Book List

<h2 style="text-align: center;">အခန်း (၃၈၁)</h2> <h2 style="text-align: center;">အင်မော်တယ်များ၊ နတ်ဘုံနတ်နန်း၊ အင်မော်တယ် ကျင့်စဉ်နှင့် အင်မော်တယ် စာပေများ</h2> <h2 style="text-align: center;">*</h2> <p> </p> <p> </p> <p>~“နောက်ဆို မင်းနာမည်က 'ထိုက်ရွှီ' ပဲ...”</p> <p> </p> <p>စုယွီသည် ထိုထူးဆန်းသော သားရဲကို "ထိုက်ရွှီ" ဟု အမည်ပေးလိုက်သည်။ အကြောင်းမှာ ၎င်းသည် ဇီကွမ်း နယ်မြေရှိ ထိုက်ရွှီ အင်မော်တယ် မဟာမိတ်အဖွဲ့မှ ရောက်ရှိလာခြင်းကြောင့် ဖြစ်သည်။</p> <p> </p> <p> </p> <p> </p> <p>ထို့ပြင် မူလဝိညာဉ် အဆင့် အရှင်သခင်ကြီး ဖြစ်သော ထိုက်ရွှီ မဟာမိတ် ခေါင်းဆောင်ကြီးသည် အားနည်းသူများကို အနိုင်ကျင့်ခဲ့သည့်အတွက် စုယွီက အငြိုးအတေး ထားရှိလေ၏။ ထိုသားရဲကို "ထိုက်ရွှီ" ဟု ခေါ်ဆိုခြင်းဖြင့် ထိုလူကို အမြဲ သတိရနေစေရန် ရည်ရွယ်ခြင်းပင်။</p> <p> </p> <p>အစိမ်းရောင် သစ်သားလက်စွပ် အတွင်းရှိ နေရာလွတ်ကို ရှင်းလင်းပြီးနောက်၊ စုယွီသည် လက်စွပ်ကို တာအိုရုပ်သေးထံ ပြန်ပေးလိုက်၏။ တာအိုရုပ်သေးသည် လော့ယွဲ့ မဟာမိတ်အဖွဲ့ လျှို့ဝှက်နယ်မြေ အပျက်အစီးမှ တဖန် ပြန်လည် ထွက်ခွာသွားလေသည်။</p> <p> </p> <p>ယခုတစ်ကြိမ်တွင်မူ တာအိုရုပ်သေး၏ ဦးတည်ရာ ခရီးလမ်းမှာ ကိုးဝိညာဉ် မိစ္ဆာ နန်းတော် ပိုင်နက်ဆီသို့ ဖြစ်သည်။ ကိုးဝိညာဉ် မိစ္ဆာ နန်းတော်၏ ဖမ်းဆီးခြင်း ခံထားရသော သာမန် စုမိသားစုဝင်များကို ရှာဖွေ ကယ်တင်ရန်ပင်။</p> <p> </p> <p>သို့သော် ထိုခရီးမစတင်မီ ယွင်ကျန်းဂိုဏ်း နယ်မြေသို့ ခဏတာ ဝင်ရောက်ပြီး၊ စုမိသားစုနှင့် ယွင်ကျန်းဂိုဏ်းကို စောင့်ကြည့် ထောက်လှမ်းနေကြသော သူလျှိုများကို ရှင်းလင်း သုတ်သင်ရပေဦးမည်။</p> <p> </p> <p>တာအိုရုပ်သေးသည် လျှို့ဝှက်နယ်မြေမှ ထွက်ခွာသွားပြီးနောက် စုယွီသည် သူ၏ နေ့စဉ် ကျင့်ကြံခြင်း လုပ်ငန်းစဉ်များကို ပြန်လည် စတင်လိုက်၏။</p> <p> </p> <p>သူသည် ဓာတ်ကြီး ငါးပါး ကျင့်စဉ်အပေါ် နားလည်သဘောပေါက်မှုကို မြှင့်တင်ရင်း၊ ဓာတ်ကြီး ငါးပါး ကျင့်စဉ်နှင့် ကိုယ်ခန္ဓာ သန့်စင်ခြင်း နည်းစနစ်များကို ပုံမှန် လေ့ကျင့်လေသည်။ တစ်ချိန်တည်းမှာပင် ဝိညာဉ်သန့်စင်အိုးမှ ရရှိသော ဝိညာဉ်အရည်များကို အသုံးပြု၍ သူ၏ သားရဲများ၊ ကောင်းကင်မိုးကြိုး ကြွက်အုပ်စုနှင့် ရေခဲကြေးခွံ ငါးမျိုးနွယ်စုတို့ကို ပြုစုပျိုးထောင်ပေးလေသည်။</p> <p> </p> <p>ပြင်ပလောကတွင်မူ...</p> <p> </p> <p>တာ့ယွဲ့ နန်းတော်၏ အမိန့်အရ စုဇီသည် တာ့ယွဲ့ အင်မော်တယ် မြို့တော်သို့ ရောက်ရှိလာသည်။ တာအိုဆရာ ရှုဟိုင်၊ ချင်းချွမ်နှင့် ရှုယွီတို့က သူမကို ခရီးဦးကြို ပြုကြသည်။</p> <p> </p> <p>တာအိုဆရာ ရှုယွီသည် ယခုထိတိုင် ဝမ်းနည်းပူဆွေးမှု အရိပ်အယောင် မကင်းသေးသော စုဇီ၏ မျက်နှာကို ကြည့်ကာ သံသယဖြင့် မေးလိုက်သည်။</p> <p> </p> <p>“ဂိုဏ်းချုပ်စုရဲ့ မျက်နှာက သိပ်မကောင်းပါလား... တာအို ဆရာမ ယွီနဲ့ သူ့တပည့်မလေးတို့ ကယ်တင်ခံလိုက်ရပြီလို့ သတင်းကြားပါတယ်... ဘာဖြစ်လို့ ဂိုဏ်းချုပ်စုက စိတ်မချမ်းမသာ ဖြစ်နေရတာလဲ...”</p> <p> </p> <p>စုဇီ မျက်မှောင်ကြုတ်လိုက်ပြီး ပြော၏။</p> <p> </p> <p>“ချန်ချင်း နဲ့ ချီလေး တို့ ပြန်မရောက်လာကြသေးဘူး...”</p> <p> </p> <p>“ပြီးတော့ သူတို့ကို ကယ်သွားတဲ့ လျှို့ဝှက်လူသား ဆိုတာက ဘယ်သူလဲ ဆိုတာလည်း ကျွန်မ မသိရဘူး...”</p> <p> </p> <p>ယခင် ကြုံတွေ့ခဲ့ဖူးသော အတွေ့အကြုံကို ပြန်ပြောင်းသတိရရင်း တာအိုဆရာ ရှုဟိုင်က အကြံပြုလိုက်သည်။</p> <p> </p> <p>“အဲဒီလူက ထိုက်ရွှီ အင်မော်တယ် မဟာမိတ်အဖွဲ့ရဲ့ ရှာဖွေမှုကို ရှောင်တိမ်းဖို့ ပုန်းအောင်းနေတာ ဖြစ်နိုင်ပါတယ်... ဒါကြောင့် ကြန့်ကြာနေတာ နေမှာပါ... အချိန်တန်ရင် သူတို့ ပြန်ပေါ်လာကြမှာပါ...”</p> <p> </p> <p>စုဇီက သက်ပြင်းချလိုက်၏။</p> <p> </p> <p>“ကျွန်မလည်း အဲဒီလိုပဲ မျှော်လင့်ပါတယ်...”</p> <p> </p> <p>ရုတ်တရက် တာအိုဆရာမ ချင်းချွမ်က ဝင်မေးလိုက်သည်။</p> <p> </p> <p>“ဒါနဲ့ တာအိုဆရာ စုယွီကရော... သူ့ဆီက ဘာသတင်းမှ မကြားရဘူးလား...”</p> <p> </p> <p>စုဇီက ခေါင်းယမ်းလိုက်ပြီး ပြန်ဖြေ၏။</p> <p> </p> <p>“ယွီလေးက တံခါးပိတ် ကျင့်ကြံမယ်လို့ ပြောသွားတယ်... အခု သူက ရွှေအမြုတေ အဆင့်ကို ရောက်နေပြီ ဆိုတော့ ရှေ့ဆက်တိုးတက်ဖို့က အရမ်း ခက်ခဲသွားပြီလေ... ဒါကြောင့် မကြာခင် အချိန်အတွင်းမှာတော့ သူ တံခါးပိတ် ကျင့်ကြံရာကနေ ထွက်လာမှာ မဟုတ်ဘူး...”