Book List

<h2 style="text-align: center;">အခန်း (၆၈၉)</h2> <h2 style="text-align: center;">*</h2> <p> </p> <p> </p> <p style="text-align:justify">ဘုန်း…</p> <p style="text-align:justify">၇၆ မီလီမီတာ ကျည်ဆန် တစ်ထောင်ခန့်သည် တစ်ပါတည်း ပေါက်ကွဲသွားပြီး ပါကနမ်၏ အတွင်းပိုင်းသည် မီးတောင်ပေါက်ကွဲသကဲ့သို့ ဖြစ်သွားသည်။ ပြင်းထန်သော ပေါက်ကွဲမှုသည် သင်္ဘောဦးပိုင်းကို တိုက်ရိုက် ပြတ်ထွက်သွားစေပြီး ၇၆ မီလီမီတာ ရေတပ်အမြောက် အမိုးခုံးသည် ကောင်းကင်ယံသို့ မီတာ ရာနှင့်ချီ၍ လွင့်စဉ်သွားလေသည်။</p> <p style="text-align:justify">သင်္ဘောဖျက် ဒုံးကျည်၏ အရေးပါသော တိုက်ခိုက်မှုသည် စစ်သင်္ဘော၏ ဦးပိုင်းကို တစ်ချက်တည်းနှင့် ခေါင်းဖြတ်လိုက်ခြင်းပင် ဖြစ်သည်။</p> <p style="text-align:justify">များပြားလှသော ပင်လယ်ရေများသည် သင်္ဘော၏ အပေါက်ထဲသို့ ရူးသွပ်စွာ ဝင်ရောက်လာကြသည်။ ဦးခေါင်းပိုင်း ပြတ်ထွက်သွားသော ဒဏ်ရာသည် စစ်သင်္ဘော တစ်စီး အတွက် သေမိန့်ပင်...။</p> <p style="text-align:justify">တစ်ချိန်တည်းမှာပင် ခဲယမ်းတိုက်၏ ပေါက်ကွဲမှုအတွင်း သင်္ဘော၏ ၃၀ မီလီမီတာ ခြောက်ပြောင်းပါ အော်တိုအမြောက် နှစ်လက်သည်လည်း ပျက်စီးသွားပြီး ၇၆ မီလီမီတာ ရေတပ်အမြောက်လည်း လွင့်စဉ်သွားကာ လေကြောင်းရန် ကာကွယ်ရေး ဒုံးကျည်များလည်း ကုန်ခန်းသွားပြီဖြစ်သဖြင့် ပါကနမ်၏ လေကြောင်းရန် ကာကွယ်ရေး ပစ်အားသည် ရုတ်တရက် ထိုးကျသွားလေသည်။</p> <p style="text-align:justify">ထိုအချိန်တွင် လာနေသော သင်္ဘောဖျက် ဒုံးကျည်များသည် ရပ်တန့်မသွားသေးပေ။ သင်္ဘောဖျက် ဒုံးကျည်များသည် တစ်စင်းပြီး တစ်စင်း ဖောက်ထွင်းဝင်ရောက်လာပြီး ရေတန်ချိန် ၈,၀၀၀ ရှိသော ပါကနမ် ဖျက်သင်္ဘောကြီး၏ ကိုယ်ထည်ထဲသို့ တိုးဝင်သွားကြသည်။</p> <p style="text-align:justify">ထွက်ပြေး လွတ်မြောက်ရန် ပင်လယ်ထဲသို့ ခုန်ချမည့် သင်္ဘောသားများစွာသည် သင်္ဘော ဘေးဘောင်သို့ ပြေးသွားကာ မခုန်ချရသေးမီမှာပင် အဖြူရောင် သင်္ဘောဖျက် ဒုံးကျည်များ သူတို့ထံ တိုးဝင်လာသည်ကို မြင်လိုက်ရသည်။ နောက်တစ်စက္ကန့်တွင် ဒုံးကျည်ထိပ်ဖူးများရှိ တီအင်တီ ယမ်းများ ပေါက်ကွဲသွားသည်နှင့်အတူ သင်္ဘောသားများ၏ ခန္ဓာကိုယ်များသည် အပိုင်းပိုင်း