Book List

<h2 style="text-align: center;">အခန်း ၅၅</h2> <h2 style="text-align: center;">နောက်ထပ် ဘဝတစ်ခု</h2> <h2 style="text-align: center;">*</h2> <p> </p> <p> </p> <p>"အရာခပ်သိမ်းက ယင်ဓာတ်ကို ကျောခိုင်းပြီး ယန်ဓာတ်ကို ဖက်တွယ်ထားတယ် ချီစွမ်းအင်တွေ ရောစပ်ပြီး ဟန်ချက်ညီအောင် လုပ်တယ် ချွေချုံဟယ်"</p> <p>ချင်မင်က လေးနက်စွာ တွေးတောနေပြီး ထို့နောက် လက်ဖက်ရည်နှင့် ဆွတ်ကာ စားပွဲမျက်နှာပြင်ပေါ်တွင် "ချင်မင်" ဆိုသော စကားလုံး နှစ်လုံးကို ထပ်မံ ရေးသားလိုက်သည်။</p> <p>ထိုဝေဝါးပြီး အပိုင်းအစ ဖြစ်နေသော မှတ်ဉာဏ်များထဲတွင် ချွေချုံဟယ် ဆိုသည်က သူ၏ နာမည် ဖြစ်သည်။</p> <p>သူက စားပွဲပေါ်ရှိ စာလုံးများကို ကြည့်ရင်း တွေးလိုက်သည်။</p> <p>"ဘာဖြစ်လို့ ငါက ဒီနေရာမှာ ဒုက္ခရောက်နေပြီး မှတ်မိနေတဲ့ နာမည်က ချင်မင် ဖြစ်နေရတာလဲ ဘယ်အပိုင်းက အစစ်ဖြစ်ပြီး ဘယ်အပိုင်းက အတုလဲ"</p> <p>သူ အဝတ်အစားများ စုတ်ပြဲပြီး တစ်ကိုယ်လုံး သွေးများ ပေကျံကာ အလွန်အမင်း ဒုက္ခရောက်နေချိန်တွင် မိမိနာမည် ချင်မင်ဖြစ်ကြောင်း အမြဲတမ်း မှတ်မိနေခဲ့သည်။ သို့သော် ယခု ဘာကြောင့် နောက်ထပ် ဝေဝါးနေသော ဘဝတစ်ခုကို တဖြည်းဖြည်း မှတ်မိလာရသနည်း။</p> <p>ချင်မင်က စဉ်းစားရင်း လေကို ပြင်းပြင်း ရှူသွင်းလိုက်သည်။ သုံးရောင်ခြယ်ပန်းမှ စီးဆင်းနေသော အရောင်အသွေးစုံလင်သည့် မြူခိုးများတွင် ပြင်းထန်သော မွှေးရနံ့များ ပါဝင်နေပြီး ဤဝေဝါးသော မှတ်ဉာဏ်များ လင်းလက်လာချိန်တွင် ထိုမွှေးရနံ့များက နှာခေါင်းထဲသို့ ဝင်ရောက်လာရာ မြင်ကွင်းက ပို၍ ရင်းနှီးနေသကဲ့သို့ ခံစားလာရသည်။</p> <p>မကြာမီ သူ၏ ရင်ထဲတွင် အတိတ်က အဖြစ်အပျက်တစ်ခု ပေါ်လာသည်။ ပိုးထည်အဝတ်အစားများ ဝတ်ဆင်ထားပြီး လှပသော ကျောက်စိမ်းများ ဆင်ယင်ထားသည့် လူတစ်စုက ရုပ်ရည် နုနယ်သေးသော လူငယ်လေး တစ်ဦးကို ဂရုတစိုက် ကြည့်ရှုနေကြသည်။</p> <p>လူငယ်လေး၏ အရှေ့ရှိ ကျောက်စိမ်းစားပွဲပေါ်တွင် သုံးရောင်ခြယ်ပန်း တစ်ပွင့်နှင့် ပြင်းထန်သော အသက်ဓာတ်များ ပါဝင်သည့် ဆေးရည်တစ်အိုးကို တင်ထားသည်။</p> <p>ချင်မင်က စဉ်းစားလိုက်သည်။ ဒီလူတွေက ဘယ်သူတွေလဲ။ အဲဒီ လူငယ်လေးကကော ဘယ်သူလဲ။ အားလုံးက အတော်လေး ရင်းနှီးနေသကဲ့သို့ ထင်ရသော်လည်း သူ စဉ်းစား၍ မရချေ။</p> <p>အစပိုင်းတွင် သူ ဤဝေးလံခေါင်ဖျားသော