Book List

<h2 style="text-align: center;">အခန်း (၁၂၃)</h2> <h2 style="text-align: center;">အပြင်းထန်ဆုံး ထိုးနှက်ချက်</h2> <h2 style="text-align: center;">*</h2> <p> </p> <p> </p> <p>ပျက်စီးသွားပြီလား။ ကြယ်တာရာလက်ဝါးကြီးက ဒီလိုပဲ ပျက်စီးသွားတာလား။</p> <p>ခုနတင်ကပဲ ခေါင်းဆောင်ရှဲ့သည် လင်းဖုန်းကို သူ့လက်ခုပ်ထဲက ရေကဲ့သို့ အပိုင်ရပြီဟု ထင်မှတ်ကာ ယုံကြည်မှုအပြည့်ဖြင့် စကားဆိုနေခဲ့သည်။ လင်းဖုန်းကို သင်ခန်းစာပေးရန်အတွက် လင်းဖုန်း ရွေးချယ်ထားသော လမ်းစဉ်မှာ မှားယွင်းနေကြောင်းကိုပင် စိတ်အားထက်သန်စွာ ဟောပြောခဲ့သေးသည်။ သို့သော် မျက်စိတစ်မှိတ်အတွင်းမှာပင် သူ၏ ကြယ်တာရာလက်ဝါးကြီးမှာ ဖျက်ဆီးခြင်း ခံလိုက်ရလေပြီ။</p> <p>ထို့အပြင် ၎င်းမှာ ကြယ်တာရာစွမ်းအားကြောင့် မဟုတ်ချေ။ သန့်စင်သော ရုပ်ပိုင်းဆိုင်ရာ ခွန်အားကြောင့် ပျက်စီးသွားခြင်းပင်။</p> <p>"မဟုတ်ဘူး... သူ့လက်ထဲမှာ တစ်ခုခုရှိနေတယ်။ အဲဒါက လက်နက်တစ်ခုလား"</p> <p>ခေါင်းဆောင်ရှဲ့ အလွန် ဇဝေဇဝါ ဖြစ်သွားသည်။ မည်သည့် လက်နက်ကမျှ သူ၏ ကြယ်တာရာလက်ဝါးကြီးကို ဖျက်ဆီးနိုင်လိမ့်မည်ဟု သူ မထင်ပေ။ ထိုလက်ဝါးသည် ကြယ်တာရာစွမ်းအားများဖြင့် အပြည့်အဝ စုစည်းထားခြင်း ဖြစ်သည်။ သူ၏ လက်ဝါးထက် ပိုမိုအားကောင်းသည့် စွမ်းအားမှလွဲ၍ အခြား မည်သည့်အရာက ဖျက်ဆီးနိုင်ဦးမည်နည်း။</p> <p>သို့သော် ၎င်းက လက်နက်တစ်ခုမဟုတ်လျှင် ဘာဖြစ်နိုင်သနည်း။ မွေးရာပါ စွမ်းရည်လား။</p> <p>အချို့သော သိုင်းသမားများသည် မျိုးရိုးဗီဇကန့်သတ်ချက်ကို ချိုးဖျက်ပြီးနောက် မွေးရာပါ စွမ်းရည်အမျိုးမျိုး နိုးထလာတတ်ကြသည်။ ထိုကဲ့သို့သော သိုင်းသမားမျိုးမှာ အလွန် ရှားပါးလှသော်လည်း လုံးဝ မကြားဖူးသည်တော့ မဟုတ်ပေ။</p> <p>ခေါင်းဆောင်ရှဲ့ စဉ်းစား၍မရပေ။ ၎င်းမှာ မွေးရာပါ စွမ်းရည်တစ်ခု ဖြစ်နိုင်သည်ဟု သူ သံသယဝင်မိသော်လည်း သေချာတော့ မသိပေ။ မည်သို့ပင်ဆိုစေ ဤမြင်ကွင်းက ယွီရှန်းကို စိတ်သက်သာရာရကာ သက်ပြင်းချနိုင်စေသည်။</p> <p>အစောပိုင်းက ကြီးမားလှသော လက်ဝါးကြီးသည် လင်းဖုန်းထံသို့ အကြီးအကျယ်လွှမ်းမိုး ဖမ်းဆုပ်လာခဲ့သည်။ ယွီရှန်းသည် အလွန်ဝေးကွာသော နေရာတွင် ရှိနေသော်လည်း သူကိုယ်တိုင် အသက်ရှူကျပ်တော့မည့်အလား ခံစားခဲ့ရသည်။ ယင်းမှာ သူမှန်းဆ၍မရနိုင်သော စွမ်းအားတစ်ခုပင်။</p> <p>သို့သော် လင်းဖုန်းက ထိုကြီးမားလှသော ကြယ်တာရာလက်ဝါးကြီးကို တစ်နည်းနည်းဖြင့် ဖျက်ဆီးပစ်နိုင်ခဲ့သည်။ ဤသည်မှာ အမှန်တကယ်ပင် မယုံနိုင်စရာ ကောင်းလှသည်။</p> <p>လင်းဖုန်းသည် ကောင်းကင်သို့ ပျံတက်သွားပြီး လေထဲတွင် လွင့်မျောနေသည်။ သူက လေထဲတွင် ကျယ်လောင်စွာ ရယ်မောကာ အော်ပြောလိုက်သည်။</p> <p>"မင်းရဲ့ နည်းလမ်းတွေက ဒီလောက်ပဲလား"</p> <p>"ဟမ့်..."