Book List

<h2 style="text-align: center;">အခန်း ၅၃</h2> <h2 style="text-align: center;">နတ်လမ်းစဉ်ကျင့်ကြံသူ</h2> <h2 style="text-align: center;">*</h2> <p> </p> <p> </p> <p>ညဦးပိုင်း မရောက်မီအချိန်တွင် အရာခပ်သိမ်းက ပျစ်ချွဲနေသော အမှောင်ထုထဲတွင် ရစ်ပတ်ခံထားရသည်။ လမ်းဘေး နှစ်ဖက်ရှိ သစ်ပင်တောအုပ်များက ပြည့်နှက်နေပြီး သစ်ကိုင်းများက တဝူးဝူး တိုက်ခတ်နေသော လေပြင်းများထဲတွင် ရှုပ်ထွေးစွာ ဆန့်တန်းနေကြရာ တစ္ဆေအရိပ်များ တစ်အုပ်လုံး လှုပ်ရှားနေသကဲ့သို့ ဖြစ်နေသည်။</p> <p>ဤကဲ့သို့ နက်ရှိုင်းသော ညအမှောင်ထုထဲတွင် ချင်မင်က ပြတ်သားစွာ ဓားခုတ်လိုက်ရာ မှောင်မည်းနေသော ကောင်းကင်ယံကို လျှပ်စီးတစ်ကြောင်း ဖောက်ထွင်းသွားသကဲ့သို့ ဖြစ်သွားပြီး စောစောက ဖိနှိပ်ထားသော ခံစားချက်ကို မျက်စိတစ်မှိတ်အတွင်း ချိုးဖျက်ပစ်လိုက်သည်။</p> <p>အမည်းရောင် မြူခိုးကလည်း ထိုအချိန်တွင် အတိအကျပင် ပြေးဝင်လာပြီး ပြင်းထန်သော မကောင်းသည့် ရည်ရွယ်ချက်များဖြင့် သူတို့နှစ်ဦးကို ဖုံးလွှမ်းကာ ကြီးမားလှသော အရိပ်အမည်းကြီးထဲတွင် ဝါးမြိုပစ်ရန် ကြိုးစားလာသည်။</p> <p>ဤကဲ့သို့ ကြယ်ရောင်လရောင် မရှိသော ပတ်ဝန်းကျင်တွင် အခြားလူများက သဘာဝအားဖြင့် ဘာကိုမှ မမြင်တွေ့နိုင်ကြသော်လည်း ချင်မင်ကတော့ အလွန် ရှင်းလင်းစွာ မြင်တွေ့နေရသည်။ ထို့အပြင် အမည်းရောင် မြူခိုး၏ အေးစက်မှုကိုလည်း ခံစားနေရပြီး အနီးသို့ ရောက်လာသောအခါ အရိုးထိတိုင် အေးစိမ့်သွားသော အအေးဒဏ်ကို ခံစားလိုက်ရသည်။</p> <p>ရွှတ်ခနဲ အသံနှင့်အတူ ပူနေသော ဓားဖြင့် ထောပတ်ကို လှီးဖြတ်လိုက်သကဲ့သို့ သတ္တုဆိုးဆေးများ သုတ်လိမ်းထားသော ဓားမြှောင်လေးက အမည်းရောင် မြူခိုးထဲသို့ နစ်ဝင်သွားရာ အေးစက်သော အအေးဓာတ်များ ပွက်ပွက်ဆူလာစေသည်။</p> <p>အဘိုးကြီးလျူက အော်ဟစ်လိုက်သည်။</p> <p>"ဘာဖြစ်တာလဲဟ"</p> <p>သူက အံ့ဩစရာကောင်းလောက်အောင် အလျင်အမြန် တုံ့ပြန်နိုင်ခဲ့ပြီး ရွှတ်ခနဲ အသံနှင့်အတူ တစ်ချိန်တည်းမှာပင် ဓားမကြီးကို ဆွဲထုတ်ကာ ချင်မင်၏ နောက်မှနေ၍ ထိုဗလာနယ်ဆီသို့ ခုတ်ပိုင်းလိုက်သည်။</p> <p>သို့သော် သူ၏ လက်ထဲမှ ဓားမကြီးက အမည်းရောင် မြူခိုးထဲသို့ နစ်ဝင်သွားသော်လည်း လေထဲကို ခုတ်လိုက်ရသကဲ့သို့ ဖြစ်သွားပြီး ဘာကိုမှ မထိခိုက်မိချေ။</p> <p>ချင်မင်က အော်ဟစ်လိုက်သည်။</p> <p>"အဘိုး မြန်မြန် နောက်ဆုတ်"</p> <p>ထိုအချိန်မှာပင် သူက အလွန် စူးရှသော အော်ဟစ်သံကို ကြားလိုက်ရပြီး အမည်းရောင် မြူခိုးက