ဒေသတွင် သတိရလာပြီးနောက် မိမိနာမည် ချင်မင်ဖြစ်ကြောင်းကို အရင်ဆုံး မှတ်မိခဲ့ပြီး နောက်ပိုင်း အကြိမ်ကြိမ် ဘဝသစ်ရလာသည်နှင့်အမျှ ပိုးထည်ကျမ်းစာနှင့် မိမိ၏ အဘိုးကိုပါ မှတ်မိလာခဲ့သည်။</p> <p>"ငါလည်း အဲဒီနေရာမှာ ရှိနေတယ် ဒါပေမယ့် အဝေးကနေ အဲဒီလူငယ်လေး သုံးရောင်ခြယ်ပန်းနဲ့ အသက်ဓာတ်ပြင်းထန်တဲ့ ဆေးရည်ကို သောက်တာကို တိတ်တဆိတ် ကြည့်နေခဲ့တယ်"</p> <p>ချင်မင်က ထိုမြင်ကွင်းများကို ကြည့်နေစဉ် ပတ်ဝန်းကျင်ရှိ အမျိုးသား၊ အမျိုးသမီး၊ အသက်အရွယ်မရွေး လူအားလုံးက ထိုလူငယ်လေးကို အလွန် အာရုံစိုက်နေကြသည်။</p> <p>ထိုလူများ၏ နောက်ခံက သာမန် မဟုတ်ကြချေ။ အမျိုးသမီး အချို့၏ ခေါင်းပေါ်ရှိ ဆံထုံးများက အလွန် ထူးခြားပြီး ခရမ်းရောင် မြူခိုးများ စီးဆင်းနေသော ငှက်မွေးများကဲ့သို့ဖြစ်ကာ အနီရောင် တိမ်တိုက်များ ရစ်သိုင်းနေသော အလွန် လှပသည့် မက်မွန်ပန်း တစ်ပွင့်လည်း ပါဝင်သည်။</p> <p>"အဲဒီလူငယ်လေးက အသက် ဆယ့်သုံးလေးနှစ်လောက်ပဲ ရှိဦးမယ် ရွှေရောင်အရွယ်ကိုလည်း မရောက်သေးဘူး ဧရာမနတ်ဘုရား လမ်းကြောင်းကိုလည်း မလိုက်ဘူး သူ ဘယ်လိုလုပ်ပြီး အချိန်မတိုင်ခင် ဘဝသစ်ယူရဲရတာလဲ ပြီးတော့ ဒီအဆင့်အထိတောင် ရောက်နေပြီ"</p> <p>ချင်မင်က သံသယ ဝင်သွားသည်။ ဒါက တကယ့် ထိပ်တန်း မိသားစုကြီးများ၏ အခြေခံအုတ်မြစ်များများလား။ သာမန်လူများ မလုပ်နိုင်သော အရာများကို လုပ်နိုင်ကြသည်။</p> <p>သူက ကျောက်စိမ်းသေတ္တာထဲရှိ တစ်ပေခန့် မြင့်သော သုံးရောင်ခြယ်ပန်းကို ငုံ့ကြည့်လိုက်သည်။ ကောင်းကင်အလင်းဖြင့် ပြုစုပျိုးထောင်ခံထားရသဖြင့် အကောင်းဆုံး အဆင့်သို့ ရောက်ရှိနေပြီ ဖြစ်ပြီး တစ်ဖက်လူ၏ ပန်းကလည်း မညံ့ဘဲ အရည်အသွေးက အတူတူလောက် ဖြစ်နေသည်။</p> <p>ချင်မင်က ကျောက်စိမ်းသေတ္တာထဲမှ သုံးရောင်ခြယ်ပန်းကို ထုတ်ယူကာ ကြည်လင်တောက်ပနေသော ပွင့်ချပ်များကို တစ်လွှာချင်းစီ ခူး၍ ပါးစပ်ထဲသို့ ထည့်လိုက်သည်။</p> <p>တကယ်ပင် ဤအထူးနေရာမှ ခူးယူရရှိသော လျှို့ဝှက်ဆန်းပြားသည့် ပစ္စည်းတွင် ကောင်းကင်အလင်း၏ အနှစ်သာရများ ပါဝင်နေပြီး ပါးစပ်ထဲသို့ ရောက်သည်နှင့် မီးလောင်နေသကဲ့သို့ ပူလောင်မှုကို ခံစားလိုက်ရသည်။</p> <p>ချင်မင်က နာကျင်မှုကို ခံစားရသော်လည်း သည်းခံနိုင်သည်ဟု ထင်သဖြင့် နောက်ပိုင်းတွင် ဝမ်းဗိုက်ထဲ၌လည်း မီးလောင်လာပြီး ပြင်းထန်သော