Book List

<h2 style="text-align: center;">အခန်း (၂)</h2> <h2 style="text-align: center;">သဘာဝ နတ်စမ်းရေ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>“ရှောင်လင်... ငါ့ရဲ့  လက်ဆောင်ထုပ်ကို အသုံးပြုမယ်”</p> <p>“. အရှင်သခင်သည် ‘အသစ်တစ်ဖန် ပြန်လည်မွေးဖွားခြင်း ဆေးလုံး’ ကို အောင်မြင်စွာ အသုံးပြုပြီးဖြစ်ကြောင်း ဝမ်းမြောက်စွာ အသိပေးအပ်ပါသည်”</p> <p>ထိုစကားသံ ဆုံးသည်နှင့် တစ်ပြိုင်နက် ချင်ယွမ်ဖုန်း၏ ခန္ဓာကိုယ်အတွင်း၌ မီးဖိုကြီးတစ်ခု အရှိန်ပြင်းစွာ လောင်မြိုက်နေသကဲ့သို့ ခံစားလိုက်ရပြီး အတွင်းကလီစာများမှာလည်း အချိန်မရွေး ပေါက်ကွဲထွက်တော့မတတ် ပူလောင်လာချေသည်။</p> <p>ပြင်းထန်လှသော ဝေဒနာကြောင့် သူသည် မရှုမလှ အော်ဟစ်ရလုနီးပါး ဖြစ်ခဲ့ရပေရာ</p> <p>ထို့နောက်တွင်မူ သူ၏ရုပ်ခန္ဓာသည် သိသိသာသာ ပြောင်းလဲလာတော့သည်။</p> <p> ရှေးဦးစွာ အရေပြားအပြင်ဘက်မှ အဆိပ်အတောက်များသဖွယ် မည်းညစ်သော အရည်များ အလွှာလိုက် စိမ့်ထွက်ကာ စဉ်ဆက်မပြတ် စွန့်ထုတ်ခြင်း ခံရလေသည်။</p> <p>ဆက်လက်၍ သူ၏ အင်္ဂါအစိတ်အပိုင်းနှင့် အရိုးအဆစ်များမှာ တစ်စစီ ချိုးဖျက်ခံရသကဲ့သို့ နာကျင်လှပြီး ပြန်လည်ဆက်စပ်ခြင်း၊ တစ်ဖန် ပျက်စီးခြင်းတို့ဖြင့် သံသရာလည်နေတော့သည်။</p> <p>ဤသို့ ထပ်တလဲလဲ ဖြစ်ပျက်နေသော ဖြစ်စဉ်သည် ငါးမိနစ်မျှ ကြာမြင့်ခဲ့သည်။ ဆယ်မိနစ်ခန့် ကြာသောအခါမှသာ ထိုသို့သော နာကျင်ပျက်စီးမှုများ လုံးဝ ကွယ်ပျောက်သွားလေတော့သည်။</p> <p>ယခုအခါ သူ၏ အရပ်အမောင်းသည် သိသိသာသာ မြင့်တက်လာကြောင်း ခံစားမိသည်။ ယခင်က သူ၏ ကိုယ်လုံးကိုယ်ဖန်မှာ ပိန်လှီပြီး ပုညှက်သော်လည်း ယခုမူ တစ်ကိုယ်လုံး သွယ်လျ ကျစ်လျစ်သွားကာ ကြွက်သားများမှာလည်း သန်စွမ်းထွားကျိုင်းလာရုံမက အရပ်မှာလည်း ငါးစင်တီမီတာခန့် ပို၍ မြင့်လာခဲ့ပြီ ဖြစ်သည်။</p> <p>အထူးသဖြင့် မျက်နှာသွင်ပြင် ပြောင်းလဲမှုမှာ အထူးခြားဆုံးပင် ဖြစ်၏။ နှာတံပေါ်ပေါ်၊ မျက်လုံးအိမ် ကျယ်ကျယ်၊ ဓားလွယ်ခုတ် မျက်ခုံးတန်းတို့နှင့်အတူ ထုဆစ်ထားသကဲ့သို့ ပေါ်လွင်သော မျက်နှာကျမှာ ယောက်ျားပီသသော အလှတရားကို