</p> <p>ခေါင်းဆောင်ရှဲ့၏ မျက်နှာမှာ မည်းမှောင်သွားသည်။ ဤသည်မှာ စမ်းသပ်တိုက်ခိုက်မှုတစ်ခုသာ ရှိသေးသည်။ သူသည် ကြယ်တာရာစွမ်းအား အမျှင်တန်း ၁၀၀၀ ခန့်သာ ဆုံးရှုံးခဲ့ရခြင်း ဖြစ်သည်။ သူ့ထံတွင် လင်းဖုန်းကို ရင်ဆိုင်ရန် လုံလောက်သော ကြယ်တာရာစွမ်းအား အမျှင်တန်း ၈၉၉၉ ခု ကျန်ရှိနေသေးသည်။ ထို့အပြင် ခုနက ထိပ်တိုက်တွေ့မှုမှတစ်ဆင့် လင်းဖုန်း၏ ခွန်အား အကန့်အသတ်ကို သူ အကြမ်းဖျင်း နားလည်သွားသည်။ လင်းဖုန်းထံတွင် မည်သည့် အထူးနည်းလမ်းများ ရှိနေပါစေ၊ လင်းဖုန်းသည် သူ့ ပြိုင်ဘက် ဖြစ်လာရန် အလှမ်းဝေးလွန်းလှသည်။</p> <p>ထို့ကြောင့် ခေါင်းဆောင်ရှဲ့ ချက်ချင်းလှုပ်ရှားလိုက်သည်။ သူ၏ အသန်မာဆုံးသော တိုက်ခိုက်ရေးကဏ္ဍမှာ အနီးကပ် တိုက်ခိုက်မှု ဖြစ်နေဆဲပင်။ အထူးသဖြင့် အနီးကပ် တိုက်ခိုက်မှုတွင် သူ၏ ကြယ်တာရာစွမ်းအားများကို ထုတ်လွှတ်လိုက်သောအခါ ၎င်းကို တားဆီးရန်မှာ မဖြစ်နိုင်သလောက်ပင်။</p> <p>"ကောင်းပြီ"</p> <p>ခေါင်းဆောင်ရှဲ့ ပြေးဝင်လာသည်ကို မြင်သောအခါ လင်းဖုန်းသည်လည်း မဆိုင်းမတွဘဲ ရှေ့သို့ ပြေးဝင်လိုက်သည်။ အနီးကပ် တိုက်ခိုက်မှုမှာ သူ၏ အားသာချက်ဖြစ်ပြီး သူ၏ အစွမ်းထက်ဆုံး နည်းလမ်းလည်း ဖြစ်သည်။</p> <p>မည်သို့ပင်ဆိုစေ သူ၏ မွေးရာပါ စွမ်းရည်၊ သူကျင့်ကြံထားသော သိုင်းပညာ သို့မဟုတ် သူ၏ တိုက်ခိုက်ရေး ပုံစံများမှာ အနီးကပ် တိုက်ခိုက်မှုများ ဖြစ်ကြသည်။ အနီးကပ် တိုက်ခိုက်မှုသည်သာ သူ အကောင်းဆုံး အပြည့်အဝ လုပ်ဆောင်နိုင်သည့် အရာ ဖြစ်သည်။</p> <p>"နဂါးလက်သည်း"</p> <p>ခေါင်းဆောင်ရှဲ့ ရှေ့သို့ လက်လှမ်းကာ ဖမ်းဆွဲလိုက်သည်။ သူ့ခန္ဓာကိုယ်ထဲတွင် ကြယ်တာရာစွမ်းအားများ ချက်ချင်းပေါက်ကွဲထွက်လာပြီး သူ့လက်မောင်းမှာ လျင်မြန်စွာ ကြီးထွားလာသည်။ ကြယ်တာရာစွမ်းအားများက ထိုလက်ပေါ်တွင် အဆက်မပြတ်လည်ပတ်နေပြီး သူ့လက်ဝါးထက်ရှိ အရေးအကြောင်းများကိုပင် မြင်တွေ့နေရသည်။</p> <p>ဤသည်မှာ ခန္ဓာကိုယ်ထဲရှိ ကြယ်တာရာစွမ်းအားများ ပေါက်ကွဲထွက်လာခြင်း ဖြစ်သည်။ ထိုသည်က ခန္ဓာကိုယ်၏ ကြံ့ခိုင်မှုကို ပိုမိုသန်မာအားကောင်စေနိုင်ပြီး သူ့ ခွန်အားမှာ ချက်ချင်းဆိုသလို ကြောက်မက်ဖွယ် အဆင့်သို့ ရောက်ရှိသွားသည်။</p> <p>"ဝဲဂယက်စွမ်းအား တတိယအဆင့်"</p> <p>လင်းဖုန်းသည်လည်း