ကောင်းကင်အလင်းများက သူ၏ ခန္ဓာကိုယ်ထဲတွင် ပွင့်လန်းလာကာ သူ၏ ရုပ်ခန္ဓာကိုယ်ကို ဖျက်ဆီးပစ်တော့မည့်အတိုင်း ဖြစ်လာသည်။</p> <p>သူ အလွန် တည်ငြိမ်စွာဖြင့် ပွင့်ချပ်များကို ဆက်လက် ခူးယူကာ ပါးစပ်ထဲသို့ သွင်း၍ အဆက်မပြတ် စားသုံးနေသည်။</p> <p>ချင်မင် တစ်ကိုယ်လုံး တောက်ပနေပြီး ၎င်းက ကောင်းကင်အလင်းများ တိုက်ခိုက်နေခြင်း ဖြစ်သည်။ တစ်မျိုးက ညအမှောင်ထုကို ဖောက်ထွင်းပြီး ဝိညာဉ်တောင်ပေါ်သို့ ကျဆင်းလာသော လောကီပြင်ပမှ ကောင်းကင်အလင်း ဖြစ်ပြီး အခြားတစ်မျိုးက လူ့ခန္ဓာကိုယ် ကိုယ်တိုင်မှ ဖြစ်ပေါ်လာသော အတွင်းပိုင်း ကောင်းကင်အလင်း ဖြစ်သည်။</p> <p>"တကယ်ကို နာတယ်"</p> <p>သူ မရပ်တန့်ဘဲ သုံးရောင်ခြယ်ပန်း တစ်ပွင့်လုံးကို စားသုံးပြီးနောက် အရွက်များ၊ အမြစ်များကိုပါ ဝါးစား၍ မျိုချလိုက်သည်။</p> <p>ခဏချင်းမှာပင် ချင်မင်၏ ခန္ဓာကိုယ်ထဲရှိ ကောင်းကင်အလင်း နှစ်မျိုးက ပေါက်ကွဲထွက်တော့မည့် အတိုင်း ဖြစ်လာသော်လည်း သူ၏ ခန္ဓာကိုယ် သွေးသားများက အလွန် ကြံ့ခိုင်သဖြင့် ထိုပုန်ကန်မှုကို ဖိနှိပ်ထားနိုင်ခဲ့ပြီး ပူလောင်သော နာကျင်မှုများကိုသာ ဆက်တိုက် ဖြစ်ပေါ်စေကာ သူ၏ မူလစွမ်းအင်များကို တကယ်တမ်း မထိခိုက်စေခဲ့ချေ။</p> <p>သူ၏ ဝမ်းဗိုက်ထဲတွင် ကောင်းကင်အလင်း နှစ်မျိုးက တစ်ခုနှင့်တစ်ခု ရစ်ပတ်နေပြီး အဆက်မပြတ် လှည့်ပတ်ကာ တစ်ခုကိုတစ်ခု လိုက်ဖမ်းရင်း စက်ဝိုင်းတစ်ခုအဖြစ် ပုံပေါ်လာပြီး နောက်ဆုံးတွင် တစ်ခုတည်းအဖြစ် ပေါင်းစပ်သွားသည်။</p> <p>ဝုန်းခနဲ အသံနှင့်အတူ သူ၏ ခန္ဓာကိုယ်ထဲရှိ ကောင်းကင်အလင်း နှစ်မျိုးက လုံးဝ ပေါင်းစပ်သွားပြီးနောက် ရုတ်တရက် ပေါက်ကွဲထွက်လာကာ သူ၏ ခြေလက်အင်္ဂါ အစိတ်အပိုင်း အားလုံးဆီသို့ ပြေးဝင်သွားပြီး တစ်ကိုယ်လုံးကို ပြန်လည် သန့်စင်ပေးလိုက်သည်။</p> <p>ချင်မင်၏ ကောင်းကင်အလင်း စုစုပေါင်း ပမာဏက မြင့်တက်လာပြီး အလျင်အမြန် ကျယ်ပြန့်လာသည်။</p> <p>၎င်းက သူ၏ သွေးသားများနှင့် စိတ်ဝိညာဉ် ခွန်အားများကို လှုံ့ဆော်ပေးလိုက်ရာ စိတ်နှလုံး ပင်လယ်ထဲတွင် မိုးကြိုးပစ်ချလိုက်သကဲ့သို့ ခန္ဓာကိုယ်ထဲသို့ အလင်းရောင်များ ကျဆင်းလာပြီး ကိုယ်တွင်းအင်္ဂါများနှင့် ခြေလက်များကလည်း အလားတူ တုံ့ပြန်လာကြကာ တစ်ကိုယ်လုံးတွင် ကောင်းကင်အလင်း အသစ်များ ပွင့်လန်းလာတော့သည်။</p> <p>ချင်မင်က ခြံဝင်းထဲသို့ ထွက်လာပြီး ကောင်းကင်အလင်း စွမ်းအား မျိုးစုံကို ဆက်တိုက် ထုတ်ဖော်ပြသလိုက်ရာ ခန္ဓာကိုယ်ကို ဖောက်ထွက်လုနီးပါး ဖြစ်နေပြီး ယခင်ကထက် အများကြီး ပိုမို အစွမ်းထက်လာသည်။</p> <p>"ပေါင်းစပ်"</p> <p>သူ ထိုနေရာတွင် ရပ်ကာ ကောင်းကင်အလင်း စွမ်းအား မျိုးစုံကို စုစည်းလိုက်သည်။</p> <p>တစ်ချိန်တည်းမှာပင် ချင်မင်၏ မျက်စိရှေ့တွင် မြင်ကွင်းအချို့ ထပ်မံ ပေါ်လာပြီး ထိုလူငယ်လေးနှင့် ပိုးထည်အဝတ်အစားများ ဝတ်ဆင်ထားသော အမျိုးသား၊ အမျိုးသမီးများကို ထပ်မံ မြင်တွေ့လိုက်ရသည်။</p> <p>"ကောင်းလိုက်တာ ချုံရွှမ်က တတိယအကြိမ် ဘဝသစ်ရပြီးနောက် ကောင်းကင်အလင်း စွမ်းအား လေးမျိုးကို ပေါင်းစပ်နိုင်ခဲ့တယ် တကယ် အံ့မခန်းပဲ"</p> <p>သူတို့ထဲမှ အဆင့်အတန်း အလွန် မြင့်မားပုံရသော ဆံပင်ဖြူပြီး မျက်နှာနုနယ်သည့် အဘိုးကြီး တစ်ဦးကပင် ချီးကျူးနေသည်။</p> <p>အသက် သုံးဆယ်ကျော်ခန့် အရွယ်ရှိပြီး နန်းတွင်းအဝတ်အစား ဝတ်ဆင်ထားသော အမျိုးသမီး တစ်ဦးက ဆံထုံးကို မြင့်မြင့်ထုံးထားပြီး ရွှေရောင် အလင်းတန်းများ စီးဆင်းနေသော ငှက်မွေးကို ဆံထိုးအဖြစ် အသုံးပြုထားကာ ခေါင်းညိတ်၍ ပြောလိုက်သည်။</p> <p>"ကောင်းကင်အလင်း စွမ်းအား တစ်မျိုးစီက သာမန်လို ထင်ရပေမယ့် ဒါက တိမ်တိုက်ပေါ်ကို တက်လှမ်းမယ့် အစပိုင်း အဆင့်ပဲ ဒီလေးမျိုးကို ပေါင်းစပ်လိုက်တာနဲ့တင် အသုံးမကျတဲ့ အရာကို အံ့ဖွယ်အရာအဖြစ် ကနဦး ပြောင်းလဲနိုင်ပြီ"</p> <p>ထိုလူငယ်လေး၏ နာမည်က ချွေချုံရွှမ် ဖြစ်ပြီး နတ်လမ်းစဉ်ကျင့်ကြံသူများ၏ ရှေးဟောင်းကျမ်းစာထဲမှ စကားလုံးများကို ယူ၍ နာမည်ပေးထားခြင်းပင် ဖြစ်သည်။</p> <p>သူ တစ်ကိုယ်လုံး ချွေးတွေ ရွှဲနေပြီး တဖြည်းဖြည်း တုန်ယင်နေသော်လည်း အခက်အခဲများကို ကျော်ဖြတ်နိုင်ခဲ့ပြီး ကောင်းကင်အလင်း စွမ်းအား လေးမျိုးကို အောင်မြင်စွာ ပေါင်းစပ်နိုင်ခဲ့သည်။</p> <p>အဘိုးကြီးက ပြောလိုက်သည်။</p> <p>"နတ်လမ်းစဉ် ကျင့်ကြံမှု့လမ်းကြောင်းကို မလျှောက်လှမ်းနိုင်ခဲ့ပေမယ့် မင်း တတိယအကြိမ် ဘဝသစ်ရပြီးတာနဲ့တင် ဒီလမ်းကြောင်းပေါ်မှာ ဒီလို အံ့မခန်း စွမ်းဆောင်ရည်မျိုး ပြသနိုင်ခဲ့တယ် အကယ်၍ သတင်း ပေါက်ကြားသွားရင် ကြီးမားတဲ့ ဂယက်ရိုက်ခတ်မှုတွေ ဖြစ်သွားဖို့ လုံလောက်တယ် အရမ်း ကောင်းတယ်"</p> <p>အရှိန်အဝါ ကြီးမားသော လူလတ်ပိုင်းအရွယ် အမျိုးသား