Book List

<h2 style="text-align: center;">အခန်း ၃၁၂</h2> <h2 style="text-align: center;">ရှင်သန်ခြင်းပြိုင်ပွဲ ပြီးဆုံးခြင်း</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"ရှုကျင်းမင်... တော်လောက်ပြီ... ဒါက တစ်ကမ္ဘာလုံးကို တိုက်ရိုက်ထုတ်လွှင့်နေတာ အရမ်းလည်း အလွန်အကျွံ မလုပ်နဲ့ဦး"</p> <p style="text-align:justify">ပြိုင်ပွဲဧရိယာအတွင်း ရှုကျင်းမင်က ဆယ်မိနစ်ကျော်ကြာအောင် မနားတမ်း တိုက်ခိုက်နေသည်ကို မြင်သောအခါ ကောင်းကင်ပေါ်ရှိ ကျိုးကျန့်က မနေနိုင်ဘဲ သတိပေးလိုက်ရသည်။</p> <p style="text-align:justify">"ကျွန်တော်က မရပ်တာ မဟုတ်ဘူး.. ဒီကောင်တွေက အရှုံးမပေးသေးလို့ဗျ"</p> <p style="text-align:justify">မြေပြင်ပေါ်တွင် ရှုကျင်းမင်က သူ၏လှံကို မနားတမ်း ဝှေ့ယမ်းနေဆဲပင်။ သူ၏ရှေ့ မလှမ်းမကမ်းတွင် ဝမ်ချီ၊ ဟန်ရှန်းနှင့် ကျိုးထိုက်ကျိတို့ သုံးယောက်သာ ကျန်တော့သည်။ ကျန်ရှိသောသူများမှာမူ အရှုံးပေးရန် ရွေးချယ်ခဲ့ကြသဖြင့် ပြိုင်ပွဲမှ ထွက်ခွာသွားကြပြီ ဖြစ်သည်။ ကျန်ရှိနေသော သုံးယောက်မှာလည်း အခြေအနေ အတော်ဆိုးနေပြီး တစ်ကိုယ်လုံး သွေးချင်းချင်းနီလျက် ယိုင်တိုင်တိုင်ဖြင့် ထွက်ပြေးနေကြရသည်။</p> <p style="text-align:justify">"မင်းရဲ့ မိုးကြိုးဓာတ် စွမ်းရည်မှာ အာရုံကြောတွေကို ထုံကျင်သွားစေတဲ့ အာနိသင်ရှိတာ မင်းမေ့နေတာလား"</p> <p style="text-align:justify">သူတို့၏ လက်ရှိအခြေအနေမှာ အရှုံးပေးကြောင်း ပြောရန်ပင် စကားမထွက်နိုင်အောင် ဖြစ်နေကြခြင်းပင်။ ကျိုးကျန့်၏ နှုတ်ခမ်းများ တွန့်သွားကာ မတတ်သာသည့်လေသံဖြင့် ပြောလိုက်သည်။ ရှုကျင်းမင်က ထိုသုံးယောက်၏ ပါးစပ်ကြွက်သားများကို တမင်တကာ ထုံကျင်သွားအောင် လုပ်ထားခြင်းဖြစ်ကြောင်း သူ သတိပြုမိသည်။ ထိုသုံးယောက် ဘေးကင်းရေး ဘောလုံးကို ထုတ်ရန် ကြိုးစားတိုင်းလည်း ရှုကျင်းမင်က အကြိမ်ကြိမ် နှောင့်ယှက်ခဲ့သေးသည်။</p> <p style="text-align:justify">ပုံမှန်ဆိုလျှင် ကျိုးကျန့်က ဤကဲ့သို့ လက်စားချေမှုကို ဂရုစိုက်မည်မဟုတ်ပေ။ အနာတရဖြစ်မှုကလည်း အသက်အန္တရာယ်မရှိသလို ပေကျင်းတက္ကသိုလ်နှင့် ကျင်းချန်းတက္ကသိုလ်တို့ကပင် သိုင်းစိတ်ဓာတ်ကို