Book List

<h2 style="text-align: center;">အခန်း ၃၂၁</h2> <h2 style="text-align: center;">အရှိန်အဝါ အတုပြုလုပ်ခြင်းနှင့် နောက်ဆုံးပြင်ဆင်မှုများ</h2> <h2 style="text-align: center;">*</h2> <h2 style="text-align: center;"> </h2> <p style="text-align:justify">"ဆရာသခင်အဆင့် အသက်ရှူသံ ဖုံးကွယ်ခြင်း ကျင့်စဉ်ကတောင် ကိုယ့်ထက် အဆင့်နိမ့်တဲ့ အရှိန်အဝါမျိုးကိုပဲ အတုပြုလုပ်နိုင်တာ... အဲဒီထက် ပိုပြီးတော့တော့ မရဘူး"</p> <p style="text-align:justify">အီဗာက ရှုကျင်းမင်၏ အတွေးကို ရိပ်မိပုံရပြီး ထပ်လောင်းပြောကြားလိုက်သည်။</p> <p style="text-align:justify">"ဒီလိုလား..." ရှုကျင်းမင်က အနည်းငယ် နှမြောတသဟန်ဖြင့် ရေရွတ်လိုက်သည်။</p> <p style="text-align:justify">အဋ္ဌမအဆင့် အထွတ်အထိပ် ဆရာကြီးတစ်ယောက်၏ အရှိန်အဝါက အလွန်ပင် ထိတ်လန့်ဖွယ်ကောင်းလှသည်။ အရှိန်အဝါကို အနည်းငယ်မျှ ထုတ်လွှတ်လိုက်ရုံဖြင့် အဆင့်နိမ့် စွမ်းရည်ပိုင်ရှင်အချို့ကို သတ်ဖြတ်နိုင်စွမ်းရှိသည်။ အကယ်၍ အတုပြုလုပ်ထားသော အရှိန်အဝါက ထိုကဲ့သို့ အကျိုးသက်ရောက်မှုမျိုး မရှိပါက အသုံးမဝင်လှပေ။</p> <p style="text-align:justify">"ဒါပေမဲ့ ကျွန်တော့်အတွက်တော့ စတုတ္ထအဆင့်နိမ့်ကနေ စတုတ္ထအဆင့်မြင့် အရှိန်အဝါအထိ အတုပြုလုပ်နိုင်ရင်ပဲ တော်တော်လေး အဆင်ပြေနေပါပြီ... ဒါဆိုရင် ကျွန်တော့်ရဲ့ မူလအမှတ်အသားကို တစ်ဖက်လူ ရိပ်မိဖို့ မလွယ်တော့ဘူး"</p> <p style="text-align:justify">ရှုကျင်းမင်က စိတ်ကူးပေါက်သည်နှင့် သူ၏ ဆရာသခင်အဆင့်ရှိ အသက်ရှူသံ ဖုံးကွယ်ခြင်း ကျင့်စဉ်ကို အထွတ်အထိပ် ဆရာကြီးအဆင့် သို့ တိုက်ရိုက် မြှင့်တင်လိုက်သည်။ ဤကျင့်စဉ်သည် မူလက Bအဆင့် တိုက်ခိုက်ရေးနည်းစနစ်သာ ဖြစ်သဖြင့် ဤတစ်ကြိမ်တွင် ကုန်ဆုံးသွားသော စွမ်းရည်အမှတ်မှာ ၄၀၀၀ ခန့်သာ ရှိသည်။</p> <p style="text-align:justify">စွမ်းရည်အမှတ်များကို အသုံးပြုပြီးနောက် ရှုကျင်းမင်က အသက်ရှူသံ ဖုံးကွယ်ခြင်း ကျင့်စဉ်ကို ချက်ချင်း အသက်သွင်းလိုက်သည်။ ထိုအခါ သူ၏ အရှိန်အဝါက စတုတ္ထအဆင့်နိမ့်မှ စတုတ္ထအဆင့်မြင့်သို့ ရုတ်တရက် ပြောင်းလဲသွားသည်။</p> <p