Book List

<h2 style="text-align: center;">အပိုင်း(၂၃)</h2> <h2 style="text-align: center;">*</h2> <p> </p> <p>ဘာသာပြန် မှတ်ချက် ။ ဒီအပိုင်းမှာ နာမည်တွေ အသုံးအနှုန်းတွေ ရှုပ်ထွေးသွားမှာ စိုးတဲ့ အတွက် အဓိက အသုံးအနှုန်း ငါးခု အကြောင်း အကျဉ်း ဖော်ပြပေးလိုက်ပါတယ်။</p> <p>၁။ အဘီဒန် - မဟာစကြဝဠာကြီး တစ်ခုလုံးအတွင်းမှာရှိတဲ့ ကမ္ဘာလောကတွေကို ထိန်းချုပ် စောင့်ရှောက်နေတဲ့ အင်အား အကြီးမားဆုံး အဖွဲ့အစည်း၊ တစ်နည်းအားဖြင့် တရားရုံးတော်။</p> <p>၂။ ဆူရီယယ် - အဘီဒန် အဖွဲ့အစည်းကို အုပ်ချုပ်တဲ့ အမြင့်ဆုံး တရားသူကြီးတွေထဲက တစ်ဦး၊ ဘွဲ့အမည် ဖီးနစ်၊</p> <p>၃။ အိုဇရီယယ် - အဘီဒန် တရားရုံးတော်ရဲ့ ရှစ်ယောက်မြောက် တရားသူကြီး ဘွဲ့အမည် - ရိမ်သိမ်းသူ။ ကယ်တင်လို့ မရနိုင်တော့အောင် ယိုယွင်းပျက်စီးနေတဲ့ ကမ္ဘာလောကတွေကို အပြီးတိုင် ဖျက်ဆီးရှင်းလင်း ရတဲ့ သီးသန့်တာဝန်ကို ယူထားရသူ၊</p> <p>၄။ မာကီယယ် - အဘီဒန် တရားရုံးတော်ရဲ့ ခေါင်းဆောင်လို့ ဆိုနိုင်တဲ့ နံပတ်တစ် တရားသူကြီး၊ အမဲလိုက်ခွေး လို့ နာမည်တွင်သူ။</p> <p>၅။ စန်တမ် - အဘီဒန် အဖွဲ့အစည်းကြီးရဲ့ ဗဟိုဌာနချုပ် တည်ရှိရာ အဓိက ကမ္ဘာလောက။ စကြဝဠာ အသီးသီးကို စောင့်ကြည့်ကွပ်ကဲရာ မဟာမြို့တော်ကြီး။</p> <p>...</p> <p>ကမ္ဘာအမှတ် ၁၁၀- နတ်ဘုရားပုခက်... </p> <p>ဆူရီရယ် သည် 'မဟာလမ်းစဉ်' ထဲမှနေ၍ အပြာရောင် အလင်းတန်းတစ်ခုနှင့်အတူ အစစ်အမှန် လောကထဲ၌ ထွက်ပေါ်လာခဲ့ပြီး၊ လေထု၏ အမြင့်ဆုံး အစွန်အဖျားတွင် လွင့်မျောနေလေသည်။ သူမ၏ အောက်ဘက်တွင်တော့ အပြာရောင်၊ အစိမ်းရောင်တို့ဖြင့် ရင်းနှီးကျွမ်းဝင်နေသော ဂြိုဟ်တစ်လုံးက ကလေးဘဝက အိပ်ခဲ့သော ပုခက် တစ်ခုကဲ့သို့ ဖြန့်ကြက်တည်ရှိနေလေသည်။</p> <p>[ကမ္ဘာအမှတ် ၁-၁-၀ ဆီသို့ အောင်မြင်စွာ ရောက်ရှိပါပြီ]</p> <p>သူမ၏ ပခုံးပေါ်ရှိ ဝိညာဉ်လက်ထောက် က ပြောလိုက်သည်။ ၎င်းမှာ အလုပ်တာဝန်နှင့်အတူ ပါလာသောအရာဖြစ်သည်။ အဘယ်ကြောင့်ဆိုသော် ဆူရီရယ်၏ လက်အောက်ရှိ စွမ်းအားများ အားလုံးကို မည်သည့် တစ်ဦးတစ်ယောက်၏ အသိစိတ်ကမျှ ထိန်းချုပ်နိုင်စွမ်း မရှိသောကြောင့်ပင်။</p> <p>[ဒေသစံတော်ချိန်က ပုံမှန်ထက် +၅.