ဆုတ်ဖြဲခံရပြီး ကောင်းကင်ယံသို့ လွင့်စဉ်ထွက်သွားလေသည်။</p> <p style="text-align:justify">ဆက်တိုက် ပေါက်ကွဲမှုများအကြား သံမဏိများ လိမ်ကောက်သွားပြီး ကိုယ်ထည်ပေါ်တွင် ကြောက်မက်ဖွယ်ကောင်းသော အပေါက်ကြီးများ ပေါ်လာသည်။ ထို့နောက် ပါကနမ်သည် ရေအောက်သို့ လုံးဝ နစ်မြုပ်သွားရန် ၅ မိနစ်နှင့် ၁၈ စက္ကန့်သာ အချိန်ယူလိုက်ရပြီး ရေပြင်ပေါ်တွင် ဝဲကတော့တစ်ခုသာ ကျန်ရစ်ခဲ့သည်။</p> <p style="text-align:justify">ပါကနမ် စစ်သင်္ဘော၏ သင်္ဘောသား ၄၅၇ ဦးအနက် ၂၂ ဦးသာ အသက်ရှင် ကျန်ရစ်ခဲ့သည်။</p> <p style="text-align:justify">ပါကနမ် နစ်မြုပ်သွားခြင်းသည် အချက်ပြမှု တစ်ခုလိုပင်။ အိန္ဒိယ၏ အင်အားအကောင်းဆုံး ဖျက်သင်္ဘောသည် သင်္ဘောဖျက် ဒုံးကျည်များ၏ တိုက်ခိုက်မှု အများဆုံးကို ခံစားခဲ့ရပြီး ဤတိုက်ပွဲ၌ အခိုင်မာဆုံး လေကြောင်းရန် ကာကွယ်ရေး ဒိုင်းလွှားအဖြစ်လည်း တာဝန် ထမ်းဆောင်ခဲ့သည်။</p> <p style="text-align:justify">ယခုအချိန်၌ ၎င်း နစ်မြုပ်သွားခြင်းက အိန္ဒိယ လေယာဉ်တင်သင်္ဘောအုပ်စု၏ ပစ်ခတ်မှု ကွန်ရက်တွင် ဧရာမ ကွက်လပ်ကြီး တစ်ခုကို ဖန်တီးပေးလိုက်သည်။ ၎င်းသည် တင်းကျပ်စွာ ဖွဲ့စည်းထားသော စစ်ရေး ပုံစံဖွဲ့စည်းမှုကြီး တစ်ခု ဖောက်ခံလိုက်ရသည်နှင့် တူပြီး ကွက်လပ် တစ်ခု ပေါ်လာသည်နှင့် တပြိုင်နက် အိန္ဒိယရေတပ်၏ ကာကွယ်နိုင်စွမ်းမှာ တစ်ရှိန်ထိုး ကျဆင်းသွားတော့၏။</p> <p style="text-align:justify">ပါကနမ်၏ လေကြောင်းရန် ကာကွယ်ရေး ပစ်အားကို အစားမထိုးနိုင်တော့သဖြင့် နောက်ထပ် သင်္ဘောဖျက် ဒုံးကျည်များသည် အောင်မြင်စွာ ထိုးဖောက် ဝင်ရောက်လာကြသည်။</p> <p style="text-align:justify">အနီးကပ် တိုက်ခိုက်ရေး လက်နက်စနစ်များနှင့် ရေတပ်အမြောက်များတွင် တိုက်ခိုက်ရာ၌ မျက်ကွယ်နယ်မြေများ ရှိကြသည်။ ပါကနမ်၏ ကွက်လပ်မှတစ်ဆင့် ချဉ်းကပ်လာသော သင်္ဘောဖျက် ဒုံးကျည်များကို ကာကွယ်ရန်အတွက် ဖျက်သင်္ဘောများနှင့် ဖရီးဂိတ် သင်္ဘောများစွာသည် ၎င်းတို့၏ သင်္ဘောအနေအထားကို အချိန်မီ ချိန်ညှိနိုင်ခြင်း မရှိတော့ပေ။</p> <p style="text-align:justify">ဘုန်း...