style="text-align:justify">"ဟင်"</p> <p style="text-align:justify">သူ့ပခုံးပေါ်၌ ထိုဖြစ်စဉ်တစ်ခုလုံးကို စောင့်ကြည့်နေသော အီဗာမှာ မျက်လုံးလေးများ ပြူးသွားကာ သူမ၏ ကလေးမျက်နှာလေးတွင် မေးခွန်းသင်္ကေတများစွာ တွဲခိုသွားတော့သည်။</p> <p style="text-align:justify">“Sအဆင့်ရဲ့ အရှိန်အဝါက ဘယ်လိုလုပ်ပြီး ဒီလောက်မြန်မြန် ပြောင်းလဲသွားရတာလဲ... ဒါက... အထွတ်အထိပ် ဆရာကြီးအဆင့် အသက်ရှူသံ ဖုံးကွယ်ခြင်း ကျင့်စဉ်များလား...”</p> <p style="text-align:justify">“ဒါပေမဲ့ ခုနက ဒုတိယကျောင်းအုပ်ကြီး လင်းရွှမ်နဲ့ ရှိနေတုန်းက ဆရာသခင်အဆင့်ပဲ ရှိပါသေးတယ်...”</p> <p style="text-align:justify">ဤသို့တွေးတောရင်း အီဗာက အံ့ဩတကြီးဖြင့် ချီးကျူးလိုက်မိသည်။ "Sအဆင့် ရှင်က တကယ်ကို ဖုံးကွယ်ထားနိုင်တာပဲ... အသက်ရှူသံ ဖုံးကွယ်ခြင်း ကျင့်စဉ်ကိုတောင် အထွတ်အထိပ် ဆရာကြီးအဆင့်အထိ တတ်မြောက်ထားတာလား"</p> <p style="text-align:justify">ရှုကျင်းမင်က ပြုံးလိုက်ရုံသာ ပြုံးနေပြီး ဘာမှ ပြန်မပြောပေ။ သူက ကျွမ်းကျင်မှုအဆင့်ကို ခုလေးတင် မြှင့်တင်လိုက်သည်ဟု မည်သူက ထင်ပါမည်နည်း။ ၎င်းအပြင် သူက ဤကျင့်စဉ်မှတစ်ဆင့် အချက်တစ်ချက်ကို အတည်ပြုနိုင်ခဲ့သည်။</p> <p style="text-align:justify">၎င်းမှာ တိုက်ခိုက်ရေးနည်းစနစ်၏ အဆင့်အတန်းကဲ့သို့ပင် ကျွမ်းကျင်မှုသည်လည်း အလွန်အရေးကြီးခြင်းပင် ဖြစ်သည်။ တိုက်ခိုက်ရေးနည်းစနစ်တစ်ခုကို ပိုမိုကျွမ်းကျင်လေလေ မယုံကြည်နိုင်လောက်သော စွမ်းအားကို ထုတ်ဖော်နိုင်လေလေ ဖြစ်သည်။</p> <p style="text-align:justify">"လောလောဆယ် တိုက်ခိုက်ရေးနည်းစနစ် အသစ်တွေ ထပ်မသင်သေးဖို့ ဆုံးဖြတ်ခဲ့တာ မှန်သွားတာပဲ..." ရှုကျင်းမင်က သူ့ဘာသာ တွေးနေမိသည်။</p> <p style="text-align:justify">စတုတ္ထအဆင့်သို့ ရောက်ရှိပြီးနောက် သူက SSအဆင့် တိုက်ခိုက်ရေးနည်းစနစ်အချို့ကို သင်ယူနိုင်ပြီ ဖြစ်သည်။ စနစ်ဖန်သားပြင်ပေါ်တွင်လည်း စွမ်းရည်အမှတ်များစွာ ကျန်ရှိနေသေးသည်။ သို့သော် သူ မသင်ယူဖြစ်ခဲ့သည့် အကြောင်းရင်းမှာ တစ်ဖက်တွင် မဂျစ်စီးတီး တက္ကသိုလ်၏ ကျမ်းတိုက်အတွင်း၌ လျှပ်စီးဓာတ် SSအဆင့် ကျမ်းစာများ နည်းပါးနေသောကြောင့် ဖြစ်သည်။</p> <p style="text-align:justify">အခြားတစ်ဖက်တွင်မူ စတုတ္ထအဆင့်၌ သင်ယူနိုင်သော SSအဆင့် ကျင့်စဉ်များက ထူးထူးခြားခြား စွမ်းအားကြီးလှသည် မဟုတ်ပေ။ ထို့ကြောင့် စွမ်းရည်အမှတ်များကို စုဆောင်းထားပြီး အဆင့်မြှင့်တင်မှုများအတွက်သာ ဦးစားပေး အသုံးပြုခြင်းက ပို၍ ကောင်းမွန်ပေလိမ့်မည်။ ထို့ပြင် သူ၌ Sအဆင့် တိုက်ခိုက်ရေးနည်းစနစ် လေးခု ရှိနေသေးသည် မဟုတ်ပါလား။</p> <p style="text-align:justify">မိုးကြိုးထိုးစစ် နတ်ဆိုးသုတ်သင်လှံ၊ မိုးကြိုးနတ်ဘုရား လက်ချောင်း၊ ကောင်းကင်မိုးကြိုး ကျင့်စဉ် နှင့် ငရဲမိုးကြိုး သံချပ်ကာတို့မှာ အခြေခံအဆင့်၌သာ ရှိနေသေးသည်။ အကယ်၍ ထိုကျင့်စဉ်များ၏ ကျွမ်းကျင်မှုကို မြှင့်တင်လိုက်ပါက ၎င်းတို့၏ စွမ်းအားက SSအဆင့် ကျင့်စဉ်များထက် နိမ့်ကျနေမည် မဟုတ်ပေ။</p> <p style="text-align:justify">......</p> <p style="text-align:justify">စမတ်လက်ပတ်များကို အသုံးပြုပုံကို နားလည်ပြီးနောက် ရှုကျင်းမင်က ဟင်းလင်းပြင် သားရဲအရိုး ၏ စွမ်းရည်များကို စမ်းသပ်ကြည့်သည်။</p> <p style="text-align:justify">လင်းရွှမ် ပြောခဲ့သကဲ့သို့ပင် ထိုအရိုး၌ ဟင်းလင်းပြင်ကို ခွဲထုတ်နိုင်ခြင်းနှင့် အဝေးသို့ နေရာရွှေ့ပြောင်းနိုင်ခြင်းစွမ်းရည်များ ရှိနေသည်။ ရှုကျင်းမင်၏ သွေးစွမ်းအင်က အတော်အတန် အားကောင်းသည်ဟု ဆိုနိုင်သော်လည်း သူက ထိုစွမ်းရည်ကို နှစ်ကြိမ်သာ အသုံးပြုနိုင်သည်။ အကယ်၍ တတိယအကြိမ်မြောက်သာ အတင်းအကျပ် အသုံးပြုလိုက်ပါက သူ၏ ခန္ဓာကိုယ်က သွေးခြောက်နေသော အလောင်းတစ်ခုအဖြစ်သို့ ပြောင်းလဲသွားနိုင်သည်ဟု ခံစားနေရသည်။</p> <p style="text-align:justify">သို့သော်လည်း နေရာရွှေ့ပြောင်းနိုင်သော အခွင့်အရေး နှစ်ကြိမ်သည်ပင် သူ့ကို အလွန် အံ့ဩဝမ်းသာသွားစေခဲ့သည်။ ဤအရိုးသာ လက်ထဲတွင် ရှိနေလျှင် ကမ္ဘာကြီးက မည်မျှပင် ကျယ်ပြောစေကာမူ သူ သွားချင်သည့်နေရာသို့ သွားနိုင်ပြီ ဖြစ်သည်။</p> <p style="text-align:justify">သူက ဝမ်းသာနေသော်လည်း တစ်ဖက်တွင်လည်း ရင်ထဲ၌ တစ်ခုခုကို ခံစားလိုက်ရသည်။ သေဆုံးသွားသော သားရဲ၏ အရိုးအပိုင်းအစလေး တစ်ခုကပင် ဤမျှ စွမ်းအားကြီးနေလျှင် အသက်ရှင်နေသော နဝမအဆင့် သားရဲဘုရင်တစ်ကောင်သည် မည်မျှပင် ထိတ်လန့်စရာ ကောင်းလိုက်မည်နည်း။</p> <p style="text-align:justify">ဤသည်ကို တွေးမိသောအခါ ရှုကျင်းမင်က ကမ္ဘာ၏ ထိပ်သီးပိုင်းသို့ ရောက်ရှိရန် သူ လျှောက်လှမ်းရမည့်လမ်းမှာ အလွန်ပင် ဝေးကွာနေသေးကြောင်း သိလိုက်ရပြီး ပခုံးပေါ်ရှိ တာဝန်မှာလည်း လေးလံသွားသယောင် ရှိတော့သည်။</p> <p style="text-align:justify">အမှတ် ၉ ယဉ်ကျေးမှု အပျက်အစီးများ ဖွင့်လှစ်မည့်အချိန်မှာ ဧပြီလ ၁၀ ရက်ဝန်းကျင် ဖြစ်သည်။ တစ်ရက် နှစ်ရက် စောနိုင်သကဲ့သို့ တစ်ရက် နှစ်ရက်လည်း နောက်ကျနိုင်သည်။ တစ်နည်းအားဖြင့် ပြောရလျှင် ဆာကူရာနိုင်ငံရှိ ဟော့ကိုင်းဒိုးသို့ အနည်းဆုံး ဧပြီလ ၈ ရက်မတိုင်မီ ရောက်ရှိနေရန် လိုအပ်သည်။ တိုက်ဆိုင်စွာပင် မဟာနွေရာသီ တိုင်းပြည်တစ်ခုလုံးတွင် ဆာကူရာနိုင်ငံနှင့် အနီးဆုံးမြို့မှာ ရှန်ဟိုင်း ဖြစ်သည်။ ဤနေရာမှ ထွက်ခွာခြင်းက အချိန်အသက်သာဆုံး ဖြစ်သည်။</p> <p style="text-align:justify">ရှန်ဟိုင်းမှ ဟော့ကိုင်းဒိုးသို့ သွားရန် နည်းလမ်းနှစ်ခု ရှိသည်။ ပထမနည်းလမ်းမှာ တိုက်လေယာဉ်ဖြင့် သွားခြင်းဖြစ်ပြီး ၆ နာရီခန့်သာ ကြာမြင့်ကာ လက်မှတ်တစ်စောင်လျှင် မဟာနွေရာသီသုံး ငွေကြေး ၅ သိန်းခန့်ကျသင့်သည်။ ဒုတိယနည်းလမ်းမှာ ကူးတို့သင်္ဘောဖြင့် သွားခြင်း ဖြစ်ပြီး ၁၂ နာရီခန့် ကြာမြင့်ကာ လက်မှတ်တစ်စောင်လျှင် ငွေ ၃ သိန်း ကျသင့်သည်။</p> <p style="text-align:justify">ဤမျှ စျေးကြီးနေရသည့် အကြောင်းရင်းမှာ နိုင်ငံတကာ ခရီးစဉ်များတွင် အလွန်ပင် အန္တရာယ်များလှသော အရှေ့တရုတ်ပင်လယ်ပြင်ကို ဖြတ်ကျော်ရသောကြောင့် ဖြစ်သည်။ ထိုတိုက်လေယာဉ်များနှင့် သင်္ဘောများကို သားရဲများ၏ တိုက်ခိုက်မှုကို ခံနိုင်ရည်ရှိစေရန် အထူးပြုပြင်ထားရသည်။ ထို့ပြင် သတ္တမအဆင့် အထွတ်အထိပ် ဆရာကြီးတစ်ဦး ဦးဆောင်သော စွမ်းရည်ပိုင်ရှင်အဖွဲ့ကလည်း လုံခြုံရေးအတွက် အပြည့်အဝ တာဝန်ယူပေးထားရသည်။ ထိုငွေ သိန်းဂဏန်းဆိုသည်မှာ ၎င်းတို့၏ ကြွရောက်ခမျှသာ ဖြစ်သည်။</p> <p style="text-align:justify">သို့သော်လည်း လုံးဝ ဘေးကင်းမည်ဟုတော့ အာမမခံနိုင်ပေ။ အကယ်၍ ခရီးစဉ်အတွင်း ကံဆိုးစွာဖြင့် အဋ္ဌမအဆင့် သားရဲတစ်ကောင်နှင့် တိုးခဲ့လျှင်မူ အကုန်အစင် သုတ်သင်ခံရမည့် ရလဒ်မှလွဲ၍ အခြားမရှိပေ။</p> <p style="text-align:justify">ရှုကျင်းမင်က သေချာစွာ စဉ်းစားပြီးနောက် နောက်ဆုံးတွင် သင်္ဘောဖြင့်သာ သွားရန် ရွေးချယ်လိုက်သည်။ ရှန်ဟိုင်းမှ ဟော့ကိုင်းဒိုးအထိမှာ ကီလိုမီတာ ၂၀၀၀ ကျော် ဝေးကွာလှသည်။ အကယ်၍ တိုက်လေယာဉ်သည် လမ်းခုလတ်တွင် ပျက်ကျသွားပါက သူ၌ ဟင်းလင်းပြင် သားရဲအရိုး ရှိနေသော်လည်း ထိုနေရာရွှေ့ပြောင်းမှု နှစ်ကြိမ်က သူ့အသက်ကို ကယ်တင်နိုင်မည် မဟုတ်ပေ။</p> <p style="text-align:justify">သင်္ဘောဖြင့်သွားလျှင်မူ မတော်တဆမှုဖြစ်လျှင်ပင် အမြင့်ပေ သောင်းချီပေါ်မှ ပြုတ်ကျမည့် ထိတ်လန့်ဖွယ် အခြေအနေမျိုးကိုတော့ ရင်ဆိုင်ရမည် မဟုတ်ပေ။ အမှန်တကယ်တွင်လည်း နိုင်ငံခြားသို့ သွားကြသူ အများစုမှာ သင်္ဘောကိုသာ ရွေးချယ်လေ့ ရှိကြသည်။</p> <p style="text-align:justify">သယ်ယူပို့ဆောင်ရေးကို ရွေးချယ်ပြီးနောက် ရှုကျင်းမင်က ဒုတိယကျောင်းအုပ်ကြီး လင်းရွှမ် ပေးထားသော အမှတ်အသားအတုကို အသုံးပြုကာ ဧပြီလ ၇ ရက်နေ့ နံနက် ၉ နာရီတွင် ရှန်ဟိုင်းမှ ဟော့ကိုင်းဒိုးသို့ ထွက်ခွာမည့် သင်္ဘောလက်မှတ်ကို ချက်ချင်းပင် ဝယ်ယူလိုက်သည်။ ထို့နောက် သူက ဆုန့်ချိုးယွန်းနှင့် ကျန်းချူရွှမ်တို့ကိုမူ အမှတ် ၆ နတ်ဆိုးဂူသို့ သွားမည်ဟုသာ ပြောပြထားလိုက်သည်။</p> <p style="text-align:justify">ဤအတောအတွင်း သူက လေ့ကျင့်မှုများအပြင် ရှေးဟောင်းယဉ်ကျေးမှု အပျက်အစီးများအတွင်းသို့ ဝင်ရောက်ရန်အတွက် လိုအပ်သည်များကိုလည်း ပြင်ဆင်နေခဲ့သည်။ ပထမဆုံးအနေဖြင့် ရေချိုနှင့် အစားအစာများကို ဖြစ်လာနိုင်သမျှသော အခြေအနေအားလုံးအတွက် ကြိုတင်တွက်ဆကာ ပြင်ဆင်ရသည်။ ရှုကျင်းမင်က ၁၀၀ စတုရန်းမီတာ ကျယ်ဝန်းသော ဟင်းလင်းပြင် လက်စွပ်အတွင်း၌ လေးလစာခန့် လုံလောက်သော ရေချိုနှင့်ရိက္ခာများကို စုဆောင်းထားလိုက်သည်။</p> <p style="text-align:justify">အစားအစာများအပြင် အရေးကြီးဆုံးအရာမှာ ဆေးလုံးများ ဖြစ်သည်။ ကျန်းချူရွှမ်က မဂျစ်စီးတီး တက္ကသိုလ် ဆေးဝါးဖော်စပ်ရေး