Book List

<h2 style="text-align: center;">အခန်း (၁၁၈)</h2> <h2 style="text-align: center;">ငါတို့ လူသတ်မလို့</h2> <h2 style="text-align: center;">*</h2> <p> </p> <p> </p> <p>ကုန်လှောင်ရုံအပြင်ဘက်တွင် ဥပဒေစိုးမိုးရေးအဖွဲ့မှ ဒုတိယအဖွဲ့ခေါင်းဆောင် သုံးဦးစလုံး တင်ပျဉ်ခွေထိုင်နေကြသည်။</p> <p>သူတို့သည် ကုန်လှောင်ရုံအတွင်းရှိ အခြေအနေကိုလည်း ရှင်းရှင်းလင်းလင်း မြင်တွေ့ခဲ့ရသည်။ သူတို့၏ အတွေ့အကြုံအရ ယွီရှန်း မသေရုံတင်မကဘဲ ဘေးဒုက္ခမှ အကျိုးအမြတ် ရရှိသွားကာ မျိုးရိုးဗီဇကန့်သတ်ချက်ကို ချိုးဖျက်ပြီး အသွင်ပြောင်းလဲခြင်း အဆင့်သို့ ရောက်ရှိနေပြီဖြစ်ကြောင်း တစ်ချက်ကြည့်ရုံဖြင့် သိနိုင်ပေသည်။</p> <p> </p> <p>ထိုအဖြစ်က သူတို့သုံးဦးလုံးကို တစ်ပြိုင်နက်တည်း သက်ပြင်းချနိုင်စေသည်။ ယွီရှန်း မသေဆုံးသွားသည်မှာ အမှန်တကယ် ကံကောင်းလှသည်။ သို့မဟုတ်ပါက လင်းဖုန်းသည် ဤကိစ္စကို လွယ်လင့်တကူ လက်လွှတ်မည် မဟုတ်ပေ။ ထိုသို့သာ ဖြစ်ခဲ့လျှင် သူတို့သုံးဦးပင်လျှင် ခက်ခဲသော အခြေအနေနှင့် ရင်ဆိုင်ရပေလိမ့်မည်။</p> <p>"ဒီတစ်ခါ ငါတို့ရတဲ့ အလုပ်က တကယ် တာဝန်ကြီးတာပဲ။ ခေါင်းဆောင်ရှဲ့... သံတမန်အရှင်က ဘာပြောလဲ"</p> <p>သူတို့သည် အခြေအနေကို သံတမန်ထံသို့ အစီရင်ခံထားပြီး ဖြစ်သည်။ သံတမန်သည် ဒေသတစ်ခုကို ကြီးကြပ်ရရုံတင်မကဘဲ ဥပဒေစိုးမိုးရေးအဖွဲ့၏ ခေါင်းဆောင်လည်း ဖြစ်သည်။ သို့သော် သူသည် များသောအားဖြင့် ဥပဒေစိုးမိုးရေးအဖွဲ့ကို တိုက်ရိုက် စီမံခန့်ခွဲလေ့မရှိဘဲ ဒုတိယအဖွဲ့ခေါင်းဆောင် သုံးဦးထံတွင်သာ လွှဲအပ်ထားလေ့ရှိသည်။</p> <p>ယခုကဲ့သို့ ကြီးမားသော ဖြစ်ရပ်တစ်ခု ဖြစ်ပွားလာသောအခါ သူတို့သည် သဘာဝကျစွာပင် သံတမန်ထံ အစီရင်ခံကြရသည်။ ခေါင်းဆောင်ရှဲ့သည် သံတမန်၏ အရင်းနှီးဆုံး လူယုံဖြစ်ပြီး အမှန်တကယ်တော့ သူတို့သုံးဦး၏ ခေါင်းဆောင်လည်း ဖြစ်သည်။ သူသည် ကုန်လှောင်ရုံအတွင်းရှိ အခြေအနေကို ကြည့်ကာ အသံတိုးတိုးဖြင့် ပြောလိုက်သည်။</p> <p>"မူလတုန်းက ဒါက ကိစ္စသေးသေးလေးပါပဲ။ လင်းဖုန်းက ဒီအတိုင်း လက်မလွှတ်ချင်လို့ အခြေအနေက ကြီးထွားလာတာ။ သံတမန်အရှင်က