Book List

<h2 style="text-align:center">အခန်း (၆၈၃)</h2> <h2 style="text-align:center">*</h2> <p> </p> <p> </p> <p style="text-align:justify">ဂျာယန့်၏ နှုတ်ခမ်းများ တွန့်သွားသည်။ </p> <p style="text-align:justify">ဂြိုဟ်တုကို တိုက်ရိုက် ဝင်တိုက်ပစ်လိုက်တယ်။ ဒါက တကယ့်ကို ကျဲခယ် အုပ်စုရဲ့ စတိုင်ပဲ။ </p> <p style="text-align:justify">အမေရိကန်နှင့် ကျဲခယ် အုပ်စုကြား အာကာသ ကားတိုက်တမ်း ကစားပွဲ အမှတ်တရက သူ့စိတ်ထဲတွင် လတ်ဆတ်နေဆဲ ဖြစ်သည်။ သူတို့က ဒီလို ကိစ္စမျိုး လုပ်နိုင်စွမ်း ရှိသူတွေပင်။</p> <p style="text-align:justify">"ကျဲခယ် အုပ်စုက စစ်သင်္ဘောတွေကို ခြေရာခံတဲ့ ဂြိုဟ်တုတွေကို ဆက်လက် ပစ်မှတ်ထားဖို့ အရမ်း များပါတယ်။ ကျွန်တော်တို့က ဒီစစ်သင်္ဘောရဲ့ တည်နေရာကို အတိအကျ သိချင်တယ် ဆိုရင် ကိုယ်ပိုင် စစ်သင်္ဘောတွေ။ အထူးသဖြင့် လေယာဉ်တင်သင်္ဘောတွေကို စေလွှတ်ပြီး ကြားဖြတ် တားဆီးတာ။ ကရာတူးမြောင်းထဲကို ဝင်မသွားအောင် တားဆီးတာ အကောင်းဆုံး ဖြစ်ပါလိမ့်မယ်”</p> <p style="text-align:justify">သမုဒ္ဒရာသည် ကျယ်ပြောလွန်းကြောင်း စစ်ဦးစီးအရာရှိက အကြံပြုသည်။ စစ်သင်္ဘောသည် ကြီးမားသော်လည်း ပင်လယ်ထဲသို့ ရောက်သွားသည်နှင့် ဂြိုဟ်တု ထောက်လှမ်းရေး မပါဘဲ ၎င်း ပုန်းအောင်းနေလျှင် ရှာဖွေရန် အလွန် ခက်ခဲပေလိမ့်မည်။ အထူးသဖြင့် ၎င်းသည် သင်္ဘောအုပ်စုကြီး မဟုတ်ဘဲ စစ်သင်္ဘော တစ်စီးတည်း ဖြစ်နေသဖြင့် ပို၍ပင် ခက်ခဲသည်။</p> <p style="text-align:justify">ယနေ့တွင် စစ်ဘက်ဆိုင်ရာ သူလျှို ဂြိုဟ်တု ထောက်လှမ်းရေးသည် စိတ်မချရပေ။ ကုန်းမြေမှ ပျံတက်သော ထောက်လှမ်းရေးနှင့် ကြိုတင် သတိပေး လေယာဉ်များသည် အကွာအဝေး ကန့်သတ်ချက်များကြောင့် လောင်စာဆီ အလွန်အကျွံ သုံးစွဲရပြီး ဝေဟင်တွင် နေနိုင်ချိန် အလွန် နည်းပါးကာ ထောက်လှမ်းနိုင်သော အတိုင်းအတာ အကန့်အသတ် ရှိသည်။</p> <p style="text-align:justify">စစ်သင်္ဘောများသာလျှင် သူတို့၏ ပင်လယ်ပြင် ရှာဖွေရေး