ငြိမ်မနေပေ။ သူသည် မည်သည့် အပိုအလုပ်မျှ မလုပ်ဘဲ လက်သီးတစ်ချက်ကို တိုက်ရိုက် ထိုးချလိုက်ကာ ခွန်အားချင်း ထိပ်တိုက် ရင်ဆိုင်လိုက်သည်။ သို့သော် ခေါင်းဆောင်ရှဲ့၏ လက်မောင်းမှာ ထူထဲသော သံတုတ်ကြီးတစ်ခုကဲ့သို့ ဖောင်းကားနေပြီး လင်းဖုန်း၏ လက်သီးမှာမူ ခပ်စိပ်စိပ် ပိတ်ပိန်းအောင် ပေါက်နေသော ချွန်ထက်သော ဦးချိုများဖြင့် ဖုံးအုပ်ထားသည်။</p> <p>သူတို့နှစ်ဦးစလုံးသည် သူတို့၏ အနီးကပ် တိုက်ခိုက်ရေး စွမ်းအားကို အပြည့်အဝ အသုံးချရန် ကိုယ်ပိုင် နည်းလမ်းများကို အသုံးပြုခဲ့ကြသည်။</p> <p> </p> <p>ဘန်း</p> <p>သူတို့နှစ်ဦး လက်သီးချင်း ဖလှယ်ကာ ထိပ်တိုက် တွေ့ဆုံလိုက်ကြသည်။ ဤတစ်ကြိမ်တွင် ခေါင်းဆောင်ရှဲ့ အင်အားလျှော့မသုံးတော့ပေ။ သူသည် သူ၏ အကြီးမားဆုံးသော ခွန်အားကို လက်တွေ့ကျကျ ထုတ်လွှတ်လိုက်သည်။ လင်းဖုန်းသည်လည်း သူ့ခန္ဓာကိုယ်ထဲရှိ ကြယ်တာရာစွမ်းအား အမျှင်တန်း ၆၆ ခုမှလွဲ၍ သူ၏ ခွန်အား အပြည့်အဝကို ထုတ်သုံးလိုက်သည်။</p> <p>ထိုကြယ်တာရာစွမ်းအား အမျှင်တန်း ၆၆ ခုကိုမူ လင်းဖုန်းသည် နောက်ဆုံး အဆုံးသတ် တိုက်ကွက်အတွက် သူ၏ ဝှက်ဖဲအဖြစ် အသုံးပြုမည် ဖြစ်သည်။ သို့သော် ခေါင်းဆောင်ရှဲ့၏ လက်သီးမှ လာသော ခွန်အားကို လင်းဖုန်း ခံစားလိုက်ရသောအခါ သူ၏ မျက်နှာအမူအရာမှာ သိသိသာသာ ပြောင်းလဲသွားတော့သည်။</p> <p>အစွမ်းထက်လိုက်တာ...။ ဤသည်မှာ အလွန် အစွမ်းထက်လွန်းလှသဖြင့် မယုံနိုင်စရာပင် ကောင်းနေသည်။</p> <p>လင်းဖုန်း၏ ခွန်အားမှာ တန်ချိန် ၁၄၀၀ ကျော်ရှိကာ လုံလောက်အောင် သန်မာသည်။ ခေါင်းဆောင်ရှဲ့မှာမူ...။ သူ့ ခန္ဓာကိုယ်မှ ပေါက်ကွဲထွက်လာသော ကြယ်တာရာစွမ်းအားနှင့် သူ၏ ကြီးထွားလာသော လက်မောင်းမှ ထုတ်လွှတ်လိုက်သည့် ခွန်အားမှာ လင်းဖုန်း၏ ခွန်အားကို ချက်ချင်း ကျော်လွန်သွားပြီး တန် ၂၀၀၀ ကိုပင် ကျော်လွန်သွားသည်။</p> <p>ကမ္ဘာပျက်မတတ် ပြင်းထန်သော ထိုခွန်အားက လင်းဖုန်းကို အပြည့်အဝ လွှမ်းမိုးသွားတော့သည်။ လင်းဖုန်းသည် သူ့ ခန္ဓာကိုယ်ကို ဆက်လက် မထိန်းချုပ်နိုင်တော့ပေ။ သူသည် ခေါင်းဆောင်ရှဲ့၏ အလုံးစုံလွှမ်းမိုးထားသော ခွန်အားဖြင့် တိုက်ရိုက် ချေမှုန်းခံလိုက်ရပြီး မြေပြင်ပေါ်သို့ ပြင်းထန်စွာ ကျဆင်းသွားတော့သည်။</p> <p>ဘုန်း</p> <p>ဝုန်း</p> <p>မီးခိုးများနှင့် ဖုန်မှုန့်များ လေထဲတွင် ပြည့်နှက်သွားသည်။ မြေပြင်ပေါ်တွင် ဆယ်မီတာကျော် ကျယ်သော ကျင်းကြီးတစ်ခု ဖြစ်ပေါ်လာသည်။ ဤသည်က ခေါင်းဆောင်ရှဲ့၏ လက်သီးချက်မှာ မည်မျှ အစွမ်းထက်ကြောင်း