Book List

<h2 style="text-align: center;">အခန်း (၃၈၀)</h2> <h2 style="text-align: center;">မိစ္ဆာကျင့်ကြံသူ အုပ်စု၊ ရိတ်သိမ်းခြင်း (အပိုင်း ၆)</h2> <h2 style="text-align: center;">*</h2> <p> </p> <p>~ဆေးဖက်ဝင် ဥယျာဉ်ငယ်လေး၏ ကိစ္စအဝဝကို ယွီခယ်အာနှင့် တခြားသူများထံ လွှဲအပ်ခဲ့ပြီးနောက်၊ စုယွီသည် သူ့ကိုယ်ပိုင် သီးသန့် အခန်းဆီသို့ ပြန်လာခဲ့သည်။ အစိမ်းရောင် သစ်သားလက်စွပ် အတွင်းရှိ ချီမြစ် ဂိုဏ်းခွဲ၏ ဘဏ္ဍာတိုက်မှ ရယူလာသော ပစ္စည်းများကို စတင် စီစစ်လေတော့၏။</p> <p> </p> <p>ပစ္စည်းအများစုမှာ လက်နက်သွန်းလုပ်ရာတွင် အသုံးပြုသော ကုန်ကြမ်းပစ္စည်းများ ဖြစ်ကြသည်။</p> <p> </p> <p>သို့သော် ချီမြစ် ဂိုဏ်းခွဲ၏ ဘဏ္ဍာတိုက် အတွင်း၌ သိမ်းဆည်းထားသော ပစ္စည်းများ ဖြစ်သည့်အတွက် အနည်းဆုံးတော့ တတိယအဆင့် အရည်အသွေး ရှိကြပေသည်။</p> <p> </p> <p>ဝိညာဉ်ဆေးပင်နှင့် ဝိညာဉ်သစ်သီးများ၏ ပမာဏမှာမူ နည်းပါးလှသည်။</p> <p> </p> <p>မှော်လက်နက် အရေအတွက်မှာ အနည်းငယ် ပိုများပြီး ထိပ်တန်းအဆင့် မှော်လက်နက် (၁၀၀) ကျော်အပြင်၊ ချီမြစ် မျိုးဆက် ကိုယ်တိုင် သွန်းလုပ်ထားသည့် လက်ရာမြောက် မှော်လက်နက် (၁၃) ခုပင် ပါဝင်သေးသည်။</p> <p> </p> <p>အဆင့်နိမ့် ဝိညာဉ်ကျောက်တုံး (၅) သန်းကျော်နှင့် အလယ်အလတ်အဆင့် ဝိညာဉ်ကျောက်တုံး (၃၀၀၀၀) ကျော်လည်း ရရှိထားသည်။</p> <p> </p> <p>“ဒုတိယအဆင့် အဆောင်လက်ဖွဲ့ ပစ္စည်းတွေကတော့... (၁၀၀၀) ကျော်လောက် ရှိမယ်... တတိယအဆင့် အဆောင်လက်ဖွဲ့ ပစ္စည်းတွေကျတော့ နည်းလွန်းတယ်... (၁၀၀) ဝန်းကျင်လောက်ပဲ ရှိတာ... နည်းလိုက်တာကွာ...”</p> <p> </p> <p>စာရင်းကောက်ယူပြီးနောက် စုယွီ မျက်မှောင် အနည်းငယ် ကြုတ်လိုက်၏။</p> <p> </p> <p>အဆောင်လက်ဖွဲ့ ပစ္စည်းများရော ဆေးဖော်စပ်ရာတွင် သုံးသည့် ပစ္စည်းများပါ ပေါများခြင်း မရှိပေ။</p> <p> </p> <p>ဒီလက်နက်သွန်းလုပ်ရေး ပစ္စည်းတွေကိုတော့ ရုပ်သေးရုပ်တွေ ဖန်တီးသည့် နေရာမှာ သုံး၍ ရနိုင်သေးသည်။</p> <p> </p> <p>သို့သော်၊ ရုပ်သေးရုပ် တစ်ရုပ် ဖြစ်လာဖို့ အချိန်အများကြီး ပေးရဦးမည် ဖြစ်ရာ၊ လောလောဆယ်တွင်တော့ အချိန်အခါ မဟုတ်သေးပေ။</p> <p> </p> <p>ထိုအရာများကို မျိုးတူရာ ခွဲခြား သိမ်းဆည်းပြီးနောက် စုယွီ၏ အကြည့်သည် ကျောက်စိမ်းပြား အပုံလိုက်နှင့် ရှေးဟောင်း ကျောက်စိမ်းသေတ္တာ အချို့ပေါ်သို့ ကျရောက်သွား၏။</p> <p> </p> <p>ထိုရှေးဟောင်း ကျောက်စိမ်းသေတ္တာများမှာ ဖွင့်ဖောက်ထားပြီးသား ဖြစ်သော်လည်း သာမန် သိမ်းဆည်းရုံ သက်သက် ပြန်လည် အသုံးပြုထားခြင်း မဟုတ်ပေ။</p> <p> </p> <p>သူသည် သေတ္တာများအပေါ်ရှိ အကာအကွယ် အခင်းအကျင်းများကို တစ်ခုပြီးတစ်ခု ဖျက်ဆီးကာ ဖွင့်ကြည့်လိုက်သည်။</p> <p> </p> <p>“ဟင်...”</p> <p> </p> <p>အထဲတွင် အဖိုးတန် ဆေးလုံးများ ဖော်စပ်ရာ၌ လိုအပ်သော ပစ္စည်းများ ပါဝင်နေသည်ကို တွေ့လိုက်ရ၏။</p> <p> </p> <p>အခြေခံတည်ဆောက်ခြင်း ဆေးလုံး အတွက် လိုအပ်သော ပစ္စည်းများမှာ လုံလောက်ရုံမက ကောင်းကင်ဆေးလုံးနှင့် ရွှေအမြုတေ ဆေးလုံး ဖော်စပ်ရန် ပစ္စည်းများပင် ပါဝင်နေသေးသည်။</p> <p> </p> <p>နောက်ဆုံး ဖွင့်လိုက်သော သေတ္တာအချို့မှ ထွက်ပေါ်လာသော အငွေ့အသက်က စုယွီကို အံ့သြသွားစေ၏။ ၎င်းတို့မှာ "မူလဝိညာဉ် ဆေးလုံး" ဖော်စပ်ရာတွင် အသုံးပြုသော စတုတ္ထအဆင့် အထောက်အကူပြု ဝိညာဉ်ဆေးပင်များ ဖြစ်နေခြင်းကြောင့်ပင်။</p> <p> </p> <p>“ချီမြစ် ဂိုဏ်းခွဲ ခေါင်းဆောင်ကြီးက မူလဝိညာဉ် ဆေးလုံး ဖော်စပ်ဖို့ ဒီပစ္စည်းတွေကို စုဆောင်းနေတာများလား...”</p> <p> </p> <p>စုယွီ၏ ရင်ထဲတွင် ပျော်ရွှင်မှု လှိုင်းတံပိုးများ ထွက်ပေါ်လာသည်။</p> <p> </p> <p>တကယ့်ကို မထင်မှတ်ထားသည့် ကံထူးမှုပါပဲ။</p> <p> </p> <p>နှမြောစရာ ကောင်းသည်မှာ ထိုပစ္စည်းများထဲတွင် "ရွှေအမြုတေ သစ်သီး" တစ်လုံးမှ ပါမလာခြင်းပင်။</p> <p> </p> <p>သို့သော် "ထိုက်ရွှီ ကြာပန်း" အပါအဝင် ကောင်းကင်ဆေးလုံး တစ်လုံးစာ ဖော်စပ်ရန် လိုအပ်သော ပစ္စည်းအစုံအလင် ကျန်ရှိနေသေး၏။</p> <p> </p> <p>ဒါက လက်ခံနိုင်စရာ ဖြစ်သလို အနည်းငယ်တော့ စိတ်ဖြေသာစရာ ဖြစ်စေသည်။</p> <p> </p> <p>အခြေခံတည်ဆောက်ခြင်း