အလျင်အမြန် ကျုံ့ဝင်သွားကာ လူ့ပုံစံတစ်ခုအဖြစ် ပြောင်းလဲသွားသည်။</p> <p>အဘိုးကြီးလျူက အလွန် စကားနားထောင်ပြီး ချက်ချင်း ဓားကို ရုပ်ကာ ပြတ်သားစွာ နောက်ဆုတ်သွားသည်။</p> <p>အဘယ်ကြောင့်ဆိုသော် သူက ဘာကိုမှ မမြင်ရသလို ဘာကိုမှလည်း မကြားရဘဲ ဘာဖြစ်နေမှန်း မသိသော်လည်း ပင်ကိုယ်အသိစိတ်အရ အခြေအနေက အလွန် ဆိုးရွားနေပြီး အလွန် ပုံမှန်မဟုတ်ကြောင်းကို သူ သတိပြုမိသွားသောကြောင့် ဖြစ်သည်။</p> <p>အမည်းရောင် မြူခိုးထဲမှ အမျိုးသားတစ်ဦး ပေါ်လာသည်။ လူ့ပုံစံ ကောက်ကြောင်းက အနည်းငယ် ဝေဝါးနေသော်လည်း ချင်မင်၏ အမြင်အာရုံဖြင့် ရှင်းလင်းစွာ မြင်တွေ့နိုင်သည်။ ထိုသူက လူငယ်တစ်ဦးဖြစ်ပြီး မျက်နှာတွင် အလွန် နာကျင်နေသော အမူအရာ ရှိနေကာ အေးစက်သော မျက်လုံးများဖြင့် သူ့ကို ကြည့်နေသည်။</p> <p>ချင်မင်၏ လက်ထဲမှ ဓားမြှောင်က သူ၏ ခန္ဓာကိုယ်ထဲသို့ ဝင်ရောက်သွားရာ အမည်းရောင် မြူခိုးများဖြင့် ဖွဲ့စည်းထားသော လူ့ပုံစံ သတ္တဝါက အံ့ဩဖွယ်ရာ သွေးများ အမြောက်အမြား ထွက်ကျလာပြီး မြေပြင်ပေါ်သို့ ပေကျံသွားသည်။</p> <p>ထိုမြင်ကွင်းကြောင့် ချင်မင် မျက်နှာပျက်သွားရသည်။</p> <p>လူငယ်က ပါးစပ်ဟလိုက်ချိန်တွင် အမည်းရောင် မြူခိုးတစ်အုပ်ကို မှုတ်ထုတ်လိုက်ရာ မင်ရည်အရောင်ရှိသော မြားတစ်စင်းအဖြစ် ပြောင်းလဲသွားပြီး ချင်မင်၏ မျက်ခုံးနှစ်ခုကြားသို့ ပစ်လွှတ်လိုက်သည်။ အေးစက်ပြီး မှောင်မည်းကာ အရိုးထိတိုင် အေးစိမ့်သွားသော အအေးဒဏ်များ ပါဝင်နေသည်။</p> <p>ချင်မင်က ခေါင်းကို စောင်းလိုက်ပြီး အမည်းရောင် မြူခိုးများဖြင့် ဖွဲ့စည်းထားသော မြားကို ရှောင်တိမ်းလိုက်သည်။ တစ်ချိန်တည်းမှာပင် သိုးဆီကျောက်စိမ်းသံဓားကို အပြင်းအထန် တုန်ခါလိုက်ရာ ၎င်းအပေါ်တွင် ကပ်နေသော သတ္တုဆိုးဆေးများ အားလုံး ကွာကျသွားသည်။</p> <p>ဤအရာအားလုံးက လျှပ်စီးလက်သကဲ့သို့ မျက်စိတစ်မှိတ်အတွင်း ဖြစ်ပျက်သွားခြင်း ဖြစ်သည်။ အမည်းရောင် မြူခိုးက အသံမထွက်ဘဲ ခုန်အုပ်လာချိန်တွင် ချင်မင်က နောက်ပြန် ဓားတစ်ချက် ခုတ်လိုက်သည်။ အကြောင်းပြချက်မရှိ ပုံပေါ်လာသော အမျိုးသားက ချက်ချင်း တန်ပြန်တိုက်ခိုက်ပြီး သူ့ကို သတ်ဖြတ်ရန် ကြိုးစားလာသည်။ ဖြစ်စဉ်အတွင်း အနည်းငယ်မျှပင် နှောင့်နှေးကြန့်ကြာမှု မရှိဘဲ သူတို့အားလုံးက ချက်ချင်း တုံ့ပြန်ခဲ့ကြခြင်း ဖြစ်သည်။</p> <p>ချင်မင်က ကြီးမားလှသော အန္တရာယ်ကို သတိပြုမိသွားပြီး သူ သေချာပေါက် သေသွားနိုင်ကြောင်း ခံစားလိုက်ရသည်။ ဤကဲ့သို့သော