ပြသရန် လုံလောက်ပေသည်။</p> <p>တစ်ချိန်တည်းမှာပင် ခေါင်းဆောင်ရှဲ့မှာလည်း သက်သောင့်သက်သာ မရှိလှပေ။ လင်းဖုန်း၏ ချွန်ထက်သော ဦးချိုမှာ ဖျက်ဆီး၍မရနိုင်ပေ။ သူ့ထံတွင် ကြယ်တာရာစွမ်းအား မည်မျှပင် ရှိနေပါစေ၊ ၎င်းသည် ချွန်ထက်သော ဦးချိုကို ခုခံနိုင်ပုံမရပေ။ သူတို့ လက်သီးချင်း ထိတွေ့လိုက်သည့် ခဏမှာပင် သူ့လက်သီးပေါ်တွင် ကြီးမားသော ဒဏ်ရာတစ်ခု ပေါ်လာသည်။ သူ၏ ကြယ်တာရာစွမ်းအားများပင် ဆုတ်ဖြဲခံလိုက်ရပြီး သူ ချက်ချင်း ဒဏ်ရာရသွားသည်။</p> <p>"သူ သေမသွားဘူးမလား..."</p> <p>သို့သော် ခေါင်းဆောင်ရှဲ့သည် သူ၏ လက်ပေါ်ရှိ ဒဏ်ရာကို ဂရုမစိုက်ပေ။ သူသည် ဒဏ်ရာကို ဖုံးအုပ်ရန် ကြယ်တာရာစွမ်းအားကို အချိန်မီ အသုံးပြုခဲ့သဖြင့် ၎င်းမှာ ကိစ္စကြီး တစ်ခုမဟုတ်ပေ။ မည်သို့ပင်ဆိုစေ သူသည် အသက်ဝိညာဉ် အသွင်ကူးပြောင်းမှုကို တစ်ကြိမ် ဖြတ်သန်းထားသူဖြစ်ရာ သူ့ ခန္ဓာကိုယ်မှာ သာမန်သိုင်းသမားများထက် များစွာ သာလွန်သည်။ သို့သော် သူသည် လင်းဖုန်း၏ လုံခြုံရေးကို အလွန် စိုးရိမ်နေသည်။</p> <p>လင်းဖုန်း၏ အထောက်အထားနှင့် အဆင့်အတန်း၏ အရေးပါမှုကို သူ ကောင်းကောင်း သိသည်။ သံတမန်အရှင်ကိုယ်တိုင်ပင် လင်းဖုန်းကို ဖမ်းဆီးရန်သာ ခိုင်းစေခဲ့ပြီး လင်းဖုန်းကို အန္တရာယ် မပြုရန် မှာကြားခဲ့သည်။ အကယ်၍ သူက လင်းဖုန်းကို မတော်တဆ သတ်မိပါက ဒုက္ခရောက်ပေလိမ့်မည်။</p> <p>သူ့တွင် တွန့်ဆုတ်မှုများ ရှိနေသောကြောင့်သာ သူ၏ ခွန်အားကို အပြည့်အဝမသုံးနိုင်ခဲ့ခြင်း ဖြစ်သည်။ နောက်ဆုံး လက်သီးချက်တွင်ပင် သူ အနည်းငယ် အင်အားလျှော့ သုံးခဲ့သေးသည်။ သို့သော် အစောပိုင်းတွင် လင်းဖုန်းက သူ့ကို ဖိအားအချို့ ပေးခဲ့သည်။ အကယ်၍ သူသာ စွမ်းအား ပိုမထုတ်ခဲ့လျှင် လင်းဖုန်းကို သူ လုံးဝ အနိုင်ယူနိုင်မည် မဟုတ်ပေ။</p> <p>"လင်းဖုန်း..."</p> <p>ယွီရှန်း၏ ပုံရိပ်မှာ လက်ခနဲ ဖြစ်သွားပြီး သူသည် ထိုကျင်းကြီး၏ ဘေးသို့ အမြန် ပြေးသွားကာ ကျင်းထဲသို့ ငုံ့ကြည့်လိုက်သည်။</p> <p>"အဟွတ်... အဟွတ်..."</p> <p>ရုတ်တရက် ကျင်းကြီးထဲမှ ချောင်းဆိုးသံများ ထွက်ပေါ်လာသည်။ ယွီရှန်း အလွန် ဝမ်းသာသွားသည်။ လင်းဖုန်းသည် ကျင်းကြီးထဲမှ ဖြည်းညှင်းစွာ ပျံထွက်လာသည်။</p> <p>သို့သော် လင်းဖုန်းသည် လက်ရှိအချိန်တွင် အတော်လေး သနားစဖွယ် အခြေအနေသို့ ရောက်ရှိနေသည်။ သူ၏ ညာဘက်လက်မောင်း ကျိုးသွားခဲ့ပြီး လက်မောင်းပေါ်ရှိ အသွေးအသားတစ်လွှာမှာလည်း ပေါက်ကွဲထွက်သွားကာ အရိုးများပင် ပေါ်နေသည်။</p> <p>ထို့အပြင် သူ့ခြေထောက်များနှင့် မျက်နှာတွင်လည်း ဒဏ်ရာများ ရှိနေသည်။ အတိုချုပ် ပြောရလျှင် ထိုကဲ့သို့သော ဒဏ်ရာများက သူ့ကို မသေစေနိုင်သော်လည်း သာမန် အသွင်ပြောင်းနယ်ပယ် သိုင်းသမားများသာဆိုလျှင် တိုက်ခိုက်ရေး စွမ်းအားများ အကုန်အစင်ဆုံးရှုံးသွားသည်မှာ ကြာလှပြီ ဖြစ်သည်။</p> <p>"လင်းဖုန်း... မင်း ဘယ်လိုနေသေးလဲ"</p> <p>ယွီရှန်းသည် လင်းဖုန်းကို စိုးရိမ်တကြီး ကြည့်လိုက်သည်။ လင်းဖုန်းကို ဤကဲ့သို့ အခြေအနေမျိုးတွင် မမြင်ချင်သလို လင်းဖုန်းက သူ့အတွက်နှင့် အသက်ကို ရင်းနေသည်ကိုလည်း ပို၍ပင် မမြင်လိုပေ။</p> <p>လင်းဖုန်း ပြုံးလိုက်သည်။ သူသည် ခေါင်းကို ရုတ်တရက် မော့လိုက်ပြီး ခေါင်းဆောင်ရှဲ့ကို ကြည့်ကာ လှောင်ပြောင်လိုက်သည်။</p> <p>"မင်းမှာ ရှိတာ ဒါအကုန်ပဲလား"</p> <p>"ဟမ်..."</p> <p>ခေါင်းဆောင်ရှဲ့သည် လင်းဖုန်း ပြင်းထန်စွာ ဒဏ်ရာရနေသည်ကို မြင်နေရသည်။ သူက ဘာလို့ အခုထိ အဲဒီလောက် မာန်တဝင့်ဝင့်နဲ့ သူ့ကို စိန်ခေါ်နေရတာလဲ။</p> <p>သို့သော် သူ ချက်ချင်း နားလည်သွားသည်။ လင်းဖုန်း၏ လက်မောင်းမှာ သာမန်မျက်စိဖြင့်ပင် ရှင်းရှင်းလင်းမြင်နိုင်လောက်အောင် လျင်မြန်စွာ ပြန်လည် ကောင်းမွန်လာနေသည်။ မျက်စိတစ်မှိတ်အတွင်းမှာပင် သူ့လက်မောင်းမှာ ယခင်ကအတိုင်း အကောင်းပကတိ ပြန်ဖြစ်သွားသည်။ ခြစ်ရာရှရာ အမာရွတ် အရိပ်အယောင်လေးပင် မကျန်တော့ပေ။</p> <p>သူ့ခန္ဓာကိုယ်ပေါ်ရှိ အခြားသော ဒဏ်ရာများမှာလည်း ထိုနည်းတူပင် ဖြစ်သည်။ ခေါင်းဆောင်ရှဲ့၏ လက်သီးချက်မှာ အလွန်တရာ အစွမ်းထက်လှပြီး တန်၂၀၀၀ ကျော်သော ခွန်အားများ ပါဝင်သည်။ လင်းဖုန်းသည် ထိုစွမ်းအားကို ယှဉ်နိုင်စွမ်း မရှိခဲ့သည်မှာ အမှန်ပင်။ သို့သော် သူ့တွင် မသေနိုင်သော အစွမ်းသတ္တိ ရှိနေသည်။ သူ မသေသရွေ့ သူ၏ ဒဏ်ရာများ မည်မျှပင် ပြင်းထန်ပါစေ လျင်မြန်စွာ ပြန်လည် ကုသနိုင်ပေသည်။</p> <p>ဤသည်မှာလည်း လင်းဖုန်း၏ အကြီးမားဆုံးသော အားသာချက်ပင်။</p> <p>"တကယ့်ကို အံ့သြစရာကောင်းတဲ့ ပြန်လည်ကုသနိုင်စွမ်းပဲ။ ငါ မမှားဘူးဆိုရင် မင်းမှာ မွေးရာပါ စွမ်းရည် သုံးခုလောက် နိုးထလာခဲ့တာ ဖြစ်ရမယ်"</p> <p>ခေါင်းဆောင်ရှဲ့သည် လင်းဖုန်းကို မနာလိုအားကျစိတ် အနည်းငယ်ဖြင့် ကြည့်လိုက်သည်။ မွေးရာပါ စွမ်းရည် သုံးခု နိုးထလာခြင်း... ပထမနှစ်ခုကို ခဏထားဦး ဤပြန်လည်ကုသနိုင်စွမ်း တစ်ခုတည်းကပင် ရေတွက်မရနိုင်သော သိုင်းသမားများကို အားကျသွားစေရန် လုံလောက်ပေသည်။</p> <p>သူသည် ပါရမီရှင်ဆိုသည့် ဘွဲ့နှင့် လုံးဝထိုက်တန်ပေသည်။</p> <p>"မင်းအတွက် အံ့သြစရာတွေ အများကြီး