Book List

<h2 style="text-align: center;">အခန်း (၃၈၃)</h2> <h2 style="text-align: center;">အင်မော်တယ်များ၊ နတ်ဘုံနတ်နန်း၊ အင်မော်တယ် ကျင့်စဉ်နှင့် အင်မော်တယ် စာပေများ (အပိုင်း ၃)</h2> <h2 style="text-align: center;">*</h2> <p>~လွန်ခဲ့သော (၁) နှစ်တာ ကာလအတွင်းမှာ ထိုက်ရွှီသည် ကောင်းကင်မိုးကြိုး ကြွက်တစ်ကောင်ကို ဖမ်းမိတိုင်း မလွှတ်ပေးမီ မိုးကြိုးဖြင့် အကြိမ်ကြိမ် ပစ်ခတ်ခိုင်းလေ့ ရှိ၏။</p> <p> </p> <p>မိုးကြိုးစွမ်းအင်ဖြင့် အကြိမ်ကြိမ် ဆေးကြောခံရဖန် များလာသောအခါ ထိုက်ရွှီသည် မိုးကြိုးဒဏ်ကို ခံနိုင်ရည် ရှိလာရုံမက၊ ထိုအရသာကိုပါ နှစ်ခြိုက်သဘောကျလာလေသည်။</p> <p> </p> <p>သူ့ပုံစံက မိုးကြိုးစွမ်းအားအောက်မှာ အလွန် ဇိမ်တွေ့နေသည့် ပုံပင်။</p> <p> </p> <p>သို့သော် ထိုသို့ ဇိမ်တွေ့နေချိန်တွင် ထွက်ပေါ်လာသော အသံဗလံများကြောင့် စုယွီ၏ မျက်ခမ်းများ တဆတ်ဆတ် လှုပ်သွားရသည်။</p> <p> </p> <p>သူသည် ကောင်းကင်မိုးကြိုး ကြွက်ဘုရင်ကို လက်ကာပြလိုက်ပြီး ပြောလိုက်၏။</p> <p> </p> <p>“သွားကြတော့... ကောင်းကောင်း ကျင့်ကြံကြ...”</p> <p> </p> <p>“ဟုတ်ကဲ့ပါ သခင်ကြီး...”</p> <p> </p> <p>ကောင်းကင်မိုးကြိုး ကြွက်ဘုရင်သည် ကြွက်အုပ်စုကို ဦးဆောင်ကာ မြေကြီးထဲသို့ တိုးဝင်သွားပြီး လျင်မြန်သော အရှိန်ဖြင့် ပျောက်ကွယ်သွားကြတော့သည်။</p> <p> </p> <p>ထို့နောက်...</p> <p> </p> <p>စုယွီသည် သူ ယဉ်ပါးအောင် မွေးမြူထားသော မြေကမ္ဘာ မီးလျှံမျောက်ဝံ၊ အမွှေးနက် လင်းယုန်၊ ကောင်းကင် စိမ်းပြာ စပါးအုံးမြွေ တို့ကို ဆင့်ခေါ်လိုက်ပြီး၊ တစ်ကောင်လျှင် တတိယအဆင့် ထိပ်တန်း ဝိညာဉ်အရည် တစ်စက်စီ တိုက်ကျွေးလိုက်သည်။ ပြီးနောက် သူတို့ကို လွတ်လပ်စွာ ကျင့်ကြံရန် ခွင့်ပြုပေးလိုက်၏။</p> <p> </p> <p>နောက်ဆုံးမှ ရောက်လာသူမှာ တိမ်တိုက်ကျား မကြီးနှင့် ဟူတာ၊ ဟူအာ တို့ ဖြစ်သည်။ စုယွီသည် တိမ်တိုက်ကျား မကြီးထံသို့ ကျောက်စိမ်းပုလင်း တစ်လုံး ပေးအပ်လိုက်သည်။ ထိုပုလင်းထဲတွင် တတိယအဆင့် ထိပ်တန်း ဝိညာဉ်အရည် အစက် (၁၀၀) ပါဝင်၏။</p> <p> </p> <p>သူမ ကိုယ်ပိုင် ကျင့်ကြံခြင်း