ဆေးလုံးအတွက် ပစ္စည်းများကတော့ ပို၍ များပြားပြီး (၁၀) စုံကျော်လောက်ပင် ရှိ၏။</p> <p> </p> <p>ဒီပစ္စည်းတွေကို ကြည့်ရုံနှင့်တင် အင်အားစု အကြီးနှင့် အသေးကြားက ကွာဟချက်ကို သိသာစေသည်။ အင်အားစု ငယ်လေးတွေ အနေနှင့် ဒီပစ္စည်းတွေကို စုဆောင်းဖို့ အသည်းအသန် ကြိုးပမ်းနေရချိန်မှာ၊ ချီမြစ် ဂိုဏ်းခွဲရဲ့ ဘဏ္ဍာတိုက်ထဲမှာတော့ အချိန်မရွေး ထုတ်သုံးဖို့ အသင့်ရှိနေသော ပစ္စည်း (၁၀) စုံကျော် ရှိနေသည်။</p> <p> </p> <p>သူတို့က တန်ဖိုးကြီးမားလှသော ကောင်းကင်ဆေးလုံး ဖော်စပ်ဖို့ လိုအပ်သည့် ပစ္စည်းတွေကိုတောင် လက်ဝယ်ထားရှိပြီး မသုံးဘဲ သိမ်းဆည်းထားကြသေး၏။</p> <p> </p> <p>ရွှေအမြုတေ သစ်သီးကတော့ အလွန် ရှားပါးပြီး တန်ဖိုးကြီးလွန်းတာကြောင့် ဘဏ္ဍာတိုက်ထဲမှာ အပိုမရှိခြင်း ဖြစ်တန်ရာသည်။</p> <p> </p> <p>သို့သော်၊ သူတို့က စုယွီအတွက် ရွှေအမြုတေ သစ်သီးပင်ကြီး တစ်ပင်လုံးကို လက်ဆောင်ပေးလိုက်ပြီ မဟုတ်ပါလား။</p> <p> </p> <p>ဒါကို ကြည့်ခြင်းအားဖြင့် ထိုက်ရွှီ အင်မော်တယ် မဟာမိတ်အဖွဲ့၏ ချီမြစ် ဂိုဏ်းခွဲသည် အခြေခံတည်ဆောက်ခြင်း အဆင့် ကျင့်ကြံသူများကို လွယ်ကူစွာ မွေးထုတ်ပေးနိုင်ရုံမက၊ ရွှေအမြုတေ အဆင့် အရှင်သခင် တစ်ပါး ဖြစ်လာအောင် ပျိုးထောင်ပေးခြင်းကလည်း သူတို့အတွက် ခက်ခဲသော ကိစ္စ မဟုတ်ကြောင်း ဖော်ပြနေ၏။</p> <p> </p> <p>ရွှေအမြုတေ သစ်သီးပင်ကို လက်ဝယ်ပိုင်ဆိုင်ထားခြင်းဖြင့် ထိုက်ရွှီ အင်မော်တယ် မဟာမိတ်အဖွဲ့သည် ရွှေအမြုတေ အဆင့် ကျင့်ကြံသူများကို အဆက်မပြတ် မွေးထုတ်ပေးနိုင်မည် ဖြစ်သည်။</p> <p> </p> <p>ဒီလို အရင်းအမြစ်တွေ ရှိနေခြင်းက ချီမြစ် မျိုးဆက်၏ အမွေအနှစ်ကို ခိုင်မာစွာ ဆက်လက် တည်တံ့စေမည့် အာမခံချက်ပင်။</p> <p> </p> <p>ဒါပေါ့လေ...၊ဒါက အတိတ်က ဖြစ်ရပ်တွေပင်။</p> <p> </p> <p>အခုတော့ ထိုအရင်းအမြစ်တွေ အားလုံးက စုယွီရဲ့ လက်ထဲကို ရောက်ရှိလာခဲ့လေပြီ။</p> <p> </p> <p>ရှေးဟောင်း ကျောက်စိမ်းသေတ္တာများကို စစ်ဆေးပြီးနောက် စုယွီသည် ကျောက်စိမ်းပြားများဘက်သို့ အာရုံပြောင်းလိုက်၏။</p> <p> </p> <p>ခေတ္တမျှ စစ်ဆေးပြီးနောက် စုယွီသည် စတုတ္ထအဆင့် အဆင့်နိမ့် လက်နက်သွန်းလုပ်ခြင်း ပညာရပ်နှင့် သက်ဆိုင်သော မပြည့်စုံသည့် အမွေအနှစ် တစ်ခုကို တွေ့ရှိလိုက်သည်။ ထို့အပြင် ရှေးဟောင်း စာအုပ်များထဲတွင် ရှေးဟောင်း သွေးရောင် သွန်းလုပ်ရေး အင်မော်တယ် ဂိုဏ်းမှ ဆင်းသက်လာသော လက်နက်သွန်းလုပ်နည်း ပညာရပ်များနှင့် သက်ဆိုင်သည့် သင်ခန်းစာများစွာ ပါဝင်နေ၏။</p> <p> </p> <p>မပြည့်စုံသော စတုတ္ထအဆင့် အဆင့်နိမ့် လက်နက်သွန်းလုပ်ခြင်း ပညာရပ်မှ ကြီးမားလှသော သတင်းအချက်အလက် ပမာဏကို စုပ်ယူပြီးနောက် စုယွီ သတိဝင်လာချိန်တွင် (၂) နာရီကျော်မျှ ကုန်လွန်သွားခဲ့ပြီ ဖြစ်သည်။ သူ သက်ပြင်းတစ်ချက် မှုတ်ထုတ်လိုက်ပြီး မျက်လုံးများကို ဖွင့်လိုက်၏။</p> <p> </p> <p>“ဟူး...”</p> <p> </p> <p>သူ့မျက်ဝန်းများထဲမှ တောက်ပသော အလင်းတန်းတစ်ချက် ဖြာထွက်သွားသည်။ စုယွီ ခပ်တိုးတိုး သက်ပြင်းချလိုက်သည်။</p> <p> </p> <p>အချိန်မလောက်ငသောကြောင့် သူသည် လက်နက်သွန်းလုပ်ခြင်း ပညာရပ်ကို လေ့လာလိုက်စားရန် အစီအစဉ် မရှိခဲ့ပေ။</p> <p> </p> <p>သို့သော် ကံတရားက အခြား အစီအစဉ် တစ်ခု ရှိနေပုံရသည်။ "သွေးရောင် သွန်းလုပ်ရေး ကောင်းကင် လက်နက် ပညာရပ်" ဟု ခေါ်သော မပြည့်စုံသည့် စတုတ္ထအဆင့် အဆင့်နိမ့် လက်နက်သွန်းလုပ်ခြင်း အမွေအနှစ် တစ်ခုကို သူ မမျှော်လင့်ဘဲ ရရှိခဲ့ပြီပင်။</p> <p> </p> <p>ထိုပညာရပ်၏ အဆင့်အတန်းသည် သူ လက်ရှိ ပိုင်ဆိုင်ထားသော ဆေးပညာ၊ အဆောင်လက်ဖွဲ့ ပညာနှင့် ရုပ်သေးပညာ အမွေအနှစ်များထက် မြင့်မားနေ၏။</p> <p> </p> <p>ထပ်မံ အကြံထုတ်မနေတော့ဘဲ...</p> <p> </p> <p>“အချိန်ရမှပဲ ဆက်ပြီး လေ့လာတော့မယ်...” ဟု စုယွီ ကိုယ့်ဘာသာ ရေရွတ်လိုက်သည်။</p> <p> </p> <p>သူသည် အစိမ်းရောင် သစ်သားလက်စွပ် အတွင်းရှိ နေရာလွတ်ကို ရှင်းလင်းလိုက်ပြီး ပစ္စည်းများကို ချန်ခွင်းအိတ် အသီးသီးထဲသို့ ခွဲဝေ သိမ်းဆည်းလိုက်သည်။ နှစ်များစွာ စုဆောင်းလာခဲ့သော ချန်ခွင်းအိတ်ပေါင်း (၁၀၀) ကျော် ရှိနေ၏။</p> <p> </p> <p>ထိုအိတ်များသည် ပစ္စည်းများနှင့် ဝိညာဉ်ကျောက်တုံး