ကျန်ပါသေးတယ်။ နောက်တစ်ခါ လာစမ်း"</p> <p>လင်းဖုန်းသည် ခေါင်းဆောင်ရှဲ့ကို လုံးဝ ကြောက်ရွံ့ပုံမရပေ။ ခေါင်းဆောင်ရှဲ့က သူ့ကို မသတ်ရဲကြောင်းကိုလည်း သူ ပြောနိုင်ပေသည်။ ခုနက ခေါင်းဆောင်ရှဲ့၏ ခွန်အားမှာ သန်မာသော်လည်း သူ၏ ကြယ်တာရာစွမ်းအား အားလုံးကို ထုတ်မသုံးခဲ့ပေ။ ထိုသို့ဆိုလျှင် ဘာကို ကြောက်နေရဦးမည်နည်း။</p> <p>ထို့ကြောင့် လင်းဖုန်းသည် ပစ်လွှတ်လိုက်သော အမြောက်ဆန်တစ်ခုအလား အပြည့်အဝ ပြောင်းလဲသွားပြီး ခေါင်းဆောင်ရှဲ့ထံသို့ တစ်ကြိမ်ပြီးတစ်ကြိမ် အရူးအမူး တဟုန်ထိုးပြေးဝင် တိုက်ခိုက်တော့သည်။ သို့သော် သူသည် အကြိမ်တိုင်းတွင် ခေါင်းဆောင်ရှဲ့၏ ရိုက်ထုတ်မှုကို ခံရကာ မြေပြင်ပေါ်သို့ ကျဆင်းသွားရစမြဲ ဖြစ်သည်။ သို့သော် မျက်စိတစ်မှိတ်အတွင်းမှာပင် သူသည် အားအင်အပြည့်ဖြင့် ပြန်လည် ထွက်ပေါ်လာပြန်သည်။</p> <p>"အသုံးမဝင်ပါဘူး လင်းဖုန်း။ မင်း ငါ့ရဲ့ ပြိုင်ဘက် မဟုတ်ဘူး"</p> <p>ခေါင်းဆောင်ရှဲ့ ခေါင်းခါလိုက်သည်။ လင်းဖုန်းမှာ အမှန်တကယ်ပင် စိတ်ဓာတ်ခိုင်မာသူ ဖြစ်သည်။ သူသည် တစ်ကြိမ်ပြီးတစ်ကြိမ် မြေပြင်ပေါ်သို့ ရိုက်ချခံနေရသည်။ တစ်ခါတစ်ရံတွင် ခေါင်းဆောင်ရှဲ့သည် ရက်စက်စွာဖြင့် လင်းဖုန်းကို အပြင်းအထန် တိုက်ခိုက်တတ်သည်။ ဥပမာအားဖြင့် သူ၏ လက်မောင်းများ သို့မဟုတ် ခြေထောက်များကို ချိုးပစ်ခြင်းမျိုး ဖြစ်သည်။ သို့သော် လင်းဖုန်း၏ ပြန်လည်ကုသနိုင်စွမ်းမှာ အမှန်တကယ်ပင် အံ့သြစရာ ကောင်းလှသည်။ သူသည် အမြဲတစေ ဒဏ်ရာများမှ အမြန်ဆုံး အချိန်အတွင်း ပြန်လည် သက်သာလာနိုင်သဖြင့် ခေါင်းဆောင်ရှဲ့ကို ပြောစရာမဲ့ကာ ခေါင်းခဲစေသည်။ သို့သော် လင်းဖုန်း၏ ဤ မိုက်မဲသောနည်းလမ်းကို သူ နားမလည်ပေ။ သူ့ကိုယ်သူ တစ်ကြိမ်စီတွင် သနားစဖွယ် အခြေအနေသို့ ရောက်အောင် လုပ်နေခြင်းမှလွဲ၍ အခြား ဘာများ လုပ်နိုင်ဦးမည်နည်း။</p> <p>ဝုန်း</p> <p>ခေါင်းဆောင်ရှဲ့က လက်လှမ်းကာ နောက်တစ်ကြိမ် ရိုက်ချလိုက်ပြန်သည်။ ကြယ်တာရာစွမ်းအားများ ပေါက်ကွဲထွက်လာပြီး လင်းဖုန်း မြေပြင်ပေါ်သို့ ရိုက်ချခံလိုက်ရသည်။ သူ့တစ်ကိုယ်လုံးမှာ ကြေမွသွားလုမတတ် ဖြစ်သွားသည်။</p> <p>သို့သော် သူ ပြန်လည် မတ်တပ်ရပ်လာသောအခါ ခေါင်းကို ခါယမ်းရုံမျှသာ ပြုလုပ်ပြီး ခေါင်းဆောင်ရှဲ့ထံသို့ ပြတ်သားစွာ ထပ်မံ ပြေးဝင်သွားပြန်သည်။</p> <p>"ခေါင်းဆောင်ရှဲ့... အခုဆို ၁၃ ကြိမ် ရှိသွားပြီ မဟုတ်လား"</p> <p>"မင်း ဘာကို ဆိုလိုတာလဲ"</p> <p>ဤတစ်ကြိမ်တွင် လင်းဖုန်းက ရုတ်တရက် စကားပြောလာသည်။ ခေါင်းဆောင်ရှဲ့ ခဏမျှ ကြောင်အသွားသော်လည်း တစ်ချိန်တည်းမှာပင် ထိုစကားကို နားမလည်နိုင်အောင် ဖြစ်သွားရသည်။</p> <p>"ငါ ဆိုလိုတာက ခေါင်းဆောင်ရှဲ့... ခင်ဗျား ခင်ဗျားရဲ့ ကြယ်တာရာစွမ်းအားတွေကို ၁၃ ကြိမ်တောင် ထုတ်သုံးပြီးပြီ။ ခင်ဗျားမှာ ကြယ်တာရာစွမ်းအား ဘယ်လောက် ကျန်သေးလဲ"</p> <p>"ဟမ်..."