Book List

<h2 style="text-align: center;">ထာဝရသိုင်းတာအိုအရှင် စာစဉ် (၁၀)</h2> <h2 style="text-align: center;">အခန်း (၁၁၄)</h2> <h2 style="text-align: center;">ငါက သူရဲကောင်းတစ်ယောက်ပဲ</h2> <h2 style="text-align: center;">ဘာသာပြန် - အားသစ်</h2> <h2 style="text-align: center;">*</h2> <p> </p> <p> </p> <p>ယွီရွှေသည် ချွေးများ ရွှဲရွှဲစိုနေပြီး အလွန်အမင်း ကြောက်လန့်နေသည်။ လင်းဖုန်း၏ အေးစက်သော အကြည့်များက သူ့စိတ်ဓာတ်ကို လုံးဝ ရိုက်ချိုးလိုက်ပြီ ဖြစ်သည်။ သေခြင်းတရားနှင့် ရင်ဆိုင်နေရချိန်တွင် သူ မည်သို့လျှင် တစ်စုံတစ်ရာ ဖုံးကွယ်ထားရဲတော့မည်နည်း။</p> <p>“မင်း ဘာပြောလိုက်တာလဲ”</p> <p>ပထမဆုံးအကြိမ်အဖြစ် လင်းဖုန်း၏ မျက်နှာအမူအရာမှာ သိသိသာသာ ပြောင်းလဲသွားပြီး စိတ်လှုပ်ရှားမှုကြောင့် သူ့တစ်ကိုယ်လုံးပင် တုန်ခါသွားသည်။</p> <p>“ကျွန်တော့် အစ်ကိုကြီး... ယွီရှန်း မသေသေးပါဘူး။ ကျွန်တော် သူ့ကို သတ်ဖို့ တစ်ခါမှ မစဉ်းစားခဲ့ဘူး... ကျွန်တော် ဘယ်လောက်ပဲ အသုံးမကျတဲ့ကောင်ဖြစ်ဖြစ်၊ လူဖျင်းလူညံ့အယုတ်တမာကောင်ပဲဖြစ်ဖြစ် အစ်ကိုကြီးကို သတ်ဖို့တော့ တစ်ခါမှ မတွေးခဲ့ပါဘူး...”</p> <p>ယွီရွှေသည် မြေပြင်ပေါ်တွင် ဝပ်စင်းကာ ရှိုက်ကြီးတငင် ငိုယိုနေတော့သည်။ သူ့စိတ်အစဥ်မှာ လုံးဝ ပြိုလဲသွားပြီ ဖြစ်သည်။ လင်းဖုန်းကဲ့သို့ သေမင်းတမန် ရှေ့မှောက်တွင် သူ၏ တွက်ကွက်များနှင့် အကြံအစည်များမှာ အသုံးမဝင်တော့ပေ။</p> <p>သာလွန်လူသား ကျွမ်းကျင်သူဆိုသည်မှာ အမည်နာမမျှသာ မဟုတ်ပေ။ သာလွန်လူသားတစ်ဦး၏ ဒေါသကို ကိုယ်တိုင် ရင်ဆိုင်ရမှသာ သူတို့ မည်မျှ ကြောက်မက်ဖွယ်ကောင်းကြောင်း နားလည်နိုင်ပေလိမ့်မည်။</p> <p>မူလက ယွီရှန်း၏ နာရေးအခမ်းအနားသို့ တက်ရောက်လာကြသော လူကုံထံ အထက်တန်းလွှာများမှာလည်း ယွီရွှေ၏ စကားကို ကြားသောအခါ အံ့သြမှင်သက်သွားကြသည်။ ယွီရှန်း မသေသေးဘူးလား။ ရယ်စရာပဲ။</p> <p>သို့သော် ယွီရွှေ ငိုယိုနေပုံကို ကြည့်ရသည်မှာ သူ လိမ်ညာနေပုံ မရပေ။ လူတိုင်း ယွီရွှေ၏ လှည့်ဖြားမှုကို ခံခဲ့ရသည်လော။</p> <p>လက်ရှိအချိန်တွင် အင်တာနက်ပေါ်၌လည်း ဆူညံပွက်လောရိုက်နေပြီ ဖြစ်သည်။ သာလွန်လူသား ကျွမ်းကျင်သူများကြား တိုက်ပွဲမှာ အလွန် ရှားပါးလှသည်။ မြို့ပြဧရိယာတွင် ဖြစ်ပွားခြင်းက ပို၍ ထူးထူးခြားခြား ဖြစ်စေလေသည်။ ထို့အပြင် ထိုကိစ္စမှာ လူသားသူရဲကောင်း လင်းဖုန်းနှင့် သက်ဆိုင်နေသည်။ လင်းဖုန်းသည် ဥပဒေစိုးမိုးရေး အဖွဲ့ဝင် လေးဦးကို တစ်ယောက်တည်းအားဖြင့် အနိုင်ယူခဲ့သည်။ ထိုအဖွဲ့ဝင်များမှာလည်း သာလွန်လူသား ကျွမ်းကျင်သူများ ဖြစ်ကြသည်။ ယခင်က နှိုင်းယှဉ်ပြစရာ မရှိသောကြောင့် လင်းဖုန်း မည်မျှ အစွမ်းထက်ကြောင်း မည်သူမျှ မသိခဲ့ကြပေ။ သို့သော်လည်း ယခုလက်ရှိအချိန်တွင်မူ သာလွန်လူသား ကျွမ်းကျင်သူ လေးဦးကို အလွယ်တကူ အနိုင်ယူနိုင်ခဲ့သော လင်းဖုန်း၏စွမ်းအားမှာ အလွန်တရာ အံ့ဩတုန်လှုပ်ဖွယ်ရာ ကောင်းလှပေသည်။</p> <p>ဤအဖြစ်မှာ လင်းဖုန်း ဝက်အူရစ်ပိုးကောင် နတ်ဆိုး ၃၀ ကို နှိမ်နင်းခဲ့စဉ်ကထက် ပို၍ တိုက်ရိုက်ကျပြီး တုန်လှုပ်စရာ ကောင်းလှသည်။</p> <p>သို့သော် ဤသည်က လူတချို့ကိုလည်း ဇဝေဇဝါ ဖြစ်စေသည်။ လင်းဖုန်းက ဘာကြောင့် မြို့ထဲမှာ ဤမျှ ကြီးမားသော ဆူပူမှုကို ဖြစ်စေရသနည်း။</p> <p>အထူးသဖြင့် လင်းဖုန်းသည် သာမန်လူတစ်ဦးကို ဖမ်းဆီးထားသည်။ သူ ဘာလုပ်ဖို့ ကြိုးစားနေတာလဲ။</p> <p>“ဥပဒေစိုးမိုးရေး အဖွဲ့ဝင်တွေက ဖြစ်သလို မလုပ်ဘူး။ သူတို့ လုပ်ပြီဆိုရင် တရားဥပဒေအတိုင်း လိုက်နာကျင့်သုံးနေတာပဲ ဖြစ်ရမယ်။ လင်းဖုန်း တစ်ခုခု ပြဿနာရှာထားတာလား”</p> <p>“လင်းဖုန်းက လူသတ်ချင်နေပုံရတယ်။ သူ့အကြည့်တွေက တကယ်ကို ကြောက်စရာကောင်းတယ်”</p> <p>“သာလွန်လူသား ကျွမ်းကျင်သူတွေတောင် ဥပဒေကို လိုက်နာရမယ်။ လူသားသူရဲကောင်း ဖြစ်ရုံနဲ့ ကိုယ့်သဘောနဲ့ကိုယ် လုပ်ချင်တိုင်း လုပ်လို့မရဘူး”</p> <p>“ဟုတ်တယ်။ လင်းဖုန်း ဘယ်လောက်ပဲ စွမ်းဆောင်ရည်တွေ ရှိရှိ ဥပဒေကိုတော့ လိုက်နာရမယ်။ မြို့ထဲမှာ တိုက်ခိုက်လို့ တခြားသူတွေကို မတော်တဆ ထိခိုက်မိရင် ဘယ်လိုလုပ်မလဲ”</p> <p>အင်တာနက်ပေါ်မှ မှတ်ချက်များမှာ တစ်ဖက်သတ် ဖြစ်လာသည်။ သို့သော် အသိဉာဏ်ရှိသူများကလည်း ချက်ချင်း ပြန်လည် တုံ့ပြန်ကြသည်။</p> <p>“လင်းဖုန်းက နဂါးကျောက်တုံးမြို့ရဲ့ အခြေအနေကို အခုလေးတင် ပြောင်းလဲပေးခဲ့ပြီး လူသားသူရဲကောင်း ဖြစ်လာတဲ့သူလေ။ ဘာအကြောင်းမှမရှိဘဲ သာမန်လူတွေကို ဘာလို့ တိုက်ခိုက်မှာလဲ။ နောက်ကွယ်မှာ တစ်ခုခု ရှိနေရမယ်”</p> <p>“ဟုတ်တယ်။ ငါက ကျောက်တုံးမြို့သားပါ။ ဒီဗီဒီယိုထဲက ဗီလာဧရိယာကို ငါ အရမ်း ရင်းနှီးတယ်။ ဒီနေ့ ကျောက်တုံးမြို့က ယွီမိသားစုက သိုင်းသမားတစ်ယောက်အတွက် နာရေးအခမ်းအနား ကျင်းပနေတာ။ သာမန်လူတွေက ယွီမိသားစုအကြောင်း မသိပေမယ့် ငါကတော့ နည်းနည်း သိတယ်။ ယွီညီအစ်ကို နှစ်ယောက်က ပစ္စည်းဥစ္စာတွေအတွက် အချင်းချင်း ရန်သူဖြစ်နေကြတယ်လို့ ကြားတယ်။ ယွီမိသားစုရဲ့ သားကြီးက ရုတ်တရက် သေဆုံးသွားတာ။ အဲဒီမှာ လျှို့ဝှက်ချက်တွေ မရှိနိုင်ဘူးလား”</p> <p>“လင်းဖုန်း ဒီမှာ လာပြီး ဆူပူမှုလုပ်တာက ယွီမိသားစု သားကြီး သေဆုံးမှုနဲ့ ပတ်သက်နေရမယ်”</p> <p>သတင်းမျိုးစုံမှာ အင်တာနက် တစ်ခွင်လုံး ပျံ့နှံ့နေသည်။ ကောလာဟလများစွာ ရှိနေပြီး တစ်ဖက်နှင့်တစ်ဖက် မည်သူမျှ ယတိပြတ် နိုင်အောင်မပြောနိုင်ကြပေ။ ဆွေးနွှေးငြင်းခုံမှုများ အကြီးအကျယ် ဖြစ်ပွားနေပြီး များစွာသောသူတို့က အခြေအနေ တိုးတက်ပြောင်းလဲမှုကို ဂရုတစိုက် စောင့်ကြည့်နေကြသည်။</p> <p>အကယ်၍ လင်းဖုန်းသာ လူမြင်ကွင်းတွင် လူသတ်ခဲ့ပါက မည်သည့်အကြောင်းကြောင့်ဖြစ်စေ သူ ကြီးမားသော ပြဿနာနှင့် ရင်ဆိုင်ရပေလိမ့်မည်။</p> <p>ဝုန်း</p> <p>ရုတ်တရက် မြေပြင်တစ်ခုလုံး ပြင်းထန်စွာ တုန်ခါသွားပြီး ဗီလာကြီး ပြိုကျတော့မည့်အလား ဖြစ်သွားသည်။</p> <p>ထို့နောက်တွင် သိုင်းသမား သုံးဦး ကောင်းကင်မှ ဆင်းသက်လာကြသည်။ သူတို့၏ အကြည့်များမှာ အေးစက်ကာ ပြတ်သားလှပြီး သူတို့၏ ခန္ဓာကိုယ်များမှ အလွန်အမင်း အစွမ်းထက်သော အငွေ့အသက်များ ထွက်ပေါ်နေသည်။ အထူးသဖြင့် သူတို့၏ ခန္ဓာကိုယ်ထက်တွင် ကြယ်တာရာစွမ်းအားအရိပ်အယောင်များ မှိန်ဖျော့ဖျော့ တောက်ပနေသည်။</p> <p>ထိုသူတို့မှာ အသွင်ပြောင်းနယ်ပယ် တတိယအဆင့် အထွက်အထိပ်သို့ ရောက်ရှိနေသော သိုင်းသမားများဖြစ်သည်။ သူတို့၏ ခန္ဓာကိုယ်ထဲတွင် ကြယ်တာရာစွမ်းအား အမျှင်တန်းပေါင်း ၉,၉၉၉ ခု ရှိနေကြသည်။</p> <p>“လင်းဖုန်း... အခု ချက်ချင်း ရပ်တန်းကရပ်လိုက်ပါ”</p> <p>သိုင်းသမား သုံးဦး၏ မျက်လုံးများမှာ ခံစားချက် ကင်းမဲ့နေသည်။ သူတို့၏ အကြည့်များမှာ လူတိုင်းကို အထက်စီးမှ ကြည့်နေသကဲ့သို့ပင်။</p> <p>လင်းဖုန်းသည် လက်တစ်ဖက်ဖြင့် ယွီရွှေကို ကိုင်ထားရင်း လှည့်ကြည့်လိုက်သည်။ ထိုသုံးဦးထံမှ လာသော အားကောင်းသည့် ဖိအားများကို သူ ခံစားလိုက်ရသည်။ ဤသူတို့မှာ သာမန် အသွင်ပြောင်းနယ်ပယ် သိုင်းသမားများ မဟုတ်သည်မှာ သေချာသည်။</p> <p>“မင်းတို့လည်း ငါ့ကို တားချင်တာလား”</p> <p>“ငါတို့ မင်းကို တားနေတာ မဟုတ်ဘူး။ မင်းကို အမှားနွံထဲ မနစ်အောင် ပြန်ဆွဲထုတ်ချင်တာ။ သူ့ကို လွှတ်ပေးပြီး ငါတို့နဲ့အတူ စုံစမ်းစစ်ဆေးဖို့ လိုက်ခဲ့မယ်ဆိုရင် အရာအားလုံး အဆင်ပြေသွားလိမ့်မယ်”</p> <p>ဤသုံးဦးမှာလည်း သာမန်လူများ မဟုတ်ကြပေ။ သူတို့မှာ ကျောက်တုံးမြို့ ဥပဒေစိုးမိုးရေးအဖွဲ့၏ ဒုတိယအဖွဲ့ခေါင်းဆောင်များ ဖြစ်ကြသည်။ သူတို့သည် အာဏာကြီးကြီးမားမားရှိပြီး ကျောက်တုံးမြို့၏ ထိပ်တန်းပုဂ္ဂိုလ်များဟု ဆိုနိုင်သည်။ တစ်ဦးချင်းစီမှာ အသွင်ပြောင်းနယ်ပယ် တတိယအဆင့် အထွက်အထိပ် ကျွမ်းကျင်သူများ ဖြစ်ကြသည်။</p> <p>လင်းဖုန်းသည် ယခုအကြိမ်တွင် ကြီးကျယ်သော ဆူပူမှုကို ဖြစ်စေခဲ့သည်။ သူတို့၏ တာဝန်မှာ ဤကိစ္စကို အမြန်ဆုံး ဖြေရှင်းရန်နှင့် အခြေအနေများ ပိုမို ဆိုးရွားမလာခင် လင်းဖုန်းကို ထိန်းချုပ်ရန် ဖြစ်သည်။</p> <p>လင်းဖုန်းသည် ယွီရွှေကို တစ်ချက်ကြည့်ကာ အေးစက်စက် ပြောလိုက်သည်။</p> <p>“ယွီရှန်း မသေသေးဘူး။ ငါ သူ့ကို ခေါ်သွားပြီး ယွီရှန်းကို ကယ်မလို့”</p> <p>“ယွီရှန်း မသေသေးဘူး ဟုတ်လား”</p> <p>သူတို့သုံးဦး အခြေအနေကို အကြမ်းဖျင်း နားလည်သွားကြသည်။ လင်းဖုန်းက ယွီရှန်း သေဆုံးမှုအတွက် လက်စားလာချေနေခြင်း မဟုတ်ပါလား။</p> <p>သို့သော် ယွီရှန်း မသေသေးကြောင်း သိလိုက်ရသောအခါ သူတို့သုံးဦး သက်ပြင်းချနိုင်သွားသည်။ ဤသည်မှာ အကောင်းဆုံး ရလဒ် ဖြစ်ပေလိမ့်မည်။ အကယ်၍ ယွီရှန်း မသေသေးပါက လင်းဖုန်း၏ ဒေါသမှာ ပြေလျော့သွားပေလိမ့်မည်။</p> <p>ထို့ကြောင့် သူတို့ သုံးဦးက ဆက်ပြောသည်။</p> <p>“သူ့ကို အောက်ချလိုက်ပါ... ယွီရှန်းကို ငါတို့ ကယ်ပေးပါ့မယ်”</p> <p>“ငါ မင်းတို့ကို မယုံဘူး”</p> <p>လင်းဖုန်း၏ စကားများက ထိုသုံးဦးကို