</p> <p style="text-align:justify">ရေတန်ချိန် ၇,၅၀၀ ရှိသော ကိုချီသင်္ဘော၏ အလယ်ပိုင်းကို ငါးပျံ သင်္ဘောဖျက် ဒုံးကျည်တစ်စင်း ဝင်တိုက်သွားပြီး ပြင်းထန်သော ပေါက်ကွဲမှုသည် ၎င်းအထက်ရှိ ရေဒါနှင့် လျှပ်စစ်ပိုင်းဆိုင်ရာ ကိရိယာများကို ဖျက်ဆီးပစ်လိုက်သည်။</p> <p style="text-align:justify">ရေဒါမရှိလျှင် ကွန်ပျူတာဖြင့် ထိန်းချုပ်ထားသော အနီးကပ် တိုက်ခိုက်ရေး လက်နက် စနစ်များနှင့် ရေတပ်အမြောက်များသည် ၎င်းတို့၏ လိုက်လျောညီထွေရှိသော တိုက်ခိုက်ရေး စွမ်းရည်ကို ချက်ချင်း ဆုံးရှုံးသွားပြီး မျက်ကန်းတစ်ယောက်ကဲ့သို့ ဖြစ်သွားသည်။ ၎င်းတို့ကို လူကိုယ်တိုင် ဆက်လက် ထိန်းချုပ်နိုင်သေးသော်လည်း လူကိုယ်တိုင် ထိန်းချုပ်မှုသည် ကွန်ပျူတာကို မည်သို့မျှ မယှဉ်နိုင်ပေ။</p> <p style="text-align:justify">ကိုချီသင်္ဘော၏ လေကြောင်းရန် ကာကွယ်ရေး ပစ်အားသည် အဆင့်များစွာ ထိုးကျသွားပြီး နောက်ထပ် သင်္ဘောဖျက် ဒုံးကျည် နှစ်စင်းက ကိုချီသင်္ဘောကို အောင်မြင်စွာ ဝင်တိုက်သွားလေသည်။</p> <p style="text-align:justify">သင်္ဘောဖျက် ဒုံးကျည်တစ်စင်းသည် သင်္ဘောအမြီးပိုင်းကို ထိမှန်သွားပြီး ပေါက်ကွဲမှုသည် ဖျက်သင်္ဘော၏ စွမ်းအင်စနစ် အများစုကို ဖျက်ဆီးပစ်လိုက်သည်။ အခြား သင်္ဘောဖျက် ဒုံးကျည်တစ်စင်းသည် ပဲ့ပိုင်း၌ ပေါက်ကွဲသွားသဖြင့် ဧရာမ အပေါက်ကြီးတစ်ခု ဖြစ်ပေါ်လာပြီး ပင်လယ်ရေများ ဆက်တိုက် ဝင်ရောက်လာကာ ကိုချီသင်္ဘောမှာ စတင် တိမ်းစောင်းလာတော့သည်။</p> <p style="text-align:justify">ကပ္ပတိန်က ပျက်စီးဆုံးရှုံးမှု ထိန်းချုပ်ရေး ပြုပြင်မှုများနှင့် ရေချိန်ခွင်လျှာညှိရန် ချက်ချင်း အမိန့်ပေးခဲ့သော်လည်း အချည်းနှီးသာ ဖြစ်သည်။ စစ်သင်္ဘောသည် ပင်လယ်ပြင်ပေါ်တွင် ဖြည်းညင်းစွာ မှောက်ကျသွားပြီး အိန္ဒိယ ရေတပ်စစ်သားများစွာသည် သင်္ဘော၏ ဘေးဘောင်ကို တွယ်ဖက်ထားရင်း ပင်လယ်ထဲသို့ ပြုတ်ကျသွားကြသည်။</p> <p style="text-align:justify">သို့သော် ရေထဲသို့ ကျသွားပြီးနောက် အိန္ဒိယ ရေတပ်စစ်သားများစွာသည် ကူးခတ်ထွက်ပြေးရန် အချိန်မရလိုက်မီ ရုတ်တရက် သူတို့၏ ပတ်ဝန်းကျင်သည် မှောင်မိုက်သွားလေသည်။</p> <p style="text-align:justify">မှောက်ကျလာသော ကိုချီသည် သူတို့ကို ဖုံးအုပ်သွားပြီး သူတို့၏ အသည်းအသန် အော်ဟစ်သံများကြားမှ အေးစက်လှသော သမုဒ္ဒရာ အောက်ခြေဆီသို့ ဆွဲချသွားလေတော့သည်။</p> <p