တစ်ဦးကလည်း ဝင်ပြောလိုက်သည်။</p> <p>"ဒီလမ်းကြောင်းက အမြင့်ဆုံး အတိုင်းအတာကို မရောက်နိုင်ဘူးလို့ ဘယ်သူ ပြောရဲလဲ ငါ မင်းအတွက် တန်ဖိုးဖြတ်လို့ မရတဲ့ လျှို့ဝှက်ကျမ်းစာ 'အာရုံခြောက်ပါး နှလုံးသားကျင့်စဉ်' ကို ရှာပေးထားတယ် ငါတို့ရဲ့ မျှော်လင့်ချက်တွေကို အလဟဿ မဖြစ်စေနဲ့"</p> <p>ချင်မင်က တိတ်တဆိတ် ကြည့်နေသည်။ ထိုအချိန်က သူက လူအုပ်နှင့် အဝေးကြီးမှ ရပ်ကြည့်နေသော ဘေးလူတစ်ယောက် ဖြစ်လောက်သည်။</p> <p>သူ အတွေးများကို ပြန်ရုပ်သိမ်းလိုက်သည်။ ဘာဖြစ်လို့ ကိုယ့်မှာ အတုအယောင် ဘဝတစ်ခု ပိုနေသလို ဖြစ်နေရတာလဲ။</p> <p>သူက တကယ်ပဲ ချင်မင်လား သို့မဟုတ် ချွေချုံဟယ်လား။</p> <p>ဘာဖြစ်လို့လဲ မသိ သူ အမြဲတမ်း ချွေချုံဟယ် ဆိုသည့် ဘဝက အလွန် စိတ်ကူးယဉ်ဆန်သည်ဟု ခံစားနေရသည်။</p> <p>အကယ်၍ ထိုသို့သာ မဟုတ်လျှင် ငယ်စဉ်က နားမလည်သေးသည့် အချိန်ကာလလောက်မှ မှတ်ဉာဏ်က မနက်ရှိုင်းဘဲ တစ်ချိန်က လုံးဝ မေ့ပျောက်သွားခဲ့မည် မဟုတ်ချေ။</p> <p>ယခုအချိန်တွင် ချင်မင်က ကောင်းကင်အလင်း စွမ်းအား အားလုံးကို တစ်ခုတည်းအဖြစ် ပေါင်းစပ်လိုက်နိုင်ပြီဖြစ်ရာ ယခင်ကနှင့်မတူအောင် အလွန် ကောင်းမွန်နေသည်ဟု ခံစားရပြီး ခန္ဓာကိုယ်ထဲရှိ ကောင်းကင်အလင်းများက ကြီးမားစွာ တိုးတက်လာကာ ဤမျှ ပြည့်ဝသော ကောင်းကင်အလင်းဖြင့် ခန္ဓာကိုယ်နှင့် စိတ်ဝိညာဉ်ကို ပြုစုပျိုးထောင်မည်ဆိုလျှင် နောက်တစ်ကြိမ်တွင် ဝိညာဉ်ပစ္စည်းများ သွားရှာစရာ မလိုဘဲ တိုက်ရိုက် ဘဝသစ်ရကာ သက်ရှိအဆင့်အတန်းကို မြှင့်တင်နိုင်လောက်မည် ဖြစ်သည်။</p> <p>ချင်မင်က တိုးတိုးလေး ရေရွတ်လိုက်ပြီး သဘောမတူသကဲ့သို့ ပြောလိုက်သည်။</p> <p>"တတိယအကြိမ် ဘဝသစ်ရတဲ့ အဆင့်မှာ ကောင်းကင်အလင်း စွမ်းအား လေးမျိုးကို ပေါင်းစပ်နိုင်တာ အရမ်း အစွမ်းထက်ပြီလား"</p> <p>သူက ကောင်းကင်အလင်း စွမ်းအား ငါးမျိုးကို ပေါင်းစပ်ထားပြီး ၎င်းတို့ထဲမှ ဖြတ်တောက်ခြင်း စွမ်းအားနှင့် ထက်မြက်ခြင်း စွမ်းအားတို့က စောစောကတည်းက သီးသန့် စွမ်းအား တစ်မျိုးတည်း မဟုတ်တော့ချေ။</p> <p>ချင်မင် ထပ်မစဉ်းစားတော့ချေ။ မကြာမီ ထိုအတိတ်က ကိစ္စများကို သိလာရမည်ဟု သူ ယုံကြည်သည်။ ဝေဝါးနေသော မြင်ကွင်းများစွာက ပိုမို ရှင်းလင်းလာပြီး နောက်တစ်ကြိမ် ဘဝသစ်ရချိန်တွင် သူ့ကို အရာအားလုံး ဖော်ပြပေးလောက်မည် ဖြစ်သည်။</p> <p>သူက