အရင်ဖောက်ဖျက်ခဲ့ခြင်း ဖြစ်သည်။ သို့သော်လည်း အဆင့်မြင့်ပုဂ္ဂိုလ်များစွာက တိုက်ရိုက်ထုတ်လွှင့်မှုကို ကြည့်ရှုနေကြသဖြင့် အခြေအနေကို ထိန်းသိမ်းရန် လိုအပ်သည်။</p> <p style="text-align:justify">"ဪ... အဲဒီလိုလား"</p> <p style="text-align:justify">ရှုကျင်းမင်က မျက်ခုံးကို အနည်းငယ် ပင့်လိုက်သည်။ မိုးကြိုးအထွတ်အထိပ် အခြေအနေရှိ သူ၏ ဧရာမနဂါးမျက်လုံးများဖြင့် ထိုသုံးယောက်ကို ကြည့်ကာ ပြောလိုက်သည်။</p> <p style="text-align:justify">"မင်းတို့ အရှုံးပေးချင်ရင် မျက်တောင်ပဲ ခတ်ပြလိုက်"</p> <p style="text-align:justify">စကားမပြောနိုင်တော့သော ထိုသုံးယောက်မှာ အစွမ်းထက်ဆုံးဖြစ်သည့် ဝမ်ချီအပါအဝင် မျက်တောင်များကို ရူးမတတ် ခတ်ပြလိုက်ကြတော့သည်။ အခြားနည်းလမ်းမရှိတော့ပေ။ သူတို့က အရိုက်ခံရလွန်း၍ တကယ်ပင် ကြောက်လန့်နေကြပြီ ဖြစ်သည်။</p> <p style="text-align:justify">"အဲဒီတော့ မင်းတို့က တကယ်ပဲ အရှုံးပေးချင်တာပေါ့ ကောင်းပြီလေ... ဘေးကင်းရေး ဘောလုံးကိုပဲ အသက်သွင်းလိုက်တော့ ငါ မတားတော့ဘူး"</p> <p style="text-align:justify">ရှုကျင်းမင်က အနည်းငယ် နှမြောတသဟန်ဖြင့် နှုတ်ခမ်းကို သပ်လိုက်ပြီးမှ သူ၏လှံကို ပြန်သိမ်းလိုက်သည်။ ဤကဲ့သို့ ကောင်းမွန်သော လူသားသဲအိတ်များကို ဆုံးရှုံးရသည်မှာ နှမြောစရာပင်။ သို့သော် အဋ္ဌမအဆင့် အထွတ်အထိပ် ဆရာကြီးတစ်ယောက်ကပင် ဝင်ပြောလာပြီဖြစ်ရာ သူ ဆက်လုပ်၍ မရတော့ပေ။</p> <p style="text-align:justify">အခြေအနေ အလွန်ဆိုးရွားနေသော ထိုသုံးယောက်က သက်ပြင်းတစ်ချက် ချလိုက်နိုင်ပြီး ဘေးကင်းရေး ဘောလုံး ကို အသက်သွင်းလိုက်ကြသည်။ ချက်ချင်းပင် စွမ်းအင်ဒိုင်းလွှာတစ်ခု ပေါ်လာပြီး သူတို့သုံးယောက်ကို ကာကွယ်ပေးသွားသည်။ ဤသို့ဖြင့် ရှုကျင်းမင်အား ဝိုင်းဝန်းတိုက်ခိုက်ရန် တာဝန်ပေးခံထားရသော ၁၁ ယောက်စလုံး ပြိုင်ပွဲမှ ထွက်သွားရပြီ ဖြစ်သည်။ သူတို့၏ အမှတ်တစ်ဝက်ကို ရရှိလိုက်သော ရှုကျင်းမင်၏ အမှတ်စာရင်းမှာလည်း ကြောက်မက်ဖွယ်ကောင်းလောက်အောင် မြင့်တက်သွားခဲ့သည်။</p> <p style="text-align:justify">ပထမနေရာ- ရှုကျင်းမင်၊ ၄၃,၃၃၂ မှတ် (မဂျစ်စီးတီး စွမ်းရည်ပိုင်ရှင် တက္ကသိုလ်)<br /> ဒုတိယနေရာ- ဝမ်ချီ၊ ၆,၆၀၅ မှတ် (ပေကျင်း တက္ကသိုလ်)<br /> တတိယနေရာ- ဟန်ရှန်း၊ ၅,၆၁၇ မှတ် (ကျင်းချန်း တက္ကသိုလ်)</p> <p style="text-align:justify">“၄၃,၀၀၀ ကျော်...”