style="text-align:justify">တန်ချိန် ၃,၈၀၀ ရှိသော ဗြဟ္မပုတ္တရ ဖရီးဂိတ်စစ်သင်္ဘောသည်လည်း ကိုချီသင်္ဘော၏ ဘေးကပ်လျက်တွင် ရှိနေပြီး ၎င်း နစ်မြုပ်သွားသည်ကို မျက်မြင်ကိုယ်တွေ့ မြင်လိုက်ရ၏။</p> <p style="text-align:justify">ဤအချိန်တွင် ဗြဟ္မပုတ္တရ ဖရီးဂိတ်စစ်သင်္ဘောသည် ဖရိုဖရဲ ဖြစ်နေသည်။ အဘယ်ကြောင့် ဆိုသော် ကိုချီ၏ လေကြောင်းရန် ကာကွယ်မှု မရှိတော့သဖြင့် ၎င်းတို့၏ သင်္ဘောအမြီးပိုင်း လေကြောင်းရန် ကာကွယ်ရေး ပစ်အားတွင် ပြင်းထန်သော ကွက်လပ်တစ်ခု ပေါ်လာသောကြောင့် ဖြစ်သည်။ </p> <p style="text-align:justify">ထို့အပြင် ၎င်းတို့၏ လေကြောင်းရန် ကာကွယ်ရေး ဒုံးကျည်များသည်လည်း ကုန်ခန်းနေပြီဖြစ်ရာ သင်္ဘောဖျက် ဒုံးကျည် ဆယ်စင်းကျော်သည် သံလိုက်ဖြင့် ဆွဲငင်ခံရသော သံအပ်များကဲ့သို့ ၎င်းတို့၏ ဗြဟ္မပုတ္တရ ဖရီးဂိတ်စစ်သင်္ဘော၏ အမြီးပိုင်းဆီသို့ တစ်စင်းပြီး တစ်စင်း ဝင်စိုက်သွားသည်ကို အကူအညီမဲ့စွာ ရပ်ကြည့်နေရုံသာ တတ်နိုင်တော့သည်။</p> <p style="text-align:justify">စွမ်းအားမြင့် သင်္ဘောဖျက် ဒုံးကျည် ဆယ်စင်းကျော်ကို သူတို့၏ တန်ချိန် ၃,၈၀၀ သာရှိသော ဖရီးဂိတ်စစ်သင်္ဘောလေး မပြောနှင့်။ လေယာဉ်တင်သင်္ဘောပင်လျှင် ခံနိုင်ရည် ရှိမည်မဟုတ်ပေ။</p> <p style="text-align:justify">ဘုန်း… ဘုန်း… ဘုန်း… </p> <p style="text-align:justify">ဗြဟ္မပုတ္တရ ဖရီးဂိတ်စစ်သင်္ဘောသည် တိုက်ပွဲတွင် တတိယမြောက် နစ်မြုပ်သွားသော စစ်သင်္ဘော ဖြစ်လာပြီး ၎င်း၏ နစ်မြုပ်နှုန်းသည် ပို၍ပင် မြန်ဆန်လှသည်။ စစ်သင်္ဘော တစ်စီးလုံးသည် သံတိုသံစများအဖြစ် လုံးဝ ပေါက်ကွဲထွက်သွားပြီး ၎င်း၏ အပေါ်ပိုင်း တည်ဆောက်ပုံ အားလုံး လွင့်စဉ်သွားကာ ကိုယ်ထည်သည် အပိုင်းပိုင်း ဆုတ်ဖြဲခံရပြီး တစ်မိနစ်ပင် မပြည့်မီ ရေအောက်သို့ နစ်မြုပ်သွားလေသည်။</p> <p style="text-align:justify">သို့သော်လည်း ဗြဟ္မပုတ္တရ ဖရီးဂိတ်စစ်သင်္ဘောသည် အထီးကျန်မည် မဟုတ်ပေ။ အဘယ်ကြောင့်ဆိုသော် ချက်ချင်းဆိုသလိုပင် နောက်ထပ် ဖျက်သင်္ဘောများနှင့် ဖရီးဂိတ်သင်္ဘောများစွာ ထပ်မံ နစ်မြုပ်သွားသောကြောင့် ဖြစ်သည်။ အလွန်အမင်း သိပ်သည်းလှသော ဒုံးကျည် ဗုံးကြဲတိုက်ခိုက်မှုကြောင့် သူတို့၏ လေယာဉ်တင်သင်္ဘောအုပ်စု၏ ပစ်ခတ်မှု