မသိရသေးသည့် အရာများက အကြောင်းပြချက်မရှိ ဖိနှိပ်ထားသော ခံစားချက်ကို ယူဆောင်လာပြီး သေမင်း၏ အငွေ့အသက်များကို တကယ်ပင် ခံစားမိစေသည်။</p> <p>သို့သော် သူ ဓားကို တုန်ခါလိုက်သည်နှင့် အလျင်အမြန် ပြောင်းလဲသွားစေသည်။ သူ့ဆီသို့ ပြေးဝင်လာသော အေးစက်ပြီး မှောင်မည်းသည့် မြူခိုးများနှင့် အလွန်အမင်း အေးစက်သော အငွေ့အသက်များက အလျင်အမြန် အားနည်းလာသည်။</p> <p>ညအမှောင်ထုထဲတွင် တောက်ပသော ဓားအလင်းတန်းများ ပေါ်ထွက်လာပြီး တောက်လောင်နေသော မီးတောက်များကဲ့သို့ ဤသစ်တောကို လင်းထိန်သွားစေသည်။</p> <p>ချင်မင်၏ လက်ထဲမှ သိုးဆီကျောက်စိမ်းသံဓားက ဆိုးဆေးများ ကွာကျသွားပြီးနောက် ထိုသတ္တဝါမျိုးနှင့် တွေ့သောအခါ လုံးဝ ကွာခြားသွားသည်။</p> <p>ထိုဖြစ်စဉ်အတွင်း အမည်းရောင် မြူခိုးများဖြင့် ဖွဲ့စည်းထားသော လူငယ်က သဘာဝကျကျ နောက်ဆုတ်သွားပြီး ထိုဓားမှ လွတ်ကင်းအောင် ကြိုးစားနေသည်။ သို့သော် ဓားအလင်းတန်းများက မီးတောက်များကဲ့သို့ တောက်လောင်လာသောအခါ သူ၏ ပုံရိပ်က တွန့်လိမ်သွားပြီး အဆက်မပြတ် တုန်ယင်နေတော့သည်။</p> <p>"ရပ်လိုက်..."</p> <p>သူက စူးရှစွာ အော်ဟစ်နေပြီး ပြင်းပြင်းထန်ထန် ရုန်းကန်ကာ အမည်းရောင် မြူခိုးအဖြစ် ပြန်လည်ပြောင်းလဲပြီး ကောင်းကင်သို့ ပျံတက်ရန် ကြိုးစားသော်လည်း ကျရှုံးသွားသည်။</p> <p>ချင်မင်က ဘယ်လိုလုပ် ရပ်တန့်မည်နည်း။ လူငယ် မြေပြင်ပေါ်သို့ ကျလာသော သွေးများက လေတိုက်သည်နှင့် ပြာများကဲ့သို့ ပျောက်ကွယ်သွားပြီး တကယ့် လူသွေး မဟုတ်ကြောင်း သူ တွေ့ရှိလိုက်သည်။</p> <p>ဒါကြီးက တကယ်ကို ဘာကြီးလဲ။</p> <p>ထိုကဲ့သို့ ဝေးလံခေါင်ဖျားသော ဒေသတွင် ကျပန်းတွေ့ရသည့် မုဆိုးလူငယ်လေး တစ်ယောက်က ကျောက်စိမ်းသံဓား တစ်လက်ကို ထုတ်ယူလာနိုင်မည်ကို လူငယ်က လုံးဝ မယုံကြည်နိုင်အောင် ဖြစ်နေသည်။</p> <p>သူက မြူခိုးအဖြစ် ပြောင်းလဲ၍ မရတော့ဘဲ အစွမ်းကုန် နောက်ဆုတ်ကာ လူ၏ ခန္ဓာကိုယ် လှုပ်ရှားမှုများဖြင့် အချုပ်အနှောင်ကို ရုန်းထွက်ပြီး ဤတောက်ပနေသော ဓားနှင့် ဝေးရာသို့ သွားရန် ကြိုးစားနေသည်။</p> <p>ချင်မင်က ဤဓားကို သွန်းလုပ်ပြီးနောက်ပိုင်း တစ်ခါမှ အသုံးမပြုရသေးရာ ၎င်း၏ လက္ခဏာများကို လုံးဝ မသိခဲ့ချေ။ ယခု အကြောင်းပြချက်မရှိ ပေါ်လာသော သတ္တဝါကို ခုတ်ပိုင်းလိုက်ပြီးနောက်မှ ၎င်း၏ အံ့ဩဖွယ် အသုံးဝင်မှုကို တွေ့ရှိသွားခြင်း ဖြစ်သည်။</p> <p>သူ၏ ကောင်းကင်အလင်း စွမ်းအင်က ထိုဓားထဲသို့ အလွန် ချောမွေ့စွာ ဝင်ရောက်နိုင်နေသည်။ အကယ်၍ အခြား