၂ သွေဖည်နေပါတယ်]</p> <p>သူမ ဤနေရာတွင် အချိန်အချို့ ဆုံးရှုံးရမည်ဖြစ်ပြီး၊ စန်တမ်နှင့် ဆက်သွယ်ရေးမှာလည်း နှောင့်နှေးနေမည်ဖြစ်ရာ၊ သူမ၏ ခရီးစဉ်မှာ ပိုမို ကြာမြင့်ပေလိမ့်မည်။</p> <p>သို့သော်လည်း၊ ထိုအချက်ကပင် အဓိက ရည်ရွယ်ချက် ဖြစ်လေသည်။</p> <p>[သင် ဒီကိုလာတဲ့ ရည်ရွယ်ချက်က ဘာများလဲ]</p> <p>ဝိညာဉ်လက်ထောက်က မေးမြန်းလိုက်သည်။ ထိုလက်ထောက်လေး အပြစ်ကင်းစင်သကဲ့သို့ပင် ထိုအရာက ရိုးသားဖြူစင်သော မေးခွန်းတစ်ခု ဖြစ်သော်လည်း၊ ဆူရီရယ် ကိုယ်တိုင်ပင် ထိုအဖြေအတွက် စဉ်းစားနေမိသည်။</p> <p>[ပြန်လည် ရှာဖွေရေး လား]</p> <p>လက်ထောက်က မေးလိုက်သည်နှင့် တစ်ပြိုင်နက်၊ ဂြိုဟ်တစ်ခုလုံး၏ နေရာအနှံ့အပြားမှ မြေပုံကြမ်းများနှင့် တောက်ပနေသော စာသားတန်းများက ဆူရီရယ် ၏ မြင်ကွင်းထဲတွင် လင်းလက်လာလေသည်။ ထိုအရာများက နှစ်ထောင်ပေါင်းများစွာ ကတည်းက ပျောက်ဆုံးနေခဲ့သော အဘီဒန်တို့၏ ရှေးဟောင်း အမွေအနှစ် ပစ္စည်းများကို မှတ်သားပြသနေပြီး၊ ၎င်းတို့ကို နောက်ဆုံး သိရှိထားသော တည်နေရာများ၊ အသုံးပြုနိုင်စွမ်းများနှင့် ကိုက်ညီအောင် ယှဉ်တွဲပြသနေလေသည်။ ဆူရီရယ် က စိတ်ကူးတစ်ချက်ဖြင့်ပင် ထိုအရာကို ငြင်းပယ်လိုက်သည်။</p> <p>[ပညာရေး လား]</p> <p>ဒါရန် မုခ်ဦးများမှသည် မြစ်ဆယ့်နှစ်သွယ် အထိ၊ သမိုင်းဝင် နှင့် ယဉ်ကျေးမှုဆိုင်ရာ အရေးပါသော နေရာများက မီးပြတိုက်များကဲ့သို့ လင်းလက်လာကြသည်။</p> <p>[ဖျော်ဖြေရေး လား]</p> <p>လေ သဘာဝ မာဒြာ တိမ်တိုက်များပေါ်တွင် ချာချာလည် ကခုန်နေကြသော ကောင်းကင် ကချသည်များသည် ဝိညာဉ် အကြွင်းအကျန် များကို တောက်ပနေသော ဖဲကြိုးတန်းများကဲ့သို့ နောက်မှ ဆွဲငင်ထားကြလေသည်။ မြှားတစ်စင်းက ဂြိုဟ်၏ အခြားတစ်ဖက်ခြမ်းတွင် ကျင်းပနေသော ပြဇာတ်တစ်ခုဆီသို့ ညွှန်ပြနေသည်။</p> <p>ပြဇာတ်သည် ပရိသတ်များကြားထဲတွင် လှုပ်ရှားကပြနေပြီး၊ ဆေးခြယ်ထားသော မျက်နှာဖုံးများ တပ်ဆင်ကာ သရုပ်ဆောင် ဓားမြှောင်များကို ကိုင်ဆောင်ထားသည့် သရုပ်ဆောင်များက ကြည့်ရှုသူများ လုံးဝ မရှိသည့်အလား တိတ်တဆိတ် သွားလာလှုပ်ရှားနေကြသည်။</p> <p>ကျွမ်းကျင်သူ နှစ်ဦး၏ ယှဉ်ပြိုင် တိုက်ခိုက်မှု တစ်ခု၊ တစ်ဦးက လျှပ်စီးကြောင်း