ကျောက်ကြိတ်ဆုံဖြင့် နောက်တစ်ကြိမ် စမ်းသပ်ကြည့်ရာ လက်ချောင်းများကို အသုံးမပြုဘဲ လက်ခုံဖြင့်သာ ကောင်းကင်အလင်း စွမ်းအားကို လှည့်ပတ်လိုက်ချိန်တွင် လက်ဝါးအရွယ်ရှိသော ကြမ်းတမ်းသည့် ကျောက်တုံးကို အလွယ်တကူ ဆုတ်ဖြဲကာ စေးကပ်ရစ်ပတ် ယူဆောင်နိုင်ခဲ့သည်။</p> <p>"တောင်းပန်ပါတယ် အဘိုးကြီးကြိတ်ဆုံရေ"</p> <p>မကြာသေးမီက နှစ်ရက်အတွင်း သူက ခွန်အားကို ဖိနှိပ်ထားခဲ့သော်လည်း ဤကျောက်ကြိတ်ဆုံကို သူက ချိုင့်ခွက်တွေ ဖြစ်အောင် လုပ်ပစ်ခဲ့သည်။</p> <p>ချင်မင်က ကိုယ့်ကိုယ်ကိုယ် ပြန်ပြောလိုက်သည်။</p> <p>"ငါ တကယ်ပဲ အစွမ်းထက်လာပြီလို့ ထင်တယ်"</p> <p>သို့သော် မကြာမီ သူက မိမိကိုယ်ကို ရေအေးဖြင့် ပက်လိုက်သကဲ့သို့ ဖြစ်သွားသည်။ ညဦးပိုင်း မရောက်မီလေးတွင် သူက အန္တရာယ်များသော မြင်ကွင်းတစ်ခုကို ကြုံတွေ့ခဲ့ရပြီး နတ်လမ်းစဉ်ကျင့်ကြံသူများက ပျံသန်းနိုင်ကာ၊ မြူခိုးအဖြစ် ပြောင်းလဲနိုင်ပြီး၊ ကိုယ်ပျောက်နိုင်ရာ ဤတစ်ကြိမ်တွင် ကျောက်စိမ်းဖြူသံမဏိဓားသာ မရှိခဲ့လျှင် သူ အန္တရာယ်ရှိသွားလောက်မည် ဖြစ်သည်။</p> <p>"ငါ ရှေးလူကြီးတွေရဲ့ လမ်းညွှန်ချက်အတိုင်း ကောင်းကင်အလင်း စွမ်းအား မျိုးစုံကို စတင် ပေါင်းစပ်နေပြီ ဒါပေမယ့် ပိုးထည်ကျမ်းစာပေါ်က ကျင့်စဉ်က နတ်လမ်းစဉ်ကျင့်ကြံသူတွေကို ရင်ဆိုင်နိုင်ပါ့မလား"</p> <p>ချင်မင် မသေချာသော်လည်း ယခု ရွေးချယ်စရာ မရှိသဖြင့် ဆက်လက် အစွမ်းထက်လာရန်သာ ကြိုးစားရမည် ဖြစ်သည်။</p> <p>ညဦးပိုင်း ကုန်ဆုံးခါနီးမှ အဘိုးကြီးလျူ ပြန်ရောက်လာသည်။ နေ့ရွှေဒင်္ဂါး ဆယ့်ငါးပြား သုံးထားရသဖြင့် သူ လုံးဝ စောစော မပြန်ချေ။ အဘိုးဝူထံတွင် ထမင်းတစ်နပ် စားပြီး ညအမှောင်ထု ပိုမို ထူထပ်လာသည်အထိ ဆက်လက် နေထိုင်ခဲ့သည်။</p> <p>ချင်မင်က အလွတ်သဘော မေးလိုက်သည်။</p> <p>"တောင်ကြီးထဲမှာ လေးကြိမ် ဘဝသစ်ရစေနိုင်တဲ့ ဝိညာဉ်ပစ္စည်းတွေ ဘယ်မှာရှိလဲ"</p> <p>အဘိုးကြီးလျူက အလျင်အမြန် လက်ဝှေ့ယမ်းကာ ပြောလိုက်သည်။</p> <p>"လေးကြိမ် မျိုးဗီဇပြောင်းထားတဲ့ သတ္တဝါတွေကို အလွယ်တကူ သွားမထိနဲ့ အားလုံးက နောက်ခံတွေ ရှိကြတယ် တောင်ထဲက အဆင့်မြင့် မျိုးဗီဇပြောင်း သားရဲတွေက စာရင်းသွင်းထားတာ သတ်လိုက်ရင် သူတို့ရဲ့ အာရုံစိုက်မှုကို ခံရလိမ့်မယ်"</p> <p>ချင်မင် ချက်ချင်း နားလည်သွားသည်။ သူ တကယ်ပဲ ဒီနေရာကနေ ထွက်သွားသင့်ပြီဟု ထင်လိုက်သည်။</p> <p>တောင်ထဲရှိ မြေကွဲကြောင်းကြီး အနီးတွင် ဓားပြကြီးနှစ်ဦး မျက်မှောင်ကြုတ်နေကြသည်။ ထိုလူငယ် ပြန်မလာခြင်းက တစ်ခုခု ဖြစ်သွားပြီလား။ သူတို့ အနည်းငယ် မငြိမ်မသက် ဖြစ်နေကြသည်။</p> <p>ဘာပဲဖြစ်ဖြစ် ထိုမြူခိုးအဖြစ် ပြောင်းလဲနိုင်သော နတ်လမ်းစဉ်ကျင့်ကြံသူလုပ်ခဲ့သည့် ကိစ္စများ သတင်းပေါက်ကြားသွားလျှင် သူတို့ပါ ပါဝင်ပတ်သက်သွားမည် ဖြစ်သည်။</p> <p>သူတို့က စောစောကတည်းက သားရဲငှက်များကို လွှတ်၍ စာပို့ကာ စီနီယာအဘိုးကြီးထံ အကြံဉာဏ် တောင်းခံထားခဲ့သည်။</p> <p>နောက်ဆုံးတွင် ညအမှောင်ထု ထူထပ်လာချိန်တွင် သားရဲငှက် ပြန်ရောက်လာပြီး သူတို့နှစ်ဦး စာပြန်ရရှိခဲ့သည်။</p> <p>ဓားပြကြီးတစ်ဦးက စာရွက်ကို ဖြန့်ကာ ပြောလိုက်သည်။</p> <p>"စီနီယာအဘိုးကြီးက ငါတို့ကို နောက်ထပ် တစ်ရက် စောင့်ခိုင်းတယ် မနက်ဖြန်မှ သူ မပေါ်လာသေးရင် ဂရုစိုက်စရာ မလိုတော့ဘူး ဘာမှ မဖြစ်ခဲ့သလိုပဲ နေလိုက်တဲ့"</p> <p>အခြား ဓားပြကြီးက မေးလိုက်သည်။</p> <p>"သူက တောင်ထဲက သားရဲ ငိုကြွေးပြီး ဒီနေရာမှာ ယဇ်ပူဇော်နေတာကို အတုခိုးနေတာလားလို့ ငါတို့ သံသယရှိတာကို အဘိုးကြီးက ဒီကိစ္စနဲ့ ပတ်သက်ပြီး ဘာပြန်ပြောသေးလဲ"</p> <p>သူ၏ အဖော်က ခေါင်းညိတ်ကာ ပြန်ပြောလိုက်သည်။</p> <p>"အဘိုးကြီး ပြောတာက သူက နတ်လမ်းစဉ် သားရဲ ဖြစ်နိုင်တယ်တဲ့"</p> <p>"သူက နတ်လမ်းစဉ်ကျင့်ကြံသူမဟုတ်ဘူးလား ဘယ်လိုဖြစ်လို့ သားရဲ ဖြစ်သွားရတာလဲ"</p> <p>ဓားပြကြီးနှစ်ဦးက အတူတူ စုဝေးကာ ဤပြန်စာကို သေသေချာချာ ကြည့်လိုက်ကြရာ အစပိုင်းတွင် အံ့ဩသွားကြသော်လည်း နောက်ပိုင်းတွင် နားလည်သွားကာ ခေါင်းညိတ်လိုက်ကြသည်။</p> <p>နက်ရှိုင်းသော တောင်များနှင့် တောအုပ်များထဲသို့ ဝင်ရောက်ကာ သေမင်းတမန် နေရာများနှင့် နီးကပ်စွာ နေထိုင်ပြီး မျိုးဗီဇပြောင်း သားရဲများအဖြစ် ပြောင်းလဲသွားသော လူများ ရှိသည်။ သဘာဝအားဖြင့် ဧရာမမြို့ကြီးများထဲသို့ ဝင်ရောက်ကာ လူ့လောက၏ စည်ကားသိုက်မြိုက်မှုနှင့် တောက်ပမှုများကို ခံစားလိုသော သားရဲများလည်း ရှိပြီး နောက်ဆုံးတွင် မြို့စားတစ်ဦး ဖြစ်လာနိုင်ခြေ လုံးဝ မရှိသည်တော့ မဟုတ်ချေ။ လောကီအညစ်အကြေးများနှင့် ကင်းစင်ကာ နတ်လမ်းစဉ်သားရဲများ ဖြစ်လာကြသည့် မျိုးဗီဇပြောင်း သားရဲများလည်း ရှိရာ ဤအရာများ အားလုံးက