့ကို အတိုင်းအတာ တစ်ခုအထိ ဘေးကင်းလုံခြုံမှု ရှိစေရန် တွန်းပို့ပေးရန် လုံလောက်ပေသည်။</p> <p>သို့သော်လည်း... မာနကြီးပြီး လွတ်လပ်မှုကို မြတ်နိုးသော စုရီ အကြောင်းကို သိရှိသူများကမူ သူသည် မည်သည့်အရာကိုမျှ ရွေးချယ်မည်မဟုတ်ဘဲ သေရန်သာ ရွေးချယ်လိမ့်မည်ကို သိရှိထားကြပေသည်။ အထူးသဖြင့် ဤနယ်ခြားသားသည် သူနှင့် သူ၏ လျှို့ဝှက်ချက်များအပေါ်တွင် ထိန်းချုပ်မှု တစ်မျိုးကို ရရှိသွားမည်ဖြစ်သောကြောင့် ပို၍ပင် မှန်ကန်နေပေသည်။</p> <p>လောကရှန့်ထို အာရုဏ်ဦးက စုရီအား သူ၏ တောင်းဆိုမှုများကို သဘောတူစေရန် ဖိအားပေးဖို့ ဤအရာကို အသုံးပြုနေခြင်း ဖြစ်နိုင်မည်လော။</p> <p>မျှော်စင်များထံမှ ကောင်းကင် စွမ်းအားမှာ ပိုမို ပြင်းထန်လာ၏။ ဝေ့ဝူယင်က ထိုမေးခွန်းကို တည်ငြိမ်စွာ ဖြေကြားလိုက်လေသည်။</p> <p>"ကျုပ်က စုရီ ကို ကျုပ်ရဲ့ အဂ္ဂိရတ် သူရဲကောင်း ဒါမှမဟုတ် ကျုပ် အင်ပါယာရဲ့ အဖွဲ့ဝင် တစ်ယောက်အနေနဲ့ လက်ခံမှာ မဟုတ်ဘူး..."</p> <p> </p> <p> </p> <p style="text-align: center;">***</p>


Save