လက်နက်များသာဆိုလျှင် ဒီအဆင့်တွင် လုံးဝ မဖြစ်နိုင်ချေ။</p> <p>သေချာတာပေါ့ သူ၏ ကောင်းကင်အလင်း စွမ်းအင်က ကျောက်စိမ်းသံဓားက ဤလူငယ်အပေါ် သက်ရောက်သည့် သတ်ဖြတ်နိုင်စွမ်းလောက်တော့ မပြင်းထန်ချေ။ သို့သော် ၎င်းကြောင့် သူက နည်းလမ်းများစွာကို အသုံးပြုနိုင်လာသည်။ ဥပမာအားဖြင့် သူ၏ ကိုယ်ပိုင် ကောင်းကင်အလင်း စွမ်းအင်၏ စေးကပ်ရစ်ပတ်ခြင်း သတ္တိမျိုး ဖြစ်သည်။</p> <p>ချင်မင်က ကျောက်စိမ်းသံဓားကို ဝှေ့ယမ်းလိုက်ရာ ဖြူဖွေးသော အလင်းတန်းများ ထွက်ပေါ်လာပြီး ရုန်းထွက်ရန် ကြိုးစားနေသော လူငယ်ကို စေးကပ်ရစ်ပတ်ထားလိုက်ရာ တစ္ဆေကို မီးရှို့နေသကဲ့သို့ ဖြစ်နေသည်။</p> <p>"မလုပ်နဲ့ ရပ်လိုက်"</p> <p>လူငယ်က ထိတ်လန့်တုန်လှုပ်စွာဖြင့် အပြင်းအထန် ရုန်းကန်နေသည်။</p> <p>သို့သော် ချင်မင်က လုံး၀ မရပ်တန့်ရဲပေ။ ဒါက ဘာသတ္တဝါကြီးမှန်း သူ လုံးဝ မသိချေ။ အကယ်၍ သူ့ကို ထွက်ပြေးခွင့် ပြုလိုက်မည်ဆိုလျှင် မိမိကိုယ်တိုင် အန္တရာယ် ရှိလာမည် ဖြစ်သည်။</p> <p>လူငယ်က အကြိမ်ပေါင်းများစွာ လက်ကို မြှောက်ကာ ပါးစပ်ကို ဟပြီး အမည်းရောင် မြူခိုးများ ထုတ်လွှတ်၍ ချင်မင်ကို တိုက်ခိုက်ရန် ကြိုးစားသော်လည်း ဓားအလင်းတန်းများက အားလုံးကို လောင်ကျွမ်းသွားစေသည်။</p> <p>သူ တစ်ကိုယ်လုံး မီးတောက်များ ဖုံးလွှမ်းနေပြီး ယခုအခါ ပူနေသော ဓားဖြင့် ထောပတ်ကို လှီးဖြတ်နေသည်ထက် မီးရဲနေသော ဓားကိုယ်ထည်က မြက်ခြောက်များထဲသို့ ကျသွားပြီး မီးစွဲလောင်သွားသည်နှင့် ပို၍ တူနေသည်။</p> <p>ချင်မင်က ဖြတ်တောက်ခြင်း စွမ်းအင်ကို အသုံးပြု၍ ကျောက်စိမ်းသံဓားကို လူငယ်၏ ခန္ဓာကိုယ်ထဲတွင် ကန့်လန့်ဖြတ် ခုတ်ပိုင်းကာ နေရာအနှံ့ မီးရှို့နေသည်။ အမည်းရောင် မြူခိုးများ လှုပ်ရှားလာပြီး လူငယ်က အသေအလဲ ရုန်းထွက်ရန် ကြိုးစားတိုင်း သူက ပိုးကြိုးရစ်ပတ်ခြင်း စွမ်းအင်နှင့် စေးကပ်ရစ်ပတ်ခြင်း စွမ်းအင်အဖြစ် ပြောင်းလဲကာ သူ့ကို တင်းကျပ်စွာ ချုပ်ထားလိုက်သည်။</p> <p>သိသာလှသည်မှာ ကောင်းကင်အလင်းများက ညအမှောင်ထုကို ဖောက်ထွင်းပြီး ဝိညာဉ်ဓာတ်ရှိသော တောင်ကြီးထဲသို့ ကျဆင်းလာသောအခါ အားဖြည့်ပေးလိုက်သည့် လျှို့ဝှက်ဆန်းပြားသော ပစ္စည်းများ အားလုံးတွင် ခန့်မှန်း၍မရသော စွမ်းအားများ ပါဝင်နေသည်။</p> <p>ထိုအချိန်တွင် ချင်မင်က ယခင်က ချောင်လုံ၊ မုချင်းတို့ ပြောခဲ့သော စကားများကို အလွန် နက်ရှိုင်းစွာ ခံစားနားလည်သွားပြီ ဖြစ်သည်။<br /> (သိုးဆီကျောက်စိမ်းသံဓားကို ကျောက်စိမ်းဖြူသံမဏိဓား လို့ ပြောင်းသုံးပါမယ် မူရင်းရဲ့ အခေါ်အဝေါ်က ဖတ်ရတာ အဆင်မပြေလို့ပါ)</p> <p>ကျောက်စိမ်းဖြူသံမဏိဓားက အလင်းတန်းများ ဖြာထွက်နေပြီး အမည်းရောင် မြူခိုးများဖြင့် ဖွဲ့စည်းထားသော အမျိုးသားကို လုံးဝ အသေအလဲ ဖိနှိပ်ထားသည်။</p> <p>အဝေးမှ အဘိုးကြီးလျူက ကြက်သီးထနေသည်။ သူ ဘာကိုမှ မမြင်ရဘဲ ချင်မင်၏ ဖြူဖွေးသော ဓားမြှောင်က တောက်ပလာပြီးနောက် မီးတုတ်တစ်ခုအဖြစ် ပြောင်းလဲသွားသည်ကိုသာ မြင်တွေ့ရသည်။</p> <p>"ငါက ဘယ်လိုဖြစ်လို့ မျက်လုံးနှစ်လုံးစလုံး ကန်းနေသလို ဘာမှ မမြင်ရတာလဲ"</p> <p>ချင်မင်က သူ၏ စကားကို ကြားသောအခါ အမည်းရောင် မြူခိုးများဖြင့် ဖွဲ့စည်းထားသော လူငယ်က မျှော်လင့်ထားသည်ထက် ပိုမို ကြောက်စရာကောင်းကြောင်း ချက်ချင်း သတိပြုမိသွားသည်။ သာမန်လူများက လုံးဝ သတိမထားမိနိုင်ရာ ဘယ်လိုလုပ် ရင်ဆိုင်နိုင်မလဲ။</p> <p>လူငယ်က မျှော်လင့်ချက်မဲ့သွားပြီ ဖြစ်သည်။ အဘယ်ကြောင့်ဆိုသော် တစ်ကိုယ်လုံး မီးလောင်နေပြီး သူ ရုန်းထွက်၍ မရသောကြောင့် ဖြစ်သည်။</p> <p>"နေမရှိတဲ့ ခေတ်ကြီးမှာ ငါ ဒီအဆင့်ကို ရောက်လာပြီးမှ အပြင်ထွက်တာ အရမ်း ဘေးကင်းသင့်တာ ဘယ်လိုဖြစ်လို့ ဒီနေရာမှာ ဘေးဒုက္ခ ကြုံရတာလဲ..."</p> <p>သူ အလွန် နာကျင်နေပြီး ထိုကဲ့သို့ မသေချင်သည်မှာ သဘာဝပင် ဖြစ်ရာ ချိန်ဆကြည့်ပြီးနောက် တစ်ခုခုကို စွန့်လွှတ်လိုက်ရတော့သည်။</p> <p>ချင်မင်က အော်မေးလိုက်သည်။</p> <p>"မင်းက ကိုယ်ပိုင် ရုပ်ခန္ဓာ မမြင်ရဘဲ မိသားစုကြီးတွေတောင် ကြောက်ရတဲ့ အဲဒီအကောင်မျိုးလား"</p> <p>လူငယ်က အော်ဟစ်လိုက်သည်။</p> <p>"ငါက အဲဒီလို အရာမျိုး မဟုတ်ဘူး ငါက လူ မင်း မြန်မြန် ရပ်ပြီး ငါပြောတာ နားထောင်ဦး"</p> <p>ချင်မင် ကြားသောအခါ ဓားကို ပို၍ ပြင်းပြင်းထန်ထန် ဝှေ့ယမ်းလိုက်ပြီး သူ၏ ခန္ဓာကိုယ်ထဲတွင် ဓားသိုင်းများ အသုံးပြုကာ ကန့်လန့်ဖြတ် ခုတ်ပိုင်းပြီး ဓားသိုင်းကျမ်းပေါ်ရှိ ဓားတာအို၏ စိတ်သဘောထားကိုပါ အသုံးပြုလိုက်သည်။</p> <p>အမည်းရောင် မြူခိုးများဖြင့် ဖွဲ့စည်းထားသော အမျိုးသားက တကယ်ကို ဆဲဆိုချင်နေပြီ ဖြစ်သည်။ ဘာဖြစ်လို့ လူ လို့ ပြောတာကို ပိုပြီး ပြင်းပြင်းထန်ထန် ပစ်မှတ်ထား ခံနေရတာလဲ။</p> <p>ချင်မင်က ပြောလိုက်သည်။</p> <p>"မင်းလို လူမျိုးက သရဲထက်တောင် ပိုကြောက်စရာကောင်းတယ်"</p> <p>လူငယ်က အလောတကြီး အော်ဟစ်လိုက်သည်။</p> <p>"ငါက နတ်လမ်းစဉ်ကျင့်..."