Book List

<h2 style="text-align: center;">အပိုင်း(၃)</h2> <h2 style="text-align: center;">*</h2> <p> </p> <p>လင်းတုန်း တစ်ယောက် သစ်ပင်ပေါ်သို့ မော့ကြည့်နေဆဲမှာပင် သူ၏ ဘယ်ဘက်ရှိ ခြုံပုတ်များကြားမှ တစ်စုံတစ်ခု လှုပ်ခတ်သွားသည်။ စက္ကန့်အနည်းငယ်အကြာတွင် နှင်းမြေခွေး တစ်ကောင်သည် ခြုံပုတ်ထဲမှ ပြေးထွက်လာပြီး သူ့ကို အကဲခတ်လျက် ရုတ်တရက် ရပ်တန့်သွားလေသည်။</p> <p>ဖြူစင်သော အမွေးအမျှင်များနှင့် လေထဲတွင် ယိမ်းနွဲ့နေသော အမြီးသုံးချောင်းပါရှိသည့် ဤနှင်းမြေခွေးသည် အိုးရပ်စ် သစ်ပင်ကဲ့သို့ပင် အထွတ်အမြတ် တောင်ကြား အတွက် သီးသန့်ဖြစ်တည်နေသော သတ္တဝါဖြစ်သည်။ ဝေ့ ကလန် ၏ သင်္ကေတပင်လျှင် တောင်ကြားရှိ နှင်းမြေခွေးများကို ဂုဏ်ပြုသောအားဖြင့် အဖြူရောင် မြေခွေး ပုံစံကို အသုံးပြုထားခြင်း ဖြစ်သည်။ အထူးသဖြင့် ထင်ရှားသော နှင်းမြေခွေး တစ်ကောင်ကို ရည်ရွယ်ခြင်း ဖြစ်လေသည်။</p> <p>လင်းတုန်းကဲ့သို့ပင် ဤမြေခွေးသည်လည်း ၎င်း၏ နေရပ်မှ မြောက်ဘက် မိုင်ပေါင်းများစွာ အကွာသို့ ရောက်ရှိနေခြင်း ဖြစ်သည်။ ထိုမြေခွေးက လင်းတုန်းကို တစ်ခဏမျှ စိုက်ကြည့်နေ၏။ သို့သော်လည်း... ပို၍ ကြီးမားသော အရာတစ်ခုက ခြေသံများနှင့်အတူ နီးကပ်လာသောကြောင့် ချက်ချင်း လစ်ခနဲ ထွက်ပြေးသွားလေတော့သည်။</p> <p>ထိုစဉ် တောအုပ်ထဲမှ လူငယ်တစ်ယောက် ထွက်ပေါ်လာသည်။ သူ၏ ဆံပင်များမှာ ဖရိုဖရဲဖြစ်နေပြီး ကိုယ်ပေါ်တွင်လည်း ခြစ်ရာများ ပြည့်နှက်နေသည်။ သူ၏ ညာဘက်ရင်အုံတွင် ကြေး တံဆိပ်ပြားတစ်ခုကို ချိတ်ဆွဲထားပြီး၊ ဖြူဖွေးသော မြေခွေးမွေးများ ကွပ်ထားသည့် အပေါ်အင်္ကျီကို ဝတ်ဆင်ထားလေသည်။</p> <p>လင်းတုန်း သူ့ကို သိသည်။ သူကား ဝေ့မုံတယ်ရစ် ဖြစ်ပြီး လင်းတုန်းထက် အသက်တစ်နှစ်ငယ်သော ကလန်သား တစ်ယောက်ဖြစ်သည်။ ထိုလူငယ်သည် အန္တရာယ်တစ်ခုပင်။</p> <p>"ဝမ်းကွဲ တယ်ရစ်"</p> <p>လင်းတုန်းက လက်နှစ်ဖက်ဆုပ်ကာ တရားဝင် အရိုအသေပေးလျက် နှုတ်ဆက်လိုက်သည်။</p> <p>"ဒီငယ်သား အနေနဲ့ ဒီနေရာမှာ ဝမ်းကွဲနဲ့ ဆုံတွေ့ရတာ ဂုဏ်ယူဝမ်းမြောက်မိပါတယ်..."</p> <p>"လမ်းဖယ်စမ်း..."</p> <p>တယ်ရစ် က အော်ဟစ်လိုက်ပြီး လင်းတုန်းကို တွန်းတိုက် ကျော်ဖြတ်သွားသည်။ သူ၏ အနောက်တွင် နောက်ထပ် လူငယ်တစ်ယောက်နှင့် မိန်းကလေး တစ်ယောက်တို့ လိုက်ပါလာကြသည်။ သူတို့ နှစ်ဦးစလုံးမှာ အသက် ဆယ့်လေး၊ ဆယ့်ငါးနှစ် အရွယ် ဝေ့ ကလန်သားများ ဖြစ်ကြပြီး၊ နှစ်ယောက်စလုံးသည် ကြေးအဆင့် များ ဖြစ်ကြသည်။</p> <p>လင်းတုန်း၏ သစ်သား တံဆိပ်ပြားလေးမှာ သူ၏ ရင်ဘတ်ပေါ်တွင် လေးလံစွာ တွဲလောင်းကျနေသော်လည်း၊ ၎င်းကို ဖုံးကွယ်ထားခြင်းသည် သူ၏ အရှက်ကွဲမှုကို လက်ခံလိုက်ခြင်းပင် ဖြစ်ပေလိမ့်မည်။ သူတို့ ဖြတ်ပြေးသွားချိန်အထိ သူသည် လက်ဆုပ်ကာ အရိုအသေပေးထားသည့် ပုံစံအတိုင်း ဆက်လက် ရပ်နေလိုက်သည်။</p> <p>တမင်သက်သက် သာမန် ဟန်ဆောင်လျက် သူသည် သစ်ပင်ကို ကျောမှီကာ ဆုတ်လိုက်သည်။ အကယ်၍ ထိုသူများသာ တောက်ပနေသော အစီအရင်ကို မြင်သွားခဲ့ပါက၊ ၎င်းမှာ ဘာအတွက်လဲဟု သူ့ကို မေးမြန်းကြပေလိမ့်မည်။ သူ အသီးကို ခူးယူနိုင်ရန် တစ်ခုတည်းသော အခွင့်အရေးမှာ သူတို့ကို အခြားကိစ္စတစ်ခုခုဖြင့် အာရုံလွှဲထားနိုင်ရန်သာ ရှိလေသည်။</p> <p>အိမ်နှင့် ဤမျှဝေးကွာသော နေရာအထိ မိမိကလန်မှ လူသုံးယောက်ကို ရောက်လာစေရန် ဖန်တီးခဲ့သည့် ကံကြမ္မာကို သူ ကျိန်ဆဲလိုက်မိသည်။ ကံကောင်းထောက်မစွာပင်... သူတို့သည် သူ့ကို လျစ်လျူရှုကာ မြေခွေးကိုသာ ဆက်လက် အမဲလိုက်သွားခဲ့ကြပြီ မဟုတ်ပါလော။</p> <p>အမှန်တကယ် ပြောရမည်ဆိုလျှင် ထိုသို့ အမဲလိုက်ခြင်းမှာ တရားမဝင်သော လုပ်ရပ်တစ်ခု ဖြစ်လေသည်။</p> <p>တစ်စုံတစ်ယောက် ပြန်လှည့်လာသည့် ခြေသံကို ကြားလိုက်ရသောအခါ လင်းတုန်းသည် သူ၏ ပစ္စည်းအနည်းငယ်ကို သိမ်းဆည်းပြီး