လင်းဖုန်းကို သေသေချာချာ စောင့်ကြည့်ဖို့နဲ့ လင်းဖုန်းနဲ့ မပတ်သက်မိအောင် တတ်နိုင်သမျှ ကြိုးစားဖို့ ငါတို့ကို ခိုင်းထားတယ်။ အခု ယွီရှန်း မသေတဲ့အပြင် မျိုးရိုးဗီဇကန့်သတ်ချက်ကိုတောင် ချိုးဖျက်သွားပြီဆိုတော့ လင်းဖုန်းလည်း ဒီကိစ္စကို ဒီမှာပဲ ရပ်တန့်လိုက်လိမ့်မယ်လို့ ငါ ယုံကြည်တယ်"</p> <p>ကျန်နှစ်ဦးကလည်း ခေါင်းညိတ်လိုက်ကြသည်။ ယွီရှန်း ပြန်နိုးလာနိုင်ပြီဖြစ်သောကြောင့် လင်းဖုန်းလည်း ဆက်ပြီး သောင်းကျန်းနေတော့မည် မဟုတ်လောက်ပေ။ လင်းဖုန်းကဲ့သို့သော လူသားသူရဲကောင်းတစ်ဦးနှင့် ရင်ဆိုင်ရခြင်းမှာ သူတို့အတွက်လည်း ဖိအားများစွာအောက်တွင် ရှိနေစေသည်။</p> <p>ထို့အပြင် လင်းဖုန်းသည် ပညာရေးအဖွဲ့မှ သိုင်းသမားတစ်ဦး ဖြစ်သည်။ လင်းဖုန်း၏ နောက်ကွယ်တွင် ပညာရေးအဖွဲ့ဟူသော မဟာအင်အားစုကြီး ရှိနေသေးသည်။ မဖြစ်မနေ မလိုအပ်ဘဲ သူတို့သည်လည်း လင်းဖုန်းကို မဆွချင်ကြပေ။</p> <p>လင်းဖုန်း သူ့အကြည့်ကို ပြန်ရုပ်သိမ်းလိုက်သည်။ အစိုးရအဖွဲ့မှ သိုင်းသမားများနှင့် ပတ်သက်၍ သူ့တွင် ကောင်းမွန်သော ခံစားချက်မျိုး မရှိတော့ပေ။ ယွီရှန်း၏ ရုန်းကန်မှုများကို ကြည့်ပါ။ ရှေ့တန်းတွင် အသက်စွန့်ခဲ့သော သိုင်းသမားများက ဤကဲ့သို့သော အဆုံးသတ်မျိုးနှင့် ထိုက်တန်ပါ၏လော။</p> <p>"သူ နိုးလာပြီ၊ ယွီရှန်း နိုးလာပြီ"</p> <p>ယွီရှန်းကို စောင့်ရှောက်နေသော ချန်ရှီးသည် ယွီရှန်း၏ တစ်ကိုယ်လုံး တဆတ်ဆတ် တုန်ခါသွားပြီးနောက် သူ့ခြေထောက်များ ပိုမိုမြန်ဆန်စွာ ပေါက်လာသည်ကို တွေ့လိုက်ရသည်။ မျက်စိတစ်မှိတ်အတွင်းမှာပင် အပြည့်အဝ ပြန်လည်ကောင်းမွန်သွားကာ ယွီရှန်း၏ မျက်လုံးများ ဖြည်းညှင်းစွာ ပွင့်လာသည်။</p> <p>"ယွီရှန်း"</p> <p>"လင်းဖုန်း"</p> <p>သူတို့နှစ်ဦး အချင်းချင်း ကြည့်ကာ ပြုံးလိုက်ကြသည်။ စကားတစ်ခွန်းမျှ မပြောဘဲ အရာအားလုံးကို နားလည်သွားကြသည်။</p> <p>လင်းဖုန်းသည် ကျောက်တုံးမြို့သို့ ဤမျှ မြန်မြန်ဆန်ဆန် ရောက်လာရန်အတွက် သူအစွမ်းကုန် ကြိုးစားခဲ့သည်ကို ယွီရှန်း သဘာဝကျစွာပင် သိရှိနေသည်။</p> <p>"ယွီရှန်း... မင်း အခုဘယ်လို ခံစားရလဲ"</p> <p>လင်းဖုန်းက