သမင်ချိုများ ပါရှိသော သမင်ကြီး တစ်ကောင်ကို စီးနင်းထားပြီး၊ အခြားတစ်ဦးကတော့ အစစ်အမှန် မီးတောက်များဖြင့် ပြုလုပ်ထားသော လှံတစ်ချောင်းကို ကိုင်ဆောင်ထားသည်။ နိုင်ငံတစ်ခု၏ အသက်ရှင်ခြင်း နှင့် သေဆုံးခြင်း ကံကြမ္မာသည် ဤပြိုင်ပွဲအပေါ်တွင် မူတည်နေသော်လည်း၊ သူမကတော့ အခြားသော စကြဝဠာမှ ခိုးကြောင်ခိုးဝှက် ကြည့်ရှုသူ တစ်ဦးကဲ့သို့ ဘေးကင်းလုံခြုံရာမှနေ၍ စောင့်ကြည့်နိုင်လေသည်။</p> <p>[အလုပ်ကိစ္စ လား]</p> <p>လက်ထောက်က မေးလိုက်ပြန်သည်။ ၎င်းသည် တန်းတူညီမျှ ရိုးသားဖြူစင်သော မေးခွန်းဖြစ်သော်လည်း၊ ဆူရီရယ် ၏ စိတ်ထဲတွင်တော့ ထိုယန္တရားလေး၏ အသံတွင် စွပ်စွဲပြစ်တင်လိုသော လေသံလေး စွက်ဖက်နေသည်ဟု ထင်မြင်မိလေသည်။</p> <p>သူမ မတားဆီးနိုင်မီမှာပင်၊ အိုဇရီယယ်၏ ဘဝအကြောင်း အသေးစိတ် အချက်အလက်များက ဝိညာဉ် မြင်ကွင်းပြင်ပေါ်တွင် ပေါ်ထွက်လာပြီး၊ ဂြိုဟ်တစ်ခုလုံးရှိ စိတ်ဝင်စားဖွယ်ရာ နေရာများက တဖျတ်ဖျတ် လင်းလက်လာလေသည်။</p> <p>အိုဇရီယယ် မွေးဖွားခဲ့ရာ မှောင်မိုက်သော ကျောက်သား အခန်းငယ်လေး တည်ရှိသည့် တောင်တန်းကြီး...</p> <p>တစ်ချိန်က သူ၏ ကိုယ်ပိုင် လမ်းစဉ် ကို ဖော်ထုတ်ခဲ့ရာ စာကြည့်တိုက် အပျက်အစီးများ...</p> <p>ထိုခေတ်က အကြီးကျယ်ဆုံး ပညာရှင်ကြီး ဆယ်ဦးနှင့် သူ အချေအတင် ဆွေးနွေးခဲ့ပြီး၊ ထိုအထဲမှ သုံးဦးကို မကြာမီမှာပင် မိမိကိုယ်ကို အဆုံးစီရင်သွားစေခဲ့သည့် ကျောက်တိုင်ကြီးများ...</p> <p>သူ၏ ပထမဆုံး လက်နက်ကို ဖန်တီးခဲ့ပြီး၊ ယခုအခါ ချိတ်ပိတ်ထားပြီဖြစ်သော ပန်းပဲပေတုံး မြို့တော်...</p> <p>သူ သေဆုံးခဲ့ပြီး၊ အသက်ပြန်ရှင်လာခဲ့သည့် ဝင်္ကပါကြီး...</p> <p>သူ၏ ဒေါသက မဟာလမ်းစဉ် ကို ပထမဆုံးအကြိမ် ထိတွေ့ခဲ့ပြီး၊ ယခုအခါ မြက်ခင်းပြင်အောက်တွင် နစ်မြုပ်နေပြီဖြစ်သော တောရွာလေးရှိ အိမ်ကလေး...</p> <p>ဆူရီရယ်သည် မြင်ကွင်းကို စိတ်ကူးတစ်ချက်ဖြင့်ပင် ဖျက်ပစ်လိုက်သည်။ အစကတည်းက သူမ ဒီကိုလာခဲ့ခြင်းက လူမိုက်လုပ်ရပ်ပင်။ သူမသည် ဖီးနစ် ဖြစ်သည်။ အမဲလိုက်ခွေး မဟုတ်ပေ။ သူမသည် ကုသပေးသူ တစ်ဦးဖြစ်ပြီး၊ စုံထောက် တစ်ဦး မဟုတ်ချေ။ သူမသည် အိုဇရီယယ် ကို ရှာဖွေရန် မလိုအပ်ပေ။ သူ ချန်ရစ်ခဲ့သော အကျိုးဆက်များကိုသာ ရှာဖွေရန် လိုအပ်သည်။</p> <p>သူ၏ တာဝန်ကို ထမ်းဆောင်ရန် ငြင်းဆန်ခဲ့မှုကြောင့် သက်ရောက်မှု ခံခဲ့ရသော ဘီလီယံနှင့်ချီသည့် လူသားများ...