</p> <p> </p> <p>ထိုသို့ ပြောပြီးနောက် စုဇီသည် တာအိုဆရာ ရှုဟိုင်နှင့် ချင်းချွမ်တို့ဘက် လှည့်ကာ မေးမြန်းလိုက်သည်။</p> <p> </p> <p>“အရှင်တို့ နှစ်ယောက်ကရော... ဒီကိစ္စနဲ့ ပတ်သက်ပြီး ဘယ်လို စီစဉ်ထားကြသလဲ...”</p> <p> </p> <p>တာအိုဆရာ ရှုဟိုင်က သက်ပြင်းချလိုက်၏။</p> <p> </p> <p>“ကျွန်တော်တို့လည်း မသေချာသေးပါဘူး... ဒါပေမဲ့ တာအိုဆရာ စု စိတ်ချပါ... ကျွန်တော်တို့ တာ့ယွဲ့ နန်းတော် အနေနဲ့ ထိုက်ရွှီ အင်မော်တယ် မဟာမိတ်အဖွဲ့ နဲ့ တခြား အင်အားစုတွေ တာ့ယွဲ့ နယ်မြေထဲမှာ ထင်ရာစိုင်းတာကို လက်ပိုက်ကြည့်နေမှာ မဟုတ်ပါဘူး... ဒီစာရင်းကို ကျွန်တော်တို့ မကြာခင် ရှင်းရမှာပါ...”</p> <p> </p> <p>စုဇီသည် တာ့ယွဲ့ နန်းတော်တွင် ဆက်လက် နေထိုင်ပြီး တာ့ယွဲ့ နယ်မြေရှိ အင်အားစုများနှင့် ပူးပေါင်းကာ ထိုက်ရွှီ အင်မော်တယ် မဟာမိတ်အဖွဲ့ကို စစ်ပြုရန် ပြင်ဆင်မှုများကို ဆွေးနွေး တိုင်ပင်လေသည်။</p> <p> </p> <p>ယွင်ကျန်းဂိုဏ်း နယ်မြေ။</p> <p> </p> <p>ပျံသန်းရေး ယာဉ်ပျံကို ထိန်းချုပ်မောင်းနှင်ရင်း တာအိုရုပ်သေးသည် ဤနေရာသို့ ပြန်လည် ရောက်ရှိလာ၏။ ထို့နောက် စုမိသားစု၏ ဆေးလုံးမျှော်စင် တောင်တန်းနှင့် ယွင်ကျန်းဂိုဏ်း အနီးတဝိုက်တွင် ပုန်းအောင်းနေသော ကျင့်ကြံသူများနှင့် မိစ္ဆာလမ်းစဉ် ကျင့်ကြံသူများကို တွေ့ကရာ ရှင်းလင်း သုတ်သင်တော့သည်။</p> <p> </p> <p>ဖမ်းမိသူများကို စစ်ဆေး မေးမြန်းပြီး၊ တာ့ယွဲ့ နယ်မြေမှ မဟုတ်သော ကျင့်ကြံသူ မှန်သမျှကို ချက်ချင်း ကွပ်မျက်လိုက်၏။</p> <p> </p> <p>မိစ္ဆာလမ်းစဉ် ကျင့်ကြံသူများ အတွက်မူ အခြေအနေက ပို၍ ရိုးရှင်းသည်။ တွေ့တာနှင့် အသေသတ်သည်။</p> <p> </p> <p>(၂) လ မပြည့်ခင် အချိန်တိုအတွင်း၌...</p> <p> </p> <p>ကျင့်ကြံသူနှင့် မိစ္ဆာ (၁၀၀) ကျော် တာအိုရုပ်သေး၏ လက်ချက်ဖြင့် အသက်ပျောက်ခဲ့ကြရ၏။ ထို့ပြင် မိစ္ဆာတစ်ကောင်၏ ဝိညာဉ်ကို ရှာဖွေ စစ်ဆေးရာမှ တဆင့်၊ သာမန် စုမိသားစုဝင်များကို ဖမ်းဆီးသွားသော မိစ္ဆာအုပ်စုနှင့် ပတ်သက်သည့် သတင်းကို သူ ရရှိလိုက်သည်။</p> <p> </p> <p>ကိုးဝိညာဉ် မိစ္ဆာ နန်းတော်သည် တာ့ယွဲ့ နယ်မြေ အနီးတဝိုက်တွင် အင်အားအကြီးဆုံး