အသင်းဝင် တစ်ယောက်ဖြစ်ပြီး မကြာသေးမီကမှ တတိယအဆင့် အဂ္ဂိရတ်ပညာရှင်အဖြစ် အသိအမှတ်ပြုခြင်း ခံထားရသူ ဖြစ်သည်။ ထို့ကြောင့် ရှုကျင်းမင်က မဂျစ်စီးတီး တက္ကသိုလ် ဆေးဝါးဌာနမှ အရည်အသွေးမြင့် စတုတ္ထအဆင့် ဆေးလုံးများကို ၁၀ ရာခိုင်နှုန်း လျှော့စျေးဖြင့် ဝယ်ယူနိုင်ခဲ့သည်။</p> <p style="text-align:justify">ထို့အပြင် သူ၏ Sအဆင့် လက်နက်ဖြစ်သော လေလွင့်တိမ်တိုက် ရွှေရောင်လှံ ကိုလည်း မဂျစ်စီးတီး တက္ကသိုလ်၏ လက်နက်ကိရိယာဌာနသို့ ယူသွားကာ အချို့သော ပြုပြင်မှုများကို ပြုလုပ်လိုက်သည်။ မူလက အနက်ရောင်ရွှေရောင်ရှိသော အရောင်ကို အနက်ရောင်အဖြစ် ပြောင်းလဲလိုက်ပြီး လှံရိုးပေါ်ရှိ အထူးပုံစံများကိုလည်း ပြုပြင်လိုက်သည်။</p> <p style="text-align:justify">လက်နက်ကိရိယာဌာနမှ လှံကို ပြန်လည်ရရှိလာချိန်တွင်မူ စွမ်းရည်များကို ထည့်သွင်းလိုက်ပါက လှံ၏အလေးချိန် တိုးလာတတ်သော ဝိသေသလက္ခဏာမှလွဲ၍ ရှုကျင်းမင်ကိုယ်တိုင်ပင်လျှင် ဤလှံမှာ သူ၏လှံဖြစ်သည်ဟု မယုံကြည်နိုင်လောက်အောင် ဖြစ်သွားရသည်။</p> <p style="text-align:justify">သူက ပြင်ဆင်မှုအမျိုးမျိုး ပြုလုပ်နေစဉ်မှာပင် အမှတ် ၉ ယဉ်ကျေးမှု အပျက်အစီးများ မကြာခင် ဖွင့်တော့မည်ဟူသော သတင်းက ပြန့်နှံ့သွားခဲ့သည်။ ဝင်ခွင့်လက်မှတ်ရှိသော ဆရာများနှင့် ကျောင်းသားများမှာလည်း စတင် လှုပ်ရှားလာကြသည်။ ရှုကျင်းမင်၏ စီနီယာအစ်ကို လျူမင်သည်လည်း မကြာသေးမီကမှ စတုတ္ထအဆင့်သို့ တက်ရောက်နိုင်ခဲ့ပြီး ဝင်ခွင့်လက်မှတ်လည်း ရှိနေသဖြင့် ကံစမ်းကြည့်ရန် ပြင်ဆင်နေသည်။</p> <p style="text-align:justify">ရှုကျင်းမင်က ရှေးဟောင်းအပျက်အစီးများဆီသို့ သွားမည်မဟုတ်ကြောင်း သိလိုက်ရသောအခါ လျူမင်မှာ စိတ်သက်သာရာရသွားဟန်ဖြင့် သက်ပြင်းချလိုက်မိသည်။ လျူမင်အပြင် မဂျစ်စီးတီး တက္ကသိုလ်မှ ဆဋ္ဌမအဆင့်နိမ့် နည်းပြ ၄ ဦးနှင့် ကျောင်းသား ၅ ဦးတို့လည်း အတူ လိုက်ပါသွားကြမည် ဖြစ်သည်။ ဤသို့ဖြင့် အချိန်များမှာ တရိပ်ရိပ် ကုန်ဆုံးသွားခဲ့ပြီး ရှုကျင်းမင် ခရီးစတင်ထွက်ခွာမည့် ဧပြီလ ၇ ရက်နေ့သို့ ရောက်ရှိလာခဲ့လေတော့သည်။</p> <p style="text-align:justify">***</p>


Save