အလွန် ဒေါသထွက်သွားစေသည်။ သူတို့မှာ ဂုဏ်သိက္ခာရှိသော တတိယအဆင့် သိုင်းသမားများဖြစ်ပြီး ဒေသတစ်ခုကို အုပ်ချုပ်ကာ အာဏာရှိသူများ ဖြစ်ကြသည်။ သူတို့ မည်သည့်အချိန်တွင် ဤမျှ အောက်ကျနောက်ကျ ခံခဲ့ရဖူးသနည်း။ ယခုမူ သူတို့သည် ယုံကြည်ရသူများ မဟုတ်ဟု တိုက်ရိုက် အစွပ်စွဲခံလိုက်ရသည်။</p> <p>“မင်း ငါတို့ကို ယုံသည်ဖြစ်စေ၊ မယုံသည်ဖြစ်စေ ငါတို့နဲ့ လိုက်ခဲ့ရမယ်။ မင်းရဲ့ ဆင်ခြင်တုံတရားမဲ့တဲ့ လုပ်ရပ်တွေက ဘယ်လောက်ထိ သက်ရောက်မှု ရှိသွားတယ်ဆိုတာ မင်း သိရဲ့လား”</p> <p>“ငါက ကြီးမားတဲ့ သက်ရောက်မှုတွေ ဖြစ်စေတာ မဟုတ်ဘူး... မင်းတို့ရဲ့ တရားသဖြင့် အရေးတယူမလုပ်တာတွေကသာ ဒီလောက်ကြီးမားတဲ့ သက်ရောက်မှုတွေကို ဖြစ်စေတာ။ ငါ သူ့ကို ခေါ်သွားမယ်၊ ပြီးတော့ ငါ့လက်နဲ့ပဲ ယွီရှန်းကို ကယ်မယ်။ ဘယ်သူမှ ငါ့ကို တားလို့ မရဘူး”</p> <p>လင်းဖုန်း၏ လေသံမှာ ပြတ်သားလှသည်။ ထိုသုံးဦး၏ အငွေ့အသက်များက အလွန် ကြောက်မက်ဖွယ်ကောင်းနေသော်လည်း သူ ရှေ့သို့ ပြတ်ပြတ်သားသား ဆက်လက်လျှောက်လှမ်းသွားသည်။</p> <p>ဝှစ်</p> <p>သူတို့သုံးဦး လင်းဖုန်း၏ ရှေ့တွင် ပိတ်ဆို့လိုက်ကြသည်။ သူတို့ ခန္ဓာကိုယ်မှ ရှိသမျှ အရှိန်အဝါများကို အကုန်အစင် ထုတ်ဖော်လိုက်သည်။ လင်းဖုန်းပင်လျှင် ထိုဖိအားကြောင့် အသက်ရှူရ ကျပ်လာသကဲ့သို့ ခံစားလိုက်ရသည်။</p> <p>“မင်းတို့ ငါ့ကို တိုက်ချင်တာလား”</p> <p>“ဒါ ငါတို့ရဲ့ တာဝန်ပဲ။ ငါတို့နဲ့ လိုက်ခဲ့ပါ”</p> <p>ထိုသုံးဦးကလည်း အလျှော့မပေးပေ။</p> <p>လင်းဖုန်း ခဏမျှ တိတ်ဆိတ်သွားပြီးနောက် သူ၏ အိတ်ကပ်ထဲမှ လက်ရာမြောက်သော တံဆိပ်တစ်ခုကို ထုတ်ယူကာ ရင်ဘတ်တွင် ချိတ်ဆွဲလိုက်သည်။</p> <p>“ငါက သူရဲကောင်းတစ်ယောက်ပဲ”</p> <p>တောက်ပသော ရွှေရောင်တံဆိပ်မှာ အလွန်ပင် မျက်စိကျစရာ ကောင်းလှသဖြင့် လူတိုင်း၏ အာရုံမှာ ထိုတံဆိပ်ဆီသို့ ရောက်ရှိသွားကြသည်။</p> <p>“လူသားသူရဲကောင်း တံဆိပ် ဟုတ်လား”</p> <p>အသွင်ပြောင်းနယ်ပယ် သိုင်းသမား သုံးဦး အချင်းချင်း ကြည့်လိုက်ကြပြီး တိတ်ဆိတ်သွားကြသည်။</p> <p>လူသားသူရဲကောင်း တံဆိပ်ကို လူသားမျိုးနွယ်၏ သူရဲကောင်းများကိုသာ ချီးမြှင့်ခြင်း ဖြစ်သည်။ သူတို့မှာ လူသားမျိုးနွယ်အတွက် အထူး စွမ်းဆောင်ချက်များ ရှိသူများဖြစ်ပြီး အထူးအခွင့်အရေးမျိုးစုံ ရှိကြသည်။ သမိုင်းတစ်လျှောက်တွင် လူသားသူရဲကောင်း တံဆိပ် ပိုင်ဆိုင်ထားသူနှင့် ရဲတပ်ဖွဲ့ တိုက်ခိုက်ကြသည့် အခြေအနေမျိုး တစ်ခါမျှ မရှိခဲ့ဖူးပေ။</p> <p>တိုက်ခိုက်ဖို့ ဟုတ်လား။</p> <p>သူတို့ သုံးဦး လူသားသူရဲကောင်း တံဆိပ်ကို မြင်လိုက်ရသည့် အချိန်မှာပင် တိုက်ခိုက်လိုစိတ်များ လုံးဝ ပျောက်ကွယ်သွားတော့သည်။ ဒါက လုံးဝကို ယုတ္တိမတန်ချေ။ လူသားသူရဲကောင်း တံဆိပ်ကို ဆွဲထားသည့် သိုင်းသမားတစ်ဦးကို တိုက်ခိုက်ခြင်းက သူတော်စင် ကိုးပါးကို ပါးရိုက်လိုက်သကဲ့သို့ ဖြစ်ပေလိမ့်မည်။ လူသားသူရဲကောင်း တံဆိပ်ကို သူတော်စင် ကိုးပါး၏ သဘောတူညီချက်ဖြင့်သာ ချီးမြှင့်နိုင်သည်။ ထိုကဲ့သို့သော ပုဂ္ဂိုလ်တစ်ဦးမှာ မည်သို့လျှင် အပြစ်ရှိနိုင်မည်နည်း။</p> <p>အကယ်၍ အပြစ်ရှိသည်ဆိုလျှင်ပင် ထိုကိစ္စကို ဆုံးဖြတ်ရန်မှာ ဥပဒေစိုးမိုးရေးအဖွဲ့၏ တာဝန် မဟုတ်ပေ။ ပထမဦးစွာ သူတော်စင် ကိုးပါးက လူသားသူရဲကောင်း တံဆိပ်ကို ပြန်လည် ရုပ်သိမ်းရမည်ဖြစ်ပြီး ထိုအခါမှသာ ရှုပ်ထွေးသော တရားစီရင်ရေး လုပ်ငန်းစဉ်များကို စတင်နိုင်မည် ဖြစ်သည်။</p> <p>လင်းဖုန်းမှာ အပြစ်ရှိပါသလော။</p> <p>လက်ရှိ အခြေအနေအရ ဆုံးဖြတ်ရန် ခက်ခဲလှသည်။ လင်းဖုန်းသည် မည်သူ့ကိုမျှ မသတ်ခဲ့ပေ။ သူသည် ဥပဒေစိုးမိုးရေး အဖွဲ့ဝင်များကို ဆန့်ကျင်ခဲ့စဉ်ကပင် သူတို့ကို ဒဏ်ရာရရုံသာ လုပ်ခဲ့သည်။ လင်းဖုန်းတွင် အပြစ်ရှိသည်ဟု သူတို့ မည်သည့်အခွင့်အရေးနှင့် သတ်မှတ်နိုင်မည်နည်း။</p> <p>ထိုသုံးဦး သူ့ကို ဆက်မတားရဲကြတော့ပေ။ လင်းဖုန်းက ယွီရွှေကို ဖမ်းဆုပ်ကာ ဗီလာထဲမှ ထွက်ခွာသွားသည်ကို သူတို့ ကြည့်နေရုံသာ တတ်နိုင်တော့သည်။</p> <p>“သူတို့နောက်ကို လိုက်သွားပြီး ဘယ်သူမှ အနားမကပ်နိုင်အောင် တားထားကြ”</p> <p>သူတို့ သုံးဦး ဆက်လက် မနှောင့်နှေးရဲကြပေ။ လင်းဖုန်းကို သူတို့ မတားနိုင်မှတော့ လင်းဖုန်းနောက်ကို လိုက်သွားပြီး သူ ရူးသွပ်သော လုပ်ရပ်များ မလုပ်မိအောင် အစွမ်းကုန် တားဆီးရန်သာ ရှိတော့သည်။</p> <p> </p> <p> </p> <p style="text-align: center;">***</p>


Save