ဆောင်နှင်းပေးထားလေသည်။</p> <p>ဤပြင်ပ အပြောင်းအလဲများထက် ပို၍ အရေးကြီးသည်မှာ သူ၏ ကျင့်စဉ်အဆင့်မှာ အဆပေါင်းများစွာ မြင့်တက်လာခြင်းပင် ဖြစ်ရာ ချင်ယွမ်ဖုန်းသည် အတိုင်းမသိ ဝမ်းမြောက်မိလေသည်။</p> <p> လေထဲသို့ လက်သီးတစ်ချက် ဝှေ့ယမ်းလိုက်ရုံမျှဖြင့် စူးရှသော လေတိုးသံ ထွက်ပေါ်လာပြီး သူ၏ ခွန်အားနှင့် အရှိန်အဟုန်မှာ ယခင်ကထက် ဆယ်ဆမက သာလွန်သွားခဲ့ပြီ ဖြစ်သည်။</p> <p>“ငါ့ရဲ့ အခုလက်ရှိ ခွန်အားက ဆင်တစ်ကောင်ရဲ့ အားနဲ့တောင် တူနေပြီလား မသိဘူး”</p> <p>ချင်ယွမ်ဖုန်း၏ မျက်ဝန်းတို့တွင် အံ့ဩရိပ်များ လွှမ်းသွားသည်။</p> <p>“စနစ်  ဆိုတာ တကယ်ကို လက်ရာမြောက်လှပေတာပဲ။ ရှန်းဝူ စကြဝဠာ တိုက်ကြီးရဲ့ ပညာရှင် အဆင့်အတန်းနဲ့ တိုင်းတာမယ်ဆိုရင် ငါဟာ အခုဆို 'မဟာဆရာ '  အဆင့်ကို ရောက်နေပြီ မဟုတ်လား”</p> <p>ရှန်းဝူ စကြဝဠာ တိုက်ကြီးတွင် သိုင်းပညာရှင် အဆင့်အတန်းများကို အဆင့် ငါးဆင့် ခွဲခြားထားရာ 'ပညာသင်အဆင့်၊ 'ပညာရှင်အဆင့်၊ 'မဟာဆရာအဆင့် '၊ 'ဘိုးဘေးအဆင့် ' နှင့် 'ဘုရင်အဆင့် ' တို့ ဖြစ်ကြသည်။</p> <p>အဆင့်တစ်ခုစီတွင်လည်း ထပ်မံ၍ တစ်ဆင့်မှ ကိုးဆင့်အထိ ခွဲခြားထားပြန်ရာ ပထမအဆင့်သည် အနိမ့်ဆုံးဖြစ်ပြီး ကိုးခုမြောက်အဆင့်မှာ အမြင့်ဆုံး ဖြစ်ချေသည်။</p> <p>'မဟာဆရာ ' အဆင့်သို့ ရောက်ရှိခြင်းသည် တစ်ခေတ်တစ်ခါ၏ ဆရာသခင်အဖြစ် ဂိုဏ်းတစ်ဂိုဏ်း ထူထောင်နိုင်သည့် အဆင့်ပင် ဖြစ်သည်။</p> <p> ရှန်းဝူ စကြဝဠာ တိုက်ကြီး တစ်ခွင်လုံးတွင် ထိပ်သီးပညာရှင်စာရင်းဝင် ဖြစ်သကဲ့သို့ ဆေးနတ်ဘုရားဂိုဏ်းတွင်ပင် 'တိုက်ရိုက်သင်ကြားခွင့်ရ တပည့်'  သို့မဟုတ် 'ဂိုဏ်းကြီးကြပ်သူ အကြီးအကဲ' အဆင့်အထိ သတ်မှတ်ခံရနိုင်ပေသည်။</p> <p>အကြောင်းမူ ဆေးနတ်ဘုရားဂိုဏ်း၏ ဂိုဏ်းချုပ်ကိုယ်တိုင်က ကိုးဆင့်မြောက် 'မဟာဆရာ ' အဆင့်သာ ရှိသေးသောကြောင့် ဖြစ်၏။</p> <p>“စွမ်းအင်စုပ်ယူခြင်း မဟာပညာရပ်ရဲ့ စွမ်းအကို ထပ်စမ်းကြည့်ရအောင်”</p> <p>ချင်ယွမ်ဖုန်းသည် ဟင်းလင်းပြင်ထဲတွင် လက်ကို ဝှေ့ယမ်းလိုက်ရာ ဟောင်းနွမ်းစုတ်ပြတ်နေသော သက်ကယ်တဲလေးအတွင်း လှုပ်ခတ်မှုများ ဖြစ်ပေါ်လာသည်။</p> <p>ပေါက်ပြားနှင့် သစ်သားခုတင်တို့သည် မမြင်ရသော