ပြုံးလျက် မေးလိုက်သည်။</p> <p>"အရမ်းကောင်းတယ်။ ငါ့ရဲ့ ခန္ဓာကိုယ်က အချိန်တိုင်း ပိုသန်မာလာသလိုပဲ။ ငါ တစ်ခါမှ ဒီလောက် အားအင်ပြည့်ဝတယ်လို့ မခံစားခဲ့ရဖူးဘူး။ မျိုးရိုးဗီဇကန့်သတ်ချက်ကို ချိုးဖျက်ရတာက ဒီလိုမျိုးလား"</p> <p>ယွီရှန်းသည် သူ့လက်များကို ပြန်ကြည့်လိုက်ပြီးနောက် ကုတင်ပေါ်မှ ဖြည်းညှင်းစွာ ထရပ်လိုက်သည်။ သူ့ ခြေထောက်များမှာ အလွန် ရှည်လျားပြီး သူ့တစ်ကိုယ်လုံးမှာ ယခင်ကထက် များစွာ ပိုမို‌ပေါ့ပါးသန်မာလာသည်။ သူ၏ ရုပ်ပိုင်းဆိုင်ရာ အခြေအနေဖြစ်စေ၊ စိတ်ပိုင်းဆိုင်ရာ အခြေအနေဖြစ်စေ ယခင်နှင့် ကောင်းကင်နှင့် မြေကြီးကဲ့သို့ ကွာခြားသွားခဲ့ပြီ ဖြစ်သည်။</p> <p>"မင်းက အသွင်ပြောင်းလဲနေတုန်းပဲ ရှိသေးတာ။ အသွင်ပြောင်းလဲမှု ပြီးဆုံးသွားရင် မင်း ပိုပြီးတော့တောင် သန်မာလာဦးမှာပဲ"</p> <p>ယွီရှန်းသည် လင်းဖုန်းကို ကျေးဇူးတင်သော မျက်လုံးများဖြင့် ကြည့်လိုက်သည်။ သူ့ဘေးရှိ ချန်ရှီးကလည်း သူ့လက်များကို တင်းတင်းကျပ်ကျပ် ဆုပ်ကိုင်ထားသည်။ သူ၏ အခက်ခဲဆုံးနှင့် အန္တရာယ်အရှိဆုံး အချိန်တွင် ချန်ရှီးတစ်ယောက်သာ သူ့ဘေး၌ အြမဲတစေ ရှိနေခဲ့သည်။</p> <p>"ကျေးဇူးတင်ပါတယ် ရှောင်ရှီး။ အမှောင်ထုထဲမှာ မင်းရဲ့ အသံကို ငါ ကြားခဲ့ရတယ်လို့ ထင်တယ်။ အဲဒါက ငါ့ကို ခွန်အားတွေ ပေးခဲ့တာ။ မျိုးရိုးဗီဇကန့်သတ်ချက်ကို ချိုးဖျက်ဖို့ ငါ့ကို စိတ်ပိုင်းဖြတ်မှုတွေ ပေးခဲ့တာပါ"</p> <p>ချန်ရှီးမှာ မထိန်းနိုင်အောင် ရှိုက်ကြီးတငင် ငိုကြွေးနေပြီး စကားပင် မပြောနိုင်တော့ပေ။ သူမသည် ယွီရှန်းကိုသာ တင်းတင်းကျပ်ကျပ် ဖက်ထားနိုင်တော့သည်။</p> <p>"အစ်ကိုကြီး... ဒါတွေအားလုံးက ကျွန်တော့်အပြစ်တွေပါ။ အားလုံးက ကျွန်တော့်အပြစ်တွေပါ"</p> <p>ရုတ်တရက် ယွီရွှေ စကားပြောလိုက်သည်။ သူ၏ လက်ရှိ အခြေအနေမှာ အလွန် သနားစဖွယ် ကောင်းလှသည်။ သူ့ခြေထောက်များကို လင်းဖုန်းက ချိုးပစ်ခဲ့သဖြင့် သူသည် ပြင်းထန်သော နာကျင်မှုကို အောင့်ခံကာ မြေပြင်ပေါ်တွင်သာ လဲလျောင်းနေနိုင်သည်။</p> <p>ယွီရှန်းသည် ယွီရွှေကို ရှုပ်ထွေးသော အကြည့်များဖြင့် ကြည့်လိုက်သည်။ သူသည် ယွီရွှေကို သဘာဝကျစွာပင် မုန်းတီးသည်။ အကယ်၍ ယွီရွှေသာ မရှိခဲ့လျှင် သူနှင့် ချန်ရှီးသည် ဤကဲ့သို့ ကြောက်ရွံ့မှုမျိုးကို ဖြတ်ကျော်ရမည် မဟုတ်သလို ဤကဲ့သို့ ကြီးမားသော ပြဿနာမျိုးလည်း ဘယ်တော့မှ ဖြစ်လာမည် မဟုတ်ပေ။</p> <p>သို့သော် ယွီရွှေသည် သူ့ကို အမှန်တကယ် သတ်ချင်ခဲ့ခြင်း မဟုတ်ပေ။ သူသည် အသည်းနှလုံးမရှိသော ရက်စက်မှုမျိုးအထိ မရောက်သေးပေ။ သို့သော် ယွီရှန်း၏ နှလုံးသားထဲတွင် မိသားစု ချစ်ခြင်းမေတ္တာဟူ၍ လုံးဝ မကျန်တော့ပေ။</p> <p>ယွီရှန်း၏ အေးစက်စက် အမူအရာကို မြင်သောအခါ လင်းဖုန်းသည် ယွီရှန်း ဘာတွေးနေသည်ကို အကြမ်းဖျင်း ခန့်မှန်းနိုင်သည်။ ဤသည်မှာ အကောင်းဆုံး ရလဒ် ဖြစ်နိုင်ပေသည်။ ယနေ့မှစ၍ ယွီမိသားစုတွင် ယွီရှန်း ရှိတော့မည် မဟုတ်သလို ယွီရှန်းသည်လည်း ယွီမိသားစုနှင့် မည်သို့မျှ ပတ်သက်တော့မည် မဟုတ်ပေ။</p> <p>သို့သော် လင်းဖုန်းသည် ဤကိစ္စကို ဤမျှနှင့် အဆုံးသတ်ရန် ရည်ရွယ်ချက် မရှိပေ။</p> <p>"ယွီရွှေ... ပြောစမ်း။ မင်းရဲ့ နောက်ကွယ်မှာ ဘယ်သူ ရှိသေးလဲ"</p> <p>ယွီရွှေသည် မူလက ယွီရှန်းကို သတ်ချင်ခဲ့ခြင်း ဖြစ်ကြောင်း လင်းဖုန်း သိနိုင်သည်။ အသိစိတ် နည်းနည်း ကျန်နေသေးခြင်းကြောင့် သို့မဟုတ် မိသားစု သံယောဇဉ်ကြောင့် သူ မသတ်ခဲ့ခြင်း ဖြစ်ပေမည်။ အကြောင်းရင်းက ဘာပဲဖြစ်ဖြစ် ယွီရွှေ၏ နောက်ကွယ်တွင် တစ်စုံတစ်ယောက် ရှိနေရမည် ဖြစ်သည်။</p> <p>သို့မဟုတ်ပါက ယွီရွှေသည် ဤမျှ ဆန့်ကျင်ဘက် ဖြစ်နေမည် မဟုတ်ပေ။ သူသည် ယွီရှန်းကို ပြန်ပေးဆွဲခဲ့သော်လည်း မသတ်ခဲ့ပေ။</p> <p>"ကျွန်တော် ပြောပါ့မယ်၊ အားလုံးကို ပြောပါ့မယ်။ အဲဒါ ကျန်းဟွေပါ... ဒါတွေအားလုံးက ကျန်းဟွေရဲ့ နည်းလမ်းတွေပါ..."</p> <p>ယခုအချိန်တွင် ယွီရွှေသည် မည်သည့်အရာကိုမျှ ဖုံးကွယ်မထားတော့ပေ။ သူသည် ကျန်းဟွေနှင့် မည်သို့ သိကျွမ်းခဲ့ပုံ၊ ကျန်းဟွေက ယွီရှန်း၏ ပိုင်ဆိုင်မှုများကို ရယူရန် သူ့ကို မည်သို့ လှုံ့ဆော်ခဲ့ပုံနှင့် နောက်ဆုံးတွင် ယွီရှန်းကို သတ်ရန်ပင် သူ့ကို မည်သို့ ခိုင်းစေခဲ့ပုံတို့ကို အကုန်ပြောပြလိုက်သည်။</p> <p>"ကျန်းဟွေ..."</p> <p>ယွီရှန်း၏ အကြည့်မှာ အလွန်တရာ အေးစက်သွားပြီး သူ့ခန္ဓာကိုယ်မှ အေးစက်သော သတ်ဖြတ်လိုစိတ်များပင် ထွက်ပေါ်လာသည်။</p> <p>ကျန်းဟွေ သေကိုသေရမယ်။</p> <p>လင်းဖုန်းသည် ယွီရှန်းကို ကြည့်လိုက်ပြီးနောက် မတ်တတ်ရပ်ကာ တည်ငြိမ်စွာ ပြောလိုက်သည်။</p> <p>"ယွီရှန်း... သွားပြီးတော့ ဒီကျန်းဟွေနဲ့ တွေ့ကြတာပေါ့။ သူက တကယ့်ကို စိတ်ဝင်စားဖို့ကောင်းတဲ့ လူပဲ။ သူက မင်းကို သတ်ချင်ရုံတင်မကဘူး၊ ငါ့ကိုပါ တစ်ပတ်ရိုက်ချင်သေးတာ"</p> <p>ယွီရှန်း တစ်ဦးတည်းသာ သတ်ဖြတ်လိုစိတ် ရှိနေခြင်း မဟုတ်ပေ။ လင်းဖုန်း၏ နှလုံးသားထဲတွင်လည်း သတ်ဖြတ်လိုစိတ်များ ဆူပွက်နေသည်။ ယွီရွှေက အသုံးမကျသော လူမိုက်တစ်ဦး ဖြစ်သော်လည်း ကျန်းဟွေကတော့ ရက်စက်တတ်သူ ဖြစ်သည်။ အကယ်၍ ယွီရွှေသာ သူ၏ အစ်ကိုကြီး ယွီရှန်းအပေါ် သံယောဇဉ် အနည်းငယ် မကျန်ရှိတော့ဘဲ သူ့ကို တကယ် သတ်လိုက်မည်ဆိုပါက အကျိုးဆက်မှာ တွေးဝံ့စရာပင် မရှိပေ။</p> <p>ထို့အပြင် လင်းဖုန်း သေသေချာချာ စဉ်းစားပြီး ဖြစ်သည်။ ကျန်းဟွေသည် သူ၏ မကောင်းမှုများကို လုပ်ဆောင်ရန်အတွက် ယွီရွှေကို အသုံးချခဲ့ခြင်းဖြစ်ပြီး အရာအားလုံးကို ယွီရွှေအပေါ် ပုံချချင်နေခြင်း ဖြစ်သည်။ ဤကျန်းဟွေသည် အမှန်တကယ်တန်းတွင် တရားခံအစစ်ပင် ဖြစ်သည်။</p> <p>"ကျောက်တုံးမြို့ရဲ့ ကျော်ကြားလှတဲ့ ကျန်းမိသားစုပေါ့"</p> <p>ယွီရှန်း၏ နှုတ်ခမ်းပေါ်တွင် အေးစက်သော အပြုံးတစ်ခု ပေါ်လာသည်။</p> <p>"မျိုးဆက်နှစ်ဆက်စလုံး သာလွန်လူသားတွေ ဖြစ်နေတာက ဘာကြောက်စရာ ရှိလို့လဲ"</p> <p>လင်းဖုန်း ရှေ့သို့ တစ်လှမ်း တိုးလိုက်သည်။</p> <p>"ဟားဟား... ညီအစ်ကို လင်း၊ ငါတို့ နှစ်ယောက် နောက်တစ်ကြိမ် အတူတူ တိုက်ခိုက်နိုင်ကြပြန်ပြီ"</p> <p>လက်ရှိအချိန်တွင် ယွီရှန်းသည်လည်း အဟန့်အတားမရှိ ယုံကြည်မှုများ ပြည့်ဝနေသည်ဟု ခံစားရသည်။</p> <p>သူတို့နှစ်ဦး ကုန်လှောင်ရုံအတွင်းမှ အတူတူ ထွက်လာကြသည်။ ဥပဒေစိုးမိုးရေးအဖွဲ့မှ ဒုတိယအဖွဲ့ခေါင်းဆောင် သုံးဦးသည် ချက်ချင်း မတ်တတ်ရပ်လိုက်ကြသည်။</p> <p>"လင်းဖုန်း၊ ယွီရှန်း... ဒီကိစ္စက ဒီမှာတင် အဆုံးသတ်ပါပြီ။ ယွီရွှေနဲ့ ပတ်သက်ပြီး ငါတို့ မင်းတို့ကို ဖြေရှင်းချက် တစ်ခု ပေးပါ့မယ်"</p> <p>"ဖြေရှင်းချက် ဟုတ်လား။ သေချာပေါက် ဖြေရှင်းချက် တစ်ခု ရှိရမှာပေါ့။ ယွီရွှေကိုတော့ မင်းတို့ဆီမှာပဲ ထားခဲ့မယ်။ မင်းတို့ ချန်ရှီးကိုလည်း ကာကွယ်ပေးရမယ်"</p> <p>လင်းဖုန်းသည် ကုန်လှောင်ရုံအတွင်းရှိ ယွီရွှေနှင့် ချန်ရှီးကို ညွှန်ပြလိုက်သည်။</p> <p>"မင်းတို့ နှစ်ယောက် ဘာသွားလုပ်မလို့လဲ"</p> <p>သူတို့သုံးဦးသည်လည်း တစ်ခုခု မှားယွင်းနေပြီဖြစ်ကြောင်း ခံစားလိုက်ရသဖြင့် အလျင်အမြန် မေးလိုက်ကြသည်။</p> <p>"ငါတို့ လူသတ်မလို့လေ၊ ဒါပေါ့"</p> <p>"ဘာ... လူသတ်မလို့ ဟုတ်လား"</p> <p>ဒုတိယအဖွဲ့ခေါင်းဆောင် သုံးဦး၏ မျက်နှာမှာ ပြာနှမ်းသွားသည်။ ကုန်လှောင်ရုံအတွင်းတွင် ယွီရွှေ ဘာတွေ ပြောခဲ့သည်ကို သူတို့ မသိကြပေ။ အခြား တစ်စုံတစ်ယောက်များ ပါဝင်ပတ်သက်နေခြင်း ဖြစ်မလား။</p> <p>ဤသို့ တွေးမိသည်နှင့် ခေါင်းဆောင်ရှဲ့က ချက်ချင်း အော်လိုက်သည်။</p> <p>"မဆင်မခြင် မလုပ်ပါနဲ့။ တစ်ခုခု ရှိရင် ဥပဒေအရပဲ စစ်ဆေးရမှာပါ"</p> <p>ဝုန်း</p> <p>သူတို့နှစ်ဦးမှာ သူ့ကို လုံးဝ ဂရုမစိုက်ကြပေ။ သူတို့သည် အမြောက်ဆန်များကဲ့သို့ ကောင်းကင်ပေါ်သို့ ပျံတက်သွားကြသည်။</p> <p>ခေါင်းဆောင်ရှဲ့သည် အံကြိတ်ကာ ဒုတိယအဖွဲ့ခေါင်းဆောင် တစ်ဦးကို အလျင်အမြန် ပြောလိုက်သည်။</p> <p>"ယွီရွှေနဲ့ ဟိုအမျိုးသမီးကို ကာကွယ်ပေးထား။ ငါတို့ နှစ်ယောက် သူတို့နောက်ကို လိုက်မယ်။ ငါတို့ သူတို့ကို တားမှ ဖြစ်မယ်။ ကိစ္စ အကြီးကြီး ဖြစ်တော့မယ်"</p> <p>မူလက ယွီရှန်း အသက်ရှင်နေသရွေ့ ဤကိစ္စ ပြေလည်သွားမည်ဟု သူ ထင်ခဲ့သည်။ ယခုမူ မပြေလည်သေးသည့်အပြင် ပို၍ပင် ဒုက္ခများလာလိမ့်မည်ဟု သူ မထင်ထားခဲ့ပေ။ ခေါင်းဆောင်ရှဲ့သည် ခုနက လင်းဖုန်းနှင့် ယွီရှန်းတို့ထံမှ သတ်ဖြတ်လိုစိတ်များကို ရှင်းရှင်းလင်းလင်း ခံစားလိုက်ရသဖြင့် သူ့ရင်ထဲတွင် မနေနိုင်ဘဲ တုန်လှုပ်သွားရသည်။</p> <p>ဤကဲ့သို့သော သတ်ဖြတ်လိုစိတ်နှင့်သာ သူတို့နှစ်ယောက် ကျောက်တုံးမြို့ရှိ လူပုံအလယ်တွင် တစ်စုံတစ်ယောက်ကို တကယ် သတ်လိုက်မည်ဆိုပါက ဤကိစ္စသည် အကြီးအကျယ် ပေါက်ကွဲသွားပေလိမ့်မည်။</p> <p> </p> <p> </p> <p style="text-align: center;">***</p>


Save