</p> <p>ခေါင်းဆောင်ရှဲ့၏ မျက်နှာအမူအရာမှာ သိသိသာသာ ပြောင်းလဲသွားသော်လည်း နောက်ကျသွားခဲ့လေပြီ။</p> <p>လင်းဖုန်း၏ မျက်နှာပေါ်တွင် အပြုံးတစ်ခု ပေါ်လာသည်။ သူ ကျယ်လောင်စွာပင် ရယ်မောလိုက်ချင်တော့သည်။</p> <p>ဆယ့်သုံးကြိမ်။ သူသည် ခေါင်းဆောင်ရှဲ့၏ ရိုက်ထုတ်မှုကို ယင်ကောင်တစ်ကောင်ကဲ့သို့ စုစုပေါင်း ၁၃ ကြိမ်တိုင်တိုင် ခံခဲ့ရသည်။ သူ တစ်ကြိမ်စီတွင် ခံစားခဲ့ရသော ဒဏ်ရာများမှာ သာမန် အသွင်ပြောင်းနယ်ပယ် သိုင်းသမားတိုင်းကို တိုက်ခိုက်ရေး စွမ်းရည် အလုံးစုံဆုံးရှုံးသွားစေရန် လုံလောက်သည်။</p> <p>သူသည် ပြန်လည်ကုသနိုင်ရန် မသေနိုင်သော အစွမ်းသတ္တိကို အားကိုးခဲ့ရသည်။ အကြိမ်တိုင်း သူ၏ ဒဏ်ရာများကို ပြန်လည်ကုသနိုင်သော်လည်း သူသည် နာကျင်မှုကို ခံစားနေရဆဲပင်။ ထိုနာကျင်မှုမှာ အမှန်တကယ်ပင် ဆိုးရွားလှသော်လည်း လင်းဖုန်း အောင့်အည်း သည်းခံခဲ့သည်။ သူ၏ ရည်မှန်းချက်မှာ ဤအခွင့်အရေးကို စောင့်ဆိုင်းရန်သာ ဖြစ်ပေသည်။</p> <p>ယခုမူ အခွင့်အရေး ရောက်ရှိလာပြီ ဖြစ်သည်။ ခေါင်းဆောင်ရှဲ့၏ ခန္ဓာကိုယ်ထဲတွင် ကြယ်တာရာစွမ်းအား အများအပြား မကျန်တော့ပေ။ ခေါင်းဆောင်ရှဲ့ကိုယ်တိုင်ပင် လင်းဖုန်းက သူ၏ ကြယ်တာရာစွမ်းအားများကို တဖြည်းဖြည်း ကုန်ဆုံးအောင် လုပ်နေသည်ကို သတိမထားမိခဲ့ခြင်း ဖြစ်နိုင်သည်။</p> <p>ခေါင်းဆောင်ရှဲ့သည် တိုက်ပွဲအတွင်း ကြယ်တာရာစွမ်းအား အချို့ကို ပြန်လည် ဖြည့်တင်းနိုင်သော်လည်း လင်းဖုန်းမှာ အားနည်းသူ မဟုတ်ပေ။ နှစ်ဖက်စလုံးသည် အကြိမ်တိုင်းတွင် ပြင်းထန်သော တိုက်ခိုက်မှုများကို ပြုလုပ်ခဲ့ကြသည်။ ထိုကဲ့သို့သော ပြင်းထန်သည့် တိုက်ပွဲများအောက်တွင် ခေါင်းဆောင်ရှဲ့အနေဖြင့် ကြယ်တာရာစွမ်းအား မည်မျှ ပြန်လည် ဖြည့်တင်းနိုင်ဦးမည်နည်း။</p> <p>"ငါ့မှာ ကြယ်တာရာစွမ်းအား အများကြီး မကျန်တော့ရင်တောင် မင်းရဲ့ ခွန်အားနဲ့ ငါ့ရဲ့ ကြယ်တာရာစွမ်းအား ခုခံမှုကို ဘယ်လိုလုပ် ဖောက်ထွက်နိုင်မှာလဲ"</p> <p>ခေါင်းဆောင်ရှဲ့၏ မျက်နှာပေါ်တွင် အနည်းငယ်သော အပြုံးတစ်ခု ကျန်ရှိနေသေးသည်။ သူသည် လင်းဖုန်း၏ ခွန်အားကို ကောင်းကောင်း သိထားပြီး ဖြစ်သည်။</p> <p>သို့သော် နောက်တစ်စက္ကန့်မှာပင် ခေါင်းဆောင်ရှဲ့၏ မျက်နှာပေါ်ရှိ အပြုံးမှာ အေးခဲသွားတော့သည်။ သူ ဘာကို ခံစားလိုက်ရတာလဲ။ ကြယ်တာရာစွမ်းအား။ လင်းဖုန်း၏ ခန္ဓာကိုယ်ပေါ်တွင် ကြယ်တာရာစွမ်းအားများ တုန်ခါနေသည်။</p> <p>"ဒါ ဘယ်လိုလုပ် ဖြစ်နိုင်မှာလဲ... မင်းက..."