</p> <p>သူ အလွန် ထိတ်လန့်နေသော်လည်း စကားပြောရန် အချိန်မမီတော့ချေ။ အဘယ်ကြောင့်ဆိုသော် ခန္ဓာကိုယ်က ကျောက်စိမ်းဖြူသံမဏိဓားမှ ဖြာထွက်နေသော မီးတောက်များကြောင့် လုံးဝ လောင်ကျွမ်း ပျောက်ကွယ်တော့မည် ဖြစ်သောကြောင့် ဖြစ်သည်။</p> <p>ချင်မင်က အဓိပ္ပာယ်မရှိဟု ထင်လိုက်သည်။ သူ၏ လက်ထဲမှ ဓားက အမျိုးသား၏ ဦးခေါင်းထဲသို့ အကြိမ်ကြိမ် ခုတ်ပိုင်းဝင်ရောက်သွားသော်လည်း တစ်ဖက်လူက အံ့ဩဖွယ်ရာ ဘာမှမဖြစ်ဘဲ နောက်ဆုံးတွင် အလင်းမီးတောက်များကို အားကိုး၍သာ သူ့ကို မီးရှို့သတ်ပစ်နိုင်တော့မည် ဖြစ်သည်။</p> <p>"ဖောင်း"</p> <p>နောက်ဆုံးအချိန်တွင် အမျိုးသားက အံ့ဩဖွယ်ရာ ကိုယ့်ကိုယ်ကိုယ် ပေါက်ကွဲပစ်လိုက်ပြီး ထိုထူထပ်သော မြူခိုးခန္ဓာကိုယ်ကို စွန့်လွှတ်လိုက်ကာ အဝတ်စုတ်တစ်ခုက သူ၏ အနှစ်သာရ အနည်းငယ်ကို ရစ်ပတ်ပြီး ရုန်းထွက်ကာ ညကောင်းကင်ယံသို့ ပျံတက်ရန် ကြိုးစားသည်။</p> <p>သို့သော် သူက အလွန် အားနည်းနေပြီဖြစ်ရာ ထူးဆန်းသော အဝတ်စုတ်ကို အသုံးပြုရာတွင် အမြန်နှုန်းက ပုံမှန်ထက် အများကြီး နှေးကွေးနေသည်။</p> <p>ချင်မင်က လျှပ်စီးကဲ့သို့ မြန်ဆန်စွာ တုံ့ပြန်လိုက်ပြီး ဓားတစ်ချက်တည်းဖြင့် ခုတ်ချလိုက်သည်။</p> <p>"ဟင်"</p> <p>လက်ဝါးအရွယ်ရှိသော အဝတ်စုတ်က ဘာမှမဖြစ်ကြောင်း သူ တွေ့ရှိလိုက်သည်။ ၎င်းက ပြုတ်ကျလာသော်လည်း အမည်းရောင် မြူခိုးတစ်အုပ်ကို ရစ်ပတ်ထားဆဲဖြစ်ပြီး ထပ်မံ ပျံတက်ရန် ကြိုးစားနေဆဲ ဖြစ်သည်။</p> <p>ချင်မင်က ကောင်းကင်အလင်းထဲရှိ စေးကပ်ရစ်ပတ်ခြင်း စွမ်းအင်ကို အသုံးပြု၍ ၎င်းကို ပြန်လည် ရစ်ပတ်ယူဆောင်လာပြီးနောက် ဆူးချွန် စွမ်းအင်ကို အသုံးပြုလိုက်ရာ ဓားသွားက အဝတ်စုတ် လုံခြုံစွာ မရစ်ပတ်ထားနိုင်သော အက်ကွဲကြောင်းမှတစ်ဆင့် ထိုးဖောက်ဝင်ရောက်သွားသည်။</p> <p>"အား ရပ်လိုက် ငါက နတ်လမ်းစဉ်ကျင့်ကြံ..."</p> <p>လူငယ်က အော်ဟစ်လိုက်သော်လည်း ဘာမှ မပြောင်းလဲနိုင်တော့ဘဲ နောက်ဆုံး အမည်းရောင် မြူခိုးများ အားလုံး လောင်ကျွမ်းသွားတော့သည်။</p> <p>လက်ဝါးအရွယ်ရှိသော အဝတ်စုတ်လေးက မြေပြင်ပေါ်သို့ ပြုတ်ကျလာပြီး မြူခိုးများဖြင့် ဖွဲ့စည်းထားသော လူငယ်က လုံးဝ မပေါ်လာခဲ့ဖူးသကဲ့သို့ ဖြစ်သွားသည်။</p> <p>ချင်မင်က ကျောက်စိမ်းဖြူသံမဏိဓားကို တင်းတင်းကျပ်ကျပ် ဆုပ်ကိုင်ထားပြီး မျက်နှာအမူအရာက လေးနက်နေသည်။ သူက လူငယ်၏ လာရာလမ်းကြောင်းကို ခန့်မှန်းကြည့်လိုက်ရာ အကြမ်းဖျင်းအားဖြင့် နတ်လမ်းစဉ်ကျင့်ကြံသူ ဖြစ်လောက်သည်။</p> <p>ဒါက သူ ထင်ထားသည်နှင့် မတူချေ။ တစ်ဖက်လူက မမြင်ရသော အကြောင်းပြချက်မရှိသည့် အရာ မဟုတ်ဘဲ တကယ့် လူသားတစ်ဦး ဖြစ်သော်လည်း