စတင် ထွက်ပြေးရန် ပြင်လိုက်သည်။ သူတို့၏ ပုံမှန် အကျင့်အတိုင်း သူ့ကို မမြင်ဟန်ဆောင်ကာ လွှတ်ထားခဲ့မည်ဟု မျှော်လင့်ခဲ့သော်လည်း၊ သူ ထိုမျှလောက်အထိ ကံမကောင်းခဲ့ပေ။</p> <p>ခြေသုံးလှမ်းမျှပင် မလှမ်းရသေးမီ တယ်ရစ်က သူ့ကို ဖမ်းမိသွားခဲ့ရာ သူ လုံးဝ ကံမကောင်းခဲ့ခြင်းပင်။</p> <p>ကျင့်စဉ်၏ ကြေးအဆင့် သို့ ရောက်ရှိသွားသောအခါ လူတစ်ယောက်၏ ဝိညာဉ်လမ်းကြောင်းများ ပွင့်ဟလာသည်။ တယ်ရစ်သည် လောကကြီး၏ သက်စောင့်အော်ရာများကို စုဆောင်းနိုင်ပြီး ၎င်းတို့ကို မိမိကိုယ်ပိုင် မာဒြာ အဖြစ် ပြောင်းလဲကျင့်ကြံနိုင်စွမ်း ရှိသည်။ ထိုကဲ့သို့ စွမ်းအားများကို အသုံးပြု၍ ခန္ဓာကိုယ်ကို ခွန်အားဖြည့်တင်းနိုင်သောကြောင့် သူက လင်းတုန်း၏ တံတောင်ဆစ်ကို လှမ်းဖမ်းလိုက်ချိန်တွင် ရုန်းကန်ခုခံရန် လုံးဝ မဖြစ်နိုင်တော့ပေ။</p> <p>လင်းတုန်းမှာ ဆောင့်ဆွဲလှည့်ခံလိုက်ရသော်လည်း သူ၏ မျက်နှာပေါ်တွင် အပြုံးတစ်ခုကို ဆက်လက် ထိန်းသိမ်းထားလိုက်သည်။</p> <p>"ဝမ်းကွဲ တယ်ရစ်... ဒီငယ်သားက ဘာများ ဆောင်ရွက်ပေးရမလဲ..."</p> <p>တယ်ရစ်သည် လင်းတုန်း၏ မျက်လုံးကို တည့်တည့်ကြည့်နိုင်လောက်အောင် အရပ်မရှည်သောကြောင့် လင်းတုန်း၏ ခြေရင်းသို့ တံတွေး ထွေးချလိုက်သည်။</p> <p>"ငါတို့ အဲဒီ အမြီးသုံးချောင်း နှင်းမြေခွေးကို နေ့ရောညပါ အမဲလိုက်လာတာ... အခုတော့ မင်းကြောင့် ငါတို့ အဲဒါကို လက်လွှတ်ရတော့မယ်..."</p> <p>"ဒီငယ်သားရဲ့ မိုက်မဲမှုကို ခွင့်လွှတ်ပါ ဝမ်းကွဲ... ဒါပေမဲ့ ဒီအမဲလိုက်ပွဲကို အကြီးအကဲ ဝှစ်စပါ က ခွင့်ပြုချက် ပေးထားလို့လား..."</p> <p>တယ်ရစ်၏ ရုပ်ဆိုးဆိုး အမူအရာကပင် လင်းတုန်း သိလိုသော အဖြေကို အတည်ပြုပေးလိုက်ပြီ ဖြစ်သည်။ အကြီးအကဲ ဝှစ်စပါသည် တစ်ခါတစ်ရံတွင် နှင်းမြေခွေးများကို အမဲလိုက်ရန် ခွင့်ပြုလေ့ရှိသော်လည်း၊ အလွန် တင်းကျပ်စွာ ထိန်းချုပ်ထားသော အခြေအနေများအောက်တွင်သာ ဖြစ်သည်။</p> <p>ယိုမာတောင် ခြေရင်းတွင် ကြေးအဆင့် လူငယ်သုံးယောက် နှင်းမြေခွေးတစ်ကောင်ကို လိုက်လံ ဖမ်းဆီးနေခြင်းကိုမူ သူ လုံးဝ သည်းခံခွင့်လွှတ်မည် မဟုတ်သည်မှာ သေချာလှသည်။</p> <p>ဝေ့ ကလန်၏ သင်္ကေတမှာ အဖြူရောင် မြေခွေး ဖြစ်နေရသည့် အကြောင်းရင်းမှာ ဝှစ်စပါ ကြောင့်ပင် ဖြစ်သည်။</p> <p>သို့သော် သူ၏ မျက်လုံးများသည်လည်း အရာအားလုံးကိုတော့ မမြင်နိုင်ပေ။ ဒဏ္ဍာရီများအရ နှင်းမြေခွေး၏ အသားသည် အဖြူရောင် မြေခွေး လမ်းစဉ်ကို လိုက်နာကျင့်ကြံသူများ၏ မာဒြာကို ပိုမို အားကောင်းလာစေသည်ဟု ဆိုကြပြီး၊ ဝေ့ ကလန်ရှိ လူတိုင်းလိုလိုပင် ထိုလမ်းစဉ်ကို ကျင့်ကြံကြလေသည်။</p> <p>လင်းတုန်း သိထားသလောက်တော့ ထိုအချက် မှန်ကန်နိုင်စရာ ယုတ္တိကျသော အကြောင်းပြချက် မရှိသော်လည်း၊ လူအများအပြားက ၎င်းကို ယုံကြည်ကြသည်။ ထို့ကြောင့် အကြီးအကဲ ဝှစ်စပါသည် သူ၏ တိုက်ရိုက် ခွင့်ပြုချက်မရဘဲ နှင်းမြေခွေးများအား အမဲလိုက်ခြင်း အားလုံးကို တားမြစ်ပိတ်ပင်ထားခဲ့ခြင်း ဖြစ်သည်။</p> <p>တယ်ရစ်က လက်သီးဆုပ်ကာ သူ၏ စွမ်းအားများကို စုစည်းလိုက်သောကြောင့် လက်သီးတစ်ဝိုက်ရှိ လေထုမှာ လှိုင်းထသွားလေသည်။</p> <p>"မင်းက ရိုင်းစိုင်းချင်နေတာလား ဝိညာဉ်မဲ့... မင်း မျက်နှာပေါ်က အဲဒီ အမူအရာကို ငါ မကြိုက်ဘူး..."</p> <p>လင်းတုန်း၏ ရင်ထဲတွင် တင်းကျပ်သွားသည်။ တယ်ရစ်သည် ကြေးအဆင့်သာ ရှိသေးသော်လည်း သူ၏ တံဆိပ်ပြားပေါ်ရှိ ဒိုင်း ပုံစံက သူသည် 'ကာကွယ်သူ' တစ်ဦး ဖြစ်ကြောင်း ပြသနေသည်။ မာဒြာကို ရုပ်ပိုင်းဆိုင်ရာ ခွန်အားအဖြစ် အာရုံစိုက် အသုံးပြုရန် မွေးဖွားလာသူ ဖြစ်သည်။ သူသည် လင်းတုန်းကို လက်သီးတစ်ချက်တည်းဖြင့် သတ်ပစ်နိုင်စွမ်းရှိသည်။</p> <p>ထိုသို့ လုပ်ကောင်းမှ လုပ်မည်မဟုတ်သော်လည်း ဖြစ်နိုင်ခြေကား ရှိနေသည်။ မိမိထက် အဆင့်နိမ့်သူတစ်ဦးကို သတ်ဖြတ်ခြင်းသည် အလွန်တရာ ရှက်ဖွယ်ကောင်းသော လုပ်ရပ်ဖြစ်သည်။ အကယ်၍ တယ်ရစ်သာ သူ့ကို သတ်လိုက်ပြီး ထိုသတင်းသာ ကလန်သို့ ရောက်ရှိသွားပါက၊ တယ်ရစ်သည် သူ၏ ကျန်ရှိနေသော သက်တမ်းတစ်လျှောက်လုံး ဂုဏ်သိက္ခာကျဆင်းပြီး အပယ်ခံတစ်ဦးအဖြစ် နေထိုင်သွားရမည် ဖြစ်သည်။</p> <p>သို့သော်လည်း မိမိ၏ နံရိုးများကို လက်သီးတစ်ချက်တည်းဖြင့် ချိုင့်ဝင်သွားအောင် ထိုးနိုင်စွမ်းရှိသူတစ်ဦးနှင့် မျက်နှာချင်းဆိုင် ရင်ဆိုင်ရခြင်းမှာ ထူးခြားစွာ ကြောက်မက်ဖွယ်ကောင်းသော အရာတစ်ခုပင် ဖြစ်သည်။ သူ့ကို ကယ်တင်ရန် မည်သူမှ အနီးအနားတွင် ရှိမနေပေ။</p> <p>လင်းတုန်းက ထပ်မံ၍ အရိုအသေပေးလိုက်ပြီး ပို၍ပင် နှိမ့်ချသောဟန်ဖြင့် ပြောဆိုလိုက်သည်။</p> <p>"ဒီငယ်သားကို ခွင့်လွှတ်ပေးပါ ကြေးအဆင့် ဝမ်းကွဲ... ကျေးဇူးပြုပြီး ဒီငယ်သားမှာ စုဆောင်းထားတဲ့ ငွေစအနည်းငယ် ရှိပါတယ်... အဲဒါလေးတွေကို ဝမ်းကွဲ လက်ခံပေးမယ်ဆိုရင် ဒီငယ်သားအတွက် ဂုဏ်ယူစရာပါပဲ..."</p> <p>တယ်ရစ် တစ်ယောက် လာဘ်ငွေကို လက်ခံ၊ မခံ အကဲခတ်ရန် သူ မော့ကြည့်လိုက်သော်လည်း၊ ကြေးအဆင့် လူငယ်လေးက လင်းတုန်း၏ အနောက်ဘက်သို့ ကျော်လွန်၍ ကြည့်နေလေသည်။ တစ်စုံတစ်ခုက သူ၏ အာရုံကို ဖမ်းစားသွားခဲ့ခြင်းပင်။</p> <p>နှင်းမြေခွေးသာ ပြန်မလာခဲ့ဘူးဆိုလျှင်၊ ထိုနောက်ဘက်တွင် ရှိနေနိုင်သည့်အရာမှာ တစ်ခုတည်းသာ ရှိသည်။ ၎င်းမှာ ရှေးဟောင်း ဘိုးဘေးသစ်ပင်ပင် ဖြစ်သည်။</p> <p>နွေဦးရာသီ၏ အေးမြသော နေ့တစ်နေ့ ဖြစ်သော်လည်း၊ လင်းတုန်း၏ ကျောပြင်တစ်လျှောက်တွင် ချွေးသီးချွေးပေါက်များ စီးကျလာလေသည်။</p> <p>"ဒီအစီအရင်က ဘာလဲ ဝိညာဉ်မဲ့..."</p> <p>"ဒီငယ်သားက အစီအရင် ရေးဆွဲတာကို လေ့ကျင့်နေတာပါ ဝမ်းကွဲ... ဒီငယ်သားရဲ့ မိခင် တောင်းဆိုထားလို့ပါ..."