အားလုံးကို သိမ်းဆည်းရန် လုံလောက်ပါသည်။</p> <p> </p> <p>လက်စွပ်နှင့် အစိမ်းရောင် သစ်သား နန်းတော် အတွင်းရှိ နေရာလွတ်ကို ရှင်းလင်းပြီးနောက် စုယွီသည် နန်းတော်ထဲမှ ထူးဆန်းသော သားရဲအား ဆင့်ခေါ်လိုက်၏။</p> <p> </p> <p>ထိုသားရဲသည် သိပ်မကြီးမားလှပေ။ ပေအနည်းငယ်မျှသာ ရှိပြီး ကျင့်ကြံခြင်း အဆင့်မှာလည်း ပထမအဆင့် အဆင့်မြင့် သာ ရှိသေးသည်။ ဒုတိယအဆင့် အဆင့်နိမ့် မိစ္ဆာသားရဲလောက်ပင် မစွမ်းဆောင်နိုင်သေးပေ။</p> <p> </p> <p>သို့သော် ၎င်း၏ စိတ်ကြီးပုံကတော့ အထင်ကြီးစရာပင်။ ထွက်ပေါ်လာသည်နှင့် တပြိုင်နက် ၎င်း၏ အနီရောင်သမ်းသော မျက်လုံးများဖြင့် စုယွီကို ဒေါသတကြီး စိုက်ကြည့်ပြီး အော်ဟစ်လိုက်၏။</p> <p> </p> <p>“ဂီး...”</p> <p> </p> <p>၎င်းသည် စုယွီကို မီးဖြင့် မှုတ်ထုတ် တိုက်ခိုက်တော့မည့်ဟန် ပြင်လိုက်သည်။</p> <p> </p> <p>"အုန်း"</p> <p>ရုတ်တရက် ကြောက်မက်ဖွယ် ကောင်းလှသော မီးတောက်တစ်ခု ထွက်ပေါ်လာပြီး လျှို့ဝှက်အခန်း တစ်ခုလုံးကို ချက်ချင်း ပြည့်နှက်သွားကာ ထိုသားရဲကို ဝါးမျိုလိုက်လေသည်။</p> <p> </p> <p>နိဗ္ဗာန် မန္တန်စွမ်းအား ဖြင့် ဖွဲ့စည်းထားသော မီးပင်လယ်ကြီးသည် ကောင်းကင်ဖီးနစ်၏ ကြောက်မက်ဖွယ် အရှိန်အဝါကို ထုတ်လွှတ်နေ၏။ ထိုသားရဲကို မျက်လုံးပြူးကာ စုယွီအား မယုံကြည်နိုင်စွာ ကြည့်စေလိုက်သည်။</p> <p> </p> <p>နောက်တစ်ခဏတွင် ထိုသားရဲ၏ မျက်ဝန်းများထဲ၌ ထိတ်လန့်ကြောက်ရွံ့မှုများ အထင်းသား ပေါ်လာသည်။</p> <p> </p> <p>"ဒုန်း"</p> <p>ထိုသားရဲသည် မြေပြင်ပေါ်သို့ ပျော့ခွေလဲကျသွားပြီး ထိန်းချုပ်မရနိုင်အောင် တုန်ယင်နေလေသည်။</p> <p> </p> <p>မိမိ၏ ဘုရင်တစ်ပါးရှေ့တွင် ဒူးထောက် ခစားနေရသည့်နှယ်။</p> <p> </p> <p>သူ့ရှေ့တွင် တုန်ယင်ကာ ဝပ်ဆင်းနေသော သားရဲကို ကြည့်ရင်း စုယွီက တည်ငြိမ်စွာ မေးလိုက်၏။</p> <p> </p> <p>“မင်း... ငါ့ကို သခင်အဖြစ် အသိအမှတ်ပြုမလား...”