ရေဒါများနှင့် လေယာဉ်တင် သင်္ဘောများမှ လွှတ်တင်သော ထောက်လှမ်းရေး လေယာဉ်များမှတစ်ဆင့် ပစ်မှတ် စစ်သင်္ဘောများကို စိတ်ချ ယုံကြည်စွာ တည်နေရာ ရှာဖွေနိုင်သည်။</p> <p style="text-align:justify">ဂျာယန့်သည် အခြေအနေ၏ လေးနက်မှုကို နားလည်ပြီး ဆင်းဂျ်အား စိုးရိမ်တကြီး ပြောလိုက်သည်။ "ဝန်ကြီးချုပ်... အမိန့်ပေးလိုက်ပါ။ ကျွန်တော်တို့ အချိန်ဆွဲနေပြီး သူ့ကို ဖမ်းဖို့ စစ်သင်္ဘောတွေ မဖြန့်ကြက်ဘူး ဆိုရင် ကျားကို တောပြန်လွှတ်ပေးလိုက်သလို ဖြစ်သွားပြီး ကျဲခယ် အုပ်စုရဲ့ အစွမ်းထက် ကိုယ်ပျောက် ခရူဇာသင်္ဘော လွတ်မြောက်သွားပါလိမ့်မယ်”</p> <p style="text-align:justify">"ဝန်ကြီးချုပ်... ကျွန်တော်တို့ရဲ့ ကြီးမြတ်တဲ့ ရေတပ် အရာရှိတွေနဲ့ စစ်သားတွေကို ယုံကြည်ပေးပါ။ ကျွန်တော်တို့ ဒီရေတပ် စစ်ပွဲကို သေချာပေါက် အနိုင်ရမှာပါ။ တစ်နိုင်ငံလုံးက အောင်ပွဲရ သတင်းကို စောင့်နေတာ ကြာလှပါပြီ။ သူတို့ကို ထပ်ပြီး စိတ်ပျက်အောင် လုပ်လို့ မဖြစ်ပါဘူး”</p> <p style="text-align:justify">ဝစ်ပ်ကလည်း နှစ်သိမ့် စကားများ ပြောဆိုလိုက်ရာ ယင်းက ဆင်းဂျ်ကို ဆုံးဖြတ်ချက် ချရန် ကူညီပေးလိုက်သည်။</p> <p style="text-align:justify">မကြာသေးမီက အရှေ့ပိုင်း ခရိုင် ပြည်နယ်ခြောက်ခု တည်ထောင်ခြင်းကြောင့် အိန္ဒိယတွင် သူ့လူကြိုက်များမှု ထိုးကျသွားခဲ့သည်။ သူ့၏ မရေရာသော မဲများကို ပြန်လည် ကယ်တင်ရန်နှင့် အနာဂတ်တွင် အောင်မြင်စွာ ပြန်လည် အရွေးခံရရေး ပြင်ဆင်ရန် အတွက် ကြီးမားသော အောင်ပွဲ တစ်ခု သေချာပေါက် လိုအပ်နေသည်။</p> <p style="text-align:justify">ဒါကို တွေးမိရင်း ဆင်းဂျ်က ပြောလိုက်သည်။ "ဝန်ကြီးချုပ် အနေနဲ့ ရေတပ်ကို ကျဲခယ် အုပ်စုရဲ့ ကိုယ်ပျောက် ခရူဇာသင်္ဘောကို ချက်ချင်း တိုက်ခိုက်ဖို့ အမိန့် ထုတ်ပြန်လိုက်ပါတယ်။ ဘယ်နည်းလမ်းပဲ သုံးရ သုံးရ။ ငါတို့ နိုင်ငံရဲ့ ဂုဏ်သိက္ခာကို မြှင့်တင်ဖို့ သမုဒ္ဒရာထဲမှာ သူ့ကို နှစ်မြှုပ်ပစ်ရမယ်”</p> <p style="text-align:justify">ရေတပ် ဌာနချုပ် အဆောက်အအုံ အတွင်း လက်ခုပ်သံများ ချက်ချင်း ထွက်ပေါ်လာသည်။ ဝစ်ပ်နှင့် ဂျာယန့်တို့ အကြည့်ချင်း ဖလှယ်လိုက်ကြပြီး နှစ်ဦးစလုံး အလွန် စိတ်လှုပ်ရှားနေကြသည်။</p> <p style="text-align:justify">"ဝန်ကြီးချုပ်... သေချာ စောင့်ကြည့်နေလိုက်ပါ။ ဒီတစ်ခါ ကျွန်တော်တို့ ကျဲခယ် အုပ်စုကို ကြီးမားတဲ့ ဆုံးရှုံးမှု ခံစားရအောင် လုပ်မယ်။ သူတို့ ဂုဏ်ယူနေတဲ့ ကိုယ်ပျောက် ခရူဇာသင်္ဘောကို နှစ်မြှုပ်ပစ်မယ်။ ပြီးတော့ ကပ္ပလီ အခြေစိုက်စခန်းက ဆုံးရှုံးမှု အတွက် လက်စားချေပြပါမယ်”</p> <p style="text-align:justify">ဝစ်ပ်က သူ့ရင်ဘတ်ကို ပုတ်လိုက်ပြီး ကျဲခယ်၏ ခရူဇာသင်္ဘောကို နှစ်မြှုပ်ပြီးနောက် အိမ်ပြန်ရောက်လျှင် သူ ခံစားရမည့် ဂုဏ်ကျက်သရေကို စိတ်ကူးယဉ်နေပြီ ဖြစ်သည်။</p> <p style="text-align:justify">ဤမျှ အထင်ကြီးဖွယ် အောင်ပွဲကို လက်ဝယ်ပိုင်ဆိုင်ထားလျှင် သူ့ကွပ်ကဲမှုတွင် ယခင်က ဖြစ်ခဲ့ဖူးသော မဟာဗျူဟာ အမှားများ အားလုံးကို ပြန်လည်အဖတ်ဆယ်နိုင်မည် ဖြစ်သည်။</p> <p style="text-align:justify">"ကျဲခယ် အုပ်စုရဲ့ ကိုယ်ပျောက် ခရူဇာသင်္ဘောကို ဝိုင်းရံပြီး ဖျက်ဆီးဖို့ ကျွန်တော်တို့ရဲ့ ပင်မ စစ်သင်္ဘောတွေကို စုစည်းပြီး ချေမှုန်းရေး ရေတပ်အုပ်စု တစ်ခု ဖွဲ့စည်းနေပါတယ်။ ပါဝင်မယ့် စစ်သင်္ဘော စာရင်း အတိအကျကတော့ အောက်ပါအတိုင်း ဖြစ်ပါတယ်”</p> <p style="text-align:justify">ရေတပ် ဦးစီးချုပ် ဂျာယန့်သည် မျက်နှာ နီရဲလျက် သူ၏ ဝန်ထမ်းများကို ချက်ချင်း ဆင့်ခေါ်လိုက်ပြီး ဝိုင်းရံပိတ်ဆို့မှုတွင် ပါဝင်မည့် စစ်သင်္ဘော အမျိုးအစားများနှင့် အရေအတွက်ကို ရွေးချယ်ရန် ဆုံးဖြတ်လိုက်သည်။</p> <p style="text-align:justify">မကြာမီ တစ်နာရီကျော် အကြာတွင် အချိန်နှင့် ပြိုင်လုနေချိန်၌ အိန္ဒိယ၏ ပင်မ စစ်သင်္ဘော အားလုံးသည် ရေတပ် ဌာနချုပ်မှ အရေးပေါ် အမိန့်ကို လက်ခံရရှိခဲ့ကြသည်။</p> <p style="text-align:justify">အောင်မြင်မှု သေချာစေရန် အိန္ဒိယ ရေတပ်သည် ဗီကရန့် လေယာဉ်တင်သင်္ဘောကို