</p> <p>တစ်စုံတစ်ယောက်က သူတို့ကို အသက်ပြန်ရှင်လာအောင် လုပ်ပေးရမည်။</p> <p>သို့သော် ယခုမူ သူမသည် ဖန်ဆင်းရှင်၏ အလုံခြုံဆုံးသော ကမ္ဘာကြီးထဲတွင် သူမ၏ တာဝန်များကို ရှောင်လွှဲနေလေသည်။ စန်တမ်ပင်လျှင် ဤနေရာထက် ယိုယွင်းပျက်စီးသွားရန် အလားအလာ ပိုများလေသည်။</p> <p>နတ်ဘုရားပုခက်သည် အဘီဒန် တို့၏ မွေးရပ်မြေဖြစ်ပြီး၊ သီအိုရီအရဆိုလျှင် အိုဇရီယယ် အနေဖြင့် ၎င်းကို ဖျက်ဆီးပစ်ခြင်းအားဖြင့် သူတို့၏ အဖွဲ့အစည်းကြီးကို နှစ်ထောင်ပေါင်းများစွာတိုင်အောင် ဒုက္ခိတဖြစ်သွားစေနိုင်သော်လည်း၊ သူတို့ကို ထိုသို့ဖြစ်စေရန်မှာ သူ၏ ရည်မှန်းချက် မဟုတ်ခဲ့ပေ။</p> <p>မာကီယယ်က ထိုအချက်ကို နားမလည်ခဲ့သော်လည်း၊ ဆူရီရယ် ကမူ နားလည်လေသည်။ သူသည် ဤနေရာသို့ မည်သည့်အခါမျှ ပြန်လာမည် မဟုတ်သလို၊ သူ ဘာမှမလုပ်ဘဲ နေခြင်းကြောင့် ဤနေရာကြီး ပျက်စီးသွားမည်ကိုလည်း ခွင့်ပြုမည် မဟုတ်ပေ။ သူမ စောင့်ရှောက်ရသော ကမ္ဘာများအားလုံးထဲတွင်၊ ဤနေရာက အလုံခြုံဆုံးပင် ဖြစ်လေသည်။</p> <p> [ဒါဆို သင် ဒီကို ဘာလို့ လာတာလဲ]</p> <p>ဝိညာဉ်လက်ထောက် က မေးလိုက်၏။ ဆူရီရယ် အနေဖြင့် အခြားသော အသံတစ်သံကို လိုအပ်နေကြောင်း သူ အာရုံခံမိနေလေသည်။ အခြားလူ တစ်ယောက်ယောက်ဆီ ဆိုလျှင် ဤမေးခွန်းက အလွန် အပြစ်တင်စရာ ကောင်းနေပေလိမ့်မည်။ သူမသည် တည်ရှိသမျှတွင် အကြီးကျယ်ဆုံးသော ကုသပေးသူ တစ်ဦးဖြစ်ပြီး၊ စစ်ပွဲဖြစ်ပွားရာ ဇုန်တစ်ခုဆီသို့ သွားမည့် လမ်းခရီးတွင် အချိန်ဖြုန်းနေခြင်း ဖြစ်လေသည်။ ဤနေရာတွင် ကုန်ဆုံးသွားသော စက္ကန့်တိုင်း၌ လူထောင်ပေါင်းများစွာ သေဆုံးနေကြသည်။ အကယ်၍ သူတို့သာ အချိန်ကြာမြင့်စွာ သေဆုံးနေခဲ့မည်ဆိုလျှင်၊ သူမ ကိုယ်တိုင်ပင် သူတို့ကို အသက်ပြန်ရှင်လာအောင် လုပ်ပေးနိုင်မည် မဟုတ်ချေ။</p> <p>သို့သော် သူ မှန်ကောင်း မှန်ပေလိမ့်မည်။</p> <p>အိုဇရီယယ်သည် အဘီဒန် တရားရုံးတော်၏ တာဝန်များကို ထမ်းဆောင်ရာတွင် ယုံကြည်နိုင်ဖွယ်မရှိလောက်အောင် ရက်စက်ကြမ်းကြုတ်သော