</p> <p> </p> <p>သားရဲသည် ခေါင်းမော့ကြည့်လိုက်သည်။ ၎င်း၏ ဉာဏ်ရည်မှာ နိမ့်ကျလွန်းခြင်း မရှိပေ။ စုယွီ၏ ဆိုလိုရင်းကို နားလည်သည်။ ၎င်း၏ စွမ်းအားထက် အဆပေါင်းထောင်ချီ ပိုမို အားကြီးသော ကောင်းကင်ဖီးနစ် အရှိန်အဝါ၏ ဖိနှိပ်မှုအောက်တွင် ထိုသားရဲသည် လုံးဝ မခုခံရဲတော့ဘဲ ခေါင်းကို တဆတ်ဆတ် ညိတ်ကာ အော်ဟစ်လိုက်လေ၏။</p> <p> </p> <p>“ဂီး...”</p> <p> </p> <p>“လက်ခံပါတယ်... ကျွန်တော် လက်ခံပါတယ်…”</p> <p> </p> <p>“ဟင်း... ကောင်းပြီ...”</p> <p> </p> <p>စုယွီ ပြုံးလိုက်ပြီး ရှေ့သို့ ခြေလှမ်းအနည်းငယ် တိုးကာ သားရဲ၏ ခေါင်းပေါ်သို့ လက်တင်လိုက်သည်။ ထို့နောက် "သားရဲထိန်းကျောင်းခြင်း ပညာရပ်" ကို စတင် အသုံးပြုလိုက်၏။</p> <p> </p> <p>သူ၏ လက်ရှိ သားရဲထိန်းကျောင်းခြင်း ပညာရပ်သည် ဒုတိယအဆင့် အလယ်အလတ်တန်းစား သားရဲကိုပင် ထိန်းချုပ်နိုင်စွမ်း ရှိသည်။</p> <p> </p> <p>ဤသားရဲမှာ ပထမအဆင့် အဆင့်မြင့်သာ ရှိသေးသောကြောင့် စုယွီသည် လွယ်ကူစွာပင် ယဉ်ပါးအောင် ပြုလုပ်နိုင်ခဲ့၏။</p> <p> </p> <p>သို့သော် သူ လက်ကို ပြန်မရုတ်လိုက်ပေ။</p> <p> </p> <p> </p> <p> </p> <p>စိတ်အာရုံ တစ်ချက် လှုပ်ရှားလိုက်သည်နှင့် တပြိုင်နက် ဟိန်းသံကြီး တစ်ခု ထွက်ပေါ်လာသည်။</p> <p> </p> <p> လျှို့ဝှက်အခန်း အတွင်း ပြည့်နှက်နေသော နိဗ္ဗာန် မီးတောက်များသည် ထိုသားရဲ၏ ကိုယ်ထဲသို့ အလုံးအရင်းဖြင့် တိုးဝင်သွားကြ၏။</p> <p> </p> <p>“ဘုန်း...”</p> <p> </p> <p>“ဝုန်း...”</p> <p> </p> <p>စုယွီသည် "ကောင်းကင်ဖီးနစ် နိဗ္ဗာန် ကျင့်စဉ်" အား လည်ပတ်လိုက်ပြီး၊ လှိုင်းတံပိုးပမာ ကြီးမားသော နိဗ္ဗာန် စွမ်းအားများကို သားရဲ၏ ကိုယ်ထဲသို့ သွန်းလောင်းပေးနေသည်။ သူ၏ ပြိုင်ဘက်ကင်း နိဗ္ဗာန် စွမ်းအားဖြင့် သားရဲ၏ ခြင်ဆီများကို ဆေးကြော သန့်စင်ပေးလိုက်လေ၏။</p> <p> </p> <p>"ဂီ.."</p> <p>သားရဲသည် နာကျင်စွာ အော်ဟစ်လိုက်သည်။ စုယွီ၏ လက်အောက်တွင် မခံမရပ်နိုင်အောင် နာကျင်မှုကြောင့် ရုန်းကန်နေရှာသည်။</p> <p> </p> <p>သို့သော် နာရီဝက်ခန့်ပင် မကြာလိုက်ပေ။</p> <p> </p> <p>“ဝုန်း...”