ဦးဆောင်စေပြီး အင်အား အကုန်လုံးကို စုစည်းလိုက်သည်။ ကြီးမားသော ရေတပ်အုပ်စုကြီး တစ်ခု လျင်မြန်စွာ စုစည်းမိသွားပြီး စစ်သင်္ဘောများ စဉ်ဆက်မပြတ် ပူးပေါင်းလာကာ ကျဲခယ် အုပ်စုက တွက်ချက်ထားသော ကိုယ်ပျောက် ခရူဇာသင်္ဘော၏ လမ်းကြောင်းအတိုင်း လိုက်လံ တိုက်ခိုက်ကြတော့သည်။</p> <p style="text-align:justify">အိန္ဒိယ ရေတပ်၏ အကြီးစား စစ်ဆင်ရေးကို ကမ္ဘာတစ်ဝန်းရှိ နိုင်ငံများ သတိမထားမိဘဲ မနေခဲ့ကြပေ။</p> <p style="text-align:justify">ကမ္ဘာတစ်ဝန်းရှိ အင်အားကြီး နိုင်ငံများသည် ဘင်္ဂလားပင်လယ်အော်ကို အနီးကပ် အာရုံစိုက်နေကြသည်။</p> <p style="text-align:justify">ဤသည်မှာ ၂၁ ရာစု၏ အကြီးဆုံး ရေတပ် စစ်ပွဲ ဖြစ်လာနိုင်သည်။</p> <p style="text-align:justify">စီးပွားဖြစ် ဂြိုဟ်တုများ အပါအဝင် အရာရာကို လုပ်ဆောင်နိုင်သော မီဒီယာများကပင် အိန္ဒိယ စစ်သင်္ဘော အများအပြား ရွက်လွှင့်ပြီး ဆိပ်ကမ်းမှ ပျောက်ကွယ်သွားသည်ကို ဖမ်းယူ ရရှိခဲ့ကြသည်။</p> <p style="text-align:justify">မီဒီယာများ၏ လှုံ့ဆော်မှုများကြောင့် အိန္ဒိယ ရေတပ်၏ ပင်မ အင်အားစုသည် ကျဲခယ် အုပ်စု ရေတပ်နှင့် အဆုံးအဖြတ် တိုက်ပွဲ ဆင်နွှဲရန် စုစည်းလိုက်ပြီ ဆိုသော သတင်းသည် တောမီးကဲ့သို့ အင်တာနက်ပေါ်တွင် ပျံ့နှံ့သွားခဲ့သည်။</p> <p style="text-align:justify">ကမ္ဘာကြီး ချက်ချင်း တုန်လှုပ်သွားခဲ့သည်။</p> <p style="text-align:justify"><br /> မတ်လ ၁၂ ရက်၊ နံနက် ၇ နာရီ ၁၁ မိနစ်။</p> <p style="text-align:justify">နံနက်ခင်းစောစော ဘင်္ဂလားပင်လယ်အော်၏ ရေပြင်ထက်တွင် နေရောင်ခြည်သည်် ပါးလွှာသော ပင်လယ်မြူခိုးများကို ဖောက်ထွင်းကာ ရေပြာနက်နက်ဆီသို့ ထိုးဆင်းတောက်ပနေသည်။</p> <p style="text-align:justify">ရေနှင့် ကောင်းကင် တစ်သားတည်းဖြစ်နေသော အဆုံးအစမဲ့ ကျယ်ပြောလှသည့် ပင်လယ်ပြင် အလယ်တွင် ဧရာမ ရေတပ်စုကြီးတစ်ခုသည် ဘင်္ဂလားပင်လယ်အော်ကို ဖြတ်သန်း ခုတ်မောင်းနေပြီး ၎င်းတို့၏ သင်္ဘောဦးပိုင်းများသည် လှိုင်းတံပိုးများကို ခွဲထွက်သွားကြသည်။ သံမဏိဖြင့် တည်ဆောက်ထားသော စစ်သင်္ဘောကြီးများသည် နေရောင်ခြည်လွှမ်းခြုံထားသဖြင့် ရွှေရောင်ဆေးသုတ်ထားသကဲ့သို့ ဖြစ်နေကာ အလွန်တရာ ခန့်ညားထည်ဝါပြီး ကြီးကျယ် ခမ်းနားလှသည်။</p> <p style="text-align:justify">ဤရေတပ်စုသည် ကျဲခယ်အဖွဲ့၏ ကိုယ်ပျောက် ခရူဇာစစ်သင်္ဘောကို ဝိုင်းဝန်းချေမှုန်းရန် စေလွှတ်လိုက်သော အိန္ဒိယရေတပ်၏ ပင်မ တိုက်ခိုက်ရေးအုပ်စု ဖြစ်သည်။ အိန္ဒိယနိုင်ငံသည် ၎င်းတို့၏ ရေတပ်အင်အား အများစုကို ထုတ်သုံးထားခြင်းပင်။</p> <p style="text-align:justify">၎င်းတွင် ရေတန်ချိန် ၄၃,၀၀၀ ရှိသော ဗီကရန့် လေယာဉ်တင်သင်္ဘော တစ်စီးနှင့် တန်ချိန် ၆,၇၀၀ ရှိသော ဒေလီ-အမျိုးအစား ဖျက်သင်္ဘော တစ်စီး ပါဝင်သည်။</p> <p style="text-align:justify">အိန္ဒိယနိုင်ငံ၏ အကြီးဆုံး ဖျက်သင်္ဘောများဖြစ်သည့် ရေတန်ချိန် ၇,၅၀၀ ရှိသော ကိုးလ်ကတ္တား-အမျိုးအစား ဖျက်သင်္ဘော လေးစီးဖြစ်သော ကိုးလ်ကတ္တား၊ ကိုချီ၊ ချန်နိုင်းနှင့် ပါကနမ်တို့လည်း ပါဝင်သည်။</p> <p style="text-align:justify">ရေတန်ချိန် ၅,၀၀၀ ရှိသော ရာ့ဂျ်ပွတ်-အမျိုးအစား ဖျက်သင်္ဘော နှစ်စီးဖြစ်သည့် ရာ့ဂျ်ပွတ်နှင့် ရာနာ။</p> <p style="text-align:justify">ရေတန်ချိန် ၆,၀၀၀ ရှိသော နျူကလီးယား ရေငုပ်သင်္ဘော နှစ်စီးဖြစ်သည့် အရီဟန့်နှင့် အရီဂတ်။</p> <p style="text-align:justify">ရေတန်ချိန် ၂၈,၀၀၀ ရှိသော ထောက်ပံ့ရေးသင်္ဘော နှစ်စီးဖြစ်သည့် ဒီပတ်ခ်နှင့် ရှက်တီ။</p> <p style="text-align:justify">အိန္ဒိယနိုင်ငံ၏ အကြီးဆုံး ဖရီးဂိတ်စစ်သင်္ဘောများဖြစ်ပြီး တစ်စီးလျှင် ရေတန်ချိန် ၆,၂၀၀ ရှိသော ရှီဗလစ်-အမျိုးအစား ဖရီးဂိတ်စစ်သင်္ဘော သုံးစီးဖြစ်သည့် ရှီဗလစ်၊ ဆတ်ပူရာနှင့် ဆဟျာဒရီ။</p> <p style="text-align:justify">ထို့အပြင် ရေတန်ချိန် ၃,၀၀၀-၄,၀၀၀ ရှိသော ဗြဟ္မပုတ္တရ-အမျိုးအစားနှင့် ကာမိုတာ-အမျိုးအစား ဖရီးဂိတ်စစ်သင်္ဘောများ အပါအဝင် စုစုပေါင်း