</p> <p>မိခင်ဖြစ်သူ၏ အမည်ကို တိုင်တည်လိုက်ခြင်းက သူ့အတွက် သက်ညှာမှု တစ်စုံတစ်ရာ ရစေလိမ့်မည်ဟု သူ မျှော်လင့်မိသည်။ လင်းတုန်းနှင့် ခြားနားစွာပင် ဝေ့ရှီစီရှားသည် ကလန်အတွက် တန်ဖိုးရှိသော အခန်းကဏ္ဍမှ တာဝန်ယူပေးထားသူ ဖြစ်သည်။ သူမသည် မိသားစုအားလုံး၏ ကျယ်ကျယ်ပြန့်ပြန့် လေးစားမှုကို ရရှိထားသူ ဖြစ်လေသည်။</p> <p>တယ်ရစ်က အရုပ်ဆိုးဆိုး ရယ်မောလိုက်ပြီး ရှေ့သို့ တစ်လှမ်း တိုးလာသည်။</p> <p>"အို... မင်းပုံစံက ရန်ဖြစ်ချင်နေတဲ့ ပုံပဲ... ငါနဲ့ ချချင်လို့လား..."</p> <p>လင်းတုန်း၏ မိဘများသည် ထွားကြိုင်းသူများ ဖြစ်ကြသည်။ သူတို့နှစ်ဦးစလုံးသည် တစ်ချိန်က နာမည်ကျော် သိုင်းသမားများ ဖြစ်ခဲ့ကြပြီး၊ လင်းတုန်းမှာမူ သူတို့၏ အစစ်အမှန် ခွန်အားများကို မရရှိခဲ့ဘဲ ရုပ်ပိုင်းဆိုင်ရာ ခန္ဓာကိုယ် ဖွဲ့စည်းပုံကိုသာ အမွေရရှိခဲ့သည့် ကံဆိုးသူ တစ်ယောက် ဖြစ်သည်။ သူသည် ရွယ်တူများထဲတွင် အရပ်အရှည်ဆုံးဖြစ်ပြီး ပခုံးအကျယ်ဆုံးလည်း ဖြစ်သည်။ ထို့ကြောင့် သူက ရင်းနှီးဖော်ရွေစွာ ဆက်ဆံနေသည်ဟု ထင်မှတ်ထားချိန်တွင်ပင်၊ အခြားသူများကတော့ သူ့ကို ရန်လိုနေသည်ဟု မကြာခဏ ထင်မြင်တတ်ကြလေသည်။</p> <p>တယ်ရစ်ဘက်ကနေ သူ၏ လုပ်ရပ်ကို သတ္တိကြောင်ပြီး ကြောက်ရွံ့နေသည့် အမူအရာအဖြစ် မြင်စေရန် မျှော်လင့်လျက် ဝေ့ရှီလင်းတုန်းက ပို၍ပင် နက်ရှိုင်းစွာ အရိုအသေပေးလိုက်သည်။ အမှန်တကယ်လည်း သူ ကြောက်ရွံ့နေခဲ့ခြင်း ဖြစ်လေသည်။</p> <p>တယ်ရစ်က သူ့ကို လျစ်လျူရှုလိုက်ရာ၊ ၎င်းမှာ အောင်မြင်မှုတစ်ခုပင်။ သို့သော် ကံမကောင်းစွာဖြင့်ပင် တယ်ရစ်၏ အာရုံက သစ်ပင်ဆီသို့ ပြန်လည် ရောက်ရှိသွားသည်။</p> <p>"မင်းက ငါ့ရဲ့ အမဲလိုက်ပွဲကို နှောင့်နှေးစေခဲ့တာဆိုတော့၊ မင်းရဲ့ လေ့ကျင့်မှုကိုလည်း ငါက ပြန်ပြီး နှောင့်နှေးစေတာဟာ တရားမျှတမှု ရှိပါတယ်..."</p> <p>တယ်ရစ်က လက်သီးကို နောက်သို့ ဆုတ်လိုက်ချိန်တွင် သူ ဘာလုပ်ရန် ရည်ရွယ်နေသည်ကို လင်းတုန်း ရိပ်မိသွားသည်။</p> <p>"ရပ်လိုက်..."</p> <p>***</p> <p> </p>


Save