</p> <p> </p> <p>သားရဲ၏ ခန္ဓာကိုယ်မှ မီးတောက်အသစ် တစ်ခု ထွက်ပေါ်လာ၏။ အစွမ်းထက်သော သက်စောင့်စွမ်းအားများ သယ်ဆောင်ထားသည့် စိမ်းဖျော့ဖျော့ မီးတောက်များသည် သားရဲ၏ သွေးကြောများထဲမှ တဖန် ပြန်လည် နိုးထလာခြင်းပင်။</p> <p> </p> <p>တစ်ချိန်တည်းမှာပင် မူလက ပထမအဆင့် အဆင့်မြင့်သာ ရှိသော သားရဲ၏ အရှိန်အဝါသည် သိသိသာသာ ပြောင်းလဲသွား၏။ ဒုတိယအဆင့် သားရဲ၏ အဟန့်အတားကို ဖောက်ထွက်ကာ ဒုတိယအဆင့် အဆင့်နိမ့် နယ်ပယ်သို့ ရောက်ရှိသွားလေသည်။</p> <p> </p> <p>"ဂီ.."</p> <p>သားရဲသည် ကြည်လင်ပြတ်သားသော အသံဖြင့် အော်ဟစ်လိုက်ရာ အခန်းတစ်ခုလုံး ပဲ့တင်ထပ်သွားသည်။ ငှက်များ၏ ဘုရင်ဟူသော ဂုဏ်ဒြပ်က ပိုမို ပေါ်လွင်လာ၏။</p> <p> </p> <p>စုယွီ၏ လက်အောက်မှ စိမ်းဖျော့ဖျော့ မီးတောက်များဖြင့် ခြံရံထားသော ထိုသားရဲသည် မီးထဲမှ တဖန် ပြန်လည် မွေးဖွားလာသကဲ့သို့ မတ်တတ်ရပ်လိုက်သည်။</p> <p> </p> <p>၎င်း၏ ကိုယ်ပေါ်ရှိ အရှိန်အဝါသည် ဆက်လက် မြင့်တက်နေဆဲပင်။</p> <p> </p> <p>(၆) နာရီခန့် ကြာပြီးနောက် လျှို့ဝှက်အခန်း အတွင်းရှိ လှုပ်ရှားမှုများ ရပ်တန့်သွားပြီး မီးတောက်များလည်း ပျောက်ကွယ်သွား၏။</p> <p> </p> <p>(၈) ပေခန့် မြင့်မားပြီး လှပသော အမွှေးအတောင်များဖြင့် ဖုံးလွှမ်းနေသော ထူးဆန်းသည့် သားရဲတစ်ကောင် စုယွီ၏ ရှေ့တွင် ရပ်နေသည်။ အနီရောင်နှင့် အစိမ်းရောင် အမွှေးများ ရောနှောနေပြီး၊ အမြီးပိုင်းတွင် ခရမ်းရောင်၊ အပြာရောင်နှင့် အစိမ်းရောင် အမွှေးများဖြင့် တန်ဆာဆင်ထားသည်။ ဝိညာဉ်ငှက် တစ်ကောင်နှင့် တူသလို၊ ဝိညာဉ်ကြက် တစ်ကောင်နှင့်လည်း (၃) ပုံ (၁) ပုံခန့် ဆင်တူနေ၏။</p> <p> </p> <p>၎င်းသည် မာန်မာန ထောင်လွှားစွာဖြင့် ခေါင်းမော့ထားပုံမှာ လှောင်ပြောင်နေသော ဝိညာဉ်ကြက် တစ်ကောင်အလားပင်။</p> <p> </p> <p>ထိုသားရဲကို ကြည့်ရင်း စုယွီ ခဏမျှ စဉ်းစားလိုက်ကာ တီးတိုး ရေရွတ်လိုက်သည်။</p> <p> </p> <p>“လိုတာတွေ အများကြီး ရှိနေသေးတယ်... ဒီကောင်လေး ရှေးဟောင်း ကောင်းကင်ဖီးနစ်ရဲ့ ကျက်သရေကို တစွန်းတစလောက် ဖမ်းဆုပ်နိုင်မယ့် အခွင့်အရေးများ ရှိလာမလား...”</p> <p> </p> <p>***</p> <p> </p>


Save