</p> <p style="text-align:justify">ရှုကျင်းမင်၏ အမှတ်က ထိပ်တန်းဆယ်ယောက် စာရင်းဝင် ကျန်ရှိသော ကိုးယောက်၏ စုစုပေါင်းအမှတ်ထက်ပင် ပို၍ မြင့်မားနေသည်။</p> <p style="text-align:justify">"အဖွဲ့ခေါင်းဆောင် တကယ်ကို မိုက်တယ် ကျွန်မတို့ နံပါတ်တစ် ရပြီ"</p> <p style="text-align:justify">ခြေတံရှည်ရှည် ဂူဝမ်က စိတ်လှုပ်ရှားစွာဖြင့် ပြေးလာကာ "အဖွဲ့ခေါင်းဆောင် အခု ဘယ်ကို ဆက်သွားကြမလဲ" ဟု မေးလိုက်သည်။</p> <p style="text-align:justify">"ငါတို့တွေလား"</p> <p style="text-align:justify">ရှုကျင်းမင်က လေလွင့်တိမ်တိုက် ရွှေရောင်လှံ ကို ဟင်းလင်းပြင် လက်စွပ်ထဲသို့ ပြန်ထည့်လိုက်ပြီး မိုးကြိုးအထွတ်အထိပ် အခြေအနေမှ ပြန်ထွက်လိုက်သည်။ ထို့နောက် ခေါင်းခါလျက် ပြောလိုက်သည်။</p> <p style="text-align:justify">"ငါ ပေကျင်းတက္ကသိုလ်နဲ့ ကျင်းချန်းတက္ကသိုလ် ပူးပေါင်းအဖွဲ့ကို အပြတ်ရှင်းလိုက်ပြီ... ပြိုင်ပွဲဧရိယာထဲမှာ သားရဲတွေကို လိုက်ရှာရတာက အတော်လေး ဘေးကင်းသွားပါပြီ စီနီယာဂူ တစ်ယောက်တည်း သွားလို့ရတယ်"</p> <p style="text-align:justify">"ဟင် ကျွန်မ တစ်ယောက်တည်း သွားရမှာလား ကျွန်မက ပံ့ပိုးမှုအမျိုးအစား စွမ်းရည်ပိုင်ရှင်ဆိုတာ ရှင်သိတယ်မလား"</p> <p style="text-align:justify">မျက်မှန်အမည်းအောက်မှ ဂူဝမ်၏ လှပသော မျက်ဝန်းလေးများ ဝိုင်းစက်သွားကာ အနည်းငယ် ကြောင်အမ်းအမ်း ဖြစ်သွားသည်။</p> <p style="text-align:justify">"ကြိုးစားထားဦး စီနီယာ လုပ်နိုင်မယ်လို့ ငါ ယုံကြည်တယ်"</p> <p style="text-align:justify">ရှုကျင်းမင်က ဂူဝမ်၏ ပုခုံးကို ပုတ်ကာ အားပေးလိုက်ပြီးနောက် လှည့်ထွက်သွားတော့သည်။ ဂူဝမ်တစ်ယောက်တည်း လေထဲတွင် ကြောင်တောင်တောင်ဖြင့် ကျန်ရစ်ခဲ့လေသည်။</p> <p style="text-align:justify">"ကြိုးစားထားဦး ဟုတ်လား ဒါက ဘယ်လို အားပေးတာလဲ"</p> <p style="text-align:justify">ခဏအကြာတွင် ဂူဝမ်က ဒေါသတကြီးဖြင့် မြေပြင်ကို ဆောင့်ကန်လိုက်ပြီး အခြားတစ်ဖက်သို့ ထွက်ခွာသွားတော့သည်။</p> <p style="text-align:justify">"ရှုကျင်းမင်က တကယ်ကို စိတ်ဝင်စားဖို့ကောင်းတဲ့ ကောင်လေးပဲ"</p> <p style="text-align:justify">လေပေါ်တွင် ရှိနေသော အဋ္ဌမအဆင့် အထွတ်အထိပ် ဆရာကြီး ကျိုးကျန့်က ထိုမြင်ကွင်းကို ကြည့်ပြီး ရယ်ချင်စိတ်ကို အောင့်ထားလိုက်ရသည်။ အသက် ၁၉ နှစ်အရွယ် ရှုကျင်းမင်က သန်မာသည်၊ ချောမောသည်၊ ထူးခြားသော အရှိန်အဝါလည်း ရှိသည်။ သူ၏အသက်အရွယ်ရှိ မိန်းကလေးများ၏ အားကျမှုကို ရရှိသည်မှာ သဘာဝကျပါသည်။</p> <p style="text-align:justify">ဂူဝမ်ကိုယ်တိုင်ကလည်း သူ့ကို နှစ်သက်နေသည်ဟု မဆိုနိုင်သော်လည်း အထင်ကြီး လေးစားမှုရှိနေသည်မှာ အမှန်ပင်။ အကယ်၍ ဤခံစားချက်ကိုသာ ဆက်လက် ပျိုးထောင်မည်ဆိုပါက ပိုမို နက်ရှိုင်းလာနိုင်သော်လည်း ရှုကျင်းမင်ကမူ ထိုစိတ်ကူးကို အစကတည်းက ရိုက်ချိုးလိုက်ခြင်း ဖြစ်သည်။</p> <p style="text-align:justify">SSအဆင့် စွမ်းရည်ပိုင်ရှင်တစ်ယောက်အနေနဲ့ မိန်းကလေး အနည်းငယ် ပိုရှိတာက ပြဿနာမဟုတ်ပေမဲ့ ရှုကျင်းမင်ကိုယ်တိုင်ကတော့ အဲဒီလို မထင်ပုံရပေ။ ကောင်းသည့်အချက်မှာ ဤသို့လုပ်ခြင်းဖြင့် အခြားအဖွဲ့အစည်းများမှ လှပသော အမျိုးသမီးများ၏ မြှူဆွယ်မှုနောက်သို့ သူ ပါသွားမည်မဟုတ်ခြင်းပင်။ ကျိုးကျန့်က ခေါင်းကို ခါယမ်းလိုက်ပြီး မြေပြင်သို့ ဆင်းသက်လာခဲ့သည်။ ရှုကျင်းမင်က ထွက်သွားပြီဖြစ်သော်လည်း ပြင်းထန်စွာ ဒဏ်ရာရနေသော ၁၁ ယောက်ကိုမူ သူက ကယ်ဆယ်ရေးအဖွဲ့ကို ခေါ်ယူ၍ ဆေးကုသမှု ခံယူရန် ပို့ဆောင်ပေးရဦးမည် ဖြစ်သည်။</p> <p style="text-align:justify">ဤရှင်သန်ခြင်း ပြိုင်ပွဲတွင် ရှုကျင်းမင်၏ အဓိက ပစ်မှတ်မှာ သားရဲများကို တတ်နိုင်သမျှ များများ သတ်ဖြတ်ရန်ပင် ဖြစ်သည်။ ဂူဝမ်က ပံ့ပိုးမှုအမျိုးအစား စွမ်းရည်ပိုင်ရှင် ဖြစ်သဖြင့် သွားလာမှု နှေးကွေးသည်။ သူမကို ခေါ်သွားခြင်းက သူ၏အရှိန်ကို နှောင့်နှေးစေမည်ဖြစ်သည်။</p> <p style="text-align:justify">ထို့အပြင် ဤပြိုင်ပွဲကို မဟာနွေရာသီ တစ်နိုင်ငံလုံးနှင့် တစ်ကမ္ဘာလုံးကပါ ကြည့်ရှုနေကြခြင်း