အရာများကို လုပ်ဆောင်ခဲ့ဖူးသည်။ ထိုအရာများ အားလုံးမှာ ကမ္ဘာလောကများကြား စည်းကမ်းတကျရှိစေရန် ဟူသော အမည်ခံဖြင့် ဖြစ်သော်လည်း၊ အခြားသူ တစ်ဦးဦးသာဆိုလျှင် စစ်ရာဇဝတ်မှုများဖြင့် သေချာပေါက် စွဲချက်တင်ခံရပေလိမ့်မည်။ သူ၏ အကြောင်းပြချက်များကို သူမ နားလည်သော်ငြားလည်း၊ အိုဇရီယယ် ထိုတာဝန်ကို ယူထားခြင်းအပေါ် သူမ တစ်ခါမျှ စိတ်သက်သာရာ မရခဲ့ဖူးပေ။</p> <p>ထို့နောက် သူ အလုပ်ထွက်သွားခဲ့သည်။ ကောင်းကင်ဘုံ၏ ကွပ်မျက်သူ ဖြစ်သော အိုဇရီယယ်သည်၊ ပြစ်ဒဏ်ချမှတ်ခံထားရသော ကမ္ဘာလောကများကို ဖျက်ဆီးပစ်ရန် ငြင်းဆန်ခဲ့လေသည်။ ရိတ်သိမ်းသူသည် သူ၏ တံစဉ်ကို ချိတ်ဆွဲ သိမ်းဆည်းလိုက်လေပြီ။</p> <p>အခြားသော တရားသူကြီးများကတော့ သွေးဆာနေကြပြီး၊ သူမကိုလည်း ထိုနည်းတူ ဖြစ်စေရန် မျှော်လင့်နေကြသည်။ သို့သော် ဘီလီယံနှင့်ချီသော သက်ရှိများကို မသတ်ဖြတ်လိုခြင်းအတွက် သူမ အနေဖြင့် သူ့ကို မည်သို့ အပြစ်တင်နိုင်မည်နည်း။</p> <p>[သူ ဘာမှမလုပ်ဘဲ နေခြင်းကနေ ပြန့်နှံ့လာတဲ့ ယိုယွင်းပျက်စီးမှုတွေက ထရီလီယံ နဲ့ချီတဲ့ သက်ရှိတွေအပေါ် သက်ရောက်မှု ရှိလာလိမ့်မယ်၊]</p> <p>ဝိညာဉ်လက်ထောက်က သူမ ထုတ်မမေးခဲ့သော မေးခွန်းကို တုံ့ပြန်ဖြေကြားလိုက်သည်။</p> <p>[တကယ်လို့ အဲဒါကို မလျှော့ချနိုင်ဘူးဆိုရင်၊ မကြာခင်မှာ ဆယ်ဂဏန်း ထရီလီယံ အထိ ပြန့်နှံ့သွားပြီး၊ နောက်ဆုံးမှာတော့ တရားရုံးတော် အနေနဲ့ ကူးစက်ရောဂါ ထိန်းချုပ်ရေး လုပ်ငန်းစဉ်တွေကို အတင်းအကျပ် အကောင်အထည်ဖော်ရတဲ့အထိ ဖြစ်သွားလိမ့်မယ်]</p> <p>ထို့ကြောင့်ပင် ဆူရီရယ် အချိန်ဆွဲနေခဲ့ခြင်း ဖြစ်သည်။ သေဆုံးသွားသူများနှင့် သေလုမျောပါး ဖြစ်နေသူများကို သူမ မကုသပေးချင်၍ မဟုတ်ဘဲ၊ ကျန်ရှိနေသော တရားသူကြီး ခြောက်ဦး စုဝေးရောက်ရှိနေကြမည် ဖြစ်သောကြောင့်ပင်။ ကမ္ဘာများစွာကို အဘီဒန် တို့၏ အကာအကွယ်မဲ့ ဖြစ်သွားစေမည့် ကမ္ဘာပေါင်းများစွာ လွှမ်းခြုံသော ကူးစက်ရောဂါ ထိန်းချုပ်ရေး ကန့်သတ်ချက် တစ်ခုအပေါ် မဲပေးရန် သူမကို သူတို့ တောင်းဆိုကြပေလိမ့်မည်။</p> <p>၎င်းမှာ အိုဇရီယယ် ကို ထွက်ခွာသွားစေခဲ့သည့် အတိအကျ တူညီသော စိတ်နေသဘောထားပင် ဖြစ်သည်။</p> <p>***</p> <p> </p>


Save