အင်အားတစ်ခု၏ ဆွဲငင်မှုကြောင့် သူ၏ လက်ဝါးဆီသို့ ဦးတည်ရွေ့လျားလာကြသည်။ ဤသည်မှာ စုပ်ယူအား၏ အကျိုးသက်ရောက်မှုဖြစ်ကြောင်း ချင်ယွမ်ဖုန်း သိရှိနားလည်လိုက်လေသည်။</p> <p>တစ်နာရီခန့် ကြာသောအခါ ချင်ယွမ်ဖုန်းသည် စနစ်၏ လုပ်ဆောင်ချက်များကို ကောင်းစွာ နားလည်သွားခဲ့သည်။</p> <p>“အရင်ဆုံး ဒီသဘာဝ နတ်စမ်းရေရဲ့ အာနိသင်ကို စမ်းကြည့်ဦးမယ်”</p> <p>သူသည် သက်ကယ်တဲလေးထဲမှ ထွက်လာခဲ့ပြီး ရှေ့မှောက်ရှိ အဆုံးအစမဲ့ ကျယ်ပြောလှသော မြေနက်မြေသို့ ရောက်ရှိလာသည်။ မိုင်ပေါင်းများစွာ ကျယ်ဝန်းသော ထိုမြေနက်မြေမှာ အလွန်ပင် ခြောက်သွေ့ဖုန်းဆိုးနေချေသည်။</p> <p>သဲကန္တာရ မဟုတ်သော်ငြား အခြေအနေမှာ ထိုထက် မထူးခြားလှပေ။</p> <p>“ဒီ ဆေးနတ်ဘုရားဂိုဏ်းက ခွေးမျက်နှာနဲ့ လူမိုက်တွေ... ဒီမြေနက်မြေမှာ ဘာမှစိုက်လို့မရတာ သိရက်နဲ့ ငါ့ကို ဒီနေရာကို တမင်သက်သက် ပို့လိုက်ကြတာပဲ။ ငါ့ရဲ့ ခွန်အားတွေ ကြီးထွားလာတဲ့နေ့ကျရင်တော့ မင်းတို့ အဖိုးကြီးတွေအားလုံး အဖိုးအခ ပြန်ပေးရစေမယ်”</p> <p>ချင်ယွမ်ဖုန်းသည် စိတ်ထဲမှ ကြိတ်၍ ကျိန်ဆဲနေမိသည်။ မြေနက်မြေတစ်ဝိုက်တွင် နာရီဝက်ခန့် လှည့်လည်ကြည့်ရှုပြီးနောက် 'ဖေယွမ်ဆေးမြက်' မျိုးစေ့တစ်စေ့ကို မမျှော်လင့်ဘဲ တွေ့ရှိလိုက်ရသည်။</p> <p>“မင်းကိုပဲ အရင်ဆုံး စမ်းသပ်ကြည့်ရတော့မယ်”</p> <p>သာမန် ဖေယွမ်ဆေးမြက်မျှသာ ဖြစ်သော်လည်း ယခုအချိန်တွင်မူ ချင်ယွမ်ဖုန်းအတွက် အလွန်ပင် တန်ဖိုးရှိလှသည်။</p> <p> သူသည် ဖေယွမ်ဆေးမြက်မျိုးစေ့ကို မြေနက်မြေတွင် မြှုပ်နှံပြီးနောက် သဘာဝ နတ်စမ်းရေတစ်စက်ကို အပေါ်မှ ဆမ်းလိုက်လေသည်။</p> <p>ထိုခဏ၌ပင် သဘာဝ နတ်စမ်းရေစက်သည် သက်စောင့်စမ်းရေသဖွယ် ဖေယွမ်ဆေးမြက်၏ အတွင်းပိုင်းကို အရှိန်အဟုန်ဖြင့် ပြောင်းလဲစေကာ အသက်ရှူရုံမျှသော အချိန်အတွင်းမှာပင် ဆေးမြက်မျိုးစေ့မှ အပင်ပေါက်လေး ထွက်ပေါ်လာတော့သည်။</p> <p>ထို့နောက် အမြစ်များ ဆင်းလာကာ ပျိုးပင်လေးအဖြစ်သို့ ရှင်သန်လာသည်။</p> <p>“ဒီကြီးထွားနှုန်းက တကယ်ကို မြန်လွန်းလှချေလား” ချင်ယွမ်ဖုန်း အံ့အားသင့်ကာ ရေရွတ်မိသည်။</p> <p>သူ အံ့ဩ၍ မဆုံးသေးမီမှာပင် အမြစ်တွယ်နေသော ဖေယွမ်ဆေးမြက်သည် တစ်ဟုန်ထိုး ကြီးထွားလာပြန်ရာ ခဏချင်းအတွင်းမှာပင် လူတစ်ရပ်ခန့် မြင့်မားသော ဆေးမြက်ကြီးအဖြစ်သို့ ပြောင်းလဲသွားလေတော့သည်။</p> <p>ကြီးထွားမှု မြန်ဆန်ရုံမျှမက အကိုင်းအခက်များ ဖြာထွက်မှုမှာလည်း မနှေးလှဘဲ ပတ်ဝန်းကျင် နှစ်မီတာ၊ သုံးမီတာခန့်အထိ ချက်ချင်းပင် ပျံ့နှံ့သွားချေသည်။</p> <p>ဤမျှ မြန်ဆန်သော စိုက်ပျိုးနှုန်းဖြင့်ဆိုပါက ဤမြေနက်မြေသည် မကြာမီ စိမ်းလန်းသော အိုအေစစ်တစ်ခု ဖြစ်လာလိမ့်မည်ဟု ချင်ယွမ်ဖုန်း ယုံကြည်မိသည်။</p> <p>“ရှောင်လင်... ဒီ သဘာဝ နတ်စမ်းရေရဲ့ တန်ဖိုးက အရောင်းဆိုင်  မှာ ဘယ်လောက်ရှိလဲ”</p> <p>ရှောင်လင် - “ယုံကြည်မှုတန်ဖိုး ၁.၃ သန်း ဖြစ်ပါသည်”</p> <p>“ဟား... ဒီလောက်တောင် ဈေးကြီးတာလား” ချင်ယွမ်ဖုန်း ဆွံ့အသွားရသည်။ ဤမျှများပြားသော တန်ဖိုးကို သူ မည်သို့ တတ်နိုင်ပါအံ့နည်း။</p> <p>“ထားလိုက်ပါတော့... အခုလောလောဆယ် စိုက်ပျိုးမှုကို ချဲ့ထွင်ဖို့ မစဉ်းစားတော့ဘူး။ ဒီ ဖေယွမ်ဆေးမြက်တွေကိုပဲ အရင် ပြုစုရမယ်”</p> <p>သက်ကယ်တဲလေးအတွင်း ပြန်ရောက်သောအခါ ဆေးနတ်ဘုရားဂိုဏ်းမှ ပေးထားသော မျိုးစေ့အချို့ကို ရှာဖွေရာ 'ကျူးယွမ်လက်ဖက်' မျိုးစေ့တစ်ဆုပ်ကို တွေ့ရှိခဲ့သည်။</p> <p>ဤလက်ဖက်သည် ရှန်းဝူ စကြဝဠာ တိုက်ကြီးတွင် အလွန်ပေါများပြီး ဈေးပေါသောကြောင့် ပညာရှင်အများစု သောက်သုံးလေ့ရှိကြသည်။</p> <p> ထူးခြားသော အာနိသင် မရှိသော်ငြား ချင်ယွမ်ဖုန်းအဖို့မူ ဤခြောက်သွေ့သော မြေနက်မြေကို စိမ်းလန်းစိုပြည်စေရန်အတွက် မည်သည့်မျိုးစေ့မဆို အသုံးဝင်ပေသည်။</p> <p>“အရင်ဆုံး လက်ဖက်ပင်လေးတွေ စိုက်ပြီး ငါ့ဘဝကို နည်းနည်း အဆင့်မြှင့်တင်ရမယ်”</p> <p>သူသည် လက်ဖက်မျိုးစေ့များကို မြေနက်မြေသို့ ယူဆောင်သွားကာ သဘာဝ နတ်စမ်းရေ အနည်းငယ် ဆမ်းလိုက်ရာ လက်ဖက်ရည်တစ်ခွက် သောက်ချိန်ခန့်အတွင်းမှာပင် စိမ်းလန်းစိုပြည်သော အပင်များ ပေါ်ထွက်လာပြီး ကန္တာရအလယ်ရှိ အိုအေစစ်ငယ်လေးသဖွယ် ဖြစ်လာလေတော့သည်။</p> <p>“အင်း... မဆိုးပါဘူး။ ဒီလိုမှပဲ ကိုယ်ပိုင်နယ်မြေတစ်ခုနဲ့ တူတော့မယ်”</p> <p>တဲအတွင်း ပြန်ရောက်သောအခါ ထိုတဲမှာ အလွန်ပင် စုတ်ပြတ်နေကြောင်း ချင်ယွမ်ဖုန်း ခံစားမိသည်။</p> <p>“မဟုတ်သေးဘူး... ဒီတဲကို ရက်အနည်းငယ်အတွင်းမှာ ပြုပြင်မှဖြစ်မယ်။ ငါဟာ ဒီမြေနက်မြေရဲ့ အရှင်သခင် ဖြစ်လာပြီဆိုမှတော့ ငါ့နယ်မြေကို ကောင်းကောင်း တည်ဆောက်ရမှာပေါ့”</p> <p>ထိုသို့ဖြင့် သုံးရက်တာ အချိန်သည် လျင်မြန်စွာ ကုန်ဆုံးသွားခဲ့သည်။ ဤသုံးရက်အတွင်း ချင်ယွမ်ဖုန်းသည် မနားမနေ ကြိုးပမ်းခဲ့ရာ သူ၏ ကြိုးစားမှုသည် အရာထင်လာခဲ့သည်။</p> <p> သက်ကယ်တဲလေးကို ဗဟိုပြု၍ မီတာပေါင်းများစွာ ကျယ်ဝန်းသော နေရာတွင် စိမ်းလန်းစိုပြည်သော အပင်များ ဝေဆာနေသည်မှာ မြင်ရသူအဖို့ ကျေနပ်ဖွယ် အောင်မြင်မှုတစ်ခု ဖြစ်ပေရာသည်။</p> <p>“ဆေးနတ်ဘုရားဂိုဏ်းက ပေးတဲ့ မျိုးစေ့တွေလည်း ကုန်သလောက် ရှိနေပြီ။ မြေနက်မြေရဲ့ အပြင်ဘက်ကို ထွက်ပြီး တခြားမျိုးစေ့တွေ ရနိုင်မလား ကြည့်ရမယ်။ ဒါမှမဟုတ် မြစ်တစ်စင်းလောက် ရှာပြီး ရေမြောင်းသွယ်ရမယ်”</p> <p>သဘာဝ နတ်စမ်းရေသည် အကန့်အသတ် ရှိနေသောကြောင့် မြေနက်မြေ တစ်ခုလုံးအတွက် မလုံလောက်နိုင်ပေ။ ထို့ကြောင့် မျိုးစေ့နှင့် ရေအရင်းအမြစ်မှာ အလွန်ပင် အရေးကြီးလှသည်။</p> <p>သူသည် ဖေယွမ်ဆေးမြက် ရွက်အနည်းငယ်ကို ဝါးစားကာ 'အာဟာရ' ဖြည့်တင်းပြီးနောက် မြေနက်မြေမှ ထွက်ခွာလာခဲ့သည်။</p> <p>ဖေယွမ်ဆေးမြက်သည် ပညာရှင်များအတွက် စွမ်းအင်  ကို တည်ငြိမ်စေရုံမက အစားအစာအဖြစ်လည်း အသုံးဝင်လှပေသည်။</p> <p>တစ်နေ့ကုန်နီးပါး လမ်းလျှောက်ပြီးနောက် ကျယ်ပြောလှသော မြေနက်မြေမှ လွန်မြောက်ကာ ထူထပ်သော တောင်တန်းကြီးတစ်ခုသို့ ရောက်ရှိလာသည်။</p> <p>စိမ်းလန်းစိုပြည်သော အပင်များကို မြင်တွေ့ရသဖြင့် ချင်ယွမ်ဖုန်း အလွန်ပင် အားကျမိသော်လည်း ထိုအပင်များမှာ များစွာ သာမန်ကာလျှံကာနိုင်လွန်းလှသည်။</p> <p>“ဟော... ဟိုမှာ 'နှင်းကြာမြက်'  တွေ အများကြီးပဲ”</p> <p>ချင်ယွမ်ဖုန်း၏ စူးရှသော မျက်လုံးများက မနီးမဝေးရှိ နှင်းကြာမြက် အစုအဝေးကြီးကို လှမ်း၍ မြင်လိုက်လေတော့သည်။</p> <p> </p> <p> </p> <p> </p> <p style="text-align: center;">***</p>


Save