ဖြစ်သည်။ အလွန်အကျွံ နီးစပ်သော အမူအရာများက ဂူဝမ်အပေါ် မကောင်းသတင်းများ ထွက်ပေါ်စေနိုင်သည်။ ထို့ထက်ပို၍ အရေးကြီးသည်မှာ ဆုန့်ချိုးယွန်းက ပွဲကြည့်စင်မှ ကြည့်နေသလို ကျန်းချူရွှမ်လည်း ပြိုင်ပွဲသို့ ရောက်နေနိုင်ခြင်းပင်။ ထိုအမျိုးသမီးနှစ်ယောက်လုံးက သူ့အပေါ် စိတ်ရင်းမှန်ဖြင့် ဆက်ဆံကြသူများ ဖြစ်ရာ ရှုကျင်းမင်အနေဖြင့် သူတို့ကို အထင်လွဲအောင် မလုပ်လိုပေ။</p> <p style="text-align:justify">"စတုတ္ထအဆင့်ကို ရောက်သွားတော့ ငါ့ရဲ့ အရှိန်က သိသိသာသာ မြန်လာသလို သားရဲတွေကို သတ်ရတာလည်း ပိုပြီး ထိရောက်လာတယ်"</p> <p style="text-align:justify">"အခုဆိုရင် စွမ်းရည်အမှတ်တွေကို ပိုပြီး အများကြီး ရိတ်သိမ်းနိုင်တော့မှာပဲ..."</p> <p style="text-align:justify">ရှုကျင်းမင်က အာရုံစူးစိုက်လိုက်ပြီး သားရဲဟိန်းသံများ အများဆုံး ထွက်ပေါ်နေသော ဘက်သို့ အရှိန်အဟုန်ဖြင့် ပြေးထွက်သွားတော့သည်။ ဝမ်ချီ၊ ဟန်ရှန်းနှင့် အခြားသူများ ပြိုင်ပွဲမှ ထွက်သွားရပြီးနောက် ရှင်သန်ခြင်း ပြိုင်ပွဲ၏ နောက်ဆုံး သုံးရက်မှာ ရှုကျင်းမင် တစ်ယောက်တည်း၏ စိုးမိုးမှုပင် ဖြစ်တော့သည်။</p> <p style="text-align:justify">“သားရဲကို ရှာတယ် သတ်တယ် သားရဲကို ထပ်ရှာတယ် ထပ်သတ်တယ်...”</p> <p style="text-align:justify">ရှုကျင်းမင်က ပရိုဂရမ် ကြိုတင်ရေးဆွဲထားသော စက်ရုပ်တစ်ရုပ်ကဲ့သို့ပင် ဤလုပ်ငန်းစဉ်ကို အထပ်ထပ်အခါခါ ပြုလုပ်နေခဲ့သည်။ သို့သော် ပရိသတ်များမှာ ငြီးငွေ့ခြင်း မရှိဘဲ စိတ်ဝင်တစား ကြည့်ရှုနေကြသည်။ သူ၏ တိကျပြတ်သားသော တိုက်ခိုက်မှုဟန်နှင့် ရွှေရောင်လျှပ်စီးများ လက်ခနဲ ဖြစ်သွားချိန်ရှိ အာဏာစက်ပြင်းလှသော အရှိန်အဝါတို့က ပရိသတ်များကို ဆွဲဆောင်ထားနိုင်ခဲ့သည်။</p> <p style="text-align:justify">ရှုကျင်းမင်၏ မိဘနှစ်ပါးစလုံးသည် သူငယ်စဉ်က သားရဲဒီရေလှိုင်းအတွင်း ကွယ်လွန်ခဲ့ခြင်း ဖြစ်ကြောင်း သိလိုက်ရသောအခါ ပရိသတ်များမှာ သူ၏ အပြုအမူများအပေါ် ပိုမို စာနာနားလည်လာကြပြီး ရှုကျင်းမင်၏ ဂုဏ်သိက္ခာမှာလည်း ပိုမို မြင့်တက်လာခဲ့သည်။ ဤသို့ဖြင့် အချိန်များ ကုန်လွန်သွားကာ ရှင်သန်ခြင်း ပြိုင်ပွဲ ပြီးဆုံးမည့် မတ်လ ၃၁ ရက်နေ့သို့ ရောက်ရှိလာခဲ့သည်။</p> <p style="text-align:justify">"သတိပေးချက်- နိုင်ငံတော် တက္ကသိုလ်ပေါင်းစုံ လိဂ်ပြိုင်ပွဲ၏ ရှင်သန်ခြင်း ပြိုင်ပွဲ ပြီးဆုံးပါပြီ။ သားရဲများကို သတ်ဖြတ်ခြင်းအတွက် အမှတ်များ ထပ်မံ ရရှိတော့မည် မဟုတ်ပါ။ အရှေ့တောင်ဘက်ရှိ ထွက်ပေါက်သို့ အမြန်ဆုံး ပြန်လာကြပါရန်"</p> <p style="text-align:justify">မနက် ကိုးနာရီ အတိတွင် ပြိုင်ပွဲဝင်များ၏ စမတ်လက်ပတ်များပေါ်၌ ပြိုင်ပွဲပြီးဆုံးကြောင်း သတိပေးချက်များ ပေါ်လာခဲ့သည်။</p> <p style="text-align:justify">"ရှင်သန်ခြင်း ပြိုင်ပွဲ ပြီးပြီပဲ..."</p> <p style="text-align:justify">တောနက်ကြီးအတွင်း ရှုကျင်းမင်၏ မြန်ဆန်လှသော ခြေလှမ်းများ ရုတ်တရက် ရပ်တန့်သွားသည်။ သူ၏ စိတ်ထဲတွင် System၏ ဖန်သားပြင် ပေါ်လာခဲ့သည်။</p> <p style="text-align:justify">အမည် - ရှုကျင်းမင်<br /> အဆင့် - စတုတ္ထအဆင့်နိမ့်<br /> စွမ်းရည် - ကောင်းကင်မိုးကြိုး (SS)<br /> သွေးစွမ်းအင် - ၄၈၁၆ (+)<br /> စိတ်ဝိညာဉ်စွမ်းအား - ၃၃၂၄ ဟတ်ဇ် (+)<br /> နည်းSystemများ - လှံသိုင်း (ဆရာသခင်)၊ လက်သီးသိုင်း (ဆရာသခင်)၊ မိုးကြိုးထိုးစစ် နတ်ဆိုးသုတ်သင်လှံ (အခြေခံ+)၊ မိုးကြိုးနတ်ဘုရား လက်ချောင်း (အခြေခံ+)...<br /> ခန္ဓာကိုယ်ကြံ့ခိုင်မှု - မသေနိုင်သော မိုးကြိုးခန္ဓာ (ပဉ္စမအဆင့်)<br /> စွမ်းရည်အမှတ် - ၃၁၂၃၁</p> <p style="text-align:justify">သုံးရက်နှင့် သုံးညတိုင်တိုင် ရှုကျင်းမင် တစ်ခဏမျှပင် မနားခဲ့ပေ အဆက်မပြတ် သတ်ဖြတ်မှုများအပြီးတွင် စွမ်းရည်အမှတ်မှာ ၃၁,၀၀၀ ကျော်အထိ ပြန်လည် ပြည့်တင်းသွားခဲ့သည်။</p> <p style="text-align:justify">"စွမ်းရည်အမှတ် ၃၁,၀၀၀... ငါ ဒီဧရိယာထဲက သားရဲတွေကို အကုန်နီးပါး သုတ်သင်လိုက်ပြီပဲ... ပြန်ဖို့ အချိန်တန်ပြီ"</p> <p style="text-align:justify">ရှုကျင်းမင်၏ ခိုင်မာသော မျက်နှာထက်တွင် အပြုံးတစ်ခု ပေါ်လာသည်။ သူက လှံကို ဟင်းလင်းပြင် လက်စွပ်ထဲသို့ သိမ်းလိုက်ပြီးနောက် ထွက်ပေါက်ဆီသို့ အရှိန်အဟုန်ဖြင့် ပြေးထွက်သွားခဲ့လေတော့သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save