အတွက် သုံးစွဲရုံသာမက၊ ဟူတာ နှင့် ဟူအာ တို့ကိုပါ မျှဝေ တိုက်ကျွေးနိုင်ရန်ပင်။</p> <p> </p> <p>ယခုအခါ ဟူတာ နှင့် ဟူအာ တို့ နှစ်ကောင်စလုံးသည် ဒုတိယအဆင့် အဆင့်မြင့် နယ်ပယ်သို့ ရောက်ရှိနေပြီ ဖြစ်ပြီး၊ သူတို့၏ တိုးတက်မှုနှုန်းမှာ အလွန် မြန်ဆန်လှသည်။</p> <p> </p> <p>သူတို့ ဘယ်အချိန်လောက်များ တတိယအဆင့် မိစ္ဆာသားရဲ အဖြစ် ထိုးဖောက် အောင်မြင်မလဲ ဆိုတာကိုတော့ မသိရသေးပေ။</p> <p> </p> <p>အကယ်၍ သူတို့သာ အောင်မြင်သွားခဲ့လျှင် ဤ ကျားမိသားစု သုံးကောင်စလုံးသည် တတိယအဆင့် မိစ္ဆာသားရဲများ ဖြစ်လာကြပေလိမ့်မည်။</p> <p> </p> <p>ထို့နောက် စုယွီသည် ခြံဝင်းအတွင်းရှိ လျှို့ဝှက်ခန်းထဲသို့ ပြန်ဝင်လာခဲ့၏။</p> <p> </p> <p>သူသည် တင်ပျဉ်ခွေ ထိုင်လိုက်ပြီး ဝိညာဉ်သန့်စင်အိုးကို ထုတ်ယူလိုက်သည်။ အိုးထဲတွင် သန့်စင်နေသော တတိယအဆင့် ထိပ်တန်း ဝိညာဉ်အရည် ရှိနေပြီး၊ စတုတ္ထအဆင့်သို့ ရောက်ရန် ဆံချည်မျှင် တစ်မျှင်စာသာ လိုတော့၏။</p> <p> </p> <p>ထို ဝိညာဉ်အရည်၏ ဗဟိုချက်တွင် သစ်သီးစေ့ အမြုတေ တစ်ခုသည် စိမ်းဖျော့ဖျော့ အလင်းရောင်များ ထုတ်လွှတ်လျက် ရှိသည်။</p> <p> </p> <p>ကြီးမားသော အသက်စွမ်းအား တစ်ခုသည် ထို သစ်သီးစေ့ အမြုတေထဲမှ ထွက်ပေါ်လာပြီး၊ ထိုက်ရွှီ အင်မော်တယ် မဟာမိတ်အဖွဲ့၏ ချီမြစ် ဂိုဏ်းခွဲမှ စုယွီ သယ်ဆောင်လာခဲ့သော ရွှေ‌ဓာတ် သစ်သီးပင်၏ အသက်စွမ်းအားထက်ပင် များစွာ သာလွန်နေသည်။</p> <p> </p> <p>ရွှေ‌ဓာတ် သစ်သီးပင်သည် ထိပ်တန်း ဝိညာဉ်အပင် ဖြစ်ပြီး ရှားပါး ရတနာ တစ်ပါးဟု သတ်မှတ်နိုင်၏။</p> <p> </p> <p>သို့သော် ဤ သစ်သီးစေ့ အမြုတေမှ ထွက်ပေါ်နေသော အသက်စွမ်းအားနှင့် နှိုင်းယှဉ်လိုက်လျှင် အဆင့်အတန်းချင်း ယှဉ်၍ပင် မရနိုင်ပေ။</p> <p> </p> <p>လွန်ခဲ့သော (၁) နှစ်တာ ကာလအတွင်း ဤ သစ်သီးစေ့ အမြုတေသည် တတိယအဆင့် ဝိညာဉ်အရည် အမြောက်အမြားကို စုပ်ယူခဲ့ပြီး၊ ၎င်း၏ အသက်စွမ်းအားသည်လည်း အဆမတန် ခိုင်မာ အားကောင်းလာခဲ့သည်။</p> <p> </p> <p>စုယွီသည် ၎င်းကို ကြည့်ရှုပြီးနောက် ဝိညာဉ်သန့်စင်အိုး ထဲမှ ထုတ်ယူလိုက်၏။ ထို့နောက် ဓာတ်ကြီး ငါးပါး မန္တန်စွမ်းအားကို လည်ပတ်၍ ထိုအထဲသို့ စီးဝင်စေလိုက်သည်။ ဓာတ်ကြီး ငါးပါး မန္တန်စွမ်းအားတွင် ဝိညာဉ်အရည်၌ မပါဝင်သော "သစ်သား‌ဓာတ် မန္တန်စွမ်းအား" ပါဝင်သည်။</p> <p> </p> <p>ဤ မန္တန်စွမ်းအားသည် သစ်သီးစေ့၏ အသက်စွမ်းအား ကြီးထွားလာစေရန်အတွက် အလွန် အသုံးဝင်၏။</p> <p> </p> <p>နာရီဝက်ကျော် ကြာပြီးနောက်၊</p> <p> </p> <p>စုယွီသည် မန္တန်စွမ်းအား သွန်းလောင်းခြင်းကို ရပ်တန့်လိုက်သည်။ သစ်သီးစေ့ အတွင်းမှ ပိုမို ထက်မြက်လာသော အသက်စွမ်းအားကို ခံစားမိလိုက်ပြီးနောက်၊ သူသည် ထိုအစေ့ကို ဝိညာဉ်သန့်စင်အိုး ထဲသို့ ပြန်ထည့်လိုက်ကာ တတိယအဆင့် ဝိညာဉ်အရည်များဖြင့် ဆက်လက် ပြုစုပျိုးထောင်ထားလိုက်၏။</p> <p> </p> <p>“ဒီအစေ့ရဲ့ အသက်စွမ်းအားက မကြာခင် ပြည့်စုံခြင်း အဆင့်ကို ရောက်တော့မယ်...”</p> <p> </p> <p>စုယွီ တွက်ချက်လိုက်သည်။</p> <p> </p> <p>ထို့နောက် သူသည် လက်ထဲရှိ မပြီးပြတ်သေးသော အဆောင်လက်ဖွဲ့ ရတနာ အချို့ကို ဆက်လက် ပြုလုပ်လေသည်။</p> <p> </p> <p>အားလုံး ပြီးစီးသွားသောအခါ စုယွီသည် တတိယအဆင့် ဝိညာဉ်အရည် တစ်စက်ကို မျိုချလိုက်ပြီး၊ ဓာတ်ကြီး ငါးပါး ကျင့်စဉ်ကို လည်ပတ်ကာ ထိုနေ့အတွက် ကျင့်ကြံခြင်းကို စတင်လိုက်လေ၏။</p> <p> </p> <p>“ဝုန်း... ဝုန်း... ဝုန်း...”</p> <p> </p> <p>ကောင်းကင်နှင့် မြေကြီးကြားမှ ကြွယ်ဝသော ဝိညာဉ်စွမ်းအင်များသည် စုစည်းလာပြီး သူ့ထံသို့ အလုံးအရင်းဖြင့် တိုးဝင်လာကြသည်။</p> <p> </p> <p>တစ်နာရီကျော်ကြာ ကျင့်ကြံပြီးနောက် စုယွီသည် သက်ပြင်းတစ်ချက် ဖြည်းညှင်းစွာ မှုတ်ထုတ်လိုက်ပြီး ဓာတ်ကြီး ငါးပါး ကျင့်စဉ် လည်ပတ်နေမှုကို ရပ်တန့်လိုက်သည်။ သူ၏ အကြည့်က ကျွမ်းကျင်မှု မျက်နှာပြင် ပေါ်သို့ ရောက်ရှိသွားသည်။</p> <p> </p> <p>[ အမည် - စုယွီ ]</p> <p> </p> <p>[ ကျင့်ကြံခြင်း အဆင့် - ရွှေအမြုတေ အဆင့် (၂) ]</p> <p> </p> <p>[ သက်တမ်း - (၁၄၁) / (၉၇၀) နှစ် ]</p> <p> </p> <p>[ ကျင့်စဉ်များ - ဓာတ်ကြီး ငါးပါး ကျင့်စဉ် (ရွှေအမြုတေ အဆင့် - ၂ ၊ ကျွမ်းကျင်မှု ၆၆.၆၈%) ၊ မိကျောင်းမိစ္ဆာ ၁၀၈ ကွက် ကိုယ်ခန္ဓာ သန့်စင်ခြင်း ကျင့်စဉ် (အဆင့် - ၂၁ ၊ ကျွမ်းကျင်မှု ၂၁.၁၁%) ၊ သွေးဝေလငါး လမင်းမြို နည်းစနစ် (အဆင့် - ၃ ၊ ကျွမ်းကျင်မှု ၂၀%) ]</p> <p> </p> <p>[ သိုင်းနည်းစနစ်များ - သစ်နွယ်ရှင် (ပြီးပြည့်စုံခြင်း) ၊ ဝိညာဉ်ပျိုးထောင်ခြင်း (ပြီးပြည့်စုံခြင်း) ... ရေခဲနှင့် မီး ဝိညာဉ်ဆင့်ခေါ်ခြင်း (ပြီးပြည့်စုံခြင်း) ၊ နဂါးပျံ ဖီးနစ်ကကြိုး (ပြီးပြည့်စုံခြင်း) ၊ ရေခဲနှင့် မီး ငရဲဘုံ (ပြီးပြည့်စုံခြင်း) ၊ ယင်ယန် ထွက်ပြေးခြင်း (ပြီးပြည့်စုံခြင်း) ]</p> <p> </p> <p>“ဓာတ်ကြီး ငါးပါး ကျင့်စဉ်က ကျွမ်းကျင်မှု (၆၆) ရာခိုင်နှုန်းတောင် ရောက်နေပြီပဲ...”</p> <p> </p> <p>စုယွီသည် ကျွမ်းကျင်မှု မျက်နှာပြင်ကို ကြည့်ရင်း စဉ်းစားလိုက်သည်။ တတိယအဆင့် ဝိညာဉ်အရည်များကို သုံးစွဲခြင်းက သူ့ကျင့်ကြံနှုန်းကို အမှန်တကယ် မြန်ဆန်စေခဲ့သည်။</p> <p> </p> <p>ဤနှုန်းထားအတိုင်း ဆိုလျှင် ရွှေအမြုတေ အဆင့် (၃) သို့ တက်လှမ်းရန် နောက်ထပ် (၄) နှစ်ခန့်သာ လိုတော့သည်။</p> <p> </p> <p>ဒီ ကျင့်ကြံနှုန်းက နှေးကွေးသည်ဟု ပြော၍ မရပေ။</p> <p> </p> <p>သူ၏ ကိုယ်ခန္ဓာ သန့်စင်ခြင်း ကျွမ်းကျင်မှုကလည်း တိုးတက်လာခဲ့ပြီး၊ ယခု သူ၏ အသက်မှာ (၁၄၁) နှစ် ရှိလေပြီ။</p> <p> </p> <p>ယေဘုယျအားဖြင့် ကြည့်လျှင် သူ၏ ကျင့်ကြံခြင်း အဆင့်အတန်းသည် ပုံမှန် တိုးတက်နေသည်။</p> <p> </p> <p>ကျင့်ကြံခြင်း ပြီးဆုံးသွားသောအခါ စုယွီသည် လော့ယွဲ့ မဟာမိတ်အဖွဲ့ လျှို့ဝှက်နယ်မြေ အပျက်အစီးထဲရှိ အခြား ပင်မတောင်ထွတ်များကို စဉ်းစားလိုက်မိ၏။ ထိုတောင်ထွတ် ထက်ဝက်ခန့်ကို သူ သွားရောက် ရှာဖွေခြင်း မပြုရသေးပေ။ အဘယ်ကြောင့်ဆိုသော် သူ လက်ရှိ ပိုင်ဆိုင်ထားသော အရင်းအမြစ်များက သူ့ကျင့်ကြံခြင်း အတွက် လုံလောက်မှု ရှိနေသောကြောင့် ဖြစ်သည်။</p> <p> </p> <p>ကျန်ရှိနေသော တောင်ထွတ်များသည် အန္တရာယ် ကင်းသည်တော့ မဟုတ်ပေ။ မူလ လျှို့ဝှက်နယ်မြေထဲမှ မိစ္ဆာသားရဲများ ရှိနေနိုင်သလို၊ ကျန်ရစ်ခဲ့သော တားမြစ်ပိတ်ဆို့မှုများ နှင့် အခင်းအကျင်းများသည်လည်း အလွန် အန္တရာယ် များလှသည်။</p> <p> </p> <p>မသေချာ မရေရာသော အခွင့်အရေးများ အတွက် သူ၏ ခန္ဓာကိုယ် အစစ်ကို ရင်းပြီး စွန့်စားစရာ မလိုပေ။</p> <p> </p> <p>‘ယဉ်ပါးပြီးသား သားရဲ တစ်ကောင်ကောင် ပြန်ရောက်လာမှပဲ လွှတ်ပြီး ရှာခိုင်းရမယ်…’’</p> <p> </p> <p> </p> <p>စုယွီ တွေးလိုက်၏။</p> <p> </p> <p>“ဒီ လော့ယွဲ့ မဟာမိတ်အဖွဲ့ လျှို့ဝှက်နယ်မြေ အပျက်အစီးထဲက အကြီးမားဆုံး အခွင့်အရေး ဆိုတာ ဘာများ ဖြစ်မလဲ... ဆက်ခံသူ တစ်ယောက်လား... ရတနာ တစ်ပါးလား... ဒါမှမဟုတ် ဘာမှ မရှိတာလား...”</p> <p> </p> <p>ရွှေကျောက်စိမ်း နတ်ဘုရား ဂိတ်တံခါး အပျက်အစီးတုန်းကတော့ အဓိက ရတနာ သုံးပါး ရရှိခဲ့သည်။ "ရွှေပိုးကောင် နိယာမ" ၊ "ရုပ်သေးဝိညာဉ်" နှင့် ပျက်စီးနေသော စတုတ္ထအဆင့် ရုပ်သေး အစိတ်အပိုင်းများ ဖြစ်၏။</p> <p> </p> <p>သူက ဒီ လော့ယွဲ့ မဟာမိတ်အဖွဲ့ လျှို့ဝှက်နယ်မြေကို အကုန်အစင် မရှာဖွေရသေးသဖြင့်၊ အတွင်းထဲတွင် ရှိနေမည့် "ပင်မ ရတနာ" က ဘာလဲ ဆိုတာကို တကယ် မသိသေးပေ။</p> <p> </p> <p>သိုင်းနည်းစနစ် တစ်ပုဒ်လောက်ပဲ ရမယ် ဆိုရင်တောင်မှ သူ့အတွက်တော့ "ပင်မ ရတနာ" ဟု သတ်မှတ်နိုင်ပါသည်။</p> <p> </p> <p>ဘယ်လိုပဲဖြစ်ဖြစ် စုယွီက လောဘကြီးသူ မဟုတ်ပေ။</p> <p> </p> <p>နောက်ထပ် (၂) လ ကုန်ဆုံးသွားခဲ့ပြန်၏။</p> <p> </p> <p>*</p> <p> </p> <p> </p> <p>ဤညသည် လပြည့်ည ဖြစ်သည်။</p> <p> </p> <p>အေးစက်ပြီး ကြည်လင်သော လရောင်သည် ပိုးသားပါးပါး လွှမ်းခြုံထားသကဲ့သို့ ခြံဝင်းအတွင်း ဖြာကျနေ၏။</p> <p> </p> <p> </p> <p> </p> <p>လျှို့ဝှက်ခန်း အတွင်း၌ ရှိနေသော စုယွီသည် ရုတ်တရက် နိမိတ်တစ်ခုကို ခံစားလိုက်ရပြီး၊ ဝိညာဉ်သန့်စင်အိုး ထဲမှ သစ်သီးစေ့ အမြုတေကို ကပျာကယာ ထုတ်ယူလိုက်သည်။ ၎င်းကို တတိယအဆင့် ဝိညာဉ်အရည်များကြားတွင် စိမ်ထားခြင်းပင်။</p> <p> </p> <p>ထို သစ်သီးစေ့ အမြုတေ ထွက်ပေါ်လာသည်နှင့် တပြိုင်နက်၊ ၎င်း၏ ပတ်ဝန်းကျင်ရှိ ဟင်းလင်းပြင် လေထုထဲတွင် အားလှိုင်းများ ထွက်ပေါ်လာ၏။</p> <p> </p> <p>စိမ်းဖျော့ဖျော့ အလင်းရောင် တစ်ချက် ယှက်ဖြာသွားပြီးနောက်၊ စုယွီကို မျက်နှာပျက်သွားစေနိုင်လောက်သည့် ကြီးမားသော အသက်စွမ်းအားကြီး တစ်ခုသည် သစ်သီးစေ့ အမြုတေထဲမှ ဖြာထွက်လာလေတော့သည်။</p> <p> </p> <p>***</p> <p> </p>


Save