</p> <p>ခေါင်းဆောင်ရှဲ့ အံ့သြမှင်သက်သွားသည်။ လင်းဖုန်းသည် မျိုးရိုးဗီဇကန့်သတ်ချက်ကို ချိုးဖျက်ခဲ့သည်မှာ ရက်အနည်းငယ်သာ ရှိသေးသည်။ သူက ဘယ်လိုလုပ် ကြယ်တာရာစွမ်းအားတွေကို စုစည်းနိုင်ရတာလဲ။ ထို့အပြင် လင်းဖုန်း၏ ခန္ဓာကိုယ်မှ ထွက်ပေါ်နေသော ကြယ်တာရာစွမ်းအား တုန်ခါမှုမှာ မသေးငယ်ပေ။ အနည်းဆုံး ကြယ်တာရာစွမ်းအား အမျှင်တန်းပေါင်း ဒါဇင်ပေါင်းများစွာ ရှိနေသည်။</p> <p>သာမန်အားဖြင့် ကြယ်တာရာစွမ်းအား အမျှင်တန်း ဒါဇင်အနည်းငယ်မှာ သူ့အတွက် မည်သည့် ခြိမ်းခြောက်မှုမျှ ဖြစ်လာလိမ့်မည် မဟုတ်ပေ။ သို့သော် ယခုမူ သူ့ခန္ဓာကိုယ်ထဲတွင် ကြယ်တာရာစွမ်းအား အနည်းငယ်သာ ကျန်ရှိတော့ပြီး သူသည် အားအနည်းဆုံး အခြေအနေသို့ ရောက်ရှိနေသည်။</p> <p>လင်းဖုန်းသည် တစ်သက်တွင် တစ်ကြိမ်သာ ရနိုင်သော ဤအခွင့်အရေးကို သဘာဝကျကျပင် လက်လွတ်မခံခဲ့ပေ။ သူသည် ၁၃ ကြိမ်တိုင်တိုင် အောင့်အည်း သည်းခံခဲ့ရသည်။ ယခုမူ နောက်ဆုံးတွင် သူ့အလှည့် ရောက်လာပြီပင်။</p> <p>ချက်ချင်းဆိုသလို ဝဲဂယက်စွမ်းအားများ ပေါက်ကွဲထွက်လာတော့သည်။</p> <p>ထက်မြက်သော ဦးချို ပေါက်ကွဲထွက်လာသည်။</p> <p>ကြယ်တာရာစွမ်းအား အမျှင်တန်း ၆၆ ခု ပေါက်ကွဲထွက်လာသည်။</p> <p>လင်းဖုန်း၏ မျက်လုံးများမှာ သွေးရောင် လွှမ်းနေသည်။ သူ့ခန္ဓာကိုယ်ပေါ်ရှိ အရေခွံ ချပ်ဝတ်တန်ဆာမှာ စုတ်ပြတ်သတ်နေပြီ ဖြစ်သော်လည်း ခန္ဓာကိုယ်ထဲရှိ အနှစ်သာရများမှာ စတင် ဆူပွက်လာနေပြီဖြစ်ကာ အရေခွံ ချပ်ဝတ်တန်ဆာ၏ မျက်နှာပြင်ပေါ်တွင် သွေးနီရောင် အလင်းတန်း တစ်စွန်းတစ်စကို ခပ်ဝါးဝါး ပုံဖော်နေသည်။</p> <p> </p> <p>လင်းဖုန်းသည် ခွန်အားအားလုံး ပေါက်ကွဲထွက်လာမှုနှင့်အတူ လက်သီးတစ်ချက် အားကုန်ထိုးနှက်လုက်သည်။ ဤသည်မှာ လက်ရှိတွင် သူ၏ အပြင်းထန်ဆုံးသော ထိုးနှက်ချက်ပင်။</p> <p>ဝုန်း</p> <p>လင်းဖုန်း၏ တစ်ကိုယ်လုံးသည် ကြက်သွေးရောင် အလင်းလုံးကြီးတစ်ခုအလား ပြောင်းလဲသွားသည်။ ကြွေကျလာသော ဥက္ကာခဲတစ်ခုကဲ့သို့ လေထုကို ထိုးဖောက် ဖြတ်သန်းသွားစဉ် ရှည်လျားသော ကြက်သွေးရောင် အလင်းတန်းတစ်ခုကို ချန်ထားရစ်ခဲ့ကာ ခေါင်းဆောင်ရှဲ့ထံသို့ ပြင်းထန်စွာ တိုက်ခိုက်လိုက်တော့သည်။</p> <p> </p> <p> </p> <p style="text-align: center;">***</p>


Save