ကွန်ရက်သည် အရာအားလုံးကို ကာကွယ်ရန် မဖြစ်နိုင်တော့ပေ။</p> <p style="text-align:justify">ကွက်လပ်တစ်ခု ပေါ်လာသောအခါ ရေတပ်စု၏ ဗဟိုတွင် တင်းကျပ်စွာ အစောင့်အရှောက် ခံထားရသော ဗီကရန့် လေယာဉ်တင်သင်္ဘောသည် တိုက်ခိုက်မှု၏ ပစ်မှတ် ဖြစ်လာတော့သည်။</p> <p style="text-align:justify">ဓားရှည်ငါး သင်္ဘောဖျက် ဒုံးကျည်တစ်စင်းသည် လေယာဉ်တင်သင်္ဘော၏ ကိုယ်ပိုင် လေကြောင်းရန် ကာကွယ်ရေး ကွန်ရက်ကို ဖောက်ထွင်းပြီး လေယာဉ်တင်သင်္ဘော၏ ကုန်းပတ်ထဲသို့ တိုးဝင်သွားသည်။</p> <p style="text-align:justify">လေယာဉ်များ ပျံတက်ခြင်းနှင့် ဆင်းသက်ခြင်းကို ခံနိုင်ရည်ရှိသော ကုန်းပတ် သံမဏိ၏ ကြံ့ခိုင်မှုသည် အလွန်မြင့်မားသော်လည်း ဓားရှည်ငါး သင်္ဘောဖျက် ဒုံးကျည်၏ သံချပ်ကာဖောက် ထိပ်ဖူးရှေ့တွင်မူ မလုံလောက်ခဲ့ပေ။</p> <p style="text-align:justify">ဓားရှည်ငါး သင်္ဘောဖျက် ဒုံးကျည်သည် ပျံသန်းရေး ကုန်းပတ်ကို ဖောက်ထွင်းသွားပြီးနောက် လေယာဉ်ရုံ၊ အင်ဂျင်ခန်းတို့ကို ထပ်မံ ဖောက်ထွင်းကာ နောက်ဆုံးတွင် ရေချိုသန့်စင်ခန်း၌ ပေါက်ကွဲသွားလေသည်။</p> <p style="text-align:justify">ဧရာမ ပေါက်ကွဲမှုကြီးသည် ဗီကရန့် လေယာဉ်တင်သင်္ဘောကို အကြိမ်ကြိမ် တုန်ခါသွားစေပြီး လေယာဉ်တင်သင်္ဘော အတွင်းပိုင်း၌ မီးလောင်ကျွမ်းလာကာ လေယာဉ်တင်သင်္ဘော၏ ပတ်ပတ်လည်မှ မီးခိုးထူများ အလိပ်လိုက် ထွက်ပေါ်လာသည်။</p> <p style="text-align:justify">လေယာဉ်တင်သင်္ဘော၏ တံတားဦးပိုင်း ကွပ်ကဲမှုစင်တာတွင် ပေါက်ကွဲမှုနှင့် တုန်ခါမှုအတွင်း ကူးမားသည် စားပွဲထောင့်နှင့် ဆောင့်မိသွားပြီး သူ၏ နဖူးကွဲကာ သွေးများ စီးကျလာသည်။</p> <p style="text-align:justify">"ငါ့ကို ဂရုစိုက်မနေနဲ့။ လေယာဉ်တင်သင်္ဘောရဲ့ အခြေအနေကို သွားစစ်ဆေး... မြန်မြန်"</p> <p style="text-align:justify">ကူးမားသည် ဆေးဘက်ဆိုင်ရာ အရာရှိကို တွန်းဖယ်လိုက်ပြီး သူ၏ အကြည့်သည် တံတားဦးပိုင်းမှ အပြင်ဘက်သို့ လှမ်းကြည့်လိုက်သည်။ ပင်လယ်ပြင်ပေါ်တွင် ဖရီးဂိတ် သင်္ဘောများနှင့် ဖျက်သင်္ဘောများသည် သင်္ဘောဖျက် ဒုံးကျည် ထိမှန်မှုများကြောင့် တစ်စီးပြီး တစ်စီး နစ်မြုပ်နေသည် သို့မဟုတ် ပျက်စီးနေကြသည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save