ဖရီးဂိတ်စစ်သင်္ဘော ၁၅ စီး ရှိသေးသည်။</p> <p style="text-align:justify">စုစုပေါင်း ရေတန်ချိန် ၃,၀၀၀ ကျော်ရှိသော စစ်သင်္ဘော အစီး ၃၀ ရှိပြီး စုစုပေါင်း ရေတန်ချိန်သည် ၂၃၀,၀၀၀ ကျော်လွန်နေသည်။ ဤသည်မှာ အိန္ဒိယနိုင်ငံ၏ ရေတပ်အင်အား တစ်ခုလုံးကို ကိုယ်စားပြုနေပြီး တက်ကြွစွာ တာဝန်ထမ်းဆောင်နေသော ပင်မ စစ်သင်္ဘောများ အားလုံးနီးပါးကို တပ်ဖြန့်ထားသည်ဟု ဆိုနိုင်သည်။ ဤရေတပ်တိုက်ပွဲတွင် အိန္ဒိယနိုင်ငံသည် အနိုင်ရရန် အသေအချာ ဆုံးဖြတ်ထားပုံရသည်။</p> <p style="text-align:justify">ထိုအချိန်တွင် ဗီကရန့် လေယာဉ်တင်သင်္ဘော၏ ဆက်သွယ်ရေး စောင့်ကြည့်ခန်းအတွင်း၌ တာဝန်ကျ ဆက်သွယ်ရေးအရာရှိ၏ မျက်နှာသည် ဝမ်းသာလုံးဆို့နေသည်။ သူသည် သူ၏ နားကြပ်ကို ဆွဲချွတ်လိုက်ပြီး ရရှိလာသော ထောက်လှမ်းရေး သတင်းအချက်အလက်သစ် အားလုံးကို လေယာဉ်တင်သင်္ဘော၏ ကွပ်ကဲမှုစင်တာသို့ သတင်းပို့လိုက်သည်။</p> <p style="text-align:justify">မိနစ်အနည်းငယ်ကြာပြီးနောက် လေယာဉ်တင်သင်္ဘော၏ ကွပ်ကဲမှုစင်တာတွင် အရေးပေါ် အစည်းအဝေး တစ်ခုကို ကျင်းပခဲ့သည်။</p> <p style="text-align:justify">ဗိုလ်ချုပ်ကြီး ကူးမားသည် ကွပ်ကဲမှုစင်တာရှိ အစည်းအဝေး စားပွဲရှေ့တွင် မတ်တပ်ရပ်နေသည်။ သူသည် ဤအိန္ဒိယ ရေတပ်စု၏ ရေတပ်မှူး ဖြစ်သည်။</p> <p style="text-align:justify">အစည်းအဝေးခန်းမတွင် ရေတပ်စုမှ အကြီးတန်း အရာရှိများ ထိုင်နေကြပြီး အချို့မှာ လေယာဉ်တင်သင်္ဘော၏ ကိုယ်ပိုင် ကွပ်ကဲမှုစနစ်မှ ဖြစ်ကာ အချို့မှာ ဖျက်သင်္ဘော တပ်ဖွဲ့၏ ကွပ်ကဲမှု ဝန်ထမ်းများနှင့် လေယာဉ်တင်သင်္ဘော လေတပ်မှူး အစရှိသူတို့ ပါဝင်သည်။</p> <p style="text-align:justify">"နောက်ဆုံးရ ထောက်လှမ်းရေးသတင်း... အမေရိကန်ရဲ့ ဂြိုဟ်တုက အဲဒီကိုယ်ပျောက် ခရူဇာသင်္ဘောရဲ့ လမ်းကြောင်းကို ရှာတွေ့သွားပြီ။ လတ္တီကျုနဲ့ လောင်ဂျီကျု ကိုဩဒိနိတ်တွေက ၉၁.၄၃၁၆၀၅၄၊ ၆.