မိစ္ဆာအဖွဲ့အစည်း ဖြစ်ပြီး၊ တာ့ယွဲ့ နန်းတော်နှင့် ယှဉ်လျှင် အင်အား မနိမ့်ကျပေ။</p> <p> </p> <p>ကိုးဝိညာဉ် မိစ္ဆာ နန်းတော်၏ ပိုင်နက် နယ်မြေကို "အင်မော်တယ် စံအိမ်တော်" ဟု အမည် မတပ်ထားပေ။ အကြောင်းမှာ ထိုနေရာသည် အဆိပ်မြူများဖြင့် ရစ်ပတ်ရှုပ်ထွေးနေပြီး ဝိညာဉ်စွမ်းအင် ခေါင်းပါးသောကြောင့် ဖြစ်၏။ ထိုနေရာတွင် သာမန် ကျင့်ကြံသူများ မရှိဘဲ၊ မိစ္ဆာလမ်းစဉ် ကျင့်ကြံသူများနှင့် လုယက်သူများသာ စုဝေး နေထိုင်ကြသည်။</p> <p> </p> <p>အချိန်ကြာလာသောအခါ ထိုနေရာကို "ကိုးဝိညာဉ် မိစ္ဆာ တောင်တန်း" ဟု လူသိများလာ၏။</p> <p> </p> <p>ကိုးဝိညာဉ် မိစ္ဆာ တောင်တန်း၏ ဗဟိုချက်ကို သိမ်းပိုက်ထားသော မိစ္ဆာအင်အားစုမှာ ကိုးဝိညာဉ် မိစ္ဆာ နန်းတော် ဖြစ်သည်။</p> <p> </p> <p>ယခုတစ်ကြိမ် စုမိသားစုဝင်များကို ဖမ်းဆီးသွားသော မိစ္ဆာများမှာ ကိုးဝိညာဉ် မိစ္ဆာ နန်းတော်၏ လက်အောက်ခံ "ဝိညာဉ်ကြွေ တောင်တန်း" ဟု ခေါ်သော အဖွဲ့မှ ဖြစ်သည်။</p> <p> </p> <p>ထိုအဖွဲ့၏ ခေါင်းဆောင်မှာ ရွှေအမြုတေ အဆင့် (၆) ရှိသော ဝါရင့် မိစ္ဆာလမ်းစဉ် ကျင့်ကြံသူ ဖြစ်ပြီး၊ လက်အောက်တွင် အားကောင်းမောင်းသန် မိစ္ဆာ (၅၀၀) ကျော် ရှိ၏။</p> <p> </p> <p>ထိုသတင်းကို ရရှိသည်နှင့် တပြိုင်နက် တာအိုရုပ်သေးသည် ယွင်ကျန်းဂိုဏ်း နယ်မြေမှ ချက်ချင်း ထွက်ခွာပြီး ကိုးဝိညာဉ် မိစ္ဆာ တောင်တန်းဆီသို့ ဦးတည်လိုက်လေသည်။</p> <p> </p> <p>သို့သော်...</p> <p> </p> <p>တာ့ယွဲ့ နယ်မြေနှင့် မဝေးလှသော၊ အဆိပ်မြူများ ဖုံးလွှမ်းနေသည့် ကိုးဝိညာဉ် မိစ္ဆာ တောင်တန်းသို့ ရောက်ရှိချိန်တွင်၊ ထိုနေရာ၌ မကြာသေးမီက ဖြစ်ပျက်ခဲ့သော  အပြောင်းအလဲကြီးများကို အတွင်းရှိ မိစ္ဆာများ၏ မှတ်ဉာဏ်မှတဆင့် တာအိုရုပ်သေး သိရှိလိုက်ရ၏။</p> <p> </p> <p>တာအိုရုပ်သေး အလွန်အမင်း အံ့သြသွားပြီး ကိုယ့်ဘာသာ တီးတိုး ရေရွတ်လိုက်မိသည်။</p> <p> </p> <p>“ရှေးဟောင်း မိစ္ဆာ ဘုရင် ဝင်စားသူလို့ ကိုယ့်ကိုယ်ကိုယ် ကြေညာထားတဲ့ လူငယ် မိစ္ဆာကျင့်ကြံသူ တစ်ယောက် ရုတ်တရက် ပေါ်လာပြီး... မိစ္ဆာ တောင်တန်း တစ်ခုလုံးကို ပြောင်းပြန်လှန်ပစ်လိုက်တယ် ဟုတ်လား...”</p> <p> </p> <p>“ပြီးတော့ ‘ငါ့ကို လိုက်နာရင် အသက်ရှင်မယ်... ငါ့ကို ဆန့်ကျင်ရင် သေရမယ်’ လို့တောင် ကြေညာထားတယ်တဲ့လား...”</p> <p> </p> <p>ရှေးဟောင်း မိစ္ဆာ ဘုရင် ဝင်စားသူ...</p> <p> </p> <p>ဒါ အစစ်လား... အတုလား...</p> <p> </p> <p>သို့သော် တာအိုရုပ်သေး အနေဖြင့် ထိုကိစ္စကို အကြံထုတ်နေရန် အချိန်မရှိပေ။ အဘယ်ကြောင့်ဆိုသော် ဝိညာဉ်ကြွေ တောင်တန်း အဖွဲ့သည် ထို ရှေးဟောင်း မိစ္ဆာ ဘုရင် ဝင်စားသူ ဆိုသည့် လူ၏ လက်ချက်ဖြင့် ပျက်စီးသွားပြီ ဖြစ်သောကြောင့်ပင်။</p> <p> </p> <p>ထိုအချက်ကို သိလိုက်ရသောအခါ တာအိုရုပ်သေး၏ မျက်နှာထားသည် မတည်မငြိမ် ဖြစ်သွားပြီး ဝိညာဉ်ကြွေ တောင်တန်း တည်ရှိရာ အရပ်ဆီသို့ အလျင်အမြန် ပြေးလွှားသွားလေသည်။</p> <p> </p> <p>မိစ္ဆာကောင်တွေ သေတာ ရှင်တာကို သူ ဂရုမစိုက်ပေ။</p> <p> </p> <p>သို့သော်၊  အဖမ်းခံထားရသော သူ့ရဲ့ စုမိသားစုဝင်တွေကရော... ဘယ်လို အခြေအနေ ရှိနေပါမည်နည်း။</p> <p> </p> <p>ကိုးဝိညာဉ် မိစ္ဆာ တောင်တန်း အတွင်းပိုင်းသို့ နက်ရှိုင်းစွာ ဝင်ရောက်လာလေ၊ ရှေးဟောင်း မိစ္ဆာ ဘုရင်နှင့် ပတ်သက်သော သတင်းများကို ပိုမို ကြားသိလာရလေ ဖြစ်၏။ ထိုလူသည် ကိုယ်ပိုင် အင်အားစုကို စတင် တည်ထောင်နေပြီး၊ ကိုးဝိညာဉ် မိစ္ဆာ တောင်တန်း အတွင်းရှိ ပါရမီရှိသော မိစ္ဆာများကို ရှာဖွေကာ သူ့လက်အောက်ခံ သို့မဟုတ် မိစ္ဆာအစောင့်အရှောက်များ အဖြစ် ဖိအားပေး သိမ်းသွင်းနေသည်ဟု ဆိုသည်။</p> <p> </p> <p>ဤလုပ်ရပ်သည် ကိုးဝိညာဉ် မိစ္ဆာ နန်းတော်ကို အကြီးအကျယ် ဒေါသထွက်စေ၏။ အကြောင်းမှာ ထိုလူသည် ရက်စက်ကြမ်းကြုတ်ပြီး စည်းကမ်းမဲ့လွန်းကာ၊ ကိုးဝိညာဉ် မိစ္ဆာ နန်းတော် ရှိနေသည်ကိုပင် လျစ်လျူရှုထားသောကြောင့် ဖြစ်သည်။ မိစ္ဆာ အများအပြားလည်း သူ့လက်ချက်ဖြင့် သေဆုံးခဲ့ရပြီးပြီ ဖြစ်သည်။</p> <p> </p> <p>ထိုအထဲတွင် ဝိညာဉ်ကြွေ တောင်တန်း ကဲ့သို့သော ကိုးဝိညာဉ် မိစ္ဆာ နန်းတော်၏ လက်အောက်ခံ အဖွဲ့များလည်း ပါဝင်၏။</p> <p> </p> <p>သို့သော် ထိုလူသည် ရုတ်တရက် ထွက်ပေါ်လာသူ ဖြစ်သဖြင့် ကိုးဝိညာဉ် မိစ္ဆာ နန်းတော်မှာ အကြပ်ရိုက်နေပြီး၊ သူ့ကို လိုက်လံ ဖမ်းဆီး ဝိုင်းရံရန် အစွမ်းထက် မိစ္ဆာများကို စေလွှတ်ထားရလေသည်။</p> <p> </p> <p> </p> <p>***</p> <p> </p>


Save