ပုံမှန်ပင် ဖြစ်သည်။</p> <p>ထိုစီနီယာအဘိုးကြီး၏ အဆိုအရ ဤလောကကြီးတွင် မဖြစ်နိုင်တာ ဘာမှ မရှိချေ။</p> <p>အဘိုးကြီးက သူတို့နှစ်ဦးကို စိတ်ချရန် ပြောထားသည်။ ထိုမြူခိုးအဖြစ် ပြောင်းလဲနိုင်သော လူငယ်က နတ်လမ်းစဉ် သားရဲ ဟုတ်သည်ဖြစ်စေ၊ မဟုတ်သည်ဖြစ်စေ ယဇ်ပူဇော်၍ အောင်မြင်မည် မဟုတ်ချေ။ အဘယ်ကြောင့်ဆိုသော် ထိုသင်္ချိုင်းက အမည်းနှင့် အဖြူရောင် တောင်တန်းကြီး၏ မြေအောက်သို့ စောစောကတည်းက ရောက်ရှိသွားပြီဖြစ်ရာ သူ့ကို ကြိုက်သလို ရှိခိုးခိုင်းလိုက်ရန်နှင့် ဂရုစိုက်နေရန် မလိုကြောင်း ပြောထားသည်။</p> <p>နောက်တစ်နေ့တွင် ရွှေကြက်မတောင်ကုန်းမှ ဓားပြကြီးနှစ်ဦးက လူများကို ခေါ်ဆောင်ကာ ထွက်ခွာသွားကြသည်။</p> <p>မထွက်ခွာမီတွင် ရွှေကြက်မ စီးနင်းသူ နှစ်ဦးက ပတ်ဝန်းကျင်ရှိ ရွာများသို့ ကိုယ်တိုင် ဝင်ထွက်ကာ တစ်အိမ်ထောင်လျှင် ညငွေဒင်္ဂါး တစ်ပြား ပေးသွင်းရမည်ဖြစ်ပြီး လလယ်ပိုင်းတွင် လာရောက် ကောက်ခံမည်ဖြစ်ကြောင်း လူများကို ပြောကြားခဲ့သည်။</p> <p>အသက်ကြီးသူ အချို့က မနေနိုင်ဘဲ တိုးတိုးလေး ဆဲဆိုလိုက်ကြသည်။</p> <p>"တကယ်ပဲ ဒီသူခိုးဓားပြတွေက ငါတို့ကို ပိုက်ဆံ ထုတ်ခိုင်းတော့မှာပဲ"</p> <p>လက်တွေ့တွင် လူတိုင်းက ကြိုတင် ခန့်မှန်းထားပြီး ဖြစ်သည်။ ရွှေကြက်မတောင်ကုန်းက ဘဝသစ်ရရှိသူများကို အတင်းအကျပ် ခေါ်ယူစဉ်ကတည်းက ရွာများမှ လူများက ခန့်မှန်းမိခဲ့ကြပြီး ဖြစ်သည်။ ဤတစ်ကြိမ်တွင် သူတို့ အကြီးအကျယ် ဆုံးရှုံးသွားသဖြင့် သေချာပေါက် လူအင်အား ပြန်လည် ဖြည့်တင်းရန် ကြိုးစားမည်ဖြစ်ပြီး နောက်ဆုံးတွင် ပတ်ဝန်းကျင်ရှိ ရွာများကို သူတို့ကို ကျွေးမွေးခိုင်းမည် ဖြစ်သည်။</p> <p>သို့သော် ဤဆောင်းရာသီတွင် တောင်အပြင်ဘက်ရှိ ရွာသားများက မူလကတည်းက အလွန် ခက်ခဲစွာ နေထိုင်နေရရာ ယခုအခါ လူအများအပြား၏ ဒေါသကို လှုံ့ဆော်လိုက်သကဲ့သို့ ဖြစ်သွားပြီး သူတို့နှင့် တိုက်ရိုက် အသက်လုလုနီးပါးပင် ဖြစ်လာသည်။</p> <p>ချင်မင်က အပြင်ဘက်မှ လှုပ်ရှားမှုများကို ကြားလိုက်ရသောအခါ ဘေးနားရှိ လူများနှင့် ကိစ္စရပ်များကို စီစဉ်ပေးသင့်ပြီဟု ထင်လိုက်သည်။ အဘယ်ကြောင့်ဆိုသော် သူက သည်းမခံနိုင်တော့ဘဲ ရွှေကြက်မတောင်ကုန်းကို စတင် တိုက်ခိုက်ရန် ပြင်ဆင်နေပြီ ဖြစ်သောကြောင့် ဖြစ်သည်။</p> <p> </p> <p> </p> <p style="text-align: center;">***</p>


Save