၈၉၁၀၃၉၀ ပါ"</p> <p style="text-align:justify">ကူးမားသည် ဓာတ်ပုံတစ်ပုံကို ကောက်ကိုင်လိုက်သည်။ ထိုဂြိုဟ်တုပုံရိပ်တွင် ဧရာမ သင်္ဘောကြီး တစ်စီး ချန်ရစ်ခဲ့သော ရေလှိုင်းကြောင်းကို ရှင်းလင်းစွာ မြင်တွေ့ရသည်။</p> <p style="text-align:justify">"ဘာ... ပစ်မှတ်ကို ရှာတွေ့သွားပြီလား"</p> <p style="text-align:justify">"ကောင်းလိုက်တာ... တစ်ဖက်လူရဲ့ ယေဘုယျ တည်နေရာကို သိနေသရွေ့ ငါတို့ အထပ်ထပ် အခါခါ ရှာဖွေနိုင်ပြီ။ ခုတော့ သူ ထွက်ပြေးလို့ မလွတ်နိုင်တော့ဘူး"</p> <p style="text-align:justify">"ပင်လယ်ပြင်ထဲမှာ တစ်ပတ်လုံးလုံး လိုက်ပတ်နေပြီးမှ နောက်ဆုံးတော့ ပစ်မှတ်ကို ရှာတွေ့သွားပြီ"</p> <p style="text-align:justify">အစည်းအဝေးသို့ တက်ရောက်လာသူ အားလုံးသည် ၎င်းတို့၏ မျက်နှာများတွင် ဝမ်းသာပျော်ရွှင်မှုများကို မထိန်းနိုင်ကြတော့ဘဲ စိတ်လှုပ်ရှားမှုများ လျှံကျလာသည်။</p> <p style="text-align:justify">သူတို့၏ ဧရာမ ရေတပ်စုကြီးသည် ပင်လယ်ပြင်တွင် တစ်ပတ်နီးပါး ရှိနေပြီဖြစ်သော်လည်း ကျဲခယ်အဖွဲ့၏ ကိုယ်ပျောက် ခရူဇာသင်္ဘောကိုမူ အရိပ်အယောင်မျှပင် မတွေ့ရချေ။</p> <p style="text-align:justify">အဘယ့်ကြောင့်ဆိုသော် သူတို့၏ သူလျိုဂြိုဟ်တုများသည် ကျဲခယ်အဖွဲ့၏ အသေခံ တိုက်ခိုက်မှုတွေကြောင့် ဆက်တိုက်ဆိုသလို ဖျက်ဆီးခံခဲ့ရသောကြောင့်ပင်…။</p> <p style="text-align:justify">ထို့အပြင် ပစ်မှတ်မှာ ခရူဇာသင်္ဘော တစ်စီးတည်းသာဖြစ်ပြီး လေယာဉ်တင်သင်္ဘော တိုက်ခိုက်ရေးအုပ်စု မဟုတ်ပေ။</p> <p style="text-align:justify">လေယာဉ်တင်သင်္ဘော တိုက်ခိုက်ရေးအုပ်စု တစ်ခုသည် ကီလိုမီတာ ဆယ်ဂဏန်းအထိ ကျယ်ပြန့်စွာ ဖြန့်ကြက်ထားတတ်သဖြင့် ထောက်လှမ်းရန် အလွန်လွယ်ကူသည်။</p> <p style="text-align:justify">ဤသည်မှာ ပြီးခဲ့သည့် တစ်ပတ်အတွင်း ကိုယ်ပျောက် ခရူဇာသင်္ဘောကို သူတို့ ခြေရာခံရန် အလွန်ခက်ခဲခဲ့ရသည့် အကြောင်းရင်းလည်း ဖြစ်သည်။</p> <p style="text-align:justify"> </p> <p style="text-align:justify"> </p> <p style="text-align:center">***</p>


Save