သူ၏ အခြေအနေက အလွန် အထူးဆန်း ဖြစ်နေသည်။</p> <p>ချင်မင်၏ ရင်ထဲတွင် လေးလံသွားပြီး တွေးလိုက်သည်။</p> <p>"နတ်လမ်းစဉ်ကျင့်ကြံသူတွေက ဒီလောက်တောင် ရင်ဆိုင်ရ ခက်တာလား"</p> <p>ထိုလူက တကယ်ပဲ ပျံသန်းနိုင်ပြီး သာမန်လူများက မမြင်တွေ့နိုင်ရာ ဘယ်လိုလုပ် ရင်ဆိုင်နိုင်မည်နည်း။</p> <p>အဘိုးကြီးလျူက ဓားမကြီးဖြင့် ထိုလူကို ခုတ်ပိုင်းခဲ့သော်လည်း လေကို ခုတ်ပိုင်းလိုက်သကဲ့သို့ ဘာအကျိုးသက်ရောက်မှုမှ မရှိခဲ့ချေ။</p> <p>ချင်မင် ငြိမ်သက်စွာ ရပ်နေပြီး မျက်နှာအမူအရာက ယခင်ကထက် ပိုမို လေးနက်နေသည်။ အဘယ်ကြောင့်ဆိုသော် သူ၏ ပြိုင်ဘက် တစ်ဦးကလည်း နတ်လမ်းစဉ်ကျင့်ကြံသူ ဖြစ်သောကြောင့် ဖြစ်သည်။</p> <p>ထိုညက လူခေါ်လာပြီး ရွာတစ်ရွာလုံးကို မီးရှို့ခဲ့သော၊ လောကီအညစ်အကြေးများနှင့် ကင်းစင်နေသည့် အမွေးအတောင် အင်္ကျီနှင့် လူငယ်လေးက အကယ်၍ ဤလမ်းကြောင်းအတိုင်း သွားနေသည်ဆိုလျှင် နောင်ကျရင် သေချာပေါက် ထိုနည်းလမ်းများကို တတ်မြောက်လာမည်ဖြစ်ပြီး သေဆုံးသွားသော ဒီလူငယ်ထက် အများကြီး ပိုမို အစွမ်းထက်လာမည် ဖြစ်သည်။</p> <p>စောစောက ချင်မင်က မိမိ လျင်မြန်စွာ အစွမ်းထက်လာခြင်းအတွက် ဝမ်းသာနေခဲ့ပြီး အချိန်တိုအတွင်းမှာပင် ထူးခြားသော အောင်မြင်မှုများ ရရှိခဲ့သည်ဟု ထင်နေခဲ့သော်လည်း ယခုအခါ အေးစက်သော လေပြင်းများက နှင်းပွင့်များကို သယ်ဆောင်လာပြီး မျက်နှာပေါ်သို့ ရိုက်ခတ်လာသောအခါ သူ သတိပြန်ဝင်လာသည်။ ကျေနပ်နေ၍ မရသေးဘဲ ပိုမို အစွမ်းထက်လာရန် လိုအပ်နေသေးသည်။</p> <p>အဘယ်ကြောင့်ဆိုသော် သူ နောင်တွင် ရင်ဆိုင်ရမည့် ထိုအင်အားစုကြီးက တကယ်ကို လျှို့ဝှက်ဆန်းပြားပြီး ခန့်မှန်း၍ မရသောကြောင့် ဖြစ်သည်။</p> <p>ချင်မင်က ပိုးထည်ကျမ်းစာ ဘာကြောင့် ပေါ်လာရသလဲဆိုသည်ကို စဉ်းစားမိလိုက်သည်။ အဘိုးကြီး အချို့က မိမိတို့ သွားနေသော လမ်းကြောင်းတွင် လိုအပ်ချက်များစွာ ရှိနေသေးသည်ဟု ထင်မြင်ကာ အတောက်ပဆုံးသော လမ်းကြောင်း အချို့နှင့် ယှဉ်ပြိုင်နိုင်ရန် ကျင့်စဉ်သစ်ကို ပူးပေါင်း ဖော်ထုတ်ခဲ့ခြင်း ဖြစ်သည်။</p> <p>ချင်မင်က ကိုယ့်ကိုယ်ကိုယ် ပြန်ပြောလိုက်သည်။</p> <p>"နတ်လမ်းစဉ်ကျင့်ကြံသူတွေရဲ့ နည်းလမ်းတွေက တကယ်ကို လျှို့ဝှက်ဆန်းပြားပြီး ကြောက်စရာကောင်းတယ်"</p> <p>သူ၏ လမ်းခရီးက အလွန် ရှည်လျားနေသေးပြီး ခြေတစ်လှမ်းချင်းစီ ပိုမို မြင့်မားသော နေရာသို့ တက်လှမ်းသွားရန် လိုအပ်သည်။</p> <p>အဘိုးကြီးလျူက ဓားမကြီးကို ကိုင်၍ လျှောက်လာပြီး မေးလိုက်သည်။</p> <p>"ရှင်းလင်းပြီးပြီလား အဲဒါက ဘာကောင်ကြီးလဲ ငါက မျက်လုံးကန်းနေတဲ့ လူတစ်ယောက်လိုပဲ တစ္ဆေအရိပ်လေးတောင် မမြင်ရဘူး"</p> <p>ချင်မင်က ပြောပြလိုက်သည်။</p> <p>"နတ်လမ်းစဉ်ကျင့်ကြံသူပဲ"</p> <p>အဘိုးကြီးလျူ၏ မျက်နှာအမူအရာက လေးနက်သွားပြီး ပြောလိုက်သည်။</p> <p>"နောက်ခံက... တကယ် မသေးဘူးပဲ"</p> <p>ဒီလို လူမျိုးကိုများ သွားစမိတာလား။</p> <p>ချင်မင်က ကျောက်စိမ်းဖြူသံမဏိဓားဖြင့် ထိုအဝတ်စုတ်ကို ကော်ယူလိုက်ပြီး သူ၏ ကောင်းကင်အလင်း စွမ်းအင်ကို အသုံးပြုလိုက်ရာ ဓားကိုယ်ထည်က ဖြူဖွေးစွာ တောက်ပလာသော်လည်း အဝတ်စုတ်က ဘာတုံ့ပြန်မှုမှ မရှိချေ။</p> <p>အဘိုးကြီးလျူ၏ ရင်ထဲတွင် လှိုင်းတံပိုးများ ထန်နေပြီး သူ့ရှေ့မှ ချင်မင်ကို အနည်းငယ် စိမ်းသက်နေသည်ဟု ခံစားလိုက်ရသည်။ ထိုကဲ့သို့ ထူးဆန်းသော ဓားတစ်လက်ကို သွန်းလုပ်နိုင်ခဲ့ပြီး မမြင်ရသော နတ်လမ်းစဉ်ကျင့်ကြံသူတစ်ဦးကိုပင် သတ်ဖြတ်ခဲ့သေးသည်။</p> <p>သို့သော် သူက အသက်အရွယ် ကြီးရင့်နေပြီဖြစ်ပြီး အမည်းနှင့် အဖြူရောင် တောင်တန်းကြီးကို နှစ်ပေါင်းများစွာ စောင့်ရှောက်လာခဲ့ရာ ပုံမှန်မဟုတ်သော ကိစ္စများကို အများအပြား ကြားဖူးခဲ့သဖြင့် စိတ်ခံစားမှုများက အလျင်အမြန် ပြန်လည် တည်ငြိမ်သွားသည်။</p> <p>ချင်မင်က ဓားပေါ်ရှိ အဝတ်စုတ်ကို သေသေချာချာ အကဲခတ်ကြည့်လိုက်ရာ အလွန် မရိုးရှင်းကြောင်း တွေ့ရှိရသည်။ သတ္တုကြိုးများ ရက်လုပ်ထားပြီး တိမ်တိုက်ပုံစံများ ထိုးထားကာ အခြား ပုံစံများလည်း ပါဝင်လောက်သော်လည်း အဝတ်စုတ်က သေးငယ်လွန်းသဖြင့် အဓိကပုံစံက ဘာလဲဆိုတာ မသိနိုင်ချေ။</p> <p>အဘိုးကြီးလျူက မေးလိုက်သည်။</p> <p>"ငါတို့ ရွာအရင် ပြန်ကြမလား"</p> <p>ချင်မင်က ခေါင်းခါလျက် ပြန်ဖြေလိုက်သည်။</p> <p>"ယင်ထိန်မြို့နယ်ကိုပဲ သွားကြတာပေါ့ မနက်စာ အရင်စားမယ် ပြီးတော့မှ ချိန်းထားတဲ့ အဲဒီမိသားစုဆီ သွားမယ်"</p> <p>အဘိုးကြီးလျူက မေးလိုက်သည်။</p> <p>"မင်း ပြန်ပြီး စိတ်ငြိမ်အောင် မလုပ်ဘူးလား စိတ်က ဒီလောက်တောင် ကြီးတာလားဟ"</p> <p>ချင်မင်က ခေါင်းခါလျက် ပြန်ဖြေလိုက်သည်။</p> <p>"ဘာလို့ စိတ်ငြိမ်အောင် လုပ်နေရမှာလဲ အဲဒီ အမည်မသိ လျှို့ဝှက်ဆန်းပြားမှုတွေကို အခု နားမလည်နိုင်သေးတာက ကျုပ်ရဲ့ အစွမ်းအစက မလုံလောက်သေးလို့ပဲ အခု လျှို့ဝှက်ကျမ်းစာ သွားငှားဖတ်တယ်ဆိုတာက ကိုယ့်ကိုယ်ကိုယ် မြှင့်တင်နေတာပဲ တကယ့်ကို ခရီးစတင်နေတာပဲ"</p> <p> </p> <p> </p> <p style="text-align: center;">***</p>


Save